2006 年 2 月 13 日 星期一 【微冷】

＜愛在舊區瘋狂時－－－第八十八回＞
「～展樂絕地抗爭！（１）～」
第二天～
早上九時多～
我穿起了白色的襯衫、藍色的牛仔褲～
然後打開鐵閘～
同一時間～幾個單位也傳來了拉鐵閘聲～
「看來大家都已經準備好了～」我心想著～
今天是收樓限期屆滿～
也正正是我們作出最後抗爭的大日子～
無論如何～今天ｘｘ集團的收樓行動～絕對不會容易和順利的～
走到了大堂～阿占、星越等等早已到達了～
大家清一色都是白色襯衫和牛仔褲～
這是大家一早預定的～代表左大家的團結～
每人都會派上一條寫住展樂的布帶～
然後繫在手臂上～
時間一分一秒的過去～
各單位的拉鐵閘先後的響起～
在大堂中的人群慢慢也多了～
此時～小五姐拿起了「大聲公」說～
「大家都黎得七七八八啦～今日係最後一日～大家都唔知道明天會點～但係今日我地的目的～就係要令到ｘｘ集團唔可以順利收樓～以証明我地的不滿～今日好多謝咁多位朋友的幫助～多謝ｋｉｓｕｔａ的電視台的攝影隊～我地的不滿得以令全香港的人都知道～仲有阿ｊａｃｋ的相機～都係我地今日辛苦的証明！所以我地今日就要全力抗爭～」
「好！！！」大家興奮的叫著～
「我手上呢張係收樓的通知書～上面寫住係今日下午四時正正式收樓～我地一定要撐過呢個時間～」阿占說～
「如果大家係準備好的話～我地就開始今日的行動！！」光丑說～
「好！！！！！」大家又再叫喊著～
首先的情況是大家靜坐著～然後一起喊著口號～
「反對不合理的收購！團結保護我們家園！」光丑叔拿著「大聲公」喊著～
然後所有人都跟著叫著～
攝影機將所有的過程都一一捕捉～
喊了大概十五分鐘～然後是休息的時間～
「阿占、ｌｅｏ！電視台想搵二、三個街坊黎做個訪問～然後會立即送番電視台的～」ｋｉｓｕｔａ說～
「冇問題～」我們答著～
過了不久～阿占拉了開心婆婆、Ｋｏ妹出來～
「喂～得兩個ｇｅｉ？」我問～
「第三個未係你ｌｏｒ～」阿占說～
然後開始訪問了～
「請問點解會發起今次的抗議呢？」ｋｉｓｕｔａ問～
「其實展樂大廈係好多年的歷史～咁我地一直都住得好開心～早幾個月ｘｘ集團收購左呢輻地之後然後要我地遷出～但係佢地的賠償真係太不合理了～根本同趕街坊入絕路係冇分別～所以我地就發起今次的抗議！」我說～
「呢位婆婆呢？」ｋｉｓｕｔａ問～
「我係度住左幾十年～睇住呢度每個人改變～小孩子長大～中年人老去～老的死去～個個都住得好開心～而家個ｄ衰集團～要迫我地走～我幾十歲人～去得邊到～你不如叫我死左去好過啦！！」開心婆婆說著～
「開心婆婆唔好難過～～」我跟Ｋｏ妹安慰著說～
「係我地身邊就係樂壇新寵兒Ｋｏ２～點解你會出現係呢度呢？」ｋｉｓｕｔａ問～
「我其實係呢度長大～公司發掘我都係因為係展樂大廈同第二間大廈的歌唱比賽～所以我的一切都係因為展樂大廈而起～而家展樂大廈有事～所以我一定要到場支持！！」Ｋｏ妹說～
「原來係咁～好啦多謝哂你地的訪問～ｋｉｓｕｔａ係展樂大廈報導暫時完畢～」
「嘩～開心婆婆你的演技真係犀利～」ｋｉｓｕｔａ笑著說～
「哈～你以為我係展樂話劇組咁多年係玩咩～」開心婆婆笑著說～
「哈哈哈～～」大家笑著～
時間又慢慢的過去～
呢個時候ｘｘ集團的負責人出現了～
「我係ｘｘ集團的負責人～今日展樂大廈將會收回～本公司已經通知左警方～如果有任何人係四時正唔願意離開～我地會要求警方採取行動～希望大家注意～」負責人說～
「我地死都唔會走啦～～我地唔歡迎你！！」光丑叔說～
然後大家的噓聲四起～
中午１時正～
「喂～做新聞啦～大家一齊黎睇啦～」笨狗說著～
然後跟妹妹笨蛋一起拿著電視機和電掣出來～
大家都圍著看著電視機～
「本地新聞報導～香港地產發展商ｘｘ集團在九龍區的發展市項上出現了危機～今晨有其中一幢住宅出現了居民集體抗議的事件～本報記者ｋｉｓｕｔａ報導～」新聞主播說～
然後播放的就是今早大家喊口號的情況～
還有ｋｉｓｕｔａ的旁述～
接著還有開心婆婆、Ｋｏ妹、我的旁問～
「好野！！！講得好呀！！」加螢、芝士叫著～
「ｏ岩啦～全世界都知道呢件事就最好！！」ｋａｒｙ說～
「我第一次覺得家姐的工作係咁大威力的～」ｎｏｒｍｉ說～
「而家先係開始而已～～好戲還在四點鐘呢！哈哈哈！！」星越說～

此時～在香港的某一角落～
小妍和家人在看著電視～
「嘩～估唔到展樂個班住客會企硬係度唔走～」小妍的媽媽說～
「咦～呢個．．呢個未係阿女個男友．．Ｌｅｏ～」小妍爸爸說～
「Ｌｅｏ．．」小妍看著電視機喃著～

（續）

>>February 13, 2006 at 12:35:12 PM GMT+8

2006 年 2 月 10 日 星期五 【颳風】

＜愛在舊區瘋狂時－－－第八十七回＞
「～前夕！～」
收樓限期前二日晚上～
大家都決定樓下來了～
於是晚上有再一起開會商議如何鬥爭到底～
「我諗過啦～我地不如集體抗議～係展樂到直到ｘｘ集團ｄ人黎～大不了就俾警察拖走～總之今次一定要撐到底～」阿占說～
「唔～～」大家都點著頭～
看來這次真的是同一陣線了～
「之但係我地係度抗議～其他人係唔會知～我地目的係要俾多ｄ人知道ｘｘ集團係幾咁無良～」ａｐｐｌｅ說～
「唔緊要～我地有的係攝記同埋記者呢～」星越說～
接著大家的目光都投向ｋｉｓｕｔａ和阿ｊａｃｋ身上～
「係ｗｏｒ～ｋｉｓｕｔａ係記者、阿ｊａｃｋ係攝影師～」小五姐說～
「所以今次阿ｊａｃｋ你要影多相～等多ｄ人睇到我地慘況～至於ｋｉｓｕｔａ～」阿占說～
「唔～我已經同左電視台個邊講～話有獨家新聞～佢地將會帶ｔｅａｍ人黎拍～到時我會做現場訪問～」ｋｉｓｕｔａ說～
「咁就好～第一樣野已經搞掂～」ｃｒｉｍｓｏｎ說～
「第二樣野就係我地抗議的橫額同埋物品～」阿占說～
「我可以搵到好多木棍番黎～可以用黎整起ｄ橫額～」光丑叔說～
「咁設計字句個ｄ就交俾我地啦～」汶霜說～
「唔～～我仲可以係ｄ賣雜貨的行家到搵ｄ大聲公黎～」ｃｅｌｉａ說～
「咁但係我地字橫額用紙呀？？」ｃｒｙｓｔａｌ說～
「唔得啦～一定要用布～但係邊黎咁多白布～」我說～
「呢樣野你要問我啦～哈哈～」全開心婆婆說～
「我清潔房有很多布～大家即管用啦～」開心婆婆再說～
「唔～仲有呀～我諗我地由抗議開始到到警察黎都有一段時間～我諗係食個方面我可以幫到手的～」ｃａｒｍｅｌ說～
「呀～太好啦～～」阿占說～
「仲有一個問題～」我說～
「咩呀Ｌｅｏ？」星越問～
「我相信到時如果警察要拉走我地～難免會有推撞～唔．．所以我覺得小朋友、老人家都唔好參與～」我說～
「係呀．．．冇錯～」大家說～
「星媽～你好番無耐～唔好粗勞啦～有勞你同幾位姨姨、仲有雪野同埋ｅｗａ～你地都幫手睇住小朋友～」我說～
呢個時候ｆａｉｎｅｔ氣沖沖的走回展樂～
「嘩～你去左邊呀～呢個時候仲去玩呀你～」ｖｉｋａ說～
「你就去玩～我去搵人幫手～睇下有冇辦法ｊｅｒ～」ｆａｉｎｅｔ說～
「車～你ｄ朋友都唔會幫得到手啦～」ｖｉｋａ說～
「好啦唔好嘈啦～」星越說～
「加瑩、淇淇、芝士、星穎、小難、ｈｅｒｒｙ你地其實都唔好參與了～」阿占說～
「唔得呀！！！唔制！！我地唔怕呀～」加瑩他們說～
「我地都係展樂一份子呀～爸爸媽媽你地唔會反對係唔係呀～」他們說～然後各自看著父母～
「好啦好啦～總之大家都要小心啦～」星越說～
「其實不如叫ｃｒｉｍｓｏｎ叫ｄ鬼朋友黎嚇佢地未得ｌｏｒ～」笨狗說～
「下．．．．」大家都呆著～
「我都叫過啦～佢地話日頭太陽好猛～要訓覺呀～」ｃｒｉｍｓｏｎ說～
「再者如果呢度變左鬼域未仲麻煩～」心心說～
「好啦～總之今次大家都要小心～唔好過份激烈～雖然唔知之後大家會點～但係我地今次一定要抗爭到底！！！」小五姐說～
「好！！」大家喊著～
「今晚到此為止～明天大家各自準備！！」光丑叔說～

