2005 年 10 月 6 日 星期四 【晴】

＜愛在舊區瘋狂時－－－第三十回＞
「～展樂的明星夢（４）！～」
笨狗的表演完畢後～
一個又一個街坊們的表演～
有的不是惹人發笑～
就是毫不特別的～
當然～中間都有兩、三人是唱得不錯的～
Ｋｏ妹由於要到酒廊上班～
所以她看了不久便離開了～
剩下我和星越看著～
「Ｌｅｏ～點算呢！！」星越說～
「做咩事？？」我問～
「到而家都冇邊幾個係特別出色的～我怕對抗賽我地會輸～」星越說～
「咁都無辦法～不過開始左三份一人而已～再睇落去啦～」我說～
就係呢個時候～台上傳來一個女孩子的叫聲～
「大家好！！！我叫做ｓｕｋｉ呀！！ｙｅａｈ！！」那個叫ｓｕｋｉ的女孩說～
「嘩．．個女仔邊個黎．．」我問～
「佢未係住係四樓的ｓｕｋｉｔｓｏｉ～佢呀～成日都發明星夢的～」星越說～
「今日我要唱的係『星夢情真』！」ｓｕｋｉ叫著～
接著就是她陶醉的演譯著這首歌曲～
雖然這個女孩子怪怪的～但想不到她的歌聲也不差～
相比起Ｋｏ妹．．還有小妍～也不是相差太遠吧～
表演完畢了～ｓｕｋｉ作了一個９０度的鞠躬～
面上就好像享受著剛才表演的滋味．．十足人家開完演唱會一樣～
看來．．她已假想了自己為一個大歌星吧．．
ｓｕｋｉ下台後～忽然看著她慢慢的走向我和星越的位置去～
我看看星越～只見他表情有點焦急著似的～
「做咩事呀星越？」我問～
可是說話才剛剛完～已經聽到ｓｕｋｉ叫著～「星越哥哥！！」
「點呀ｓｕｋｉ？？」星越答～
「求先我表演得係唔係好好呢？？我感覺到我自己就好似開緊演唱會一樣～」ｓｕｋｉ說～
「你．．你話係未係啦～哈哈．．」星越說～
「咦～佢係邊個呀？？」ｓｕｋｉ指著我說～
「佢係以前細個住係度的、係我識左好多年的死黨～佢叫Ｌｅｏ～」星越說～
「哦！！好呀～Ｌｅｏ我求先表演得係唔係好好呀？？」ｓｕｋｉ對著我再問一次～
「唔～～唱得都幾好呀～哈哈．．」我說（冒汗中．．）
「嘻嘻～我自己都覺得幾好呀～我諗下星期二的比賽我一定會勝出的～跟住星探就會搵我去做歌星～跟住我真係可以係全香港人面前表演啦～到時一定好多人好鍾意我、支持我！！哈哈哈哈．．．」ｓｕｋｉ陶醉著說～
「星越．．佢係唔係痴左線．．」我細聲的在星越耳邊問～
「佢成日都係咁．．．」星越答～
「兩位我未來的歌迷～我而家去慶祝一下先～一陣出結果再見啦～」ｓｕｋｉ說～
說畢便高高興興的走開了～
「呢個女仔真係．．發夢發傻左．．．」我說～
「哈哈～我見慣了～」星越笑著說～
突然台上又傳來一陣叫聲～
「點解你要叮我～～我唱得好好呀～你點解要叮我呀～唔公平呀！！」只見一個女孩子不停的鬧著～評審們都給她吵得煩了～
「唔好意思呀～唔好意思～」只見另外兩個女仔急急的拉著那個女仔下台～顯得十分尷尬的～
可是那個女孩下了台後依然吵鬧不堪～真的替她兩個朋友難堪～
「嘩～呢個女仔我都未見過～」星越說～
「下．．咁係邊個呀？？」我說～
「佢叫ｖｉｋａ～佢住你四樓的～住係我隔離～」ｆａｉｎｅｔ說～
不知何時他竟站在我和星越身後～
「好似唔多覺佢出現～」我說～
「你唔同佢住埋同一層當然唔知～佢都係呢段時間搬來～不過已經令好多小朋友、大朋友都好記得佢～成日都為少少野而吵吵鬧鬧的～我都試過因為行過望左佢一眼～佢就即刻鬧我～十分之火爆的～」ｆａｉｎｅｔ說～
「原來係一個怪人～」我說～
「可以話只係一個火爆的女孩子～」ｆａｉｎｅｔ笑著說～
「咦！！到阿占啦！！」星越說～
「大家好～我阿占今日唱一首歌～叫做『天下第一流』～」阿占說著～
「Ｗｏｏ！！」因為是阿占的原故～我和星越特別落力的叫著～
可幸的是～阿占的歌藝也不錯～唱整首歌都唱得十分動聽～
相信他今次入圍的機會好大！！
阿占之後終於到四位『美』少女－－加瑩、芝士、淇淇同ｆａｎｎｙ～
出場的ｐｏｓｔ已經知道她們對ｃｏｏｋｉｅｓ的舞步練得十分純熟～
整首歌的味道都是有點騷的感覺～
但當演繹的是四位可愛而未成年的小妹妹．．
那種裝作出來的騷味．．．
實在引得我們三人掩嘴狂笑起來～
好笑的二不離三～小旋和小陶兩位小妹妹扮著ｔｗｉｎｓ～
不知道是否他們十分喜歡學ｔｗｉｎｓ，衣著、動作都模仿得十分相似～
更意想不到的是連他們的歌聲也一樣．．．
（小陶一開聲即走了兩個音，小旋好像還未開聲似的．．）
當然難逃評判們無情的「叮叮」吧～
接著到小難了～只見她氣定神閒的走到台中～
鞠躬後～她深深的吸了一口氣～
「嘩！！！」我同星越都不約而同的叫了出來～
而ｆａｉｎｅｔ亦呆在當場～
想不到小難竟然清唱著歌劇般的歌曲～
「唔係掛～小難竟然咁勁？？？」我看著ｆａｉｎｅｔ和星越說～
「我由細睇到佢大．．我都唔知佢咁叻．．」星越難以置信的說～
「人不可以貌相！！真係沒有錯～」ｆａｉｎｅｔ說～
接著還有ｃｈｅｒｒｙ的弟弟ｈｅｒｒｙ的表演～
想不到一個中四的學生．．竟然會裝著小朋友般唱著＜麥兜＞～
我們三人除了冒汗和笑之外～也找不到更好的反應～
但看著他扮得就好像一個小朋友的姿態～不得不給他連串的掌聲～
接近５個鐘的選拔完結～～
評審們有結果了～
（續）

>>October 6, 2005 at 3:40:07 PM GMT+8

2005 年 10 月 5 日 星期三 【晴】

＜愛在舊區瘋狂時－－－第二十九回＞
「～展樂的明星夢（３）！～」
星期六的晚上～
今晚我真的十分興奮～
原因是小妍主動的約我吃飯～
雖然她說是為了我幫我她彈了一曲而多謝我而已～
但在我而言～所有原因都能夠使我十分開心～
晚飯之後～我跟小妍走在回家的路上～
「係呢～～你住邊到呀？？識左你咁耐都好似唔係好知你住邊區～」小妍問～
「我其實住係附近那幢展樂大廈而已～」我說～
「係？？展樂大廈？？」小妍好像有點驚訝似的～
「做咩事？？」我奇怪地問～
「冇．．冇野～哈～」小妍笑著說～
「咁你呢？」我問～
「我都住係附近～」小妍說～
往後的時間我和小妍談得十分愉快的～
不知不覺便走到了展樂大廈～
「我到啦！！係呢～～你住係邊到？？咁夜．．不如我送埋你番去啦～」我說著～
「唔駛啦．．其實我住係轉彎後附近～」小妍說～
「唔～咁．．我走啦～」我說～
「哦．．唔．．」小妍喃著～
雖說是要走了．．可是我的雙腳從來沒有向後移～
而小妍也是原地站著～這時的感覺可說是有點尷尬似的～
「小妍．．我．．」我說～
正當我要開口之際～小妍搶先說～
「今晚我好開心．．多謝你呀Ｌｅｏ～」小妍說～
「唔．．唔駛客氣～」我說～
「夜啦～我走啦～再見～」小妍說～說畢便轉身離去～

