2003 年 12 月 27 日 星期六 【晴】

love u ~ oyan~

>>December 28, 2003 at 1:26:45 AM GMT+8

2003 年 12 月 26 日 星期五 【晴】

頭先都幾搞笑，
義工o個個Eliza打俾我，先講一輪近況，然後再問我有冇其他義工向我報一月份既duty，哈哈，繼而佢問我個髮型宜家點喎，佢話佢好掛住我個髮型！ hahaha......"健在"

係喎，仲有，今日收到義務發展局既信！
今年我終於唔係再係"新力軍"獎喇！
終於起碼係"銅獎"喇！勁開心！
不過都幾辛苦架，得來不易！！
今年2月先頒，地點又係同上年一樣，香格里拉hotel。
勁開心！

>>December 27, 2003 at 12:01:39 PM GMT+8

2003 年 12 月 26 日 星期五 【晴】

曾經有人說過︰人，是化了身的刺蝟。

因為怕受傷害、怕被攻擊，
因此往往穿上尖銳的刺衣。
人與人之間的關係自然距著彼此刺般長的距離，
當他們想靠近在一起，卻會被刺互相刺傷.......
因此，要拉近距離，刺蝟切定要先脫去刺衣，才能互相緊靠。

>>December 27, 2003 at 11:12:54 AM GMT+8

2003 年 12 月 26 日 星期五 【晴】

今日同oyan去旺角買冷喎``````````要我幫佢眼喎````````
咁我就順個便去加長&加粗條手鍊啦~
我地先去"面譜"食冬陰公車仔面，好耐冇食喇！
唔知係唔係轉左人呢，今日個男人勁好招呼，仲介紹d二人set lunch俾我地，
又同我地講笑，
不過個湯底好似冇以前咁濃郁呀，淡左d。
個死婆都唔知同斌講左d乜！
之後就去揀"冷"啦，唉，有個煩人不停問我同一個問題喎！
then我地就去家樂，haha，原來我都係一樣咁煩架喎。
之後我地就行新世紀，其實我地都志不在此，志在傾計仔~
勁開心！竟然俾我地撞到澤昕同佢呀哥+佢d friend！
澤昕爆左個頭.......同冇電有乜分別呀﹖﹖
then我地就用電話影相~ then "merry christmas" to him~


我真係架，我覺得要多謝呀tim囉，
自從有呀tim呢個人之後，令我同oyan感情好左，
而且最近呢個月既出街次數比起上年全年既次數多喎！
兩個傻婆o係條街度笑既話題又有；認真既又有；互"串"既又有~
我明你既感受呀，如果我見到自己既朋友開始變得現實既時候，
我諗....我一定會比你更接受唔到，更加....down。
我真係明你感受，呢個社會....係現實。

今日忽然自己走既時候諗左好多野....
過馬路、搭電梯既時候，好多時有d人都好禮讓，總係讓人先，
但係偏偏突然間琴日有人同我講︰咁樣你有排都未過到啦，你睇，包尾添！
我突然間覺得，係喎，其他人往往都唔會理你既好意，有時仲會覺得你會阻住佢tim....
咁...係唔係一定要同人爭先恐後呢...?
好多人都話呢個社會係現實既，
你讓人既時候，人地都未必會感激你，甚至會利用你為自己上位.......令你落後....
咁.....但係，禮讓，係一個美德。點解美德好似.....不再被重視? 反被視為"傻仔"行為?
冇情﹖現實的世界變得冇情﹖
又要領先，又要保存美德，可以嗎﹖
可惜，有得必有失，兩者不能共存﹖

不過，總深信一千個人內總會有一個人還有"堅持"的。



記住呀~oyan~
你31號織得切就有神秘禮物一份~
仲有，x磅之後一餐飯！

>>December 27, 2003 at 10:34:33 AM GMT+8

2003 年 12 月 26 日 星期五 【晴】

今朝媽咪買完送同我講，
宜家街市買個木瓜都可以"嘟"八達通........唔係化.....

>>December 27, 2003 at 2:38:55 AM GMT+8

2003 年 12 月 25 日 星期四 【晴】

同媽食完lunch就一個人去搵新田圍，
多得個的士佬咋，佢勁落力幫我搵o個幢樓，
仲o係的士入面向街大嗌幫我問，超好人。

then就同斌出左沙田，
再去添馬艦again，然後再搭船出返尖咀，
途中，唉，算。
之後食埋野就返屋企lu。
今日收到一隻錶同一張咭，傻人。
不過佢袋埋我隻舊錶走囉...
then傾到點幾就訓喇。

>>December 27, 2003 at 2:41:30 AM GMT+8

2003 年 12 月 24 日 星期三 【晴】

今日8:00醒，典到9:30，就叫埋呀柴起身，
因為今日要返church~
一起身沖涼呀，呆坐呀......
hehe，最後我地都late左~
冇乜精神呀....