收樓限期前一日～
今天我跟大部份剩下來的街坊們一樣～
都沒有回校工作～
忙著準備明天的東西～
一早光丑叔已經將一些木棍運了回來～還有很多的油漆～
然後大家都分別在一些布上寫上字句～
我跟阿占撕開很多一條條長形的布條～
用作綁在手臂或頭上～
不經意的摸摸自己的手機．．由昨天中午到現在．．手機沒有響過～
唉．．想得出神之際～
阿占突然用油掃在我的手上畫了一下～
「喂～搞咩呀阿占～」我說～
「你發緊夢我未畫下你睇你有冇反應～哈哈～」阿占笑著～
「豈有此理～咪走呀～」我拿起油掃追著阿占畫～
其他人看了～都笑著～有些更偷偷的畫了對方一下～
慢慢大家都玩著～你畫我、我畫你～
直到星媽媽走到大堂時～
「嘩！！！你地做咩個個都搞成咁～」星媽說～
大家互相看著～然後看看自己～面上身上都花花的～
「哈哈哈哈～」整個大堂都響起了笑聲～
雖然是苦中作樂～
但大家的感覺都很好～很開心！！
不快的心情都一掃而空～
「吱！！！」一下剎車的聲音在展樂的門口響起了～
其實這也是很平常～
因為展樂的門口是一個小巴站～
這些聲音基本上每天都會響起不下一百次！
可是這次卻不是小巴聲音～
「咦！！」阿兔說～
大家都看著展樂門口～
一副久違了～而又很熟悉的身影～
「Ｋｏ妹！！！！！」大家叫著～
想不到現在當紅的新人Ｋｏ妹會回來展樂的～
大家開心得跑到Ｋｏ妹面前～
「Ｋｏ妹你點解會番黎ｇｅｉ！」我問～
「之前一直忙住工作～點知原來展樂收樓封寄左俾我～我都係呢幾日先睇左～跟住打番黎～開心婆婆話俾我知你地的事～所以我就決定左要番黎～」Ｋｏ妹說～
「哦～～」大家說～
「我係展樂一份子～我一定會支持大家的～」Ｋｏ妹說～
「但係～」我說～「Ｋｏ妹．．其實你而家係公眾人物～你咁樣．．你唔怕冇左事業咩？我地大家都明白你心意的～但係我地怕會影響到你～」
「係ｗｏｒ～Ｋｏ妹你真係諗清楚好～」阿占說～
「我有今日的事業～都係因為展樂的比賽而得到～而家展樂有事～就算要我打回原形～做番酒廊歌手我都唔介意～」Ｋｏ妹說～
很感動的說話～在場所有人都深深給感染了～
「好～咁我地就一齊繼續整野～～」星越說～
「好！！」說畢大家又開開心心的繼續幹著～

（續）

>>February 10, 2006 at 12:37:34 PM GMT+8

2006 年 2 月 8 日 星期三 【晴】

＜愛在舊區瘋狂時－－－第八十六回＞
「～站起來！展樂的街坊們！！！～」
第二天很早便起來～
或者．．應該說我根本沒有真正入睡過～
整個人也變得憔悴了～
看著屋內的所有物件～
很多我兒時的回憶都一一在這裡～
在每一個角落都有不同的影像～
每個影像都有著祖母的樣子～
今天要走了～而展樂也將快要成為歷史～
很不捨．．萬般不捨～
「鈴～～～」電話響起～是小妍～
「喂～你起身未呀？」小妍說～
「起左啦～執緊野～」我說～
「唔！你要快ｄ呀～我約左業主１點的～唔好遲呀～」小妍說～
「我知啦～好啦～我到左你附近就打俾你～」我說～
掛線了～我面上的微笑亦消失～
打開鐵閘～將行李廂拉出來～
然後再轉身回望著屋內～
這是最後一眼嗎？關上大門的力氣真的提不起來～
慢慢的慢慢的～風替我將大門關上了～
屋內的一切也消失在我眼前～
「啪！！」我使勁的拉上了鐵閘～
結束了我在展樂最後的日子～
拖著行李廂走到大堂上～
意想不到的是很多人也聚集在這裡～
包括著我最好的朋友－－阿占、阿兔、小難、星越、星妍、星穎、阿ｊａｃｋ、ｆａｉｎｅｔ、ｃｒｉｍｓｏｎ等等～
很多熟悉的面院～可是今天大家都站在展樂的出口前～
卻沒有一個人願意答出第一步～
「Ｌｅｏ～你都係而家走呀．．」星越說～
「係呀～一陣同小妍去睇新屋～」我說～
「哈～你同ｆａｉｎｅｔ一樣都係得一箱行李～」阿兔說～
「我黎的時候有幾多～走的時候都係一樣～」ｆａｉｎｅｔ說～
「係啦～又會咁多人係呢個時間一齊走都有～」此時ｃｅｌｉａ、ｋｉｓｕｔａ、ｐｈｙ等等都到了大堂上～
「或者呢個係吉時掛～」小五姐也到了～
「咦．．．那個是佚君吧～」我指著說～
只見佚君悠悠的拿著一小袋的東西～
然後向著ｃｅｌｉａ說～
「以後也不能在到『珍陶館』去賞古了～唉～希望有緣的大家會再會～」佚君說～
「想唔到第一次可以聽你講野～原來都係最後一次了～我同過陶先生講左展樂的事～還有『珍陶館』也將會關門了～陶先生好唔開心．．好無奈～」ｃｅｌｉａ說～
「嗚．．芝士、淇淇、小陶、ｆａｎｎｙ～我地以後好難可以成日一齊玩啦～」加瑩說～
「嗚～～加瑩你唔好忘記我地呀～」芝士和淇淇說～
正當大家都難過之際～只見全開心婆婆還一面拿著掃把掃著～
「開心婆婆！你．．你唔走嗎？？」阿兔問～
「我同詩婆係到住得最耐～佢老人家走都係度訓左去～我又點會離開呢～而且我一直都係展樂負責打掃的～睇住所有野變～我只係想陪伴住呢度直到最後～就算走都唔想自願走～」開心婆婆說～～
大家聽後都呆了～
「唔走～～我唔走！！！」阿占突然叫著～
「阿占！」我說～
「我地冇理由．．．真係冇理由要咁樣走～～全婆婆講得冇錯～我就算另願俾差人抬走我～我都唔願意自己走出展樂～走出展樂即係代表左我地認輸～～點解要認輸俾個ｄ無良的奸商！！冇可能～～」阿占激動的說～
「阿哥呀．．」小難和阿兔說～
「好！！阿占！！你唔走我地都唔走！！」ａｌｙｓｏｎ、ｋｅｙｏｓｈｉ、ａｓａｋｉ等附和著～
「阿占～你講得好～阿爸阿媽都唔走陪你～我地一於住到最後一日～要人抬我地先走！！」占爸和占媽也說～
「大家一於唔好走好唔好！！我地展樂係最團結的！！我地一於要站起黎！！一於唔走！要保衛我地家園！！」小五姐大聲說～
「好！！！！」此時很多人都附和了～
大家的情緒都顯得很激動！！
「Ｌｅｏ仔、星越！！你地點呢！」光丑叔問～
「阿爸．．阿媽．．」星越望著星媽星爸～
只見他倆老一起微笑地點著頭～
「唔～好！我地都唔走！」星越、星妍、星穎也起叫到～
「哈哈哈～～好～好～唔走唔走！！」星瀠也拍著手說～
「既然大家都唔走～我冇理由咁衰仔走左去係唔係？？」我笑著說～
「冇錯啦～咁先係ｍａ！！！」阿占和星越搭著我說～
「哈哈～那麼我也不必離開了！」佚君說～
「有情之地有情人、情不變、人不變～好！非常好！」司徒先生說～
「咁我地一齊唔好走！！一齊鬥爭到底～～」阿占叫著～
「好！！！」大家都叫了起來～