星期日的早上～
昨晚真的睡得很甜．．或者是和小妍的約會吧～
哈～可是今天一早便給星越吵醒了～
原來今天中午展樂便會舉行那個「試叮大會」～
看看手錶～原來我這一覺一睡便睡至十二時多了～
「Ｌｅｏ呀！！快ｄ啦～～就開始啦個『試叮大會』～」星越說～
「開始就開始～駛咩咁趕呢～」我說～
「阿占佢都有份參加呀～～」星越說～
「下？？」這一下我整個人都醒了一下～
阿占都參加「試叮大會」？？真的意想不到～
和星越走到地下大堂上～
只見很多很多街坊們已眾集在這處～
而且很多相信是參加「試叮」的街坊已在排隊準備了～
在長長的隊中～我看到有一班人在揮著手～是阿占～
還有加瑩、芝士、淇淇、ｆａｎｎｙ、小旋、小陶、妹豬、小難等等～都是較年輕的一輩～
「你地咁遲呀！！」阿占說～
「我都唔參加～駛咩咁早呀～」我說～
「咁你應該同星越一樣捧我地場呢！！」阿占說～
「我都估唔到你會參加『試叮大會』啦！！」我說～
「Ｌｅｏ哥哥～我地都有參加呀～～」加瑩說～
「你估下我地扮邊個？？」芝士說～
說畢他們四個扮著一個姿態～另外兩個又擺著一個姿態～
「咩黎呀？？」星越說～
「哈～我地就係Ｃｏｏｋｉｅｓ」淇淇指著自己說～
「嘩．．．」星越說～
「淇淇．．你唔係病左咩？？」我問～
「哈～我冇事啦～～我狀態良好呀而家！！」淇淇說～
「仲有我地兩個就係扮Ｔｗｉｎｓ！！」小陶和小旋兩姊妹說～
「唉．．救命！！」星越和我一起苦笑著～
「今日大家都好熱心參加～～真係好！！」身後傳來一把聲音～
原來是Ｋｏ妹～
「咦～你把聲好番啦？？」我問～
「係呀～～已經好得七七八八～今朝試過聲～都冇大問題～今晚可以番酒廊工作～順道練習一下～嘻嘻！！」Ｋｏ妹笑著說～
「Ｋｏ妹～我地一定可以同你並肩作戰的～」Ｆａｎｎｙ說～
「嘻～信心十足ｗｏｒ～」Ｋｏ妹笑著說～
「咦～小難你都參賽嗎？」Ｋｏ妹再說～
「係呀！！我係學校的合唱團～相信一定可以過到『試叮大會』呢關～」小難信心十足的說～
「冇錯啦～我地兩兄妹一樣都係咁叻～區區『試叮大會』難不到我們的～」阿占神氣的說～
「睇過．．占哥你一陣唔走音就好～我同星越一定會指住你黎笑～」我說～
大家都哈哈大笑著～
「各位各位！！」此時～主席拿著咪宣佈～
「今日呢個展樂的『試叮大會』係為星期二同快樂大廈對抗賽而選拔的～所有街坊歡迎參加～今日選拔會係由我同幾位委員會幹事做評審～而家我宣佈『試叮大會』正式開始！」主席說～
參加者和觀眾們都齊聲歡呼著～
大會開始～星越拉著我和Ｋｏ妹坐著欣賞～
身旁有正在賣小吃的全開心婆婆～想不到她除了清潔外～也懂得趁這機會賺點外快～
人群中有一個人也在穿插著～他就是阿ｊａｃｋ～
這麼大的盛事～他的相機當然要拍下不少花絮吧～
「今日第一個參賽者～就係住係七樓的笨狗！！！」主席說～
「下？？笨狗？？」我和星越叫著～
Ｋｏ妹也呆了一呆～
「大家好！！」笨狗向大家揮手說著～
「今日我同大家唱的係劉華的『忘情水』～」笨狗說～
台下不少人已經忍不住笑著～
而星越和我不約而同的掩著面說～「慘啦．．慘啦～～」
「點解你地咁講呀～」Ｋｏ妹問～
「你睇下啦～」我和星越說～
說時遲那時快～笨狗已經開始唱了～
「曾經年少愛追夢．．一心只想往前飛．．」
只是幾句歌聲而已～一眾台下的觀眾、參賽者、評審都忍不住笑了起來～
這種感覺尤如「叮噹」內的技安的歌聲一樣．．．
更想不到的是笨狗依然陶醉在自己的表演中～
「呀呀！給我一杯忘情水！！」這一次更加惹笑～原因是笨狗竟然跳起舞來～
「叮叮叮叮！！」終於評審們平復了他們的狂笑～
清醒而又急速的拷著鐘～
就這樣一遍笑聲中便揭開了展樂這次『試叮大會』的序幕～

（續）

>>October 5, 2005 at 12:18:58 PM GMT+8

2005 年 10 月 4 日 星期二 【晴】

＜愛在舊區瘋狂時－－－第二十八回＞
「～展樂的明星夢（２）！～」
今天是星期五～
本來還想請多一天假～
可惜昨天應承了小妍～
這是一件多麼重要的事情～
我的精神也驅使我振作起來上班去～
回到任教的學校～
「Ｌｅｏ～冇事了嗎？？」同事甲問～
「冇咩大礙啦～冷親掛～～」我答～
「咁唔小心呀～～病左幾日我以為你死鬼左ｔｉｍ～哈哈～」同事乙說～
「哈．．哈～邊有咁易～」我笑著說～
（個笑話一點也不好笑．．．．）
回到教師房內～
作為音樂教師就是有一個很好的好處－－很多空堂～
今天的第一、二堂已經是了～
（早知唔駛咁早番～請番一個鐘頭ｓｌｅｅｐ　ｌｅａｖｅ好過～）
（註：ｓｌｅｅｐ　ｌｅａｖｅ＝睡假！）
突然走廊傳來一陣急速的高跟鞋聲音～
只見一個少女衝進教師房～
「Ｌｅｏ！！」是小妍～她笑著看著我～
「係．．．係～做咩呀？？」我有點不知所措的～
「你跟我過黎～」小妍拉著我走出教師房～
給女孩子拉著的感覺很特別．．尤其是自己的女神～
那一刻我就好像一個甘心被拉著的奴隸一樣～
心內甜甜的～～

