2003 年 4 月 28 日 星期一 【晴】

今日初嘗…….,唔係,應該係話好耐以黎重嘗拍戯滋味,
自從唔知幾耐以,前,停咗呢味野之後,都冇掂過,
一開始有d生疏,但.我相信好快就會”重拾正軌”架啦,
我覺得,其實做戯呢味野真係唔係咁難,反正都係戴面具啫…
我仲會覺得,當中戯劇神緒都唔係咁難去掌握,甚至乎係易,
戴面具咋嘛……..
平時我都戴唔少………
可能因為咁樣,做得好….都唔奇……….



戴得多就做得好,………….係道理定係歪理, .......天曉得………..

>>May 3, 2003 at 9:54:25 AM GMT+8

2003 年 4 月 26 日 星期六 【晴】

<<<好強調係 " 無厘頭 " 小故事>>>>


有一日,有兩枝有酒精成份o既飲品好無聊..........
一枝係五加皮另一枝係茅台酒,
阿茅台酒話:"今日咁鬼悶,不如我地比試下邊個容易整到人暈呀?"
五加皮話:"好呀,睇下點,我實羸梗o既,"
茅台酒就話:"比過至知~~"

跟住佢地就走去一個當眼位置,比d人容易d去見到佢地,然後去飲佢地,
果然,之後有一個人經過,見無端百事有兩枝酒擺咗響度,於是就攞黎飲啦~~
佢飲五加皮先,飲咗一啖,過咗三十秒,個條友就暈咗,
阿五加皮就話:"睇下我,三十秒咋,就令條友暈左,勁呢~~"
阿茅台亦亦不甘示弱,就話:"等條友醒咗,再飲我至知~~"

過咗一陣,條友醒番啦,佢又見頭先未試另外個枝茅台,於是又飲啦,
呢次仲勁,飲咗茅台之後十五秒,又暈過,
阿茅台就好得戚咁話:"而家知邊個勁d啦~~哈哈"

呢個時候,有一枝酒見頭兩枝酒鬥得咁過癮,就過去想參一腳........

"喂,你地好勁咩,睇我啦~ ! ! !"

"嘩,你乜料呀,咁串?!就睇下你點~!!"茅台同五加皮異口同聲咁話,
於是佢地又等條友醒番啦~~~~
過左一陣,條友又醒番,見到枱上面又有一枝未試過o既酒,於是又去試啦........

今次勁啦,條友一飲呢枝新酒,唔使五秒,條友即暈~~~
"嘩,你真係勁勁啦,你係乜水呀,點解你咁犀利o既~~??"兩枝酒又異口同聲咁講~

而家,枝新酒先至摱摱轉身,好mark哥feel咁話:"姓火名酒,叫火~~酒~~"

"哦~~~~~~~~~~~~~~!!你咁勁,可唔可以過d功力黎呀~~等我地都勁d呀~~師父~!!"

"想做我徒弟~~好~!!~你地以後要記住~!!!!我地d酒要以整冧人類為目標~!!!!想我過d功力呀嘛,好,等我倒d落你地度啦"

"係~~!!!!!好野~~!!"

其實,呢個時候,有條友一直響匿埋響一角,睇住佢地做緊乜~~佢諗:"嘩~!!原來d火酒咁勁架~~好,以後d酒都溝d火酒落去先,嘻嘻嘻~~~~"...............



從此,中國大陸就好多毒酒,假酒,仲毒死好多人...................



(01-05-200X)


>>May 1, 2003 at 10:00:25 AM GMT+8

2003 年 4 月 25 日 星期五 【晴】

今日又同個死黨飲酒,飲得好鬼high,每次同佢飲,都一定會係好多野傾,天南地北,乜都得,
真係好~!!!
有咁o既老友真係無憾~

朋友唔需要多,最緊要係精 ~!!!

可以冇朋友,但最緊要有死黨~~!!!!!





>>April 28, 2003 at 11:08:54 PM GMT+8

2003 年 4 月 23 日 星期三 【晴】

其實仲有少少野想講,

今日個頭幾痛,搭車又暈暈地.......唉~~
呢排好謝,身邊另冇一半係咁架啦~~~~

同埋.....今個月實在太多野發生啦.........

>>April 23, 2003 at 10:08:54 PM GMT+8

2003 年 4 月 23 日 星期三 【晴】

今日菜單....冇厘頭劇場........<<<十問九唔應>>>



如果有條魚話俾你聽,佢唔識游水,你會有乜反應?

如果有隻雀仔話俾你聽,佢有畏高,你會有乜反應??

如果有隻貓話俾你聽,佢驚老鼠,你會有乜反應???

如果有隻小強話俾你聽,佢平時用漂白水沖涼,你會有乜反應????

如果有隻蝸牛話俾你聽,佢個殼已經係負資產,你會有乜反應?????

如果有隻獅子話俾你聽,佢平時係食齋,你會有乜反應??????

如果有隻變形蟲話俾你聽,佢可以變成你個衰樣,你會有乜反應???????

如果有隻蟹話俾你聽,佢兩隻鉗都係義肢,你會有乜反應????????

如果有隻賴蛤蟆話俾你聽,佢有蛀牙,你會有乜反應?????????




如果有人話俾你聽,董建華識做野,你會有乜反應??????????




