2006 年 3 月 7 日 星期二 【晴】

＜命運．時空．雪狼續－－－第四回＞
「～初偶！～」
宴會正式開始～
台上的音樂團徐徐奏起了舞曲～
一對又一對的男女慢慢走進舞池上起舞著～
身為主人家的凌家當然坐在最當眼的位置上～
那邊廂人人都欣賞著舞池中男女的舞姿～
這邊廂半數的公子們卻注視著凌家二位千金～
他們都在盤算著如何去邀請兩位國色天香的小姐跳舞～
就在此時～夜雪和玉瑜的眼光都被一束花吸引著～
而這束花的主人卻一步又一步的走近二人～
「凌二小姐～呢束花係送俾你的～」說話的是蔣明～
也正正是這束花的主人～
「呢束花．．」夜雪呆著～
心底裡想起數天前在市集看到那種花～
和眼前那一束花的外型、顏色、香味都是十分相似～
同一個念頭同時出現在玉瑜的腦海內～
心底內認定了花的主人就是蔣明～
所以不約二同兩位小姐都對蔣明產生了一點點的好感～
「多謝你呀～」夜雪微笑地感謝著～
「唔知我可唔可以邀請你同我跳隻舞呢～」蔣明說～
夜雪望望身旁的凌老爺和凌太～
只見凌太正急不及待的催促著夜雪跟蔣明跳舞～
「好呀～冇問題～」夜雪答～
場中的目光頓時全投向這一對囑目的才子佳人身上～
蔣明的心跳隨著跟夜雪四目交投的時間而加速～
整個人都十分興奮的～
而夜雪也對蔣明的好感慢慢地加強～
四周的公子們都對蔣明又妒忌、又佩服～
妒忌他能夠跟夜雪有如此距離～
卻又佩服他有如此的能力和方法去令夜雪動容～
四周的女孩子們都又羨慕又嘆息～
羨慕的是女孩子們的目標之一、全城公認的金龜婿蔣明正同第二個女孩子跳著舞～
嘆息又自愧不如夜雪般好條件～
他們都只好自嘗苦澀～
那邊廂的玉瑜心內替自己的妹妹高興著～
因為她一直都跟妹妹一樣認為～這種花的主人一定是很愛花的～
所以她認定蔣明有這種心～
雖然自己都有點喜歡～不過若然是妹妹得到幸福～
她也會很高興的～
最高興莫過於是凌太太了～
蔣明是她心目中最佳的女婿人選～
現在看到自己愛女和佳婿跳著舞～
腦內已開始幻想往後如何富貴的生活～
一首舞曲完畢～代表著蔣明和夜雪的一舞也完了～
兩人有禮地互相敬著禮～
「多謝哂～」夜雪說～
「我都要多謝你～」蔣明說～
看著夜雪走回自己的位子上～
蔣明也慢慢的回到自己位子的方向～
可是眼睛沒有離開過夜雪的面孔～
他知道自己已經深深的愛上了夜雪的美貌～
「太好啦～蔣公子好似好喜歡你呀雪～」凌太太高興的說～
「媽呀～你唔好咁啦～」夜雪有點怕羞的答～
「老公～呢次我地唔駛休啦～」凌太說～
就在這時～另一位公子走到玉瑜面前～
「凌大小姐～唔知我可唔可以同你跳隻舞呢～」公子說～
「哎呀～是副總督的兒子呀～」凌太細聲的說～
「唔．．唔好意思．．我有ｄ唔舒服～我想番入去先～」玉瑜說～
然後跟身邊的女僕向房間方向走去～
剩下的公子尷尬的站著～
「唔好意思呀～我女兒有點唔舒服～希望副總少爺你唔好見怪～」凌太說～
「唔緊要～」那公子有禮地說～然後走開了～
「呢個玉瑜～每次都要令我地出醜～～」凌太憤怒地說～
「阿雪～你同我入去叫佢今晚都唔好再出來～」凌太再說～
「媽．．」夜雪喃著～
「都係唔好～你留係度～一陣我地同蔣公子傾計～美娜～你入去同大小姐講得啦～」凌太說～
說畢～美娜便走向房間方向～

凌家的花園內～
有一個人不停的看著四周的花～
他是胡晨～
「哎呀～呢隻菊花打理得唔好～花瓣都黃了～唉～真係唔識愛護花～」胡晨說～
只見他好像安慰著嬰孩一樣呵護著花朵～
「哈～你睇下～我對你幾好～」胡晨對著手中另一支花～
那枝花正正就是蔣明送給夜雪的那種花～
「好彩我留低左一支～睇到呢個家庭點樣去對待花～就會聯想到你其他兄弟入到去係幾慘啦～唉～～」胡晨對著花說～
「你係邊個呀！！！」就在這時～一個女的從花園的一角說著～
聲音很微弱的～
「我．．．我係黎參．．參加宴．．會的～」胡晨說～
「但係其他人都入哂宴會廳～你．．」那女的再說～
「我．．我只係出黎睇下花．．」胡晨緊張的說～
「哦．．咦．．你手上的花～」那女的指著胡晨手中的那支花說～
然後一步一步的走向胡晨～
「呢支花．．係我自己種的！！！」胡晨說～
「係你種？？真係你種的～」那女的再問～
「當然係啦～不過今日我將大部份的送左俾我朋友～因為佢喜歡的人很喜歡呢種花～所以佢就獻左俾佢啦～」胡晨說～
「哦．．．」女的喃著～
然而眼睛卻有點含情默默的看著胡晨～
「係呢～咁你又係．．」胡晨問～
「我係凌家的．．」女的答～
就在此時～另一個身穿華服的女孩子走出來～
「家姐！！你係度做咩呀～」來者是夜雪～
胡晨的眼光給眼前的夜雪呆呆的吸引著～
因為夜雪是他有生以來看見最美的女孩子～
那種美令他害羞起來～不知所措的～
「家姐．．佢係．．」夜雪問～
原來剛才跟胡晨談話的女子．．正是換了素服的玉瑜～
「你睇下佢手上那支花～」玉瑜對著夜雪說～
只見夜雪看了一下～然後整個人都顯得很高興的～
「呢種花唔係．．入面的．．」夜雪說～
「唔係呀～原來係佢種的！」玉瑜說～
「你好呀～我叫凌夜雪！！」夜雪首先伸出手向胡晨～
可是胡晨好像仲沉醉在害羞的感覺上～
「喂喂！！」夜雪叫著～
「係係．．係．．」胡晨方才如夢初醒的～
只見夜雪伸出了纖纖玉手～
「我叫凌夜雪呀～」夜雪微笑著說～
「我．．我叫胡晨～」胡晨害羞的答～
也不知道伸出手好不好～伸出手卻又發覺自己的手十分污穢～
夜雪看見胡晨的舉動～也不禁笑了～
「我叫凌玉瑜呀！！」玉瑜有點害羞的說～
「呀～～你好．．你好呀～」胡晨答～

