2006 年 5 月 29 日 星期一 【陰】

＜ＬＯＶＥ　ＳＹＬＶＩＡ－－－第五回＞
「～迷戀！～」
一分鐘～
「每次站在同一列車廂、同一個車門、同一個車窗前～
　看著眼前廣告板上的你～ｓｙｌｖｉａ！
　呆呆的在你面前細看你一分鐘．．
　就像夢般活現在你眼前～
　一分鐘的眼神交流、一分鐘的浪漫～
　每日．．一分鐘．．」

那一晚之後～
ｄａｉｓｙ開始對這個上司十分好奇～
一個如此正常、頭腦清淅、理性的人～
卻會對一個人如此著迷、痴迷～
更甚的是～
「你認識這個ｓｙｌｖｉａ嗎？」ｄａｉｓｙ問～
「不認識！」蘇楠說～
「你有幫佢影過相嗎？」ｄａｉｓｙ問～
「沒有！」蘇楠再答～
「那．．你喜歡她甚麼？」ｄａｉｓｙ問～
「哈～唔知道～只係佢令我著迷．．」蘇楠笑著說～
對一個不認識、沒正式見過面的女孩子～
卻有著如此著迷的愛～
ｄａｉｓｙ對蘇楠的行為簡直是不能理解～
「他．．係唔係傻的？」ｄａｉｓｙ心想著～
「喂～ｄａｉｓｙ～ｄａｉｓｙ！！」蘇楠叫著～
ｄａｉｓｙ此時才如夢初醒～
距離那天地鐵的事已經過了幾天～
「喂～叫極你都冇反應～原來你發緊白日夢～」蘇楠說～
「呀．．唔係呀～唔好意思～」ｄａｉｓｙ說～
「我求先同你講的事點呀？」蘇楠問～
「下．．呀．．相底嗎？我一陣拿去印刷部～」ｄａｉｓｙ說～
「你講咩呀？？你今朝拿左過去啦～」蘇楠說～
「係．．咩．．」ｄａｉｓｙ說～
「我問你一陣一齊食午飯好唔好呀～」蘇楠說～
「呀．．係呀！！好呀好呀～」ｄａｉｓｙ說～

尖沙咀一間小型露天茶座～
蘇楠跟ｄａｉｓｙ正在享受著午餐～
「唔係楠哥你帶我黎～我都唔知道有間咁靚的茶座～」ｄａｉｓｙ說～
「你先番左差不多兩星期多～唔熟呢到係正常呢～」蘇楠說～
「係呢～你呢排好似成日都遊白雲咁～你冇事嗎？」蘇楠問～
「冇事～哈～係呢～楠哥我可唔可以問你一個問題～」ｄａｉｓｙ問～
「咩問題呀？三圍、屋企地址我唔會答你的～」蘇楠笑著說～
「鬼想知你三圍、屋企地址咩～我想問你又幾時開始喜歡ｓｙｌｖｉａ的？」ｄａｉｓｙ問～
「喜歡佢．．都已經係好耐的事～當時大學一年級～第一次見到佢的廣告～佢當時應該是第一次拍廣告硬照吧～但係我已經俾佢硬照的眼神、笑容吸引左．．」蘇楠答～
「哈～好似有點崇拜偶像的感覺～」ｄａｉｓｙ說～
「確實都係有一點～只係每當睇到佢我就會好開心～」蘇楠說～
「之但係到現在咁耐～你仍然咁喜歡佢～但係又未見過佢、唔認識佢～唔覺得好奇怪嗎？」ｄａｉｓｙ問～
「我覺得唔係好怪～有自己喜歡的人～好事來的～」蘇楠說～
「我只係覺得怪怪地咁．．．」ｄａｉｓｙ說～
「哈～你唔好咁八卦好嗎～」蘇楠說～
此時ｄａｉｓｙ環顧四周～
發現茶座中央放了一座鋼琴～
「我覺得個邊放左部白色鋼琴～令到成個茶座的氣氛都好舒服～不過最慘就係冇人係到彈琴～得物無所用～」ｄａｉｓｙ說～
「哈～你唔知道呢個鋼琴係呢個茶座的用途吧？等我話你知～」蘇楠笑著～
然後站起身走到鋼琴前～
跟貌似老闆的人打了個招呼後～
他便坐在鋼琴旁～
雙手輕輕的在琴鍵上起舞～

「忘了是怎麼開始　也許就是對你　有一種感覺
　忽然間發現自己　已深深愛上你　真的很簡單
　
　愛的地暗天黑都已無所謂　是是非非無法抉擇
　沒有後悔為愛日夜去跟隨　那個瘋狂的人是我．．．」

悅耳的琴聲將整個小巷茶座附近流動的人群截停了～
人群都慢慢的聽著蘇楠的琴聲～
不單止是路過的人～
還有茶座上附近的住客、茶座的侍應、老闆、食客～
甚至是附近其他茶室、餐廳的人都吸引著～
「ｓｙｌｖｉａ～你睇下好多人圍住左個邊彈琴個個人呀～」ｚｏｉｅ說～
「係呀～彈得真係幾好聽～」ｓｙｌｖｉａ說～
她倆從三樓的咖啡店俯看著茶座的情景～
只見一個男的在彈著鋼琴～
琴音使ｚｏｉｅ、ｓｙｌｖｉａ兩人都不得不專注著鋼琴那處～
「ｓｙｌｖｉａ～你喜歡懂彈鋼琴的男仔嗎？」ｚｏｉｅ喃著～
「唔～當然喜歡啦～」ｓｙｌｖｉａ答～
與此同時～
街上人群當中～
「ｓｈａｗｎ～那男的彈得很好聽吧～」一個說國語的女仕說～
「對～」ｓｈａｗｎ笑著說～
「我記得很久以前你很愛鋼琴～」女仕說～
「哈～我很久沒有碰啦～恐怕會給別人笑死了～」ｓｈａｗｎ說～
「可是我還懷念當年你奏鋼琴的風采～」女仕拉著ｓｈａｗｎ的手說～
「哈～是很久的事吧～」ｓｈａｗｎ答～

