2005 年 8 月 1 日 星期一 【晴】

主題：悲喜交集的工作時間

今日返工，搭46X轉48X搭96M去深井，都幾模式，返到工，搬牌落樓下，曾生叫過新都我順手買早餐，我就行咗去麗都喎，後來諗諗下先覺，上返68A睇報紙睇書，睇到食晏，落嘉韻拎飯，之後睇書，睇到四點幾，落碧堤坊搬嘢，搬完就上返樓，然後收到個唔係太好的消息，算吧啦，之後又收到好好消息喎，之後繼續睇書，睇到差不多收工，跟住吹下水，講下緊張大師，收工，落樓下，曾生講了個笑話，「拎咗個女件衫著」，搭96M出荃灣，買陰陽路VCD就搭49X轉46X回家，下次都係搭48X好一點，因為2032有班48X上城隧，差不多12分鐘上到去，即2044到，但我坐部49X上到去都是2044，已經連影都唔見，下班JC6884就見到，因為係眾安街等車時都見到，即係咁講49X有時都唔係好快。


　

　　

　　

　

　

>>August 2, 2005 at 5:08:11 PM GMT+8

2005 年 7 月 31 日 星期日 【晴】

主題：1車2車～～好混亂

今日1號，又要轉字軌，一落街見到GL390，隆哥就見唔到，亞開就見住佢駕駛GL390回來，計下條數，即係今日2車，1540開，係呀，後車又係HZ6722，32車，正確無錯，只不過字軌沒有變，搭88M出去，轉MTR過到灣仔，交低嘢俾姨丈，上電腦城買CD-R，再過旺角，買褲攞鏡，食埋嘢，就回校上堂，夜晚食米線，嘩，叫四份一小辣同小辣無分別，有點唔慣，今日又多人喎，飲埋涼茶搭32車回家，正正是HZ6722，睇對頭86B喎，30車-HZ7273，部32車飛到美林邨個站，見到1車喎，唔明點解係GL390喎，去到隆亨見31車-GH5874，到顯徑，我再近睇部2車，係FZ7161，亞開個拍檔亞標駕駛，下午開GL390，夜晚轉返自己部FZ7161部掛牌，唔係也嘛，食飯時候換車，今日總言之"R"爆頭。


　

　　

　　

　

　

>>August 2, 2005 at 4:20:33 PM GMT+8

2005 年 7 月 30 日 星期六 【晴】

主題：賣出69A

依星期都無乜特別，我更想快一點追返ｄ日子


今日返工，好似想下大雨，穿靴用大遮啦，落到樓搭HG7139返，心諗無運行，46X正字軌其少，一向都唔夠用，又多人，車又無力又慢，還要係美林個彎位剷上去，就係咁，滿晒客，還要俾一部靠衝力爬頭的48X#AV爬到影都無，搭73X轉小巴，一返到去，就開了8座71E，任人去睇，上午都無乜嘢做，中午買飯開始，就開始多人，不停咁上落6座69A同天台，又睇下書，又影下相，咦！！！有人想買69A喎，個頭見傾緊，個頭就買，好呀，終於買出去了，全日就係咁，不過今日售樓部有天台匙，不免我上上落落，放工1950就放，搭234B轉48X，又係轉車站等有排都無車的46X回家。


唔明點解，今日好好笑，有瓦遮頭就下大雨，無瓦遮頭時，一係細雨到唔駛開遮，一係無雨。


　

　　

　　

　

　

>>July 31, 2005 at 4:31:46 PM GMT+8

2005 年 7 月 23 日 星期六 【晴】

主題：T章第二日

今日又晨咁早就起身，搭803K轉馬鐵到沙田圍，食過早餐，就過T章場地，好熱，我怕熱，咪搵份NOTES涼下，點知就被某長官話我離譜，無嘢好講，無心情兼無心機，全日都係咁。夜晚落火車頭，飲了兩杯幾酒，有點醉意，係鹿苑食埋嘢，就回家，一回到家就流鼻血，咁燥呀，的確被人激激。