（續）

>>March 7, 2006 at 12:51:11 PM GMT+8

2006 年 3 月 6 日 星期一 【晴】

＜命運．時空．雪狼續－－－第三回＞
「～派對！～」
轉眼間～
凌家派對這個大日子又到了～
稱之為大日子唔單止係因為全城的公子哥兒都為這天充足準備～
更甚的是全城的淑女千金都希望在這一晚能夠結識到有錢的公子們～
不錯～這些交際派對往往就是撮合很多公子千金的好地方～
夜幕低垂～
一輛一輛馬車從四方八面駛向凌家大宅前的街道～
名流紳士、富豪權貴等等一一都到場～
凌家是一個大家族、有錢的人家～
所以佢地的大宅規模也十分之豪華～
單是宴會廳就能容納近千人～
在大門口上正熱烈的招呼客人的是凌太～
何以如此熱烈招呼？？
一為家聲、二為兒女～
作為東道～當然要好好的招呼各方貴客～
實情又為女兒好好物色女婿人選～
可是最大的目的當然是揀一個能點石成金的女婿吧．．．
「歡迎呀歡迎呀～金老爺、李老爺～哎喲～仲有金公子同埋李公子～好多謝你地光臨呀～兩位公子真係風度翩翩～」凌太說～
另一方面～海邊的胡宅～
胡晨剛剛將蔣明的花束包紮好～
而蔣明的馬車已在胡家門外守侯著～
「阿晨呀～～得未呀？？？？」蔣明在門外叫著～
「得啦～～差不多搞掂啦～」胡晨說～
「阿晨呀～你今晚要小心點～唔好失禮蔣家呀～知唔知！！」胡母說～
「我會啦～咦～阿爸你手上咩野品種的花？？」胡晨問～
「哦？呢隻花係你老郎叔早幾日俾我的～係西洋的一種花～但係就唔知叫咩名～」胡父說～
「係？？真係幾靚～～好啦～我番黎先講啦～我出去啦～」胡晨說～
然後拿著花束跳上了蔣明的馬車上～
「唔好意思呀阿明～想包靚少少～所以遲左～」胡晨說～
「哈～麻煩你啦阿晨～係呀～呢到有套衫～你而家換左佢啦～」蔣明說～
「嘩～好靚呀套衫～我怕會整到污糟．．」胡晨看著說～
「唔緊要啦～你係我好朋友～當然唔緊要啦～」蔣明說～
「好啦～多謝哂～」說畢～胡晨便換上了衣服～～
另一方面～凌家的廂房內～
「家姐家姐～你換好衫未呀～」夜雪說～
「換左啦～不過好似．．唔係太喜歡～」玉瑜說～
「呢件衫係媽媽指定要我地穿的～」夜雪說～
「唉～～媽媽佢只係想我地幫佢搵個有錢老公．．．」玉瑜說～
「家姐～唔好咁啦～媽媽都係想我地好呢～」夜雪說～
「唔．．」玉瑜喃著～
「點呀你地兩個～要準備見客人啦～～」凌太太急急的走進來說～
「得啦媽媽～」夜雪說～
「哈哈～阿雪我個乖女～真係好靚呀今晚～」凌太對著夜雪說～
然後頭轉向玉瑜～「你今晚唔好失禮我地～知唔知！！！」
「哦～」玉瑜無奈的答～
「你地同小姐出黎啦～我出去等你地～」凌太對著一對下人說～
然後高興的走出大廳去～
「家姐唔好唔開心啦～我同你一齊出去好嗎？我應承你成晚都陪住你好嗎～」夜雪說～
「唔～～」玉瑜微笑著說～

呢個時候～
蔣家的馬車到達了凌家大宅外～
凌太、凌生看到蔣明下車後～
便立即上前迎接～
「蔣公子～多謝你來臨～」凌生說～
「凌老爺你太客氣啦～」蔣明說～
「蔣公子真係一表人才～」凌太說～
「過獎啦～」蔣明說～
「呢位係．．．」此時凌太注意到蔣明身後的胡晨～
「哦～佢係我助手～佢叫胡晨～」蔣明說～
「唔～蔣公子身邊的手下都真係唔錯呢～」凌太說～
胡晨和蔣明都不約而同的笑了一下～
「好啦～兩位不如都入去宴會廳吧～」凌生說～
然後便引著蔣明和胡晨進去～
宴會廳內～真的是人頭湧湧～
台上有一大隊樂團奏著樂曲～台下舞池上已有數十人翩翩起舞～
廳內各方都佈滿著賓客～公子們西裝畢挺～
千金們衣著華麗、爭紅鬥豔～
這些場面在胡晨而言～真的是奇觀～
「嘩～好大呀呢度～」胡晨說～
「細聲點啦阿晨～我得閒帶你去多點宴會～咁你就唔會咁奇啦～」蔣明說～
「阿明～出面個花園好靚呀～」胡晨說～
「你唔好四圍去啦～跟係我身邊啦～」蔣明說～
「唔係呢～我真係想出去睇花．．．你知我．．」胡晨說～
「好啦好啦～你慢慢睇～我一陣黎搵你～」蔣明說～
然後又出現了一班名流～
蔣明也不理胡晨了～正忙著招呼著眼前的名流人物～
而胡晨也就此溜到花園去～
就在此時～宴會廳的群眾們都投向台上～
因為凌家二位千金正跟著凌太太、凌先生慢慢的走出來～
公子們的眼光都集中在夜雪和玉瑜身上～
天姿國色的面孔使到所有公子都迷倒～
當中包括了蔣明～
蔣明一步一步的走近著夜雪～
他沒有注視玉瑜～因為夜雪的氣質正使他著迷～
「各位賓客～我而家正式宣佈宴會正是開始～」凌先生大聲說～