琴音靜下、手指也定下～
蘇楠輕輕的笑了一下～
然後抬頭看著大廈外牆的廣告板．．

（續）

>>May 29, 2006 at 4:34:55 PM GMT+8

2006 年 5 月 26 日 星期五 【晴】

＜ＬＯＶＥ　ＳＹＬＶＩＡ－－－第四回＞
「～車窗外．．！～」
尖沙咀某咖啡店～
ｓｕｋｉｅ跟蘇楠正在這裡一起午膳～
「哈～呢到的咖啡一直都係咁好飲的～」ｓｕｋｉｅ笑著～
「當然啦～唔係點解我咁喜歡黎呢間咖啡店～」蘇楠答～
「雖然好耐都冇黎過～但係我都同你一樣好喜歡呢到～」ｓｕｋｉｅ說～
「唔～～呢一年來你係廣告界都出名了～你的廣告照、廣告片段我都有留意的～」蘇楠說～
「哈哈～唔．．不過我都係喜歡楠哥你影的相～」ｓｕｋｉｅ說～
「因為我影得你靚點？」蘇楠笑著說～
「哈～當然啦～」ｓｕｋｉｅ也笑著～
「不過你都變得大個女左同靚左啦～」蘇楠說～
「呀．．但係我心裡面冇變呢．．」ｓｕｋｉｅ說～
蘇楠聽後～只是微笑著～沒有作聲～
一年前ｓｕｋｉｅ和蘇楠早就認識了～
當時蘇楠還是個普通的攝影師而已～
就在那時～ｓｕｋｉｅ對蘇楠產生了微妙的情愫～
「你心裡面依然著佢好著迷嗎？」ｓｕｋｉｅ說～
「唔～」蘇楠點著頭～
「呢一年你都冇機會再跟她遇上和合作嗎？」ｓｕｋｉｅ問～
「其實應該係話．．我同佢都係冇緣份．．」蘇楠說～
「唔緊要啦～我相信你一定有機會碰到佢～」ｓｕｋｉｅ笑著說～
「哈～我都仍然好相信～」蘇楠答～
離開了咖啡店～
ｓｕｋｉｅ依依不捨的跟蘇楠道別～
雖然最後能夠在蘇楠面上留下道別的唇印～
但是在蘇楠心中卻起不了任何蓮漪～
回到公司～
ｄａｉｓｙ已經在影樓中執拾著東西～
「哈～很早回來嗎？」蘇楠說～
「係呀～一個人食飯～好快食完啦～你唔同啦～你有靚女陪～」ｄａｉｓｙ說～
「哈～你講咩呀？ｓｕｋｉｅ同我識左好耐啦～」蘇楠說～
「但係我見到佢鍚左你一啖．．．」ｄａｉｓｙ笑著說～
「哎呀～你都幾諸事～你係唔係做娛樂記者的？」蘇楠說～
「呵～你都冇採訪價值～你估你係呢個ｓｈａｗｎ咩！」ｄａｉｓｙ說著～
然後指著身旁那本雜誌的封面～
「ｓｈａｗｎ　ｋｉｍ～個個出名的時裝設計師？」蘇楠說～
「佢好型的～好多女模都為佢傾到的～今次佢公司請模特兒做代言～有好多女模已經爭先去試鏡了～」ｄａｉｓｙ說～
蘇楠沒有回答～
只是看著「女模爭先試鏡」這六個字．．
他想起．．「她」～
「她會不會去參加這次試鏡呢？」蘇楠心想著～

幾天後的試鏡會～
ｓｙｌｖｉａ和ｚｏｉｅ都一起來到參加～
ｓｈａｗｎ公司是香港一個大的品牌～
能夠成為這公司的代言模特兒～
可以令自己在模特兒界聲名大噪的～
所以先會吸引這麼多女孩子來參加～
面試的過程不算太長～可是人數的關係使到面試變得長了～
每位女孩子只需要換上公司的衣服～
然後在ｓｈａｗｎ等評判前以行天橋的模式行一圈便完成～
「ｓｙｌｖｉａ～你睇下其他女仔身材幾好～唉～一陣出去．．醜死了～」ｚｏｉｅ說～
「係啦～不過一想到可以見到ｓｈａｗｎ～我就其他野都唔記得啦～」ｓｙｌｖｉａ說～
「你目的都係想見ｓｈａｗｎ．．但係我唔係呢．．」ｚｏｉｅ苦著臉～
「盡力啦～話唔定佢地覺得你唔錯呢～」ｓｙｌｖｉａ笑著說～
「準備出場啦第三組！」工作人員說～
ｓｙｌｖｉａ、ｚｏｉｅ和同組的女孩子一個跟一個的從後台走出天橋～
隨著音樂的節奏～
一個又一個的走到天橋前～
然後擺出最美的姿態～
為的就是令評判們留下最深刻的印象～
到ｓｙｌｖｉａ了～
她隨著節奏一步又一步的走到天橋前端～
雙眼橫掃向各個評判～
停在ｓｈａｗｎ的雙眼～
又一次感覺到跟ｓｈａｗｎ眼神接觸～
只見他對自己微笑著～
輕輕的點著頭～
ｓｙｌｖｉａ高興得很～
心內怦怦的急速跳著～
腦內不停回響著「佢望住我．．佢對我笑．．」的說話～
經過一整天的面試～
ｓｈａｗｎ顯得有點疲累了～
「ｓｈａｗｎ其實搵番幾個名模做代言未得～駛咩搞咁大型的面試～」說話的是ｓｈａｗｎ的直屬上司～公司的老闆是也～
「老闆～我覺得又係個幾個做代言～很悶呢～市場係需要新面孔的～」ｓｈａｗｎ說～
「哈～咁你係今次的面試中有冇人選？」老闆說～
「都有幾個啦～好快應該會聯絡佢地同出結果～」ｓｈａｗｎ說～
「你辦事我放心啦一定～」老闆笑著說～
在老闆心目中～這個皇牌設計師不單止型～
問題係他真的十分能幹～
所以才會這麼信任他！

這一晚～
蘇楠和ｄａｉｓｙ加班了～
原因是那個什麼女模特兒遲到的關係～
蘇楠當然也不客氣的當面指責那個自以為是的少女吧～
可是工作還需完成～
唯有犧牲時間～留著ｄａｉｓｙ放自己忙～
二人一起站在月台上等著地鐵～
「今日見到你鬧個個女仔～好惡～」ｄａｉｓｙ說～
「我話你知～佢上次已經遲過到～我講過我好討厭人遲到～所以我先咁嬲～」蘇楠說～
「咁又係～呢種係唔係叫未紅先驕？」ｄａｉｓｙ笑著說～
「哈哈～」蘇楠也笑著～
列車到達～門打開了～
蘇楠像小孩子一般擠到另一邊的車門前～
「你做咩咁急呀～」ｄａｉｓｙ幾經艱辛才擠到蘇楠身邊～
「你唔明啦～我慣左企係呢度～」蘇楠說著～
然後看著車廂外～
一分鐘多時間過去～
列車到達了佐敦～
只見蘇楠整個人都好像期待著什麼似的～
「你做咩呀？」ｄａｉｓｙ問～
「冇．．冇野～」蘇楠答～
停了～蘇楠整個人好像發呆的站著～
「楠哥～有位坐呀～」ｄａｉｓｙ說～
可是蘇楠沒有反應～
雙眼只是牢牢的盯緊車窗外～
ｄａｉｓｙ好奇的看著車窗外是什麼～
眼前是一塊廣告板～
是一個女孩子的～
女孩子的面孔跟蘇楠工作檯上那副相是同一個的～
「ｓｙｌｖｉａ．．」
蘇楠笑著說～

