2004 年 12 月 24 日 星期五 【晴】

今日返工，好彩早出門口，搭46X，剛剛有車，今日有交通意外，部部往沙田方向的巴士，當過了可風中學後經石圍角落綠楊個頭再由象鼻山路上城隧，去到轉車站，剛剛見43X，上啦，又見有48X，都係上48X，好彩，石圍角大塞車。轉234B的AM，正爆。返到工，無乜嘢做，吹水多，好過隱，特別是嘉仁宮，D單位，最正都是問到亞YAN攞電話，多個朋友，大佬RAY同DANNY講到幾長遠。放工搭接駁，順路睇VCD，之後搭巴士回家。


　

　　

　　

　

　

>>December 30, 2004 at 3:07:21 PM GMT+8

2004 年 12 月 23 日 星期四 【晴】

今日踩單車，踩去大尾篤，唔知點解今日好大胃。


首先我遲到，此乃正常，去到328買個蛇鎖，之後再飛車追返佢地，點知，佢哋去到橋頭，我先係體藝，同上次一樣，都係亞彬，加佢哋ｄ同學，踩去大尾篤，食了碗麵兼豆腐花，之後出大埔富善又食嘢，又食了碗麵，之後諗住入林村，點知有車爆軚，唯有返大圍，去到大圍泊好部車，就去沙田，入了LEGO展影相，之後ASTOR又走去睇演唱會，一休同家人食飯，等埋亞堅兩公婆到，就落大圍搵亞傑，亞傑兩公婆好似二人世界，但亞傑放工放遲左，之後食煲仔飯，再過火車頭玩，好耐都無去過，坐到十一點幾回家。


　

　　

　　

　

　

>>December 30, 2004 at 2:15:09 PM GMT+8

2004 年 12 月 22 日 星期三 【晴】

今日好似好叉凍，病病地，唔想搭FB9278個班33車，個部車超凍，但又趕唔到DW3126班3車，眼見88M就開個班DT7911的S1車，都尚有幾個月命，搭佢出去，出到去九龍塘，見後面有86C跟住，當然轉搭，出到去長沙灣同搭FB9728同一時間，但行得少過同平過同無咁凍過FB9728，雖然搭86C是GL2110，但無咁凍，舒服好多。上BMM堂，講貼示，唔好生埃就好，上完，搭30X落去黃埔同一休打桌球，之後搭船同巴士落炮台山，待一休取嘢，搭MTR過筲箕灣，班學生買嘢，我哋就無乜嘢做，見買了ｄ嘢食，好似唔係好夠，咁叫佢地搭車先，我同一休、ASTOR、ISIS去買嘢兼搭紅VAN入去，BBQ，B到夜晚十點幾，個個俾我叫我到想走，搭9號的3339，個師傅頂爆佢，踩下油放下油，不停咁樣，搞到好多人暈車浪，包括我，我只欠未嘔，都話搭新巴無好嘢，如果唔係人多，我都唔搭，之後搭MTR同巴士回家。


　

　　

　　

　

　

>>December 30, 2004 at 1:12:58 PM GMT+8

2004 年 12 月 18 日 星期六 【晴】

今日返工，搭46X-HG3579，轉48X-HT3635，再轉234A，一落車就上返車，都無等過，今日早返，但亞鴻0935已到，今日經常同大佬RAY勁吹水，吹巴士，好笑，個電視有畫無聲，正，但播一些聖誕音樂，都唔知點咁，都好過，「海 無邊際 腦海 就無邊際 碧堤半島」同「天 無邊際 談天 就無邊際 碧堤半島」咁玄，收工，有穿梭車，正！出到荃灣去二手VCD鋪買VCD，之後搭48X-HT3635，轉46X-HG3579，同朝早搭返工一樣。


　

　　

　　

　

　