接著的時間～大家都將自己的行裝搬回家裹～
所有人的面上都重現歡欣的表情～
大家都顯得精神百倍～
而我．．也要面對著一個重要的事情～
「喂～你到左啦？？你係邊呀而家？？」小妍問～
「小妍呀．．我仲係展樂！」我說～
「哦～你仲未走咩？？」小妍問～
「唔～小妍～我決定左唔走！！」我說～
「下．．」小妍說～「點解．．點解呀．．」
「大家都唔想走～大家決定都留底直到最後～決定要鬥爭到底！」我說～
「咁．．但係．．」小妍的聲音開始變了～
「小妍．．我想同大家站係同一陣線上～佢地全部都係我好朋友～我要同大家一齊～」我說～
「咁．．間屋．．我地唔可以住係附近嗎？？」小妍說～
「對唔住．．我今日唔會黎～點都好～兩日之後先打算～」我說～
「Ｌｅｏ．．」小妍喃著～
「原諒我好嗎～」我說～
小妍沒有回答～大家都靜默了～
「我知道．．你嬲我係唔係．．但係今次係我唯一唔會改變的決定～我好希望你會支持我．．對唔住～我只可以講對唔住～」我說～
「我．．我要出去啦．．再見啦～」小妍突然說～
接著便掛斷了線～

原來．．一個決定總會有些代價要付出．．

（續）

>>February 8, 2006 at 4:40:33 PM GMT+8

2006 年 2 月 7 日 星期二 【晴】

＜愛在舊區瘋狂時－－－第八十五回＞
「～各散東西．．．？～」
我們在嘆息中渡過左不知多少時間～
酒也喝光了～
大家都拖著沉重的身體、半醉的神智走回各自的家中～
當我走到五樓時～眼前的人令我整個人都醒了一下～
「你去左邊呀．．我打俾你又冇人聽．．」是小妍～
不知何時她已經在我家中門外等待著～
「我唔記得帶電話．．ｓｏｒｒｙ呀～求先上左天台同佢地傾計～」我說～
「你飲過酒嗎？？」小妍在我身上嗅著說～
「唔～～飲左少少而已～」我說～
小妍沒有作聲～只是面上卻顯出有點不悅的表情～
「不如入去講好嗎？？」我說～
然後插入鎖匙～打開家門！
屋內～
「你呀．．你唔准飲咁多酒呀！」小妍說～
「唔～我真係飲左好少ｊａｒ～」我說～
「總之我唔鍾意你飲酒～」小妍鄒著眉說～
「唔～好啦～我應承你啦～」我說～
「係呢～你過黎搵我有事嗎？」我說～
「本來可以係電話同你講～但係打俾你又冇人聽～所以未走過黎搵你～點知又唔見你．．你知唔知我好擔心！」小妍說～
「哈～唔～咩事呀咁？」我微笑著說～
「其實．．」此時小妍的表情慢慢變得有點難過．．
「其實我想問下你．．你可唔可以同我一齊搬走．．」小妍用上最懇切的態度問著～
「下？？？」我呆了～
「我知道我新搬的地方附近有單位係好近的．．．而且都好便宜．．」小妍說～
「但係．．我．．」我喃著～
「我知道你地大廈都有人搬走左係嗎？我諗你地都會相繼搬走．．如果可以．．我好想可以住係你附近．．可以成日見到你．．」小妍說～
「但係而家咁急．．我未有心理準備～」我說～
「屋個度唔驚ｇａ～只要開聲就可以落訂啦～」小妍說～
「小妍．．你．．已經幫我準備好嗎？？」我說～
「對唔住呀．．我知道我唔應該咁做．．但係．．」小妍說～
「我明白的～其實我聽到大家都打算會離開～好啦～我就搬去個邊好嗎？」我說～
小妍笑了～我也笑著～
或者是天意了～反正大家都已經會離開展樂～
我也好應該為自己安排一下．．

時間剩番三日～
今日展樂變得更加冷清了～
又再多一批街坊搬走～
看著他們拉著行李一個個的離開～
沒有人阻止～他們也盡量保持著低調的離開～
而其中連主席也一家人離開了～
展樂最高的頭領也離開～
相信展樂也會變得一盤散沙似的～
最終大家都會離開～
今天小妍致電給我～
說明天要我跟新屋的業主簽些文件等等～
我一邊答應著．．一邊卻煩惱著～
因為我還沒有跟大家說要離開．．
一個寂靜的夜晚～展樂的最後三晚～
奇怪地很多街坊都沒有留在家中～
反而很多都站在屋外的走廊～或者四處踱著～
更奇怪的就是大家就算擦肩而過～都沒有跟對方說話～
我拉開鐵閘～加入了站在走廊的那一伙人～
從五樓看下去～我見到ａｌｙｓｏｎ在發呆、我看見＋型、淇淇、芝士她們在伏在欄杆上、看見妹豬同阿ｐｈｙ在互相靠著對方、還有茶餐廳的老闆娘ｃａｒｍｅｌ和他的兒子．．．
「睇黎大家都應該要離開了．．」阿ｊａｃｋ拿著相機說～
「唔～有種要離別的感覺．．」我說～
「哈～有冇影人地呀你～」我再說～
「冇呀～自己都冇咩心情影相～」阿ｊａｃｋ說～
「係呢～你幾時走呀？」我問～
「明天～其實都執好哂野啦～」阿ｊａｃｋ答～
「去朋友個到？～」我說～
「冇計啦～未搵到好地方～」阿ｊａｃｋ說～
「你又點呀？」阿ｊａｃｋ問～
「唔．．」我支吾著～
「Ｌｅｏ！阿ｊａｃｋ！」原來是星越和阿占～
「喂～點呀你地兩個又會一齊ｇｅｉ～」我說～
「其實我同星越想同你講ｄ野～」阿占說～
「下？？咩事～」我說～
「我地明天都會搬啦～」兩人一起說～
我呆了一呆～沒有回答．．
「照原定計劃～我地應該會搬去觀塘個邊～」星越說～
「我地會係親戚到住住先～遲下先番上大陸住～」阿占說～
「下．．．唔～～」我答～
呢一刻星越和阿占都垂下了頭～
「其實我明天都會搬啦～」我說～
「下．．你搬番屋企嗎？」阿占說～
「唔係～我會跟小妍搬去同一區～因為佢想大家可以容易ｄ見面～」我說～
「唔～都．．都應該ｇｅｉ～都好呀～」星越三人說～
此刻～大家都真真正正的靜下了～
大家都好像欲言又止似的～
「呀～我仲有ｄ野未執好～我番去先啦～」星越說～
「係呀～我都係呀～我都係番去～」阿占也說～
「唔～咁早抖啦～～」我說～
「再見啦～」阿ｊａｃｋ說～
然後我們分開各自回屋內去～
原來．．這不是展樂最後的三個晚上～
而是我們在展樂的最後一晚．．