（續）

>>May 26, 2006 at 12:58:38 PM GMT+8

2006 年 5 月 25 日 星期四 【晴】

＜ＬＯＶＥ　ＳＹＬＶＩＡ－－－第三回＞
「～精神分裂？？～」
總算捱過了一天～
ｄａｉｓｙ在昨天吃了蘇楠幾次苦頭～
心內真的感到十分吃力～
可是自己是一個有點好勝的人～
讀書她很聰明～
所以她不相信自己就沒能力去面對蘇楠這個上司～
今天上班～ｄａｉｓｙ很準時便出門口～
從旺角站跳上了列車～
擠迫的車廂令ｄａｉｓｙ好不容易才退到一個角落～
這是上班時間～人們在車廂中都迫得水洩不通～
可是在密集的人縫當中～
ｄａｉｓｙ發現了蘇楠．．他正正站在自己的對面～
可是中間夾著太多人了～
她沒法上前叫喚蘇楠～
在人縫中偷看著這個怪怪的人～
感覺上也頗為有趣的～
列車停在佐敦站～
只見蘇楠雙眼看著車廂外～
口中還好像喃著什麼似的～
ｄａｉｓｙ望出車廂外～
甚麼都沒有～只有廣告板和黑漆漆的牆壁～那蘇楠在看什麼呢？
「原來真的是怪人．．可能真係有精神病呢．．」ｄａｉｓｙ心想著～
走進公司大廈電梯～
「等埋！」叫著的原來是蘇楠～
「咦～今日好準時～」蘇楠對著ｄａｉｓｙ說～
「呀．．係呀～」ｄａｉｓｙ笑著說～
「做得好～係呀～今日會有人上來影硬照～一陣你去十三樓幫我手～ｏｋ？」蘇楠說～
「唔～冇問題～」ｄａｉｓｙ說～

今天來拍硬照的是近期人氣小女模－－ｓｕｋｉｅ～
蘇楠一回到十三樓影樓～
便跟佈置組的同事一起將場地佈置好～
預備好影相時的道具～
還有ｓｕｋｉｅ的衣服等等～
工作效率高得令ｄａｉｓｙ咋舌～
主角到了～
樣子甜美、可愛正是ｄａｉｓｙ對ｓｕｋｉｅ的第一印象～
雖然從電視上看過ｓｕｋｉｅ幾次～
尤以在某快餐店的廣告最為人熟悉～
想不到真人的樣子依然是清純、可愛的～
「ｄａｉｓｙ！！」蘇楠叫著～
「係！」ｄａｉｓｙ立即走到蘇楠面前～
「你幫我去拿多幾張ｒａｍ卡、仲有叫人準備好飲品～一陣影得耐等大家都可以解渴～明唔明？」蘇楠吩咐著～
「唔～冇問題～」說畢ｄａｉｓｙ便立即去做～
等到ｓｕｋｉｅ化好了妝、換過衣服後～
今天的工作正式開始～
ｓｕｋｉｅ自然的開始擺著不同的姿態～
「好！！ｇｏｏｄ！！」蘇楠一邊影著～一邊讚著～
其後又拿起一些道具～
純熟地繼續擺著不同姿勢～
「係！！好！非常好～在側多少少～係啦！今日好ｃｕｔｅ呀！笑得再甜多些！」蘇楠說～
很快地影了一節～
正當蘇楠要更換記憶卡時～
才發覺ｄａｉｓｙ還沒有回來～
可是飲品卻已準備好了～
「ｓｕｋｉｅ～你休息一下～我去拿些東西～」蘇楠說～
然後沿著樓梯跑到十二樓～
走進辦公室～
只見ｄａｉｓｙ在櫃前東找找、西找找的～
「ｄａｉｓｙ！！你係度做咩？」蘇楠說～
「我．．我仲未搵到ｒａｍ卡～」ｄａｉｓｙ驚慌的說著～
蘇楠走向ｄａｉｓｙ身後的櫃～打開櫃門～
隨手拿出兩張記憶卡～
「你睇下？」蘇楠說～
「呀．．對．．對唔住．．」ｄａｉｓｙ說～
「唉～～行啦～」蘇楠說～

用了差不多二小時的時間～
跟ｓｕｋｉｅ影了四款不同的硬照～
從電腦重看相片～
大家都感覺很滿意的～
只是ｄａｉｓｙ對於今天自己的表現卻耿耿於懷～
對於蘇楠對自己的反應～也十分緊張～
所以顯得沉默了～
「做咩事呀你？」蘇楠不知何時拿著杯子走到ｄａｉｓｙ身旁～
「冇．．冇事呀～」ｄａｉｓｙ緊張的答～
「下次呢如果搵唔到呢～即刻番上黎話我知嗎！」蘇楠說～
「我．．我怕你會鬧我．．」ｄａｉｓｙ說～
「哈～你番得三日工～唔記得好正常呢～總之唔識、唔知、唔記得就一定要問人～咁樣做野先會快速成事呢～」蘇楠說～
「哦．．．我知道啦～」ｄａｉｓｙ說～
「楠哥！！」叫蘇楠的是ｓｕｋｉｅ～
「做咩事呀ｓｕｋｉｅ？」蘇楠問～
「今日一齊食午飯好嗎？」ｓｕｋｉｅ問～
「哈～冇問題～呢排你點呀？」蘇楠笑著問～
「都幾好啦～成日要拍硬照～不過多左很多工作～幾開心呀～」ｓｕｋｉｅ笑著說～
笑容是多麼的可愛～
「今日你表現得好好呀～越來越進步～」蘇楠說～
「多謝．．哈～咦～你的新助手嗎？」ｓｕｋｉｅ看著ｄａｉｓｙ問～
「係呀～番左幾日工而已～」蘇楠說～
「行得未呀咁？」ｓｕｋｉｅ說～
「可以了～」蘇楠答～
「呀～ｄａｉｓｙ～一陣你出去記得鎖番影樓～我食完ｌｕｎｃｈ番黎再搵你幫手執野～」蘇楠對著ｄａｉｓｙ說～
說畢便跟ｓｕｋｉｅ一起走著～

中環的大街上～
ｓｙｌｖｉａ急急的跑到一個女孩面前～
女孩正是昨天在花生騷的ｚｏｉｅ～
「呢份就係ｓｈａｗｎ公司ｃａｓｔｉｎｇ的表格～我都算對你一薄啦～」ｚｏｉｅ說～
「哈～多謝哂你呀～」ｓｙｌｖｉａ說～
「唉～見你對佢咁崇拜～唔幫你都唔得啦～」ｚｏｉｅ說～
「總之一陣所有行程都係我包起你啦好嗎～哈哈～」ｓｙｌｖｉａ說～
然後拉著ｚｏｉｅ的手行著～