忙了一整天～原因不是因為上課的問題～
而是忙著幫小妍做的事～
原來她想我幫她用結他伴奏錄一首純音樂～
當然～她已準備了歌詞～我無任歡迎吧～
雖然不停的錄了很多篇～～但是．．有小妍在我身邊伴著～
我的心情愉快得很～
回到展樂～今晚到星家作客～
開心的是看到星媽終於出院了、終於回到家中～
雖然手術之後她還要休息一段時間～
但看見她的精神～我可以知道她的身體狀況進展十分好～
飯後～
「Ｌｅｏ～今年我地同快樂大廈的對抗賽係歌唱比賽～」星越說～
「我知～昨日我都有係樓下睇到告示～好似仲會有歌星同星探黎做評審～」我說～
「係呀係呀～～有我最喜歡的那個『雙生兒』組合呀！！」星穎說～
「嘩～『雙生兒』？？一定好熱鬧啦～」我說～
「好似話星期日有個『試叮大會』～係我地展樂的選拔賽～」星越說～
「『試叮大會』？？嘩～好似好大件事～」我說～
「Ｌｅｏ哥哥～你唔知啦～呢幾年我地同快樂大廈鬥得好緊要～所以係街坊中呢件事好重要的～而且今年仲有星探黎睇～隨時可以一朝成名！」星妍說～
「咁個比賽係幾時？？」我問～
「下星期二就係～所以星期日選拔好就會比賽啦～」星穎說～
「感覺好似要打仗咁～哈哈～」我笑著說～
此時～拍打鐵閘聲從星家門口響起～
「喂～Ｌｅｏ、星越～去唔去飲野呀？？」原來是阿占～
「ｏｋ～好呀～」我和星越答～
離開了展樂～目的地是慣常會到的那間酒廊～
當我們步入門口之後～一樣的設備、一樣的裝潢～可是總是有一種很不同的感覺．．
對了．．沒有了歌聲．．
「Ｌｅｏ、阿占、星越～你地想飲咩呀？？」招待我們的是ｃｈｅｒｒｙ～
「照舊啦～」阿占說～
「佢地２個要啦～俾杯熱檸蜜我好了～病剛剛好而已～」我說～
「係呢～點解今日唔見Ｋｏ妹？？佢冇番工嗎？？」我再問～
「唔係．．Ｋｏ妹佢話把聲仲未完全好番～唔敢上台唱～你睇下，佢而家就係個邊悶悶不樂咁～」ｃｈｅｒｒｙ說著～
從ｃｈｅｒｒｙ手指指著的方向～我看見一個愁眉不展的Ｋｏ妹～
於是我站起來～走到Ｋｏ妹身旁坐著～
「Ｋｏ妹～你個病好番ｄ未？？」我問～
「把聲好番好多．．不過．．好似仲係沙沙地咁～」Ｋｏ妹說著～聲音確實還有點沙啞～
「唔～～咁你唔上去試下唱歌？？」我說～
「我唔敢．．怕會俾別人取笑呢～」Ｋｏ妹說～
「哦～～」我說～
「唉．．．」Ｋｏ妹又再嘆著～
「係唔係仲有其他事情？？」我問～
「唔．．你都知道展樂就黎同快樂大廈比賽啦～今次係歌唱比賽～好多人都對我好有期望．．但係．．我而家把聲咁樣．．點樣去比賽呢～我好擔心會出醜．．」Ｋｏ妹說～
「仲有幾日～可能你會好番呢～」我說～
「雖然我唔駛參加『試叮大會』～但係就係因為咁．．我怕呢幾日我把聲好唔番．．到時比賽唔知點算好．．」Ｋｏ妹擔心著說～
「咁呢～你就應該快點番去展樂．．早點休息～咁你把聲先會易ｄ好番～同埋成日唔開心會好易積住ｄ痰係喉嚨到～到時仲麻煩啦～哈哈～」我說～
「唔！！好啦～我聽你講啦～」Ｋｏ妹笑了～
說畢她便站起來～開心的走開了～

（續）

>>October 4, 2005 at 12:18:42 PM GMT+8

2005 年 10 月 3 日 星期一 【晴】

＜愛在舊區瘋狂時－－－第二十七回＞
「～展樂的明星夢！（１）～」
不知道是否之前在天台上給雨淋濕了～
或是真的如某些人所講．．我好像撞鬼了．．
但有一樣事我是很清楚的．．
「我病左幾日啦．．．」我心內不停的歎息著～
差不多一星期沒有工作～
每天都呆在家裡養病，悶極了！！
今天再一次去看醫生～也好～總算是可以離開沉悶的屋企出外逛逛～
不過，雖說是悶透了～還有一班好友不時來探望我～
好像昨天阿占和星越聯同ｋｅｙｏｓｈｉ同ａｌｙｓｏｎ來我家中竹戰～
（有時我會懷疑是他們來找我打發時間還是真心的來探望我．．）
當然看著他們我也很高興呢．．
「唔～～你感冒仲未清呀～～食多幾日藥啦Ｌｅｏ仔～」醫生說～
這個醫生跟我認識了很多年了～
記得小時候每次生病時～祖母都會帶我到這個醫生看病～
由他當時三十多歲正值壯年之時～
到現在他已接近五十歲了～頭上也有一半變白了～
倒有一點是沒有變的～就是他嚴謹的樣子～
離開了醫生房～我坐在一旁等侯著領取藥物～
突然～聽到姑娘叫著一個名字～
倒是十分熟悉的～
「淇淇！！！到你啦～」只見一個媽媽拉著一個女孩進醫生房去～
「媽咪呀～～我唔睇醫生～我唔食藥呀！！」那女孩苦叫著～
那苦叫著的女孩正是淇淇～
想不到平日活潑可愛的淇淇原來也很害怕食藥的～
「快ｄ入去啦！！！」淇淇媽媽拉著她說～
「Ｌｅｏ快點救我呀！！」淇淇看著我叫著～
我呆呆的看著淇淇整個人給拉進醫生房內～
唉．．有點愛莫能助的感覺～
淇淇的媽媽神情有點兇呢．．我真的不敢伸出援手～
「咦．．Ｌｅｏ你都睇醫生呀？？」一把將近沙啞的聲音在我身旁說著～
我轉過頭望著身旁～
「呀？？你係Ｋｏ妹？？」我驚訝著說～
只見Ｋｏ妹帶著口罩、帽子～差點便認不出是她～
「嘻．．認不出是我嗎？」Ｋｏ妹拉開口罩笑著說～
「你把聲．．．你都好嚴重ｗｏｒ？？」我說～
「係啦．．唔小心冷親．．唉～呢幾日都番唔到工啦．．」Ｋｏ妹歎息著～
「慘啦～咁你要快ｄ好番～好好咁調理好身體啦～」我說～
「唔～其實．．仲有一件事．．」Ｋｏ妹說～
「哦？？咩事？？」我問～
「我一時間都唔知點講好．．」Ｋｏ妹說～
「Ｌｅｏ！！～」此時～姑娘叫著～
「我去拿藥先～」我說～
就在同一時間～醫生房間中的淇淇出來了～
淇淇和媽媽走了出來～
「唔舒服就要睇醫生啦～～邊個叫你病呀！！」淇淇媽媽說～
只見淇淇已經扁著嘴～
我看著她苦著臉～不禁笑了一下～
「Ｋｏ２到你啦！！」姑娘說著～
Ｋｏ妹望望我～輕輕的向我揮揮了手便走進醫生房去了～

回到展樂～
只見委員會門口的佈告版竟然出現了人潮～
很多街坊都圍著看著那告示～
「嘩～發生左咩事呢？？」我喃著～
「好似話同隔離大廈來個歌唱大比拼呀～」來者原來是ａｓａｋｉ～
「下？？歌唱比賽？？」我奇怪的說～
「我地一直都同對面大廈的人有牙齒印呢～呢幾年都有過幾次比賽啦～之前有足球比賽、羽毛球比賽等等．．足球個次我地未靠阿占贏左！！」ａｓａｋｉ說～
「咁其實都係一般比賽ｊｅｒ～點解大家好似好重視咁？？」我說～
「聽聞話今年會有歌星來表現～仲有星探黎睇～所以未吸引左一班發明星夢的人來參加～」ａｓａｋｉ笑著說～
「哈～又會咁都有～咦～你今日唔駛番學咩？？」我問～
「今日偷懶呢～一陣同同學去睇戲呀～」ａｓａｋｉ說～
「又係ｈａｎｋｓ呀？」我問～
「唔係呀～哈！你點呀～聽阿占講～你病左～」ａｓａｋｉ說～
「好左好多啦～剛剛睇完醫生番黎～」我說～
「哈～小心身體啦～我走啦～再見～」ａｓａｋｉ笑著說～
「歌唱比賽？？明星夢？？又會咁都有～」我心想著～
回到家中～
才剛剛想坐下休息～
電話便響起了～
「邊個呢．．」我心想著～
拿起電話～「喂！！」我說～
「喂．．Ｌｅｏ呀唔該～」一把溫柔的聲音～
「我係．．你．．係邊個呀？？」我猶豫著是誰致電給我呢～
「呀．．唔．．我係小妍呀～」那女的說著～
什麼？？竟然是小妍？？佢竟然致電到我家中？？
「係～～小妍？？點解你會打俾我？？」我緊張的說～
「我見到你請左一星期假啦．．唔～所以學校想我打俾你．．睇下你情況點～」小妍說～
（什麼？？睇下我情況點～這間學校到現在先記得有我．．可惡！）
「哦～唔～好番好多啦～下星期應該可以番工～」我說～
「呀～咁就好啦～」小妍說～
「多謝．．多謝你關心～」我說～（有小妍的關心．．噢～我身體突然精神了很多！）
「唔駛客氣～係呢～其實我想請你幫我一件事～」小妍說～
「呀？？咩．．咩事呢？？」我問～
「我聽同事講～你識彈結他．．仲彈得好叻～唔．．所以想搵你幫手彈音樂～」小妍說～
「唔～～即係點呢？？」我再問～
「不如下星期你搵我．．我再同你講～好嗎？？」小妍說～
「冇問題～」我笑著說～
「咁．．你休息多ｄ～下星期再見～ｂｙｅｂｙｅ～」說畢小妍掛斷了線～
我輕輕的吸了一口氣～
「呀！！好野呀！！小妍打俾我！！」我叫著～
這種感覺真的興奮得令人發了瘋似的～
整個人精神起來～
哈～看來我已經痊癒了！！

