2003 年 8 月 10 日 星期日 【晴】

今日要等管理處d人上來整天線…..但佢地又冇話幾時上來,所以冇得出街….唯有係屋企彈結他啦…成日都係到彈番昨日練gei一小段樂章….但由於技術所限,彈極都係唔知係d mug…..哈哈,都係快d問下阿春點彈啦….
彈左差唔多兩日,d手指有d痛….不過最麻煩係管理處d人冇上到來...成日都係咁ga,打電話去,佢地又話星期三先來wor...咁唔通星期三又要係屋企等,唔係ma....
明日要早d起身,我想去游水ar……
你ocamp好唔好玩ar....

>>August 11, 2003 at 2:23:15 PM GMT+8

2003 年 8 月 9 日 星期六 【晴】

今日係休息gei日子…一早起身食過野就上網….
因為唔多想出街gei關係,今日成日都係到彈結他…之前係搵到d website教人彈歌仔,我見之前上堂果d都練好哂,所以今日就係到彈歌仔…
我彈得出來當場係五音不存啦…其實d指法唔難記,但我成日都”咁”唔到個音,個腦知到要”咁”果個位,無奈隻手唔知”咁”在去邊….練左好耐,總算”咁”得到啦,但我聽落都係差d野….諗左好耐,我發覺我彈gei時候係唔跟節奏,所以總覺得有d怪…
我發覺自己係一個節奏白痴…係到摸索左成晚先勉強跟到個拍子…
就係咁,今日就係五音不存gei結他聲渡過lu…..
聽日我都要努力練…..
o camp聽日都開始啦…你玩得開心d啦,小心唔好失聲ar^^….


>>August 10, 2003 at 3:20:12 PM GMT+8

2003 年 8 月 8 日 星期五 【晴】

今日早到連我都唔信就落左樓下搵kit拎左件衫….由於太早gei關係,我一返到屋企就訓覺….訓醒後,食過野,又係到諗下個sem take mug野來讀好…
下晝係到頹….對住隻自己玩到唔想玩gei game幾個鐘….雖然個人係到打機,但實際上個腦到諗緊其他野…..
打到咁上下就去返肥基果份工….我諗住今日就唔好遲到啦,點知因為要先去新港城還碟gei關係,所以最後都係遲到….正當我係到搭緊車gei時候,基打來要我落車之後買件黑衫俾佢wor,重話買完飛的過來wor….真係一個難題,突然間點搵ar…..我一落車就即刻搵啦….行左九條街,終於俾我搵到度有黑衫賣啦….當時我係灣仔,一買完就諗我係唔係應該真係飛的去會展呢,行過去都唔係好耐bor….但我一出左間鋪頭,第一眼就見到兩部的士啦….突然間諗起黃子華gei棟篤笑…為左睇下依家gei的士司機係唔係咁好禮貌,我決定都係搭一次短程車….果然實現左黃子華gei街頭去到街尾,哈哈…..雖然個司機冇講多謝,但我發覺同佢幾好傾,哈哈,坐左一陣就傾到落車,有d攪笑….
去到後,見到好耐冇見gei高禮健….都同佢幾好傾gei…..講番工作,我gei工作就係帶位…一開始個阿頭叫我記位wor…..我心諗,記來做mug,有number睇ga ma…但佢叫我記,我咪記law,反正唔係d咩難事,計番一行幾個位,計下加減數….無耐,d人開始入來…都係對號入座….但由於人數太多,有d應接不下….觀眾有d係西人…有時都唔知佢講mug,不過反正都係話佢知坐邊,就是但up啦…帶帶下竟然俾見到professor li……咁都見到佢,又會咁arm,不過我都冇上前同佢打紹呼,因為佢都唔會識我,陣間如果佢同我講”你係邊位”,咁咪不啖笑…..由於開show gei關係,全場熄哂燈….我發覺係熄左燈gei時候帶位同數字玩遊戲係冇分別….因為mug都睇唔到,d人又坐滿哂,都睇唔到d座號係幾多….我諗有d坐中間gei客係俾我老點,坐錯左….不過我諗都係幾個姐,唔會太多gei….
但工作最麻煩gei部分依家先arm arm開始…我試過接過兩個客gei投訴,有d搞笑…有個話佢個小朋友唔夠高,俾前面gei人遮住,睇唔到個台wor,問我有冇野可以墊高佢來睇wor…我心諗,邊有d咁ga野gei,不過都係搵阿頭問下….佢直接同我講話冇wor…唯有同佢講句sorry算啦,點知佢好似重好唔滿意咁…..我諗,有錢買貴飛大哂咩,你以為自己係屋企ar…你唔想俾人遮住,咪買再貴d gei飛,坐前d law,你都諗到大會邊會有d咁special gei服務先得ga….第二個我重無奈…因為佢係坐gei位置前面有成set野負責睇住成個show d有冇出錯,佢話set野又遮住佢wor,叫我叫人搬開d….你話我點幫佢…係set野前面gei工作人員邊得閒理你…就算真係搬開左,第二個又來投訴咁點ar,唔通又搬過….唔怪得董太話香港人淨係識得complain, complain, complain啦，哈哈…有好多野都唔會咁公平,你有權投訴,但有時都要知要忍耐…
開show之後冇mug野做,淨係係到企…個歌手叫jose 唔知mug野….我見佢彈結他好鬼勁,d solo真好震撼…不過更震撼gei係佢原來係盲ga…重要一出世就係盲…我好難想像佢係點學結他….簡直強…
完左個show先返馬鞍山食一個好晚gei晚飯,之後就返屋企lu…
今日我睇到d野…依家的人對個信字真係睇得唔多重要…但我又可以做mug呢…
有人話講大話係為你好,但世上真係會有咁gei大話嗎….當美麗gei謊言俾人知道gei時候,你係唔係重可以理直氣壯同人講我為你好呢….
今日長左d,多謝收睇….