（續）

>>May 25, 2006 at 12:06:00 PM GMT+8

2006 年 5 月 24 日 星期三 【晴】

＜ＬＯＶＥ　ＳＹＬＶＩＡ－－－第二回＞
「～很難服侍的上司！～」
「下一站係佐敦．．．」
地鐵廣播在車廂中響起～
同一個車廂、同一個車窗前～
站著的是蘇楠～
雖然上班的時間不同了～
可是他站著的位置沒有變～
為的只是見她一面～
「列車即將開出～請切靠近車門」
地鐵車門在廣播聲中關上了～
「我走啦！明天再見！」蘇楠笑著說～

今天是ｄａｉｓｙ第一天上班～
蘇楠很準時的回到公司～
以迎接這一個新的助手～
可是等了半小時～才見ｄａｉｓｙ匆匆忙忙的到來～
「唔好意思呀．．我．」ｄａｉｓｙ說～
「你又遲到啦！」蘇楠說～
「對唔住．．我睡過頭了．．」ｄａｉｓｙ說～
「你今日遲左半小時～你跟接待處的同事入去搵番自己個位～然後坐係呢度～半小時後先上十三樓搵我～係咁多～」蘇楠說～
「下．．．」ｄａｉｓｙ呆著．．想不到蘇楠會這樣做～
「有問題嗎？冇的話而家開始～」說畢～蘇楠離開了～
「唉．．．唔通呢個新上司係一個怪人？」ｄａｉｓｙ苦著臉說～
呆呆的坐了半小時後～
ｄａｉｓｙ沿著樓梯走上十三樓～
這一層是一間很大型的影樓～
每個角落都是不同位置的佈景～
每一張東西對ｄａｉｓｙ來說都是新奇的～
「哦？上黎啦？」蘇楠說著～
只見他坐在其中一張椅上～
正在享受著杯中的咖啡～
「蘇先生．．請問有咩吩咐？」ｄａｉｓｙ緊張的問～
經過剛才那一次～ｄａｉｓｙ對蘇楠有了少少的戒心～
「唔駛太拘緊的～你以後可以叫我阿楠～又或者ｋｅａｎｕ都得～」蘇楠說～
「哦．．哦．．」ｄａｉｓｙ答～
「我好唔喜歡人唔守時～所以我先咁樣對你～希望你以後會懂得守時～」蘇楠說～
「哦～我知道了～」ｄａｉｓｙ說～
「好～開始介紹下你要做的工作先～」蘇楠站起身來～
然後跟ｄａｉｓｙ介紹這裡的器材～
每次有人到影樓影相時應該預備什麼、要幹什麼～
有時出外時要做什麼、帶備什麼等等．．
「記得哂嗎？」蘇楠問～
「呀．．暫時都記到～」ｄａｉｓｙ說～
「哈～唔緊要～慢慢來～唔記得就要問人～知道嗎？」蘇楠笑著說～
想不到剛才對自己十分嚴肅的上司～
現在卻又顯得十分友善似的～
「難道這個蘇楠好像一般藝術人一樣～是精神分裂的嗎？」ｄａｉｓｙ心內想著～
「呀～你係度一陣～我去拿呢幾日的工作流程你睇～」蘇楠說～
當蘇楠行開後～
ｄａｉｓｙ繼續好奇的看著四周～
身後是蘇楠的工作檯～
檯上放了很多不同的模特兒的相片～
其中有一副是特別的大張的～
ｄａｉｓｙ伸手拿起那幅相～
這模特兒的樣子娟好、笑容甜美的～
眼睛大大～束著長長的頭髮～
「你係度做咩野？」忽然蘇楠出現在ｄａｉｓｙ的身後～
「我．．．係度睇緊．．」ｄａｉｓｙ的說話未說完～
只見蘇楠已經上前搶過她手上的相片～
「我同你講多樣野～就係我唔喜歡其他人攪我工作檯上的東西～冇我指示請你都唔好觸碰我檯上的東西～可以嗎？」蘇楠嚴肅地說～
「哦．．知道！」ｄａｉｓｙ又給這個上司嚇倒了～
「呢到係呢個星期我地要做的工作表～你記住佢啦～係咁～」蘇楠說著～
然後將手上的資料交到ｄａｉｓｙ手～
「唉．．．真係一個怪人．．我有難了！！」ｄａｉｓｙ暗嘆著～

晚上的會展～
這晚是一個流行時裝的花生騷～
「我地有請我地的設計師～Ｓｈａｗｎ　Ｋｉｍ！！」司議說著～
一個充滿時尚感覺、十分有型有格的男子從後台步出天橋～
受著所有在場人仕的歡呼～
身旁伴著所有模特兒～
表演完畢後～
這個叫Ｓｈａｗｎ的男子便給記者圍著～
「金成文先生～你對今次的花生騷有咩感想呀？」記者Ａ問～
「呀～好高興～今次時裝展的成功係全公司的努力～而我今次都花左好多心機係呢次設計的作品上～希望會受到大家的歡迎～」Ｓｈａｗｎ說～
他叫Ｓｈａｗｎ～金成文～是香港一間著名時裝公司的皇牌設計師～
他的出名不單止是因為其事業～
還有他的緋聞～他已經不只和一個女明星或名模傳出緋聞了～
走回後台～Ｓｈａｗｎ跟所有的工作人員一起慶祝著～
大家都很開心的拍著照～
身邊一個又一個的女模爭著跟Ｓｈａｗｎ拍照～
正當後台人頭湧湧之時～
一個女孩子溜進了後台～
「Ｚｏｉｅ！」女孩叫著～
「呀～ｓｙｌｖｉａ～你終於入到黎啦！」ｚｏｉｅ說～
「係呀～我好心急呀～係呢～阿ｓｈａｗｎ係邊呀？」ｓｙｌｖｉａ說～
「個到呢～好多人圍住的那個嗎！」ｚｏｉｅ說～
ｓｙｌｖｉａ看著人埋中的ｓｈａｗｎ～
雙眼將給鎖住了～
四周的環境都變得黑了、靜了～
只剩下她和ｓｈａｗｎ～
就在ｓｙｌｖｉａ著迷之際～
ｓｈａｗｎ的眼睛跟ｓｙｌｖｉａ碰上了～
ｓｈａｗｎ微微向ｓｙｌｖｉａ點點頭～微笑了一下～
這一下已足夠令ｓｙｌｖｉａ醉倒了～