這一晚．．很長．．很長～

（續）

>>February 7, 2006 at 4:47:38 PM GMT+8

2006 年 2 月 6 日 星期一 【晴】

＜愛在舊區瘋狂時－－－第八十四回＞
「～團結崩潰了！～」
如是者日子又快快地過了四天～
大家看來都是沒什麼似的等待著收樓的日子～
可是最令我擔心的就是這樣子～
說要團結不認輸的卻好像沒有什麼大的抵抗方法～
剩番四天了～
究竟大家是怎樣子呢？
另一邊廂的小妍～這幾天她的心情十分不好～
每每從她的眼神中我會看到她擔心的神情～
原因也就是她將會在二天後搬走了～
每次她提起時間就到了的相關話句時～
我的心也總會有點刺刺的～
「我應該也搬走嗎？搬到跟小妍下一個目的地附近好嗎？」
這幾天我就是生出了這個念頭～
但是展樂的街坊有著我最要好的朋友～
我不想拋下他們～
可是他們又不知如何似的．．．

這天下班後～
正當我跟小妍一起步行回展樂時～
我的電話響起了～來者是阿占～
「占！做咩呀？」我問～
「Ｌｅｏ！！大件事啦～你快點番黎啦！！」阿占說～
「喂～咩事呀？」我問～
可是阿占還沒有回答便已經掛線了～
「做咩呀？」小妍在旁問～
「阿占話展樂有大件事～叫我快點留去！」我說～
「唔～咁你快ｄ行啦～有咩事打俾我～」小妍說～
「好啦～你自己小心啦知唔知～」我說～
然後急步走回展樂方向～
到達展樂門口～已經看到好多人圍著～
而阿占亦站在一旁等著我似的～
「做咩事阿占？」我說～
「Ｌｅｏ～突然之間有十幾戶人話要搬走呀～小五姐欄住左佢地同佢地嘈緊～場面好彊呀～」阿占緊張的說～
「唔係ｍａ．．」我驚訝著～
跟我阿占在人群中湧到最前排～
只見小五姐和幾個男人和女人在理論著～
「老陳！老周！你地唔係咁冇義氣呀～大家當初都話唔走～而家你地就咁為左七萬蚊就走左去～」小五姐憤怒的說～
「小五～你傻ｊｅｒ～人地依正手續黎收購我地～梗係走啦～再者我地元朗都有屋～人地又肯俾七萬蚊未當拿番ｄ費用走ｌｏｒ～有錢唔拿先叫笨～」老陳說～
「大家咁多年街坊～呢度都算叫做有感情啦～你地唔係咁樣呀～」小五姐說～
「第時大家再約出黎飲茶未再聯絡感情ｌｏｒ～再者人地要重建呢度都係幫時代進步～你都唔好阻住人地啦～」老周說～
「你講咩呀而家～你即係話我地阻人地發達呀～」小五姐說～
「咩呀～而家講惡呀～我地走就走硬啦～我地都唔駛怕你啦～」老陳說～
「你講咩呀～你夠膽再講多次～」此時光丑叔從人群中走出來～
一臉怒火的說～
「咩呀．．你想點呀～」老陳老周說～
「光丑叔呀～你冷靜ｄ啦～」ａｐｐｌｅ和拉著光丑叔說～
「大家有事慢慢講～」主席也開口說～
「冇咩野好講啦～唔該大家借開～唔好阻住我地～」老陳說～
「老陳老周～一句講哂～你地走左以後我當冇識過你地～」小五姐說～
「傻的～哈哈哈～大家唔好咁笨同佢一齊傻啦～」老陳老周笑著～
然後身後二十多戶人也一起離開了～
「激死人！！可惡！！」小五姐說～
「小五唔好咁啦～呢ｄ人剩係識得貪錢～同佢地講多無用的～」光丑叔說～
「光丑叔、小五姐～你地唔好咁啦～其實佢地要走我地都留唔住～而家我地要諗係我地應該點好～」我說～
「Ｌｅｏ仔～小五姐其實都冇辦法～但係我總認為團結就係力量～但係而家已經有人走左先～我只怕好多人會跟住咁做～」小五姐說～
「直頭會啦～呢到太多長頭草住戶啦～」阿占說～
「唉～光丑我地都係番街市執野啦～」小五姐說～
然後ａｐｐｌｅ、光丑叔都一起離開了～
「Ｌｅｏ～而家點算！」阿占說～
「唉．．見步行步啦～」我說～

夜晚～天台上～
「今日走左二十幾戶人～展樂當堂靜左好多～」星越說～
「我個層直頭冇左半層人～靜到鬼都唔出現～」ｃｒｉｍｓｏｎ說～
「我只怕明天會唔會再多ｄ．．．」阿占說～
「其實大家真係有冇好辦法呢～」阿ｊａｃｋ說～
「呢個情況真係好難．．．好難～」ｆａｉｎｅｔ說～
今晚很難得～難得在清一色是男生在天台上一邊喝著悶酒～
一邊討論著展樂的問題～
「我可以跟各位大男孩一起討論嗎？」不知何時司徒先生走過來了～
這個情況真的十分罕有～
「冇問題～好呀～」我說～
「你是阿占嗎？可否給我一罐啤酒？」司徒先生再說～
大家都呆了一呆～想不到「詩人」竟然會主動要酒～
「不用奇怪吧～我也喜歡喝酒的～」司徒先生笑著說～
就這樣七個男子一起談著～
「其實老實啦～大家打算點樣．．」我說～
「如果真係要走．．我會番我老爸到．．」ｆａｉｎｅｔ率先說～
「我．．我可能會暫住朋友家～然後再租另一處吧～」阿ｊａｃｋ答～
「其實．．星媽星爸都決定左要走的～便辛辛苦苦咁租一個細單位住吧～不過會在觀塘那邊．．」星越說～
「好遠ｗｏｒ．．」大家說～
「唔．．而我自己應該會去西環那邊吧．．其實都有搵好的地方．．」ｃｒｉｍｓｏｎ說～
「估唔到原來大家都有所準備．．阿占呢．．」我說～
「爸爸媽媽話大陸樓好便宜．．或者會番大陸住．．」阿占說～
「下．．」我和星越同時呆了～
「看來．．大家跟展樂的緣也要盡了．．」司徒先生說～
「Ｌｅｏ咁你呢．．」阿占問～
「我．．我都可以番番去同父母住～但係我而家都未決定～」我說～
「點解呢？？」星越問～
「因為女朋友吧～」ｆａｉｎｅｔ說～
我點著頭～沒有作聲～
「唉．．．」大家都同時嘆著～
「大家初初的團結崩潰了～我也要找另一處有情的地方吧～謝謝你們的啤酒～再見了幾位～」司徒先生說～
聽著司徒先生的說話～大家的心情更沉重～

