2004 年 10 月 25 日 星期一 【晴】

今朝早發左個惡夢….超恐怖,嚇醒咁樣….夢見俾人爆樽,醒時重睇下自己個頭係唔係真係無事…..
食個野就去左去左五低最後一次練presentation….明明已經讀熟了,但偏偏練的時候就唔記得了…..勁驚到時會唔記得d野,口啞啞…..
第一組present呢….我重要係第一個講的…..出奇地講得好流暢,無mug點停….後來d人重話我講得快過頭呢…..梁正和shelia的present都無問題……Q&A 的人無mug野好問,一來可能d人arm arm入來都唔知我地係到做緊mug,二來我地d野fact多,而且避重就輕咁講,detail野又唔係好講,所以d人問唔到我地d mug…..最後professor同埋一個同學問左d野,但都唔係我果part的,唔駛我去答……哈哈,可能係我果part d野都係無mug好問,或者d野有d深入個頭去個structure同埋d我都係一知半解gei process ,d人唔識問掛…..平心而論,我地present真係唔錯…其他組有d prepare不足,有d較頹了……
之後lab quiz,之前再溫多次…….但係都唔識,因為俾個dem陰左,考d lab manual無gei野或者係lab manual有,但係個lab無做過gei野…..整…..20分滿分,頭一part 10分我都唔知有無3分,真係整佢…..
返宿本來想溫書,但係好累,訓了……諗住dick dick會打來叫我去食飯,但係佢又無打,我又唔知醒……成8點先起身……去左馬鞍山食呢…..好在最後唔駛一個人食^^……
返來做野了…..

>>October 25, 2004 at 4:57:47 PM GMT+8

2004 年 10 月 23 日 星期六 【晴】

今日繼續做野…..明日present了,梗係記熟d講詞啦……見到兩份report又長又唔知做mug,一睇完就唔想做了….
下晝去左rehearsal個presentation…..都ok gei,如果唔緊張的話…….最怕一緊張就唔知自己講mug了…..我地present都唔頹gei,希望唔好俾人插啦….
之後都係搞present,做report,溫lab quiz…..好多野做….
隻腳好鬼痛,行兩步痛一野…..整…..

>>October 24, 2004 at 1:34:41 PM GMT+8

2004 年 10 月 22 日 星期五 【晴】

一早返中大交表….今日deadline啦…..唔知係唔係deadline的關係,我交表時撞到歐俊,阿安,vincent,加埋frank…..全部都係bichem的….
之後俾埋d野人飛返文林拎衫再去嶺南踢波…比賽對MSE呢…..今日都ok曬,不過都無關係,因為都係繼續坐冷版,再曬我都係好似在北極中…..自從對physics之後,又於d mid term同功課繁重,已經很少運動同踢波了,對IE重拉傷埋,arm arm先好番,之前幾個星期幾乎係空白期,只是一時同d friend去樓下頹踢兩野就走…..對PSY時,derek又踢得唔錯wor,所以我又再無得踢正選了……MSE的確係唔勁,上半場山雞同derek各入一球,已經2比0贏緊上半場了….不過歐俊一開始諗住繼續用derek唔出我的,果陣真的有d興,今個暑假成日練波,做完lab有時間就去練,今日重要放低d功課來,又唔係唔夠人wor,見我得個睇字,就算想踢番場爭氣波都無機會,真係唔多好受……下半場開波都唔知有冇5分鐘,祖利同埋山雞再入一球,歐俊見贏緊了,就出我吧….之後我同allen再入兩球呢,雖然有入球,但踢得不太好呢,成日控唔定個波,又唒左兩球機會……不在狀態呢,同一個月前差很遠,球感有些偏差,反應都有d慢,看來傷好番還要些時間回復呢….
經過今日,開始有d明白歐俊唔用我的原因吧….我想是踢法的問題……歐俊的足球理念比較實際同簡單,同我的較花巧的踢法有很大出入….derek那種是很衝撞型的踢法,而且埋門的能力都比較好,係一種剛而實在的踢法…..而我那種是較柔的踢法吧….往往都是避重就輕,不非必要都不同人硬來,都是因為無身位的關係….同常都是以速度同技巧取勝,可能會有華而不實的感覺…..不過這種踢法比較有創作性吧…..你有多個選擇,不用死板板的交波…..點都好,坐冷板是事實,我想是要配合球隊吧…..有時總覺得好勝心太高,是不太好的,可能會俾人串的感覺,但我想這也是我能進步的原因吧……正唔正選都唔怕,其實只要我有機會落場就行了,最少也能給我這機會吧,因為我不能忍受座上客而什麼都做不到的無奈….
返屋企做org chem….出奇地唔識做的問題,今日一睇就識了….做的都ok快…..
夜晚同豐聯的人再踢….我地俾人挑機呢,咁無理由示弱ga…..一開始己經贏緊對手4比1了,諗住今次都win緊啦,點知大家的體力太差,對手又車輪戰,贏變輸….
又傷了….arm arm先好番又傷多次…..唉,又要養傷….下場超聯都不知能否上陣呢…..利期真黑仔……