（續）

>>May 24, 2006 at 5:49:35 PM GMT+8

2006 年 5 月 23 日 星期二 【雷雨】

＜ＬＯＶＥ　ＳＹＬＶＩＡ－－－第一回＞
「～攝影師！～」
上午十時多～
地鐵車廂內有著很多的坐位～
上班的繁忙時間過了～
整列地鐵都顯得十分安靜～
可是有一個人．．
他總喜歡選擇站在車門旁的位置～
就算坐椅有很多是空置著的～
他也不會選擇錯～
為了什麼？？為的只是見她一面～
「准我一生也愛你一個．．想你心意屬我．．」
＜一生愛你一個＞的鈴聲是蘇楠最愛的鈴聲～
這個鈴聲他用了很久～每次更換電話時～
他總要下載這首歌作鈴聲～
「喂～搵我咩事？」蘇楠對著電話說～
「你快點回來影樓啦～今日要ｉｎ人～有幾個黎左啦～」電話另一邊說～
「得啦～你同我招呼佢地先～」蘇楠說～
他就是蘇楠～英文名叫ｋｅａｎｕ～
係一個專替雜誌影相的攝影師～
列車停在月台上～
蘇楠對著窗戶說～
「我走啦要～今日好開心可以見到你～」
說畢笑了笑．．列車又繼續前進．．
列車另一個車廂～
兩個女孩子正急著的～
「最麻煩都係你啦ｄａｉｓｙ～我地實遲到啦～」一個女孩子說～
「我都唔想．．．鬧鐘壞了～所以先睡過頭～」另一個叫ｄａｉｓｙ女孩子說～
「希望個面試唔好咁快完就好～如果完左～ｄａｉｓｙ阮～我一定唔會放過你的！哼！」女孩子說～
「知啦～唔好咁嬲啦好嗎．．」ｄａｉｓｙ說～
ｄａｉｓｙ～中文名叫阮麗詩～
是某大學的學生～身邊那一個是她的好朋友和同學～
兩位都是為著暑期工而努力中～

尖沙咀某大廈～
「叮！」電梯門打開～
蘇楠輕鬆的走進了電梯內～
正當電話要關上時～卻出現了兩把女孩子的尖叫聲～
「等埋呀唔該！！」原來是剛才叫ｄａｉｓｙ的女孩子～
還有她的好友～
蘇楠禮貌地按了「開門」的按鍵～
然後讓這兩個女孩走進來～
「幾多樓呀？幾多樓呢？」ｄａｉｓｙ喃著～
「十二樓呀～」ｄａｉｓｙ好友說～
「好彩仲趕得切～不過跑死人啦～」ｄａｉｓｙ說～
「如果唔係你我地駛咁趕咩～希望未見哂啦～」ｄａｉｓｙ好友說～
蘇楠輕輕的看了前面兩個女孩一眼～
再看看自己的早按亮了的「十三」字按鍵～
微微的笑了～
「叮」電梯門打開～
兩個女孩子便急急的走出電梯～
蘇楠關上了電梯門～
電話已經開始震了～
「叮」十三樓～
走出電梯～蘇楠拿起手機～
「ｋｅａｎｕ哥～全部人齊哂啦～你係邊呀？」電話另一邊的人急著問～
「我係十三樓呀～」蘇楠說～
「我地係十二樓見呀～～」那人說～
「我知啦老闆～我都係放低個袋～然後落黎啦～好嗎～」蘇楠說～
原來電話另一端是他的老闆～

蘇楠工作的公司是一間有名的攝影製作公司～
今次招聘的正正是蘇楠的副手～
工作範圍當然就是雜務－－－一切輔助蘇楠的工作～
固此老闆都好重視其公司的頭號人物－－蘇楠的意見～
整個面試過程不算太長～
只是蘇楠對面試的朋友的問題也頗為特別的～
「你對模特兒的認識深嗎？」、「你知道我是誰嗎？」
怪異的問題令有些面試者都嚇了一跳～
來到了最後一位了～
「終於到最後一位啦～今個上午可苦了．．」蘇楠的拍檔阿陞說～
「算啦～我同你一人請左一個～咁未以後冇咁辛苦～」蘇楠說～
說著～一個女孩子走進面試室內～
「ｄａｉｓｙ小姐你好～」阿陞說～
蘇楠看了眼前的女仔一眼～他認得就是剛才同一部電梯的其中一個～
「兩位好呀～」ｄａｉｓｙ說～
阿陞開始向ｄａｉｓｙ問一些簡單的問題～
此時～蘇楠開聲了～
「ｄａｉｓｙ小姐～想問下你．．你對於守時有咩睇法？」蘇楠問～
「下？」ｄａｉｓｙ呆了一呆～
「唔．．係做人應有的原則～」ｄａｉｓｙ答～
「咁如果見工都遲到～又點樣呢？」蘇楠再問～
「那．．那．．」ｄａｉｓｙ急了～
想起蘇楠的樣子．．醒起剛才在電梯內另一個男子～
她心內暗自驚慌～
「哈～唔緊要～呢樣野可以改變的對嗎？」蘇楠問～
「對．．對～」ｄａｉｓｙ說～
「係呢～你對香港模特兒認識深唔深呀？」蘇楠問～
「呀．．呀．．我只認識．．ｋａｔｈｙ　ｃｈｏｗ～」ｄａｉｓｙ說～
她整個人都緊張得很～看來剛剛給蘇楠嚇怕了～
「哈哈～咁你認唔認識我呀？」蘇楠笑著問～
「你．．呀．．唔知．．」ｄａｉｓｙ說～
「哈～遲點你就會清楚了～好啦～唔該哂你啦ｄａｉｓｙ小姐～」蘇楠說著～
然後ｄａｉｓｙ有點失落似的離開了面試室～
「喂～阿楠～你好似有意留難今日面前的人咁～」阿陞說～
「唔係～只係一種我揀助手的手法～而且我已經有左人選～」蘇楠說～
「唔會係求先個個掛？」阿陞說～
「哈～正是！」蘇楠說～
為什麼蘇楠會揀表現最差的ｄａｉｓｙ呢？
原來蘇楠要的助手是一個不是來看名模、不是為傾慕自己的人～
正正ｄａｉｓｙ又認識蘇楠、又對模特兒認識不深～
這就是最好的配對～

與好友一起離開了攝影公司～
ｄａｉｓｙ為著剛剛自己的表現感到沮喪～
「我俾人問到我口啞啞咁呀～」ｄａｉｓｙ說～
「我又何嘗唔係～唉．．都唔知點算了～」好友說～
「看來我都係番去睇報紙啦．．」ｄａｉｓｙ說～
此時～ｄａｉｓｙ的手機響起了～
陌生的電話號碼～
「喂～你係邊位？」ｄａｉｓｙ說～
「我係攝影公司打來的～我係蘇楠～請你明天呢個時間再來公司好嗎」原來是蘇楠打來的～
「哦．．哦！！可以～～冇問題～」ｄａｉｓｙ答～
整個人都喜出望外似的～