　～用笑交往用舞交際 是你高貴是我也高貴～
　～大少英偉又有姿勢 淑女香芬誘惑發揮～
　～在這一晚盡興每位 千粒星未可代替～
～煙花閃動般壯麗 跟所愛共舞共醉 來吧各位～
　　～愛 如熱與光 好比珠寶發光～
　　～愛 投射四方 心窩披起晚裝～
　　　～花會盛放 心會盛放～


（續）

>>March 6, 2006 at 3:58:27 PM GMT+8

2006 年 2 月 24 日 星期五 【晴】

＜命運．時空．雪狼續－－－第二回＞
「～凌家！～」
「凌二小姐～請你嫁俾我啦！」
這名「攔路客」令在場所有的途人都為之嘩然～
此時馬車內有一中年女仕將頭伸出窗外～
「哦～原來係陳老七的兒子～呵～」這女仕說～
「凌太太～我真係真心喜歡凌小姐！」陳姓公子說～
「陳公子～我地凌家假假地都係大戶人家～有頭有面的～你？你老豆賣米的～點樣配得起我地凌家呀～」凌太說～
「凌太．．我．．」陳姓公子說～
「阿左阿右～仲唔趕走佢～阻住我地番去呀！」凌太說～
只見兩名隨從立即將攔路的陳公子抬走～
「等等！！」一把甜美的聲音從馬車中響起～
窗口慢慢伸出了一個雪白而又迷人的臉蛋～
「同我收起陳公子紮花～紮花好靚～我好喜歡～陳公子～多謝你的心意～」說話的正是凌家的二小姐－－－凌夜雪！
迷人的臉孔、如天籟的聲線～使陳公子和其他男仕都頓時迷住了～
迷倒的包括蔣明～阿雪的目光橫掃著市集中的人～
和蔣明交接了一秒～
僅僅的一秒～蔣明整個人都立即熱血沸騰起來～
馬車開走了～
大家方才如夢初醒～
「佢收左我紮花！！好野呀！！」陳公子興奮的叫著～
「你傻啦～凌小姐鍾意你紮花而已～唔係你呀～」另一位公子說～
「係呀～好～我要買哂凌小姐喜歡我隻花～」陳公子說～
然後直奔向阿晨的檔位～
其他公子都不想輸蝕～所以都紛紛跟著走向阿晨的檔位～
一時間～阿晨的檔口迫得水洩不通～
有些公子拿起花便拋下錢走去～
使到很多花朵都因而受損了～
「大家唔好咁啦～花會爛的～慢慢黎唔好搶～」阿晨說～
可是那些公子又點會聽進耳內～
只是一個搶著一個的～
「大家行開！！！」蔣明叫著～
在場的公子們都立時停了～
「蔣公子～我地買花而已～」公子甲說～
「我知道～但係你睇下你整到人地其他花都爛左～咁點樣呀！！」蔣明說～
「下．．．唔．．．」公子們細看阿晨的其他花都貼在地上～
有些更給他們的腳踩著～
「唔該你地賠償番人地的損失先離開～」蔣明說～
在公子哥兒的世界中蔣明是十分十分之高地位～
主要原因是蔣明的身家和父親的地位～
他們都自知及不上蔣明～所以都只好乖乖的賠了錢給阿晨～
然後溜去～
「唉～有錢有咩用～花都爛哂～唉～」阿晨嘆著說～
「算啦～而家有錢咁你可以買多ｄ野食番屋企啦係唔係～」蔣明說～
「唔～」阿晨答～可是心內依然替花朵痛著～
「係呀～求先你見唔見到個個凌二小姐～」蔣明說～
「下～見唔到呀～咁多人阻住～仲有我係度照顧緊花～」阿晨說～
「嘩～你見唔到～真係好靚、好迷人！隻眼水汪汪、肌膚又雪白、把聲又好聽～」蔣明說～
「哈哈～我相信阿明你咁有條件又有錢～一定可以追到佢的～」阿晨說～
「哈～我都好有信心～係呢～我想問下你仲有冇剛才佢地買的花？？」蔣明問～
「仲有些係家後園～做咩？」阿晨問～
「凌二小姐好喜歡呢隻花～我打算係幾日後的凌家派對上送俾佢～」蔣明說～
「哦～咁我番去幫你紮一束吧～」阿晨說～
「好～咁啦～大家好朋友～幾日後你就負責幫我送花～扮係我助手～然後一齊入去凌家派對吧～」蔣明說～
「唔．．怕唔怕呀？」阿晨說～
「個日我幫你打扮得整齊少少～你跟實我就冇問題啦～有機會開下眼界呢～千載難逢～」蔣明說～
「好啦好啦～」阿晨說～

凌家的馬車上～
「美娜～你睇下我紮花幾靚～」阿雪說～
「係呀小姐～仲好新鮮呀紮花～」美娜說～
美娜是阿雪的僕人～感情相當要好～
「我求先見到其中一個檔口就係賣緊呢隻花啦～」阿雪說～
「係咩？？係邊度呀？」美娜說～
「剛才我環顧在場的人～見到一個男仔後面的檔口就係插著呢隻花～」阿雪興奮的說～
「係？？真係好靚呀～」美娜說～
「唔～靚就靚～不過個個陳公子真係唔知醜～佢老豆賣米而已～家底唔好都夠膽想攀附我地凌家～真係想壞腦呀佢～」凌太說～
「媽咪～唔好咁講啦～」阿雪說～
「阿雪～媽咪只係想你嫁個有錢人～等你可以唔駛去捱窮呢～我點捨得你受苦呢～」凌太說～
「唔．．．．」阿雪無奈的點著頭～
「幾日後～我地凌家的派對上～會有好多名流紳士和有錢的公子哥兒～到時你記住要好好咁揀一個啦知唔知～」凌太笑著說～
「到時先算啦媽咪～」阿雪答～
「仲有呀～一陣番去記住同你個啞的家姐講～叫佢幾日後個派對上～要穿整齊點～唔係就叫佢唔好出現啦～」凌太說～
「唔好咁話家姐啦媽咪～」阿雪說～
「阿雪～媽咪將所有希望擺係你身上的～你唔好好似你家姐咁想激死我～」凌太說～
「唔．．．」阿雪喃著～
「總言之～我將所有希望都放係幾日後的派對身上～」凌太說～
此時阿雪的心內只有無奈～
唯有細看著眼前的鮮花～欣賞它的美～