>>October 23, 2004 at 5:50:36 PM GMT+8

2004 年 10 月 21 日 星期四 【晴】

今日成日都好眼訓的…..
做presentation睇埋d paper,順手諗下我應該到時點講….d paper又難明,我又唔知我講d野有冇錯,最驚就係俾人Q&A俾人插…..
搞左成日,做左好少野….下星期d report ar, ccfyp, lab quiz都未搞過….
夜晚做到咁上下,就睇下d org chem assignment,一如上星期,都係唔識做….shit…
又好得幾快wor,快過打針同食藥…..

>>October 22, 2004 at 5:08:51 PM GMT+8

2004 年 10 月 20 日 星期三 【晴】

破財的一日…..
起身上左一堂好悶的mol bio….去左交報ilets的錢….要俾成千一蚊ar!!!,雖然話refund姐,但都係成年後gei事啦,無錢ar….
嘩,今日要交下星期一presentation的powerpoint了,梁正佢地落左堂重好努力咁整緊…我都幫下手咁啦,但係佢地做得好嚴謹的,相對我那幾張就較簡單了…..
同dick dick食飯的時候,由於我兩坐長桌上,隔離重有好多位…..跟住成班biochem的postgrad就坐埋來了….最緊要的係d postgrad係我識的,坐我隔離的係我上年dem我做meta lab的postgrad….同桌上重有我做fyp果兩個同我有d唔多arm的postgrad…..無法gei,唔通走咩,同dick dick快d食完就走了…感覺很不自然呢….
之後上左無聊gei tutorial….點tutorial ar,書都未溫,問mug…..收番上次做lab的report….都唔錯ar,不枉我花d時間去做….
返左宿休息…..星期一到四交左四份野,真係唔好話唔累…..
拎左去睇concert的飛了….要幫權哥d friend俾埋錢…..又用左成六百蚊…..整,破產都來,要拎綜緩啦….
又同dick dick食dinner…我地去左美心食…..哈,食左個類似盆菜的野,超多野食,兩個人都食唔哂,好浪費…..
要去cc的陸運會代表文華去跑4x100……諗住9點半跑,10點就走啦,點知delay左成個鐘先開始…..文華出左兩男兩女,而我跑第二棒…..一共有6隊參加,其中一見應林同何宿兩隊已經知係屈機的了….比賽不久開始了,我係最後一個的接棒的…..為左追番我失去的時間,係咁去….好在同我跑第二棒的,得我同應林的係男仔,其他四個都係女仔,所以雖然讓左佢地十幾二十米,但還是追得番個第三交棒,不過都係覺得今晚跑得不太好,可能利幾排成日做野,少左運動,跑的時候始終有d不暢順,睇來都係做下運動好….不過跑步同踢波的跑真係唔同,踢波要求係起步同埋變速,利樣都有,但係跑步要講全速,利樣我就不行了…..最後大隻ray已第三過終點,不過都好在ga啦,因為我見第四果個同佢應該係差唔夠半秒…..拎住個季軍的獎牌,哈,係我大學第一個,都係最後一個的獎了….
返宿執埋就返屋企了…..
今日打親電話唔係人地上堂,就係我上堂,一唔係就係人地唔得閒聽電話,真係低b…休息多d,快d好番^^