（續）

>>May 23, 2006 at 3:14:49 PM GMT+8

2006 年 5 月 22 日 星期一 【陰】

＜ＬＯＶＥ　ＳＹＬＶＩＡ－－－前言＞
這是小弟的第十三部作品了～
今次很想將個風格改變少少～
所以嘗試將幾個獨立想像的故事合埋一齊～

故事講的係男主角蘇楠～
一名攝影師～可是他為何會選擇這一行業呢？
背後原來藏著一個很重要的原因．．．

「做模特兒、拍廣告完全因為你～．．因為希望可以為你的設計做代言～」－－ｓｙｌｖｉａ

「．．我愛拍照！就是希望有天能讓我好好的拍下你最美的一面．．」－－－蘇楠ｋｅａｎｕ

「很多時候～人總是只將眼光放在前方～又或者將自己心中的死穴放大了．．
　所以總會忽略了身後、又或者是伴在身旁的人～
　為什麼總要這樣？」－－－Ｄａｉｓｙ阮麗詩

希望大家會喜歡呢個故事吧～

　　　　　　　　　　　　　　　　　　　　　　　　　　　　　　　　　－－李奧上

>>May 22, 2006 at 11:58:43 AM GMT+8

2006 年 5 月 19 日 星期五 【晴】

＜命運．時空．雪狼續－－－後話＞
終於寫完了一個自己一直以來都好想寫的故事～
雖然改左的地方不多～
結局的延續也不算多～
但都是為了合乎我自己的心願－－－－
「令阿雪唔死」
其實令阿雪唔死可以係奇花救番佢之後就完結～
但係我又覺得如果單係用呢個橋段又好似太行貨了～
所以再加上了一種時空的定律～
（老實～我真係幾喜歡寫一些時空的故事．．．哈～）
唔知太家又覺得點呢？？
講番故事～
改篇黎講我覺得好似冇＜時光機＞寫得咁好咁～
不過反而卻投入了少少去寫～
將老狼呢個角色變了男主角的一個長輩的人物～
係為左要由佢帶出奇花、時空匕首、時間空間定律等等的故事內必備的用具～
至於．．．我相信大家較關心的應該是玉瑜了～
為什麼我不寫玉瑜之後點呢？
原因我想忠於原本的感覺～
玉瑜係原著上（即玉鳳）那種感覺～
讓佢無聲無息無私地去讓出～
那種感覺反而會黎得更令人深刻～
總好過好公式的交代她的未來～
多謝大家睇左咁耐～還捧了我咁耐場～
下個故事都已經想好了～
希望大家會繼續支持啦～
　　　　　　　　　　　　　　　　　　　　　　　　　　　　　　　　　－－李奧上

>>May 19, 2006 at 2:31:49 PM GMT+8

2006 年 5 月 19 日 星期五 【晴】

＜命運．時空．雪狼續－－－第四十七回大結局＞
「～結局！～」
夜雪緩緩的舉起自己的右手～
慢慢地～小夜雪和夜雪雙手正要握住了～
「阿雪姐姐！！！」一把聲音從不遠處叫著～
叫著的原來是小胡晨和小蔣明～
這一下令夜雪和小夜雪都不約而同的收回了手～
「哈～阿雪姐姐你點解會係度？」小胡晨問～
「姐姐係度等人～」夜雪說～
「係唔係等姐姐喜歡的人呢？」小夜雪說～
「呀．．哈哈～係呀～」一想到這裡～
夜雪的笑容又禁不住了～
此時～胡晨也來到～
夜雪跟胡晨對望著～
兩人都是百般滋味的．．
「我地不如去玩啦～唔好阻哥哥同姐姐了～」小玉瑜說～
然後四個小孩子便跑開了～
胡晨一步一步的走向夜雪～
他不敢走得太快～
他很想看清楚一點眼前曾經經歷生離死別的愛人～
夜雪站著動也不動～
只是她的眼睛也牢牢的看著胡晨～
眼前是千辛萬苦去追尋的愛侶～
她很害怕．．很害怕快速地走在一起後．．
卻又再一次會分開～
胡晨的腳步停在夜雪的跟前～
不知道是否二人很久也沒試過面對面～
一時間大家都想不出說話來～
夜雪伸出了雙手～
慢慢的觸碰著胡晨的面頰～
「雪．．做咩事？」胡晨開聲說～
雙手握著夜雪放在自己面上的雙手～
「我只係想捉住你～我想知道我係唔係發夢．．」夜雪說～
「係真的．．係我～～我地冇發夢～」胡晨溫柔地說～
「晨！！」夜雪高興地笑著～
然後撲入胡晨的懷抱內～
幾經波折～胡晨和夜雪終於能夠再一次相擁著～
兩人都緊緊的抱著對方～

下午的陽光打在胡晨和夜雪身上～
二人緊緊的靠在一起～
看著斜坡下～小胡晨、小夜雪、小玉瑜、小蔣明在跑著、跳著～
「晨．．估唔到我地原來一早已經認識～」夜雪笑著說～
「係啦～以前係呢度周圍跑～周圍玩～就算同唔認識的小朋友一齊玩都唔覺得係奇怪～但係想唔到原來我有跟你一起玩過～」胡晨說～
「有時原來緣份一早已經出現過～只係我地察覺唔到～當失去左時候先去珍惜．．先去後悔～到時真係好慘．．」夜雪說～
「咁但係如果上天俾多次機會～就好似我地一樣呢？」胡晨說～
「當然要更加珍惜呢個機會．．」夜雪說～
「雪．．嫁俾我好嗎？」胡晨看著夜雪說～
夜雪沒有回答．．．只是甜甜的點著頭～
斜坡下的四個小朋友～
「不如我地玩另一個遊戲好嗎？」小夜雪說～
「下？玩咩野遊戲好？」小蔣明說～
「不如玩個叫『結婚』的遊戲啦～」小玉瑜說～
「結婚遊戲？？係咩黎？？」小胡晨說～
「我地兩個男仔、兩個女仔～組合成兩對咁樣～」小玉瑜說～
「咁點分呀？」小夜雪說～
「我地猜～猜贏左話事～」小玉瑜說～
四個小朋友四隻手一起猜著～
「我羸左！我贏左！」小蔣明大叫著～
「咁你揀妹妹定揀我？」小玉瑜問～
「唔．．．」小蔣明看著二人～
然後指著夜雪～「我揀妹妹～哈哈～」
「唔～好啦～咁你地宣誓先啦～」小玉瑜說～
「我發誓我願意娶你為妻～」
「我發誓我願意嫁你為妻～」
說畢～小蔣明高興的拉著小夜雪的手～
「到你地啦～」小夜雪說～
「我發誓我願意嫁你為妻～一生對你好～」小玉瑜說～
「哈～到我．．呀．．」小胡晨喃著～
「我發誓我願意娶你為妻～多謝你對我的照顧～嘻嘻～」小胡晨笑著說～
「禮成！！好野～～」四個小朋友高興地說～
「老婆～我地以後永遠一齊好嗎～我只係喜歡你一個呢！哈哈～」小蔣明拉著夜雪說～
另一方面～
「老公～以後我都會對你好好～就算點我都會咁愛你～哈哈～」小玉瑜說～
太陽慢慢的下著山～
夕陽照著這三對戀人～

