2004 年 1 月 8 日 星期四 【晴】

今日一早就去interview，
然後就順道去study room，
頭一個鐘係溫書，打後兩個鐘係.....去左隔離library借書睇，
睇完一本。
俾我又見到marco呀下！今次見到佢校服look，
佢今次都認得我，不過就匿埋！

之後就同carol食日本野，
好耐都冇食o個個"滑蛋牛肉飯"！
不過宜家變左分開上，以前好食d。

跟住就行左陣hollywood，今次使左一百者，
唔好個個都問我買咩野使三百o係萬寧啦...
then就返左屋企開始"認真地"執野喇，
因為之前係好求其咁執野，
不過去完都........好似仲有野未執咁。


唉~ 有d失望tim....唔講lu....同oyan呻左就算lu。

>>January 9, 2004 at 10:09:29 AM GMT+8

2004 年 1 月 7 日 星期三 【晴】

SORRY，好人的確其實有好多，
其實要做一個壞人比做一個好人難。
我明白，不過，u are not my cup of tea。
sorry。

>>January 8, 2004 at 3:45:24 PM GMT+8

2004 年 1 月 7 日 星期三 【晴】

今日等埋屎塔剪完頭髮，聯同柴先食個tea先，
其實我真係食左lunch架喇...so初頭得叫一個芝士火腿飛碟，
然後見到step o個個米線好似幾得咁...so忍唔到口叫多個米線連野飲....
呢個原本應該抵既tea變相食左total $35....唔方唔抵，hehe，不過真係好飽。
then我地就一心諗住去碌齡啦，整......去到啟德先知原來摺左好耐喎......
難怪水靜河飛........作水咯。
不過多謝柴~ 因為佢今日幫我擊退一個人~

then就去左旺角，hahahha.......三丁友試完好多條褲之後可以勁大袋出番黎。
然後又周圍行啦，又行下"新之城"咁啦~~~~

then就返diamond hill，
oh，點知原來柴又約左carol去hollywood，
我先去新蒲崗先，
然後同斌食野，
有個傻婆我明明見住佢佢都可以話等緊車囉~~~~
跟住俾我見到有個green褸既人，隔離o個個熟口熟面......
然後就開始見到個傻婆係咁指住間KFC大笑.......
我O係KFC入面見到個傻婆大笑、笑到彎晒腰個樣...我都笑....

睇完《安娜與武林》之後，就返屋企LU。
......返到屋企之發覺.....唔記得左俾D鍊俾斌........STUPID ME.....>.<

>>January 8, 2004 at 3:12:48 PM GMT+8

2004 年 1 月 7 日 星期三 【晴】

我屋企附近有一家盲人中心。
我有時經過鳳德商場都會遇到幾位盲人.....
有的自己扶著拐杖；有的2-3個人一齊行，前面o個個做領行員，
有時係盲的，有時係中心職員。
有時見到人個盲的女士，
手執拐杖探路，由於佢成日手執拐杖探路，
明顯地佢手背曬得特別黑...，如果好彩既，就會有人自動讓路，
唔好彩既，支拐杖整到d婆婆....d婆婆就會一係就鬧，
一係就使出"凌厲的目光"，好彩佢係盲既(講笑)。
記得有一次，我過馬路，有個盲的伯伯企o係我隔離，
佢企左好耐，我都留意左佢好耐，佢....o係度聽緊車聲...
我好佩服佢....不過最後我同佢講我陪佢過馬路，佢連聲道謝，
我一路扶佢慢慢行，佢一路"唔該、唔該、唔該晒".....
然後佢堅持唔需要我送佢返樓。
又記得前日，我去百佳，
有另一個盲既伯伯黎左百佳，佢好開心咁坐左o係度，
因為我見到佢面帶笑容、"震震腳"咁，向百佳職員講佢想買d乜，
然後個職員就向佢報價、執貨，然後就問佢收錢....一次過買左百幾蚊，
我最記得佢有買"西洋菜蜜"，然後佢就自己一手拎返屋企lu。

有時真係有d好奇佢地既世界係點﹖係黑色—定係彩色﹖
因為我見到個伯伯咁開心，完全唔覺得自己同人地唔同，
分分鐘佢仲開心過d正常人。
好叻呀佢地...我估佢地既世界....
時時刻刻都要有戒備心，因為經常處處碰壁....
但係佢地好堅強、好獨立，而且好團結，
因為每當我見到三人行，頭一個都係盲的時候，
後面兩個就搭前面個膊頭而行，一路行一路傾計，
呢份信心、呢份友誼....去邊度搵﹖

而我﹖每次見到佢地都會好入神咁留意佢地，
幫到既就幫，不過，其實，某些時候，佢地反而唔想人幫，想靠自己。

>>January 8, 2004 at 2:04:11 AM GMT+8

2004 年 1 月 7 日 星期三 【晴】

當然，不快樂的就忘記，重頭開始。
其實回想起，以前不快樂原來就是這麼一回事而已﹖
將來可還有更多挑戰、更多大事，等著自己去學習應付。
太容易被打垮，那麼日後只會更易受傷。

