2004 年 6 月 13 日 星期日 【晴】

今集花左唔少心機
考試快到了
大家一齊努力溫書呀

黑馬王子狂想曲 (17) ~*

心中的過去
是錯還是對 ?
是應該回家睡一睡
還是拚命去追 ?

心即使未碎
卻已醉
每段愛情是否都要加點眼淚
才會變得有趣 ?


難道之前發生的所有事都是一場夢 ?

可是我心中告訴我一切都是真的 , 我的腦海之中依然清楚記得阿琪的樣貌 , 以及發生過的事 , 甚至連<<泡妞大法>>的內容都一清二楚。

所以我一定要找出真相 , 證明薜凱琪的存在。

我下課之後就到她的課室以及學校的四周打探她的下落 , 可惜不止找不到阿琪 , 就連她的消息都打探不到。

我拿出了電話 , 按了阿琪的電話號碼 , 但是電話的另一邊一直沒有回應 , 甚至留言信箱都沒有。

到最後 , 我只好到校務處查一查全校的學生名單 , 我以為一定會找到薛凱琪這個名字 , 可惜在最新更新的一張名單之中 , 卻找不著 . . .

可能她沒有上學 , 可能她已經退了學 , 我用許多的藉口解釋找不到阿琪的原因 , 卻掩蓋不到心中的傍徨和擔心。

要放棄了嗎 ? 還要為一個夢去找真相嗎 ? 我閉起雙眼 , 摸一摸褲袋 , 雖然甚麼都摸不著 , 卻彷彿感覺到我以前天天袋著的那個五元硬幣 。是真的 , 我知道是真的。

kai 豪哥曾經對我這樣說過 :

「愛情是奢侈品 , 不是人人可以擁有 , 是留給有本錢的人。」

「那麼本錢是甚麼呢 ? 是對愛情的執著和努力嗎 ? 」

「不是 , 否則新界的牛都可成為泡妞天王；擁有愛情的本錢是食腦 ! 」

kai 豪哥果然語出驚人 , 我絞盡腦汁 , 終於想到一個方法 , 亦是最後的一個方法。我到教員室辛辛苦苦從副校長手中爭取早會兩分鐘來宣傳環保小組的活動 , 還好我醒了之後仍然是環保小組的主席。

我打算用這兩分鐘告訴阿琪 , 我正在找你 ! 就算阿琪聽不到也好 , 至少認識她的人也可以給我一點回應。若果這個方法再行不通 , 恐怕我就要上街貼尋人啟示了。

其實我心中作了許多的假設 , 若果世界上沒有我心中的薛凱琪這個人 , 那麼我再做甚麼都只是徒勞無功。然而 , 若果是真有其人 , 無論她認識我也好 , 不認識也好 , 就算只有些微希望 , 我都要拚命去找到她 , 因為我想與她一起 , 是為自己的緣故 , 亦是為了遵守 Race 的諾言 , 我都想與阿琪過著幸福快樂的生活。

到了第二天的早會 , 陽光普照 , 我在台上拿著咪 , 雙腿都發麻 , 但是 , 我做了之前未有人做過的事。

「校長 , 各位老師 , 各位同學早晨。我係環保小組主席 6B 班王子」

「今日我想找一個人 , 她叫薛凱琪」

「薛凱琪同學 , 無論你聽到抑或聽不到 , 第一個小息我會到你的課室找你」

台下的同學首先鴉雀無聲 , 然後有人大笑 , 有人尖叫及喝采。當然 , 是鼓勵抑或恥笑 , 我都不在乎 , 我在乎的只有薛凱琪。

早會完畢之後 , 雖然被副校長狠狠的教訓 , 還好沒有大礙 , 不過下次有活動要去宣傳就比較困難了。

辛苦捱過了頭兩堂 , 時間過得太快 ? 還是太慢 ? 我的心矛盾著 , 這是一場賭博 , 以幾乎所有的面子去換取一個機會。然而 , 已經走了第一步 , 不能再掉頭 , 而且我知道是值得的 , 於是鼓起了勇氣就衝到阿琪的課室。

由於今早的表現太突出 , 沿途有不少人注視我 , 但我知道無論如何都必須繼續走 , 因為我知道 , 我的幸福是要爭取的。

終於到了阿琪的課室 , 周圍份外平靜 , 跟我的內心形成很大的對比。門關上了 , 向走廊那邊的窗落了百葉鐮 , 有一種不祥的感覺。

我敲了門兩下 , 就把門推開 . . .

「我想找 . . . 」

我的話還未說完 , 就有一個女學生衝出來把我捉住 , 然後拉到走廊中最少人的一個角落。

「你是王子 , 對嗎 ? 你聽好了 , 我認識薛凱琪。」

噢 . . . 一切都來得突然 , 但真的是謝天謝地 , 原來薛凱琪真有其人 , 證明以往的一切不是一場夢 , 我的的確確跟她熱戀過 , 只要找到她 , 一切都會有答案。

面前的一個女孩子 , 掌握了我與薛凱琪重逢的機會。

>>June 13, 2004 at 8:12:13 PM GMT+8

2004 年 6 月 5 日 星期六 【晴】

今集只係得一個星期日去寫
所以好馬虎 , 會改善的
仲有呀 , Beryl , 你 d 網友好利害 . . .

黑馬王子狂想曲 (16) ~*

愛上你就似刮著風
捉不到手中
轉了身又撲空

愛得痛
才知愛得濃
才知不是一場夢

擁有過的每一分鐘
可惜卻是一場空

當我再將開眼 . . .
四周都是一片漆黑 , 跟我撞車的當天一樣
Race 就站在不遠處 , 她穿起黑色的長袍 , 塗上了黑色眼影
手中握著一柄大鐮刀 , 就似死神一般

她一步一步的走過來
可是 , 感覺並不像想像中一般冰冷
因為她跟我一樣流著淚 . . .

