2003 年 2 月 9 日 星期日 【晴】

surprise - 2/10/2003



Yeah~~~
食左好飽好飽好滿足一餐~~你地既心思收到晒~~~
corrie~我真係俾你點左架，去到美心取蛋糕係surprise~~
去到津津見到莊員坐定定係surprise~~
打開個盒見到整個蛋糕滿佈士多啤梨係surprise~~
而個蛋糕係心型情人節蛋糕確實一絕~~~
重有個好甜既名~~~
好開心 多謝勵湯各位莊員
好忙啦，上完堂散晒啦都黎同我慶祝生日，
一向都唔係好識講野既 回你地一句"多謝"
其實我都唔係咁老奉架，冇諗過落莊之後你地依然~~~~
雖然未至於感動到喊~~ 亦相距不遠矣~~~

__________________________________________________

vp ling 個名係出至勵湯
唔覺唔覺就俾人叫左成年~~
講真~~ 我係好懶去keep 關係既人
不過都希望可以keep 到勵湯一齊玩 一齊聚聚~~
即使未必係攪手，都一定會參與
單車，行山，露營，食飯唱k，食宵食tea
玩既一定奉陪

~~~








>>May 17, 2003 at 1:03:08 AM GMT+8

2003 年 2 月 7 日 星期五 【晴】

<<有種>> - 2/8/2003



係電台第一次聽依首歌，就留有深刻印象
唔知點解呢??
今日去左睇行運超人，好笑
睇千嬅個大笑樣，自己都跟住笑~~~

*********************************

時來運到 天下無敵 天生有種總有用
無論場地軟硬 長與短途 同樣向前衝
難捱便有衝動 趁機表現 誰及我英勇
未必要做強者 稱霸最強 是我不怕痛

時來運到 天下無敵 即使最終得個夢
無論成敗最後 能夠開懷 才是至成功
沿途越有希望 才越有望 誰及我相信
幸福要問自己 不必強求 運氣會贈送

假使很低 不怕去到了谷底
似隻螞蟻 奮勇攀石亦壯麗
萬花出於污泥 世界亦細
但我心 深不見底

好的東西 定能留低
我信最尾 我還未毀
我放得低 拿著更覺矜貴
笑對亂世 難道我會失禮





>>May 17, 2003 at 1:02:42 AM GMT+8

2003 年 2 月 7 日 星期五 【晴】

廿一歲 - 2/8/2003



咁過就二十歲，收到第一個蛋糕~~ hehe
佢就係雪芳蛋糕，多謝 fiona， 同埋 arie 啦
食住佢黎回想番 o camp 既經過~~~ ok la~~
這是第二十一年的突破
十個開心

~~~~~~
雖然冇節目，留左係宿，同房們都番屋企
一個人寧靜地過左十二點
接住收到icq 同電話既 happy birthday
收到小、中、大同 朋友既祝賀
十一個開心

~~~~~~
阿狗同阿娥冇打黎~~ he 算數
估唔到接到 candy 小怡 同 betty corrie 電話，都係 unexpected ~~
仲有fiona到我房，同我唱生日歌，吹蠟燭許願，送個蛋糕俾我食
仲有可以打人，打左2個鐘~~
十二個開心

如果生日願望成真，就有100個開心
>.<~~

______________________________________
計下計下，下星期一二三四六日晚晚都有野做
唯獨是星期五情人節最空閒
似乎都係攬住notes 同書過啦
一個人自在
不其然 望下下年情人節有人陪啦







>>May 17, 2003 at 1:02:15 AM GMT+8

2003 年 2 月 6 日 星期四 【晴】

發誓 - 2/7/2003



發誓~~自言自語

二XXX後，絕XXXXXXXXX間，用XXXX，XXXXXXX走，否則XXXXXXXXX。

LING




>>May 17, 2003 at 1:01:42 AM GMT+8

2003 年 2 月 6 日 星期四 【晴】

生日呀~~明天~~~ - 2/7/2003



今日我生日>>年初七
明天都我既生日~~新年個陣就講定生日個晚會番屋企食飯
因為明晚會同家姐姐夫一齊食飯，剛好佢地有時間探我地~~
可能會順便慶祝下掛
不過一定會有一餐豐富既晚飯，密切期待

有好幾年生日都冇留係屋企食晚飯，好似都係同朋友過0既~~
第二年住係hall 特別想留係屋企多d~~
之前原本打算初四下午番宿，結果拖到初五朝早

________________________________________

我好鍾意自己既出生日期，八二年二月八日，8/2/82，好得意，好意頭>>易發。舊曆係正月十五，正好係元宵節>>>中國情人節，媽咪爸爸都著重舊曆多d，佢地以前會係我地舊曆生日先至買蛋糕，煲糖水，仲有好豐富既晚餐。
仲有自己既星座~~水瓶座

________________________________________

前夜做lab report，訓得四個鐘。
昨夜睇漫畫睇到頭痛，但依然唔放棄，一路痛都一直鋤左三、四本會收手訓覺，訓個陣十二點幾，今朝五點幾醒左，有些少頭痛，洗個涼，醒左d，繼續煲埋餘下四本。八點，睇完。打算訓十五分鐘，然後上lecture。貪睡多一陣，遲左十五分鐘入講堂，好彩都係miss左少少，好彩明智咁去上堂，prof 飛左一個chapter 既note，仲可以有時間開新topic。

我一定要將睇漫畫既熱情同毅力放進學術方面。


