2005 年 3 月 23 日 星期三 【晴】

今日返工喎，出門前，入了數先，搭80過大圍，之後諗住搭小巴，點知開十點，咁打返鋪機先，打完，就出去搭小巴，等了不久就有車，去到荃灣MTR，就轉埋96M，之後又到去，好早啦，今日吹水多，無乜嘢做，放工後，搭96M出荃灣睇VCD，之後搭JN912同HG7407回家，當然是48X同46X


　

　　

　　

　

　

>>March 27, 2005 at 3:20:38 PM GMT+8

2005 年 3 月 22 日 星期二 【晴】

今日踩單車，一早起身就過沙田IVE取車，搭FA9671，點知行了不夠，就斷波線，唯有去整啦，無辦法，匯合埋TIGER等人，就踩去上水，係上水石湖墟食晏，食了扒王，第一次食咋喎，食完坐了好耐，之後拎返部車，爆了車頭輪胎，又要去整，之後飛返沙田，佢哋還車，我同亞彬泊好部車，去老麥咬些嘢，之後飛去馬鞍山，去個咩信義會食飯，見到亞嵐，CYRUS，MEI-LING及亞珍，悶悶地，食完，就飛車回家，飛得超快


　

風吹不走笑容(電視劇"烽火奇遇結良緣"主題曲)
作曲：李峻一
填詞：李峻一
編曲：梁翹柏＆盧巧音
監製：梁翹柏＆盧巧音


幾多劫難　再闖幾個關　信你共我前途亦會燦爛
握緊你手　縱使天塌下　緊記這刻的笑顏


＊我要摘到　懸崖上的櫻桃
　跌過極痛　才會試到最好


　風吹不再凶　吹不散笑容　共你淒風苦雨　仍勝過孤獨
　不管千軍劍鋒　未怕火海萬重
　路中有你可抱擁　幸福也已經碰到（禍福仍然是同路）＊


風急雨下　再闖幾個關　有你伴我鞋頭未怕破爛
握緊你手　縱此生有限　緊記你一張笑顏
Repeat（＊）


風吹得再凶　吹不散笑容　共你飽經風雨　仍抗拒屈服
不管千軍劍鋒　未怕火海萬重
路中有你可抱擁　幸福我已經碰到　

　　

　

　

>>March 27, 2005 at 2:58:44 PM GMT+8

2005 年 3 月 21 日 星期一 【晴】

今日要交ACC功課，之所以早一點改完份PROJECT就搭1325班車上ACC，咁好彩是搭中FZ7161，話晒熱狗喎，回到去，搞CB PROJECT，都無暇理其他，之後上CB，PRESENTATION，好盡力，都好似唔係太好，太耐無認真咁對人咁講嘢了，落堂過鴨寮街買收音機，之後買碗仔翅食，計下條數，計中，搭FZ7161回家，買了包青豆食。


　

　　

　　

　

　

>>March 27, 2005 at 1:38:00 PM GMT+8

2005 年 3 月 19 日 星期六 【晴】

一早出門口，行上徑口路搭81，等了好耐，點知來亞波，大鍋，好彩都唔叫太遲，今日出個小學組大會操，又是管排工作，做了全日，無乜特別，早收一小時，同亞輝，亞堅，一休，亞珊，曹SIR，李SIR同VIKKI，夜晚落了酒吧飲下酒，吹下水，係FUTURE飲，飲完過新發食夜晚，之後搭EB3909#87B回家，超快。

　

　　

　　

　

　

>>March 26, 2005 at 3:21:15 PM GMT+8

2005 年 3 月 17 日 星期四 【晴】

今日都遲了出門口，搭1255班33車，早知早多15分鐘，搭3車熱狗ｍａ，回到校匯合ALICE，同ALICE用節日通，搭入大西北影，首站當然去彩玉食嘢啦，食完就落大欖影相，益智物流，我影到未有周大福企業及新創建集團成員句LOGO的城巴，行962，搭239#K51出屯門轉WR過天水圍再搭K65過流浮山，原來ALICE好熟流浮山，影了好多風景相，還有大把狗等待我們經過，哈哈，搭返K65特別車出天水圍站，搭中剛從東鐵部過去的311，搭WR落元朗，再買點嘢食，ALICE順手買埋老婆餅，再搭WR出返去，我再轉MTR過銅鑼灣搵一休伉儷，亞VIKKI媽，食飯，過了新記食飯，之後搭天星，再搭KCR及803K回家


　

　　

　　

　

　

