2005 年 8 月 28 日 星期日 【晴】

< 零八年 >
---------------------------------------------------------------------------------------------------------------------------
岩岩食完下午飯...
都要即刻寫日記...
因為想大家知道...
我企屋d對話有几攪笑...

爸爸﹕「我宣報左嫁啦...我零八年要退休...」
我﹕「吓...你講多次...你零八年去奧運呀？」
爸爸﹕「係退休呀...到時你們三兄弟每人一個月比番五千 ( 共 15000 )我...」
哥哥﹕「果時ar 城岩岩畢業...做左兩年野...e條數都難d 喎...
如果我果時搵到四五萬蚊一個月未比五千你囉...」
爸爸﹕「你地比五千蚊...我自已洗...一萬蚊比屋企...就夠囉...」
媽媽﹕「我e 隻獅子個口咁大...都唔敢開咁大個口...我一個月三千就夠咯...
你隻牛牛( 爸爸係牛年出世 )一講就要五千...有無攪錯...」

無錯...以上的對話...
係我屋企發生過無數次...
特別係我爸媽談笑風生o既話特別多...

有其爸媽...必有其子...
所以大家明白點解我成日咁多野講...
同日講d 野咁鬼攪笑...
這是家教來的...
---------------------------------------------------------------------------------------------------------------------------

< 教會 >
---------------------------------------------------------------------------------------------------------------------------
只不過訓左唔夠四個鐘...
就比果個露比仔叫醒左我...
因為今日佢約我返樓下間教會...
其實樓下間野...我十年前...
( 應該差唔多十年...我記之前去果次...係少二...當然去係為左飲橙汁啦 )
本身我間教會係將軍澳基督教錫安堂...
不過我都有成年無返囉...
無他...一來無時間...二來無動力...三來...唔知道...

又咁樣...就過左兩小時o既崇拜...
唱下歌...祈下禱...同錫安堂差唔多...
只係錫安人數少好多...

下午...因為果本廣告書太悶...
睇睇下就咁訓著左囉...

晚上時候...
自已一條友行左去走廊睇書...
因為屋企人睇電視...大家宋就下囉...
睇睇下...又悶...未落樓下果個泳池...是但一二邊睇書囉...
發覺自已又時都几求其...我mean著衫...
我今日著衫落街...成個傻仔咁...
背心...超短褲...人字拖...

尋日跑步時...條運動褲仲短度成條...泳褲 tim...
運動...only...唔驚屈特...
----------------------------------------------------------------------------------------------------------------------------

>>August 29, 2005 at 2:28:08 AM GMT+8

2005 年 8 月 27 日 星期六 【晴】

< 跑步 >
-----------------------------------------------------------------------------------------------------------
晚上九點正﹐如常去了跑步。
無他﹐因為我愛跑步﹐有沒有人陪都會去。
今日我跑得特比快﹐
用左唔冼十七﹐八分鐘就由景林跑到去清水灣半島。
點解下下都係以e 度近調景嶺o既地方作為終點？
因為係e 度可以望到個" 海 "囉...
跑到成身汗...可以有個地方吹下海風...
當然好啦...

兩個人此終比一個人好...
本身我係清水灣半島休息完後想行番屋企...
點知行行下...
後面有條友跑出黎...
我見佢都ok 快...
係好勝心一起下...於是就路跟住佢尾...
初初e 為佢係一般料...( 雖然佢係著住警察背心 )...
跑跑下先發覺佢ok 勁...ok 快...
我真係要用力跑先可以跟住佢...
好采佢同我同一條路...
所以我就跟佢...一直跟到我樓下...
係最係果段我仲跑係佢面前...帶佢跑tim...
不過佢o既終點係更遠...地方...
其實佢應該勁過我...我諗...

跑步...兩個ok 實力近o既人一齊會好開心...
因為可以互相追對方...
一齊享受跑步o既快...享受挑戰...享受被人追的感覺...

我愛跑步...
因為我喜歡鍛鍊心志...
喜歡接受挑戰..
其實最鍾意係流汗同埋攰o既感覺...
--------------------------------------------------------------------------------------------------------------------------

< 銷碎時兩則 >
-------------------------------------------------------------------------------------------------------------------------
~ 錢...錢錢錢 ~

又有人請...囉...
當然又係補習...
不同時間撞鬼左...推左囉...

