2003 年 9 月 29 日 星期一 【晴】

一早起身就要煲書啦…大大鑊,d野都唔多識,又唔知佢點考,唯有睇多幾次先算啦…一打開份卷,好在條long question arm arm係開考前睇過,如果唔係真係唔識答…考完就唔理考成點啦,反正唔會太高分…唔好below mean咪算law…
之後同jack,gigi食lunch…我見gigi真係好鬼free咁…不過事實上,我又冇講錯wor…人讀廿一分佢讀廿一分,都唔知點解佢會咁得閒…食完飯我地三個去左u lib…除左jack真係做report外,我同gigi都係傾計多過做野…點做wor, arm arm先mid完,冇理由又倣ga…不過唔知係唔係放左個太長gei假期,個人好似養懶左,唔多想做野,睇來我都係要努力d先得…
跟住同jack出旺角買野…jack就買左隻game,我終於買左對白boot啦,好野…雖然唔係釘boot,不過有d膠粒,總好過著平底boot啦…不過要話就話中大啦,草場唔俾著釘boot踢波,咁樣養d草來做mug….不過可以跑快兩步都係件好事來gei….
順便去拎番隻好耐都未拎gei老翻…神奇地,過左成兩個星期都可以拎到隻game,覺得有d出奇….
夜晚返去當然係做report啦…
重未諗到買mug呀…遲d又要出多次去啦…
新一年有個好開始呀^^…be happy!!


>>September 30, 2003 at 4:43:54 PM GMT+8

2003 年 9 月 28 日 星期日 【晴】

今朝遲左起身,上堂遲大到….上完堂就即刻去u lib到溫marketing…聽日就mid term啦…由於想踢波gei關係,唯有怒溫書,希望可以快d溫完快d走…
下晏同alky同bowie食lunch,本來想傾多陣,但要溫書….溫到差唔多5點鐘,終於睇完成本書啦…雖然唔係好熟,但太想踢波啦,唔理咁多,即刻衝返宿到拎衫就去踢波啦….
今日biochem同文林都要練波,我兩邊都要踢….一開始同文林d人踢…我地同新宿d人友誼賽….由於我地文林實力所限,梗係大敗啦,唯一安慰gei係我地都唔駛食蛋,都入左人地兩粒…不過我個人覺得新宿d人唔係太勁,最少佢地d後衛都唔可以睇得住我,成日俾我過….如果我地文林有多d好gei中埸,我諗一定唔會輸…跟住同biochem踢…今年d yr1都幾好…不過防守力就有待改善…重要多d默契先得…我地同隊不知名隊踢…雖然我只係substitute入去(因為當我同文林踢緊gei時候,佢地已經開左波),踢得幾好,雖然都係輸…不過都唔緊要gei…
夜晚又去cc lib溫到10點…之後返宿再溫…不過係宿真係溫唔到書,成晚同ar dick傾計,再唔係就係打winning…就係咁,玩到成11點幾先知大鑊…同ar dick食埋宵夜先溫書…溫到2點先訓…不過都唔係好熟….聽朝先再溫啦…


>>September 30, 2003 at 4:22:49 PM GMT+8

2003 年 9 月 27 日 星期六 【晴】

星期一又係讀書天...今日又要同mkt搏鬥...重有兩課未讀....
溫到悶就彈陣結他....
allen打來話聽日踢波wor...諗下諗下,個宿d人都話聽日踢波.....
好燜踢ar,因為成個星期無運動過啦....
點好呢...

>>September 28, 2003 at 3:40:48 PM GMT+8

2003 年 9 月 26 日 星期五 【晴】

今朝起身就去左補習啦….補完就返hall拎番d野…之後返屋企訓下覺,溫下書…
夜晚出左去尖咀組聚…哈哈,好耐冇見過兩個組爸啦…我地成組去左間唔知見mug名gei餐廳到食野…
係到傾左好耐…已經好耐冇咁齊人啦….講真,我地利組由上年到依家都聚左好幾次啦,我相信比起其他組好好多,因為我聽聞其他組都好似冇mug點聚過….今餐ar爸好闊綽咁請左我地全組人食飯,多謝ar爸…
問番我ar爸,佢都算好ar,一出到來就搵到工做…ar爸,你要俾心機ar….組聚當然唔少得我好好人組媽啦…佢今年postgrad….但係我聽佢都讀得幾辛苦咁,成日做lab做到好鬼夜…跟住d野重要係唔識ga wor…不過最慘係d野唔識係冇人問…就算d人識,都未必會答你,全部野都要自己搞…不過我發現佢原來係想讀完postgrad再繼續讀落去,我都俾個服字你啦,ar媽….你都要努力ar…
食完野就去左海旁到散下步…我見到好多人係到擺檔做生意…見到個人幫人畫畫人像…雖然佢都好老,但佢畫gei畫真係好掂….我淨係識用掂來形容,因為佢畫唔止係似,重畫到d無形gei精神落去幅畫到….
行左陣就返屋企lu….返屋企途中同ar媽傾左好耐…我發覺d女仔會一d我唔會留意gei事好留意…anyway, ar媽,你一定會遇到個更好ga^^
聽日又要溫書…