（續）

>>October 3, 2005 at 3:30:34 PM GMT+8

2005 年 9 月 30 日 星期五 【晴】

＜愛在舊區瘋狂時－－－第二十六回＞
「～展樂有鬼．．（５）真相！～」
「嗚．．嗚．．嗚．．」叫聲逐漸迫近～
接著是急速的腳步聲～
從樓上下一直向下來～
我們四人站了起來～緊張的看著這叫聲的來臨～
到了．．只見一個黑影從轉了出來～
我們四人看真一點．．
「笨狗？？？？？」我們一齊叫著～
「哦～你地咁夜仲係度傾計～」笨狗說～
「哎呀～真係俾你嚇死．．」ｃｒｉｍｓｏｎ叫著～
我、阿占和星越也嚇得汗流浹背～
「我地同你講左今晚我地係度搵鬼！仲叫你唔好隨便出黎～點解你仲會係度呀？？」阿占說～
「．．咦．．好似真係有呢件事．．唔好意思．．諗住落去食宵夜～嘻嘻～」笨狗傻笑著說～
「你落樓梯就落樓梯～你叫咩鬼呀！！」ｃｒｉｍｓｏｎ說～
「我諗住唱下歌呢～～我唱緊「呀呀～給我一杯忘情水．．」～」笨狗邊說邊唱著～
「狗哥～你唱到鬼叫咁～會嚇死人ｇａ！！！」阿占說～
「咩．．ｗｏｒ～」笨狗扁著嘴說～
「好啦～咁大雨你仲食咩宵夜～番去訓啦！！」星越說～
「咁又係～好啦～早抖了～」笨狗說著～轉身走回七樓去～
可笑的是他邊走著、一邊又再唱著「忘情水」～
真的氣死我們了～
「我地而家點呀？？」我問～
「怪聲可以勉強解釋啦～仲有兩件事～」星越說～
「不如番去五樓休休先啦～」阿占說～
「我十分讚成阿占的提議～」ｃｒｉｍｓｏｎ說～他還在索氣著～
我們四人慢慢從六樓走向五樓去～
「你地唔係ｍａ．．咁快要休息．．」對講機另一面的ｃｅｌｉａ說著～
「咦．．」我說～我奇怪著為什麼對講機可以通話了．．
明明剛才在天台上是接收不到的．．
「你地出黎跑幾層樓我睇下．．何況仲要上上落落！！」阿占說～
「不如你地人少少認身體弱啦～哈哈～」這是加瑩和芝士她們的笑聲．．
「你班小妹妹．．睇戲你地就開心～哈哈～」我說著～
「Ｌｅｏ！！」ｆａｉｎｅｔ突然叫著～
「我見到有個黑影係四樓竄向了後樓梯～」ｆａｉｎｅｔ再說～
「後樓梯？？」我們四人同時叫著～
因為我們正站在後樓梯旁～
同一時間從四樓的樓梯傳來了急速的腳步聲～
而且聲音是由下到上的．．
「唔係ｍａ．．撞到正．．」ｃｒｉｍｓｏｎ說～
剎那間～那黑影出現了～只見那黑影快速的上了樓梯～
然後一個前空翻停在我們四人中間～
我們呆呆的看著那團黑影慢慢的站了起來～
「搞錯呀！！！！！！！！！！」阿占大叫著～～
「激死人啦！！！」星越同時叫著～
原因站在我們四人中間的那團黑影的真正身份是－－－獨弧！！！
「四位年輕人係度做咩？？」獨弧問～
「我地．．我地搵緊野呀～～你做咩披住件黑色床單周圍走呀！！！」我說～
「近來展樂治安不好、而且有妖邪侵入～所以我獨弧大俠當然要四圍巡視一下！！」獨孤說～
「阿大俠～你夜晚晚披住件黑色的床單四圍竄～你知唔知會嚇死人ｇａ！！」阿占說～
「作為一個大俠～我的裝束當然係好重要啦～而且我要暗中監視妖邪～當然要用件黑色披風方便隱身呢！！」獨弧認真的說～
「好啦好啦～大俠～唔阻你巡視～再見～」ｃｒｉｍｓｏｎ沒好氣的說～
「好～告辭！！」說畢獨弧又再一縷煙的跑去了～
「搞咩～～一個笨狗又係咁～一個獨弧又係咁～」阿占無奈的說～
「唔見過都唔知展樂兩大鬼故竟然係一個笑話～」ｃｒｉｍｓｏｎ說～
「算啦～～唔好咁啦～」我笑著說～
「唔好意思．．．．唔該借一借．．」突然從我們身後傳來了一把女聲說～
我們轉頭一看～
只見一個長髮披面．．身材瘦削．．面色素白的女孩說著～
「鬼．．．鬼呀！！！！！！！！！」我和阿占叫著～
我們四人驚慌的向後退了幾步～
「其實．．其實我．．」那女的說著～
「救命！！救命呀！！」我們叫著～
此時～各層的朋友立刻不約而同的衝了出來～
當大家來到時看到這個女孩～都不禁叫了一下～
只是大家以多人來壯著膽～圍著那女孩～
「大家．．大家聽我講．．我．．我唔係鬼．．」那女的說～
大家都呆在當場～互相對望著．．

委員會房間內～
「哈哈哈～原來你係人．．真係嚇死了～」阿占笑著說～
「你細膽就細膽啦！！」星穎說著～
「其實唔好意思～因為我好喜歡一個人周圍盪～估唔到因為咁樣而搞出咁多事～」那女孩說～
「都係我個妹啦～只係見到你背影就已經嚇到大叫～」ｅｍｉｌｙ說～
「係呢～你叫咩名～點解好似唔覺你係度住～」星越問～
「我叫做．．雪野～其實我只係搬左黎一、兩個星期～而且我好少出街．．又好少同人講野～所以大家好似唔覺我存在呢～」雪野說～
「唔緊要啦～不過開頭見到你真係嚇左一跳～」ｃｒｉｍｓｏｎ笑著說～
「哈哈．．唔好意思呀～」雪野說～
「好啦～～終於叫做解決左展樂鬧鬼的事了～」主席說～
「車．．」大家都報以鄙視的態度～
離開了房間～
「呢個主席最叻就係領功～～」阿占說～
「算啦～都總算叫做完結左件事啦～」星越說～
「唔．．不過．．」我說著～
雖然笨狗、雪野、獨弧可以勉強解釋了整件事．．
但是．．我在天台上看到那張面孔．．卻好像解釋不到的．．
「做咩事呀Ｌｅｏ～」大家停下來問～
「下．．冇．．冇事啦～」我說～
對．．或許是我多想吧～

（續)