「王子 , 對不起呢 」

其實回到人間的三十天之中
甚麼甜酸苦辣我都嘗過
而且能夠與最喜歡的人一起 , 就算只是一閃即逝
都已經此生無悔

「Race , 不用對不起 , 你已經幫過我不少 , 是我謝謝你才對呢 」

「我想問多你一次 , 而是最後一次 , 你愛薛凱琪嗎 ? 」

「我愛 , 我非常愛 , 你就算問我一千次 , 我都會這樣答你 」

「那麼 , 愛一個人是要令對方開心 , 對嗎 ? 」

「對 . . . 」

「那我就決定好了 . . . 」

「決定好甚麼 ? 」

「王子 , 我決定把你送回人間 」

「甚麼 !? 」

「我本來是一個沒有感情的鬼差 , 或者是你對阿琪的執著 , 令我好羨慕阿琪 , 然而 , 與你相處的這段日子 , 我想我大概愛上了你 . . . 所以我會想你開心 , 才決定將你送回人間 , 因為我覺得你和阿琪是應該一對的 . . . 你與她一起的日子很快樂 , 對吧 ? 」

聽到 Race 這樣說 , 我的心很亂
我本來應該是因為可以再見阿琪而開心 , 但又充滿著內疚
無疑 , 我對阿琪的感情是愛情
那麼 , 對 Race 的感情呢 ?
是純綷的友情抑或其他 ?
其實是甚麼都好 , 我也不想有 Race 為我難做
我擁有過額外的三十天 , 已經比一般人都更幸福

「那麼你如何向上頭交代呢 ? 若果要你受罰 , 我就不要你送我回人間了 」

「不 . . 你甚麼都不用再想 , 你只需應承我一件事 」

「是甚麼呀 ? 我一定會替你做得妥妥當當 」

「你以後的人生發展如何 , 就連我也不知道 , 但你要好好的對待阿琪 , 然後過著幸福快樂的生活 」

「嗯 . . . 我 . . . 我會 」

「你跟過阿琪勾過手指尾 , 我也要勾勾手指尾 . . . 」

我伸出了手指尾 , 緊緊的勾著她的手指尾

身邊不再是一片漆黑
在旁邊像是播放著一些片段
是阿琪與我的回憶片段
由戲院的那一天回到相識當日
就似錄影機倒帶一樣
片段就在相識的那一刻定格

漸漸地 , 我再勾不緊 Race 的手指尾
眼前的她變得越來越淡 , 越來越模糊

「王子 , 我就送你到這裏 , 再見了 . . 」

我再想伸手捉住她 , 才一碰到她的手
就覺得已經捉不住她 , 似沙一般的從我手心流走

「Race . . . 謝謝你呢 . . . 」



. . . . . . . . . .



「王子同學 ! 」

聽到有人大叫 , 我慢慢睜開雙眼
原來是教物理的梁 sir

「王子同學 , 不要再睡覺了 ! 」

到這一刻 , 我才發覺我回到了人間
而且竟然在課室上課

「阿琪 . . . 阿琪呢 ?」

在我身邊的 kai 豪哥把手放上我的額頭 , 似乎在打探我有沒有發燒

「琪甚麼琪呀 ? 王子 , 你剛才發甚麼夢呀 ? 」

「薛凱琪呀 , 我之前跟你提過的公主呀 ? 」

「有嗎 ? 你說甚麼呀 ? 」

「你記不起嗎 ? 你還借了<<泡妞大法>>給我呢 」

「你胡說 , 這本書我昨晚才看完 , 是你剛才發夢吧 」

甚麼 . . .
難道以前的所有事都只是一場夢 ?

>>June 6, 2004 at 5:58:24 PM GMT+8

2004 年 5 月 29 日 星期六 【晴】

多謝大家繼續收看黑馬王子狂想曲
因為多了觀眾 , 所以我改用了比較正經的書面語
有點兒不太習慣

黑馬王子狂想曲 (15) ~*

戲院裏的銀幕播著故事結局
坐著的都是一對對幸福的情侶

角色會轉
故事會完
結局卻不能由我去選

你曾經為我心軟
撫摸過我的髮端
分享過擁抱的溫暖

愛得似熱戀
到最後才不會心酸

你與我的距離其實太遠
是天與地的兩端

我向流星許個願
下世與你的戲份不要太短

戲院中奏著的片尾曲
一個個音符敲打著我的心
曲終就會人散
觀眾都漸漸散去
從來都沒有錯
每一套戲 , 每一本小說 , 每一個人到最後都會曲終人散

我始終要離開 , 是無可避免的
眼淚 , 很自然就流出來

這個時候 , 阿琪大概都發現了 , 就似小孩子的把面靠過來
「王子呀 . . . 你哭甚麼呀 ? 」

她突然的一問 , 我自己亦覺得尷尬 , 就立刻用衣袖把淚抹乾
「沒甚麼呀 . . . 只不過這套戲實在太感人了 . . . 」

「甚麼 !? 我還是第一次聽到有人說 << 史力加 >> 感人呀 . . . 」

「你是小妹妹 , 不懂去欣賞呢 . . . 」

「哈 . . . 還好我不懂得欣賞 , 否則就似你那般哭哭啼啼了 」

她的話令我想哭也哭不下去呢 , 就只好裝一個笑臉

「王子小弟弟 , 這樣就乖了 , 不用哭 , 姐姐請你食糖糖 」

我早說過她是一個很好的女朋友 , 溫柔又體貼
人群都開始佈以羨慕的目光 , 別人看我們異常的登對

阿琪越好 , 我們越登對
我就越想哭
畢竟今天是最後的一天

以後的日子會怎樣呢 ?
我希望阿琪很快就忘記了我
然後結識到一位白馬王子
從此過著幸福快樂的生活
而我就悄悄在她背後祝福她 . . . .