凌家房內～
「家姐～家姐！！」阿雪高興的走進房內～
「阿雪～」一個跟阿雪有幾分相似～可是氣質上卻不同的女子說～
她就是凌家大小姐、阿雪的姐姐－－－凌玉瑜～
「你睇下～呢紮花係唔係好漂亮！！」阿雪說～
「係呀～好靚～種的人很有心機～」玉瑜說～
「我都係咁諗～哈～」阿雪笑著～
「係呀家姐～媽咪話幾日後屋企會開派對～佢話你記得要穿好一點～」阿雪說～
「我．．我諗我都係想留係房中～」玉瑜說～
「家姐呀～唔好咁啦～陪我見下人啦好嗎～」阿雪說～
「我．．你知我唔喜歡這樣．．」玉瑜說～
「最多我一直都陪住你～黎啦家姐！！」阿雪說～
「到時再算吧～」玉瑜說～
「好啦～到時我幫你揀衫～哈哈～」阿雪說～

（續）

>>February 24, 2006 at 11:36:31 AM GMT+8

2006 年 2 月 23 日 星期四 【晴】

＜命運．時空．雪狼續－－－第一回＞
「～一切的起點！～」
「鬍鬚伯伯！！鬍鬚伯伯！！」小朋友們叫著～
「呵呵呵～小朋友～今日又黎聽故仔嗎？」一個老翁從屋中走出來～
「係呀～快講故事俾我地聽啦！」小朋友們說～
「好好～呵呵～今日就講一個關於我地呢個湖的傳說的故事～」老翁指著身後的湖說～
「好呀～」小朋友開心的叫著～
「係呢鬍鬚伯伯～呢個湖叫咩名呀？」一個小朋友問～
「哦～呢個湖叫『雪狼湖』！」老翁說～
「好啦～咁我而家開始講故事啦！」老翁再說～
「係好耐好耐之前．．有一條村莊～村莊入面住左一戶姓胡的．．．」

　～流傳在月夜那故事．．．．．～

「阿晨！你睇下爸爸同邊個黎左！」一個男人走進泥屋中說～
「小晨～你好嗎！呵呵呵！」另一個男人說～
「爸爸！！老郎叔叔！」一個小朋友笑著說～
「哎呀～原來係老郎黎左～你幾時番黎呀？」一個女人從廚戶走出來說～
「我求先係街到賣花先見到佢～哈哈～」第一個男人說～
「我都係今天先番黎～即刻去搵老胡～我好掛住你地～」第二個男人說～
我叫胡晨～今年６歲～剛剛第一個入黎的係我爸爸～
我聽人人叫佢都係叫老胡～係廚房個個係我媽媽～
我地一家人係靠係後花園種花～然後拿出市集賣為生～
另一個叫老郎的叔叔係爸爸的好朋友～佢係四周買賣奇珍異物的～
成日都會周圍去～但係佢同我地感情好好～
尤其佢十分痛鍚我～
「小晨～我最掛住就係你啦～呵呵～」老郎叔叔說～
然後緊緊的擁著我～
老郎叔叔佢有一把好長的鬍鬚～每次佢大力擁住我時～
我都會俾佢的鬍鬚刺得癢癢的～
可是我卻很喜歡這種感覺～
每次老郎叔叔回來～他都會帶一樣新奇的東西送給我～
而今次也不例外～
「小晨～今次我帶左一樣好神奇的禮物俾你～」老郎叔叔說～
「係咩呀？」阿晨說～
只見老郎叔叔從袋中拿出一把匕首～匕首上鑲了一些彩色的寶石～
然後將它交到我手～
「小晨～呢把匕首有種神奇力量～據說可以利用佢製造出時間傷口～然後到達另一個空間～好等如穿越時空一樣～」老郎叔叔說～
「下？？穿越時空？？係咩黎ｇａ？」小晨問～
「即係可以用佢番到過去，又或者去到未來．．．」老郎叔說～
此時小晨雙眼瞪大～露出一個不可思議的笑容～
「老郎！唔駛再講故事S息畯茈J啦～」老胡說～
「呵呵～老胡！等小朋友開心下ｍａ～」老郎叔說～
聽到爸爸這樣說～我方知道原來剛剛老郎叔叔只係說笑而已～
不過我依然好好咁珍藏呢一把匕首～

其實屋企真的很窮～爸爸種花然後賣到的錢每次都只係剛剛好～
很辛苦～爸爸方能夠勉強送了我到學校上學～
當時～上學讀書係一種只有富裕人家先可以做的事情～
可是我的背景很快便讓學校的同學知道了～
一些勢利的眼光都投在我身上～
只有一個人～他叫蔣明～
蔣明是大戶人家的公子～
可是他沒有如一般的同學一樣對我白眼～
反而主動跟我做朋友～
所以在我世界內～他是我最好而且是唯一的朋友～
其實我還有其他朋友～
他們是小猴和花兒～
小猴是家中附近常常出沒的猴子～
每次看到他～我都會跟他談話～
他又好像懂得我說什麼似的～
還有是家中後園所種的花朵～
爸爸常常笑說～要跟花朵多多談情～
它們才會好好的生長～
我的童年就是在這三個朋友的陪伴下渡過～
轉眼間過了十二年～
爸爸媽媽年紀開始大了～
所以出外賣花的工作都交了給我負責～
事實我也很樂意接受這個工作～
因為我真的很喜歡花～