>>October 3, 2005 at 11:21:23 AM GMT+8

2005 年 9 月 29 日 星期四 【晴】

＜愛在舊區瘋狂時－－－第二十五回＞
「～展樂有鬼．．（４）探險～」
第二天～
不知道是否上天想增加今晚「搵鬼」的剌激度～
一整天竟然不見陽光～
黑漆漆的天空～而且還下著毛毛細雨．．
相信看慣恐怖片的人也會知道～
這是一般鬼故最恐怖時段的前夕．．
雖然主席運用「乾坤大挪移」的手法將這件鬧鬼事件卸到我們四個身上～
但是我們也不笨～我著阿占找來一大班街坊幫忙～
晚飯後～
星越、阿占、ｃｒｉｍｓｏｎ三人到了我家中集合～
「撞鬼！！又行雷又閃電又大雨！！拍鬼片咩！！」ｃｒｉｍｓｏｎ說～
「轟隆！！！」
「嘩～今晚我地會唔會有事呀？？今日個背景成套鬼片咁～仲要係最猛鬼個個場面呢！！」ｃｒｉｍｓｏｎ再說～
「放心啦～我地仲有其他人會幫我地呢～阿占攪成點呀？？」我說～
「冇問題啦～每層樓都會有幫手啦！」阿占說～
「我同街口影音店老闆借左好多對講機～我地一人帶住一個～其他幫手的都會幾個人有一個～有咩事佢地會即刻搵我地～放心啦！！」星越說～
「唉～～靈靈性性啦～耶穌佛祖保佑我地啦！」ｃｒｉｍｓｏｎ拿著頸上的玉觀音說～
「喂～老老實實～你地信唔信真係有鬼？？」我問～
「Ｌｅｏ～我都唔信的～但係．．昨晚的事真係解釋唔到～」星越說～
「冇錯啦．．不過點都好啦～今晚一定要查過水落石出～」阿占說～
「咁好啦～～我地試一試個對講機先～」星越說～
「喂～喂～有冇人聽到呀？？地下請報到！！」阿占說～
「ａｐｐｌｅ報到～」對講機的另一面原來是ａｐｐｌｅ！
「仲有我ａｓａｋｉ報到～」還有ａｓａｋｉ～
「二樓呢咁？？」星越說～
「二樓有我～我係阿ｐｈｙ呀！！」ｐｈｙ說～
「仲有我～我係ｋｉｓｕｔａ～我地兩姊妹係ＤＤ屋企到～ｙｅａｈ！！」ｋｉｓｕｔａ說～
「覺唔覺佢地好似好興奮咁？？」ｃｒｉｍｓｏｎ問～
我們三人苦笑了一下～
接著三樓的有加瑩、芝士、淇淇她們～
四樓有ｆａｉｎｅｔ同ａｌｙｓｏｎ～
五樓有星妍、星穎和阿ｊａｃｋ～
六樓有小難、阿兔和汶霜、心心～
七樓則有光丑叔和ｃｅｌｉａ～
晚上十時～我們正式開始這個名副其實的「撞鬼」行動～
我們兵分兩路～我和星越從五樓到天台上～
阿占和ｃｒｉｍｓｏｎ則在四樓到地下～
天繼續不停的打著雷、閃著電～
雨越下越大了～～
「轟隆！！」
「嘩！！咁大雷聲～想嚇死人咩！！」阿占說～
「阿哥呀！你咪咁無用啦！」小難和阿兔在對講機說著～
「阿占～你咁鬼細膽呀！！」ａｌｙｓｏｎ也說～
「換你地出黎好唔好？？條走廊黑過芝麻糊～個天係咁閃下閃下咁～唔驚就假啦～」阿占說～
「喂～咪玩啦大家～」我說著～
我和星越一步一步的走到七樓去～
整幢展樂靜得很～我們二人站在走廊上看著四周～
黑漆漆的～某些地方根本看不清有什麼的～
突然從對講機傳來了ｃｒｉｍｓｏｎ和阿占的叫聲～～
「嘩！！！」
「阿占～～ｃｒｉｍｓｏｎ～你地做咩事呀？？」我問～
「我地係二樓呀～有個黑影係前樓梯上緊去～～」阿占說～
「我地即刻包抄～」我說～
然後我和星越便往前樓梯跑去～
「各層所有人注意～～留意個黑影有冇係走廊行過！！」星越對著對講機說～
「有呀！！」對講機傳來了叫聲～
「我係ｆａｉｎｅｔ呀～個黑影係四樓去緊後樓梯～」ｆａｉｎｅｔ說～
「收到」說畢我和星越便立即在六樓的後樓梯奔向前樓梯方向～
當我和星越走到前樓梯之時～只見黑影剛巧正要竄向七樓去～
「咪走～」星越飛身撲向那黑影～
可是撲空了～星越跌在地上～
我趕緊追上樓梯去～
「星越～阿占～ｃｒｉｍｓｏｎ～你地係後樓梯包抄上天台呀！！！」我叫著～
那黑影真的很快～我拼命的追到天台去～只見天台的門剛剛關上的～
看來黑影一定是走進天台去～
我小心的打開了天台門～雨下得很大～天台很黑～只有微弱的燈光照著～
突然我眼尾看到有黑影從右邊竄進水缸後～我立刻冒著雨衝向前～
可是～沒有人、沒有影～
正當我猶豫著之際～忽然我聽到後樓梯的閘門關上的聲音～
「弊！！」我立即從水缸後走出來～跑到後樓梯的閘門前～
「點解拉唔開？」我奇怪著～閘門好像給鎖著的～
「喂～阿占、星越你地聽唔聽到～」我對著對講機說～
可是只聽到「沙沙」的聲音～看來對講機給雨水弄壞了～
突然．．一種麻麻的感覺在我背後出現～
我轉身一看～只見一個似人的黑影站在暗處～
我定睛看著這個黑影～「你係邊個？？？」我叫著～
從微弱的電光下～只見那黑影是背著我的～
我一步一步的走向前～突然～那黑影轉身了～
就在那一剎～電光閃著～我清楚看到一個就像吸血鬼的面孔的東西看著我～
「嘩！！！！！！！」我不禁大聲的叫著～
然後向後一跌在地上～
當我再掙起來看那吸血鬼的位置～
「唔見左？？」我說著～剛才那黑影不見了～～
我正在奇怪的時候～身後後樓梯的閘門打開了～
打開的正是星越～
「Ｌｅｏ～你冇事嗎？？？」星越看著我這麼狼狽的情況～
也不禁驚訝著～
「冇．．冇事～有冇見到個黑影呀？？」我問～
「唔見呀～所以我地驚你有事～就上黎搵你～」星越說～
「呀．．．我地落番去先講～」我說～
回到六樓～只見阿占和ｃｒｉｍｓｏｎ坐在樓梯上喘著氣～
「嘩～你地唔駛喘氣得厲害嗎．．」我說著～
「幾．．幾層樓呀～跑死人呀！！」阿占喘著氣說～
「喂～Ｌｅｏ你好似都好．．好似有事呀～成身濕哂？？」ｃｒｉｍｓｏｎ問～
「我跌左係天台到呀～不過我好似見到個黑影．．個樣好似係．．」我說～
就在此時～我們四人不約而同的聽到樓上七樓傳來了一些叫聲．．
「嗚．．．嗚．．．呀．．．嗚．．．嗚．．呀．．．」
這些叫聲慢慢的從樓上向著樓下來～而且是越來越近的～
我們四人站起來～定睛看著這個叫聲的來臨．．