我倆個是最後離開戲院的觀眾
在無人的出口走廊之中
阿琪緊緊的捉住我的手

「王子 , 你愛我嗎 ? 」

「為甚麼這樣問 ? 」

「你別囉唆 , 我要你答我 」

「我愛呀 , 我很愛你 」

她一本正經的樣子變得俏皮

「那麼你應承我一件事好嗎 ? 」

「是甚麼事呀 ? 」

「你聽清楚了 , 你去外國之後 , 除了我 , 心裡再不能有第二個 」

「哦 . . . 我 . . 我會盡力嘗試 」

「你答得這樣不肯定 , 我不滿意呀 」

「我想問 , 只是隨便問一問 , 若果我以後都不回來 , 你會怎樣 ? 」

她把頭貼到我心口 , 而右手裝成開槍的模樣指著我的肚
似乎想告訴我 , 若果我不回來就會開槍殺掉我

「我是認真的 , 你若果忘記了我 , 我不會放過你 」

其實我是了解的 , 我知道她亦愛我
可是我真的不知道如何回答她
離開人間之後 , 我也不知道要去何處
我不會忘記你 , 奈何卻要令你失望

對不起 . . . 但我愛你

我捉住了她的手 , 如果這真是一柄手槍
我希望就這樣殺掉我吧

「叮」的一聲 , 我知道是 Race 來了
當然 , 阿琪是看不見她的
Race 的打扮跟我撞車的那天一樣
她今天的身份是鬼差 , 是把我帶走的鬼差

「王子 , 不好意思打擾了你 , 對不起呢 . . . 我要把你帶走了 . . . 」

其實我自己都知道是甚麼一回事

我開始覺得看不清楚阿琪的樣子
四周的環境變得模糊

我知道我是時候離開了 , 但我不可以在阿琪的面前消失
「阿琪 , 你可以先閉上眼睛嗎 ? 」

她乖乖的閉上眼睛
「哈 . . . 要給我驚喜嗎 ? 如果我不滿意 , 小心我教訓你呀 」

「我 . . . 我想說 . . . 」

她的樣子就似一個小女孩期待著聖誕老人把禮物送給她
「別吞吞吐吐了 , 我不耐煩呢 」

可惜我並沒有甚麼可以送給她
我的身體越來越輕 , 我只可以說出最後的一句

「這兩天與你一起的日子 , 我過得很開心哩 , 是真的 . . . 再見了 . . . 」

>>May 30, 2004 at 8:20:51 AM GMT+8

2004 年 5 月 24 日 星期一 【晴】

睇到最近o既兩個留言真係好感動 , 終於覓到知音人
Beryl 同魔王 , 你地識得欣賞實在太好了
如果要 post 就冇所謂啦 , 不過個故事仲有好多漏洞 , 希望大家比多 d 意見

黑馬王子狂想曲 (14) ~*

最初的邂逅
你忘記了沒有
當天的六十秒不算太久
回憶卻刻在心頭

分享過的溫柔
趁感覺還未變舊
吻一吻你高貴的手
做你一分鐘男友
也就足夠


明日就是我的限期
沒想到我竟然拍拖了
而且是跟最喜歡的女孩子一起
有點兒受寵若驚

今次係我第一次拍拖
亦相信係最後一次
好多人話談戀愛的感覺是甜的
是像夢一般的
真的想好好品嘗一下

阿琪說過喜歡浪漫
我連夜翻閱<<泡妞大法>> . . .
要找找甚麼叫浪漫
浪漫是 . . .
是內心抽象的感覺
是一對男女到海邊聽海浪聲
女的要在後面追著男的
然後男的要抱著女的逆時針轉三圈半
再一齊跌在地上
滾大概兩個圈
最後深情的望著對方傻笑

可惜 . . .
也許我還是比較笨
似乎還未掌握<<泡妞大法>>的奧妙之處 . . .