>>September 27, 2003 at 5:04:10 PM GMT+8

2003 年 9 月 25 日 星期四 【晴】

今日由朝上到下5點半…今日早堂個professor又唔知係到教mug,講野細細聲咁,所以成日同allen係到傾計…
食過早餐又要assembly…今次assembly終於可以訓足全埸冇俾人發現啦,yeah!!訓醒之後成個人精神哂^^….
下晝又係果堂med開gei通識科目…由於成日都冇notes gei關係,堂堂都要自己抄notes…點知今日個professor係到飛notes,抄都抄唔切….上利3堂都幾好gei,因為真係好輕鬆,但考試就大鑊啦,大家都知我手字係幾獨特ga啦,d字重勁過大10號風球,唔好話人地先啦,我都唔知睇唔睇到….
返到去又要補習…好鬼眼訓ga,但一諗起今日出糧,我就唔可以訓….d錢又可以買野啦…不過我相信好快就用哂,因為利期要用好多錢ar…
返到去又同marketing搏命….
聽日要補習+溫書….重要同好好人組媽組聚,hhehe


>>September 26, 2003 at 3:40:50 PM GMT+8

2003 年 9 月 24 日 星期三 【晴】

今日十分困難地先起到身早堂．．．之後就去左ｕｌｉｂ到ｐｒｅｌａｂ．．．
食過飯後又要做ｌａｂ啦．．．個ｌａｂ好鬼易，而且成日都要等，所以都係傾計多過做野．．．
做完ｌａｂ就去ｃｃｌｉｂ到溫書．．．
今晚約左同房ｄｉｃｋ食飯．．從中得知ｍａｒｔｉｎ又走堂啦．．．所以我決定都係時候用下ｙｒ２的權力啦，叫佢唔好成日都走堂．．．因為佢實在走得太多啦．．．
返去ｌｉｂ到溫書到１０點．．．返到宿，本來想溫多陣，點知冇ｍｕｇ精神，所以都係冇　ｍｕｇ點溫．．．
個宿今晚又有糖水會．．．有湯圓食，不過２號房整太太少湯圓啦，我都未食，ｄ人就食哂啦．．．哈哈，搞到群眾鼓譟，我諗隔離房重係到驚緊今晚會唔會冇得訓，ｈｅｈｅ．．．不過ｄ糖水點都好過我上星期果煲自助式西米露ｇｅｉ．．．大家下次一定要試下我地文林一號房ｇｅｉ特產，自助式蜜桃西米露啦，哈哈＾＾

>>September 25, 2003 at 4:31:21 PM GMT+8

2003 年 9 月 23 日 星期二 【晴】

今日開始一個星期兩個ｌａｂ　ｇｅｉ生涯啦．．．今日早堂後如常食早餐．．．之後就即刻走去碧秋樓到ｐｒｉｎｔ埋剩番ｇｅｉ今日要交ｇｅｉ　ｒｅｐｏｒｔ．．．跟住當然去ｕ　ｌｉｂ到做聽日又交過ｇｅｉ　ｒｅｐｏｒｔ啦．．．
做到食飯．．．唔知係唔係ｄ野食有問題，食完飯後肚痛．．．搞到我一路做ｌａｂ一路痛，勁辛苦．．．不過好在今日個ｌａｂ　ｅａｓｙ　ｊｏｂ，雖然ｃａｎｉｃｅ走左去比賽，不過淨番我同梁正都搞得掂ｇｅｉ．．．哈哈，４點半都唔駛就走人，都未試過咁怏可以做完．．
不過咁早走人，返宿都係做ｒｅｐｏｒｔ．．．食過飯後又要再戰ｍａｒｋｅｔｉｎｇ．．．
做到冇哂力啦．．．聽日先ｐｒｅｌａｂ啦．．．
我要撐落去！！

>>September 24, 2003 at 4:55:54 PM GMT+8

2003 年 9 月 22 日 星期一 【晴】

今日唔駛早堂，所以食左早餐先上堂．．．上左兩堂就返左林漢光同miss yiu同楊sir食飯．．．
之後返屋企ｐｒｉｎｔ　ｎｏｔｅｓ，做功課同溫書．．．
利幾日都好多野做，搞到日記都冇ｍｕｇ時間寫，就算寫都係好短．．．唔好意思ａｒ各位，我有時間就會寫多ｄｇａ啦．．．希望大家繼續支持＾＾
我想ｇｅｉ野很簡單．．．不過要做到ｇｅｉ時候就好難．．．但我會繼續下去．．．

>>September 23, 2003 at 5:20:07 PM GMT+8

2003 年 9 月 21 日 星期日 【暴雨】

今日上完頭兩堂就去左u lib啦….係u lib到狂做report…做完就溫marketing….大鑊啦,下星期test成二百幾頁書未睇,都唔知點好…..唔理啦,照讀….
今日除左食飯出過去lib外,都冇點出過去…係個lib逗留左11個鐘先走人….睇來利個sem都會成日好似今日咁ga啦….
我係唔係真係做錯呢….令人覺得咁煩….我真係要study下自己做過d mug…我會好好改過….
俾winnie問左個好得意gei問題…如果有隻rpg可能俾人模擬一個角色,我想做d mug….如果真係有,我都幾想做個探險家….最好個世界就奇奇怪怪,有d魔法同有武功….如果真係有gei話,我諗都幾得意,hehehe….好期待你有一日真係可以整隻咁gei game俾我玩^^


>>September 22, 2003 at 5:11:31 PM GMT+8

2003 年 9 月 20 日 星期六 【晴】

今日又係做功課日...係到寫份eassy...
成日就係到諗寫d咩point,點組織好...寫到悶就彈下結他啦...
重未有時間溫書...一定要快d搞掂d功課先

>>September 21, 2003 at 3:50:59 PM GMT+8