（續）

>>September 29, 2005 at 4:53:16 PM GMT+8

2005 年 9 月 28 日 星期三 【晴】

＜愛在舊區瘋狂時－－－第二十四回＞
「～展樂有鬼．．（３）找尋！～」
大伙兒從天台順著樓梯跑下去～
只聽到叫聲依然不停的～
一直跑到四樓～只見一個女孩跌坐在地上～
面容十分驚慌～
「小姐你冇事嗎？？」我蹲在地上問～
「呀～～」那女孩叫著～
「咦～係ｅｗａ呀！！」淇淇叫著～
「點解佢好似聽唔到我講野咁ｇｅｉ？？」我問～
「ｅｗａ佢耳仔有問題ｇａ～所以佢聽唔到你講野ｇａ！」加瑩說～
「咁點算呀？？」阿兔說～
「快ｄ搵人叫佢家姐ｅｍｉｌｙ出黎啦～」芝士說～
「呀！！！！」
突然～身後的人又叫了起來～而且手指向走廊的盡頭去～
我隨著大家手所指向的方向望去～
不禁整個人呆了一呆．．
只見一個黑影似的東西慢慢飄進後樓梯去～
「你地睇住佢唔好走開～阿占、星越、ｃｒｉｍｓｏｎ我地去睇下！」我說～
說畢我們４人便向著後樓梯方向跑去～
走到後樓梯只見黑影好像一分為二似的～一個向了上去～一個向了下去～
「Ｌｅｏ～分頭追啦！！」阿占說～
然後我跟星越往上追去～阿占、ｃｒｉｍｓｏｎ向下去～
跑到五樓～只見那黑影好像消失了似的～
我和星越四處看著～四周一片漆黑．．沒有任何動靜．．
突然．．．「嘭」的一聲～是一下木門關上的聲音～
可是我和星越都察覺不到是那一戶的木門關上了．．．
我們二人呆著互望著～一時間都不知如何是好～
「Ｌｅｏ、星越！」此時阿占從樓上走了下來～
「咦～點解你地會又上面下來？？」我問～
「係啦～你兩個明明向下走的．．」星越說～
「我地一追落去～跟住佢又由第二條樓梯上番樓上～追到七樓就唔見左～所以未落番黎搵你地～」ｃｒｉｍｓｏｎ說～～
「咁．．而家點呀？？」阿占說～
「我地落番去睇ｅｗａ先～」我說～

委員會房內～
由於我們覺得事態嚴重～所以我們將ｅｗａ帶到委員會去～
然後找了主席他們和ｅｍｉｌｙ下來～
討論一下這件事情～
「唔係掛．．．」主席說～
「真ｇａ～展樂真係有鬼呀！！」大家說～
「有冇人見到係咩先個黑影～」主席問～
「我阿妹講佢番屋企時見到一個長髮披面的女仔慢慢咁飄過～仲對住佢笑左一笑呀！」ｅｍｉｌｙ將ｅｗａ的手語翻譯了後說～
「會唔會佢眼花先？？」主席再問～
「我阿妹唔會講大話ｇａ！！！」ｅｍｉｌｙ說～
「好．．好．．好．．咁仲有冇其他人見到？？」主席問～
「求先Ｌｅｏ、阿占、星越、ｃｒｉｍｓｏｎ佢地４個追過去睇ｇａ！」大家說～
「咁你地見到ｄ咩？？」主席問～
「求先我地４個追去後樓梯～跟住見到一個影向上去、一個影向下去～我地分開左去追～我向下追到去３樓～點知個黑影又好快咁係另一邊樓梯竄左上７樓～跟住就唔見左啦～」阿占說～
「跑得咁慢ｇａ阿占你！！」小難說～
「你地追下～好快ｇａ真係～我同ｃｒｉｍｓｏｎ追到索哂氣！」阿占說～
「咁你地見唔見到個黑影係點？？」主席問～
「未一個黑影ｌｏｒ～」ｃｒｉｍｓｏｎ說～
「下．．．．」大家說著～
「咁Ｌｅｏ你呢？？」主席問～
「我同星越追住另一個影到左５樓～跟住就唔見左～我地都睇唔到係咩～但係無幾耐突然聽到有一下關上大門的聲音～但係我地就唔知係邊間．．」我說～
「咁．．樣．．」主席喃著～
「不如大家再睇定ｄ先啦～」主席說～
「點可以呀主席～你睇下我妹妹ｅｗａ嚇得咁慘～你點可以唔理呀！」ｅｍｉｌｙ激動的說～
「咁大家有咩意見呢？？」主席問～
「不如請個大師番黎打堂齋啦！！」有人說～
「叫個牧師番黎驅魔啦！」有人說～
「咪住先咪住先！！」阿ｊａｃｋ突然叫著～
「做咩事？？」大家問～
「會唔會有人整蠱我地呢？？」阿ｊａｃｋ說～
「下？？？咩人會整我地呀．．」大家又再議論著～
「應該係ｘｘ集團ｇｅｉ人嚇我地啦！！」有人叫著～
「我覺得未必啦～佢地唔駛用呢ｄ手段趕我地呢～」我說～
「咁即係點呀？？」大家說著～
「不如咁啦～大家組織起黎查下呢件事啦！！」主席說～
「查？？鬼黎ｗｏｒ～唔係嗎！！」有人說～
「我讚成主席的說話～」星越說～
「冇錯～件事未必咁簡單～我地不如查下件事係點呢～」阿占說～
「但係真係見到隻鬼咁點呀！！」有人問～
「有冇聽過鬼怕人七分呀！！唔駛驚！！」ｃｒｉｍｓｏｎ說～
「咁就咁決定啦～呢件事就由你地４個男仔負責啦！！」主席說～
「好．．．．」我、星越４人說～
「嘩．．咁就將件事推左俾我地．．主席真係好野．．」阿占在我耳邊輕聲說～

（續）

>>September 28, 2005 at 3:05:42 PM GMT+8

2005 年 9 月 27 日 星期二 【陰】

＜愛在舊區瘋狂時－－－第二十三回＞
「～展樂有鬼．．（２）講鬼～」
晚上～～
「好舒服呀！！」我躺在椅子上看著電視～
這幾天工作真的很忙～
難得有時間可以這樣休息～
實在是一大樂事～
「啪啪啪！！」突然傳來了一陣拍打鐵閘的聲音～
完完全全的打擾左我的享受～
「邊個呀？？？」我叫著～
打開木門～原來是阿占～
「喂～Ｌｅｏ～一齊上天台呀！」阿占說～
「上去做咩呀？？」我問～
「上去傾計啦～好多人都上左去呀～」阿占說～
「下．．．」我猶豫著．．
確實我還回味著剛才的享受．．
「去啦！！快ｄ啦！！」阿占催促著～
「好啦！！等陣啦～」我無奈的答～