~~~one piece 好睇過狐忍

_________________________________________

剛剛諗到今年生日願望，
望阿哥.......................................啦

家庭、家人係十分重要






>>May 17, 2003 at 1:01:20 AM GMT+8

2003 年 2 月 5 日 星期三 【晴】

放下 - 2/6/2003



你要學下放下~~

剛剛傾左個幾長既電話，漏左講一句話，學下"放低"啦，樣樣野都攬上身，係個腦不停到轉，轉個黎又令自己好灰。觀點角度係一樣野，另一方面就可能人人都會羡慕下人有我冇既，不過曉得放下都緊要架。一個電話聽到十幾廿聲"唉"，你要加油，同時令我意識到呢，好似對朋友有d莫不關心咁，如果你唔icq我，我都唔知你去左個咁既景況。

我同房話佢都會上堂都成日釣魚，佢會食香口膠提神，仲有佢話"professor淨係講個一次，聽唔到好蝕低"。重點係：如果唔想咁樣落去，諗下有咩辦法改善下，不論係physically or mentally。

要做lab report，唔寫啦。cop一段係人地od既話。

每個人都有背包
通常年紀愈大的
他們的背包也愈重
據分析
很多男性自認為能揹得重
但事實上卻不
男女揹背包的能力相約
而更鮮為人知的是
年紀愈大的人
反而更有能力、機會去揹輕背包
因為他們愈大愈懂得........

放下
你懂嗎？

我卸下左d啦!!!



>>May 17, 2003 at 1:00:42 AM GMT+8

2003 年 2 月 1 日 星期六 【晴】

喜悅 - 2/2/2003



喜悅!!
睡醒後的心情

在我賴床不起後，又睡著了，做了一個彩色的夢，好像身處在一個rpg中，與有同伴有傾有講，一起冒險，驚險刺激，好玩~~
只記得自己跳不過一個欄杆：助跑後，正想跳起，卻在欄杆前停下......就醒來了

記不起夢的內容，但卻回味自己在夢中的心情--喜悅愉快


>>May 17, 2003 at 1:00:11 AM GMT+8

2003 年 1 月 31 日 星期五 【晴】

方向 - 2/1/2003



我想我迷路了......

生活中，我是一個路癡，身邊好友絕對清楚不過，不論去了多少遍旺角，我也弄不清各個商場的位置，唯一知道由火車站走向地鐵站的路，和往中大的小巴站位置。狗朋友很厲害，她的方向感和認路能力一流，走一遍，她便記得路。由細到大，我會很安心跟著她走。

然而，在過了短短年半的大學生活後，我感到迷惑，自己的方向在哪兒？人生路途未能依靠他人替我導向，我是主導，卻感到迷失。過了下星期六，我便二十一歲，不該是做夢的小女孩，但是有能力去實踐夢想的青年人。既然我不過二十出頭，不需老是自怨自艾，錯過的，只好再向前展望。