「王子呀 , 這裡的海水好臭呀 ! ! 非常臭呀 ! ! 」

「唔 . . . 呀 . . . 這樣不浪漫嗎 ? 」

「我才不要這樣臭的浪漫 . . . 」

「那 . . . 那好 , 我們到別處吧 」

青衣海傍的確有點兒臭
談戀愛的感覺原來頗臭呢

正當我地離開的時候 , 在我地十米之外有一對男女正在熱吻
就像 sodium 遇上 acid , 打得異常火熱
我雖然隔岸觀火 , 卻萬分羨慕呢

「王子 , 你在看甚麼呀 ? 」

「噢 . . . 沒甚麼 . . . 」

阿琪扁了咀
向我望的方向打量了一下
似乎知道我在留意那一對男女

「王子呀 , 你也想要嗎 ? 」

「我 . . . 我 . . . 還是 . . . 」

我的話還未說完
她就在我的面上輕輕吻了一下
這一吻就像一團火
點起了易燃的我
我感覺到我的面很熱
一定很紅了

「先給你這一個 , 免得你太得意忘形 」

「可 . . . 可以要多一個嗎 ? 」

「你別太貪心 , 你們這些男孩子得了太多好處就鎖不住的 , 還是下次再給你 」

阿琪完全佔上風呢 . . .
其實誰佔上風也好 , 有她再我身邊就夠了
可是 , 我今天的表現的確太失威

我與她離開了海傍 , 她硬要拉我先到一間便利店
然後突然拉我到一角問我

「你想要刺激嗎 ? 」

「刺激 ? 甚麼刺激呀 ? 」

她隨手在貨物架上抓了兩包零食交到我手上

「我一給你暗示 , 你就跟我一起衝出去」

「那不是偷東西嗎 ? 」

她笑了一笑 , 又隨手抓了兩罐 Jolly Sandy
我還未作出任何反應 , 阿琪再望了我一眼就跑了出去
我已經再沒有選擇 , 一枝箭就衝出去

首先聽到收銀員大叫一聲 , 然後就是一連串的粗口

跑了幾百米 , 我與阿琪終於都停了下來
大家都一邊喘氣 , 一邊笑

「真的很刺激呢 . . . 」

「我離家出走的日子就是靠這樣填肚子呢」

「你還真夠膽色呢 . . .」

談戀愛的感覺 , 除了臭就要數到驚險了

正在回氣之際 , 我見到面前站著一個人---竟然是剛才的收銀員
跑了幾百米仍然面不改容 , 此人一定不簡單

「你倆個一共要付 $41.5 , Jolly Sandy 買三罐的話可以省回 $4.8 . . . 」

我實在懶理他的高談闊論
隨手開了一罐汽水就射向他
畢竟剛才搖得這麼利害 , 威力當然不少

然後我捉住阿琪的手 , 跑呀跑
又跑了幾條街 , 終於發覺那個收銀員再沒有追過來

今次也許就是我最大膽的一次
原來談戀愛的感覺除了臭和驚險之外
也很疲倦呢

不知不覺 , 原來我們又跑到最初的海傍
夜幕包起了原本蔚藍的天空
天黑了 , 海也靜了

全世界就似剩下阿琪同我
甚麼都是我與她的背景

我大膽的將她一抱入懷
她在我的懷裡對我說

「你剛才表現不錯呢 . . . 獎你一個 . . . 」

淡淡的一個吻
就似一滴小水在湖面掀起無數漣漪

我又豈是吝嗇之人
慷概的回她一個大禮

最後就是兩人深深的一吻

談戀愛 . . . 原來真的是甜呢 ~*

>>May 24, 2004 at 4:37:25 PM GMT+8

2004 年 5 月 15 日 星期六 【晴】

最近雖然有感興 , 但係冇熟習o既手腕
成日都表達唔到自己o既意思
今集比較情深深 , 雨曚曚

愛情可以在哪裏下載 ?
故事又要用哪種程式去改 ?

當天的信物躺在口袋之內
才換得你有心裝載

還要跨過幾多的障礙
愛上你才愛得應該 ?

你抱住我的手不放開
是預期之內
還是意料之外 ?

要花多少愛
才可將這感覺保鮮到未來 ?

你不可以被取代
唯有你使我的心會開

我願將所有拋進海
去換你的半點愛

( 請大家用熱烈o既掌聲去迎接「黑馬王子狂想曲」之第十三回 )

黑馬王子狂想曲 (13) ~*

你當晚對我笑
我就知道我運氣不算少

呢幾晚我反覆思量
既然唔可以地久天長
我相信剎那的光輝不需太響
都令人眼前一亮

對呢 . . . 我的確再無牽掛了

「阿 Race , 你就這樣將我帶走啦」

呢個時候 , 阿 Race 正o係廳度睇緊「鐵達尼號」 VCD
正好係播到沉船果一幕
佢喊濕左兩包紙巾

「你還有時間呢 , 要再看看凱琪嗎 ? 」

「不用了 , 這樣的結局已經好美滿了」

還要感謝阿 Race 呢 , 若果冇左佢
我連阿琪都再見唔到

「Race , 多謝你」

「你不用多謝我呢 , 我都唔知帶你返來人間係o岩定錯呢 . . . 」

「點解咁講呀 ? 」

「你喜歡阿琪嗎 ? 我想你答多我一次」

其實 , 返來人間之後 , 佢一直都有問我係咪喜歡阿琪
阿 Race 話過佢係鬼差 , 唔會有感情
所以唔明白咩叫愛情
佢十分好奇 , 成日問我咩係愛 , 又成日問我愛阿琪 d 乜野
但係佢今次咁樣問 , 一定有 d 古怪

「係 . . . 我係好喜歡薛凱琪」

呢個時候 , 電視機畫面中 , Rose 訓左o係塊板度 , Jack 浸緊o係冰水度
阿 Race 睇到心都痛埋 , 淚如泉湧 . . .

「我本來唔應該再干涉你地o既事 , 但係 . . . 但係你快 d 去救阿琪啦 !」

「下 ! 發生咩事呀」

「佢想自殺呀 , 佢宜家就o係屋企天台」

呢個時候 , 電視機入面 , Jack 慢慢沒入o係又冰冷又無情的海水之中

估唔到 . . .
佢點解要咁傻 ?
我咬著唇 , 鼓起呢生人最後o既勇氣
就跑過去 . . .

我以最高速度跑到去凱琪屋企天台
佢原來已經坐上天台邊沿的欄杆
我立即衝上前阻止

「阿琪 , 別做傻事呀 !」

「點解又係你架 ? 你唔好過黎呀 !」

阿琪雙眼通紅 , 似乎大哭過一場
我站在原地郁都冇郁 , 見到佢距離跳落去只有一步之隔
自己亦好緊張 , 雙腳都發麻
我諗我要先了解發生咩事

「你可唔可以話我知發生咩事 ? 」

「你少管閒事好不好 , 我又唔係你邊個 , 你冇必要理我 」

o係了解發生咩事之前
我諗我要先令佢冷靜

「哈 ~ 你唔好咁先啦 , 等我講個笑話比你聽啦 , 從前花木蘭去打仗 . . . 」

「你收聲呀 ! 我想靜一下呀」

o係令佢冷靜之前
我諗我要先令佢信任我

「好 . . . 你放鬆 d 先 . . . 」

「我爸爸成日要離開香港做野 , 每個月先返屋企兩三日
到後來 , 我爸爸有第二個女人話想離婚 , 媽媽佢亦毫不在乎
直到琴日 , 我偷聽到佢地講緊點樣處理我 , 佢地兩個都唔想要我
將我推來推去呀 . . . 」