　

　　

　　

　

　

>>July 31, 2005 at 3:20:17 PM GMT+8

2005 年 7 月 21 日 星期四 【晴】

主題：地鐵演習

今日全日都無乜嘢做，全日都在家多，夜晚，當然今晚又去上堂啦，搭1752開的3車出去，去到深水埗就落鴨寮街買嘢，再諗住過西九龍問嘢，見人多無問到，成七點左右先回校上堂，上完堂，就去食米線，因為今日夜晚玩地鐵演習，所以叫個套餐，食完再加兩隻雞翼，名副其實的大胃王，飲完涼茶，就搵公園鋤D，因為我捉亞軒同亨利陪我，吹下水又鋤下D，去到十一點九左右，都唔阻佢兩個，送完佢哋上車就匯合一班弟兄姐妹，好好笑兼好好玩，係長沙灣地鐵站吹水，拍照，說笑，之後登記，我說笑，未試過搭地鐵要輪街症之餘，還有一個乘客證加編號，之後落了抽地鐵到，等了好耐抽車先開，開到隧道內，模擬隧道發生火警，由車尾駕駛室緊急通道離開，行係隧道內，超正，好大風咁，出到月台，上返大堂，拎嘢就走得，本來搭車落旺角，亞姪女話佢亞爸會車我，咁順便陪佢，話晒一個女仔等佢亞爸喎，出到旺角轉綠VAN回家。


好唔滿意，搵人又唔係我搵，搵到一些你唔鍾意的人，你講到係我搵佢去咁款，唔關我事喎，我無嘢好講兼超唔滿意，又無人去喎，又要籌人去，但你卻好非常明顯地係到怪緊我囉！！！無隱～～～

　　

　　

　

　

>>July 30, 2005 at 3:54:11 PM GMT+8

2005 年 7 月 17 日 星期日 【晴】

主題：展能

三日展能沒有特別
16/7/2005-今日沒有特別，朝早出沙市搵亞高，搭88K是相當正常，落到去，見到部部車擺晒係到，因為放飯，又收了35車，等了好耐無，都係搭803K轉ER，買完嘢，拎完嘢，就回家執完嘢出門口，搭88M出去食飯，之後集合，然後入營地（愛丁堡公爵訓練營），我個組班學生好行，組名-巴士組，口號-全力以付，做到最好，係加個YEAH係後面，行到爆，做嘢又係，煮飯，聞都聞到的超鹹的雞翼，又有個混蛋，因為魚蛋加雞蛋，ｄ菜勁有口感，因為有沙，佢哋話無洗。小結，沖涼，吹水說笑就睡覺。
17/7/2005-今日都沒有特別，全日都是佢哋玩活動，全日都是俾分，悶悶地咪玩我最叻的爬石，全日沒有特別，係夜晚時候，出去打邊爐，食得好飽。回到去，沖涼，吹水說笑就好想睡覺，因為恐防班學生出問題，所以咪唔瞓至四點，其間吹水，說笑同玩玩對講機。
18/7/2005-今日都係咁，三日，三日都係玩對講機，今日都不例外，搞了好多嘢，兼又影下相，搞埋，到畢業典禮，就搭車出去，再搭MTR回校，等成個多個小時先拎到張成績表，信封內只有張重讀通知書，交學費張嘢，沒有喎，又話可以升YR2，我全數合格除KEY SKILL，之後食嘢，後上堂，上完就食飯，食完就回家。


　

　　

　　

　

　

>>July 28, 2005 at 4:56:11 PM GMT+8

2005 年 7 月 13 日 星期三 【晴】

主題：永恆-二

今日晨咁早就起身，搭88M轉ER，出到永恆，摺下金銀衣紙，又燒下，跟住就開始下儀式，之後搞了好多嘢，做完各儀式，就搭車上鑽石山火葬場，再做少許儀式，就搭車過荃灣，坐開旅遊巴，都係帶活動，但今次有另一種感覺，還有同一班姨媽親戚一齊坐，感覺唔同，去到酒樓換衫食飯，食完就搭48X轉46X回家。