>>August 10, 2003 at 4:18:22 AM GMT+8

2003 年 8 月 7 日 星期四 【晴】

過左個平凡gei早上….
下晝返cu問野,大致上諗好下年讀mug好啦…
之後去新城市….依家d老翻真係靠唔住,又話今日有得拎,點知又話冇,重話退番錢俾我wor…大哥,你無就唔好叫我落訂,依家又躂訂,重要我行成幾廿次,真係麻煩….無無聊聊係度行商場….行左好耐….其實唔係真係想行,只不過係係到諗野…因為有好多野需要解決,出來行住諗可能會快d諗到….
夜晚睇皇馬對香港…一開頭諗住香港會俾人數…點知皇馬都唔知做mug,愈踢愈求其…開始重好d,一開波兩球,諗住香港死梗,點知無啦啦被香港追番球…完半場又被人入多球…我都無野好講….下半埸皇馬有攻勢,但都係冇運,加上d人有d走樣,所以雙方都冇入波….
施丹好勁ar…d”痴”波同盤球勁好睇….有佢一成你話幾好….
不過今日冇和仔…睇唔到佢成名作”底線斬中”tim,哈哈…不過係香港來講,李健和都算係勁ga啦…
講時講,唔知卡斯那斯依家有冇擔心緊佢下屆正選位置會唔會不保呢,heehehe…
對於某d事情,我已經唔可以好似平時咁冷靜分析….我唔識分真假,是非,好壞…..我唔可以安靜啦…


>>August 8, 2003 at 3:00:10 PM GMT+8

2003 年 8 月 6 日 星期三 【晴】

終於有習補啦….一早起身就去左補習….冇驚冇險地補完後,就返左cu….
今日係d freshman返來報到gei日子….諗起來,咁就過左一年lu…真係光陰似箭…好鬼low b,諗住返office 問一問野,諗住一點前返到去實冇死啦,點知都係問唔到….因為office都係放lunch…..點解經過上次之後,今次我又好似佢上次咁…你都要記住ar,office係放lunch係12點,唔係1點ar…唯有明日再去多次啦…
順便睇下bch人搞成點…好耐冇見bch 同學仔啦…走過見到幾過freshman,好似同上年差唔多,冇mug特別…不過我聽人講今年d人重勁過上年…
跟住去左shatin,食過野後就返馬鞍山左睇戲….
夜晚去左車公廟踢波….個場好細,搞到我都唔識踢….重慘係我又傷啦….利排做mug都傷,都唔知做mug野….又瘀哂啦,又要逗番個星期….不過今次比上次拉親更
嚴重….
唱番首”身體健康”先得啦….
你的忽冷忽熱令我冇所識從…但我都係做番自己…
大家都要努力ar!!!就係因為好多野都係唔知,先會有希望在明天…


>>August 7, 2003 at 4:56:39 PM GMT+8

2003 年 8 月 6 日 星期三 【晴】

終於有習補啦….一早起身就去左補習….冇驚冇險地補完後,就返左cu….
今日係d freshman返來報到gei日子….諗起來,咁就過左一年lu…真係光陰似箭…好鬼low b,諗住返office 問一問野,諗住一點前返到去實冇死啦,點知都係問唔到….因為office都係放lunch…..點解經過上次之後,今次我又好似佢上次咁…你都要記住ar,office係放lunch係12點,唔係1點ar…唯有明日再去多次啦…
順便睇下bch人搞成點…好耐冇見bch 同學仔啦…走過見到幾過freshman,好似同上年差唔多,冇mug特別…不過我聽人講今年d人重勁過上年…
跟住去左shatin,食過野後就返馬鞍山左睇戲….
夜晚去左車公廟踢波….個場好細,搞到我都唔識踢….重慘係我又傷啦….利排做mug都傷,都唔知做mug野….又瘀哂啦,又要逗番個星期….不過今次比上次拉親
嚴重….
唱番首”身體健康”先得啦….
你的忽冷忽熱令我冇所識從…但我都係做番自己…
大家都要努力ar!!!就係因為好多野都係唔知,先會有希望在明天…