..........如果有人真係咁話俾我聽, P 佢個 K 啦~~! ! ! ! ! ! ! ! ! ! !


>>April 23, 2003 at 9:39:36 PM GMT+8

2003 年 4 月 22 日 星期二 【晴】

呢排發現咗一個可以成世保持青春同成熟集一身o既方法,


記住:
年青o既時候,要有老年o既沉著,冷靜;
到年老o既時候,就要有番年青時候o既活力,熱情,

呢個理念好正~!!

>>April 22, 2003 at 10:16:00 PM GMT+8

2003 年 4 月 21 日 星期一 【陰】

看到一個選舉,覺得很有意思,想和大家分享~



有一次,有一個機構舉行了一個選舉,
這個選舉是想找出世界有史以來十大最好和最差的原創發明,
以及選出最偉大及最遺臭萬年的發明家,
由於這次的選舉的題目很有吸引力,投票的人非常踴躍,
而結果亦都饒有意味,現和大家分享一下,

這次選舉中,十大最好的發明,分別是:
10位 整容術 9位 相機 8位 汔車 7位 電腦 6位 味精
5位 冰箱 4位 衣服 3位 避孕套 2位 鏡
第1 位,稍後告訢大家,

而十大最差的發明,分別是:
10位 化粧品 9位 火藥 8位 汔車 7位 酒 6位 香煙
5位 砒霜 4位 結婚制度 3位 衣服 2位 金錢
至於第1位,亦是一會兒告訢大家,


十大最偉大的發明家:
10位 瓦特 9位 蔡倫 8位 畢昇 7位 佛箂明 6位 雷米埃兄弟
5位 何大一 4位 萊特兄弟 3位 貝爾 2位 愛迪生
最後才說第1位,


而十大最遺臭萬年的發明家:
10位 諾貝爾 9位 史提芬遜 8位 杜康 7位 馬克斯 6位 商紂
5位 夏維特開利 4位 約翰潘帕頓 3位 秦始皇 2位 希特拉 1位........



好吧,現在向大家說說各項第1位誰屬吧,
這個選舉的結果其實也出乎人意料之外,
因為前兩項的第1位都是一樣,
都是人.....
而後兩項的第1位亦是同一樣,
都是神.....


(草於21-4-2003)


>>April 21, 2003 at 6:54:02 PM GMT+8

2003 年 4 月 20 日 星期日 【晴】

今日菜單<<<無厘頭精選>>>兼無厘頭連續劇第一集


唔.....唔...咳................開始~~

你.......令我口甜舌滑...............
吃了你,令我甜絲絲.............
你給我,有各種各樣的滋味,惟獨是.............
因為...什麼也不覺得苦,吃苦這兩字,我遺忘了..............

你......令我嘗到水乳交融的滋味,...水乳交融的滋味,
在熱情的時候,你的身驅,漸漸地柔軟了..........
隨著四肢的活動,你的柔軟身驅與我難捨難離.....

你....令我...慾念變得無限大............
你的魅力外表,總是給人一種慾望,要去了解你的所有,
你的嬌味內在,總是給人一種悠閒,品味的意味...........
脫去你的外衣,你的內在,令人躍躍欲試............

你....令我初嚐酸的滋味,
但幸運地,你給我的酸,總是加入了甜...............
你是仁慈的,厚道的,雖然外表與內在都令人猜不透,
但......你還是願意給人自在,

你......令我體會了人間的快慰,
七彩的人生,是你賜予我的,紅的熱情,橙的溫暖,黃的柔和,
綠的輕柔,青的清新,藍的涼快,紫的浪漫,一切....都因你......

你.......令我體會了二人之間的堅忍,
你對真理的執著,令我也學懂了堅強的的方法,
是令我變得更堅強,我也願意用這堅忍的心去待你,令我,你都無悔

你.......令我無時無刻都心醉,
叫人對你著迷,是你的魅力,你的魅力,總是能夠讓人細味,
令人沉醉,就算在沉醉中,你的不同味道,仍是能夠進入人的
心深處,打動人心

總而言之,生活中有你,一切都很美.........

(我寫糖喳,你以為我寫乜~?)

(如果你係估中晒我寫乜糖,奬你~~)


>>April 22, 2003 at 12:57:23 AM GMT+8

2003 年 4 月 20 日 星期日 【晴】

惡毒





惡毒的你~!!
惡比蛇蠍,毒如砒霜
一齊惡運都因你而來,但不會因你而去~~!!
芸芸眾生,無一幸免,是誰之過?!是誰之禍?!
一分過,多一分禍
惡比蛇蠍的針刺己對準了悠悠眾口,
毒如砒霜的氣息己散發了整個空間,
往何處躲?往何處逃?
你的夢魘把每個心靈都纏緊了,沒能自由,
明明......是與你脫離了,
你卻什麼都不放過!!!
惡是你的名,毒是你的姓!!!
惡毒如你,不得好死,誅天滅地!!!!!
好一個~~~~~~~~惡 毒!!!!!!!!!!!!!!!!!




>>April 20, 2003 at 9:21:54 PM GMT+8

2003 年 4 月 19 日 星期六 【晴】

金逸粥孖孖山日塊落~~~~~~~~~~~~~

>>April 20, 2003 at 2:08:58 AM GMT+8