「買花喇喂！！！」阿晨叫著～
在市集的中央的攤檔～是胡晨很辛苦才買下的～
因為他明白到這個位置才會對生意有幫助～
「喂～今日生意如何呀！！」說話的是蔣明～
一身整齊而又筆挺的西裝～
盡顯一個大戶人家公子的身份～
「都唔錯啦～剛剛有人買左一紮鮮花～總算係今天的大生意了～希望係呢段時間前賣哂啦～唔係ｄ花會死的～」阿晨說～
「咁都算唔錯啦～總之記住定期送花去我屋企～你知道媽媽愛死你的花了～」蔣明說～
「唔～我會啦～仲有記得唔好話係你朋友ｍａ～我明白的～係呢你番工又點呀？」阿晨說～
「忙ｄ啦～剛剛接手了爸爸手上一些買賣工作～需要時間適應吧～」蔣明說～
蔣明的爸爸是做生意的～現在所有生意都交到蔣明手上～
而他媽媽是一個較為勢利的人～所以阿晨和蔣明都不敢公開這段友誼～
就在這個時間～市集上傳來了一陣騷動～
「喂～係凌家的馬車呀！！」一個男仕說～
「係咩？？去睇下～」另一個說～
只見大批的男仕、公子們都擁在兩旁～
一架華麗的馬車在路中前進～
突然一個男仕擋在路的中央～
然後拿著鮮花跪在地上～
「凌二小姐～請你嫁給我啦！」那男仕說～

（續）

>>February 23, 2006 at 2:38:10 PM GMT+8

2006 年 2 月 22 日 星期三 【晴】

＜命運．時空．雪狼續－－－前言＞
你有看過＜雪狼湖＞嗎？？
今次我將會改篇呢個故事～
哈哈～等左好耐啦～
之前寫的＜舊區＞寫左好耐～
而呢個故事其實我早已想寫很久了～
記得自己第一次睇＜雪狼湖＞時～
真係深深俾佢吸引住～唔單止係因此張學友和林憶蓮的風采～
也不單止是優美的歌曲咁簡單～
而係故事內容～雖然簡單～但卻十分扣人心弦～
可是故事結尾總是有點遺憾而已～
所以我一直都好想將故事改篇～
然後給它來一個自己滿意的結局～
曾經都試過改篇故事～（＜時光機＞）～對改篇故事的好處和難處都好明白～
而今次想著重係保持番原著的感覺外～還係呢個藍本上作出一些創作～
想帶多一點自己的幻想～
希望大家支持同喜歡啦～

人物簡介！
胡晨－－性格敦厚、對愛情是簡單的觀點～家族是開設花店的～
凌夜雪－－大戶凌家的二小姐～性格活潑、開向～舉止典雅、談吐大方～深受很多公子哥兒的傾慕～對愛情十分憧憬～
凌玉瑜－－大戶凌家的大小姐～性格和妹妹相反～靠內向～很少跟人接觸～
蔣明－－胡晨兒時的好友～沒有嫌棄胡晨窮家的背景～性格有點霸道、佔有慾很強～

　　　　　　　　　　　　　　　　　　　　　　　　　　　　　　　　　　－－李奧上

>>February 22, 2006 at 4:36:18 PM GMT+8

2006 年 2 月 20 日 星期一 【晴】

答問題時間～
回嘻嘻的留言～
呀～起初我都知唔係太吸引人呢～
只是我想改一下自己的路向～
未來依然會想多方向嘗試的～
你還是喜歡寶寶～
我還是喜歡智希和月瑤！

>>February 20, 2006 at 2:46:05 PM GMT+8

2006 年 2 月 20 日 星期一 【晴】

＜愛在舊區瘋狂時－－－後話＞
上次寫完六十回的＜尋最＞～
今次是九十一回的＜舊區＞～
呀！我真的沒有想過自己會寫這麼多回的～
不過第一次寫這麼多人物的故事～
有點吃力～當初ａｓａｋｉ所講的難度真的很重～
不過真的很開心～自己終於可以完成呢部作品～
（斷估作者短期內唔會再寫超過４０回的作品了～哈哈哈～）
講番＜舊區＞～其實初初寫呢個故事係為左呢個日記簿的討論區內一個小說區的作家朋友而寫的～本來係想試下將咁多個人都寫在故事中～等大家好似一個大家庭上～
（如果有些作者本來唔想出鏡但給我老屈了的～小弟就此道歉～）
而地方就係一個叫展樂（ｓｈｏｗｈａｐｐｙ）的大廈內的故事～
總算是可以過得去吧～
其實小說區內還有很多很好的作者～可是在第一回到到九十一回完畢已經有接近一年的光景～
而小弟和朋友在構思人物時～那些出色的朋友還未有出現～
又或者是太難去以一個接切的名字來代替～故此希望那些沒有出現的作者們不要介意～
其實＜舊區＞真的可以寫得更長～因為可以有很多很多事發生～
而最好的就是場景不多～總是圍繞著展樂大廈、附近的地方而寫～
這確實可以表達到一種同區街坊的感覺～
可是～都是那樣～人物太多了～我太貪心了～寫得太亂了～
這是失敗的地方～
故事內其實刻意地想寫多一點街坊的感覺～
街坊的感情、大家的關係～
熟悉的感覺～希望令大家有種共鳴感～
有朋友說＜人物篇＞寫得不錯～可是小弟卻覺得不夠完善～
確實某幾個人物的故事是寫得很吸引～
可是有點和自己本身的原意唔同左～
希望大家見諒啦～哈哈哈～
唔知大家對今次有咩評價呢？？
希望大家繼續捧小弟場吧～
唔～下個故事已經想好了～
希望可以努力地改進～唔好令大家失望吧～

