2003 年 10 月 4 日 星期六 【晴】

跟阿鵝做生日 去左尖沙咀睇煙花 置身現場欣賞 望到夜空中一朵又一朵五顏六色既煙花 散落的火花覆蓋景觀中的半邊天 好漂亮 一下一下嘹亮清脆的炮聲 好震撼 喜歡得很
係惠康買了一個莎莉cheeze cake 係seven 買candles 同义 彷如做o camp task 問了好多途人借火機 千辛萬苦 讓阿鵝可以許願 吹蠟燭 三個人一人一支义 瓜分了一個大cheeze cake 好肥呀
接住既行程係遊尖沙咀 天星碼頭走到poly 宿舍 其實我係付重最少 一個 不過都累到入左阿鵝間房 立即飛身訓係佢張床 三個人鬥邊個有耐性 冇一個肯煮個冷麵個下真係搞笑 不過到最後都係 撈左d麻醬同紫菜 大啖大啖食埋d冷麵先走 咁就過左二十一lu 生日快樂~~

>>October 5, 2003 at 11:52:47 PM GMT+8

2003 年 10 月 2 日 星期四 【晴】

莉娜話記住開心既野 好等我寫下先
有去左莊聚 齊齊食飯同睇戲
有去左bbq 見到一大班人 仲出現左一個會缺氧既阿呆 不過傾唔夠 下次join 多d先
有去左同小he 食飯 遲左一個鐘 sorry~~ 不過同小he好舒服 可以周圍逛 望下d 精品 好耐冇逛過lu ~~ 而且仲熟識多d旺角既路
有係med can 組聚 同阿cow, william 食朱古力莎莉蛋糕 同係birthday card 到塗鴉
有煲飯 有偷來的時間去到香港公園悠閒地坐左好耐 有fyp 既interview 有好多句話 有 on progress learning multifunctional processor
有讀書伴 有新的工作part 2 有好方便既vnc
有sunday 阿鵝生日
有好心情 同笑容

唯一係no mercy


>>October 3, 2003 at 4:11:45 PM GMT+8

2003 年 9 月 29 日 星期一 【晴】


收到個好開心既電話 一個人既開心之一 係有一個自己能投入同享受的工作 登你高興
聽到你依個月生活 你既一個月都真係好多野同漫長 我既一個月都好長 不過唔似你咁有大既contrast 派notes 個下真係好搞笑 但係有d feel 唔開心中緊有d野係俾你攞到得黎係令!自己開心 d 視乎去唔去揾掛 以前我會冇做依樣野既sense
記起你會冇端端請我食tea 既日子 哈哈
明白你既提醒 唔好得意忘形 用心經營

今天心情開朗~~ 寫書法都幾好玩ga wor


>>September 30, 2003 at 2:58:52 PM GMT+8

2003 年 9 月 26 日 星期五 【晴】


呀.... 又番到屋企
又過左一個忙碌既星期
一日訓左三個鐘 第二日訓左個幾鐘 第三日都係訓左個幾鐘 而我仍然生存著 三年來都係第一次係咁 不過 唔夠訓 個樣真係好殘 食咩 搽咩都補唔番啦
死性不改 同樣係趕lab report deadline 今次最抵死既係有時間都冇mood 個lab report 係要等到交個日既早上先至有心機做
yr 3 俾上年同時間take 三個lab 辛苦好多倍
諗落 而家plan schedule 都係緊緊去到應付眼前既工作 但忽略了一些存在但又唔係即時交貨的事情 例如 未有讀過lecture notes 未有睇過plant tech既pdf 未有跟進自己fyp 既paper 未有添置新衣 未有整理好房間 .......
其實辛苦係冇時間好好休息 有時間都真係去左玩 同中同聚下 去補習 走來走去咁 總之 有時間都自然有野做 不論係玩 定係做野 我堅持做得咁辛苦 有時間點都去玩 好似用著休息之用會有點浪費
或者去得太過火 結果出左兩句日日金句: 咁都要你有時間先得ga and 好支力 呀
不過 希望情況會有所改變 我辭左一份補習 話說都係有晚同嘉瑜傾計 覺得佢講得對 yr 3 係最後一年係大學既生活 休閒一點 好好過餘下幾個月既校園生活 當錢唔構成問題 等大個d 再慢慢賺 我都唔自己生活迫得咁緊 下左決心 辭左份part time 算吧~~


呀 明天莊聚 去大尾篤bbq 星期三同中同慶祝生日 去西貢bbq 星期二同細o 聚食dinner 星期四約左小he 星期日係阿鵝生日 或者當我say no 唔去會多左時間休息 但係冇一樣野係我想推 依個係咪死症 o...

