2004 年 11 月 24 日 星期三 【晴】

今日測 English paper E
冇帶錶 , 所以做得時快時慢
應該唔會高分

成過測驗過程都有諗住琴日場波
好難先集中到 . . . .

測完之後去左吉野家食早餐
食飽飽之後返屋企訓覺

訓到 4 點鐘起身
去左荔枝角圖書館溫書
有阿圈同傻威
我去到溫 pure maths
溫溫下先發覺冇帶 Conic 果度 d 筆記
所以溫左唔夠 3 個鐘就溫晒 d notes
大約 8 點鐘返屋企再溫過

>>November 28, 2004 at 7:19:15 AM GMT+8

2004 年 11 月 23 日 星期二 【晴】

今日要打籃球學屆
對全完
呢場波係我人生中第一次 , 亦係最後一次代表學校打籃球
所以好緊張

其實都係籃球隊唔夠人先拉我去打
以我的水平出到學屆根本未夠班
所以我又有 d 驚拖累佢地

上年最後 2 堂 physics 堂
執齊野就坐的士去青衣體育館
去到熱下身 , 練下波
4 點正開波

初頭 d 分數咬得好緊
我第一節中段換入去
之後都一直打落去

我負責搶籃板同防守人地個 11 號
不過佢冇乜拎波

我地本來越打越好
最多果陣贏到 5 分
第三節完果陣領先 31 : 29

到左第四節
佢地換左個光頭 14 號出黎
有幾球同佢爭籃板都爭唔到
比佢執雞執左兩球
而且佢地成隊好似食左藥咁
球球都入
我地就打到好亂
之後慢慢輸返晒 . . . .

最後輸 35 : 55
第四節輸 4 : 26 . . . . .

今場波真係好大打擊
我以往 7 年都係打手球隊
從來只有顧超文狂數人地
未試夠比人炒
就算輸都只會輸少少
而呢場波領先緊之後輸咁多
條氣真係好唔順

最後坐地鐵回家
一邊發呆一邊諗住場波 . . ..

>>November 28, 2004 at 7:07:38 AM GMT+8

2004 年 11 月 21 日 星期日 【晴】

無驚無險又寫完一集
因為未諗到結局 , 但係諗到新劇情
我諗宜家個故事應該有 25 集

黑馬王子狂想曲 (22) ~*

八百六十三 . . . 八百六十四 . . . 八百六十五 . . .

數錯了兩 , 三次
今次應該數得差不多了 . . .

一陣冷風吹過 , 原來天氣都變得這樣冷
薛凱琪呀 , 你那邊都轉冷嗎 ?
沒有我在你身邊噓寒問暖 , 你又習慣嗎 ?

如果你覺得冷 , 我可以除這件褸子給你穿
如果你肚子餓 , 我們可以到長發打邊爐
如果你在我身邊 , 我會捉住你的手不放開
如果你就在旁邊的那條馬路 , 就算有車子撞過來我都會走過去 . . .

咦 . . .
對面馬路不是薛凱琪嗎 ?
原來星星沒有白數哩

她一個人寂寞的散步 . . .
這樣子令我突然之間很心痛
鼻子都酸起來

我沒有叫她 , 只是一步步走過去
還有練習著碰面後要說的對白

就在她要過馬路的同時
突然馬路上衝出了一輛墨斗貨車
我毫不猶疑就撲了出去
把她由馬路中心推到對面行人路
然後 . . . .

「碰 . . . . 」

真是丟臉呢
我又被車撞到了 . . .
之前一次才不過是三個月前
那一次借用了三十天回到人間
最後 Race 更幫助我復活

所以之後至今的三個月都是賺回來
也許我與薛凱琪這個女孩子根本就是有緣無份
如今就算要我死都無話可說
這樣很公平呢 . . .

. . . . . . . .

. . . . . . .

. . . . . .

. . . . .

. . . .

. . .

