2004 年 5 月 7 日 星期五 【晴】

懶科翻炒


這兩日為了溫 Analytical Chem
終日留在圖書館
除食飯食 tea 其餘時間都寸步不離
昨日更加下定決心
留到凌晨一時關館為止
結果坐到凌晨十二點十
夜讀室剩餘我與另一人
我抵不住寂靜得有點可佈的氣氛，先行告辭
步往圖書館門口的路程中
看到仍在圖書館努力中的，相信不夠廿人
又一城關燈了，達之路只剩的士奔馳
回到宿舍，洗過澡，睡覺前還有事要做...
吃杯麵 ^^

這兩日總算把之前怒抄的四份 assignment
連 Mock 卷看過兩遍
昨晚閒談得知原來這科已經轉過一次 Lecturer
看回二十世紀他出的考試卷
發現他果然夠懶，可以連續兩三年
出回一模一樣的題目
換言之今日的考試翻炒的乘數都相當高了
故此把心一橫今朝考試前做多一次份 Mock 卷
(= 去年的考試卷)，再用心背文字題的標準答案

一如預期，今日考試個 Examiner (=Lecturer) 依然人間蒸發
他的「作品」亦一如所料......繼續翻炒
爭在未把去年題目完全搬字過紙......
但勝在小弟放了心血在 Past Paper / Mock Paper
今日還是有點斬獲，希望有 B 或以上的成績

我認為最難過的科都過去了
星期一再完成 Earth System 考試後
就放「暑假」喇，努力加油！

>>May 8, 2004 at 1:50:51 AM GMT+8

2004 年 5 月 4 日 星期二 【微雨】

兩個極端


琴晚考 Bio，係 Open book exam
所以個個都「大包細包」入試場
我當然都唔例外，帶左三本書
再加 n 咁多頁 notes 去考
份卷三個鐘十四題揀十題做
平均三個字要做好一題
唔識的話就唯有不斷揭書係咁抄抄抄
Bacteria 個 part 竟然一反常態唔多翻抄 Past paper
令人大失預算 >_<
LV Fungi 個 part 就預左年年新款
今年又唔係話特別難
怪就怪自己做傻事
為左做出自己覺得完美(但唔知有無分)o既答案
竟然用左一個鐘時間完成兩題(按道理係要做緊第四題)
都已經心諗做唔晒
結果都係完成左七題多少少
希望呢七條個分數唔會再打咁多折頭啦...
因為Coursework 已經唔係好
而家保唔保得住 B- 都難講...
九點半考完就跟同學落南山村食宵夜
之後住 Hall o既就一齊飛的上返去
三分鐘唔駛跳錶就到 ^^

今晚考 Computing
今日中午先真真正正開始讀
因為可以讀o既就只係六課唔過廿版o既 notes
到開考揭開份卷，一切都在掌握之中
唔太識o既因為o係選答部分可以唔揀避開
用左八十分鐘就做完份卷，check 埋卷
都仲係提早左半個鐘頭走 (前所未有咁早走)
Computing Coursework 相反我又異常高分喎
今個 term 係靠佢拉返上o黎架喇
之不過...靠 3 個 Credit o既科拉其餘 11 Credit
單睇力量就好薄弱喇...

未來兩日要起勢咁做 Analytical Chem o的數
費時一下唔該要 retake 實俾同學笑到面黃......

>>May 8, 2004 at 11:32:25 PM GMT+8

2004 年 5 月 1 日 星期六 【晴】

再奪殊榮


琴晚帶另一班 VRA 洗樓
亦係第一次帶阿媽級 VRA
洗o既係上年洗得幾盡o既雅濤閣二座
不過星期四都做得廿張
都唔想琴晚做得太差
琴晚用左個半鐘就洗晒成座，填得o個七至八張
佢地當然想早走啦，但我就梗係唔滿意啦...
於是我就用我o既權力...洗埋琴晚
黃竹坑村洗剩o個三層樓，爭取多幾張返o黎
不過都仲係早左七個字收工 :-)
返到 Hall 見到 roommate 留言，話等我地考晒試
佢先返o黎 (P.S. 佢唔駛考試)
即係我有個零禮拜一個人住雙人房 ^^

今日赤柱大街擺 Counter 算係決定我地前途o既一役
結果係...全組人加埋 30 張
不過不失啦...但上頭點睇要到禮拜一先知

琴日城大公布左今年 Teaching Excellence Awards 得獎名單
我個 staff mentor LV 第二次拎呢個獎
做佢 mentee 都覺得自豪
旨因我都出過力架 (監堂o個次 Lecture 我有答佢問題... )
今日幾份報紙都有佢o既少少介紹，節錄如下：

