2003 年 7 月 12 日 星期六 【晴】

由於利幾日都不停打波同游水gei關係,今朝起身成個人散哂…周身酸軟無力…不過除此之外,精神都算唔錯…
冇mug野好做,又係到練倉頡…練練下,to叫我打波wor…近日患上籃球狂熱症,成日係到打波,昨日先打完,今日又打過…今日我地5連勝,不過都係to佢地gei功勞,事關打左咁多場都冇點得分…算啦,點都好,總算嬴左啦(我地冇恰細路ga)…講真,我地都嬴都係靠合作加鬥志…事實上,我地再練十年,d技術都唔會勁得過樓下d人…
夜晚平凡咁過去…明日重有其他野要做…
阿莊,你無野ma…
明日終於送番冷氣機來啦...希望部車今次冇事啦...捱完一星期係蒸壚gei日子


>>July 14, 2003 at 3:19:36 AM GMT+8

2003 年 7 月 11 日 星期五 【晴】

今日一早起左身同阿爸,細路去游水…本身我對游水無mug興趣,但係日日訓到咁晏,好似浪費好多時間…橫掂得閒,游下水都好gei,我都想練下d體能,跑步又怕熱,搞到我成日都唔想落去跑…
今日都游左幾耐…都幾好,係屋企無冷氣,去泳池最小可以無咁熱…等我下個星期游多幾次先…
返到屋企食埋飯,出奇地唔覺累…懷疑自己係唔係過度活躍…由於唔累gei關係,下晝打完機後,就同阿爸出街買野…正想出門口之際,接到kuen哥電話叫我去打波wor...我唯有同我爸出完街先去啦…返到屋企換過衫又落左去再戰江湖…落到去,見到d人都唔係好勁…但係由於我地唔太大隻,又唔太高,加上我體力下降,所以第一場就輸左lu…經過我地賽後檢討,我地再跟多次隊…我一落到場就爆發剩番唔多gei小宇宙…總算贏番場,但都係靠to + kuen先贏…哈哈,下次我會打好d ga啦..
夜晚係到練倉頡…俾人勁問d字點打,好野,有人幫我練,唔駛咁悶…
阿爸今日租左套無聊戲,無心機睇…夜晚係到睇神鵰俠侶…幾好睇呀,d人都畫得唔錯…不過d人打到好似hunter x hunter咁,出念咩…最搞笑係出哈嗼功時隻手識發光,傻ga,龍珠咩…不過除左利樣野之外,都冇mug大問題gei…哈哈,arm arm睇完射鵰,就有得睇神鵰,真係好….
記得番個password喇…都好,最少我可以知道你係到搞緊mug野…
記得有首歌的有幾句係咁…
….就是不願意 失去你的消息….
唔記得係邊度聽過…mug名同邊個唱都唔多記得…淨係記得幾句旋律同歌詞…等我今晚諗下先…今晚係咁多…
(我d倉頡重係好鬼慢呀…..)


>>July 13, 2003 at 2:47:58 AM GMT+8

2003 年 7 月 10 日 星期四 【陰】

今日起身後,成身無mug力,可能係因為昨晚踢波gei關係…早上起身,無mug野做…下晝同阿莊,原仁出左去旅行社報團去東平洲wor…出到沙田搵埋winnie一齊,因為我帶哂全富身家都唔夠同4個人俾錢…跟住我地就去左就食tea…原仁真係勁搞笑,無佢乎…
返到屋企,睇電視,上網…今日想休息一日,因為利幾日都日日出街,唔係就踢波,打波…
好想搵野學下…跟阿春學結他,唔知我有冇恆心去學呢…
明日要搵d野做,唔可以成日都咁得閒…