我將開眼
發覺我的頭很痛
腦中一片空白 , 甚麼都沒有

「究竟發生了甚麼事 ? 有誰可以回答我呀 ? 」

然後有一個著白袍的男人走過來

「你醒來就好了 , 先冷靜一點 , 我是醫生 , 這裏是醫院 . . . . 」

我稍微有一點印象 , 腦中只有「紅燈」 , 「墨斗貨車」等零碎片段
耳邊還有一陣刺耳的煞車聲音

「我 . . . 我之前 . . 發生了甚麼事 ? 為甚麼會 . . . 」

那個醫生一面紀錄儀器的數據 , 一邊告訴我

「你三天前被車撞到了 , 大腦受了震盪 , 可能會暫時性或永久性失去某部份記憶 . . . 」

我吞一吞口水 , 又摸一摸自己的頭

「我有方法恢復記憶嗎 ? 」

醫生將寫完的資料交給旁邊的護士 , 然後用中指托一托眼鏡框

「見一見你的家人或者你認識的人都可以刺激你的記憶 , 差不多這個時候了 , 很快就會有人來探你 」

「有人探我 ? 是甚麼人呀 ? 」

「是呀 , 有一個漂亮的女孩子 , 就是陪你送來醫院的那一個 , 她前天和昨天在這個時候來過 , 哭得床單都濕了幾張 , 她或者可以令你恢復記憶 」

這個時候 , 我感覺到面上很熱 , 然後心卜卜的跳 , 這一種滋味很熟悉

醫生笑了一笑 , 然後又繼續說

「你先好好休息一會兒 , 我要去預備替你做一個全身檢查 」

我乖乖躺在床上
醫生出了病房才不到兩分鐘
房門又打開了 , 然後有兩個女孩子走進來

其中一個穿著校服 , 書包用顏料寫了「 Stephy 」六個是英文字母
另一個梳小馬尾 , 額頭對上的位置夾了一個紫色髮夾

. . . . . . .

這兩個女孩子究竟是誰呢 ?

>>November 22, 2004 at 2:32:27 PM GMT+8

2004 年 11 月 20 日 星期六 【晴】

今日要打學屆手球
對李惠利

琴日屙到 7 彩
今朝食左 d 藥
又開始食返 d 野
但係冇乜胃口

大概 10 : 45 出發去青衣
11 點幾去到青衣公園換衫 , 熱身

12 點正開波
一開始頭 3 球都係同一個模式
家傑帶波拉開左 2 個人 , 然後我移去左邊
佢一傳過來我就空晒 , 基本上淨係射龍門
唔夠 2 分鐘我就入 3 球
不過李惠利都唔弱 , 幾次比佢地追平
之後我果邊 d 人密晒 , 冇乜位可以走
打到一半比人撞親個咀
d 血係咁流
之後要出場漱口 . . . .

上半場領先 12 比 8

下半場一開始比佢地追返 12 比 10
好彩之後拉返開
最遠拉到 17 比 10
全場鸁 20 比 13

今日入 6 球 , 1 張黃牌 ( 衰多口 )

晏晝去左葵芳打波
我仲以為家傑約左好多人
不過淨係約左左輪同基哥

呢兩日食左唔夠兩餐
加上朝早打完手球
我打左唔夠半個鐘就抽筋
家傑同基哥朝早都有打手球
大家輪住抽筋

今日冇晒力 . . . . .

>>November 22, 2004 at 2:14:24 PM GMT+8

2004 年 11 月 19 日 星期五 【晴】

今日肚屙 . . . .
屙左 4 , 5 次 . . .

晏晝冇得返學打手球
諗住夜晚好返 d 去青衣打波
點知上車果陣食返少少野又痛返

之後去到青衣企直都隱隱作痛
打一陣又要休息一陣
種感覺就好似比人打左幾拳
雙腳又冇力 . . . .

最後我 9 點幾就走左喇

>>November 22, 2004 at 1:41:32 PM GMT+8

2004 年 11 月 18 日 星期四 【晴】

最近要測驗
所以有去圖書館溫書

中文一般
Physics 凍過水 . . .

今日同 Rocky , 圈 , Kai 豪去左荔枝角圖書館溫書
我帶左電腦 d notes 去溫
d notes 超過 100 頁
頁頁都印滿字 . . .

