2004 年 10 月 19 日 星期二 【晴】

趁今日得得地閒，又寫下野，
呢排有d心煩意亂，放心，唔係為咗情，更加唔係為咗錢銀，
係為咗前途，
唔知點解，當人去到某一個位o既時候，就會聽到好多會令你少少羡慕兼且又嗤之以鼻o既消息，而呢d消息，就梗係覺得好似專登係衝住你而黎，或多或少係刺中你o既要害。
最簡單咁講，以我做例子，我呢排就成日聽到老母話我以前身邊o既人，好似同學，朋友，讀完大學啦，而家搵幾多銀，生活穩定，又呢樣又個樣，我唔知點解，聽到之後，總係好似一條刺插中個心。
點解?
因為我唔行人地行o既路，又冇人地咁本事囉。(但係咪真係咁呢?我唔知)
我呢段日子，真係好懶，又好唔知點咁，可能轉一轉心情，轉一轉生活習慣，可能對我有d幫助，我就冇乜似其他人咁有咁多咁大o既宏願，我唔係好想同人地比，但又成日會有機會同人地比，一比我總係好似差過佢地一皮，人地o既"平常生活"總係要好過我o既"平常生活"，你話我冇上進心又好，冇鬥志都好，我平平常常就得，而家我真係冇乜野好想，只想可以讀下職安健課程，為以後鋪下少少路，搵一份穩定少少o既工，過一d穩定少少o既日子，咁就吾願已足。
做人，真係咁簡單，就夠。
但我一齊o既煩惱既係"好似"來自平常心，又"好似"唔係來自平常心。好煩。
我諗我都係要再閉關冥想一陣子‧‧‧

>>October 20, 2004 at 12:10:22 AM GMT+8

2004 年 10 月 10 日 星期日 【晴】

苗圃挑十二小時(路人prewalk第一激)

今日星期日，天氣好又唔算好，差又唔算差，但都算係個適合行山o既日子黎o既，
就乘住呢個咁o既日子兼且時間無多之下，去行一行苗圃十二小時O既路線。
我地從油塘開始，一開始就要行一段斜路去正式O既衛徑，撞鬼，一開始就要行咁O路，兼且一望遙遠O既---對岸----香港島個面，竟然一片煙霞朦朧，死火 ! 咁仲唔代表天氣又熱又冇風咩，跟住我就意識到今日O既行程係將會何等O既攞命同辛苦(對我黎講)。
首先，響去馬油塘村條路上，竟然有D腳步浮浮O既感覺，咁仲唔死 ? ! 開始咗冇幾耐喳喎 ? 大佬?唔係咁搞嘛~~好彩，都仲頂得住，結果亦都順利過到去馬油塘~~(俾D行慣山O既山友見到我呢段文字，肯定會話我影衰佢地~~)，跟住經過翠林，深朗，井欄樹，太普通啦，雖然有某D景都幾好，但我一路凝住前面有好勁O既難關，所以心情亦都開始緊張，去到大藍湖，死啦，死期黎啦，因為要從呢度行上去好恐佈(只限於我)O既東洋山，呢座咁O既野，真係好攞命，起初林蔭處處上梯級，都搞到我好似"秋瑾"咁行，點知呢座東洋山，好似冇頂咁，上極都上唔完，由下望上去以為係頂啦掛，點知上完又有，正宗要幾長有幾長，搞到我死下死下，本身體能已經係極差，又加上精神真係好不足，真係三步一小抖，五步一大抖，去到頂之後，爭D冇力去大老山道，大老山道，本身真係冇乜野O既石屎路，但經過頭圥東洋山O既折磨之後，我大脾筋又係三步一小抽，五步一大抽，我阿哥--膝頭--都搞到好似有少少事，撞鬼，真係前所未有咁辛苦(行石屎路)，又熱又晒又抽又冇氣又冇力，呢段真係我呢世仔最難捱O既一段路呀~~好彩最後，去到沙田坳，發現咗一間綠汌，一間士多，至於叫乜名，我諗冇人會在意掛，所以我亦唔知，因為個間野D野都係普通，D野食又唔算係叫抵，所以知唔知佢係乜名都冇打緊掛~~好啦，響個度飲飽食醉，體力充足啦掛，平時就係，一見到落慈雲山個條沙田坳道，我就知.........死啦..............又黎多鑊啦...........




而今次得出O既結論係：

雙十雙十, 傷膝傷膝....

下次東洋不屈膝~~~~~!!

(我希望搵日再去東洋山，睇下佢勁定我勁!!)