>>July 11, 2003 at 5:04:14 PM GMT+8

2003 年 7 月 9 日 星期三 【晴】

今日一早起身執房,因為要等人送番部冷氣機,費事俾人見到一片凌亂啦…執好後食過野就出左去圖書館,但路上就撞到好多熟人…差唔多去到車站時,見到部巴士,好趕咁衝左上去…一上到車就見到肥kiu…原本佢都要出去整野…哈哈,都好,搭車唔駛咁悶…下車後去到圖書館,終於借到要搵gei書啦…見無mug其他書想睇,就諗住走啦…點知行行下,見到個好眼熟gei身影…應該都有2到3年無見過佢,雖然好驚奇係圖書館,但我諗應該唔會認錯…我同佢對望左一眼就擦身而過…我諗佢唔認得我啦,事關剪左頭髮,當時又戴住眼鏡…算啦,冇謂係圖書館相認啦,好似好low b咁…不過佢好似除左電左髮同染啡左個頭,都無mug點變…
返左屋企食過飯,就留左係屋企啦…因為今日d人話送冷氣來wor…所以我推左to同佢去打波…等呀等,等到成3點幾,終於打電話來啦,諗住佢會同我講依家即到,點知佢同我講送貨部車壞左,今日部冷氣機送唔到來wor…我無以應對,佢話明日再打來firm幾時送來…咁gei大話都講得出,我咁易信人都知佢係到講大話啦,送唔到都唔無話部車壞左啦,係人都知你講野啦…搞到我唔知等來做mug,早知去打波好過…跟住無無聊聊,又係到打機…
夜晚好不容易先出到去踢波….我要襯阿媽沖涼先出到去,你話死唔死…明日實俾阿媽勁鬧…夜晚踢波有mug唔好,最少唔曬,唔駛中暑先啦….今日入左一球,但踢得一般啦…我發覺自己散光都幾嚴重,夜晚出街唔戴眼鏡真係mug都睇唔到…本身控波已經廢,加上都睇唔到個波幾時由半空落到來,成日都出腳慢一拍….唔該各位大佬唔好斬到個波成十幾樓咁高啦,地波咪算law,因為斬到咁高我睇唔到…其實我發覺速度愈來愈有用,今日阿卓有時都俾我用d low b方法”握”到,雖然我知佢d速度唔會差我幾多,要過佢基本都要好花工夫,但只要用d計”握”佢一鑊,再出腳快d,起步快d,就算過佢唔到,最少都會搵到空檔射波…
睇完射鵰lu…我中一,二時睇左一次,依家睇漫畫都覺得好睇…其實金庸咁多本最好睇就係笑傲同射鵰…天龍都唔錯,但因為我未睇哂,所以唔下mug野評論…反以神鵰同倚天冇咁好睇…郭靖係集所有中國美德gei人…雖然係遲鈍,唔叻仔,但做mug都好都以義字行先…由尊師重道到保衛國家,基本上現代gei人根本唔可能做到…我睇過古龍同其他金庸gei書,都搵唔到好似郭靖有大俠風範….古龍唔駛講,雖然有d角色係俠(eg楚留香,陸小鳳),但非大俠…楊過行事我行我素,雖以義為其做人原則,但其不拘小節令佢唔算大俠…喬峰本來算係,但後來為左報仇,到最後自殺,所以都唔算…點都好郭靖係一個獨特gei主角…
今日睇到d咁gei野…
“它”就在我身邊…還有就是當”它”在身邊的時候,就要好好珍惜…大家知道”它”是什麼嗎…..
珍惜同d friend踢波gei日子(我唔係講緊”它”呀)….
今日講錯野,搞到自己好串咁,sorry...
發生嚴重交通意外,有d傷心...
長左d,唔好意思,見悶就唔好睇啦…多謝收睇…



>>July 11, 2003 at 2:24:57 AM GMT+8

2003 年 7 月 8 日 星期二 【晴】

今日上晝如常都係無mug野做…落左去幫阿媽買d野後,就留左係屋企練倉頡…橫掂係屋企得閒….練到食飯,我覺得今日比之前打快左…下晝約左阿莊出沙田…但係因為要拎衫去踢波,所以遲哂大到,sorry ar阿莊…我地出到去,就去左圖書館睇下有有書好借,但都係搵唔到我要搵gei書…跟住我地去左旅行社睇下d香港一日團…其實間間都差唔多,是但邊間有團我地咪去law….我諗應該去得成gei,最少淨係去一日,又唔係去得遠…阿莊,唔駛怕wor,唔係好難搞gei姐…我幫你叫d人同搞掂d鎖碎野啦…包搞掂,哈哈…
跟住返CU踢波,4點幾去到,點知去到球場一個人都冇…等左勁耐,差唔多成5點半先有人來,點知個睇場人話6點要清場….搞到我無mug mood踢…早知就同To打波啦(佢先頭打俾我,叫我打波,但我推左)…我地都係踢左半個鍾…
之後返到耀安,搵番to一齊打波….哈哈,竟然打左咁耐,我本來諗住佢走緊…我打左一場,yeah,炒人地10分…我同to講.今日打得唔夠,明日要再打過…佢話去ga,啦,你明日唔好訓到5點先起身呀…雖然只係打左一陣,但都係覺得同to佢地玩開心d…
明日冷氣機終於整好送返來啦,好野,唔駛再乾蒸啦….但係整完間房冷氣,廳果部又好似short左,成日開開下漏水…睇來好快又要拎去整啦….講開整野,我隻錶幾時先整好呀…已經成個星期啦,快d啦…利排成日都有野要整,都唔知點解咁黑…
唔記得password…傻豬^^…一d都冇變,重係無記性…
今日聽到首歌,哈哈,我都唔知係幾時download….
你怎麼連話都說不清楚 周杰倫