返到church，嘩，好多人，好壯觀，
我未見過咁多人！相比我地兩個，有點冷清...
then撞見老林~
諗番起上年，佢都話我、step、7仔仲o係佢屋企交換禮物，
而且仲有carol、carman同我地一齊返church tim....
係啦.......咁就一年喇....好多野都唔同晒...

然後我同柴就去食野，然後就去買防水手套，
then再行trendy、家樂，然後再去卓悅買暖蛋芯for北京，
然後就返home喇。

原本想訓覺，不過醒起未拆card，
then就發覺有d人收到既禮物竟然o係我度囉~~~~~
睇晒d card (s)喇！

um.........你地寫既野，我都有同感...
「自入左樹仁後好似變左另一個人....」
我自己都覺，冇左...一d野，冇左中67既衝勁.....冇左...??
好多野都睇淡左，好多野都......係唔係我自己諗左已經早已定數咁呢﹖
你地張張card都寫想同我share happy & sadness，我好感動，
我....唔係收埋.....之不過唔知點去講，而且....懶去講....
我都知我收埋係唔好，ok，try my best。 你地對我太好。
其實我...宜家都算幾開心，
有好多野都應該令我開心，
只係我冇表現出黎，用平常心去面對，
不過間歇性情緒低落症都好難避免，
可能唔想自己情緒起伏大，所以保持平情吧。

聽日係ben生日，希望佢生日可以開開心心。

仲有呀，琴日打hot pot時收到家姐同姐夫個電話，我同佢兩個都講左陣，
我地仲互相講merry christmas，其實我覺得o個一刻好感動，
諗起以前，我地一定唔會咁，而且從未試過，
反而今年下半年開始同家姐感情好左好多，
佢又問我幾時去澳洲咁....
今日先同柴講番同家姐d野，我問咁多年黎宜家先friend返，究竟係唔係遲左d?
but呀柴個答案好好︰好多野，it's never too late！
嗯！


各位，merry christmas。

>>December 25, 2003 at 9:47:04 AM GMT+8

2003 年 12 月 23 日 星期二 【晴】

唉，又係咁鬼準時咁4點"擲"醒就眼光光。
一早就收到oyan個電話話佢俾人放飛機，
then我就俾人搵左去"攝"時間啦~
我地出左九龍灣，
先黎一個delifrance，
然後我地就用oyan部電話影相仔~
再去行下，買左件紅nike衫，
然後呀柴到左俾袋野我拎住，
佢又同左oyan影左兩張傻仔相~

然後我就返home lu~
返到home，我同爸就即興咁又搭車去旺角買左件羽絨for去北京用，
then買完就又搭車返home，
殊不知搭搭下車就收到carol 電話話佢已經放左工，
oh no，我仲o係車上面，又未返home拎番袋野，又未沖涼，
嘩，趕得我呀！

然後我同carol就去左買野俾胡子同patrick，
嘩，o個個人都包得好耐囉，等到我地都想講不如我地動手啦......不過當然冇咁講！
包左"half hour"之後就去join 峰、柴、carman去再join 7叔、bill、patrick、胡子去旺角打hot pot~

打完都10點幾，再直落添馬艦，途中o係旺角撞到肥佬黎，
不過嘉年華真係多人到呀........迫死咯....
行行下，step話見到有個熟口熟面既人，
我再望o個個人都突左半條under出黎喎.....
haha，好心幫佢整好啦，佢先見到我，o個個係盧x迪！
成鬼日都撞到佢！

之後呀bill掟到好多公仔咁，有一隻大狗tim，
不過我見到都幾驚....因為too big~
oh，之後好累喇...........又迫番屋企....
返到屋企都兩點幾三點lu....then即刻訓得著！

不過今晚收到好多禮物.........
收到....粉紅手鍊、玻璃球盒仔、海藻仔、小飛俠女figure、小飛俠膠公仔+盒、"棒棒糖"、
兩仔pig公仔+sofa盒仔、香薰.....多謝晒你地！因為冇諗過收到咁多~ love u all~

仲有，merry christmas~

>>December 25, 2003 at 9:22:02 AM GMT+8

2003 年 12 月 22 日 星期一 【晴】

夜晚去左同斌睇《地下鐵》，
都幾搞笑，不過整體就一般。
之後就搭地鐵去黃大仙食野，
then就周圍逛，然後就返屋企。

>>December 25, 2003 at 9:02:47 AM GMT+8

2003 年 12 月 22 日 星期一 【晴】

最近我都知我係有d問題，唔知點解....
或者....可能我都有....你同樣既感覺，
或者最近我都覺得自己d反應好求其、或者有d fu 衍，
sorry，我都唔知點解。

對樣樣事物、人物都冇乜感覺，
有d想收埋自己。

>>December 23, 2003 at 3:18:56 AM GMT+8