2003 年 10 月 9 日 星期四 【晴】

今日係咁上堂….上到成5點半先走人…重要補習wor,人都癲…..返到去,又係累到死….做左少少repot jar….
要快d溫mid term先得啦…不過明日都要補習….
肥kiu係果邊好似幾好咁...加油ar!!!
今年好似好多人都話去外國讀書....其實我都想ar...不過冇mug錢.....

>>October 12, 2003 at 5:24:26 AM GMT+8

2003 年 10 月 8 日 星期三 【晴】

又係天地堂….我見今日有d人marketing要present,諗緊到時到我present會點….之後又prelab….
食飯gei時候見到幾個year ,所以就同佢地搭枱食飯…同佢地一齊都幾好傾…
今日個lab好耐ar…做到成6點先完….約左to, kuen同肥基食飯…
又去牛皮到踢波,都係見下d friend,唔係話想踢….都好耐冇係牛皮踢啦….不在狀態,拉傷未好,又瘀多達…
返到去好累ar…..即訓啦….晚安…


>>October 9, 2003 at 5:48:14 PM GMT+8

2003 年 10 月 7 日 星期二 【微冷】

今日天地堂….早堂後去u lib到做野,print report…..下晝又要做lab…….好鬼眼訓,搞到做lab時唔知係到做mug…..
跟住返屋企食飯….當然要彈番兩下個他啦….不過彈左陣又來report lu…..
個report有成200條加減數要計,計到我眼都花….
隻腳拉親重未好,聽日都唔知踢唔踢得波….但點都好,聽晚約左kuen同to食飯….
很想知你在想什麼……
十月有排忙,但我會搞掂d野gei….無問題ar…^^
喂,有冇人想睇無間道ar,我想睇ar!!!


>>October 8, 2003 at 6:08:50 PM GMT+8

2003 年 10 月 6 日 星期一 【微冷】

一早約左梁正係cc俾野佢,所以今日第一次係cc canteen到食早餐….d早餐好似好食過我食開果間蛇吧wor….今日淨係上兩堂,當然就係去u lib gei好日子啦….由朝做到晏,做完report又要溫書,再唔溫mid term就死梗啦….溫到10點先返宿…
聽日又要交report,諗全print report,點知文林部printer壞左…麻煩,之前壞洗衣機,今次壞printer….唯有聽日先print啦…


>>October 7, 2003 at 4:22:27 PM GMT+8

2003 年 10 月 5 日 星期日 【微冷】

今日又係上早堂gei日子….如常去食早餐同去u lib做report….同bowie食過飯後又去lib到做report….做到咁上下就返宿拎衫踢波….
6點鐘要對biology,但唔知點解d人約3點鐘去LN到熱身…當然我唔會咁早啦,我4點半之後先到….熱身gei時候竟然拉傷左右腳大脾….好鬼痛…其實都知自己唔出好d ga,因為射波gei時候已經唔係好得…但一諗起金魚佢果個得意洋洋gei樣,我就頂硬上啦….我要佢知道我地唔係三零部隊….
好快就開波啦,雖然成日同自己講定d,但都係有d驚….今日踢前鋒,係前面狂跑…初時都有就住就住,點知佢地d後衛多手多腳,有d火出來,所以都唔理咁多,搞掂佢先算….開賽冇耐,ar ming就入波…係上半場我有兩球黃金機會,點知一球中柱,一球擦楣…差小小jar….點都好,上半場我都大致上知d後衛冇mug料到,所以下半場一開始又攻過….點知就係信心爆樃之際,一個失誤,俾人追番….我都有d灰,竟然咁輸….梗係唔係啦,當然係同自己講,我要入波啦….被我連番特破,d後衛都差d要矛我….有球射空門,諗住入緊,點知都係俾人救到….好在之後都俾我執雞入番球,有驚無儉地贏波….
對新boot一落場就贏波,係個好開始….終於係比賽入波啦,而且今場都係我地biochem係cu對其他department的第一場勝利….
返到去食過飯又做report啦….重差一份….
有個好開始!!
見到你真好……..


>>October 6, 2003 at 6:18:16 PM GMT+8

2003 年 10 月 4 日 星期六 【晴】

今日又係趕report的時候啦…已經成為左個習慣…係我最唔得閒gei時候竟然有本書renew唔到,搞到我要去還書….
食過飯後,就搭車去沙田還書,然後到city傾project…搭火車途中見到個好親切gei笑容…事源係當我搭火車gei時候,企係我隔離有個媽媽陪住個bb,同埋一位漂亮gei小姐(我諗同我年齡差唔多掛)….跟住個bb成日同果位小姐係到玩(三唔識七都玩, bb果然係唔同d),逗到佢勁開心…就係咁,佢由我上車笑到落車…不過令我深刻gei唔係佢靚,係佢果份很親切gei笑容(雖然佢笑個樣都好好睇)…..
去到city,就傾pro傾到5點…係傾gei途中,發現我d groupmate好似對我地個leader好不滿咁….希望唔好有d咩事就好啦….
返到屋企又做功課….
明日中大超聯要同biology比賽啦….我要金魚對佢所講gei野負出代價,竟然話炒我biochem,勁我地少少姐,但點都炒唔到掛….不過由於上次係街場已經同bio踢過友誼賽,我個人覺得唔係太強….我相信佢地d後衛都唔會係我手腳…不過踢波都係睇全隊gei,唔係話我一個踢哂…點都好,最小都要俾金魚知道我地biochem唔係好蝦ga!!
要著番d火先得….
希望聽日好天啦…


