2004 年 7 月 13 日 星期二 【晴】

喂，靚女，

呢排麥記咪有HELLO拮米換O既，

係啦，要食夠17隻蚊，

仲要加多8隻蚊先至換到，

唉，我俾佢搞到好鬼肉痛呀，

而家都唔知仲可以食D乜野啦，

入面個D餐已經食到七七八八啦，D味道都已經發夢都記得，

佢又冇乜新出品啦喎，

唔通次次都要食完又食咩，你唔厭我都熱氣啦，

搭人買又好似冇乜誠意咁，

但麥記對我真係已經冇吸引力，

仲要佢D野下下都食水咁深，下下都要用咁多蚊，

真係搞到撲蚊都撲唔切，撞鬼，

多就話啫，但對我呢D住響加州花園O既，家下邊有咁多喎，

連周圍D草都俾人有咁多剷咁多啦，你話點會好景喎，唉唉唉‧‧‧

唉，可能真係要問人借啦，

你話呀，遲D真係可能當埋底褲都唔夠，

點算呀~~？？？？？？

你又最歡喜HELLO拮米添，

‧‧‧呀，有計，我去證苦總部搵裁正處鼻啦，

不但積水多，D蚊都又肥又多，又夠毒，真係好，

一蚊都好見使啦，

好野，唔憂冇HELLO拮米換啦，哈哈~~







田雞A日記

(節錄七月某日田雞A對女朋友O既書信)

2004 年 7 月 12 日 星期一 【晴】

(演員只需要男女二人，一人可分飾三至四角，對白完全一樣，但角色間的性格、內涵都全不相同)

場景一

A：‧‧‧我想同你講一樣野。

B：嗯，講呀。

A：你覺唔覺好悶？

B：悶？！乜野悶呀？

A：你。

B：我？我點令你悶？

A：我唔知‧‧‧但我好想有D突破。

B：乜野野O既突破？‧‧‧點解你咁想要有突破？你係想要一個唔同O既我？

A：唔係‧‧‧

B：咁你又咁想？

A：其實你知唔知我地同其他人都好似，好多野都好似一個餅印咁，好多經歷、相處方式都好似翻版咁‧‧‧每日都大量又大量咁重覆又重覆。我係唔想翻版呢樣野野會將我地翻版成為同佢地一樣咁。

B：咁有D野係人人都會咁做架啦，唔通係錯？唔通戀愛求開心、求關懷；得尊重、得信任，呢D都叫做翻版，叫做非法盜版？！

A：就係人人都係咁，人人都係咁樣翻版先煩呀，係咪可以唔好個個都係千篇一律，就連翻版O既方式都係一模一樣，出黎O既結果亦都一模一樣‧‧‧

B：‧‧‧咁你講，你想點？既然你咁討厭翻版。

A：我唔知‧‧‧我真係唔知。其實或者你自己去意會都可能仲好‧‧‧

B：咁又已經係一個翻版‧‧‧人人都係咁，自己就話唔知，只係要人去估‧‧‧個個都想人地估啱，但更想人地估錯。你估我諗唔到你地呢種諗法咩？

A：你係估到好多野，但其實好多野都係你地估返你地意料之內O既野咋。就算係一加一‧‧‧都未必等於二‧‧‧

B：咁會等於乜野？！(搶道)一加一唔係二，三、四、五、都唔使旨意係個答案！
‧‧‧好啦，我唔想同你再去爭論D乜野，因為我唔想做一個你所謂O既翻版者。

A：OK，其實我都想唔同你去爭論。

B：‧‧‧我好想知，你頭講O既咁多野，係咪想話俾我聴，你想分手‧‧‧？

A：唔係！‧‧‧我只係好想講出我心入面個種諗法啫，始終總係要有個抒發‧‧‧可能係我心入面一個迷惘‧‧‧又或者其實係我自己O既任性。俾我靜下‧‧‧

B：‧‧‧好呀，可能你同我都要冷靜下‧‧‧咁或者我走先。


場景二

(明日繼續)