今日又收到電話叫我去見工...
下星期二又去囉...

~ 食物 ~

歐洲食物...
話說...今日餐下午...
由媽媽親自下廚...
係煮類似通粉果類...
我一食就問﹕
「點解d 味咁怪...」
佢話...
「我點知呀...我煮果d野係你係歐洲帶番黎o既...」
:
「你點樣煮先...？」
「我未一次過落全部囉...」
:
「吓...唔係 ar fa...十包！！！」
「你知唔知果度每包要成十蚊嫁...每包可以用兩次...係調味料黎嫁...」
「我仲諗住拎去中大食...你竟然一次煮左我成百蚊野...我死比你睇...」

天呀...點解我媽媽咁蠢嫁...
唔怪得知爸爸成日都蝦佢...玩佢啦...
---------------------------------------------------------------------------------------------------------------------------

>>August 28, 2005 at 1:49:25 AM GMT+8

2005 年 8 月 27 日 星期六 【晴】

< 崇基 o camp >
----------------------------------------------------------------------------------------
因為忙...所以寫少少...

今天主要是寫番一篇信比中大...
叫佢檢討果個所謂 中就 計劃...
已經寫左千五字...
預計仲有三千要寫...

回去中大看崇基 o camp...
兩句回應...
我無後悔離開港大...因為我入左崇基...
我無後悔返去中大...因為我愛上崇基...

...
回家...
點解露比仔唔信我畫畫都 ok 呢?
我個樣真係唔似會畫畫?

我愛媽媽...
因為媽媽愛我...

凌晨三點許...
終於寫完給中大中就計劃負責人的信...
共有四千字...
現在是check 字...文化同埋修改語氣時間
----------------------------------------------------------------------------------------------------------------------------

>>August 27, 2005 at 3:50:57 AM GMT+8

2005 年 8 月 25 日 星期四 【晴】

< 我對社會一言 >
---------------------------------------------------------------------------------------------------------------------------
今日香港新聞報導﹕

「有男同性戀者不滿現行刑事法中有關非法肛交的條文有性別歧視之嫌，
提出司法覆核，高等法院法官夏正民昨日就案件下達判詞，
認同有關條例對男同性戀性行為的限制，明顯較異性性交及女同性戀嚴厲，
有歧視的偏差，是違反基本法第廿五條及三十九條以及人權法，
因此裁定該條例中的四項條文違憲。同性戀圈子對法庭的判決十分高興，
並估計過去數年因違反此條文被判罪的男同性戀者會提出上訴。」

當我知道這件新聞後﹐心中﹐口中﹐有千萬句憤怒的話要哭訴…
這一個社會是什麼社會？
這個裁判結果是將同性戀合法化推向一個" 里程碑 "？
還是要將社會的錯誤道德形成過程推向一個" 萬丈深淵"？

道德的標準是制定俗成﹐還是由自然定律所牽連？
我在此可以大聲講一句論點﹐如果世界全是同性戀者﹐
如每個人只對自已的" 伴侶 "盡忠﹐只與其發生性行為的話﹐
人類就肯定會慢慢滅絕﹐而且不出一百年。
( 因為我心中對同性發生性行為不被社會責罵而憤怒﹐語氣可以太重﹐望見諒 )

由此可知同性戀﹐及帶出的同性性行為﹐是違背自然定律。
我對此事的立場也顯然。

我對自己的信仰雖然有動搖的危機﹐可是我對自已的道德底線從沒放鬆。
個人主義﹑自由主義﹑平等自義…
難道它們可以動搖人類從遠古自然流傳下來的道德樑基？

不要﹐請不要這樣。
雖然我不是同性戀者( 可能我是雙性戀自已也不知道 )﹐我不會明白它們所想﹐
不過我明白什麼主義都不能胡亂被掛在" 正確 "道德觀念之上﹐
使人類文化﹐道德觀念再一次被拉出底線﹐被破壞。
我相信如果此等事情斷續發生﹐人類最終都會被自已所新" 建立 "的新標準害得要滅亡。