話說 上星期六係yr 1 個陣大o既聚 都好耐冇見阿ma阿爸 連惠惠都去 正當我打電話同阿媽講唔番屋企食飯 先知道自己非回屯門不可 原來阿爸預左我去飲親表姐既喜酒 結果我係酒樓呆坐左兩個鐘 都係係度同阿妹傾計 先至發覺 我地好似未有過咁長時間既交談 同一屋簷下咁多年 都幾冇咩幾句 好怪... 去唔到組聚 但可以同阿妹有兩句 好~~

我真係好易亂諗野 不過 忙左咁耐 終於有得諗番下野 係件好事
今日未夠鐘補習 冇去把握時間上course 懶懶地坐左地鐵站睇小說 跟住移私到九龍公園長椅 超悠閒 好似遠離煩囂 有種忙裡偷閒既good feeling 爽 ~~ 都知道自己夠怪ga la hehe

我真係唔知要講幾多句唔該同thank you 一路以來都係咁 會累透嗎
真係有一種一齊幾耐既感覺 都唔似一個月而已 好神奇


>>September 27, 2003 at 2:06:16 PM GMT+8

2003 年 9 月 26 日 星期五 【晴】

ＣＲＡＺＹ　ＷＯＲＫ～　　都係咁做～！＠＠＠＃＄

好累　想推辭～～～　

每過一個星期四　都會鬆一口氣

唔見就唔見 說得出做得到 喎~~ 餘下 下星期一再算
問題係我身上

http://www.my3q.com/home2/22/ucfyp_36/59970.phtml


怎樣? 人夠渺小了吧? 還有什麼好計較的,好好把握每一分每一秒,做自己想做的.....

眼界放寬,心放寬,不要理那些煩人的,齷齰的,要珍惜生命,平平安安
快快樂樂地迎接每一天的晨曦......

>>September 27, 2003 at 12:19:31 PM GMT+8

2003 年 9 月 19 日 星期五 【晴】


院慶 中學生營.... 見朋友仔好落力咁搞uc function 不其然 心癢癢起來
數落 做得最多野係yr 1搞o camp 其餘既兩個院慶都係hea hea下咁做完unction過左

yr 1 個陣係有人做晒d 野 自己既作為係千人宴當日做佈置呀 釘broad 架鐵馬 做睇場 執垃圾 都叫有參與過
yr 2 個陣都唔知自己做過d咩lu 個陣都真係心血來潮 聽阿屈話搞創新 有意思 反正做完技管 想試下做節目 睇下有咩唔同 入左cha cha team 搞左個uc 生日卡 同 聯合起跑 不過都好似係做番技管到做既野 一班柴娃娃上上落落咁display 張咭 起跑個陣有二百幾人參加 但我冇咩好滿足既感覺 feel 唔到 只有 做完野鬆左口氣既舒服 諗落 我都唔係頹喎 都放左唔少時間 不過 開左文康頭幾個會後 自己開始似陪跑而非十分投入整個過程 一下子又諗起好多野 個陣打個proposal 自己未識打中文 結果搵雞泡幫我起左份proposal 其實有d係自己唔到寫 唔知點落筆好 咪揾人協助law 仲有 張寫錯我電話number 既poster book 唔到期要delay 放card 既日子 係uc assembly 後擺counter 叫人簽咭 好似免左一次assembly 院慶正日係天井做好辛苦而冇$收既student helper 見到d著住見袍 行行企企既人咁就有$50個鐘 冇奈 不過食左好多fruit 撻 好味道~~ 冇預期中既投入 覺得自己頹左 當中都有好多因素 會唔會同得自己一個下下上落恆生開會有關 一個走讀生 一班恆生人同一個湯宿人 hehe~ 自己既莊務 同 lab report la 個陣好勇 take 左三個lab 做lab 都去左三個美好既下午了 仲有撞左板~~ 自己都真係好幼稚 同低能
做大粒佬 對自己同d伙伴有信心的話 記住俾多d yr 1 involve la 等佢地感受下搞function 既辛酸 背後既滿足同暢快 重有 有難自己solve 問題既經過 一班人搞過野既experience 好好feel ga~~~!
yr 1 都可以好掂law 我yr 3 就唔係咁掂lu......
______________________________________________________________

見到yr 1 兩位同房 不其然覺得我都有d運仔 random 到四個好同房 傾得到計之餘 又接受到我既凌亂 jasmine 嘉慧 我既亂又level up 左幾層
見到兩個同房AND 自己個女好投入住宿生活 忙住去玩 真係好羨慕 YR 1 真係好美好~~ 不過想當年住係三樓 都唔會好似佢地咁活躍 住左成年好似都唔係咁識層友 都係有時搵下莉娜咁~~
唔識同人相處之道 仲然好想有朋友都好 係唔放個心去結識新朋友 我係有D咁既傾向 好怪 而家 好左D LA
有人會拍搏頭 講兩句就會係朋友
我望住個人 都唔知講咩好 咁就走開 所以... HEHEHE 想做朋友都難了 唔會有人企定定同我出聲 因為佢會走動 有OTHER CHOICE 點都係自己問題