>>October 12, 2004 at 12:08:09 AM GMT+8

2004 年 10 月 7 日 星期四 【晴】

今天想談一下關於香港歷史的事，

首先，我想向你陳述數點：

1. 香港今天的成就，是全由中國人努力的成果。
2. 香港在殖民地時代，歷來總督都是被委任，在各項政策上，都沒有一個民主的方法去加實行。
2. 在香港的外籍人士，他們以往都會是享受最好，地位最高的一群。
3. 香港一直以來，華人都是被剝削的一群。
4. 在開埠初期，香港的主要經濟是靠農業和漁業。
5. 十九世紀初，殖民地政府為了利益，容許世界各地的商人在本港設置分部，並大量任用華人擔任低層的工作。
4. 在殖民地時代時的香港，殖民地政府為求香港的穩定，無所不用其極，他們會壓制華人，讓 他們在社會中長期處於低下的位置。
5. 中國政府從來沒有承認從它身上割讓出來的殖民地---香港---殖民地的身份。
6. 國父孫中山先生來港的時候，在香港組織起革命活動，從此，香港便成了革命的基地，孕育了革命的種子。
7 戰前的香港，縱然香港已有了大學的設立，但香港普遍能受教育的人不多，普遍知識水平低下。
8. 在四五十年代，內地大量難民的湧入，造就了本港轉型成為工業經濟。
9. 一些在國共內戰失利的軍人，南下到了香港，港府將他們安置在調景嶺，使調景嶺變成了一個自成一隅、獨立的地域。
9. 香港在七十年代開始，成為了聯接中國與世界的一個重要轉口港，使香港的航運業得以發展。
8. 中英聯合聲明及基本法的落實，有利於香港在回歸後更加與內地連成一綫。
10.香港在回歸以後，不論在各方面，都得到了全新的發展。

以上的各點，你是否相信?

如果是的話，那我便要向你道歉，因為以上都是以我自己在課餘時間所接觸的香港史再加上模糊的印象而概括出來。請你不要就此信以為真。我相信當中的錯誤超越八成。俗粗一點來說，這為之 "老作" 或者 "老點"。

在我讀書的日子，是沒有香港歷史修讀，現在的莘莘學子有機會了，

但就給一些編輯水平低劣、不盡不實、以及刻意抹殺過往事實的人所編注，

讓現在的學子學習這樣的歷史，相信他們的水平很快會超越我‧‧‧就連我剛才所胡說八道的"香港歷史"也會信以為真，甚至相信是"金科玉律"。

歷史是要讓我們去尊重，去正視，去公正面對，如今屬於我們香港人的歷史很不幸地給一些迷信於片面事實、兼且懷著偏見的人去:"搬弄"，

怪不得，連大學博士/教授都要在報章上口誅筆伐，大呼：

"這樣的歷史也能讓我們的下一代學習嗎?!"

?!

>>October 12, 2004 at 12:06:30 AM GMT+8

2004 年 10 月 7 日 星期四 【晴】

今日上D行山網，發覺原來香港有好多行山比賽舉行~~
我即時打個突，仲大聲話好，
因為但凡呢D比賽舉行O既時候，山總係好多人，好熱鬧，好開心，
我行山個陣，都鍾意呢種人多O既感覺，

但其實最重要個樣野，就係唔怕俾山賊打劫‧‧‧

雖然我心底裏都係鍾意獨行或者三兩知己一齊行，
但呢個時候真係冇可能‧‧‧唉‧‧‧

一個人去欣賞大自然，係比較容易感受到天地O既靈氣同自然之美(我覺得)。
因為可以心無雜念，全情投入，尤其係影相個陣，同其他人一齊個陣，冇錯，相都可以照影，但只係影相，並唔係影 "靚 "相。
但唔緊要啦，我暫時未有單鏡，所以我都唔會影相住，人多一齊行，都開心~~ ^ ^

以下係我諗住會做路人O既日子/ 項目：
24/10/04 苗圃挑戰十二小時
XX/11/04 好似叫挑戰港島徑十二小時
12/12/04 樂善行 (中程)

各位行山友，你地放心啦，我係唔會咁冇道德攞補給同霸住條路。呵呵。

(10月3日本來諗住做苗圃PRETRIP，但因為有朋友身體未康復，所以作罷，個日天氣一流，嘥晒‧‧‧但算啦，身體要緊!!!北霸王，你要快D康復呀!!!!!)

>>October 7, 2004 at 10:23:39 PM GMT+8

2004 年 9 月 23 日 星期四 【晴】

冇錯,
過咗今日,
我又老咗一年,

冇錯,
呢一年,
我真係好多時候都死下死下

冇錯,
睇住好多同年紀o既朋友都
成家立室,
或者
開步邁向佢地o既新里程,
我真係覺得自己好似另外一個世界o既人

冇錯,
好多人o既所謂平淡遭遇,
都令我好羨慕佢地

冇錯,
我唔似其他人咁,
可以實現好多佢地自己想實現o既野

冇錯,
年復年o既流逝,
我o既熱情,激情不再,
對好多野都多愁亦都善感

冇錯,
身邊o既人好多都唔夾自己,
多意見爭拗亦都係家便飯

冇錯,
真係好多野好多野都令呢一年黎o既自己不知所措, 又長嗟短嘆,

但,
我依然繼續想遊戲人間, 與世無爭, 笑傲江湖

反正人生係要....