《明報》
......在 城 大 教 學 15 年 的 生 化 系 教 授 關 利 平 ， 其 「 問 題 為 本 」 教 學 法
獲 評 判 及 學 生 認 同 。 「 我 希 望 學 生 可 以 明 白 ， 得 到 知 識 非 只 靠 背 書 、
背 理 論 ， 故 每 次 上 課 我 都 要 求 每 名 學 生 向 我 問 問 題 。 」 她 強 調 ，
她 要 求 的 問 題 並 非 「 真 菌 如 何 演 變 ﹖ 」 等 直 接 問 題 ， 而 是 有 質 素 、
具 思 考 性 的 問 題 ， 如 「 香 港 腳 由 真 菌 造 成 ， 他 們 可 以 問 ﹕
為 何 男 性 患 香 港 腳 比 率 較 女 性 高 ﹖ 」
關 教 授 的 二 年 級 學 生 郭 穗 荔 說 ， 透 過 關 老 師 的 教 學 法 ， 學 會 很 多 知 識 ，
但 她 笑 言 一 些 較 懶 的 同 學 會 為 要 提 出 問 題 而 苦 惱 。 .......

《經濟日報》
大多數課室裏，學生要隨時應付老師突如其來的提問，城市大學
生物及化學系教授關利平的學生，雖可逃過這一劫 (按：錯！應該係家常便飯！)，
卻要面對更令人苦惱的事情，就是每次上課後也得向教授提出
一條有深度、不「低B」的問題：「不要問我真菌分解物質的過程是怎樣的，
這是條『低B』問題，你根本沒思考過！」關利平笑說。

問題為本法 引導學生思考答案
「所有真菌都只用來分解物質，哪只有一隻便夠了，為甚麼世界上要有這麼多種真菌？」
這條學生提出的問題，考起了關利平，卻教她留下了深刻印象，教科書和試題
都沒提及這個問題，只有認真思考的學生，才問得出來。

在關利平的課上，學生不能提出膚淺的問題，但問了以後，卻又要自己解答；
她笑說，她往往只會用一句反問句回應，引導學生思考如何去解答。

平日上課，她不愛對著教科書講，而愛提出活像蘋果為甚麼會掉下來等的
「簡單」問題：「為甚麼男人有香港腳的機會，比女人高？為甚麼3、4月時，
毛巾上都有黑色一點點的東西？」 學生都去圖書館找答案，用學術的角度
回答這些生活化的問題。 她又帶學生到挪威、夏門、馬來西亞、泰國等地方
做實地考察，學生要想出做甚麼研究、如何才可準確得出結果，例如學生
想測試挪威的水質，便要想出用甚麼儀器，如何測試等。

採用問題為本的教學法，關利平只為改變學生的惡習，她說：
「教學生最大的難度，是要他們攤脫由小學至中學培養成的背誦模式，
這樣他們根本不會解決問題。」

我問佢乜野問題就廢事講喇...因為都真係幾 naive
反而記得有一次o係 tutorial 佢問我點解 Fungi 生o係
腳到(香港腳)又唔會o係腋下呢o的地方
當時我俾個答案佢都話 Good answer
可以答到佢所要求o既，真係已經好滿足架
希望後日個 Open-book exam 一樣達到佢要求啦

>>May 4, 2004 at 12:04:07 AM GMT+8

2004 年 4 月 29 日 星期四 【晴】

忙裡偷閒


考試可說是逼在眉捷
但仍在所不計「豪」一日兩夜不讀書走去做其他事
皆因......那些事我覺得更有價值、更有意義... :P

昨晚與壽星公(Happy birthday!)在尖沙咀食晚飯後
友人 Leslie 提議坐他的「愛驅」去黃埔食糖水
行到去中港城「愛驅」就到了：綠色小巴 LH1994 是也！
一架簇新而對我來說也很新鮮的小巴

今日中午，接載小弟參觀廢物處理設施的
是一架LK牌的「男人」旅遊巴
又再一次有新車坐...
最特別的是車頭貼了張「香港特別行政區政府租用」紙牌
頓時覺得自己是貴賓一樣
不過今日此行似遊車河多過參觀
皆因有三份二時間都在車上
但廿四小時內坐的這兩架新車都有一個共通點......