真的勢所難免嗎？？

（續）

>>February 6, 2006 at 12:20:13 PM GMT+8

2006 年 1 月 26 日 星期四 【晴】

＜愛在舊區瘋狂時－－－第八十三回＞
「～共渡星空下！～」
大會後的兩天～～
大家的心情好像尚未平復～
又或者他們的士氣正如虹～
每當大家碰面時都會振奮著說要抗爭到底～
大家都會一起叫喊著～
可是我還是覺得應理性的想想可行的方法～
不過．．不知道是否天意也要展樂成為一個歷史～
想了兩天～問了很多人的意見～
都總是叫我搬走的～
今晚番爸爸媽媽到吃飯～
「間屋而家打算點呀？？」爸爸問～
「唔．．大家都冇打算賣～而且發展商的出價真係太低了．．．」我說～
「咁但係人地係合法收樓～你地唔走唔得～」爸爸說～
「我知．．我都傷腦筋緊～」我說～
「咁你幾時會搬番黎？？」爸爸說～
「我．．．我想同大家共同進退．．．而發展商話八日後會收樓～」我說～
「仔～我知道你同佢地係好好感情．．爸爸都係係個度長大～～但係有ｄ野要理智ｄ～同埋要去面對現實～」爸爸說～
「阿爸呀．．我明呀．．但係我真係唔想一個人走左去．．掉低佢地～～我好想支持佢地！！」我說～～
「好啦～～佢咁大個．．．佢識諗的～～」媽媽說～～
告別了爸爸媽媽～
我的電話響起～是小妍！
「你食完飯啦？？」小妍問～
「係呀～而家番緊展樂！」我說～
「唔．．．我可唔可以見下你！」小妍說～
「冇問題～哈～冇咩事嗎？」我問～
「冇～我剩係想見下你！」小妍說～
「好呀～２０分鐘後係你屋企樓下等～」我說～
二十分鐘後～我到達了快樂大廈的門前～
看見小妍已經靜靜地等待著～
我走到她面前～
「等左好耐呀？」我說～
小妍搖著頭～然後雙手慢慢的擁向我．．
「做咩事呀．．」我呆呆的問～
「爸爸媽媽話．．應該會搬走．．而且大廈內個個人都士氣低落～大部份人都打算會搬走～」小妍說～
「哦～～我地個邊反而係唔打算搬走的較為多～但係．．就算點都好～你搬去邊都好～都唔會阻到我地兩個～係唔係？」我說～
「我好想好似而家咁～想見你時只要落樓下～行兩條街就見到你．．係屋頂可以望向你個邊的屋頂咁～」小妍說～
「小妍呀～唔好咁啦好嗎～」我安慰著說～
「唔好諗咁多唔開心野啦～唔～我地上展樂天台坐好唔好？」我說～
小妍點著頭～然後我牽著她回到展樂方向去～

兩個人慢慢的走上天台～
一片漆黑的～
看來以往熱鬧的天台現今都變得冷清了去多～
我從黑暗中找到燈掣～然後按下～
「嘩！！」我和小妍不其然叫了起來～
原來天台上實則站著很多很多的街坊們～
只是大家都不願亮起燈～而只想一個人在黑暗中獨處～
「你地．．係哂度ｇｅｉ？？」我問～
「係呀～求先上黎呢度坐～點知坐坐下原來已經有咁多人係度．．」阿ｊａｃｋ說～
「係啦．．我都唔發覺原來多左咁多人係度～」ｋｉｓｕｔａ說～
「大家睇黎都．．各懷心事咁～」我說～
「不如大家一齊傾下計好過啦好唔好？？」是阿占叫著～
原來他早坐在天台門口上的平台～
所有人尤如喪屍般慢慢的圍坐起來～
本是應該興高采烈的．．可是大家都是沒精打采～
「其實大家係唔係好擔心要搬．．．」我問～
「ｌｅｏ哥～唔擔心就假啦．．我同ａｓａｋｉ搬左黎冇耐～但係都有感情呢．．真係唔想就咁就搬走．．」ｋｅｙｏｓｈｉ說～
「我都唔捨得有ｄ朋友仔．．」ｃｒｉｍｓｏｎ說～
「我地５個係好朋友～～唔想俾人拆散呀．．」加瑩、淇淇、芝士說～
「唉．．我地好辛苦先可以留番低係度住．．．估唔到而家．．」星妍說～
「大家咪咁啦～我地要堅持住～～」阿占說～
「阿哥呀．．點堅持ｗｏｒ．．」阿兔說～
這一下～阿占都無言以對．．
「點算好呢．．」妹豬說～
「ｆａｉｎｅｔ～你有冇計呀？？」我望向ｆａｉｎｅｔ說～
「計．．．．有～不過唔ｗｏｒｋ～」ｆａｉｎｅｔ說～
「咩計？？」大家問～
「希望ｘｘ集團主席突然傻左．．」ｆａｉｎｅｔ說～
「噓～～～」大家喝倒彩著～
「但係冇理由俾佢地用咁樣的價錢收左我地間屋～」汶霜說～
「係啦～我剛剛先搬黎～又要我地搬過～～」ｃｒｙｓｔａｌ說～
「冇錯～我好難得先搵到酒廊歌手呢份工呀～」ｊａｓｏｎ說～
「唔～～有冇能力去反收購呢？？」心心說～
「呀～～有．．．不過．．」ａｌｙｓｏｎ說～
「點呀ａｌｙｓｏｎ？？不過咩？？」大家又緊張起來～
「我泰國的男友．．唔知會唔會幫手呢．．」ａｌｙｓｏｎ說～
「你問下佢啦～」阿占說～
「好難問呢．．點問ｗｏｒ．．」ａｌｙｓｏｎ說～
「就算ａｌｙｓｏｎ問到．．時間都未必夠啦～」星越說～
「唉～咁又唔得咁又唔得．．．點算呀～～」ｓｕｋｉ叫著～
「死啦～陶先生留俾我的『珍陶館』都怕會留唔住啦．．」ｃｅｌｉａ說～
「爸爸媽媽的生果檔都好難再落去．．」ａｐｐｌｅ說～
「大家唔好咁啦！！鎮作ｄ先得～」阿占說～
「其實大家咁樣．．都冇用ｇａ～要走的始終都係要走～咁不如我地留番ｄ時間大家開開心心仲好啦係唔係～」我說～
「ｌｅｏ！這番說話有理！！哈哈哈～」司徒先生說～
「係啦～我地要開開心心咁面對呢八日～～」星越說～
「好！！！」大家叫著～
往後的時間～大家又再回復了開心去渡過這一晚．．