神﹐主耶穌基督﹐請你再一次救救世上一切受錯誤思想所殘害的人。
( 的確包括我在內﹐因為我自問不是一個什麼好人 )
----------------------------------------------------------------------------------------------------------------------------

回港之後﹐其實在西安﹐歐洲也是…
有一句話﹐常常在我耳中迴響。
「初初真是感覺你好好嫁﹐不過後來點解你會變成這樣呢？你覺唔覺你好自大呀！」

我是自大﹐自信﹑還是？
我已經就這個問題問了很多朋友﹐結果不一致。
不過我知道一個答案﹐就是我介意向我發出那句話的人﹐
因為我 care 你﹐只是這樣。

這兩三天都是晚上十一﹑二點回家﹐
回港後工作一浪接一浪。
不過我愛這種生活﹐因為我喜歡自已是在生活的。

< CC FYP >
----------------------------------------------------------------------------------------------------------------------------
兩日內的崇基FYP會﹐都是在又一城開始﹐及完結﹐時間都是七點到晚上十二點。
結果沒有什麼進展﹐少少方向可就出現了許曙光。
寫在這裡﹐當做一個會紀吧。

< 廣告 >

第一次會議﹕
1. 同行利用廣告作戰場…
2. FLow﹕
i. Definition of Adv. -> one of the successful Adv: TV / veido Adv.
-> Give several impressive Adv -> conclude the common successful factors
-> factors relative to culture of HK
ii. 創造文化 而及 迎合文化 的差異
iii. 宣傳手法
3. Type of Books
i. Application
ii. In Experinece
iii. Sharing
iv. Effect

第一次會議全是吹水及無奈﹐因為大家發覺" 廣告 "好難做得好。

今天﹕
經過了我﹑ricky﹑雪及客觀非常的軒﹐
我們的結果去回原地﹐嘗試從廣告看女仕的地位﹐各方面怎樣隨年代而改變。

為什麼我們會為一個方向爭辯了兩小時﹐
因為大家想好好利用這個" 功課 "去好好做出一個有用的成果。
又是說" 女人 "﹐前人﹑同學﹑報章雜誌﹐及社會都出了無數的文篇講述了。
何用我們四個乳臭未乾的小孩去探討…

我知道我們都有心做好這個功課的﹐由其是我。
我想把握每個機會去做好每一件事﹐從中學習﹐不想為分數而去交功課。

導一﹕是廣告影響人的心理﹐驅使人產生購買意慾。
還是人先對唯些產品有認知﹐再由廣告去確﹐強調﹐加強人去購買產品。

導二﹕從比較廣告中( 如美國與香港比較 )﹐看出文化差異。

導三﹕集中看 non-profit making organization's Adv eg HK Government and Volountary Org.

導四﹕先立論﹐後補證。

導五﹕何為「成功」的廣告？
按市場學理論﹐成功的廣告只有兩項要素﹕
一﹐廣告能帶給公司現時收益﹐如增加產品的銷售額等…
二﹐廣告能帶給公司將來收益﹐如形象廣告﹐
將為公司現在及將來帶來非金錢能衡量的收益。

導六﹕香港文化﹐人所周知﹐每天都在變﹐每個年代都有著所謂的「香港文化」。
廣告( 電視廣告 )是陪香港人成長的傳播媒介﹐從中應該可以探索到香港文化的變遷。
結﹐從不同角度看香港文化。

導七﹕香港文化—女性形象的改變；針對女性所出的廣告越來越多﹐層出不窮。

導八﹕以女性為中心的廣告﹐成巷成市。

導九﹕從廣告中看﹐女性；男性；家庭；兩性之間；個人享樂主義；人生觀等等。

夜上十一點三十分﹐
軒﹕
「我地其實想要d乜先﹐做e d野o既結果有沒有意義﹐價值先﹐值得我地去花時間做咩！」

他一說叫醒了我…
這個是...做 FYP 的意義。
----------------------------------------------------------------------------------------------------------------------------

>>August 26, 2005 at 4:12:24 PM GMT+8

2005 年 8 月 25 日 星期四 【晴】

< 有工又煩...無工又煩 >
---------------------------------------------------------------------------------------------------
話說上星期去左大圍見補習...
同個好鬼有錢o既仔補習...
佢一星期先打番比我...
( 本身佢諗住我幫佢個仔補1﹑3﹑5... 每次個半鐘... )
( 我當然即係做啦...如果佢請... )
佢話佢個仔覺得我教佢數學好過佢之前果個拎 9 A o既中大生...喎
( 講真會考同埋 AL 我都無拎過 a... e 同埋 d 都拎過... 教書唔係考試呀ma...)
所以佢就請左我...