>>March 26, 2005 at 2:22:26 PM GMT+8

2005 年 3 月 16 日 星期三 【晴】

星期二同星期三無乜嘢呀！

今日一早返學，搭到3車，提早了出門口，又搭到喎，上WP堂，都係咁玩，又用紙起樓，80張張紙，一卷膠紙，一把剪刀，個IDEA係童軍時代成日紮的旗桿設計，夠快夠簡單，上完，星仔記食飯，上LAW，無無聊聊，上ACC，都能夠做到條數，係咁問亨利，之後無乜嘢做，我同軒仔陪埋亨利搭車，因為吹無聊嘢，然後，搭LS609的69X落佐敦影相，因為想係中港碼頭影凱旋門，但尚在興建中，都係影巴士好，係九龍站搭MTR過銅鑼灣，點知見到KV149的81，係華哥，佢車我去到佐敦地鐵站，係佐敦道等燈時，頭閘對正地鐵站口，華哥開頭閘被我落車，好笑，之後搭MTR落尖沙咀，因為想坐船影維港景，因為有ｄ煙霞，令建築物高層清低層望唔清，去到灣仔搭叮叮過銅鑼灣，返會開中章會，我唔明某一個偏僻分區的參事，問埋一些好無聊問題，針對緊我哋，令我明白到面係人哋俾，假係自己「凋」，連TRACY都係背後串佢，最慘拖慢開會時間，遲走，超肚餓，我係唔明點解為一個咁簡單活動，挑起一些無謂的問題，得益就無乜，依ｄ叫開會，身為亞頭都咁，班細都有樣學樣，咁點做嘢呀，一點都唔明。開完落返銅鑼灣据扒，之後搭CTB的170回家，超快，爽！再搭803K回家。


　

　　

　　

　

　

>>March 23, 2005 at 4:24:33 PM GMT+8

2005 年 3 月 13 日 星期日 【晴】

今日搭師傅車出美孚，有咩做，十分抱歉，無ｂｏｒ，點知亞鏗CALL我要見SHIRLEY，係美孚影相同86B師傅勝哥吹水，搭MTR過HAKING，搵到佢哋，落蘇明見SHIRLEY，順便食晏，SHIRLEY話，我算是最好，因為群到今年同學堆，多得士深兄，見完，落鴨寮街，再過三和睇睇，無乜嘢做，想落旺角，睇44係唔係EE9760，係就落去，唔係就回家，點知真係EE9760埋站，搭啦，無搭好耐，連失去已久的吊環都補返，出到旺角影EE9760，之後落世界買尼龍帶，之後搭87B回家。


　

　　

　　

　

　

>>March 22, 2005 at 4:17:43 PM GMT+8

2005 年 3 月 10 日 星期四 【晴】

今日做乖孫，今日亞媽帶亞婆睇醫生，咁問我同唔同亞婆食晏，搭EG5358出觀塘，依個時候得一部熱，搭MTR，過到西灣河，我就等位先，等到位，坐多十多分鐘，亞媽帶亞婆到，食到兩點幾，我就搭MTR落北角，搭1450班船，超大霧，忽然想上山頂，係九龍城又係咁影相，等到亞高，想等LU3721，點知又等唔到，搭康都的EE9030的41過長青，搭243M轉49X再轉46X，回到家食飯，食完，搭803K出大圍，落火車頭，同一休伉儷同亞傑吹水，吹到十一點幾，搭88K回家。


　

　　

　　

　

　

>>March 22, 2005 at 4:02:07 PM GMT+8

2005 年 3 月 9 日 星期三 【晴】

今日見個職業日，都無乜人返，就一於唔返，同亞彬入了大西北，係大圍等，搭DW3126出美孚，搭WR入朗屏，之後轉K66入大棠，搭133入去，好正的MCW，搭下班車走，點知係720的新巴二手TRIDENT，有車尾閉路電視，當然出去朗屏，之後搭WR去屯門，係屯門落大欖影相，搭K51，搭721落去，影了數張相，搭609返屯門，係彩玉到食晏，食完再過天水圍影相，影完出深水埗拎返部電話，有聲，終於有聲了，逛陣鴨寮街，就過沙田，DW3126，轉283，正！！！HA9560喎，出到沙田，影下相，就搭EZ7970，的88K回家。


　

　　

　　

　

　

>>March 22, 2005 at 3:22:22 PM GMT+8

2005 年 3 月 8 日 星期二 【晴】

今日一早起身趕0915開的．．．，不是86B，雖然有蛇車時1車開0915，但今日搭NR82出尖沙咀，之後轉船過灣仔，匯合亞輝，之後行路返會拎個帥印，然後同亞輝落銅鑼灣，行未開的商場，之後亞輝，唔信皇室堡機鋪執咗，過去睇睇，搭升降機時，去到個層，開門，黑晒，咁繼續上，亞輝都唔信，我又係到搞笑，搞到上GREEN BOX兩個女仔係到笑，之後過世貿打機，等埋一休到，之後過澳門．．．．．．茶餐廳食晏，食完搭102返學，點知好好彩，搭到LU3739，當然係到勁影相，上CB，之後無嘢做，諗住影DY8923，放學就走去影，影完就行去汝州西街個站搭，反正亞開開的。


　

　　

　　

　

　

>>March 22, 2005 at 2:40:45 PM GMT+8