阿 Race 講過阿琪o既命運比我聽
佢父母離婚之後 , 會由佢姑姐照顧
到之後識到一位白馬王子 , 過住好幸福o既生活
但係我當日就帶左佢返屋企 , 比佢聽到佢父母話唔要佢 , 所以就睇唔開
我明白了 . . . 我甚麼都明白了
係我o既出現改變左佢o既命運
若果我冇出現 , 佢根本唔會有事 . . .
我 . . . 我一定唔會比佢有事
一定唔會比阿琪你有事

「其實仲有好多人愛你架 . . . 」

「誰都不愛我 , 不愛我呀 ! 」

「有 , 至少還有我 」

我從口袋裡拎出一個小小的紙盒
就是我每日都帶住的小紙盒
大概有一塊擦膠咁大
係我親手做的
打開了紙盒
然後入面就係一個五元硬幣
我遞到佢面前

「你還記得這個五元硬幣嗎 ? 」

佢搖一搖頭 , 我只好細心解釋

「我地第一次見面是o係小巴站
你冇帶散紙 , 你走黎問我借錢
結果我借左個五蚊比你
到第二日 , 你去我班房搵我
就係將呢一個五蚊還比我 . . . 」

阿琪首先呆了一呆
然後 , 伸手接過呢個維繫住我同佢o既五蚊
佢眼角流出了兩行淚水

我爬上欄杆 , 就正正o係佢隔離坐低

「你跳的話 , 我就跟你跳落去」

「其實 . . . 其實我根本唔值得你對我咁好 . . . 」

呢一刻 , 我同佢都靜左落黎
我知道佢個心亦軟下來

「我好傻吧 . . . 我諗冇人會好似我咁連一個五蚊都咁珍惜」

「不 . . . 你一定係一個很好 , 很好的男朋友」

「過獎了 , 我知道你都一樣會係一個好女朋友」

佢垂低頭笑左一笑
我知道佢大概已經平伏落黎

「我地先落去飲杯野吧 . . . 好嗎 ? 」

阿琪點一點頭
我o既拯救大計基本上已經完成
我先爬落欄杆
再捉住佢隻手 , 扶佢落黎
落左黎之後 , 佢依然捉住我隻手唔放 . . .
雙眼閃閃縮縮咁望住我

「那麼 . . . 那麼我可以做你這個好男友的女朋友嗎 ? 」

突然之間有如晴天霹靂
咩話 !?
阿琪竟然會咁講
佢咁樣一問 , 我瞬時之間唔知點答
無疑 , 我的確喜歡阿琪
但係 , 就係因為我喜歡阿琪 , 我唔想佢傷心難過
可憐o既我只係得返兩日命

我本來就唔應該出現o係度
我還應該怎去揀呢 ?

「唔 . . . 我好多缺點架 , 我喜歡上緊堂果陣放屁 」

「你好搞笑呢 . . . 」

王子呀王子 . . . 你做事唔可以吊兒郎當
要果斷 d !

「老實同你講 , 我 2 日之後就要去一處好遙遠o既地方」

「你 . . . 你要去外國嗎 ? 」

「大概應該係掛」

我見到阿琪個鼻子紅了 , 雙眼又濕了
對不起呢 . . .
我的確唔想呃你

「你會去幾耐架 ? . . . 我會等你架」

「我 . . . 我去好耐架 , 或者唔會再返黎」

「我地可以一直保持聯絡 , 又或者我可以去搵你 , 又或者 . . . 」

其實佢想同我一齊
或者只係因為頭先佢最需要安慰果陣
我剛好出現o係佢身邊
那份感情是真是假
我同佢都分唔清

不過有一樣野我還是分得清

「阿琪 , 我好喜歡你」

「2 日 , 呢兩日你可以做男朋友嗎 ? 即使只有 2 日就已經夠了」

o係呢個時候 , 我已經冇辦法去拒絕

我點一點頭
用手擦去佢o既淚珠
然後緊緊的抱住佢

. . . . .

>>May 16, 2004 at 4:39:57 PM GMT+8

2004 年 5 月 8 日 星期六 【晴】

今集好多字
大家比 d 心機睇
另外特別鳴謝星獸戰隊綠戰士墨 9 友情客串 (唔好見怪)

黑馬王子狂想曲 (12) ~*

還有 10 秒鐘
時針就指向 6 點正
是早上的 6 點正
係我重遇阿琪之後連續第 3 晚的失眠


愛上你就似夢遊仙境
到睜開了眼睛
夢初醒
才知道只是一場泡影

重遇你彷彿失去光明
分不清陰與晴
數星星
原來你是天上的神靈

是我的故事劇情
叫我不能與你談愛情


話雖如此
但係我依然會四處去搵下阿琪
即使淨係偷偷望佢也好
佢一個女仔在外邊好危險
只要我睇見佢安然無恙已經滿足

. . . . . .

天都黑了 , 今日好疲倦 , 但係依然搵唔到凱琪
正當我想放棄之際 , 我見到有個女仔o係對面個垃圾桶嘔
個背影好似阿琪 , 我諗如果係阿琪就好了
我走過對面 , 好瀟灑咁拎出一張紙巾遞到佢面前
個女仔轉頭望向我 , 雖然燈光好微弱 , 我依然認得佢係阿琪
但係佢好似飲到好醉 , 成身都係酒味

佢先開口問我
「你係咪王子呀 ? 」

「係呀 , 你做乜飲到咁醉呀 ? 」

佢一邊咳 , 一邊講
「你仲利害過 d 私家偵探 , 咁都比你搵到我」

「唔好講咁多住了 , 我送你返屋企啦」

「唔洗呀 ! 我冇屋企架 , 唔洗你咁好心呀 ! 」

「我 . . . 咁 . . . 」

「你走開啦你 , 走呀 !」

佢好似好醉 , 佢叫我走 , 咁我唯有走住先
不過我始終唔放心 , 唯有靜靜咁跟住佢
我見佢行都幾乎行唔穩 , 我好想過去扶著佢 , 但係我又唔敢 . . .

o係呢個時候 , 有三個彪形大漢迎面走過黎
個個黑色緊身衫 , 牛仔褲 , 手臂上條龍若隱若現
佢地眼金金望住阿琪
其中一個突然發難 , 捉住阿琪隻手
「妹妹仔 , 咁夜一個人好危險喎 , 跟大爺去玩啦」

阿琪即刻縮開隻手 , 仲刮左果個男人一巴
我當時o係個草叢後面睇住 , 標晒冷汗 , 心知不妙 . . .