開心可以維持多久？？
時間可以走晚點嗎？？

（續）

>>January 26, 2006 at 3:23:00 PM GMT+8

2006 年 1 月 24 日 星期二 【乍雨乍晴】

＜愛在舊區瘋狂時－－－第八十二回＞
「～勢所難免的結局！～」
第二天～
晚上七時！
今晚到星越家中吃飯～
我和星越都好像若無其事似的～
可是卻發覺星家上下面色都有點沉～
各人都變得沉默的～
七時半～晚飯用完了～
整個氣氛都依然是冷冷的～
我試著逗其他人說話～
可是星爸、星媽、星妍、星穎、甚至是星瀠都好像沒精打采的～
七時四十分～我、星越、星妍、星穎都走到大堂去～
去面對展樂街坊們一個重要的難關．．．
電話響起了～是小妍～
「喂～～你個邊而家點呀？？」小妍問～
「唔．．等緊開會～～」我說～
「我都係呀．．大家都好似好沉重咁～」小妍說～
「唉．．大家都擔心緊自己的家園的前景．．當然係好煩惱．．」我說～
「唔～唉．．」小妍嘆著～
「唔好咁啦～有咩事打俾我好唔好？？」我說～
「唔～一陣再傾．．」小妍說～
從小妍的聲音內．．我感覺到跟大家、我們有著同一樣的無奈．．
確實這次風波已不是單單在展樂發生～
而是整個區域的事．．
七時五十分～大部份的街坊都已聚集在大堂上～
每個人的面色都尤如死灰一樣～
這種感覺就好似一起面對死亡似的～
緊張的氣氛籠罩著整個大堂上的街坊～
七時五十五分～委員會主席、幹事等都已經到齊了～
現在就只等待著ｘｘ集團的代表．．
八時正～
一輛汽車停在展樂的大門口上～
下車是一個男人和一個女人～
女的就好像是秘書一樣～
而男的身旁又出現了幾個像助手般的大漢～
「ｌｅｏ．．佢係．．佢就係ｘｘ集團的主席！！！」阿占說～
阿占這一番話驚動了在我們身旁的街坊～
一下子各人都目瞪口呆的～
「ｘｘ集團的主席出名係所有生意都係智在必得．．但係近年已經好少聽聞佢會親自出手．．估唔到今次佢竟然會黎到．．」星越～
只見集團主席一登上了台上就笑著跟主席握著手～
面上展現了無比的信心～
「好啦～現在會議正式開始～」委員會主席說～
「各位好～歡迎大家黎到今晚的會議～」ｘｘ集團主席搶著咪說～
「我相信大家都好清楚今晚會議的事～冇錯！我地公司成功買左呢度一塊的地皮～準備會發展大型的住宅區～確實呢呢一區的樓宇真的太個舊了～有需要翻新一下～咁當然要收番呢度就梗係要賠償俾各位主戶啦～我好明白大家都想有地方住～冇屋住真係好辛苦的～所以各位呢區的住戶係可以享有新落成的住宅的優先購買權～同埋本公合理的賠償～」集團主席說～
「咁老老實實～賠幾多先？？」街坊們問～
「同上次一樣～每戶五萬～」集團主席說～
「有冇搞錯呀！！！五萬邊得呀！！」街坊們喊著～
「各位各位～你地需要知道呢一區係舊區～真係最多只值五萬元～不過咁～如果最先選擇答允搬離的頭２０個住戶～我地係會保夠七萬元俾大家～然後只要大家係期限前搬出的～我地都會保多五千元未各戶～」主席說～
「下．．．咁點算呀．．即係咁．．」街坊們議論著～
「最後～收樓期限將會係１０日後屆滿～希望各位能夠好好合作～」集團主席笑著說～
「１０日．．１０日我地邊搵到地方呀～」街坊甲說～
「大家仲有冇什麼問題呢？？」委員會主席說～
「大家聽我講！！！」突然小五姐在人群中叫著～
「展樂係我由細住到大的地方～我絕對唔會願意離開展樂的～我亦希望大家能夠齊心～呢個價錢唔合理而且時間緊迫～根本就係等如迫大家去死一樣～我第一個選擇唔會離開的～」小五姐說～
「哈哈哈～呢位女仕～我地係合法的取得呢塊土地的權益～如果十日後你地唔離開～就等如係犯法的行為～到時我地會同警方一起行動～」集團主席說～
「哼～你有本事就抬我走～我唔怕你～」小五姐說～
「係呀～～唔走～～有本事就抬哂我地走啦！！」所有人一起叫喊著～
「哈哈哈～好好好～不過我依然等待大家消息～唔想血本無歸就記得搵我地～」集團主席說～
說畢ｘｘ集團主席便笑著和他們助手跟班們離開～
而伴著他離開的是一大輪的「噓聲」和咒罵的言詞～
「各位各位！」委員會主席說～
「相信大家現在都好清楚事情係點樣～我地係唔會阻止大家的選擇～不過好想聽聽大家的意願如何～」委員會主席再說～
「我講！！」光丑叔說～
「我同小五咁多年街坊～我同佢意見一樣～沒有合理的賠償～一定唔走！！」光丑叔說～
「好！！光丑叔好野！！」阿占叫著～
「但係人地係合法收樓呀～～有錢唔走咩！！」街坊乙說～
「有冇搞錯呀你～得個雞碎咁多～點走呀～」街坊丙說～
「等我講句可以嗎．．」是全開心婆婆～
「我係度咁多年．．錢對我已經唔係咁重要～重要係我對展樂呢份感情～就算要我係度清潔足一生．．我都無遺憾～所以．．我點都唔會走．．」開心婆婆說～
「冇錯～～唔走～～大家一齊抗爭到底～」阿ｊａｃｋ叫著～
「好！！！」有些人和議著～
「咁即係大家都未有離開的意願了對嗎？？」委員會主席說～
「係！！！」大家喊著～
「好～今天就到此為止～」委員會主席說～
說畢大家開始散去～
很多人的情緒還很高漲似的～
「ｌｅｏ～做咩你成晚冇出過聲？？」阿占問～
「因為．．我覺得咁樣唔係辦法．．所以我係度諗．．有咩可行的辦法～」我說～
「諗咁多做咩～我地一於抗爭到底～～唔駛怕！！」阿占說～
我笑著～
抗爭．．如何抗爭．．
抗爭失敗．．展樂也要被拆去．．
怎麼辦？？

（續）

>>January 24, 2006 at 4:19:12 PM GMT+8

2006 年 1 月 23 日 星期一 【晴】

＜愛在舊區瘋狂時－－－第八十二回＞
「～捲土重來！～」
平淡安靜的生活～
很快又過了一星期～
每天我跟小妍都是一起上班～一起下班～
展樂大廈人人都生活得很開心～
可是～暴風雨的前夕～
通常都是平靜的．．．．
這是一個平靜的中午～
我跟小妍和ｃｒｙｓｔａｌ三人在吃著午飯～
「呀！！呢排日子好平淡呀！！好似日日都係一樣咁！」ｃｒｙｓｔａｌ說著～
「我覺得都唔係呀～工作日日都有唔同～不過有時平淡ｄ都好～唔通多剌激會好咩！」我說～
「唉～呢排我男友友工作又忙～佢話好多土地拍賣呀～好多手續呀～」ｃｒｙｓｔａｌ說～
「係呀～呢排好似係土地拍賣的旺季～而且又好多發展商係投到幅地後就會立即收回作重建之用～～」小妍說～
「唔～咁香港經濟都要運轉落去ｇｅｉ～」我說～
此時～小妍的電話突然響起了～
只見她拿著電話走開了一邊談著～
「我覺得呢小妍好似開朗左好多～以前唔覺佢成日講野～」ｃｒｙｓｔａｌ說～
「哈～其實佢話佢以前都係好鍾意講野～但係黎到呢到之後因為同同事之間冇咩話題～所以變得小講野～以前的小妍已經好令人喜歡～現在我更加喜歡佢～」我笑著說～
「哎呀～你好痺呀！！！」ｃｒｙｓｔａｌ說～
這個時候～小妍掛上了電話～
然後急急的走到我和ｃｒｙｓｔａｌ面前～
「弊啦．．弊啦！！」小妍說～
「做咩事呀？？」我問～
「快樂大廈．．．要收樓呀．．」小妍急著說～
「下？？點解會咁ｇａ？」我問～
「求先爸爸媽媽打俾我～佢話見到業主委員會公告快樂大廈幅地俾ｘｘ集團收購左～而且仲會收回左重建之用～」小妍說～
「ｌｅｏ！快樂大廈咁近展樂．．會唔會都．．」ｃｒｙｓｔａｌ說～
說時遲那時快～我的電話又響起了～
「喂！」我說～
「ｌｅｏ！阿占呀！展樂出左事！」阿占說～
「係唔係展樂要收樓？」我問～
「你點知呀？？」阿占說～
「小妍住的快樂大廈都係一樣呀！佢剛剛收到電話！」我說～
「我都係求先係委員會門口睇到個公告～佢仲話明天ｘｘ集團的人會再黎大廈到～」阿占說～
「有咩我地番黎先講！！」我說～
幾經艱辛～我們三人才得以說服校長給予我們半天假～
下了車後～
「ｌｅｏ～我番去快樂大廈到睇下先！」小妍說～
「唔～一陣電話聯絡好嗎？」我說～
「好～一陣傾～」說畢～
我跟ｃｒｙｓｔａｌ便走向展樂的方向～