>>December 22, 2004 at 4:48:06 PM GMT+8

2004 年 12 月 17 日 星期五 【晴】

今日一早起身，目的是踩單車，但係出到去，亞彬有少許問題，佢兩個朋友一個剛剛到沙田，一個剛剛起身，我要拎錄音帶俾SANDA，於是獨自入元朗，今日都病病地，所以緩慢咁踩，去到林錦公路，踩踩下，見到DS3391的MCW趕入刑場，上嘉道理農場大斜照舊唔踩，推車上，落上村時，被部貨車嚇一嚇，我唯有停埋一邊停停，條斜路太斜，個迫力唔得，唯有瞓低個人去停，好彩是草堆，再起，轉多數個彎就到底，沿錦田公路暗斜落往錦田，好多車，不停係我側邊飛過，還見到一部好耐歷史的九巴DMS，之後再過吉慶圍，趕快出到博愛醫院............外面，就打電話俾亞彬同SANDA咁玩，由太和去新元朗中心，都係用了1小時34分09秒，包括埋影相同休息喎，比預計還要早，之後係鳳翔路泊低部車，行入去搵SANDA，之後過又新街食嘢，食完都要飛返去大埔，今次想係西鐵車廠錦河路個邊去，個條錦河路唔少料，原因是踩踩下，見到有條蛇打蛇餅咁係路邊，踩踩下，還有好多扁平的動物屍體係路中間，頂！重諗住遲ｄ用依條路出入，唯有照踩，去到錦上路，卻有好多喃嘸阿彌陀佛碑，要避，差點車了下去，眼望左邊，就見到遠處有一批舊巴士等待行刑，唉！去林錦，又是推上，推推下，見到新ASV行64K，今日64K有開AM，3、4波ATS，ADS同ASV；落斜，好好多，大直唔停，好彩落得快，後面有泥頭車，飛出林錦，再過廣福，由博愛醫院至廣福，用了1小時44分31秒，之後同亞彬，吉村及其朋友踩回沙田，尚有過埋歷奇飛車，之後係沙田泊車，再搭KCR出旺角食飯，食完，搭KCR回沙田，拎返部車，我就係沙田自己一個兜兜，之後回家。



　

　　

　　

　

　

>>December 22, 2004 at 4:39:44 PM GMT+8

2004 年 12 月 16 日 星期四 【晴】

全日在家無o野好做，趕BMM PROJECT


　

　　

　　

　

　

>>December 22, 2004 at 6:22:46 AM GMT+8

2004 年 12 月 15 日 星期三 【晴】

今日趕唔到班3車，搭下班33車，雪櫃咁款，凍死，之後回去上BMM，對住MISS成日鬧人，唉！放了，獨自食麻辣米線，之後過億京幫EMILY還書，再過學校，點知亞堅話可以早走，咁我就唔上QA個堂，反正我都唔駛上，但又要俾個版SANDA睇，只見佢甜蜜地講電話，有70%肯定同男朋友講電話，見到佢咁，我又扮忟薑先，之後唔等佢，過鴨寮買嘢，之後落旺角JOIN亞堅，暢遊旺角、油麻地，就過炮台山食嘢，再上亞堅家，等到咁上下，就返會開攝影組會議，開完，行去新記食嘢，食完同一休搭3條柴，過理大同ASTOR一休吹水，之後搭KCR同88K回家，88K一係唔搭一係搭幾次都是基哥車。


　

　　

　　

　

　

>>December 18, 2004 at 4:23:08 PM GMT+8

2004 年 12 月 14 日 星期二 【晴】

星期一搭31車見到隆哥，佢問亞彬ｄ嘢，星期二見亞彬，問開，今日就諗住早出門口，點知拖下拖下就唔知時間，搭中隆哥的1車，咁就可以答返佢，出到去，上堂，上完好乖仔，無四圍去就回家，現在唔知點解，放學第一時間衝去巴士站，最好俾頭枕車，舒舒服服回家。


　

　　

　　

　

　

>>December 18, 2004 at 3:57:04 PM GMT+8

2004 年 12 月 13 日 星期一 【晴】

心情不佳，一於踩車加影相，遊車河遊船河都可以，可惜無錢兼無時間，由大圍飛去沙田第一城搵亞彬食飯，食大家樂，食完就飛入廣福，由火炭計起入到廣福，用了27分22秒，期待科學園完成晒所有工程，ｄ路靚一點，時間再可做快一點，之後過太和商場望望ｄ嘢，點知無喎，兄弟ｄ嘢，差了一樣，之後由太和飛入粉嶺、上水，因為未決定去邊，只是諗四點回頭，係太和邨，見到有部73的吉偈蘭，無記錯的話是EA3580，我照星期日個日咁去，沿大窩東，唔知點解，好好去，好快入到粉嶺，再沿公路.......側的單車徑入上水，想去九巴廠，係彩園計下行了幾耐，望望路口有部73的吉偈蘭入緊去彩園，望望車牌EA3580，睇睇用了幾耐，用了34分43秒，咁快，係到九巴廠外影相，再過隔離個公園影相，之後回程就趴係到，上暗斜兼逆風，唔怪得頭先咁快，再沿大窩東走，影下火車，影下嘢，係大窩東影完直奔回家。


　

　　

　　

　

　

>>December 18, 2004 at 3:30:17 PM GMT+8

2004 年 12 月 12 日 星期日 【晴】

今日返學
只知自己懶惰，累了自己組員，心情不佳
放學同亨利（後加亞軒，又話唔落喎）落電腦展影女相，搞到我喜歡影風景，無嗱嗱想影人像，唔通我少影人像


　

　　

　　

　

　

>>December 16, 2004 at 10:40:42 AM GMT+8