>>October 21, 2004 at 5:54:11 PM GMT+8

2004 年 10 月 20 日 星期三 【晴】

今日上兩堂jar….雖然係咁,但都有好多野要做….
組聚過後重要去做埋immune report的手尾….搞掂了後返宿整下powerpoint….個present得15分鐘,又得果十幾張slide,即係要我d powerpoint重點的整,將d我最想話俾人知的放入去…..諗左好耐,我果part應該係點講,講d mug….但係都無mug頭緒,唔知重點應該放係邊…..
同梁正做到6點幾….大致諗到重點,但又怕俾人插,因為講得大深,我都唔多識啦,人地一問就真係唔識點答了…..
返到宿,諗住整埋d powerpoint,但諗起要傾cc fyp…就係咁,本來想溫immune的大計就沒有了….
想看星的…..唔知抽唔抽得中…..不過有dick dick,我諗同佢講下,就會抽中ga啦^^….感謝你同我無聊這麼久……

>>October 20, 2004 at 6:34:14 PM GMT+8

2004 年 10 月 19 日 星期二 【晴】

尋晚做chem做到成3點,但係都係有題唔識做…
今朝上左堂啦…..走左3個星期堂,終於上番堂了…..雖然好眼訓,但都無訓到,因為一訓就實俾professor問野的了….唔識做果題,落堂問d chem.人點搞….不過都係差唔多抄的了,因為我對住d野,原全要讀左其他chem course先識ga wor…..重有一個不幸係professor話會出final會出我今日唔識的問題law…..太麻煩了,我點識ar,佢重上堂問人有冇人唔識,明知有人唔識都照出,有問題的……
之後摺lib….睇paper,做presentation…..下晝傾present的時候,要做powerpoint….又唔知點入手,又唔知整幾張slide…..正當我地一頭無水的時候,我地先知原來present要最多15張slide….嘩,都好d,如果唔係,整slide都整死我同d groupmate啦…..
夜晚做埋個report…但其實做左好少野…..但係好鬼累…..所以都係唔迫自己做太多野了…..

>>October 19, 2004 at 4:57:28 PM GMT+8

2004 年 10 月 17 日 星期日 【晴】

今日如常lecture…唔知係唔係遲到gei關係,個professor平時都唔問野的,一問野又中我了,下次都係唔好遲了….
下晝做lab…..無mug特別,又係到勁等,悶到爆……
dick dick今日生日,出左去,文林又唔知做mug無人去canteen食飯….一個人唔多想食,所以去左lib到睇paper做presentation…..一入到去就見到阿仔kennith,佢地聽日mid term啦,所以溫緊書….佢問我野的時候,有d都唔記得哂了…睇來我都係讀完考完就俾番d野professor的人….
睇paper睇到唔知時候,連canteen閉左門都唔知…..唯有出中大食啦….
返到來做chem assignment….唔識做,又唔想浪費時間去諗,諗住搵文林的chem major搞掂啦,點知佢地同我講mid term溫書,諗住靠我wor….咁咪攬住一齊死law….睇來都係靠自己好了…..
dick dick夜晚又俾人con了….尋晚佢已經俾人con了,今晚俾堂主con,我重要俾人捉去,做con dick dick條柱……整…
dick dick生日快樂…..唔好咁擔心,願主祝福你…..

>>October 18, 2004 at 4:24:02 PM GMT+8

2004 年 10 月 16 日 星期六 【晴】

今日做野做瘋了….起身食過野,幫阿媽買d野就工作了….
一路對住部腦不停report report report…..唔係就不停antibody, anitgen打過不停….做到6點幾落街行過圈,諗下應該之後d野點樣做…..
夜晚做org chem.,做report….
下星期係咁交功課…..星期一,report,星期二org chem. Assignment, 星期三report,星期四powerpoint…..做到我真的發火了….發火的時候我會一下將佢地消滅…看著吧…..

>>October 17, 2004 at 4:42:20 PM GMT+8

2004 年 10 月 15 日 星期五 【晴】

訓左幾個鐘,今朝8點幾就起身了…..但是還是有點不適,好在食過早餐好了一點….
去左傾presentation,我都準備唔到d mug野,搞到傾的時候都唔好意思…..
下晝返左屋企…..想做野的,但還是睡著了…..
吃過飯後,終於可以做report啦…..但是做得很慢…..
細路打左返來,突然講左勁多野….有d我諗都幾arm的…..例如要留意下身邊周圍的事物…….有時都覺得我對身邊的事不太敏感,搞到有些事我也不太清楚…..看來也應改下…..
睇番前幾日果段唔知mug野test對我的評語…..睇番可能又真係幾準gei,除左佢叫我去做生意….我諗我去做生意,十次有九次都係俾人欺騙的了,包蝕無賺….

>>October 16, 2004 at 3:55:21 PM GMT+8