不過我昨日先岩岩同左將軍澳o既青少年中心簽左約...
要2﹑4﹑5 開始幫佢教d 中三﹐四學生...
咁我點呀...

比你擇...教大圍定係將軍澳呀...
住hall 又點呀...
簽左約又唔可以話唔做就唔做...
死...

朋友仔比個議建呀...

佢媽媽一陣三點就要去到大圍教佢個仔囉
走人先...
------------------------------------------------------------------------------------------------------

>>August 25, 2005 at 1:59:11 PM GMT+8

2005 年 8 月 25 日 星期四 【晴】

< 安排時間 >
--------------------------------------------------------------------------------------
雖然未開學﹐不過我已經知道今個 semi 我會死得。
因為工作是自已被自己做的…
崇基 FYP
SE FYP
二﹑四﹑五﹐晚上七點半到九點返工
上埋 ISIC 莊( 今日決定的 )
搵工 ( 我要一早就搵定 d BBA 工 )
要自已學好 Finance
仲未計玩
-------------------------------------------------------------------------------------------------------------------------

今日也算有點打算...
下午補了一篇歐旅...
學會 dl 電話鈴聲...
去了銀行辦事...
去了尖沙咀 interview +埋上莊...( 其實我都唔知e 個決定係唔係正確 )
回了中大睇 o camp 晚會...
( 多謝露比仔陪比我一夜...其實可能係我陪佢...anyway今夜都 ok 開心... )
好鍾意崇基...

>>August 25, 2005 at 2:06:36 AM GMT+8

2005 年 8 月 24 日 星期三 【晴】

< 今天是星期几 >
---------------------------------------------------------------------
我竟然朝早七點起身陪人打球...
( 對上果次早上打波都應該係中三了 )

我竟然真係去左簽合約...
因為真係無錢呀 ma...

我竟然真係返左中大上 fyp o既 course...
鬼咩...成個暑期唔係香港...都要上返一兩堂嫁...

我竟然真係去左荃灣見西安班朋友...
...唔好講點解...
因為e_+我個腦好混亂...

我竟然就是那隻井底之蛙...
但是我想井底之蛙也有權利講出「井底之蛙」e 個道理比人聽...

e 個係我用左三年時間造出黎 o既地盤...( 我爸爸真係做地盤嫁 )...
...唔好理我講乜...因為我真係用心講我想講 o既野...
因為我就是那樣愚昧...那樣真心...那樣唔怕那人講我白痴...

如果有一日你發現我所講 o既野都係癈話...
咁我就恭喜你...因為你已經長大了...
如果你睇我d野...發覺好有見地...
咁你要小心...了...因為你還未...或者才開始走我走過的路...

今係小露比口中得知...佢妹妹入左港大之後...
要擇hall...擇唔到 sterr hall...要去何東 interview...
同埋我細細個睇果個 " 小柏林 " 做左港大 sky 或者 lee hall 個 p...
佢話" 小柏林 "個樣好有自信喎...
" 無錯就係要話比你知... 就我唔係叻過我...我都要食住你... "
e 上果個係我哥哥係港大...我中學成日同我講...
無錯港大就係要製造e d人出黎...
佢自大...你要識先知...
不過相信...第一眼見佢時...人佢一定感覺佢係食住你先...
????