果然 , 果個男人即刻捉返住阿琪隻手
「你夠膽打我 , 你知唔知我係邊個呀 ? 」
隔離有個男人即刻插咀
「你得罪我地麥狗哥 , 你今次大獲了」

麥狗哥即刻捲起衫袖
露出佢個蘇格蘭牧羊狗o既紋身

我知道我一定要出手阻止了
如果要報警 , 我諗差人未來到 , 凱琪就已經被麥狗哥溶左了
咁我唯有賻一舖啦

我o係果個草叢後面大叫
「警察 !!!! 全部人咪郁 !!!!」

好彩 , 麥狗哥佢地信以為真
頭都唔回就跑走了

我即刻衝上去睇下阿琪
「你有冇事呀 ? 」

佢即刻捉住我對手
「王子 , 我好驚呀」

「冇事了 , 宜家冇事了 . . . 」

剛才o既一幕英雄救美 , 相信o係阿琪心目中已經加左唔少印象分
但係 , 我驚麥狗佢地返來報復 , 還是先走為妙
「阿琪 , 我地去第二度先再講啦 . . . 」

我帶住阿琪去左另一個地方坐低
買左枝水比佢 , 等佢解解酒
慢慢 , 佢塊面冇咁紅了 , 酒氣亦開始散
佢首先開口問我
「點解你會幫我 ? 我唔會多謝你架」

「我唔洗你多謝 , 只係唔想見到你有事」

「我唔需要你對我咁好 , 你只係因為我媽媽叫你勸我返屋企先幫我」

「其實並唔係你媽媽叫我勸你返去 , 而係以前o既你叫我保護你」

「以前o既我 ? 」

「冇錯 , 我最初識你果陣 , 已經好想o係你身邊守護住你」

凱琪聽到之後呆左一陣 , 然後不停咁搖頭
「唔係架 . . . 你唔好o係度扮偉大 , 我唔信 . . . 唔信呀 ! . . . 」

阿琪 . . . 你信也好 , 不信也好
始終都係因為你 , 我先會返人間照顧你 . . .

突然之間 , 我感覺到一股殺氣
我回頭一望 . . . . 竟然係麥狗 . . . . . ! ! ! ! !
佢一定知道我頭先扮警察嚇走佢 , 所以返來報仇

佢露出兇狠o既眼神 , 一粒聲都冇出 , 除左件上衣
背脊係星獸戰隊綠戰士o既紋身
擺出一式「白鶴亮翅」 , 彷彿叫我隻抽

我當時冇得揀 , 唯有同佢拼命
我亦都除左上衣 . . .
「你唔好迫我出手」

麥狗個樣似乎胸有成竹
「我未驚過」

一場激戰在所難免
我唯有洗出絕招
首先氣聚丹田
打通任督二脈
雙手放在心口
然後大叫

「非禮呀 ! 有人想強姦我呀 . . . 唔好呀 ! ! 」

樓上住宅有 30 % 單位開返燈
有 10 % 住戶伸個頭出黎睇
更有 5 % 住戶開定包花生 , 汽水 , 諗住慢慢欣賞

麥狗即刻嚇到呆晒
眾目睽睽之下 , 佢都唔敢亂來
唯有一走了之 . . .

黑馬王子又戰勝一場 ~

我立即著返衫 . . .
然後見到阿琪原來忍唔住笑了
「王子 , 你真係好利害呀 . . . 」

「洗乜講 . . . 」

「我記得你以前好似冇咁大膽架 . . . 」

「係呀 , 果陣 . . . 」

. . . . . . . . . . . .

我同阿琪傾左好耐 . . .
我覺得佢本性一 d 都唔壞
難怪我會鍾意佢

「王子 , 我想返屋企了 . . . 」

「真係 ? 」

「不過我要你揹我返去 , 因為我好眼訓了」

「好 . . . 冇問題」

佢爬上我背脊 , 個頭伏o係我膊頭

個天開始光 , 東邊o既一絲絲陽光令本來漆黑o既天空染成魚肚白色
我揹住凱琪一步一步咁行
我心諗 , 如果條路一直都行唔晒就好了

. . . . . . . .

「阿琪 , 到了 , 起身了 . . . 」

阿琪佢掙開佢果對大眼睛
「王子 , 多謝你呀」

「唔洗客氣」

「我走了 , 再見 . . . 」

「再見 . . . 」

我大堂望見佢入 lift
lift 門慢慢關上
我寄望真的可以「再見」

我正想走之際
lift 門又打開
阿琪走了出來

「你上次果套哈姆太郎 , 可以送比我嗎 ? 」

「嗯 . . . 好呀」

其實要我把整個自己送比你
都一樣冇問題

. . . . .

