2003 年 7 月 12 日 星期六 【晴】




現今是一個充斥著手提電話的年代,每個人幾乎都會有一部,
而電話鈴聲的種類更是五花百門,但為了容易區分自己和別人,每天依然都有很多鈴聲誕生,
有一個小伙子,為了獨特和品味,絞盡腦汁,去編寫了一個屬於自己的鈴聲,務求要"唯我獨尊"和要凸出自己,

小伙子出門了,去到一個快餐店用餐,就在他正在狼吞虎嚥的時候,他聽到屬於他手機的鈴聲響了起來,於是他便拿起他的手機來看,但這個時候,怪事發生,怪事竟然是全快餐店的人都這個時候同時把手機拿出來,然後放在耳邊.
但小伙子發現,他的電話沒有人與他通話,正在通話的,是一個坐在他右邊的人,原來是這個人的手機響了,
這個小伙子很不是味兒,但亦無可奈可,只好繼續吃他的快餐,但過了一會兒,”怪事”又發生了,他手機的鈴聲又再響起了,全部的人又再一次同時舉起手機,小伙子舉起手機,手機的另一方,依然是沒有通話人,而通話的是坐在他左邊的一個人,
這時他憤怒了,但又啞口無言………
他只好繼續吃他的快餐,這時"屬於"他手機的鈴聲又再度響起來了,這次的聲響的音量比前兩次的都要大,因為全場的手機都響著鈴聲,而全場的顧客亦都再一次拿起手機,來接聽來電,之後,全場的人都在高談闊論,各自各的與電話另一方的人傾談,惟獨是小伙子,原來他的手機沒有響………
這時他真的憤怒了,他實在是深深不忿………
這時,他身邊有一個女子對他說: “感覺怎樣?所有人都和你一樣,嘻嘻嘻”
“你們太過份了!!那是我的心血呀!為何你們會有我那獨一無二的鈴聲?”
“噢~~某一天我路過你身後,看見你正在創作,然後我便用了……..”

小伙子氣昏了………..

“…..唉,我還未說完呢,其實那麼多的事,都是因為你太過自以為是罷了.......嘻嘻嘻,呀!你暈的樣子也挺可愛,嘻嘻嘻…..”

草於xxxxxxxxxxx

>>July 27, 2003 at 3:27:47 AM GMT+8

2003 年 7 月 11 日 星期五 【陰】




少少後記,其實今日我面試電腦動畫學徒,
希望得啦~~~我恨錢恨女......係恨錢恨咗好耐啦....唔該俾呢份工我啦....唔該..唔唔

>>July 19, 2003 at 1:03:25 AM GMT+8

2003 年 7 月 11 日 星期五 【晴】



今日夜晚課程又逃學lu~~嘻嘻
我特性呀嘛,我有個"習慣",就係學返到咁上下,就唔會想再返,跟住就逃學~~~lu~~~

逃學之後去邊?
咪同兩個兄弟去食大牌檔同埋對酒~~(真係唔好意思,之前仲話戒酒..)
但始終酒o既可愛之處就係個種上上地腦,令你有豪邁o既感覺o既個個時候,
係好爽兼且好享受,同埋雖然豪邁,但唔知點解,我係會俾平時更加容易多愁善感,好容易投入人地o既喜怒哀樂,雖然係咁,大家都仲會節制,因為我地都唔會想因為呢d野令到人地感覺唔好,所以邊個話飲酒就一定會亂性~~~~亂性o既唔係一定係酒而,係人自己本身........
酒不醉人人都自醉...........
不過,我都唔係鼓吹飲酒,始終酒係會傷身,但如果有人真係鍾意飲酒又搵唔到理由要自己去遠離酒架話,咁就去飲啦,而家唔飲,等幾時~~?
好似越扯越遠添,講返今日同兄弟飲酒食飯,真係好好好好好好正~~~因為佢地係世界上少數同我完全冇隔膜o既人o既其中之二,同佢地一齊,真係好鬼死正(食飯多數佢地找數kkkkkkkkkkkk,但唱k就我啦kk),佢地都應該覺得我好正,
因為如果(係如果,講真佢地酒量好過我)佢地醉咗,我都會送佢地返屋企~~~冇計~~
但同佢地幾時都咁high,冇飲酒大家都好豪邁,正呀~~!!!!
就算"沉"氣都要再講,人生得此兩兄弟,醉死亦無憾.......(但唔好嘔....)


>>July 19, 2003 at 12:41:05 AM GMT+8

2003 年 7 月 10 日 星期四 【晴】



無常......

人生本無常,

今天屯門公路的意外,

又引證了這一"定理"..........


人生本如霧裡看花........

得見與否,是有常,

亦是無常......

