2003 年 6 月 14 日 星期六 【陰】

O..我今年做大o輔導員，唔會係oc，可說是o camp 的用家之一。對我來說，當組媽要有一定的決心。

錢已經係一個考慮，要用全副身家捱過暑宿日子同未來返學而尚未出grand loan 的日子，已經有點壓力，宜家仲玩 o camp，冇法估計要用幾多，但要和輔導員的聯誼(即去玩啦)同pre pre camp、pre camp and 正 camp，冇千不成。但願補習學生考得好好地，讓我暑假可以繼續有收入，被人炒左就麻煩了。

時間亦是。如無意外，七月頭正式與老鼠會晤，未能估計所需時間，究竟要否一星期七日都對下佢地？我都唔知。不過我知道如果可以令個lab 同fyp好d，我會去用時間，反正，已經之前諗住暑假都係用黎做fyp，同上年暑假用左黎搞o camp差不多。再加上，遲d會上uc 的普通話班，一三五晚上，我要捲土重來，學習普通話，身為中國人連普通話也不會說，有點兒那個，而且話唔定將來冇野做，要上大陸打工。絶對有需要，學識這語言。還有，uc fyp的，我們都沒有做過什麼，還在起步階段，不過已經有二個 teammate 有工返，二個做oc搞o camp，自己做major fyp，個個同樣忙碌，但我個人希望uc fyp的尾巴唔好掃過好多開學後的時間，開學後又fyp又major，唔知會點樣呢。仲有未講過的去玩時間同hea hea 下時間。我唔想樣樣野會做到兩頭唔到岸，可以做好兩個fyp，學好普通話，做個好輔導員同組媽同埋又有喘息的時間，要多加幾多把勁呢？我都好期待知道自己有幾大的堅持，同未來兩個半月的日子點過，話唔定會有新衝擊，沖散現在的我。

人對於我來說，曾經是個頭號煩惱。簡單一點，我是超級慢熱的人，自己係個LAB到自閉左兩個星期，先適應得好D，宜家番LAB開心D，至少會同其他人講下野。KEEP 住唔講有D辛苦。同一班輔導員玩得埋，要講大家有冇緣，夾唔夾到外，時間都好q重要，俾d時間我啦。其實，自己又唔精於去玩去講，唔熱衷唱k，鐘意睇人唱多d，我講野冇咩娛樂性，多數係聽笑話果個。如果同我太熟，我會係一個好"唔好"的朋友，其實我有D會蝦蝦霸霸的傾向，阿鵝同陳桂貞受唔少了。阿媽話最緊要跟個好既大組長，何謂好？唔知，不過跟左阿杰，定左了。背住一班仔仔女女，又會係點呢？
yumeji 祝我：玩開心d呀，"嫁"個好老公，"生"番d精靈的仔仔女女啊!!! 同yumeji 一齊上普通話班，呵呵，我要黏住你，其實明日參觀科學園個陣，我地都會見到架，唔知佢知唔知呢？

lili 媽真係好厲害同好好人。


>>June 15, 2003 at 12:58:04 AM GMT+8

2003 年 6 月 13 日 星期五 【雨】

這幾天，相繼發生了一些小事，令自己反省了一會回又一回。
1. 做一些貪小便宜的事，切忌得意忘形，四處宣揚，免於多口的人可會把你的人格透過件事而further develop，令自己聲譽受損。其實又未有實質的事情出現，這是給我這便宜的人事後提醒我的。突然，我警覺要有防人之心，但唔防得唔得？一路以來，我都未俾過壞話傷害過。如果關於我的壞話傳唔到耳仔到，咁都ok 既，所以有可能我那好頹的收風能力保護了我，又或者我是small potato，唔起眼，唔值得人去談論，繼而冇是非。

2. 當以為正為別人著想而做一些事，他未必會有這個需要，有可能只是自己一廂情願的想法而已，不過可以在為他人著想時問問他才去做，可能效果會好一些。話說我同個補習學生約左七點，但我記得佢個日之前又要補習，唔想佢咁辛苦，結果我stay係個lab到等時間過，七點半先去到佢屋企，不過諗番轉頭，話唔定我遲左半鐘會打亂左佢自己的plan呢，但個日佢真係六點半先完左個補習既。