>>May 9, 2004 at 6:15:18 PM GMT+8

2004 年 5 月 7 日 星期五 【晴】

最近我幾乎跌到人生o既谷底
做咩都唔順利
感覺自己好似冇乜動力


呢幾日開始會考 , 見到好多中五學生好努力
諗返起上年 , 我都曾經同佢地一樣
上年會考o既感覺係好焗 , 好唔舒服
到放榜果日 , 原來我有 14 分 , 可以升原校
我仲以為乜野都捱過了
其實我只係過左一關 , 仲有大把等住我

我自細就唔多鍾意讀書
每次都係考試先溫
到宜家中六讀 d 野難過以前好多
唔係溫一陣就得
我已經有心無力了

不過我都唔係完全放棄
我宜家開始培養溫書習慣
又有同阿 pat , 麥狗同肥濃去自修室溫書
一溫就溫 6 , 7 個鐘
希望成績可以進步返

荔枝角圖書館好耐冇見
依然屹立不倒
除左隔離多左西鐵站 , 咩都冇變過

我又同佢地行左嶺南之「巔」一個圈
仲係咁好玩

其實呢度有好多回憶 . . .


至於學生會工作方面非常頹廢
完左好忙o既社際球賽之後又回復一片平靜
一係打波 , 一係各自四散
我相信應該有好多人話今年o既學生會好廢
我唔否認
但係做學生會唔難
做得好就難
而且我地好似一堆羊仔咁
要有阿 sir 或者 miss 帶住先識做野
加上已經冇晒最初上任o既士氣
其實我諗我比較適合做普通學生

另外 , 我最近混入 Prefect 入面做臥底
可惜已經被人革左職 . . . ><

除此之外 , 最近打波好似冇乜好
四肢無力 , 手風奇差
身為「亞太區最受歡迎控球中鋒」o既我
實在難向 fans 交代


低潮 . . . 我o既人生陷入低潮
我o既前途一片灰暗
心靈好空虛
My Heart is Empty . . .

呢個星期 , 唯一令我覺得好舒服o既就係同小學同學仲有梁 sir食飯果陣
同佢地一齊唔知點解會好放鬆 , 冇乜壓迫感
我地星期五晚去左 Pizza Hut 食野
宜家裝修到好靚
我地一路食一路傾
食完之後就叫梁 sir 幫我地睇掌

梁 sir 話我年少時好多感情事
到左大過之後會好專一 , 唔會臨老入花叢
大概 30 歲之後先結婚
不過老婆會好惡 , 而且唔靚 (-_- ") . . . .
事業方面唔太穩定
後期先有工作做得長

無論命運點都好 , 都要面對
唯有樂觀 d . . . .

>>May 8, 2004 at 8:11:48 PM GMT+8

2004 年 5 月 1 日 星期六 【晴】

無論麥狗幾唔認同都好
薜凱琪是屬於我的


黑馬王子狂想曲 (11) ~*

不知不覺過左半個月
可惜連阿琪一面都見唔到
我有時會打開校刊 , 望一望阿琪張班相
然後再問自己

「王子 , 你有後悔過嗎 ? 」

「沒有 , 根本沒有甚麼要後悔 , 反正是我自己揀的」

就算我再堅強也好 , 始終敵不過理智
我還可以用甚麼蓋著我的失落呢 ?


其實我心裏很清楚
你不會愛上我

從前與你擦肩而過
你不當作甚麼

是我當初想得太多
現在才會難過

唯獨是你一個
才令我得到這結果

或者我是燈蛾 , 你是火
明知只有痛楚 , 只有坎坷
我都不去躲

喜歡你這一個
是因為你的確太不錯
抑或我太傻 ?

. . . . .

「阿 Race , 你可唔可以話比我聽阿琪o係邊呀 ?」

Race 又飄出來了 . . . .

「好吧 . . . 但係你要應承我一樣野 . . . 」

「係咩呀 ? 」

「無論你遇到佢之後發生咩事 , 你都唔可以唔開心 , 好嗎 ? 」

「冇問題 . . . 」

「嗯 . . . 佢o係一個叫文娛o既地方」

阿 Race o既表情唔太好
加上佢又咁樣問我
我估到就算我搵到阿琪都一定會有唔妥

不過我冇時間去諗
我帶住一袋o既「哈姆太郎夢幻樂園」去搵阿琪

文娛 . . .
我去到文娛除左見到有班傻仔o係度打波之外就乜人都冇
就當我正想放棄之際
我聽到有人叫我

「王子同學 ~ 」

我回頭一看 , 我憑感覺就估到就係阿琪了
不過我見到阿琪之後 , 不禁嚇了一跳

深紅色的頭髮 , 黑色的眼影 , 耳珠掛住一串長長的耳環
衣著好誇張 , 就好似 d 暴風少女一樣
佢身邊有個女仔都係類似o既打扮 , 手指間夾住支煙

兩星期冇見過佢 , 估唔到佢個外表變晒
真係難以置信

仲o係我嚇呆緊o既時候
阿琪同隔離個女仔行左過黎o係我面前o既石椅坐低
而我一直都企o係度

「王子殿下 , 小女子好耐見你了」

「係呀 . . . 好耐冇見 . . . 你最近點解唔返學o既 ?」

「算啦 . . . 唔開心o既野唔好提了 , 你做乜黎呢度o既 ? 」

「我 . . 我係故意黎搵你的 , 你媽媽叫我勸你回家」

阿琪面色即刻變晒 . . .