>>October 5, 2003 at 4:54:16 PM GMT+8

2003 年 10 月 3 日 星期五 【晴】

一早要補習....
之後就趕份marketing gei 功課....成個下晝係到set questionnaire, 搞左好耐先set完...但係都係覺得我問得唔係咁好...算啦,第一次係咁上下ga啦....之後就要睇下d web site,因為我要多d有關sony digital camera 的資料先有得做....
之後gei時間就係去左做marketing...重未做report ar....聽日又話要出又一城傾marketing...唔係ma...我要努力d做野先得!!!
大家唔該幫下手填番份問卷ar....重要forward俾人wor....萬分感激....
http://www.my3q.com/home2/23/szesze/88661.phtml
一定要做ar大家,我星期一要交功課啦
背脊很痛ar....幾時先得閒可以睇醫生.....

>>October 4, 2003 at 4:27:57 PM GMT+8

2003 年 10 月 2 日 星期四 【晴】

今朝早堂個professor又走左我一堂啦….本身應該上兩堂gei,點知佢上一堂就教哂d野啦….第二次啦…早知我就走堂啦,因為今日教果d自己讀都得啦…後來先知原來professor重遲到tim wor, d人話佢走入來gei時候,頭髮散亂,唔駛問都係好似我咁訓過頭啦…跟住上堂gei時候好似未訓醒咁,成日講錯野,我都講得佢幾慘,俾我地笑…雖然佢教得唔多好,但我都唔會事後gei course e到寫需佢gei,事關佢at least我問佢野,佢都答到我d野….
食過早餐後assembly…又係訓覺堂…之後gei med通識course好鬼悶….我同alky都一齊大覺訓,哈哈….
之後又補習…又係到”合”眼訓啦…返到去search下marketing d資料…聽日要做埋marketing佢…努力!!


>>October 3, 2003 at 4:34:44 PM GMT+8

2003 年 10 月 1 日 星期三 【晴】

今日好想走左堂marketing,因為要早堂,昨晚又夜訓….但最後都係死死地氣上堂….之後食早餐同prelab…由於夜訓,冇mug心機prelab,是是但但pre完就算…跟住撞到金魚,得知biochem第一中大超聯就對bio…佢竟然口出狂言炒我地…金魚,我到時一定踢到著火,我唔會俾你講得咁開心gei…睇住我biochem廿號仔係一腳抽入你個龍啦,哈哈…
prelab quiz gei時候就大鑊啦…因為之前組媽話今次佢出卷,佢話好陰ga wor,我就諗如果係咁,應該唔駛記野ma,因為要記野就唔會陰去邊,都係記姐….所以就是但睇下…點知我好似誤會左佢意思.佢所拍gei陰係問得好鬼detail law….搞到我錯左d 無聊野….下次一定要認真d prelab啦….
做完lab返hall坐陣就出左旺角買野….終於搞掂啦,唔駛再煩….
返hall好累,又冇做野啦….明日要add oil!!!


>>October 2, 2003 at 5:57:31 PM GMT+8

2003 年 9 月 30 日 星期二 【晴】

今日係國慶,唔駛返學….可以訓晏少少….一早起身就做report…
跟住去左飲茶…之後返cu傾marketing project….但由於要返hall拎野,所以就冇直接傾野….返hall途中去經過大埔公路,聽到有人係到大聲叫”喂”…初時都冇mug理會,但果個人喂左好耐…跟住我見對面馬路gei巴士上面有個女仔同我揮手…我先知佢係hi緊我,我咪同佢hi番law….不過可能因為我冇眼鏡gei關係,我對個女仔冇mug印象….或者係我識得或者係唔知幾時見過我唔記得左…大家雖知我認人係好差ga啦….不過如果冇估錯,應該係biochem yr 1 gei人….
返hall拎完野就去開會….pac人好勁,我去到佢地都諗完成個project點做,我去到都係傾d detail野同點分工….我做果part都係冇mug data可言,睇來都係有d危…
傾到4點幾返屋企又去左耀安踢波…今日我地竟然連勝4場,我重入左兩球,真係超勁…我地唔夠人,拉左winnie爸爸…佢真係勁ar, d波後面包哂….當然我地對住d唔係耀安最頂級gei人啦,如果唔係多多都唔夠輸,不過今日利幾班都好波,最少d passing好過我地好多啦….就係咁我地6戰4勝2負,成績都唔錯….如果我地biochem有咁好就掂啦,不過我地都係唔得…最大問題係唔識配合…我同佢地踢,都用唔著我最掂果樣—速度….希望我地可以練多d啦…
夜晚做report做到兩點…. 有時間走去踢波,唔做report……真係自己gei問題,冇得怨….
祝中華人民共和國同你一齊生日快樂！！

>>October 2, 2003 at 6:00:32 PM GMT+8