剛走進展樂的大門口～
已經看見大批街坊圍在委員會辦公室前～
「ｌｅｏ！！！」星越和阿占在人群中叫著～
我跟ｃｒｙｓｔａｌ走向他們去～
「而家點呀？？」我問～
「求先委員會貼左張告示後～就一直係裡面開會～佢地話好快會有消息俾大家聽～」阿占說～
說時遲那時快～
委員會主席從辦公室就出來～
表情十分沉重的～
「各位街坊～我地剛剛證實左～展樂大廈同附近一帶的土地已經正式給ｘｘ集團收購左～ｘｘ集團剛剛回覆我地～會係明天晚上八時到達本大廈同大家說明有關的事項同埋詳情～」主席說～
「下！！點算呀咁！！」
「我地係唔係要搬呀主席！！」
「基本上係．．但係一切細節都要明天等ｘｘ集團的代表同大家說明一下！」主席再說～
「ｌｅｏ～死啦！！如果好似上次咁賠得咁小．．咁點算呀！！」星越說～
「我而家都擔心緊呢個情況～」我說～
「我剛剛先搬黎～咁快又要搬走～點算呀．．」ｃｒｙｓｔａｌ說～
「唔係啦～我地死都唔可以搬的！！如果佢賠咁少一定唔搬！！」阿占說～
「冷靜ｄ先！我地最緊要定！諗下有咩辦法～」我說～
「仲有呀阿占～我地番去同屋企人講時都要小心～唔好咁激動～」星越說～
「好～有咩今晚再傾！」阿占說～

回到家中～電話又再響起了～
「喂～阿仔～我地聽到新聞話展樂會收番係唔係？」原來是我爸爸打來～
「係呀～證實左～ｘｘ集團明天會黎展樂開會～」我說～
「唔～如果係ｇｅｉ～番黎屋企住吧～」爸爸說～
「唔．．我自己會好好決定的～」我說～
「間屋你住的～你自己決定都冇錯ｇｅｉ～有咩事就打俾我地啦～」爸爸說～
「唔～我知道啦爸爸！」我說～
掛上了電話～反而令我更加迷茫～爸爸叫我番番去住～
但係我又真係不捨得祖母這間屋．．還有展樂的朋友們～
電話又再響起～今次是小妍！～
「你點呀個邊？？」我問～
「唉～大家都好擔心～ｘｘ集團明天會黎我地大廈到同大家講ｄ細節～」小妍說～
「我地個邊都係～唉～大家都好擔心唔知點好～」我說～
「ｌｅｏ．．如果真係要搬走．．你會去邊呀？」小妍說～
「或者會搬番屋企住～」我說～
「呀．．我可能會搬去第二個區．．到時我地可能唔可以再一齊番工、一齊放工～」小妍說～
「小妍～唔好諗呢ｄ住～最緊要係明天個會係點～係唔係？」我說～
「唔～明天番工再傾．．吧～」小妍說～
「好！」

這晚展樂、快樂大廈的人都難以入睡．．各人都擔心著明晚八時的會議．．
展樂的命運．．會變成點呢？？

（續）

>>January 23, 2006 at 5:27:34 PM GMT+8

2006 年 1 月 18 日 星期三 【晴】

＜愛在舊區瘋狂時－－－第八十一回＞
「～歡樂中的展樂大廈！～」
天台上～
差不多所有年輕一輩的街坊們都有出席～
突然聽到天台門口傳來一陣的歡呼聲～
原來是星越和阿儀來到～
「喂～咁遲呀星越～」阿占說～
「女孩子要扮靚的～哈哈～」星越看著阿儀說～
「咦～唔見ｌｅｏ？？佢去左邊？」星越再說～
「求先食完飯叫佢上黎幫手～點知幫左唔夠一陣佢就突然走左去～」阿占說～
「咁奇怪？」星越說～
接著門口又傳來了一陣歡呼聲～
原來是阿兔和阿邦手牽手的來到～
「嘩～你睇佢兩個真係襯到～」阿占說～
「你個妹幾開心呀～不過都係好事來的～」星越說～
時間一分一秒的過去～
都差不多是時侯阿占要下去接ａｌｙｓｏｎ了～
可是ｌｅｏ還沒有出現～
星越和阿占都正奇怪著～
突然～一下輕輕拷打鐵閘的聲音響起～
「大家好嗎？？」原來是ｌｅｏ～
我鬼鬼馬馬的笑著～
「喂～你去左邊呀？？」星越和阿占一起問～
「我．．我去左接人ｍａ～」我說～
「下？？」此時大家都奇怪的看著我～
我慢慢拖著站在我身後的小妍～
一步走進天台去～
大家看著我身邊的小妍～都好像呆著似的～
「做咩呀？？大家唔識佢嗎？？」我說～
「大家好呀．．」小妍說～
「好．．好呀！！」阿占突然笑了起來～
然後大家都變得興奮的笑著～
「喂～～ｌｅｏ哥～你地係幾時的事？？」星妍問～
「唔～～呢幾日～～」我答～
「好野呀～你終於同到佢一齊啦～」阿兔拉著阿邦說～
「阿兔你都好好啦～」我笑著說～
「Ｌｅｏ哥哥～佢．．佢好似係快樂大廈的人嗎？」笨狗傻傻的說～
這句說話令在場大部份人仕都停住了～
「係呀．．我係住係快樂大廈的～」小妍說～
「住係邊都冇所謂啦～大家．．唔歡迎佢嗎？？」我說～
「梗係唔係啦！！都不知幾歡迎幾開心～哈哈！！」星越大聲的說～
「係呀！～係呀！～」大家都笑了起來～
呢個時候ｃｒｙｓｔａｌ從人群中鑽了進來～
「哎呀～仲諗住可以爆你秘密～點知你自己已經帶左你女友出黎～」ｃｒｙｓｔａｌ說～
「其實我都係怕你會爆～所以早你一步拉住小妍黎～等你冇得爆而已～哈哈哈～」我笑著說～
「我係時候落去帶主角上黎啦～大家準備啦！」阿占說～

五分鐘後～阿占跟ａｌｙｓｏｎ一起走到天台上～
「嘩～少有ｗｏｒ～今日天台冇人～黑漆漆咁～」阿占說～
「唔～咦．．前面有ｄ光～係咩？」ａｌｙｓｏｎ說～
「我搵燈掣～你行去睇下咩黎～」阿占說～
只見ａｌｙｓｏｎ一步一步的走向發光處～
在她面前原來是一個點了二十一支蠟燭的大蛋糕～
最令ａｌｙｓｏｎ驚訝的是蛋糕上寫著．．
「ａｌｙｓｏｎ生日快樂」的字句～
「點解．．」ａｌｙｓｏｎ喃著～
就在這個時候～阿占亮起了天台的燈～
然後大家從四方八面跑出來～
「ｈａｐｐｙ　ｂｉｒｔｈｄａｙ　ｔｏ　ｙｏｕ！
　ｈａｐｐｙ　ｂｉｒｔｈｄａｙ　ｔｏ　ｙｏｕ！
　ｈａｐｐｙ　ｂｉｒｔｈｄａｙ　ｔｏ　ａｌｙｓｏｎ！
　ｈａｐｐｙ　ｂｉｒｔｈｄａｙ　ｔｏ　ｙｏｕ！！！！」
「生日快樂呀ａｌｙｓｏｎ！！！！」
大家一起高興的叫著～
「哈～我地都算唔話得啦～幫你慶祝生日！」阿占從人群中走出來說～
「不過．．」ａｌｙｓｏｎ說～
「唔駛不過ｗｏｒ～我地知道你喜歡一個人、比較靜～就係咁～阿占就想你更加同呢度的街坊親近少少～所以就幫你攪個生日派對～」我說～
「你睇下幾多人同你一齊慶祝～我地個個都當你係好朋友好街坊啦～」星越說～
「我．．我唔識講野．．不過．．我真係好多謝大家～」ａｌｙｓｏｎ說～
「得啦～你明大家的心意～大家就會明啦～快點許願吧～」阿占搭著ａｌｙｓｏｎ膊頭說～
ａｌｙｓｏｎ閉上雙眼～
然後深深吸了一口氣～將面前的蠟燭吹熄了～
面露出開心的笑容～