劇本初稿，暫名":一加一 "

>>July 12, 2004 at 11:59:41 PM GMT+8

2004 年 7 月 2 日 星期五 【晴】

今天開始上會計課，
真的有些少不習慣，
因為遠離了學生的階段已有一段時間了，
在課室上課的感覺，真的是既陌生又熟悉。
說回上課的情形吧，
上會計課，當然是學習有關會計的知識吧，
其實，經過了一課後，
我倒覺得會計的理論，以及技巧都是頗為容易理解的，
或許是以往曾經學過的原因吧，
但這並不重要，
因為這次學習的過程中，老師灌輸給我們的是；

要清楚理解為什麼是為什麼

不要以為會計只是對著一堆數字，按著計算機便能解決的事，
它也是一件需要清楚理解，及清楚分析及清楚為什麼是為什麼的一門學問，
因為會計是一門涉及很多利益衝突，很多世間關係及技巧的學問，
比起做人處世的難道雖無過之，亦無不及。
總而言之，你能夠清楚明白你在計算什麼，你在做什麼，事件的底蘊是什麼，
就算吸收少少都能做到一理通，百理明，舉一能反三，
那很多的數字也難不到妳。

一字寄之曰：
理解、
理解、
再理解。


為人處世亦是一樣。

>>July 13, 2004 at 12:28:16 AM GMT+8

2004 年 6 月 27 日 星期日 【晴】

很累，



真的很累，



很想睡，



很想把雙眼緊閉，



隻眼已累得張不開了，



真的很想睡，



睡吧，



不行！



還不能‧‧‧



炎熱的夏季裏，地鐵的車箱裏盡是青春可人、讓人滿口冰淇淋的美人兒，



我還不能睡‧‧‧



不趁這些機會飽覽這些美人兒，



難過此生‧‧‧‧



來，睡吧，



雙眼已累得不知眼前景象為何物，



精神已疲憊得難以分辨美醜，



還是睡吧‧‧‧



好，還是睡吧‧‧‧



但！還是不行，



睡了，豈會看不到剛好站在我跟前的美人兒！？



她髮長及肩，雙眸如晶，身材嬌美有緻，充滿夏日氣息，令人想入非非‧‧



忍不住要看多數眼，不！是多數十眼，



不睡是值得的‧‧‧



我是不會白白浪費這些時光的，



很享受，今天真是美好‧‧‧哈哈‧‧‧



雙眼有如火燒一般，很熾痛，



還是睡吧，



回到家裏還有幹不完的死活要幹，



都是休息一下吧，以後讓我放肆的時間還多的是，



睡算了‧‧‧



但之後的站頭，將會有很多美女上車啊，



不可白白讓這些機會溜走呀，



可愛的夏季令地鐵車廂裏是充滿可愛的美人兒呀，



這倒也是，



看，現在在這個站有很多美女上車呀，



真的是目不暇及，



嘩‧‧‧



美女真是源源不絕呀，



大飽眼福了~~~



但不知是不是雙眼開始有點問題，



看到所有美女的美都是相同風格，衣飾都是如出一轍，



而且每個樣子都一模一樣，有點膩，不點不知所謂了‧‧‧



‧‧‧‧‧‧看來我雙眼和精神真的出了問題，



‧‧‧還是‧‧‧睡一睡吧，



始終健康最重要‧‧‧



ZZZZZZZ

2004 年 6 月 19 日 星期六 【晴】

今日我有少少"失常"，



點解？



因為今日我煮意粉俾屋企人做晚餐，佢地忙呀嘛~~~



咪由我親自操刀囉~~~~