「有時好多事命中早早註定了～或者很久以前已經開始～只是人自己遺忘了～可是緣份卻沒有因此以逝去～」

太陽下山後～
胡晨和夜雪手牽手的回到了湖區～
只見阿郎站在屋外等著～
「呀～～等左你好耐～～終於見到你地番黎～」阿郎說～
「對唔住．．要你擔心我地～」夜雪說～
阿郎看看夜雪和胡晨手牽著手～
不禁開懷笑了起來～
「哈～唔緊要～最緊要個結果係好～哈哈哈！！」阿郎笑著說～
此時．．
黑夜中突然劃出了一條閃爍的裂縫～
從裂縫中跳出了一個人～
「老郎叔？？」胡晨叫著～
「小晨～～我終於搵到你地～～」老郎叔高興地說～
同時～老郎叔發現了阿郎～
「你．．你係．．」阿郎驚訝的問～
「老郎叔～佢．．佢係你～你係佢！」胡晨笑著說～
兩個阿郎互相對望著～
這真是天下間最奇妙的事情～
「老郎叔～我地係唔係番去啦要？」胡晨說～
「對～～今次應該可以番到去了！」老郎叔說～
胡晨看看身邊的夜雪～二人甜甜的笑著～
「阿郎！」胡晨轉向阿郎說～
「我地要走了～多謝你！」胡晨說～
「．．．小晨～～呀．．再見了～」阿郎擁著胡晨說～
依依不捨的～
「再見啦！」胡晨、夜雪、老郎叔一起跳進裂縫中．．
消失了～一切都消失了～～

「好啦～故事講完了～好唔好聽呢？」老翁說～
「好聽呀～哈哈～咁之後胡晨同夜雪點呀？」小朋友問～
「唔～佢地兩個人未好好咁一直生活落去～」老翁說～
「哦～～好野！！」小朋友們笑著說～
「太陽快下山了～你地快點番去自己家吧～」老翁說～
「好啦～再見啦鬍鬚伯伯！」小朋友們高興地走了～
「老公～又同小朋友講故事嗎？」屋內一個老婦人走出來說～
「係呀～」老翁站起說～
「一個屬於我地的故事！」老翁笑著再說～

（完）

>>May 19, 2006 at 1:09:57 PM GMT+8

2006 年 5 月 18 日 星期四 【晴】

＜命運．時空．雪狼續－－－第四十六回＞
「～尋你．尋我！～」
第二天～
中午時份～
胡晨和阿郎已經到了蔣家的大宅內～
「唔駛咁緊張～」阿郎對胡晨說～
只是胡晨整個人都十分期待～
他跟夜雪失散、再重遇、分離、再重遇～
然後又在時空中失散～
今次再次重遇～
胡晨的心比之前兩次更加緊張～
由蔣家的工人引領著～
到達蔣家的客廳～
對胡晨而言～
他可能比起那工人更加熟悉～
這個地方他從小便接觸～
「阿郎～咁好黎探我？」蔣先生來了～
「蔣生～好耐冇見你～哈哈～」阿郎說～
「我呢排都少出門～反而係你忙吧～」蔣生說～
「對對對～～唔見少爺仔？」阿郎說～
「佢出左去玩～小朋友都係喜歡周圍玩～」蔣生說～
「咦～呢位後生仔係？」蔣生問～
「我叫阿晨．．」胡晨說～
「佢係我朋友～其實今次黎都係佢有事想問蔣先生～」阿郎說～
「哦？咩事呢？」蔣生問～
「我想問你係唔係之前收留左一個女仔叫阿雪？」胡晨緊張的問～
「哦？？阿雪小姐？？冇錯～你認識佢？」蔣生問～
「冇錯～我係黎搵番佢～我同佢失散左～」胡晨說～
「難道你就係阿雪小姐口中那個喜歡的人？」蔣生說～
「唔～～我同阿雪係相愛的～」胡晨說～
「唔好意思了～阿雪小姐剛離開左～」蔣生說～
「下？？」胡晨和阿郎一起呆著～
「之前佢叫我幫佢查下你的下落～今朝我收到消息～然後佢堅持要立刻到湖區找你～佢都只係係你地到之前先離開～」蔣生說～
「阿郎～我．．．我要即刻番去～」胡晨站起身說～
「冇問題～～我地走～」阿郎說～
「不如我派架馬車等你地可以快點好嗎？？」蔣生說～
「麻煩哂你！！」胡晨說～

另一邊廂的夜雪～
她正坐在馬車上往湖區進發～
她的心情跟胡晨一樣～
大家都十分渴望再見對方～
夜雪、胡晨的緣份兜兜轉轉的～
她很想珍惜以後的每一分每一秒～
可是．．當她到了湖區後～
同樣情況也出現在夜雪的面前～
「阿晨．．佢一早同阿郎出左去～」阿胡說～
「哦．．那．．」夜雪喃著～
看著遠處的草原～
夜雪突然好像想了一些事似的～
「你可以同我傳句說話俾佢嗎？」夜雪說～
「可以冇問題～」阿胡說～
一小時後～
胡晨和阿郎回到湖區後～
便立刻急急的跑回住所～
「有冇見過有個女仔搵我？？」胡晨問～
「有呀～～佢留低左句說話俾你～～」阿胡說～
「係咩？？」胡晨問～
「佢話『在起誓處等待著你』」阿胡說～
胡晨呆了一呆～
「剩係咁多？」阿郎問～
「係呀～」阿胡答～
「放心啦～我知道佢係邊～等我自己去搵佢～」胡晨笑著～
胡晨從湖區慢慢的向山坡上的草原跑去～
「在起誓處等待著你」～
胡晨便想起當初跟夜雪在草原上訴說著大家的理想～
那個情景一一重播在胡晨的腦內～
另一邊的夜雪～
她坐在草原上～環顧著四周～
她腦內同樣的想著當天跟胡晨一起時的情景～
「哈哈！！咪走呀！！哈哈！！」
突然～夜雪聽到遠處有人邊叫邊跑著～
她站起來看看～
原來是一對姊妹～
兩個小女孩停在夜雪的面前～
「姐姐你係度做咩呀？」較少的小女孩問～
「我係度等緊人～」夜雪答～
「哈～等丈夫嗎？」另一個女孩問～
「唔～～」夜雪甜甜的點著頭～
「咁你地兩個呢～」夜雪反問～
「我地兩個去搵人呀～」兩個小女孩一齊說～
「姐姐你喜歡呢個草原嗎？」年少的小女孩問～
「喜歡～很喜歡～」夜雪說～
事實由小時候夜雪已經很喜歡這個草原～
「我都係呀～我好鍾意係度跑來跑去～哈哈～」小女孩說～
「姐姐你叫咩名呀？」年長的小女孩問～
「姐姐叫做阿雪～你地兩個呢～」夜雪說～
「我同姐姐一樣～我都叫阿雪～」年少的小女孩說～
「我叫做玉瑜～」年長的女孩說～
夜雪呆著～
想不到．．自己會碰上以往的自己．．還有姐姐玉瑜～
這個情境她真的有點難以置信～
「姐姐～我地握握手～做個朋友好嗎？」小夜雪伸出右手說～
「哦．．哦．．」夜雪呆著～
然後慢慢的伸出自己的右手．．．．