>>August 7, 2003 at 4:53:44 PM GMT+8

2003 年 8 月 5 日 星期二 【雨】

今日訓過龍…都好耐冇訓到咁晏啦….跟住去恒安搞d野….
下晝本來想食完就出去圖書館,點知落勁大雨….搞到我又要打陣機,等d雨無咁大先出去…出左還埋d野,跟住去好運買d野…..
夜晚溫下d A Maths 同 G Maths,聽日又要補習啦….
利幾日好似太得閒,要搵番d野做下先得….
恭喜可以入到自己理想學系gei朋友….
不過希望其他唔太好gei朋友者都唔好灰….雖然我都唔知可以講mug幫到你地,但我想你地積極d諗下你地日後點做……振作d啦….有事都可以搵我gei…^^
我撐你地ga!!
Just let it be……


>>August 6, 2003 at 4:18:21 PM GMT+8

2003 年 8 月 4 日 星期一 【晴】

今日一早見冇落雨,就走左去游水…游到咁上下就返左去食飯…..
食過飯後,關斌就上左來打winning 7….今次成日輸比關斌,睇來我都要修練下d winning先得啦….打到差唔多就去左打波lu….
夜晚係到睇電視…見到beckham竟然有波入,有d出奇…不過都係對住低幾班gei球隊…不過睇ronaldo插花都幾開心….
今日又撞親隻腳啦….
明日kuen 同to要做一星期gei sales,暫時佢地都唔會係我日記出現啦,哈哈…
星期六諗緊去唔去幫肥基手….不過我諗都會去gei….


>>August 5, 2003 at 4:50:11 PM GMT+8

2003 年 8 月 3 日 星期日 【晴】

今日訓過龍,搞到睇唔到曼聯…算啦,曼聯無左我支持都嬴3:1,哈哈…朝早一早走左去剪髮…點知落錯左車站,搞到side左好多時間…剪完頭髮就返左屋企食飯…
下晝走左去to到打winning…to終於出真實力啦,佢用土耳其勁到爆,雖然未之於嬴硬我,但打左咁多鋪,佢都係嬴多…打到咁上下,我地一齊落左去食野…之後我都返屋企啦…
夜晚係到練結他….收到補習學生家長gei電話,佢叫我星期四補A Maths wor,又要溫書啦….不過更大鑊係個家長又話介紹多個名校人俾我補wor…今次都唔知係好事定壞事啦…
今日買左winning 7, to聽日再打過啦…
聽日唔好落雨ar,我想游水…
你唔好咁搏ar,因住病….
好啦,等你camp完先打啦^^


>>August 5, 2003 at 4:40:02 AM GMT+8

2003 年 8 月 2 日 星期六 【晴】

今朝終於可以同阿媽一齊食早餐啦…平時阿媽星期日一定會搵我食早餐,但我次次都訓到成隻豬咁,次次都無去……今朝阿媽打電話返來,咁arm細路落左去,所以就俾人成功morning call….食過野就返來諗下下個sem讀mug好….下個sem d major好似好鬼麻煩咁…搞到我都唔知take唔take多幾個elective…
搞左一輪,總算諗過下個sem timetable會係點…食過飯後打左陣機….之後就同to佢地打波….今日唔知做mug,係咁輸….重整親手指,無左塊皮….好在傷左右手,如果唔係唔駛練結他….
夜晚係到聽歌…跟住係到練結他…今晚係我從學結他以來最用心去練gei一次….雖然重係彈d音唔多準,但d手指好似靈活左…..
聽朝一早要起身睇曼聯….啦啦啦,你聽日唔好輸比巴塞ar….
要學習點處事…唔可以成日咁衝動…多為人著想….我發覺自己成日做野唔用腦,…用感覺同直覺做野唔係次次都可以做好d野…
有冇人想打打羽毛球ar?有就同我講…
是日新歌推介
妳聽得到 周杰倫
有誰能比我知道 你的溫柔像羽毛 秘密躺在我懷抱 只有你能聽得到
還有沒有人知道 你的微笑像擁抱 多想藏著你的好 只有我看得到
站在屋頂只對風說 不想被左右 本來討厭下雨的天空 直到聽見有人說愛我
坐在電影院的二樓 看人群走過 怎麼那一天的我們 都默默的微笑很久
我想我是太過依賴 在掛電話的剛才 堅持學單純的小孩 靜靜看守這份愛
知道不能太依賴 怕你會把我寵壞 你的香味一直徘徊 我捨不得離開




>>August 4, 2003 at 5:55:05 AM GMT+8