3. 慎言，唔好亂講野，遲早會撞板。要講野都要觀察下四周先至好開口，三望而後言。

4. 原來，我做事的習慣係唔會好pinpoint 咁完一樣野，而好鍾意做左個draft，再花時間去做一次又一次的 modification。例如，我做lab report，我會有d求其咁寫左一個version，再用時間大執，出version 1 同改到出final version 的時間可以相約，甚至後者還要多。在講求效率的時代，依個工作模式唔係咁好。我係轉唔掂，定係太懶去一次過諗得好好先寫下來？唔係樣樣野都可以有機會俾我一次又一次去modify ，做事時要學下pinpoint，其實可能我太蠢了，力有不逮，力不從心。

5. 要別人對我仁慈，其實是個天真的想法。做好自己，別期望別人過多，大家都是現實的人，站在不同位置和岡位，自然需要考慮的會不同。當我埋怨別人，我都是以自己為中心而會得現實。何況，仁慈未必是一件好事。

我真係好習慣去諗冇聊野，好累好累咁坐緊火車，由紅墈到大學途中，個腦係咁轉呀轉，諗左好多好多，想停下來，不一會兒，思緒又不知飄到何處，我近幾日都有頭痛，唔知有冇關係呢。

candy 多謝你，等我有機會又再次好串咁同張sir講左一陣，同佢斗串係好好玩，不過我串緊佢時，佢都唔知我係邊個，唔知好灰定好笑，到最後要自己報上名來。不過，我係佢芸芸眾學生之一，而佢係我唯一的中一班主任，我記得佢而佢唔知我係邊個都係正常既。好快就十年，原本我地一大班都識左好耐了，唔覺就十年了，時間快得很。

>>June 14, 2003 at 2:13:35 AM GMT+8

2003 年 6 月 10 日 星期二 【陰】

有一回，當你用膳後，正想付賬，一看銀包，駭然發現銀兩不足，你會做什麼呢？
visa/ etc not applicable ......

午夜兩三點，雷雨交加，我坐在床上閱讀，直望窗外時，豆大的雨點撞向堅固的玻璃，沙沙作響，不時天空中閃過強光，我有一種安全又悠然自得的感覺。
睡醒，一眼望向窗外，就是一片光亮的天空，雨過天晴。


>>June 11, 2003 at 10:05:04 PM GMT+8

2003 年 6 月 8 日 星期日 【陰】

做了一個夢，真實得可怕，該轉身離去
可怕可怕 令我更清楚 要不得


由一幢大廈的頂樓跳到另一幢大廈，需要相信高度是假象，相信自己的力能，把恐懼拋開，還是把恐懼緊抱後，發覺原來什麼也不是，才成？


得到一點的成功，好唔想離去，一種堅持的心情認真的成形了
未必跟得上大家，但我勝了對自己的一仗
目標清晰 我還要趕的路是長途的 幸運的成功作推動而已


>>June 8, 2003 at 10:46:41 PM GMT+8

2003 年 6 月 7 日 星期六 【晴】

兩日一夜的澳門之行完滿結束，四個字可以形容整個行程：美食之旅。

澳門是一個不大的地方，我們全程有不少時間在步行，不過搭過四程車。大三巴、賭場、氹仔都有走訪過。我們經過議事亭前地三次，第一次我看到樓房有歐洲特色，意想不到，感覺很好；第二次走過時，感覺彷如進入了佈景廠，那兒的樓房好像搭出來的道具；第三次，那兒是一個夜景，很漂亮。

幸好，同房們的胃口不大，我都吃得不多，但經已好滿足。
瑪嘉烈葡撻 x 3
義記雙皮奶：凍食，好食既，但以為會仲好食d
芒果汁鮮果杯：好食好抵，生果正路都唔會好難食
福龍：咖哩炒蟹，正！葡式焗鴨飯，唔錯。waitress 服務態度唔好。我地傾計傾得好開心。
忙內偷閒 cafe：好靚，mickey and minnie 充斥在店鋪，木色作為店內的主色。望住個海好舒服，嘉慧心水推介。
酒店：冇野食，但三個傻婆又叫又笑，向高難度挑戰，超搞笑。
鼎泰豐：學會上海小籠飽正宗吃法，正！牛肉飽，正！咸豆漿，怪。
氹仔：好似元朗的小村，一、兩層高的村屋，畫上青蘋果綠 or 粉紅色，眼前一亮。贈食熱熱地的豬肉乾，好味多汁，仲有肉的質感，正。
圖書館：消磨兩小時，等食義大利餐。好別緻的小屋。我在那兒手執塘鵝暗殺令，訓了一小時。
露素餐館：超好食，味道濃郁，好鐘意，見d汁紅色，以為會係酸，點知都係咸架。墨汁麵，ok；蕃茄燴椰菜，好食；砵酒燜牛尾，感動；肉醬千層麵，香濃芝士味，依然感動。盛惠每位51元，冇話可說了‧‧‧