>>July 12, 2003 at 10:22:45 AM GMT+8

2003 年 7 月 8 日 星期二 【晴】



我不嬲都係眾人o既"貧"友,窮到褲穿窿(放心,金錢上啫~~),
今日突然發神經,為咗慳車錢同鍛鍊下肥厚o既身軀,就從我返學o既地方---田灣出發,
經香港仔水塘,灣仔峽,出去灣仔,途中環境好靚,啱晒我荷車~~~又易行,又輕鬆,
但去到灣仔峽道,一條由頭到尾都係好斜o既大斜路,一路行,對腳就一路使勁去控制落勢,搞到我落完個短短千五米o既斜路之後,都腳仔軟軟............
用呢條路上山,真係可以行到你係趴街;落山都係一樣,就算身居高位,一唔小心,就會順勢碌落山下,
壯烈"起身",係好令人腳仔軟軟,所以,
我都開始明白點解有d人身居咗高位,反而唔敢"下來"...........
同埋明白到行山真係好正~~~囉~~(只要你唔係碌落山.....)



後記:今日真係痴咗綫,由香港仔行去灣仔,過海,再從尖咀行去太子道,又一路孭重野,搞到我周身酦痛,都唔知做乜~~我諗我開始失常...............但又覺得正.......(真係失常)....


>>July 12, 2003 at 2:50:45 AM GMT+8

2003 年 7 月 1 日 星期二 【晴】

是日極為天晴,天氣極佳~驕陽似火~~

今日係七月一號(大家都知啦.....),今日香港有一個好好大大型o既遊行活動,之後先知原來有三十萬條沙甸魚響條街度迫,仲要三點幾開始,到六點幾都仲有等住遊行o既人仲未出發,今日天氣仲要咁鬼熱,可想而知,今日做沙甸魚,除咗係做熟魚,仲係做死魚~~
好彩我都有先見之明,臨時縮沙~~(喂,你個死仔包,仲實牙實齒咁話去遊行~!)

唓~!係呀,我係唔去呀,吹咩~~~咩~!!

好啦,放肆完啦,其實我今日走咗去親親大自然,點解?今日天氣咁好,去咗遊行,會嘥咗一個咁美麗o既日子,我覺得我地人生冇幾可會遇到一景靚心又靚o既日子,有o既話,咪好好享受囉,而且當你親親大自然個陣,係會好free,好寧靜,覺得世界好可愛,平時真係冇幾可會有咁樣o既感覺,都市人真係太煩啦,都市又太多污糟野,搞到成個人都污煙嶂氣,可以感受到大自然o既美麗,呢種感覺真係太好啦~~
但當然,政府唔好咁無能,感覺就更加好~~~~~


>>July 11, 2003 at 9:18:40 AM GMT+8

2003 年 6 月 28 日 星期六 【陰】

628 時晴時雨呀老友~~~

今日都慘啦,同兄弟又去飲酒~~又係一如以往飲得好high,又係一如以往傾好多心事~
飲到手舞足蹈,目中無人,大家高談闊論,將成間seven當係自己屋企咁,正呀,
但係,世事就係咁,
本來我o既酒量都算ok,但係今日唔知點解,飲完酒返到屋企,個胃比今日個天氣仲要反常,又行雷,又狂風,又大雨,嘩~~幾鬼辛苦呀,隔一個鍾就嘔啦,仲要之後嘔到冇野好嘔,都要繼續嘔,攞我命呀,搞到零晨二點幾,都心知不妙,於是搵藥食,食完,一覺瞓到天光,第朝早仲精神到同我妹妹玩添~~kkk
個隻藥叫香砂養胃丸,專治胃嘔酸水,腸胃作悶,化毒(?),食咗佢,飲幾多酒都冇事~~kk
但我都會考慮下去戒酒(牛丸,你開心啦).........因為下次唔知會唔會飲完酒之後再隊橙汁同可樂,搞到我今晚咁................................................................................................................................
唔.....考慮下啦.........一於考慮下啦.....,..........下次至算啦...........人總係咁架啦.......唉........

>>June 29, 2003 at 10:23:18 AM GMT+8

2003 年 6 月 20 日 星期五 【晴】

呢幾日聽電台d烽煙節目,覺得香港人真係俾呢個老懞董搞到絕望,
個個香港人打上去都話要參加七一遊行(我都想去)反廿三,
跟住有d茂李就打上話個d反廿三個d人好多x餘,又話為咗國家安全,廿三條梗係要立啦,仲話去參加七一個d人係民智未開,(聽到之後,嘩,慶過火屎!!)唓!你鍾意冇自由係你自己民智未開,個條茂李咁贊成立法,自己立埋廿四,廿五,廿六條呀笨~!!!!同埋七一你估淨係反廿三咩,重要o既係要將我地o既不滿趁我地o既言論自由仲有既時候去盡力去宣洩!!!你點知以後有冇呀?
其實最想講o既係,呢條廿三條之所以咁多人反對,原因係唔知呢條法例會唔會變成"莫須有"同埋會唔會因為某d因令呢個"莫須有"變成危害我地生命安全o既凶手,有個例子令我好贊同呢個觀點,就係最近期o既沙士事件,你睇上面最初對消息o既處理方法,就會覺得佢地將呢d人命關天o既訊息,當係國家機密,國家安全o既一部份,國家安全就大晒,個人安全?!心照啦,香港政府會唔會咁,天曉得,但係如果而家個政府詁唔會,你叫我,叫人去信呢個咁o既政府,仲要響一個令我地同政府互不信任o既時機之下去信佢地,睬你都傻,除非太陽從西邊升起.