想別的　可是在你眼中察覺什麼一閃而過
怎麼像是寂寞　於是我會更沉默

沒說的　全世界差點都弄懂了那是什麼
而我尷尬笑著走開　只能夠裝做不懂　怎麼能拆穿你的不同
(Oh偏偏)　這地球這麼小這麼擠這麼瘦太陽刻意曬得那麼兇
為什麼你出現在他出現以後

你怎麼連話都說不清楚　那溫柔的tone我聽得清楚
我站在他的身邊　你站在我的面前　怎麼這樣心裡會難過
你怎麼連話都說不清楚　那溫柔的痛我記得清楚
他站在我的面前　你經過我的身邊　忽然之間心裡又難過　為什麼



>>July 10, 2003 at 1:36:22 AM GMT+8

2003 年 7 月 7 日 星期一 【晴】

今日過左一個很平靜的上午…成朝係到學倉頡…無他gei,橫掂無野,個腦諗下野總好個擺係到唔用啦…打字速度仍然係勁慢…都係慢慢來啦…
下晝去左圖書館還書…諗住借埋書啦,點知搵唔到要搵gei書…算啦,下次先再去借過啦….
返到馬鞍山,就同to佢地去左睇戲…我地睇新紮師妹…其實我都一早知會得過笑字,但睇完之後覺得俾to佢”握”左我來睇….因為真係好low b,由頭笑到尾…冇劇情,個故事又唔知係到做mug…d情節好兒戲,成套鬧劇…我終於明點解香港電影市道咁淡…鬼咩,拍埋哂d咁gei野,搵鬼睇咩…最多係好似我地利d無聊gei人去睇….所以大家如果唔係楊千嬅支持者,就真係唔好睇啦…
返到去食過飯就上網…接到biochem同學仔電話,明日踢波wor…好呀,橫掂得閒…
想看你看的世界…不知還來不來得及…一直掛念…還有用嗎…


>>July 9, 2003 at 3:29:21 AM GMT+8

2003 年 7 月 6 日 星期日 【晴】

今日一早起身返CU幫梁正搞minor…因為寶儀都要返去整野gei關係,所以我約埋佢一齊返去…其實我淨係差過department簽名就搞掂啦,所以好快我就搞掂返屋企啦…
返到去食過飯,就陪阿莊出去整BNO wor…我地勁遲先出門口,鬼咩,阿莊打完winning先出來…整BNO要３點前去到英國領使館，我地arm arm係３點前幾分鐘去到…好在趕得切，如果唔係都唔知去來做mug…唔夠十分鐘，counter就叫左阿莊去交form啦…諗住好快走人啦，點知counter小姐話阿莊幅相唔arm規格wor…無計，唯有影快相啦…影左成３５蚊，等左勁鬼耐，終於可以拎張相去俾counter小姐啦，我諗住走得啦，點知counter小姐又話阿莊幅相個頭影唔哂，唔用得wor…唔係ma，我同阿莊橫睇掂睇都見幅相最多影少左ｄ頭髮，咁多唔得，搞錯呀，我肯定個counter小姐見阿莊靚仔，特登話幅相利到唔得，果到唔掂，想見多佢幾面啦，哈哈…我地唯有再影相啦，點知我地又冇八達通，又唔夠３５蚊散紙，搞到我地走要去遠到死gei鋪頭買野唱散紙．．．終於返到去，影埋相，今次counter小姐終於收貸，但佢問阿莊點解佢影親ｄ相都影到個頭咁大wor，係唔係影相時坐得太前…阿莊只有苦笑…哈哈，影張相都有咁多評語，阿莊真係可愛…
返到去，To話要做番winning盟主wor…我梗係接受挑戰啦…我同kuen同to打左幾鋪，哈哈，點知我同to 都輸左俾kuen，哈哈，to又做唔到winning之神啦…
夜晚睇下ｄ倉頡…依家都已經識識地啦，都唔係好難姐…等我練下，就可以打得快ga啦…
由於大家唔知想點,依家去唔成泰國lu…阿莊話香港一日游wor,好啦,我幫下你啦…今日係咁先…