我地冇去觀光塔、博物館，我自己未有這個學習的心情。在周圍逛的途中，看著街景很有趣，大芬達同可口可樂大牌好得意。沿著大橋旁的小海滂走著，好寫意。風雨交加下穿過大橋的途中，我剛好轉頭望出車窗，看到一道閃電打向海面，嘩，好光好energetic。

我地好似玩treasure hurt 咁，靠地圖定位，一個個check point 咁去。找cafe，繞道，走多了路；遲左一個站落車，迷途了，穿過陌生的小巷回到大街的小歷險，好有趣。

十點半安坐在由上環開出的地鐵上，心身疲倦，考慮去唔去部聚，佢地係文化中心二樓。因為要回屯門老家，唔可以太夜回去，自己又唔會坐亡命巴返中大，掙扎左好耐，終於都係尖沙咀落車。好彩，選擇正確，今次係幫景華補祝生日，有景華、fiona、yumeji、姚強、raymond阿爸、arie同遲來的阿ling，見到佢地預左支啤酒汽水俾我，即時覺得好感動 ，佢地話去左澳門餐廳食ｄｉｎｎｅｒ，好攪笑。我當時人在澳門，好似都同佢地有ｄ超空間聯繫。幸好，佢地未切蛋糕，我都可以同佢地一齊問生日歌，我唱得好大聲，希望景華快樂啦。個蛋糕上有好大粒的士多啤梨，好靚！由於，我上船前同坐船間各吃了葡撻一個，我食唔落蛋糕，但超好人的　ｆｉｏｎａ，俾左粒好大粒的士多啤梨俾我，好好食。好一個技管部部聚！ｙｕｍｅｊｉ好似成左部聚召集人，原本好似係我要做既野，一次又一次俾ｙｕｍｅｊｉ做左，ｙｕｍｅｊｉ萬歲~~懶惰部主的歡呼同感謝。有時我都好驚冇人到，但一次又一次的ok 齊人，好夠了。

要改下大頭蝦的性格，有d過份了。

阿狗撩我去廣州，兩個小女子結伴行，好似會危險左d，等我好好考慮下先，聞說廣州有好平好好食的點心，有好食過澳門的雙皮奶，有動物園，老虎同獅子會跳火圈，仲有冇其他野呢？



>>June 11, 2003 at 12:57:32 AM GMT+8

2003 年 6 月 4 日 星期三 【晴】

又是過得好充實的一天，由早到晚的時間給我填得滿滿的。早上五點幾就醒左，煮左個公仔麵當早餐，久違了一個熱騰騰的早餐，然後坐在電腦前，花掉了幾個鐘，其間我都有找過一些與fyp有關資料，做點功課。接著落lab dry extract，都不過是setup 了water bath，煲extract而已。睇住個water bath，我ok 得閒之際，問了kelvin 關於design 個 protocol 的資料，收穫唔錯，其實我遲遲未下筆做好一份protocol， 部分原因係覺得搵不到對題的source，不過，都係出左一份功課先，有問題再修改。

lunch 時間，在u lib 見到jasmine，給我一些reg 暑宿的文件，同她"講"左兩句，我笑到臉都紅晒，她的表情好得意。接著，到湯宿又當拾荒者，fiona 留給我大量的乾糧，好好~~ 好一段時間都不用到百佳入貨。見到玉姐，佢又同我講：「阿ling，你靚左喎，肥左喎。」我都開心既‧‧‧玉姐快要退休，離開湯宿，yr 1個陣， 佢都關照我唔少，亦不時袋錢入我袋，有時仲要係我同lab report 搏鬥個陣， 不過，她是一個好阿姐！

回到lab，執左d手尾後，閃了。不過，都要追校巴，遠在lady shaw大斜路便怒跑，一邊跑一邊諗：咁樣震法，個腳會幾時斷。幸好，給我趕上，校巴上撞到 pikachu，大家同路，一邊講一邊坐火車，其間有個阿叔突然用好低沉的聲線同我講：你既錢就要跌。俾佢嚇左一跳，原來，michelle 給我的一百元在褲袋中快要跌出來，其實我忘記了那一百元的存在，如果不見了，我可能也不知道。個阿叔的舉動好似有d路不拾遺的精神，好彩~~~