要慢慢改掉那從那裡學會的自大...
要學會...那樣...不知道...
只是...
----------------------------------------------------------------------------------------------------------------------

看了 " 十個廣告九個醜 "
知道 陳大仁及曾錦桯的想法...
現在看著 " 新一代廣告人語 "
羅富明—比比又是另一種想法。

對廣告有少少了解

< 後記 >
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
對不起﹐因為將朋友留言記下﹐難為了他們。
其實﹐我真的好驚﹐好驚無哂朋友給我的留言。
我不是這個日記網站的 VIP 會員﹕
如果連續不寫日記十數天﹐日記會被網主刪除﹐
因為我去了西安﹑歐洲都是找時間上網寫 " 吊命日記 " ;
如果我不將朋友給我留言記下﹐它們都會慢慢失消﹐
每個新朋友的留言都會將最舊的留言刪除;
這是我不想見到的。

我介意我朋友的留言在我的心裡慢慢失消﹐
因為我 care 我的朋友。
你們的留言是你們陪我一起成長的憑證﹐
沒有你們我的人生只有我自已一個。

我不介意你們會笑我﹐只介意留言慢慢消失…
如果我能夠令你們笑﹐生命足滿開心﹐笑一笑我又何況。

還記得﹐最初的日記是這樣寫的﹕
( 我沒有下載它們只是在心中﹐ 所以只有少少回憶 )
( 而且初初我給日記的人都是陌生人﹐沒有自已身邊的朋友 )

2003 年 1 月 x 日﹐
路人甲﹐乙…
「我見你日記﹐知道你好唔開心﹐希望你可以重振作啦！」

沒有留言﹐我不知道你的存在﹐
沒有留言﹐我不知道我是存在﹐
沒有留言﹐我不知道"足印'故事的真實感﹐
沒有留言﹐這個日記用倒閉了。

我 care 留言﹐只因為我 care 你們…
--------------------------------------------------------------------------------------------------------------------------

>>August 24, 2005 at 12:54:10 PM GMT+8

2005 年 8 月 23 日 星期二 【晴】

< 上堂 >
-----------------------------------------------------------------------------------------------
e_+ o既係中大上緊堂...
上 se fyp 要上o既堂...
因為無聊得濟上網睇自已日記...
發覺左有人係我日記玩野...
扮"人"留言比我...
好采我"醒"一係就知佢係扮"人"

有一個叫"bobo" o既人留言比我...
果個人留言你地唔好信呀...
因為真正o既 Bobo 會好強調果名係 Bobo...
而唔係bobo...
所以呢—而位人兄想扮 Bobo 留言玩...我...
失敗左囉...

多謝你睇我日記...
不過下次唔好扮人留言啦...
如果人地真心想留言就會留言嫁啦...
---------------------------------------------------------------------------------------------------------------

>>August 23, 2005 at 8:24:15 PM GMT+8

2005 年 8 月 22 日 星期一 【晴】

< 回到香港的我 >
-------------------------------------------------------------------------------------------------------------------------
在香港的生活只有三類野...
一當然係搵錢啦...
e_+為搵 學費同埋hall fee...
日日去見工...
回港一星期已經見左三份工...
其一己經有間機構請左我...
不過要返將軍澳...

而今朝又有工公話請我...
六個星期工...由今日計起...
一做就做到九月尾...
咁我返學點呀...
最後我同左佢講...
如果你地有d parttime 到時可唔可以搵我呀...

今日十二點又去左火炭見工...
希望佢會請我啦...

兩點返左中大...
為左見ar 榮同埋好友 ryan...
無端端堂主 dicky 介紹佢果女比我識...
佢叫 ar 容...
同佢吹左好耐水...
仲攪埋佢果friend tissue要轉報 hall tim...
攪鬼...

回到崇基...
感情好奇怪...
好像回到某個大家庭似的...

又去了工聯會拎番d cert...
長沙灣...又攪 grant loan d野...

差少少去可以去埋中大 claim 錢 tim...
--------------------------------------------------------------------------------------------------------------------------

今晚又同朋友去跑步...
好舒服...好開心...
同埋好痛...

好多謝佢可以唔嫌我煩...
同埋係陪我走過我走過o既路...
係我中學時代為理想而走過o既路...

好鬼痛呀...d石春路...
真係人都癲...

>>August 22, 2005 at 11:24:21 PM GMT+8

2005 年 8 月 22 日 星期一 【晴】

< 請左囉...！？>
---------------------------------------------------------------------------------
話說已經有機構請左我做補習導師...
一個應該有2300...
不過係家附近...

如果我住hall就煩囉...
咁點好呀...
--------------------------------------------------------------------------------

>>August 22, 2005 at 10:37:03 AM GMT+8