到達了天台～
「嘩！」我不禁地說～
竟然有這麼多人在這裡～
「咁多人開會咩？？」我說～
「唔係ｇａ～其實我地唔係約出黎ｇａ～只係好多時幾班人同時上到黎～咁未一齊傾計～其實多ｄ人未仲開心～」阿占說～
「哈～」我微笑著～
今次係天台上真的有很多人～
認識的當然很多～星家三兄妹、阿占三兄妹、加瑩、芝士佢地六個人、ｋｅｙｏｓｈｉ姊妹、ａｌｙｓｏｎ、ｃｅｌｉａ、阿ｊａｃｋ等等～
當中還有些不太認識的．．．
「咦～呢個哥哥仔成日見但係唔知佢係邊個ｗｏｒ！」一個男的指著我說～
「ｃｒｉｍｓｏｎ～佢叫Ｌｅｏ～係我以前的死黨黎ｇａ～佢之前搬走左十幾年～近一個月先番番黎展樂呢～」星越說～
「哦～～原來你先係老街坊～哈哈～係呀～我叫ｃｒｉｍｓｏｎ～我住二樓的！」ｃｒｉｍｓｏｎ笑著說～
我微笑著向他點頭～
「仲有我呀！！！你仲未識我地幾個呀！！」一個女仔揮著手說～
身邊還有一男二女～
「我叫妹豬呀！你好呀～」妹豬伸手向著我說～
「你～你好～呀～我認得你地啦～妹豬你我之前係珍陶館見過你的～而你兩個係我番黎個日係樓梯見過了～」我指著他們說～
「呵～哥哥你真係叻啦～我叫笨蛋呀！！佢係我哥哥笨狗！嘻嘻～」那個肥肥的女孩笑著說～
「哈嚕～你好呀Ｌｅｏ哥哥！！」笨狗傻傻的說～
「哈哈．．．」我笑著～心想展樂真係多這麼得意的街坊～
「仲有呢個呢！！你地全部人都應該唔多識啦！！」妹豬指著身旁的女孩說～
「係ｗｏｒ～好靚女呀呢個姐姐～妹豬佢係邊個黎呀？？」星穎說～
「我叫ｐｈｙ呀～我係新加坡人來的～我黎香港係實習而已～我住呢度係因為我係網上認識了妹豬～而佢介紹我入黎住的～請大家多多指教～」ｐｈｙ說～
「好呀好呀！我地展樂又多一個靚女啦～」加瑩們笑著說～
「我地展樂真係個個都咁靚女呢～」星妍說～
「我想嘔呀．．」阿占說～
「咩呀！哼！！」女孩子們齊聲說～
「喂～好啦～今日我地咁多人～傾咩好呀？？」ｆａｎｎｙ說～
「呢排有咩熱話呀？？」小難說～
「不如傾下感情事啦～我呢排好煩呀．．」淇淇說～
「免啦．．悶死人咩想～」星越說～
「咁傾咩好呀？？」阿兔說～
「呀！！就講今朝聽到個件事啦！！」ｋｅｙｏｓｈｉ說～
「下？？咩呀？？」大家問～
「家姐想講係．．鬼．．故．．呀．．」ｎｏｒｍｉ說～
「呀．．．」一些女孩子說～
「好ｗｏｒ～夜晚講鬼故好玩呀～」ｃｅｌｉａ說～
「好哦好哦～一定好刺激嚕！」笨狗兄妹說～
「嘩～咁冇人異議嗎？？」ｃｒｉｍｓｏｎ說～
大家你眼望我眼的～「冇．．．冇～」
「嘩～鬼故我強項呀！！等我講啦～哈哈～」ｃｒｉｍｓｏｎ笑著說～
這時星越靜靜的在我耳邊說～「ｃｒｉｍｓｏｎ佢好鍾意講鬼故的．．．」
我面上露出了一副「下」的面容～
「大家知唔知呢排展樂有３大鬼故係咩？？」ｃｒｉｍｓｏｎ說～
「我知～今朝ｋｅｙｏｓｈｉ講左話什麼有黑影、有女鬼、有怪叫嗎～」阿兔說～
「咁你知唔知實際情況係點？？」ｃｒｉｍｓｏｎ神神秘秘的說～
「咩呀．．講啦！！」妹豬說著～雙手正慢慢的緊握著身邊的ｐｈｙ的手臂～
「黑影－－傳聞話每晚係１２點到啦～有街坊見到展樂內有一個黑影不停的竄來竄去～有不少街坊已經給嚇過了～某ｄ街坊仲話見到個黑影好似吸血彊屍咁ｇａ．．」ｃｒｉｍｓｏｎ說著～雙手扮作像吸血鬼的動作～嚇得一些女孩子已經連連叫著～
「女鬼－－大家都知道我地大廈夜晚會識大半的走廊燈啦～傳聞話每晚入黑時份～有人見過一個長髮披面的女鬼在飄來飄去的～通常會在樓梯那一邊出現．．．」ｃｒｉｍｓｏｎ陰陰笑的說著～
「怪叫－－傳聞話每當夜晚時份～某ｄ街坊會聽到慘叫聲．．嘆氣聲．．仲有．．喊聲～就好似咁．．嗚嗚嗚．．」ｃｒｉｍｓｏｎ說～
「呀！！唔好講啦唔好講啦！！！」某些女孩子們叫著～
「嘩～ｃｒｉｍｓｏｎ你講鬼故咁入神～你唔做戲真係浪費～」我笑著說～
「哈哈～睇得、聽得鬼故多～所以學到下啦～哈哈！！」ｃｒｉｍｓｏｎ說～
「嗚．．．．．嗚．．．呀！！！！！！！！！！」
突然！樓下傳來一陣怪叫和慘叫聲～
嚇得大家都呆著～
一陣毛骨悚然的感覺．．
「做．．做咩事？？」有人問～
「可能有人有事～～大家快ｄ落去睇下！！」我說～

（續)

>>September 27, 2005 at 12:51:23 PM GMT+8

2005 年 9 月 26 日 星期一 【雨】

＜愛在舊區瘋狂時－－－第二十二回＞
「～展樂有鬼．．（１）傳聞～」
籌款事件完畢後～
一切都好像回復了平靜似的～
可是我的心內依然奇怪著那「天賜」的五萬元是那裡來呢？？
究竟是誰所為呢？？
一個個的問號～巧合的是今早看報紙的時候～
新聞卻報導了一富戶人家在前晚給洗劫了～
損失的數目卻整整的是五萬元．．．
「唔係咁橋嗎．．難道是羅賓漢？？」我心想著～
一切都已經不能深究～
還好～這筆錢真的合時～星媽的手術在幾天後便進行了～
可幸的是手術十分成功～而且沒有排斥的現象～
星家上上下下又再一次回復了開心～
就這樣時間又過了一個星期～
大家的生活和平常一樣的～
回想起自己回來了展樂已經一個多月了～
不但能夠重遇很多舊相識、舊朋友～
還有認識了很多新的房客～
雖然經歷了兩次的風波～
但總算是開心啦～

最近展樂附近開設了一間新的餐廳～
昨晚阿占和星越提議到這新的茶餐廳一試～
所以今早比平常早了點起床～
在大堂上等到了星越、星妍、阿占、阿兔之後～
大家便來到了這間新的餐廳去～
「嘩～都算幾多人ｗｏｒ！！」我說著～
確實～這間新的餐廳比我們預期中還要多人～
或者這就是舊區的特色～很多街坊都喜歡到餐廳吃早餐吧～
走進餐廳內～只見一些熟悉的面孔已經坐在餐廳內了～
「喂！！阿占、Ｌｅｏ～一齊坐呀！！」是ｋｉｓｕｔａ～
同桌的還有她妹妹ｎｏｒｍｉ、ｃｅｌｉａ、汶霜、心心和一個很熟悉的面孔～
「嘩～你地又咁早？？」我問～
「新餐廳呢！！最適合我地上班一族啦！！」ｋｉｓｕｔａ笑著說～
「咦．．你係唔係Ｌｅｏ呀？？」那個很熟悉的女孩向著我問～
「我．．係呀！你係邊個？？」我奇怪著～
「Ｌｅｏ哥你唔認得佢嗎？？佢係ＤＤ呀！！」阿兔笑著說～
「ＤＤ？？哦！！住二樓個個ＤＤ嗎？？嘩～十幾年冇見～唔同哂～」我恍然大悟似的～
「哈哈～Ｌｅｏ哥哥都唔同左啦！！成熟左好多！」ＤＤ笑著說～
「請問幾位要咩食呢？？」招呼我們的是一個約３０歲的婦人～
「Ａ餐！」「兩個Ａ！」「我要Ｂ！」「都係Ｂ！」「我要Ｃ！」
「即係兩個Ａ餐、兩個Ｂ餐、一個Ｃ餐！！唔～好快會黎！！」那婦人笑著說～
「呀！！呢間餐廳會唔會係街坊開呢？？」星越問～
「我問過啦～未就係求先個個婦人開呢！！佢又係住展樂的！！好似同老公離左婚～而家帶住個仔黎住係展樂的！！」ｋｉｓｕｔａ說～
「咁住幾樓你知唔知呀？？」阿兔笑著說～
「知！地下１０５室！」ｋｉｓｕｔａ答～
「嘩～你咁清楚？你求先行開左一陣就問到咁多野？？」ｃｅｌｉａ驚訝的問～
「哈～唔知呢～可能職業病掛！我係記者～所以慣左四圍問人野～」ｋｉｓｕｔａ說～
「你八卦就八卦啦家姐！」ｎｏｒｍｉ不屑的說～
「哈哈！！」大家都笑了起來～
「咦～心心你又會係度？？」我問～
「係呀～表姐話覺得都係展樂住得舒服～所以未番番黎住！」汶霜說～
「剩係上次見到你地咁齊心我就知我應該番黎展樂會開心好多！」心心笑著說～
這時～老闆娘捧著我們的早餐來了～
「唔該哂！！」我地一起說著～
然後各自接過大家的早餐～
「嘩！！好食！！」阿占吃了幾口～便已經急不及待的說著～
「哈～多謝你的讚賞！」那婦人笑著說～
「係呢！聽人講你係住係展樂呢～」ｃｅｌｉａ問～
「係呀～」婦人答～
「我地都係呀～全部都係住展樂的～」星妍說～
「我知道～上星期你地的籌款我都有留意～係呀我仲未自我介紹～我叫ｃａｒｍｅｌ呀～希望大家以後多ｄ光臨～」ｃａｒｍｅｌ說～
「黎～一定黎～好食好食！」阿占邊吃邊說～
大家看到阿占都不禁笑了起來～
突然～鄰檯的一個女孩叫著～
「什麼？？有鬼？？？唔係嗎？？」
大家都呆呆的看著那女孩～
只見那女孩尷尬的坐下來然後又跟朋友談著～
「呀．．發生咩事呢？？」我奇怪的問～
「下？？Ｌｅｏ哥你唔知咩事？」ｋｉｓｕｔａ問～
「下？？唔知ｗｏｒ～」我答～
「呢排展樂傳聞鬧鬼呀．．」ｎｏｒｍｉ說～
「唔係嗎．．」星越和星妍齊聲說～
「難怪你地唔知～你地呢排咁忙～我都係聽人講～佢地話好多街坊係夜晚成日見到個長髮的女仔周圍飄咁～有人又話見到有黑影係展樂飛黎飛去～有人仲話夜晚聽到有怪叫呀！！」ｋｉｓｕｔａ說～
「唔係掛．．．」大家都齊聲說著～
一陣不寒而慄的感覺．．
「哈哈！！不過都係聽人講～～都未知係唔係有～哈哈～」ｋｉｓｕｔａ笑著說～
「車！！！！」換來的是大家的噓聲～