（續）

>>May 18, 2006 at 11:42:17 AM GMT+8

2006 年 5 月 17 日 星期三 【寒冷】

＜命運．時空．雪狼續－－－第四十五回＞
「～發現你．發現我！～」
「你．．你叫胡晨．．？」夜雪驚訝地問～
「係呀！」小胡晨笑著說～
「佢係我好好的朋友～阿雪姐姐你陪唔陪我地玩呀？」小蔣明問～
「唔好啦．．」夜雪說～
「好啦～姐姐我地一齊玩啦～」小胡晨笑著說～
然後上前拉著夜雪～
夜雪看著這個胡晨．．
心中那種抗拒的感覺也消失了～
「那．．好吧～」夜雪說～
蔣家的花園內～
夜雪坐在草地上～
看著兩個小男孩不停的跑著跳著～
心中不其然的笑了起來～
這種喜悅的感覺．．夜雪好像已經久違了～
最令她意外地開心的～
是竟然看到自己喜歡的人－－小時候的胡晨～
天真可愛的笑容～
使到夜雪笑逐顏開～
「姐姐～點解你唔陪我地一齊玩呀？」小蔣明說～
「唔啦～姐姐很累呢～你地自己玩吧～」夜雪說～
「佢地玩得幾開心呢～」原來是蔣先生～
不知何時他已走到夜雪的身後～
「唔～佢地真係好可愛～」夜雪說～
「阿雪小姐都好耐冇笑過了～」蔣先生笑著說～
「哈哈～唔～」夜雪答～
「蔣先生．．我想有一個請求～」夜雪再說～
「咩事？？」蔣先生問～
「我想搵一個人．．．佢．．佢叫阿晨．．」夜雪說～
然後將胡晨的外型、身高等待說了給蔣先生知～
「哦？冇問題的～唔．．佢係你朋友？」蔣先生說～
「佢係我．．喜歡的人～」夜雪甜甜的說～
「好吧～冇問題～」蔣先生說～

夜裡～
胡晨繼續在自己的家中「作客」～
這個情況真的是十分特別～
在自己的家中．．卻好像是一個客人似的～
「小晨～今日去左邊度玩呀？」胡媽媽說～
「今日我去左阿明屋企玩呀～」小胡晨說～
「叫過你唔好去蔣家屋企玩的～」胡爸爸說～
「阿明係我好朋友呀～唔驚啦爸爸～」小胡晨說～
「我只係唔想你俾人講閒話而已～」胡爸爸說～
「老公～唔緊要啦～」胡媽媽說～
「哈～係啦～阿胡～小朋友玩下～唔會出咩是非的～」阿郎說～
「呀～今日阿明屋企仲多左個靚姐姐～」小胡晨說～
「哦？？係咩人黎？」胡媽媽說～
「唔知呀．．阿明話係之前係草原到救左呢個姐姐的～」小胡晨說～
此時～在場反應最突然的可算是胡晨了～
「小晨．．你話係邊到救左個姐姐？」胡晨說～
「係草原旁～」小胡晨說～
「個姐姐樣子係點？」胡晨緊張的問～
「靚～～好靚～～姐姐笑得好好睇～」小胡晨說～
「可唔可以細緻一點？」胡晨問～
「下．．我唔知．．」小胡晨答～
「阿晨～做咩事？」阿郎問～
「我．．我諗．．個女仔可能係我一直要搵的．．佢係我愛的人～」胡晨說～
「呀～姐姐叫做阿雪！」小胡晨再說～
「阿．．阿雪！！」胡晨驚訝的～
「對了！！就是阿雪～～一定是她～」胡晨喃著～
「老．．阿郎哥～～你帶我去蔣家～帶我地～」胡晨急著說～
「阿晨～冷靜點～～蔣家唔係可以隨便去的～」阿胡說～
「咁．．咁點算．．」胡晨問～
「我同蔣先生都有點交情～我明天同你去見見佢好嗎？」阿郎說～
「呀．．．好．．好呀！！」胡晨說～

飯後～
胡晨為著夜雪的消息而急著～
一個人在湖邊踱來踱去～
「後生仔～～很掛住愛人嗎？」是阿郎～
手中還拿著一樽酒～
「唔～～」胡晨點著頭～
「飲啖啦～」阿郎將酒遞到胡晨手中～
「失散左咁耐～如果真係可以見番～相信一定係好開心呢～」阿郎說～
「冇錯～」胡晨說著～
便將酒倒進口中～
「阿晨～其實你係邊到來的？」阿郎問～
「哦？？未係隔離村～」胡晨答～
「朋友～我阿郎雖然唔係好聰明～但係我去過好多地方～好多事我都睇得通透～你的裝束雖然和我地村的人十分相似．．但係衫的質料．．絕對唔係屬於呢個時期會有的～」阿郎說～
「那．．係因為隔離村有新貨吧～」胡晨支悟著～
「阿晨～我問過隔離村．．佢地冇人認識你～」阿郎說～
胡晨呆了．．這一刻他不懂得如何答下去～
「阿郎～你相唔相信人可以穿越時空？？」胡晨說～
「你唔係想跟我說你係第二個時空的人吧？？」阿郎說～
「老郎叔．．其實．．其實我係十六年後的．．小晨～」胡晨說～
「咩．．咩話？？」阿郎呆了～
於是胡晨便將自己的經歷一一的告訴了阿郎～
只見阿郎聽得目定口呆的～
「我唔知你相唔相信～但我希望呢件事你可以幫我保守著秘密～可以嗎？」胡晨說～
「一時間．．你叫我點樣相信．．」阿郎說～
「不過．．如果你所說的係屬實～我會高興～」阿郎再說～
「點解？？」胡晨問～
「因為阿胡可以有你呢個兒子～仲有～小晨將會好似你咁～有情有義～」阿郎說～
「．．．老．．老郎叔．．」胡晨鼻子酸了～
「好吧～早點休息～明天我跟你去到蔣家去～」阿郎說～

（續）

>>May 17, 2006 at 12:38:10 PM GMT+8