>>July 8, 2003 at 3:27:41 AM GMT+8

2003 年 7 月 5 日 星期六 【晴】

由於無冷氣gei關係,成日都冇mug精神….朝早起左身就係到無聊…下晝都係冇野好做…訓左陣,之後打左陣機…悶到[死…由於太悶關係,拎左本書來學倉頡…其實我學打字一開始係學倉頡,但我果陣又懶,見速成容易學,就學學下倉頡走左去學速成….搞到依家d倉頡識d唔識d…依家睇番,其實倉頡都唔係好難學姐,只不過係果陣冇心機學,應該好快就學識gei…
阿爸今日心情好,夜晚一家人出左去食飯,食左勁多野,好鬼飽…
大家都唔知係唔係夾埋ga,一個話28號前去得,一個話28號後唔得,你叫我就得邊個呀…頭都大埋…我睇我地gei旅行有機會泡湯啦…
今晚睇來要做廳長啦…哈哈,好耐都未試過…都好gei,好過係個蒸爐裏面訓啦,我怕再訓多幾晚,真係會被蒸熟…..
聽日有好多野要做….


>>July 7, 2003 at 4:51:58 AM GMT+8

2003 年 7 月 4 日 星期五 【晴】

今日晨咁早就醒左,鬼咩,冇冷氣…當晨光射入間房,我好似係非洲曬緊太陽咁….好熱呀…唔想訓啦,就係咁,8點幾就起左身,對於其他人來講,可能已經唔早啦,但對於我來講,真係勁早law,事關就算我平時返早堂都未必咁早起身…我起左身後,咁早又唔想食早餐住,又無野好做,所以又係到打winning…如果大家諗到咁早有mug好做,就話我知啦…
今日冇mug野好做,成日都係同我細路秋winning,佢勁得閒,arm arm考完試…成個下晝就係winning裏渡過…打到悶,玩到唔想玩,就訓左一陣….
夜晚係到睇書,睇睇下,to叫我落樓下打波wor…我就同阿媽講要拎番個籃球為名落左去…但都成10點先落去lu….我打到11點就返屋企啦…
聽日唔可以成日都打機…
唔該各位大路快d覆我去唔去啦,萬分感激….


>>July 6, 2003 at 3:05:54 AM GMT+8

2003 年 7 月 3 日 星期四 【晴】

今日一早又起左身…原因有兩個…一,要等人上來拎冷氣機去整…二,要等d friend打來,睇下佢地考成點….
我起左身,就如阿爸,細路去食早餐…之後我同細路返去等人整冷氣,而阿爸又要去出去做d野….
我返左屋企,等左冇耐,d人就上來啦…佢地睇左兩下,就拎左部冷氣走lu…我問佢地要整幾耐,佢同我話要成個星期wor….冇法啦…唉,成個星期冇冷氣,利幾日都唔知點訓…
跟住我就係到等電話…講真,都幾驚ga…雖然成績唔係話真係超勁,但我諗佢地都覺得合理或者滿意gei…雖然有d人成績未如理想…有d重好唔抵,我都唔知講mug,但我都想講一句,加油呀…我淨係知PLHKS的師弟好鬼勁…自愧不如…但聽到歐陽(我gei師弟)利個殘人都考得幾好時,我激到死….俾佢入左U,都唔知幾多女仔受害,千其唔好俾我係CU見到佢,如果唔係真係影需PLHKS…
下晝去左圖書館還書….去完圖書館就去左關斌屋企打機…上到去見到佢地係到打牌…我唔識打,就唯有打winning啦…本來冇mug野,點知斌緊麻煩,有一場嬴左一粒就係後場搓來搓去,搞到我玩到出火…我唔係太計嬴同輸,因為都係玩姐,你嬴咪嬴law,但係到玩野就火都來埋…打完果場後,同to打左兩場,總算唔駛輸…跟住又同斌玩,當然唔留情啦,炒左佢鑊,算啦,放過你啦…玩左咁耐,最後都係輸左俾ka him…講真打winning都係開心下姐,我都唔想發火….但俾係到耍真係呢…算,唔講啦….
返左屋企都係睇下書,上下網,睇下電視…明日先諗明日做mug啦…
希望各位可以好快冇事…LS, ka him, chun kit, kiu, add oil ar!!
好熱呀....


>>July 5, 2003 at 12:54:50 AM GMT+8