（續）

>>September 26, 2005 at 11:43:53 AM GMT+8

2005 年 9 月 23 日 星期五 【晴】

＜愛在舊區瘋狂時－－－第二十一回＞
「～救「星」行動（６）！～」
「結果係．．」我看著結果猶豫著～
大家都靜候著我的答案～
包括電話旁的星越～
我深深的吸了一口氣說～
「我地結果係．．有二萬七千四百元．．距離目標仲有五、六千元．．」我無奈的說～
「下．．．」大家都呆了當場～
「Ｌｅｏ．．咁即係失敗左～～」星越在電話說～
「係．．．」我答～
「咁我簽約了～再見～」星越說～
掛線了～所有人呆呆的看著我～
每人的眼神都充滿著失落的～
「嗚．．」此時～星妍哭起來走開了～
而星穎也跟著哭了起來～
「阿兔～睇住星妍～」阿占叫著～
而星穎則由其他人安慰著～
八時了～
眾人都坐在大堂上差不多一小時～可是一直卻沒有人說話～
大家的心情都十分失落～幾天的努力．．想不到竟然是失敗了～
星妍和星穎則飲泣著～此事的失敗直接的影響了她們在展樂的歲月～
身旁的其他女孩子都顯得十分難過～
我和阿占的心也很難受．．一直信心十足的～可是．．竟然是失敗而回～
這口氣．．很難嚥下呢．．
此時～一個人走進大堂內～
是ｆａｉｎｅｔ～
「喂喂～～掂左～～有人肯捐一萬元出黎幫我地啦．．」ｆａｉｎｅｔ高興的說著～
可是當他看到大家回應的只是失望和淡淡然的眼光～
他也心知不妙了～
「咩事？？發生左咩事？」ｆａｉｎｅｔ說～
「我地係一個鐘前所籌到的錢．．爭少少．．唔夠數～所以星越佢已經同ｘｘ集團簽左約．．我地失敗左～而你．．也慢了～」我說～
「．．．」ｆａｉｎｅｔ呆著～一時間他的喜悅也變成了失望～
看著大家都一片愁雲慘霧似的～我和阿占互換了一個眼色～然後站起來～
「大家都肚餓啦～不如一齊去食晚飯吧～順手當慰勞一下大家好嗎？？」我說～
可是回應的人卻不多～
「大家唔好咁啦！！我地唔係白費ｇａ其實～我地籌到ｄ錢可以用黎俾星媽休養的～最少都可以幫到星媽啦係嗎？」阿占說～
「唔．．．」有些人終於有反應了～
「來吧～大家醒神一點好嗎！！」我說～
所有人終於都站了起來～
有時失望的結果是十分難嚥～
但我們卻應該向著前路走、面對著將來！
正當大家要離開大堂之際～
星越回來了．．
我迎面的看著他～只見星越的神色也有點落漠～
相信．．他在這件事情上也有失望的～
我相信星越不是想離開．．
「番黎啦？？」我說～
「係呀．．係ｘｘ集團番黎～」星越說～
「呢度ｄ錢係大家的心意～而家請你收左佢～本來唔夠五萬的～而家．．夠啦～ｆａｉｎｅｔ佢係剛剛拿了一張一萬元的支票來．．可是．．遲了～不過就算你係要離開．．大家都想你收左呢筆錢～用黎照顧星媽～」我說～
星越看著大家捧著一個個的小木箱～
他沒有回答我～只是垂著頭～
「Ｌｅｏ．．阿占．．大家～對唔住！！」星越突然說著～
雙眼流出眼淚～
這舉動令大家都呆站著～
「星越～做咩事？？」我和阿占一起問～
「就係因為我．．令到大家辛苦了．．因為我一時唔開心～令到大家受左我氣～我應承過Ｌｅｏ～我要同大家道歉～」星越流著淚說～
「星．．越～～」大家一時間都不知如何是好～
星越這反應令大家真的摸不著頭腦來～
「其實．．我冇簽到約．．」星越說～
「下？？？？」這個答案更令大家驚訝～
「本來我收線後係想簽約的～但係當我在袋中拿筆時～我的銀包翻開了～我見到銀包中．．我、Ｌｅｏ、阿占的合照．．我就知道我捨不得展樂～唔捨得大家～於是我即刻走左～番到黎～見到大家都因為呢件事而唔開心～我個心好痛．．我明白到我傷害左大家～傷害左我屋企人～所以我要同大家講對唔住～」星越哭著說～
真相大白～
慢慢有些人開始露出了笑容～
「好啦～星越～唔好喊啦～你男仔黎呀～唔好成日喊先得嗎～而家一天都光哂啦！」阿占說～
「冇錯啦～以後我地大家可以一齊再玩～～而且我地呢次行動係成功！！好野！！」我說～
「阿占、Ｌｅｏ～多謝你～好兄弟！！」星越說～
我和阿占回報了一個笑容～三人笑著～
「ｙｅａｈ！！」大家都高興的歡呼著～
此時～只見星爸急急的走到大堂上～
「做咩事呀爸？」星妍問～
「求先我係屋企～突然間有人係大門入信位到掉左ｄ野入黎～咁我即刻開門睇下邊個啦～但係只係見到有個人影好快咁轉左彎～咁我關埋門～拿起個張紙黎睇～點知原來入面有張支票～成５萬元的！！」星爸說～
「下？？？」大家又再一次驚訝著～
星越接過那一張支票看著～
「真的是五萬元～」阿占說～
「抬頭人仲要係寫我個名．．」星越說～
「仲有一張紙寫左ｄ野～」我說～
我翻開那張摺疊左的紙～
「天賜星家五萬元？？？？」我們三人一起讀著～
「下？？？天賜？？」「係邊個黎ｇａ？？」
大家都議論著～
一時間我們三人都摸不著頭腦～～
正當大家不惑之際～
「咕．．．．嚕．．」一起怪響從星越的肚中響起來～
大家都笑著看著他～
「我．．其實仲未食野～～」星越尷尬的說～
「我地都未啦！！哈哈～」大家笑著說～
「好！！咁我地一於去慶功！！」阿占大叫著～
「ｙｅａｈ！！」

（續）

>>September 23, 2005 at 11:45:47 AM GMT+8