呢d野我平時真係冇乜幾可會做~~



係架，



有d野真係平時係唔想做，同埋唔會去做，



因為會覺得做個d野係好煩，同埋係好嘥自己d時間精神，又好似冇乜回報，



會有十萬個唔願意響你心入面游黎游去，



十萬個唔願意？！



查實都唔係好多啫，如果自己肯試下去做下，玩下，



可能你會發現入面o既意義，入面o既樂趣，同埋一個繼續拎個心做落去o既理由，



就算係
" 失常 "，你都會覺得自己好似多咗d野咁，幾滿足架~~



唔識煮野o既朋友，不妨試下煮野俾人食，相信你都會有滿足感~~





我都覺得自己多咗d野
~^ ^~

2004 年 6 月 19 日 星期六 【晴】

有一個寫作人，
我地姑且叫佢做阿八先，
佢手文章幾好，
而且才華亦都幾橫溢，
幾乎各大有文字o既媒介都可以見到佢o既文筆，
因為佢o既名，同埋佢o既文章都可以叫到座，
所以佢又寫書，又寫專欄，
終於俾佢寫到盤滿缽滿，寫到人氣旺盛。

寫到咁上下，
阿八覺得要有個新o既寫作題材同發展新空間，
雖然佢寫o既野已經社會o既一個潮流，
幾乎主宰同滿足時下人o既睇野意慾，
但阿八仲唔滿足，
佢想人氣再勁d，想吸引更多人睇佢o既文筆，
咁佢就開始想響網上寫文章，同埋寫一d更 "犀利" o既野，
佢諗到而家網路普及，訊息傳遞覆蓋面極大極廣，可以滿足佢o既慾望。

終於，
有一日，佢個名終於打入咗網路o既世界，
開始有大量文章出現啦，
咁證明阿八響網路世界己經大展拳腳，
佢o既風頭同人氣又再上一層樓。

咪住，
睇真d，阿八響網上面寫野，
好似同佢不嬲著重滿足時下人o既意慾o既風格有著截然不同o既分別，
唔通佢o既寫作風格開始改變 ？定係佢開始 "醒覺"？
佢真係改變咗佢o既文筆？


「呢d唔係我寫架喎！邊個賤人咁大膽冒我o既名去寫野？！」


原來係有人冒阿八個名寫野，
阿八知道之後好嬲，佢唔理三七二十一，一定要同個人講個明白，

於是佢就響各媒介登文，大下戰書，向呢個假阿八" 宣戰 "，
意思大概係話：

「你唔使以為你寫o既野會好過我！潮流呀、需求呀、讀者口味呀，呢d野你識咩？」

「我o既地盤你唔使旨意可以搶走！班讀者已經係我o既人，佢地好似飲我d奶大。」

「我錢同名氣大把，如果你想要，我可以俾d你，但你唔好好似肚餓o既乞兒咁搶人地啖飯食。」

「同埋，
我呢個人乜都識得寫，唔使你地呢d鼠輩之流用我個名黎幫我寫野！你地夠我識得多咩？」


呢d戰書出街之後，
好多信回應俾真阿八，支持阿八，
好多人都睇唔過眼真阿八咁樣俾人搶野，
但真阿八完全諗唔到，
支持o既信多，但批評o既信就仲多。

因為之後幾日，
批評信o既數量遠遠超過咗支持信，
佢完全唔能夠相信呢個事實，
亦都唔能夠接受，
因為佢相信佢o既地盤，無可能會響短短幾日就俾人破壞，
而且好多批評信都話假阿八寫o既野好有靈魂同埋好有"心 "，
最後連網路上面都係充滿支持假阿八o既聲音。

再幾日之後，
各個媒介都共同有一個 "聲明" 登出，
內容係話：


「阿八，你係好叻，你係乜野都識寫，亦都乜都寫得出，但你徧徧就係唔識寫一個字 —
" 醜 "。」


「所以你唔知你自己係醜八................」


「怪！」



原來個聲明黎自假阿八.............