一大班人係天台到玩、傾計～
自從離開前試過時～
一直到現在才能夠重溫呢種感覺～
當時大家細細個～想不到現在大家都已經長大了～
我、星越、阿占都分別擁有了自己的另一半～
雖然這是ａｌｙｓｏｎ的生日會～
實際上也是令大家有機會聚首一起談天說地、一起玩樂的派對～
雖說平日都會兩、三個人聚在天台上傾計～
但係要能夠集齊這麼多人～真的是很難得～
住係展樂有一種很難得的東西～這就是人情～
大家好像是一大個家庭一樣～
有事是互相去幫忙、互相去關心～
街坊們大都是笑臉迎著對方～
雖然展樂有不少奇怪、古怪、不同類型的住客～
可是我記得詩婆婆說話～
住在展樂的住客～便會終日展現快樂的笑容～
單看今晚的派對～
大家都笑得很燦爛～
就正正印證著這個道理～

希望以後仲有機會這樣高興吧～

（續）

>>January 18, 2006 at 4:44:49 PM GMT+8

2006 年 1 月 17 日 星期二 【晴】

＜愛在舊區瘋狂時－－－第八十回＞
「～第一次的到訪！～」
今早比平常早了一點起床～
我站在小巴站的一旁～
不是在排隊．．．而是．．等著一個人～
等著小妍～哈～昨晚依依不捨的跟她道別了～
可是又約定了今早一起番學校～
第一次正式地跟她一起．．我多少也不敢遲到吧～
所以我早了一點到小巴站等著～
腦內幻想著一會兒小妍來到時～會係點樣呢？
微笑住看著我？還是滿心歡喜的立即拉著我呢？
想得入神之際～突然有人在我身後拍了我一下～
我笑著轉身便說～「等左你好耐啦小．．．」
說話還沒說完～看真一點眼前人原來是ｃｒｙｓｔａｌ～
「喂～你係度等緊邊個呀？？」ｃｒｙｓｔａｌ問～
「等緊朋友ｍａ！」我說～
「朋友？？番工呀今日～你唔係咩？」ｃｒｙｓｔａｌ問～
「係呀～我番工呀～」我說～
「咁你等朋友做咩？」ｃｒｙｓｔａｌ再問～
「佢叫我同佢一齊坐車ｍａ～」我說～
「下？？咩朋友呀？？」ｃｒｙｓｔａｌ奇怪地問～
「好朋友ｌｏｒ～哈哈～」我笑著說～
「怪怪咁ｇｅｉ～你唔係等緊我掛～」ｃｒｙｓｔａｌ說～
「絕對不會啦～～咪傻啦～～快ｄ上車啦你～你行得慢呀～上車啦！」我一邊說著～一邊嚷著ｃｒｙｓｔａｌ上車去～
當ｃｒｙｓｔａｌ坐下後～我看見小妍從遠處跑來～
「嗄嗄．．唔好意思呀～我遲左出門口呀～」小妍說～
「唔緊要啦～哈～你成面都係汗啦～」我笑著說～然後從袋中拿出紙巾來～
「嘻～唔該呀～」小妍甜甜的說～
此時我和小妍發現一雙眼睛看著我跟她～
這時我才發現ｃｒｙｓｔａｌ剛上了的小巴還沒有開出～
而她就定睛的看著我和小妍～
然後露出了鬼馬的笑容～
小妍和我只有苦笑著吧～
如我所料～回到學校後ｃｒｙｓｔａｌ便捉著我問個究竟～（是八卦吧．．）
我只好苦笑著去說出一切～當然～這也不是什麼不能見光的東西～
「哈哈～好了好了～你地終於可以係埋一齊啦！！」ｃｒｙｓｔａｌ說～
「係呀～我自己都好開心！」我笑著說～
「等我今晚係天台到話俾大家知先～哈哈～」ｃｒｙｓｔａｌ說～
「喂喂喂～～唔好亂來！！」我說～
「你遲早都比大家知道啦！」ｃｒｙｓｔａｌ說～
「係．．．不過～」我說～
「一於咁話啦～哈哈～今晚有話題啦！！」說畢ｃｒｙｓｔａｌ便走了～

放工後～以往一個走著回家的道路～
現在變成了兩個～我跟她牽著手一起走著～
「求先俾ｃｒｙｓｔａｌ捉住我問我同你的事～」我說～
「係呀．．估唔到咁快俾人撞到～」小妍說～
「咁我又唔係怕人地見到～哈哈～」我說～
「嘻～」小妍笑著～
「佢話今晚要幫我公諸於世呀～」我說～
「今晚？？今晚你地做咩呀？」小妍問～
「哦～係呀～今晚係我地大廈一個街坊ａｌｙｓｏｎ生日～咁阿占幫佢係天台到搞左個生日會～所以今晚好多人都會去玩～」我說～
「唔～哈～你估．．你可唔可以帶埋我去呢．．」小妍看著我說～
「下？你．．想去咩？」我問～
「我．．都想識下你身邊的朋友．．同埋你的街坊朋友呢～上次見你地好團結～好開心～我都好想一齊玩呀～」小妍笑著說～
「哈～冇問題～你想去我一定帶你去～」我說～
就在這時～不知不覺我跟她已經走到快樂大廈～
「咁我一陣食完飯就過黎．．到時打俾你好嗎？」小妍說～
「好呀～～」我笑著答～
晚上在阿占家中「痴餐」～然後給阿占拉著到天台預備派對的事～
「喂～你約好左ａｌｙｓｏｎ未？？」我問～
「約左啦～我扮到唔開心咁同佢講～叫佢今晚陪我上天台傾計～」阿占說～
「嘩～好演技得你！！」我笑著說～
「梗係啦～展樂最佳男主角就係我～」阿占笑著～
過了不久～我的手電響起了鈴聲～
這是我昨晚特別選擇只係代表了小妍的鈴聲～
「喂～咁早食完飯啦？」我問～
「係呀．．我行緊過黎展樂啦～」小妍說～
「嘩～咁快～好啦～我落黎接你啦～」我說～
說畢我對著阿占說了一聲「喂～我落去一陣～」～
沒待阿占回答我便一支箭似的跑到地下去～
走出展樂大廈～已看見小妍站在門口了～
「哈～你真係好快呢～」我說～
然後我又上至下再由下至上看了小妍一遍～
只見她一身輕鬆的便服和牛仔裙～
「好似未見過你咁街坊裝～」我笑著說～
「咁我同你都算係街坊呀！！」小妍答～
「好啦～不過你咁早黎～上面都未開始得～」我說～
「唔緊要～我想參觀你個個應該好亂好亂的屋企～」小妍笑著說～
「嘩～你亂上男孩子屋企～」我說～
「係呀～快點帶我上去呀～」小妍說～
於是我靜靜的拉著她從後樓梯走到５樓去～
然後靜悄悄的走進５０１室～
打開木門～小妍不禁「嘩」的一聲～
「你求先一定係執屋黎！！」小妍說～
「我冇呀～番黎沖完涼就去左阿占屋企食飯～跟住就上左天台了～」我關上大門後說～
「冇理由呀～男仔屋企應該好亂～」小妍說～
「我係特別的～哈哈～」我說～
「冇錯～你唔係男仔吧～嘻嘻！！」小妍笑著說～
「咦！呢幅相係．．」小妍說著～然後走向櫃上的一幅相前～
「佢係我祖母～」我答～
「但係點解唔見佢係度住．．」小妍問～
「佢過左身啦～」我說～
我回來展樂幾個月～我盡量都不會將祖母的東西移動～
因為．．我還很掛念她～
「你掛住佢嗎？」小妍問～
「當然啦．．祖母好鍚我的～」我說～
「哦～～」小妍說～
「拿～今日我就同你見過我祖母啦～我相信佢會好喜歡你的～」我說～
「哈～你亂講！！」小妍笑著說～笑容是甜甜的～
「唔係呀～你睇下祖母笑得幾開心～」我指著祖母的相片說～
然後手輕輕的抱著小妍～

「祖母．．我想你也會替我開心吧～你也會喜歡小妍吧！」

（續）

>>January 17, 2006 at 4:59:24 PM GMT+8