苦盡甘來，
現在我的日子尚算快樂，很感恩。

自姐結婚以後，我的房間只剩我一人，
初初還感到有點靜、不自然、不習慣。
以往睡上床的我也搬遷到下床，
而慢慢地，我都開始適應著一個人睡在一間房。
不過也挺好，以前我和姐的感覺都沒有現在般好，
前天我只於icq向姐夫訴說我的腸胃炎，晚上已經收到姐姐的電話。
上個星期，姐姐更特意拿了一條彩色頸巾給我北京之行。
而我爸媽，有時候媽會有醋意，
經常怪責姐良久不歸家吃一頓晚；
而爸，哈哈，每次姐回來都總會談天說地，
又向姐夫說一大輪話，好像悶了很久，要找知音般。
我每次都笑了。
此刻，有很多人在疼我，有點受寵若驚的感覺，
連鄉下的親戚，聽媽說，她一去到，他們便追問珊的近況。

這一切，感謝主。

還有什麼值得不快樂﹖

>>January 8, 2004 at 1:40:37 AM GMT+8

2004 年 1 月 6 日 星期二 【晴】

未試過同呀jim o係icq度講咁多野，
唉~ 我大人有大量原諒你啦~
你欠我一排chocolate呀~
益你啦~

又聽到一d好感動既說話...thanks
好耐都冇聽過，聽到之後，
我唔會自滿，反而要更加反省。

>>January 7, 2004 at 2:53:56 PM GMT+8

2004 年 1 月 6 日 星期二 【晴】

嘩，今晚知道左件事，
雖然係意料中事，
不過都冇諗過會去到咁既地步。
而前路﹖希望佢會識得揀返條正路。

>>January 7, 2004 at 1:25:05 PM GMT+8

2004 年 1 月 6 日 星期二 【晴】

今日用左3個clock都叫唔到我起身，
原本諗住6點起身，最後自己都係7點幾先醒。
今日考eng，先交學費先~第一次早走，
因為一來自己做完份卷，
二來好多人走，
三來自己冇帶錶，都唔知仲有幾耐先完﹖
跟住就去整埋張學生證，
整完就走lu，返左新蒲崗同carol食沙嗲牛米，
不過我就食叉燒米，都幾好食。
不過carol同斌始終冇緣見面，斌竟然返左home拎野。
之後我就自己行hollywood，都使左$300大元呀......
都係買d去北京既野。
然後就去GH換飛聽晚睇戲。

返到home就聽收音機。

今日出左下個sem既time table，
下個sem冇左computer，多左marketing，
星期三、四day off。

>>January 7, 2004 at 9:28:08 AM GMT+8

2004 年 1 月 6 日 星期二 【晴】

勁想睇女子十二樂坊，可惜門票現已售罄。

>>January 7, 2004 at 9:19:08 AM GMT+8

2004 年 1 月 6 日 星期二 【晴】

如果你在一個平凡的家庭長大
如果你的父母還健在
不管你有沒有和他們同住

如果有一天，你發現媽媽的廚房不再像以前那麼乾淨
如果有一天，你發現家中的碗筷好像沒洗乾淨
如果有一天，你發現母親的鍋子不再雪亮
如果有一天，你發現父親的花草樹木已漸荒廢
如果有一天，你發現家中的地板衣櫃經常沾滿灰塵
如果有一天，你發現母親煮的菜太鹹太難吃
如果有一天，你發現父母經常忘記關瓦斯

如果有一天，你發現老父老母的一些習慣不再是習慣時,
就像他們不再想要天天洗澡時
如果有一天，你發現父母不再愛吃青脆的蔬果
如果有一天，你發現父母愛吃煮得爛爛的菜
如果有一天，你發現父母喜歡吃稀飯
如果有一天，你發現他們過馬路行動反應都慢了
如果有一天，你發現在吃飯時間他們老是咳個不停

千萬別誤以為他們感冒或著涼，(那是吞嚥神經老化的現象)
如果有一天，你發覺他們不再愛出門…

如果有這麼一天
我要告訴你，你要警覺父母真的已經老了
器官已經退化到需要別人照料了
如果你不能照料，請你替他們找人照料
並請你請你千萬千萬要常常探望
不要讓他們覺得被遺棄了




每個人都會老
父母比我們先老
我們要用角色互換的心情去照料他
才會有耐心、才不會有怨言
當父母不能料理自己的時候，為人子女要警覺，
他們可能會大小便失禁、可能會很多事都做不好，
如果房間有異味，可能他們自己也聞不到，
請不要嫌他髒或嫌他臭，為人子女的只能幫他清理，
並請維持他們的『自尊心』。

當他們不再愛洗澡時，
請抽空定期幫他們洗身體，
因為縱使他們自己洗也可能洗不乾淨。
當我們在享受食物的時候，
請替他們準備一份大小適當、容易咀嚼的一小碗，
因為他們不愛吃可能是牙齒咬不動了。
從我們出生開始，
餵奶換尿布、生病的不眠不休照料、
教我們生活基本能力、供給讀書、吃喝玩樂和補習，
關心和行動永遠都不停歇。

如果有一天，
他們真的動不了了，
角色互換不也是應該的嗎？
為人子女者要切記，
看父母就是看自己的未來，
孝順要及時。

如果有一天，
你像他們一樣老時，你希望怎麼過？
現在的你，
是在當單身寄生蟲、還是已婚雙料或多料寄生蟲？
你留意過自己的父母嗎？

樹欲靜而風不止、子欲養而親不在

>>January 7, 2004 at 8:12:23 AM GMT+8