　　　　　　　　　　　　　　　　　　　　　　　　　　　　　　　　　李奧上～

>>February 20, 2006 at 2:42:16 PM GMT+8

2006 年 2 月 20 日 星期一 【晴】

＜愛在舊區瘋狂時－－－第九十一回大結局＞
「～永遠的思念！～」
「好消息！ｘｘ集團主席腦部受到重創～呢個衰人唔會再有能力站起來面對著我們了～」小五姐說～～
「咁壞消息呢？」阿占問～
「獨弧因傷人而被起訴～因為佢係有精神病的緣故～律師話佢好大機會會入精神病院～另一方！收到主席通知～展樂的收樓行動應該冇停止到～」小五姐再說～
「唉．．．．」我們都嘆著～
「個好消息好似好弱下咁～」ｃｒｉｍｓｏｎ說～
「咁而家我地可唔可以番去展樂執野？」我問～
「唔得呀～所有地方都封哂～番都番唔到入去～」阿兔說～
「咁而家我地點呀．．」星越說～
「有部份街坊就去左朋友、親人屋企暫住～有ｄ就住左係酒店～」小五姐說～
「我地同埋阿占屋企人都係暫時係Ｌｅｏ仔屋企暫住而已～」星爸說～
「哦？？爸爸媽媽．．」我望著父母說～
「不如大家早ｄ番去休息一下先啦～好嗎！」我爸爸說～
說畢～大伙兒離開了拘留所門外～
這樣就過了三天了～
這三天我的家變得十分熱鬧～
用米量都好像變多了～
我回復番工作的日子～
每天跟小妍見著面～
阿占照常的番大學～
星越照常的工作～
可是這已經不是展樂了～一切好像都不是照常吧．．
今天準備下班的時候～
ｆａｉｎｅｔ致電給我～說要大家盡快趕到展樂門口等～
還要我幫手通知其他人～
「發生咩事呀？又會咁突然ｇｅｉ？」阿占在電話中問～
「唔知呀～我打左番去屋企啦～你父母同星媽星爸佢地已經過緊去～一陣見啦～」我說～
然後我和ｃｒｙｓｔａｌ、小妍一起趕到展樂去～
到達時才發覺展樂的大門已經解封了～
走進大堂～大批街坊都到達了～
可是每一戶的鐵閘依舊地封著～
「主席～你知唔知發生左咩事？？」大家問著～
「我都唔清楚～只係ｆａｉｎｅｔ突然打番俾我～叫我通知大家～」主席說～
正當大家都一頭霧水之際～
門外響起了停車的聲音～
只見一架房車的車門打開～
然後ｆａｉｎｅｔ、一個男仕和一個少女下車～
步進大堂去～
大家都將奇異的眼光投向這三個人～
「ｆａｉｎｅｔ～你叫我地番黎有咩事？」我問～
「同大家介紹～呢個係ＡＢＣ集團主席～佢係呢位主席個女～亦都係我朋友～佢叫貓骨！！」ｆａｉｎｅｔ說～
「ＡＢＣ集團？比起ｘｘ集團更大型的上市公司！！」阿ｊａｃｋ說～
「大家好呀～唔～我相信大家都未必會認識我～不過或者開心婆婆佢會對我有點印象吧～」貓骨笑著說～
「你．．．你真的很面熟呢！」開心婆婆說～
「其實我都係呢度的住客～不過已經係好耐之前的事啦～而家ｆａｉｎｅｔ住的屋其實係我外婆的～而我曾經都有幾年係度住過～我亦都好喜歡呢一度～所以今次展樂被收購的事ｆａｉｎｅｔ一早便通知我了～於是我就求助於我爸爸～」貓骨說～
「呢個女係我最痛鍚的～佢同我講話外母大人呢度的街坊係好好人～然後聽到佢朋友阿ｆａｉｎｅｔ講關於ｘｘ集團收購的事後～於是趁住呢幾日準備收購ｘｘ集團～剛好ｘｘ集團的主席因為頭部受創而不能再出任主席之際～我地係呢幾日就將佢地收購到手～所以而家呢座大廈的業主就係我地ＡＢＣ集團了！」貓骨爸爸說～
「換言之～爸爸將會維持番俾大家繼續係呢度居住～」貓骨說～
「真係？？」大家都說！
「珍珠都冇咁真啦！！」ｆａｉｎｅｔ說～
「好野！！！！！」大家歡呼著～
「我想問下呢～我地附近的街市、商店個ｄ會唔會．．」ｃｅｌｉａ、ａｐｐｌｅ問～
「放心啦～我地係會取消呢度的發展～」貓骨說～
「好野呀～珍陶館唔駛執啦！」ｃｅｌｉａ說著～
「小五姐～ｏ者哩～我地以後可以繼續賣野啦！！」ａｐｐｌｅ說～
「ｆａｉｎｅｔ～多謝你地！！」我說～
「哈～我係唔係有ｄ計呢！！」ｆａｉｎｅｔ說～
「至有計係你啦！」ｃｒｉｍｓｏｎ說～
哈～想不到這樣峰迴路轉的情況下～
我地又可以番番去展樂～
「呀～星越～我諗我應該將佢貓骨介紹你識～」ｆａｉｎｅｔ說～
「哦？？點解？？」星越問～
「記得我個日拿住五萬大元番黎嗎？其實係貓骨的～係佢幫我地～」ｆａｉｎｅｔ說～
「係．．．多謝你！！」星越說～
「唔好客氣啦～展樂的街坊有事～我一定會幫手的～」貓骨說～
「都唔知點多謝你好～總之就．．就真多謝哂～」星越說～
「哈哈～～」大家都笑著～
一切真的變得正常了～
往後的日子～小妍也成為了展樂的一份子～
我、小妍、ｃｒｙｓｔａｌ、阿占、星越、ｋｉｓｕｔａ等繼續當初一起上班、上學的生活～
街市內！小五姐、ａｐｐｌｅ、ｏ者哩繼續辛勞的做生意～
光丑叔依舊的為著子女而奔波勞碌～
展樂內～星穎、加瑩、淇淇、芝士依舊開心地在展樂吵吵鬧鬧～
笨狗、笨蛋兩兄妹繼續他們跳樓梯的生活～
天台上～阿寶依然繼續看著他的書～而司徒先生偶爾也會繼續他吟著詩～
小難們依舊的瘋狂地為他迷倒～
開心婆婆繼續開心地為展樂服務著～胡神父、星媽好像代替了詩婆婆的角色～
每日在逗小朋友開心～
「珍陶館」沒有倒閉～ｃｅｌｉａ依舊的經營著陶先生的心願～
而佚君變成了「珍陶館」的常客～
酒廊依舊由ｊａｓｏｎ表演著～ｃｈｅｒｒｙ繼續她全能侍應的工作～
兔仔不再孤單了～因為她的身邊多了阿邦～
妹豬和阿ｐｈｙ、ｋｅｙｏｓｈｉ和ａｓａｋｉ～她們之間的像親人般的姊妹情變得更深厚～
可是．．展樂好像就是少了一點．．一點瘋．．一點狂．．一點笑料～
就是獨弧～
自從他擊傷了ｘｘ集團的主席後～被關進了精神病院去～
可是有一天～報紙上卻出現了獨弧逃跑了的消息～
「Ｌｅｏ～你估獨弧去左邊呢？？」阿占說～
「唔知呀．．但係佢又冇番黎展樂呢～」我說～
「我聽有人講話唔知邊度呢排多左一個俠盜～唔知會唔會係佢呢～」星越說～
「哈～係都唔奇吧～」我笑著說～
這時～我眼尾看到天台不遠處有一個黑影竄過～
「那．．」我說～
「做咩呀？？個邊有咩野？」星越問～
「冇．．冇野呀～哈哈！」我說～
「好啦！！我地三個好耐冇一齊飲杯啦～飲勝！」阿占說～
就是這樣～這就是展樂的生活～
關於獨弧的傳聞有很多～
有的街坊說他偶爾會回來出現～
有些更說他到了其他地方去～
至於一直以來星越那筆天賜的金錢是否跟獨弧有關～
更加是成了一個迷～
真實情況不得而知了～
但是這個傻俠的名字～永遠也會記在各個展樂的街坊們心中～
和大家一起生活！