回望這過了一半的大學生涯，gpa低落是一大打擊，朋友是一個困擾了很久的問題，主要在於自己對別人過於冷淡吧，過度慢熱，嘿嘿...... 不過是因為我太拙於跟他人打交道，經常覺得不好意思便會封口。有刻意追求過、有嘗試改變過、會氣憤、會心灰意冷，結果是有點白做，自己的人緣確實麻麻，不過，失落時也會有人安慰開解，謝謝!!

gpa低落的一大原因是懶散，其二相信是對自己沒有要求，莊務未至於繁重到令成績如此惡劣，這不過是自欺欺人的藉口而已。跟同房傾談後，發現自己未曾認真地追求過任何目標，中學時代，除了讀書便沒有其他，然而亦沒有刻意地賣力，總是覺得自己有點考試運，便渾渾噩噩地進了大學。

在這兒，我也找到自己的熱情。上莊其一，不止一次通宵趕banner，不少活動前總是十分緊張，害怕掛一漏萬，有時候覺得自己能力有限，亦會洩氣。不過，給莊員話我有時很老奉，我沒有這自覺，有能者做之，這有問題嗎？其二是做oc，最深刻當然是大o camp 的技管部部主。聯合起義，個人亦有起義，卻沒有多大的成果。只記得自己在整個暑假中是為o camp而活，由於辦事能力有限，遺憾整個暑假只放下o camp，放假前憧憬的一個個計劃落空了......怪不得o camp閉幕時忍不住哭了出來，回想起來，當時沒有特別想哭的原因，只意識到曲終人散，心頭熱烘烘的，眼淚在沒有自覺的情況下流出。我確實甚少在人前灑淚，阿狗、阿鵝亦未必見過我傷心落淚，可能見過我笑到喊吧。

熱情與我實在陌生得很，但由衷地希望自己可以熱愛生活，現在未有這感覺，期待中。其實，習慣責怪多於讚頌自己，對待別人亦是如此，以後，在檢討時不忘稱讚，也不要懶去發拙生活中的美好。更重要是掌握到一個永遠指向北方的指南針和地圖，路癡也要學習定位和定向，選擇自己的去向，確定自己的路，大步向前。迷途的失落特別沉重,,,,,,


>>May 17, 2003 at 12:59:44 AM GMT+8

2003 年 1 月 27 日 星期一 【晴】

懦弱 - 1/28/2003



如果唔想跳出這個世界，
只剩下一條路，否則死路一條
依一刻，我感到極度無助
但，除左自救，別無他法
未曾如此不安，如此失控
失玲
_________________________________
長久所積壓下來的自責 爆發
失去動力 失去自信
連我也厭棄自己
無諗過如此不堪一擊 粉碎
玲碎
_________________________________
為了捍衛在這個世界的一片天
重建自己的堡壘
不再自怨自艾 再接再厲 新生活
玲活
_________________________________
一個寧靜下午的掙扎後 空閒 不再
飄玲
_________________________________
好同房 幸運玲

---------------------------------
擠身在一班人，你喜歡當強者嗎
有時候，示弱不等懦弱
接受幫助，也是一種勇敢
願意面對自己，總好過逞強
勉強自己，拖垮一切
---------------------------------

>>May 17, 2003 at 12:58:56 AM GMT+8

2003 年 1 月 26 日 星期日 【晴】

行山 - 1/27/2003



今天陽光燦爛，我的心情亦不錯。
幸好前兩天的天色都是陰陰沉沉，我整天在上山下山，也沒有被燒焦。
完成中大毅行越野賽，背著十分沉重的背囊，行了十三小時半，覺得自己好厲害。
雖然我都只有跟著隊員走，也不多參與討論路線，其實我真是一個路癡，加上到達check point，我的時間大多都花在整理背囊，不過我亦有自己的工作，就是沿途檢查方向。工作得以順利完成，全靠一個永遠指向北方的指南針。
阿豪是我們的領航員，看著地圖，指示方向；而巢皮走在最前，替大家開路，領著我們前行；corrie 沿途有講有笑，在石澗的那段路上，心口掛著勇字，不時由一塊石跳到另一塊石上，令我目瞪口呆。
完成後，不只是腰酸背痛，前臂也留下一道被樹枝刮傷的紅色傷痕，不過仍然好滿足，可以穿梭在山徑、石澗，登上山頂，走進叢林，這是一個不錯的冒險經歷，這是在平日沉悶的生活中難以碰到。


>>May 17, 2003 at 12:58:21 AM GMT+8