在輕鬆的氣氛下，愉快教補習，兩個鐘話過就過，然後去下半場剪頭髮，上半塲是補習前，做焗油。焗完剪完，分別不大，自己看得到不同就算了。我要留長d，然後電左佢，hehe。同fiona 逛街，到左旺中，有d收穫，但都係買唔到裙。接著，同148 和fiona 打邊爐，今次的食物好好味。之前同fiona傾開，才驚覺只係食左早餐同lunch 飲了一罐咖啡，故此，我真係食左好多好多，兩個幾鐘keep住食食食，連自己都覺得好厲害，同too much了。坐小巴回ｈａｌｌ，好累。一點幾，見winnie 訓，我都訓，攤在床上，傾了一會兒，便失去了知覺。

暑假，但我又唔覺得好閒，d 時間都係我fill up 晒， 中間係有hea 的時間，好似dry extract的等待同坐火車，但又唔可以好free，都係好好plan 下d 時間，讓自己可以好好地閒下來，但好似時日冇多，好想玩多一陣喎。yeah~~係時候 出trip， 同同房三人行去澳門。



>>June 6, 2003 at 1:00:24 AM GMT+8

2003 年 6 月 2 日 星期一 【晴】

休lab 一天，約阿狗同娥娥唱k，話十一點半在荃灣等，我中大出到沙田，算是準時，但一個矇左，上左59x 去緊美孚，一個仲係poly 訓緊，我只有憤怒同冇奈，結果坐地鐵到旺角，途中發生左一件不幸的事，怒火都慢慢冇左。不過，人狗共憤，阿娥遲得好過份，但係兩條友仔仲要係度扮哎架，苦了我這個倒霉的人，俾人一句得埋離：咁都唔識唱‧‧‧係，我係唔咁鍾意唱k，因為我唱得難聽，我都知啦，但都係見係同你地一齊先唱下ja。我好小氣，阿娥，依一句我一定會記得。

>>June 6, 2003 at 1:23:41 AM GMT+8

2003 年 6 月 1 日 星期日 【晴】

一至六都聞住一百巴先乙醇
我的酒量會唔會勁左


>>July 6, 2003 at 8:34:55 AM GMT+8

2003 年 5 月 31 日 星期六 【晴】

. 兩日發生左好多事，好累好累

. 不過先要講下再前一點的事

. 阿lili媽買了一個芒果蛋糕，上了uc 跟我瓜分了，一個人食半個芒果蛋糕當lunch，我都係第一次，阿媽你對我好好，唔係淨係因為你請我食cake，我地間下斷下的icq msg，一句句ling ling，我係你老母…….. 感覺好好，願你快點成功in 到~~~ 我好鍾意你地係我yr 1生日送的阿虫的”勝在放得開”畫，我對好多野都會放唔開，不過已經在學習去放開，yr 1尾到現在都係in progress。

. 跟住係講星期五的事先，星期五係lab 到做multi tasking ，做左2 個HPLC，煲走D SOLVENT 同洗左200幾枝TEST TUBE，做LAB 既感覺都唔錯，不過都未可以自己做自己野，仍然努力學習中。下星期學D FYP以外的technique，molecular 既野，做CLONING，幾好~~~~ 我在LAB找到一份自在的平靜，感覺唔錯。做完後上左紫霞，恩恩的大恩，小女子冇以為報，請你食番餐。我好好奇咁由山村路上斜到左紫霞，好斜，走到好累，嘩：間房都好唔錯，不過湯宿好D~~ 既然有個storage 地方，我回到湯hall途中一直諗緊一個人車d箱箱過去紫霞的可能性，但好似唔係好得，好彩係counter 撞到bun bun ，同佢傾左兩句，佢勁好人的肯幫我手，結果不用半個鐘就搬好了，出路與遇貴人~~ 太好了，bun bun 暑假要加油，好一個機會可以見識見識，如果你同樣可以出路遇貴人就好了。