原定今晚在黃竹坑村擺 counter 改為上樓拍門
這次是難得沒有壓力的
因為上頭也知黃竹坑村清拆在即，而且老人家多
不期望會有太多 form 進帳
今晚做三個鐘，洗了十五層樓九百多個單位
結果全組人又是做到二十張
(論每小時登記人數是有進步的
雖然看起來緩慢了一點...)
其中很多都是我們下足「嘴頭」誘導長者登記的
今晚大致上居民的態度都不錯
當然總有些人不太友善，有些屋內有人都不應門

明晚繼續要帶洗樓，五一擺 counter
本來星期日都要返工
但評估過溫習進度後發現時間不足
故還是不冒險，請了假......
現在希望的是五一的業績可以大躍進
那我就可以更輕鬆的心情面對考試了~

>>April 30, 2004 at 1:44:09 AM GMT+8

2004 年 4 月 26 日 星期一 【微雨】

這天及之前的日記已遷存至以下網頁:

http://mypaper.pchome.com.tw/news/6001/

>>April 16, 2005 at 2:27:56 AM GMT+8

2003 年 5 月 4 日 星期日 【雨】

從頭認識


係時候俾大家了解我多o的 ^_^

你現在正在聽誰的歌: 祖兒 (out 左少少喎...)
你在哪裡讀書(工作)：雙U (Uneducated+unemployed)
你最後吃的一樣東西是什麼：A for apple
現在天氣如何﹕下雨中
戴隱形眼鏡嗎：無戴, 驚沙士病毒入眼, 同埋唔識拎番出o黎...
上一次生日蛋糕上蠟燭的數目: 得一支咋喎
你通常吹熄這些蠟燭的日期：生日個日囉...但今年無吹
你的家養過什麼動物: 馬,老虎同豬...家庭成員之生肖也
星座：麗星郵輪專做海上假期個艘
兄弟姊妹跟他們的年紀：家姐,爆佢年紀出o黎我無命喎...

眼珠顏色：同眼眉毛一樣顏色
有幾個耳洞：無, 而家亦未想有
你有刺青嗎：無, 但曾經想有
你喜歡你目前的生活嗎? 目前都唔錯, 但唔想四個月後都係咁
出生地：港島西區一間私家醫院
目前居住地 : 採石灣 (直譯英文)
喝過酒嗎：食過幾次醉雞啦
去過哪些國家：偉大的祖國,台灣,泰國,印尼,澳洲,美國,加拿大
覺得自己花心嗎: 未試過為個心照X光,唔知有無花...
曾經出過車禍嗎：有, 踩單車翻側

暗戀過幾個人: 小學一個咁大把
會因為害羞而不敢跟人告白嗎：暫時未有機會,但咁驚同人告白仲係男人o既...
不敢吃的東西：貝殼類海產, 街邊無牌熟食小販
喜歡吃什麼東西：快餐廳同茶餐廳o既小菜客飯,燒味飯,鋸扒
喜歡喝什麼：凍檸茶, 熱奶茶, 朱古力, 華田呵力
最喜歡的顏色：藍
最喜歡的數字：無特別偏好
最喜歡的電影：唔多睇戲...無話邊套特別深刻
喜歡看哪一種的電影類型：笑/睇完就算o個 D
喜歡的卡通人物或品牌： 春田花花幼稚園所有學生

最懷念的日子：學校o既日子...笑中有淚
最傷心的時候：睇新聞話死左幾多幾多人o既時候
最喜歡禮拜幾：唔係星期一二三四六日
喜歡春.夏.秋.冬哪一個季節：秋天,乾爽又唔多雨,o岩影車
喜歡的花：自己花(打麻雀)
最怕遇到的難題：晏晝邊度食 lunch 呀?
最喜歡的運動：可以踩o既運動
比過哪些比賽有得獎：小學拎到繪畫比賽第三 (難以置信呢?)
喜歡的冰淇淋種類：最愛 Vanila
最怕什麼東西: 入唔到 U

如果有來世，你最想做什麼：做狗, 逗人開心
最討厭做的事: 唔真實o既自己
討厭別人做什麼：食煙, 成日講低級趣味o既o野, 炫耀自己
你住得距離最遠的一位朋友是誰：加拿大有幾個
世界上最惱人的事: 點解香港咁多庸官?
全世界最好的事：無天災
目前有男(女)友嗎：有,就係我家姐
覺得同性戀如何呢：咪攪我
如果有人誤會你，又不聽你的解釋：留番啖氣暖肚好過
有想過要怎麼對付你討厭的人嗎：敵不動 我不動

你認為你的另一半幫你付錢是理所當然的嗎：唔係,除非發左達
若你的另一半硬要幫你出看電影的費用時：不如留番o的錢食好o的
通常幾點上床睡覺：25:30 前
現在心裡最想見的人是誰：o係外國留學o既同學
想要幾歲結婚：想都無用...都無人肯一齊步進教堂
依你心裡所想覺得重要度先後次序（友誼/愛情/家庭）: 而家 家庭>友誼>愛情, 將來唔知
今天心情好嗎：尚算唔錯, 但未係最好
有想過要自殺嗎：諗過一兩分鐘咁多, 但無膽做

>>January 25, 2004 at 6:31:32 PM GMT+8