我知道我一定講錯野了
我明知阿琪係因為屋企人先離家出走
宜家我又替佢媽媽勸佢返屋企
我諗阿琪一定係以為我係同佢對立了

「咁你走啦 , 我同你冇野好講」

「唔係呀 . . . . 你聽我講先啦」

不過o係我表明我立場之前
阿琪隔離果個女仔已經企起身
用佢手上枝煙指住我

「Fiona 叫你走呀 , 你聽唔聽到架 !? 再唔走我一拳打爆你 !」

咁o既情況之下 , 我還是先走為妙
不過o係走之前 , 我一定要將我果一袋哈姆太郎送比阿琪

「好 . . . 我走 . . . 不過我走之前 , 我有野送比你 . . . 」

我張開袋口
將沉甸甸的整袋哈姆太郎遞到阿琪面前
我心入面正諗緊阿琪一定會好開心了

但係阿琪一手就撥開
即使係咁 , 我仍然見到佢眼中閃過一剎那的光芒

「無論你做咩都好 , 我都唔會返屋企」

「唔係呀 . . . 我只係純綷想送比你」

但係阿琪個 fd 似乎好唔奈煩
一腳就踢向我袋哈姆太郎 . . .
就係呢一踢 , 我成袋哈姆太郎跌晒落地

「哈 . . . 你笑死我了 . . . 哈姆太郎 !? 你慳 d 啦 , 死傻仔 !」

果一腳就好似踢中我個心咁
好痛 . . . 好痛

阿琪o係呢個時候都企起身 , 諗住走了
佢回頭對我講左一句

「你慳返 d 心機去討好第二個啦」

之後 , 阿琪同佢個 fd 就走了
佢地o既背影越來越細
我的心就越來越痛

阿琪冷寞丟下的一句
幾乎令我企唔直

我蹲低身 , 一隻一隻的執起哈姆太郎
四周圍的目光都集中o係我身上
我執齊返晒之後馬上就走

我一邊跑 , 一邊諗
點解我要受呢 d 委屈呢 ?

鼻子好酸
眼淚忍住好辛苦

阿 Race o係呢個時候又出現了

「王子 , 你應承過我唔可以唔開心架 . . . 」

「冇呀 . . . 我先冇唔開心呀」

「你講過你仲係鍾意阿琪 , 宜家仲係嗎 ? 」

「我 . . . 我大概係掛」

我知道阿琪原本唔係咁

我是知道的 . . .

>>May 1, 2004 at 7:13:44 PM GMT+8

2004 年 4 月 30 日 星期五 【晴】

呢個星期又係好忙
忙社際球賽 d 野

社際球賽決賽
仁社輸左比勤社
我入左 5 分 , 算係不過不失

至於成績方面
pure maths 兩次測驗分別獲得 0 分和 1 分
慘不忍睹 . . . . .

要努力 ! !

>>May 1, 2004 at 7:21:32 PM GMT+8

2004 年 4 月 25 日 星期日 【晴】

好多人都成日問故事入面o既阿琪係邊個
紙始終包唔住火
其實佢就係薜凱琪 ~ *

. . . . . . . . . .

黑馬王子狂想曲 (10) ~ *

最後一啖朱古力布丁都食完了
又食完一個開心樂園餐
今次換左個摩天輪

阿琪講過佢最鍾意哈姆太郎
所以我想o係我有生之年送個哈姆太郎比佢

1 . . 2 . . 3 . . 4 . . 5 . . 6 . . 7 . . 8 . . 9 . . 10 . . 11
有十一隻哈姆太郎 . . .

「Kai 豪哥 , 仲差一隻 , 聽日再黎食啦 , 我想換齊一套先送比阿琪」

「唔好了 , 比人見到唔係咁好 」

「不過就快冇時間了」

「佢推廣三個月架 , 慢慢換啦 , 我地有大把時間」

但係 . . .
kai 豪哥你有時間
我根本就乜時間了
我只係想一分一秒都唔浪費

我又再故意行去四樓
但係總係少一種感覺 . . . .

最近好似冇乜見過阿琪
幾次故意去搵佢都搵唔到
直到我經過訓導室先知道原因

針 sir 同一個後生太太傾緊計
我本來淨係好奇想偷聽
但係就俾我發現左件大秘密

針 sir 烚熟狗頭咁首先開口
「薛太 , 關於令千金缺席接近兩星期o既事 , 我地校方想了解下」

薛太沉默左一陣 , 我知道阿琪冇返學一定係有苦衷
「凱琪佢呢兩個星期都冇返屋企了 , 大概離家出走吧」

「離家出走 ? 因為咩事呀 ?」

薛太似乎漠不關心咁 . . .
「我同我先生正辦緊離婚手續 , 可能少左時間去理凱琪」

「咁你地有冇去搵過凱琪呀 ? 」

「有 , 不過搵到佢都冇用 , 鬧佢都唔返 , 唔通打佢咩 ? 」

「我都明白 , 家家有本難唸的經呢 」

. . . . . . .

原來阿琪有著一個咁樣o既故事
針 sir 同薛太傾左大概 5 分鐘 , 薜太就話趕時間要走了
就o係薛太走果陣 , 我o係學校門口叫停左佢

「薜太 , 可以等一等嗎 ? 」

佢回頭望左我一眼 , 我即刻走上前

「我係凱琪o既朋友 , 我有咩可以幫到佢呀 ? 」

「哦 . . . 咁你幫我勸一勸佢返屋企啦」

「好 . . . 但係我諗每個仔女都希望有爸爸媽媽o既關心」

我講左呢一句 , 薛太面色都唔同左
但係就算多管閒事都好 , 我都要講
如果唔係阿琪返到去都冇意思

「呢樣唔洗你擔心 , 佢肯返黎o既話 , 我會好好對佢」

「咁一言為定啦 , 再見 . . . 」

阿琪佢離家出走 , 一定受唔少委屈了
o係我剩低o既日子中 , 我可唔可以搵到阿琪呢 ?

我打開我個 Locker
十一隻哈姆太郎幾乎裝滿左一個大紙袋
就好似我個心一樣沉甸甸的
我曾經為左呢 d 哈姆太郎付出過面子和心血
我好想能夠交去阿琪手中 . . . .

到左放學 , 我帶住袋哈姆太郎走
希望可以o係第一次遇到佢o既車站見返佢
可惜佢冇出現 . . . .

到夜晚 , 阿 Race 又同我傾計

「王子 , 若果阿琪學壞了 , 你仲會唔鍾意佢呀 ?」

「我 . . . 我會 . . . 」

>>April 26, 2004 at 3:53:11 PM GMT+8