. 跟住fiona call 話打邊爐，我好累有d餓，不過都有等，一直等到十點幾，餓到頂唔住，fiona話可能等要再等下，跟住去左佢間房，訓埋佢張床，佢一邊執野，一邊同我傾計，好搞笑咁傾到同佢同居，哈哈。餓到唔餓，點知臨走去打邊爐前，飲左包檸檬茶，中左招，個胃開始唔舒服。多謝148的招待。不過我好努力去填飽個肚，但食左好耐，個胃都好似空空地，食到個胃唔再痛，就收手了。其後，知道莉娜回宿，走左去搵佢，諗住跟她把酒談心，但係148到搶酒不成。結果我都可以如願已償，俾我在汽水機度撞到師兄們，問佢地有冇酒，阿斌給了一枝葡萄汽酒，我高高興興地回到莉娜的房，忘記了跟他們道別：多謝在宿期間的照顧，呵呵，一路順風~~~ 過了一個難忘的o camp。跟莉娜談的都是一路有講開的話題，佢好有深度，我好舒服咁攤係度，好鍾意個窗台。其實佢係一個好堅硬的女孩子，而且好有主見。傾到四點幾，剩下一杯水酒，我跟她道別了，回房幾口幾口的飲完那一杯後，有d wing，教好個電話鬧鐘，沉沉睡了。

. 早上醒來，莉娜抱著一個爆炸狗坐墊來找我，跟我道別，佢送了我那坐墊。謝謝你……. 記住要莊聚。後來到了莉娜的房間做拾荒者，拿了一d調味料、厨具、電話同一小包米，暑假可以跟jasmine開飯了。景華icq話出左成績，我懷住緊張的心情，開e-mail。
yeah~~~ GPA 終於過三了，居然仲有二個A 同一個A-，至於話考得唔好個MAJOR正係唔係咁好，C左，好似第一次俾FREE SELECTIVE 拉低個GPA，勁高興，即刻同阿狗報喜，跟住唔好意思地攪醒左FIONA，而我KEEP住係電話到尖叫一輪，我諗佢都幾慘，要無奈地受一個傻婆的擾人清夢。我開左聲了。興奮減退了一些，接著仔細地研究個成績，和自省一會兒，我知道日後我還有很大的”努力”空間，還未十分努力過的，我的努力大部分就是跟我考試戰友努力的時候，她有令她滿意的成績，太好了，真的太好了，可以日後再拍住上就好了，我跟她談的時候，我正坐在村巴上，我依然好大聲地講電話，但車上其他人都好靜，當我停下來的時候，全車再度回歸平靜了，只餘下車聲。

. 好好累，所以做左兩件矇事，其一要到大埔墟，但去左往紅磡方向的月台，其二正要出閘拍咭個刻，以為自己再度入閘，隻手即縮，正高興著自己的反應敏捷，走左兩步，先覺得唔對路，原來自己做左件蠢事，回頭拍咭出閘。原本，阿狗同阿鵝知我GPA OK好後，要我做阿SIR~~再搵日啦…… 不過，我已經答應回家吃飯，一家人到了屋企附近一間餐廳吃飯，OK人齊，姐夫同家姐都出現，會到既都齊，唔到既，都迫唔離GA LA。食飯個陣，阿B不停扭計，姐夫話阿B會好敷衍咁笑，其實我有見過佢咁做過，我覺得此B會好醒LAW，有前途，不過脾氣大，力氣大，真係辛苦了媽咪。一個女人湊過六個BB，好勁，佢話過人老了，病痛多，將來應該唔會幫到我湊仔喎。

. 吃過飯，我回HALL再努力執拾執拾，不過同阿狗講左兩個鐘電話，佢三件”魚”事，一件甘過一件，我的評分：十個”魚”有十一個”魚”，如果今日同佢地一齊逛，我塊臉一定紅到爆炸~~~~傾到暈暈下，頂唔住，收線，訓覺了
今日一大清早起來，執拾完了，好驚訝，唔計電腦都有十一件行李，之前重搬左五箱野到紫霞，放了一袋紅白藍在伯宿。估唔到自己有如此多的身外物。FIONA好好人的把多士爐送了給我。

. 一寫就寫左咁多，因為我坐著等時間過，等緊搬宿………

. 搬好了~~~間房西斜的，有 1/3個海，望到火車同公路，與winnie做同房。


>>June 1, 2003 at 9:05:16 AM GMT+8

2003 年 5 月 29 日 星期四 【晴】

........嘉慧的話.........


To 阿Ling : 要有一個健康的身体，蛋糕和行山都是必須要的。吃蛋糕故然是高興的，但別被高興瞞蔽自己，行山才是鍛鍊体格的不二法門。

昨日已逝
明日是謎
把握今日
盡力而為

嘉慧
28/5/2003
9AM




>>May 30, 2003 at 12:38:47 AM GMT+8