　

　　

　　

　

　

>>July 26, 2005 at 4:15:28 PM GMT+8

2005 年 7 月 12 日 星期二 【晴】

主題：永恆-一

今日食完晏就返了會，因為幫新人執名牌，同買頂帽，就搭112過海，去到紅隧口，太早到喎，係紅火坐係到睇書，之後等埋家人同各親戚，就行落永恆，一去到就揀白衫褲同白飯魚，之後搞埋ｄ嘢就換衫，坐下係到，就開始儀式，搞完晒就換衫同表哥一齊走，佢回理大EXAM，我就搭巴士回校上堂，俾部112，就搭啦，回到校上WEBER堂，無乜嘢，落堂就去食米線，之後回家休息。


　

　　

　　

　

　

>>July 19, 2005 at 4:14:28 PM GMT+8

2005 年 7 月 5 日 星期二 【晴】

主題：瞓街

5/7/2005-都未決定今日去唔去影通宵車，最終都係出去，搭803K轉ER，係尖碼匯合亞彬就搭天星過中環，再趕1830開的普通渡輪，近排少搭，越來越覺得舒服，去到梅窩，等TIGER接我哋就順便影相，入到去，感覺怪怪，於是坐了一陣，就出了門口磨鞋同上褸，搞完套制服，就準備走，搭2320開的3M，開GC6620，點都估唔到開最舊個款的嶼巴車，落到東涌數了好多通宵車，特別係個ｄ開得幾班的所謂通宵車，不過都係呃錢，好好笑的是N38，地鐵未收車，N38就頂閘咁款，一收車，就空空如也。影了好多相，之後搭0130係機場開的N35，係0145就到東涌，部車是JP5439，普通3+2車，又唔係豪華車，不過係嶼巴最後一款高地台一手車，算了吧，原來N35左兜右兜，去到梅窩，就等N1到，影埋N35開0330個班，再影埋通宵船新輝貳兼影埋0340開的N1，就回間屋，當然路過ｄ政府車，又影下相，回到去，個個瞓晒，又行出去碼頭，係7仔買嘢飲，就係碼頭邊瞓係到，恰下恰下，（續下）
6/7/2005-（續上）去到五點幾左右，就起身影下頭車，影到接近七點，就回間屋，其實今日諗住就咁出銅鑼灣，不過拎晒嘢，就走，行廿分鐘的路，都行了十二次之多，出到去，部3M剛剛走，個師傅好人，再開門上埋我，還要搭ILS129，出到去美東街個站轉E42，等不到一分鐘就有車，但前車頭先先係消防局見到去到大圍，美田路，前車火車橋橋底，我部車剛剛轉彎，去到大圍KCR增埋值，就見到堂哥車，搭佢私牌車回家，係家到恰下，就出去返交安，搭803K轉ER好正常，諗住轉102同106點知無車，就搭110，因為鋼牙師傅車，去到紀錄人員個俱樂部，就係到登記，去到五點幾就走，搭MTR返長沙灣上堂，上WEBER堂好正，上完就食米線，然後搭ET576回家。




　

　　

　　

　

　

>>July 14, 2005 at 4:13:46 PM GMT+8

2005 年 7 月 2 日 星期六 【晴】

主題：三日的交安活動

1/7/2005-今日上個項目三的課程，主要是叫口令，都算好得意，落了數年港島訓練基地的成果，係唯獨是左轉同右轉易叫錯腳叫錯方向。夜晚過亞堅拎機回家
2/7/2005-朝早睇頭文字D，超正超好睇好好笑，下午是考試日簡簡單單，咁就合格了。
3/7/2005-又一屆T章，今屆班學生無咁FIT，我唔想罵佢哋，越罵越呆板，我個班都算乖仔乖女，都OK啦，搭88K回家，又見到DEBBIE喎


　

　　

　　

　

　

>>July 9, 2005 at 3:51:28 PM GMT+8