>>June 20, 2003 at 12:55:38 PM GMT+8

2003 年 6 月 19 日 星期四 【晴】

奇想一........



有一位農夫每天都在農地裏辛勤地工作,
有一天,有一位天使經過,看見這位農夫每天都一塊很小的農地裏工作,
工作辛苦之餘,收入亦不多,於是便想幫這位農夫一把,
祂對農夫說:"辛勤的農夫,你每天的辛勤工作,換來的只是不多的回報,讓我來增加你的收入吧."
祂手臂一揮,把方圓三百七十八點一四公里內的土地都變成農夫的土地,
農夫看見這樣,沒有什麼反應,他依然繼續工作,
天使看見農夫這樣的反應,不禁心生納悶,祂開口問道:
"農夫,難道你不開心,不滿足嗎,你不能夠這樣不知足,我已給你很多很多了,其他的人可沒有這種福氣呀."
"天使先生,我就是很知足才會有這種反應,你給我這麼多土地幹嗎?我可沒有這麼精力去打理這麼大的田地呀."
"但以後你的生活會改善呀,有這麼大的土地,便會有很多的收穫,到時你便會富足,不會是現在這樣子的了"
"這是以後的事呀,現在我連去料理這大片土地要有的條件都沒有辦法達到,你叫我怎樣去達到你那"宏願"呢?況且,你又不是我,又怎知我現在不富足呀?天使先生.可能你們飛得太高,眼光太遠了.....你還是把土地還原吧,又或者給其他有需要的人施你的神蹟吧,我就算沒你的土地,我也會生活得很好~哈哈哈"

天使語塞..............似是有所領悟........

06192003

靈感來自某一個又是天使與農夫的故事

>>June 20, 2003 at 11:42:19 AM GMT+8

2003 年 6 月 14 日 星期六 【雨】




有一次,有一條麻甩友俾一條 雞泡魚 追殺,
追追下,追到去一座叫 "人" o既山上面,
再追追下,追到去座山o既一個分差路度喎~~!!!
呢次死啦,條友究竟會點呢~!!!!

"嘻嘻,我睇下你今次點死,兩邊都係死路呀~~kkkk~!!!"條雞泡魚好串咁話~~

死啦~! ! !
條麻甩友o既左邊條路係去懸崖,右邊條路係去雞泡魚欽州街個基地~~~佢而家進又死,退又死.....
唔通 "人" 真係只得兩條路~?!?!


佢有好多野都未做,好多心願未了,屋企仲有個老婆就快生........瘡,d仔女d奶粉錢仲未還俾人,擒日買俾老婆o既新裙又未試,應承咗隔離屋個師奶買條咸水草又未買,阿nancyo既黑頭又未幫佢數,未試過上菠蘿輋買菠蘿,又未試過去水塘獵個魚頭當戰利品,更加就未試過上獅子山飲奶茶........
諗到呢度,佢不禁老泥縱橫,激動起上黎.........
"嘩~~~~~我唔制呀........我咁後生又靚仔........咁多野都未做,我唔想死住呀,我老婆點算呀,天下d靚女點算呀......!!!!! 點 算 呀~!!!!!!!!"
佢把聲響徹成個山頭,但係叫天不應,叫地不聞~~~~

"點算?!咪就死響呢度囉,哈哈哈哈哈~~~~" 雞泡魚依然係咁串 ,佢步步進迫,將麻甩友迫向絕境....

響咁o既絕境之下,麻甩友心生一計,
"嘩~~你睇下~~有一隻會飛o既豬喎~~喂,響你頭上面呀~~"
"係~!!"睇下先,"就係呢個時候,麻甩友就把握住條雞泡魚向上望o既時機,就以極速衝去佢褲浪底,
仲要穿過埋添,跟住佢又極速起返身,點知一起身,就跌咗落個坑..............

碰,碰,碰,滾滾,滾,終於停咗....
"嘩~~!!!!!!!!!!!!好痛.........."麻甩友發現,佢身處係"人"山入面o既一個叢林入面,死啦,趺咗呢座山叢林入面冇路架喎,死啦...............但.....佢竟然發現佢身邊原來有條佢唔知o既梯落山呀,好野~~好野好野好好野~~~條路仲有d提子摘添,好味~~~
佢即刻又以極速走返落山,返番去堅尼地城爹核士街佢o既屋企食涼粉lu~~~

哦~原來 "人" 係唔止得一條路,兩條路o既~~

06142003

(至於雞泡魚,仲響個度 向上望.........)

>>June 15, 2003 at 12:54:57 AM GMT+8