上ELT 個陣 JOSE 問 如果你睇個PROGRAMME D 英文好難 你聽唔明 但又好有興趣 PROVIDED THAT 你係唔可以轉NICAM 睇字幕 , 我會點做 ?
我話會靠睇個STORY 同聽下聽下 追多幾集 追到尾 都會OK 掛
然後 佢話佢會搵朋友一齊睇 得閒問下佢套野講D 咩 一齊DISCUSS 下套野 等自己知道個STORY
聽到佢既做法 我都幾SURPRISE SURPRISE 既係自己一D 都冇諗過搵其他人LA 冇諗過有多一個人架入既可能性 係"得自己一個"既想法根深柢固咁植入我既思考模式同日常生活中 或者都係唔好意思去煩到人呀 通常會搵得人幫手都係工作上既野 冇咩係休閒D既野 同埋都幾強勢要人幫 因為真係自己都有D冇能為力 冇人幫都好大鑊 配合到時間 精神 同 心情 做到都自己去做LA 不用假手於人 總之 我係有D孤僻LA ~~ 有對比下 可以做到孤僻怪 LA
見到D同房好熱情 好€~~~



>>September 20, 2003 at 1:26:34 AM GMT+8

2003 年 9 月 18 日 星期四 【清涼】

呼~~
fyp的一個part 終於告一段落
完結了animal house 之旅 闊別白老鼠 並且送了它們一程

接著 首要整理一下自己工作大計 完全迷失在animal house 的日子 放下了不少工作 現在可以重拾起來

其實 一旦完成了幾星期的工作 我覺得自己比以前強了 可以說是精神上遭到重大的煎熬後得到成長吧 這段日子 所遇到的人和事都足夠去審視自己 重新去確認自己在不同地方的能力 較以前看透自己 較以前認同自己的好與壞 感覺好得很 學習肯定自己 學習接受和妥協

thank you for your support and company these days
i feel sorry to keep saying " exhausted ... sleepy ..." these days
tomolo will be better~~~~!



>>September 19, 2003 at 3:47:25 PM GMT+8

2003 年 9 月 15 日 星期一 【微雨】

11/9 一訓醒 問左ZOEY 一條自己知道答案既問題 唔應該同自己講大話 諗通左 豁然開朗 都係由心出發 不要迫自己

" 咁就俾人踼左入會 WELCOME AND ENJOY URSELF ★★☆☆"

12/9 有D野要諗得清清楚楚 推左補習 返屋企 REFRESH 後 會好好地諗清諗楚

15/9 同自己講唔會散開 專心開工同遊樂

>>September 16, 2003 at 5:42:04 AM GMT+8

2003 年 9 月 14 日 星期日 【晴】

今日出其地開心
個lab 部電腦安然無恙 我快要完成左個fyp 基本上既需要 仲有d補data 或者再做多d野 令個project內容再完備d 都係後話
同helen去左唱k 兩條友仔 不時地唱向左走向右走既歌

我要學用正確既手勢揸筷子

短短既廿多日 好似過左好耐 好神奇

既然個animal house 之旅快要告一段落 我都要收拾心情 回到原本既生活 沿著另一條路向目標進發 gogogo


>>September 15, 2003 at 4:06:23 PM GMT+8

2003 年 9 月 13 日 星期六 【雨】


lab 既 電腦出事 我咩都做唔到 只可以等 等下另一個奇蹟既出現 個lab既schedule 要再推遲 在餵老鼠期間 我完全未平復到心情 以為過了今天 可以完結 even 係hall 訓醒後都仲有d唔開心 係撞到同阿縈 一齊搭校巴 有傾有講之下 心情先至好番d 其實補習既細路對我好好 知道我冇食過野 分左半盒燒鵝飯俾我 平時係會俾包我食 補習之後 去左睇大丈夫 純粹得個笑字 內容都唔係好記得lu 我好需要一d野笑下 有人陪我笑 哈哈

條路點走 係自己選 個阿太又要捉姦 但又放水俾個老公 真係得個攪字 為咩 或者為左嚇下佢 等佢乖d 一d都唔係話要佢地斷正 人贓俱獲 然後攞贍養費

點算呀 我個人咁反覆 話去睇 跟住心情欠佳 又話cancel 但訓醒左 又心思思想睇 之後就去睇左 打電話個陣 我覺得我真係好麻煩

好野 有光酥餅 做早餐 湯宿小賣開張la




>>September 15, 2003 at 12:00:56 AM GMT+8