（完）

>>February 20, 2006 at 2:25:03 PM GMT+8

2006 年 2 月 17 日 星期五 【晴】

＜愛在舊區瘋狂時－－－第九十回＞
「～展樂絕地抗爭！（３）～」
「而家係四點正～我地公司將會委託警方清場～」
ｘｘ集團主席說～
「點算呀～」星穎、妹豬她們說～
「大家定ｄ！！」ｃｅｌｉａ說～
只見警察們開始排好隊型～
準備向我們進迫～
就在此時～～
「咿！！！！我來也！！！」一個黑影從三樓跳下來並大叫著～
「獨弧呀！！！」小難、阿兔叫著～
只見獨弧從空中翻了一下然後穩健的落地後～
便立即衝進警察方向去～
手中還拿去一支木棒～
兩、三名警察正要阻止他之際～
卻給他輕易的跳起避過～
又有兩名警察拿起警棍要攻擊獨弧～
只見獨弧手中的木棒一揮～擊中兩名警察的手腕～
然後一棒將二人掃跌了～
眼前就是ｘｘ集團的主席和助手～
獨弧一個箭步衝向他們～
ｘｘ集團主席驚慌之際便將助手推向獨弧～
好一個獨孤身手靈活～避開了如脫線風箏般的助手後～
身體趨向ｘｘ集團主席～然後舉起手中的木棒～
「噗！！」一下重擊便擊中主席的後腦袋！！
ｘｘ集團主席應聲倒地～
「呵呵呵！！！」獨弧大聲的笑著～
無數的閃光燈都在獨弧眼前閃著～
與此同時～警察們立即蜂擁而上制服獨弧～
「喂～你地唔好拉獨弧呀！！」阿占叫著～
「我地快ｄ幫獨弧啦！！！」ｖｉｋａ說～
「好～我地去幫手～」笨狗說～
「大家冷靜ｄ呀！！」我和星越說～
可是大家都有點失控了～
大伙兒衝向警察們去～
情況立即失控～
警察們都對大家的行動有點措手不及～
混亂的場面持續了十多分鐘～直到令一大批警員到達時～
場面開始受到控制～
往後的時間警方將一部份認為攪事的街坊和大伙兒隔開了～
我、阿占、星越、ｃｒｉｍｓｏｎ、光丑叔等都因為欲拉著其他人而給警方認為是滋事份子～
大家都看著展樂的門口方向～
ｘｘ集團主席給抬上了救護車上～
與此同時～瘋瘋癲癲的獨弧也給警員鎖上手銬後帶上警車～
而我們也不幸的給警方找到另一架警車上～

「擾攘了近６小時多的ｘｘ集團收樓風波暫時平息左～警方將剛才襲擊ｘｘ集團主席的那位居民和一批懷疑滋事份子都帶上了警車～受傷的ｘｘ集團主席亦送往醫院去～而其他居民亦係警方監視之下一個個離去～收樓行動總算結束左～有進一步的消息我會同大家再報導落去～ｘｘ電視台記者ｋｉｓｕｔａ報導！」

警局拘留室內～
「唉～估唔到我地竟然有幸坐『花廳』！！」阿占說～
「大家真係太衝動啦！！」光丑叔說～
「放心啦～我地冇傷人～唔會有事的～佢地拘留我地都係搵時間調查而已！」星越說～
「唔知道大家點呢而家．．」ｃｒｉｍｓｏｎ說～
「大家應該都冇咩事ｇｅｉ～而家我地都總算叫做達到目的～出哂位啦～全香港都知道我地件事啦係唔係？？」我說～
「可惜係．．唔知道獨弧而家點呢．．」阿占說～
「係啦．．佢呢次打傷ｘｘ集團主席．．肯定要坐監啦．．」ｃｒｉｍｓｏｎ說～
「由細睇到獨弧大．．都未見過佢會攻擊人～唉．．」光丑叔說～
「某程度上佢都可以話係維護展樂大廈吧～」星越說～
「希望佢冇事啦．．」我說～
「唉．．．希望啦～」大家一起嘆著～
這一晚比昨晚更加漫長～
第一次被警察押上車～
第一次係鐵窗下作客～
真的是百般滋味在心頭～
大家都掛念住外面的街坊和親人們～
還有是獨弧．．
「Ｌｅｏ！其實我地今次的行動係唔係．．．好無謂．．」阿占問～
「不算吧～有冇意義係大家點睇～至少我地都有少少意義．．」我說～
「但係我地做左咁多野～大家連『花廳』都坐緊～可是仍然阻止唔到展樂被收呢個事實．．總係有種賠了夫人又折兵的味道．．」阿占說～
「占～我地幾個唔會有事的～最多都係警誡下就算～當初大家都知道結果冇辦法變～但係堅持只係為左發洩大家的不平～既然問心無愧又何須自責呢～」星越說～
「之但係呢次我地確實真係有點蝕底左ｇｅｉ．．唔知道出面ｄ傳媒會點寫我地～」我說～
「會唔會係暴徒呢？？」阿占說～
「或者係蠻人呢！！」星越說～
「可能係刁民呢？哈哈～」我笑著說～
「咁獨弧可能會係村霸ｗｏｒ～哈哈哈～～」阿占說～
我們三個笑了起來～
為這一個漫長的夜晚點綴了幾份輕鬆～