食得就食~!!!

>>September 27, 2004 at 10:45:00 PM GMT+8

2004 年 9 月 8 日 星期三 【乍寒還暖】

誠意o既祝福：

阿邊個邊個，
你一定要好好咁生活落去呀，
最好有咁好得咁好，
好到俾我妒忌你都得，
最緊要你係繼續鍾意hello kitty呀，
咁我就可以有借口繼續送野俾你啦。

哈哈哈。
我聽到你把聲真係幾開心架~~傻妹~~哈哈哈
^o^ ^o^ ^o^ ^o^ ^o^ ^o^ ^o^ ^o^ ^o^ ^o^ ^o^ ^o^ ^o^ ^o^

當然，如果你係再俾返機會我............................

去冧你，咁就更好啦~~!!!!!!

哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈

>>September 9, 2004 at 11:32:43 PM GMT+8

2004 年 9 月 8 日 星期三 【乍寒還暖】

已過了幾天一人上路的日子了，

誠然，
起初總是有悲天憫人的愁情，
隨著天色的惡劣而更為深刻，烙印在心，

尤其不忍、心傷、可惜、無奈，
緣起緣滅，引起的點點絲絲憶念，總是教人久久不能忘懷，
慨嘆倆心緣份就此磨滅。

但不忍慨嘆又如何！
真正緣份應是由己維繫，真正緣份亦不只單單發乎的男女之情，
友情豈會亦豈容會給你演繹得如斯膚淺，
如斯膚淺，只因你逃避現實罷，
若真正在乎緣份，豈會只拘泥於愛之情，戀之意，
一點純真的關心，一些無私的付出，
點點滴滴，已經能讓你看出真正長久緣份的精粹，
只要珍惜這些；
雖當不成一對、但成知己一雙，

相信亦已教你感覺真正的舒懷，感到真正的緣份，

就是如斯的簡單，無私，可愛。

>>September 9, 2004 at 11:23:31 PM GMT+8

2004 年 8 月 30 日 星期一 【晴】

經過這多個月的折磨，
我終於回歸了原點，
獨自一人重新再上路。

對於過去，我不會希冀，亦不會再想起，更不會悽悲。

再見了，過去‧‧‧！！

>>August 30, 2004 at 11:04:48 PM GMT+8

2004 年 8 月 13 日 星期五 【晴】

奧運終於開幕，
四年一次的盛事又開始了，
每逢這些日子，
我總是不厭其煩，盡量把每一個項目都看，
因為這些運動項目總是比其他無聊的電視節目好看，
起碼真情流露，
一點也不矯情‧‧‧
鬥志熱血燃燒，
衝勁滿身。


但我相信，兩星期後，
我又會再次患得患失‧‧‧

>>August 23, 2004 at 9:44:16 PM GMT+8

2004 年 8 月 2 日 星期一 【晴】

原來已經好耐冇寫日記啦，
搞到俾人警告要刪除，
不過呢排真係好攰，
完全冇乜心機去寫，
又冇乜野值得自己去寫，
搞到而家要寫下d冇謂野出黎塞下個版面，
唉，真係無奈‧‧‧
雖然我好想叫阿網主去廢除呢條咁"不近人情"條文，
但無奈，
呢d叫遊戲規則，
做人幾辛苦都好，
又或者幾憤世嫉俗都好；
自己o既遊戲規則可以唔理，
但人地o既就點都要守，
呢d叫遊戲規則‧‧‧
唔理你當做人係一場遊戲又好，
定抑或係一場苦差又好，
都一定有佢o既遊戲規則，
唔守唔得‧‧‧
做人o既遊戲規則就係要遵守遊遊規則，
呢d就叫做遊戲規則‧‧‧‧
遊戲規則唔好玩架，
話就話係"遊戲"，
但一d都冇遊戲咁好玩，
實情係要你讓車馬炮，
不過人人都係會車馬炮，
所以 "好似" 扯平，
但事實係人地一定會有多幾副車馬炮，
讓車馬炮 ?! 睇落係你唔著數喎，
如果唔係，呢個世界點會有咁多唔公平?
呢d係遊戲規則‧‧‧
唔公平又點?
唔忿氣又點?
遊戲規則就係咁架啦，吹呀！
遊戲規則佢自己就係要豎立至高無上O既權威，
所以佢先係相對O既絕對正確，
講乜都冇用，
呢D叫遊戲規則‧‧‧‧‧‧‧


寫完，
交到差‧‧‧

>>August 2, 2004 at 9:45:14 PM GMT+8