我 3 點幾先去到
溫左唔夠一個鐘就同佢地出左去餵金魚
我帶左一包餅
去到公園個湖度先發現冇乜魚 , 但係多左好多龜
之後我掉左好多餅碎落去
初頭 d 魚唔食 , d 龜食
但係 d 龜食食下又吐返晒出來
玩左大概半個鐘又返去溫書

溫到差唔多 7 點
大家去左海皇粥店食野

食完之後去左嶺南之風玩
我地先行園林藝術
超有詩人風味
同古代好似只在咫尺之間
中途有條石春路
我地個除鞋行
kai 豪第一 , 我第二 , Rocky 同圈有暗病 , 行唔快 . . . 哈哈 . . . .
之後又四圍行 . . .

行到去個兒童遊樂場
又玩左一陣
又玩左健身果 d

果度又起左 d 新野 , 睇左陣

最後玩到 8 點幾先走 . . . .
今日好玩

>>November 22, 2004 at 1:29:08 PM GMT+8

2004 年 11 月 10 日 星期三 【晴】

<< 孤單王子 >>


在你的背後
我特別溫柔
為了一個簡單的理由

其實我想拖緊你的手
然後
做你的男朋友

告訢你我暗戀你有多久
原來又過了一個秋
還記得最初的感受
發現感覺還未變舊

若果我明天要走
你會是歡喜還是憂愁 ?
臨別依依的揮手
藏著我的愛你感到沒有 ?

是我們之間緣份不夠 ?
還是我面皮不夠厚
不敢對你開口 ?

到最後
難得忍住眼淚不流
誰來拯救 ?

就當我未有資格擁有
怕捉緊你之後
沾污你高貴的一雙手

最好一切都是虛構
誰喜歡誰都既往不咎

我點一點頭
承認望見你笑就足夠


By 黑馬王子

>>November 11, 2004 at 4:04:19 PM GMT+8

2004 年 11 月 8 日 星期一 【晴】

終於又寫完一集了 . . .
首先我承認我個故事虎頭蛇尾 , 我又承認今集劇情比較勉強
不過我會盡力比心機寫埋最後果 1 or 2 集

黑馬王子狂想曲 (21) ~*

我要追薛凱琪 , 還是回去看 Stephy 呢 ?

人命關天 , 我始終跑回去找 Stephy

我一邊跑一邊回頭看 , 眼見薜凱琪的背影越來越遠
然後在一個街角消失 . . . .

我走到原來的海邊 , 卻一個人都沒有
背後卻傳來一陣笑聲 . . .

「哈哈 . . . 王子先生 , 你捨得回來了嗎 ?」

我又驚喜又憤怒
原來 Stephy 根本沒有跳下海

「究竟發生甚麼事 ?」

Stephy 毫不在意 , 向我扮了一個鬼臉

「我說過如果你追 fiona , 我就跳下去 . . . 不過現在你不是回來我身邊嗎 ?所以我才沒有跳 , 只不過有塊大石頭自己滾了下去。」

「可惡 . . 原來你是這樣狡猾 . . . . 你為甚麼要這樣做 ? 」

她似乎出奇的喜悅 , 一邊笑一邊哼歌

「其實一切都是我的圈套 , 由最初要你到這裏 , 是我騙你的 , 直到今天 fiona 的出現 , 都是我的計劃。」

「我不明白 . . . 」

現代的女孩子真攻心計 , 做男孩子的少一點心血都捱不住
然後 Stephy 認真起來 , 一本正經的樣子

「我跟 fiona 從小就認識 , 一起成長一起讀書 , 其他人總喜歡拿我們來比較 , 不過大家都認為她比我好 . . . . 我每天都跟她成雙成對 , 就似孖公仔一樣 . . . . 可惜 , 在別人眼中 , 我總是她身邊的配角。 」

「所以係妒忌她 ? 」

「不是妒忌 , 我只想證明我不會輸給她 . . .」

我開始有頭緒了 , 原來 Stephy 不是喜歡我而接近我
這樣的做法 , 對我這麼脆弱的男孩子來說未免太過份吧

「就當你贏了 , 但你又得到些甚麼呢 ? 」

「難道你一點都不喜歡我嗎 ? 我一點都比不上她嗎 ? 你跟她根本不是情侶 , 你大可以選擇我呀 . . . 」

其實我與薛凱琪的關係 , Stephy 根本都不知道
我就算再解釋 , 她都不會明白

「你有所不知了 . . . 由此至終 , 我的心只有薜凱琪」

望住面前的 Stephy , 我想起了一件往事 . . .