在『花廳』過了一整晚～
第二天～在警官的警誡之後～
然後便將我們釋放了～
走出門口～星家、阿占家人、我的父母、小五姐、小妍、汶霜等等都在等著我們～
「你冇事ｍａ？？」小妍緊張的問～
「冇事呀傻瓜～」我說～
「你呀～咁衝動呀～～」爸爸和媽媽說～
「對唔住呀要你地擔心～」我說～
「係呢～小五姐～而家情況係點呀？？」阿占問～
「我要講俾你地知一個壞消息同一個好消息～」小五姐說～

（續）

快快快要結局了．．

>>February 17, 2006 at 1:02:00 PM GMT+8

2006 年 2 月 16 日 星期四 【晴】

＜愛在舊區瘋狂時－－－第八十九回＞
「～展樂絕地抗爭！（２）～」
下午二時半左右～
正當大家也享用完ｃａｒｍｅｌ帶來的午餐～
突然展樂外停了數架警車～
一批警員下車後走進展樂～
「你地邊個係呢度的負責人？？」一位警官說～
「我地個個都係負責人～都係呢度的業主！！」ｃｒｉｍｓｏｎ說～
「咁邊個話得事？？」警官再問～
「阿ｓｉｒ不如你講咩事啦～」ａｓａｋｉ說～
「我地收到消息話呢到有人將會係夠期收樓時依然唔走～係唔係有咁ｇｅｉ事？？」警官說～
「邊個呀？？我地冇打電話ｗｏｒ～」大家說～
「阿頭．．有攝影機！」一位警員再警官側邊說～
「你地而家拍緊戲呀？」警官問～
「唔係呀阿ｓｉｒ～」啞婆說～
「沙展～呢位先生話係佢報警～」只見一位警員和剛才ｘｘ集團的代表說～
「你咩事報警！」警官問～
「我地係ｘｘ集團的代表～今日係展樂大廈的收樓日～呢張係收樓令～但係呢批住戶拒絕遷出～而限期將會係四點屆滿～我地公司深怕到時有人會搞事而阻礙收樓行動～所以報警求助～」ｘｘ集團的代表說～
「係唔係有ｄ咁ｇｅｉ事？？」警官向著我們說～
「阿ｓｉｒ！而家都係二時半左右～又未到四點～佢地憑咩趕我地走～」ｆａｉｎｅｔ說～
「再者我地而家就係要係攝影機面前俾全香港人知道我地的不滿～～對無良奸商收樓的不滿！」阿占說～
「我唔理你地咁多～一陣四點鐘之後你地唔走我地警方會採取行動～係咁多～」警官說～
「噓！！！！！！！！」大家齊聲喝著倒采～
往後的時間～警察不但沒有離開～
而且人數也隨著時間增多～
他們更將展樂門口封鎖～
不准任何人進入～
而圍觀的人也越來越多～
而我們也開始了高聲的呼叫著口號～
氣氛慢慢也凝重了～
三時三十分～
突然從展樂傳來了一篇嘈雜聲～
只見警察和一些人在推撞著～
「發生左咩事呀？？」阿兔問著～
「唔知ｗｏｒ～我地ｄ人都係齊到啦～」星越答～
「阿占～我地去睇下～」我說～然後跟阿占跑向展樂門口去～
到了展樂門口～只聽到一些十分面熟的人在叫著～
「俾我地入去呀！！我地都係展樂人！！」
原來是一些已走了的街坊～還包抬了展樂委員會的主席～
「阿ｓｉｒ～佢地都係展樂的住戶！！」我說～
「而家唔可以俾任何人進入的！！」警官說～
「但係而家未夠鐘～佢地仲有權入黎展樂！！」阿占說～
「係呀！！我地要入去！！」街坊們說～
「好～你地入去都得～不過一切後果由你地自己負責～」警官說～
然後警察的人牆鬆開了～
街坊們都走進來～
「點解你地會番黎～～」我問～
「我地睇到電視～知道大家都仍然努力緊～我身為主席都好慚愧～於是決定要番黎同大家並肩作戰～」主席說～
「好！！大家入去～～抗爭到底！！」我叫著～
「Ｌｅｏ！！！Ｌｅｏ！！！」突然從人群中有人叫著～
我轉身一看～發現小妍在人群中擠著～
「小妍！！你點解會黎？？」我問～
「我係電視睇到你～我好擔心．．我想入黎同你一齊！！」小妍說～
「小妍～我好開心你會支持我～多謝你原諒我體諒我～但係今次係展樂人的事～我唔想你有咩事～應承我～係出面等我～如果有咩事你可以幫我地～係唔係？？」我說～
「唔～～」小妍笑著～
我對著她笑了笑～然後急步的走回展樂去～
此時大家士氣如虹～～
叫聲不但響篇了整個展樂大廈～
我們更自信能夠響篇整個區域～
三時五十五分～
距離四時還不到五分鐘～
警方的人手已經嚴陣以待～
而大家都顯得緊張了～
就在此時～在門口出現了一個男人～
一個我們展樂的街坊都十分記得的男人～
是ｘｘ集團的主席～
他的出現令大家都鼓譟起來～
只見他拿起了警方的「大聲公」說～
「咁多位展樂的居民～我係ｘｘ集團的主席～仲有幾分鐘就係本公司合法收回展樂大廈的屆滿時間～咁多位街坊依然唔肯離開的話～只會令我地收樓的行動出現左阻礙～而且咁樣係會觸犯警方法例～希望咁多位住戶快ｄ離開～本集團承諾每一位住戶都會得到賠償～」
「你收聲啦！！得個雞碎咁多我地可以去邊呀！！」光丑叔說～
「展樂係我地的～你點可以隨便趕我地走！！」加瑩、淇淇他們叫著～
「我地誓死不走！！」街坊們叫著～
「我地唔想見到你～你走！！」ｖｉｋａ叫著～
ｘｘ集團主席沒有再回應～
只見他冷笑了一下～然後跟身邊的助手說了數句～
只見助手走到警官面前說著～
「大家～警方將會做野啦～～」罕有地佚君說～
「大家努力～不過要小心呀～」小五姐說～
四時正！！
只見ｘｘ集團主席拿著大聲公說～
「而家係四點正～我地公司將會委託警方清場～」
此時大家都急了．．

（續）

>>February 16, 2006 at 12:33:55 PM GMT+8