19062004草

>>June 19, 2004 at 2:50:05 PM GMT+8

2004 年 6 月 8 日 星期二 【颱風】

話俾你聽一樣野呀~~

我好似唔記得咗一樣野，
究竟係乜野呢?
我真係唔記得咗，

我好似聽人話過個樣野好似幾重要，
但又聽到好多人話個樣一d都唔可以飽肚，唔使理，
係乜呀?真係唔記得咗呀!
佢地又唔知我唔記得咗d乜..........
咁又係，我都唔記得咗我唔記得d乜，
佢地又點知我唔記得咗d乜.........

因為咁樣，
每日o既生活，我都左諗右諗，諗到頭都痕，
都係諗唔到我唔記得咗D乜，
死啦，唔通咁快有柏金遜？
唔會O既~~

某日行行下街，
發現街度好多人，個個都唔識，但係又好似個個都似曾相識，
個個都好面善咁，
但我真係唔知佢地係邊個...........
咦，唔通我唔記得O既野係佢地?
冇可能，有人話過我唔記得咗個樣野會一樣係幾重要O既野，
唔記咗呢D人，我咪一樣都係一樣咁生活?冇乜野唔妥呀~~~
同埋佢地如果真係唔記咗我呢個曾經響佢地心中有一定位置O既人架話，
咁咪係我完全唔佔佢地任何一個位置啦，
即係人同人O既關係唔重要啦，冇乜價值啦，
咁都唔係咁重要啫，吓話~~

咁究竟我唔記得咗D乜呢???????
死啦........
響我惆悵O既時候，
我好想再睇下我自己係點，想再認識下自己係一舊點樣O既物體，
但係一照鏡...........
我認唔到鏡入面個個乜水..........
...............................................................
..........................................................................

我終於都記得..........我唔記得我自己係邊個...............

>>June 8, 2004 at 11:59:12 PM GMT+8

2004 年 5 月 20 日 星期四 【乍雨乍晴】

未講完～～～

跟住我阿媽就話：
『你都係材呀，不過係蠢材咋嘛‧‧‧我都算幾叻架。』


— — "

>>May 27, 2004 at 9:34:58 AM GMT+8

2004 年 5 月 20 日 星期四 【陰】

究竟聰明人同蠢人有乜野分別呢?

一個為人子女o既就話：
『聰明o既人係唔會生仔女o既，蠢o既人就會生。』

一個為人母親o既跟住就話：
『錯！聰明o既人係會生仔女，聰明o既方法不在話下，而且佢地識得用埋蠢o既方法，況且佢
地就算用咗蠢o既方法，都一樣可以養大仔女成材；
相反，
蠢o既人都係會生仔女，但就算佢地只用聰明o既方法，都會養大仔女成唔到材。』

跟住我就話：
『阿媽，咁你咪好蠢？』

‧ ‧"

>>May 27, 2004 at 9:33:47 AM GMT+8

2004 年 5 月 12 日 星期三 【晴】

今天倒想談談一些嚴肅的事，
聽聞在伊拉克，有一名美國人慘遭酷刑，
以致身首異處， 還要被人公諸於世，
頓時心頭一涼，
心中彷彿掠過以往日本侵華皇軍向同胞行刑之畫面，
一幅一幅既兇殘，又原始，亦獸性的圖畫，
重臨這個所謂文明，公平的二十一世紀的時空，
很是驚訝，很是悲涼，
但細心回想，現在的所謂文明，公平，是真實的嗎?
應該，
是幻象，是表面，是虛浮‧‧‧
錯不了‧‧‧
相信各位聽聞這消息的"聽"倌們，
多數對被害的美國人深感可惜，
甚至對行刑者以至其種類都大感悲憤，
想殺之以後快，
但換個角度想，
那些被美國人虐待致死的，
不同膚色，不同種族的戰俘，
又是否真的死有餘辜，死得文明?
若說那身首異處的美國人，抑或那些戰俘，都是賤命，
但比得起那些先撩人的人嗎?

先撩者(最)賤，錯不了‧‧‧

>>May 13, 2004 at 1:24:49 AM GMT+8