「你別再任性了 , 好嗎 ? fiona 以前跟過我說 , 她有一個好朋友要介紹我認識 , 就是 Stephy . . . 就是你呀 ! 難道你不知道 fiona 一直都將你當做好朋友嗎 ? 」

我見 Stephy 的眼角流露了一絲柔情
還好「打感情牌」有效
否則由我跳海算了 . . .

「你不明白嗎 ? 一個好朋友其實比一個情人更難得 . . . 你現在跟我找 fiona 解釋 , 你們依然是好朋友」

Stephy 好像呆了一樣 , 然後只是倔強地點一點頭
我知道 Stephy 可能未能接受面前的事實 , 我只好拉住她 , 一起跑向薜凱琪撇開我的方向 . . . .

不過 , 每個故事的女主角都比較難找
連灰姑娘中的王子都尚且如此
何況我根本不是甚麼王子

走了兩 , 三小時 , 花盡了心思四處找 , 卻找不到她 . . .

天黑了 , 人少了 , 街也靜了
最後我先送 Stephy 回家 , 然後一個人回到海旁
我希望薜凱琪會在那裡等著我 , 就似以前一樣向我揮手
可惜海旁一個人都沒有 . . .

身後的 Pizza Hut 都打烊了
旁邊的情侶都回家睡覺
就連小貓貓都跑來向我打呵欠
孤單的我不是無家可歸 , 而是有家不想歸

我望著許了一個願 . . .

「神呀 , 如果我把天上的星星數完 , 就讓薛凱琪回到我身邊 , 好嗎 ? 」

第一顆 , 第兩顆 , 第三顆 , 第四顆 . . . . .

. . . . . .

第一百二十五顆 . . .

咦 . . . 這一顆 . . .
加上這一顆 , 再加上那邊的兩顆
形成了輪廓
然後中間最光的兩顆是眼睛
這不就是你的樣子嗎 ?

薛凱琪呀 . . .
我總是覺得你現在和我一樣望著同一個天空 , 數著同一樣的星星
我會耐心把星星數完 , 那麼我可以找到你嗎 ?

>>November 9, 2004 at 1:49:45 PM GMT+8

2004 年 11 月 6 日 星期六 【晴】

今日要打學屆手球第一場
對李兆基

其實上年升左中六之後都冇乜練過手球
而且甲組都唔夠人
今年的目標都係第 2 名架喇

3 點鐘去到球場 , 大概 3 點半先齊人
只得 8 個人
之後換衫 , 練波 , 睇比賽

不過 check 證果陣 , 家傑張證o係李 sir 度
咁即係話佢冇得出
我地得返 7 個
o岩o岩好夠人 . . . .

本來諗住一定好難打
但係好彩李兆基唔勁
我地越打越順
上半場贏 10 比 0

我最後一秒入多球架
不過球證話唔計

到左下半場都打得好好
打到一半果陣 , 黑仔食紅牌
我覺得 d 球證亂咁來
以前都未見過咁易就紅牌

最後得返 6 個人
捱到最後 2 分鐘比人破蛋 . . .

最後贏 17 比 1
算係精彩

我今日入 4 球 , 0 張黃牌

希望下場繼續贏

>>November 9, 2004 at 1:42:39 PM GMT+8

2004 年 11 月 5 日 星期五 【晴】

<< 我是笨男孩 >>


你知道我是誰嗎 ?
還是不認識我吧
你可否向我微笑一下
讓我對你少一點牽掛

你今天過得好嗎 ?
如果你不開心的話
我樂意送你一朵小黃花
希望你甚麼都不用怕

若果你孤單的話
我做你的男朋友好嗎 ?
我會對你真心不假
再多的心機我都願意花

將來的婚禮不必太豪華
要平凡中帶一點火花
最好加上迴旋木馬
才會浪漫得像一幅水彩畫

即使水彩會化
我的心卻不會化



By 黑馬王子

>>November 5, 2004 at 5:09:43 PM GMT+8