2005 年 7 月 3 日 星期日 【晴】

今日係小歡歡既２１歲Ｂｉｒｔｈｄａｙ！！合法成年人喎～呵呵！^o^
我ｏ係度祝你生日快樂．．開開心心，同ｐａｔｒｉｃｋ甜甜蜜蜜～
原本係約左尋晚慶祝既．．但係歡唔係咁舒服．．所以改左今晚！
去天水圍屋企打邊爐～^^"

******************************************************

今朝同爺爺嬤嬤飲茶...飲完茶之後約左阿欣!
十二點半倒啦....約左o係龍豐等....
娓到面之後...阿欣話...又係橙色既!
因為我著左件橙色米老鼠Tee...而阿欣都係著住件橙色衫!
哈哈...又會咁岩o既!

之後我地就搭巴士去天水圍....去銀座睇戲...<強戰世界>.....
尋晚買唔到戲票...今日o係百老匯睇點半場....睇完三點半....
丫....講下睇戲之前發生既烏龍事件先~
就係...我地搭巴士o係天恩站落車...都知道離銀座好鬼遠架喇...
唉..都唔知做緊咩...惚惚地!之後行返過去頌富搭輕鐵....
明明有個銀座站...但係我地o係天榮到落左車...><"
激死....咁行返過去都好近o者....咁都算o勒!
諗住去戲院啦....見到架啦....入到去點解無售票處既??
哈哈....原來o係對面.....激激激死我同阿欣呀!
今日真係行左好冤枉路呀!又熱喎~><"

************************************************

睇完戲行左陣...之後去左東海堂同阿欣兩分買左個B-day Cake俾阿歡~^.<
買左就搭輕鐵去阿歡屋企....因為怕個cake溶嘛!
放低左個cake...再同阿歡落百佳買飲品....
我地兩個已經唔駛買打邊爐既食物架喇...真係辛苦阿歡佢地喇!
食物係阿歡..patrick..jackie同rachel四個o係元朗買返黎架!好勁呀佢地四個~
但係我同阿欣買飲品都拎到死死下~

買晒野之後抖左陣就開始整野食...洗丸..洗菜等...
其實我都無做過d咩...哈哈!
唔記得幾點先開始打邊爐lu.....
等我講下今晚有咩人物先...嘻嘻!
有主角張曉芬..她的愛人:陳偉權...我kk...阿欣..candy同佢老公..仲有尚未出世既BB女..Jackie,rachel,仁仁...仲有歡既哥哥同妹妹..妹妹的男朋友!

今日篇日記實在太長呢...唔想再打喇...好累呀!
不過今晚好開心呢.....唔知阿歡又開唔開心呢?嘻嘻~
十一點幾先o係阿歡屋企走.....阿歡仲送我地去搭車呢!
十二點三就返到屋企lu.....好累好眼訓呀!
聽晚仲約左阿欣o係荃灣食飯tim呀!
呢幾日真係玩到人都癲呀....我一係就唔玩...一係就玩到死為止...哈哈!

>>July 6, 2005 at 9:38:51 PM GMT+8

2005 年 7 月 2 日 星期六 【晴】

尋日放假．．．今日星期六又要返工喇．．＞＜”
好累．．好唔想做野．．．勁眼訓囉！
唔．．．好快又到左十二點放工時間ｏ勒！ｙｅａｈ～^o^

一到十二點即刻同ｊｏａｎｎａ走人．．．搭２８２出新城市！！
第一站係去ＵＡ買戲票．．．．＜頭文字Ｄ＞．．．２：５０ｐｍ！
之後去左７樓ｂｏｏｋ檯．．．星期二晚同同事食飯．．食印尼野！ｙｕｍｍｙ？？
再去沙田廣場．．．睇Ｂ－ｄａｙ　ｃａｋｅ．．．
因為今晚約左ｆｕ食飯唱ｋ直落．．．．ｈａｈａｈａ～
後尾打俾佢．．．先得知佢唔係咁舒服．．．仲嘔嘔ｔｉｍ．．．
所以我叫佢唔好出．．．約聽日．．．
知道今晚無節目之後．．．我就拿拿林搵阿欣．．．約佢食ｄｉｎｎｅｒ～

＊＊＊＊＊＊＊＊＊＊＊＊＊＊＊＊＊＊＊＊＊＊＊

買左＜頭交字Ｄ＞戲票．．．係同Ｍａｇｇｉｅ睇既！
我叫佢放工打俾我．．點知條衰妹呢．．．成點半先搵我．．．
我幾驚佢甩我呀．．我一點已經ｏ係魚米家度坐ｏ係度等佢．．．
點知佢成１：３５分先到．．．駛唔駛咁耐呀！
唉．．．我仲已經佢唔記得約左我．．返左屋企開雀局ｔｉｍ．．ｈａｈａ～
２：５０開場喇．．．都幾好睇呀！！好型呀～^^"
睇完之後同行左陣．．．．五點就走左ｌｕ～

Ｍａｇｇｉｅ返屋企．．．而我就自己一個去左科學館果個機械動物園～
果度唔係好大．．．好快就行左一個圈．．都係岩小朋友玩多ｄ～
六點過返ｍｋ．．．去朗豪坊．．．點知兩點七點幾既＜強戰世界＞都ｆｕｌｌ左．．．
激死我同阿欣．．．．就算啦．．無得睇！！
就唯有去行街啦．．．第一站去左滿記食糖水．．
阿欣請．．哈哈！之後四周圍行下．．．阿欣有對涼鞋做收穫．．而我就咩都無！
跟住再搵食．．最後我提議左去食巴西燒烤．．．好飽飽啊！

食完行去火車站途中我又買左條褲．．呵呵！好慘呀．．又買野．．未出糧架！
返到屋企都成十二點半ｌｕ．．．好累．．．但好耐無試過咁開心ｌｕ～

>>July 3, 2005 at 1:32:38 AM GMT+8

2005 年 7 月 1 日 星期五 【雨】

今日係７１．．香港已經不經不覺回歸左八年了！！

八點幾起左身．．．未夠十點出門口．．．
去左行樂軒拎位飲茶．．．今日四個人．．因為媽咪都入黎！
十點四就有位喇．．爺爺好快上到黎．．
而媽咪同嬤嬤就約埋一齊黎．．．大概十點九先上到茶樓！
嘩．．．叫左好多野呀！四個人叫左成十碟點心．．．＋一碗飯！
夾埋我先係食左五款點心．．其他我一律無掂過！
人地隔離檯都望住我地．．好樣衰呢！＞＜”

飲飲下爺爺走先．．．到十二點幾找數後．．．
我同媽咪，嬤嬤三個人就去左彩園村百佳掃貨．．．．
買完拎返ｄ野返屋企．．抖左陣．．．又同媽咪去商場行街！
我買左兩件ｍｉｃｋｙ－Ｔｅｅ．．．到左四點幾又去食壽司！
兩個人食左四，五碟．．．．跟住又行呀行．．行呀行．．．
到左七點去左墟果間印度皇宮餐廳．．．都唔係咁好食ｏ者！！
叫左個二人餐．．．我去左重慶三次．．．
都係覺得重慶阿星煮既咖喱好食好多．．又平好多．．
我地兩個找數都要成＄１９３．．．以前都唔去果間呢～＞＜”

哈哈．．．我近幾日唔知受左咩刺激．．．食好多野呀！
哈哈哈．．可能真係太耐無玩過喇～＾＾”

>>July 3, 2005 at 1:18:27 AM GMT+8

2005 年 6 月 30 日 星期四 【雨】

今日又一個院友突然病逝了．．．冬菊生前好好人架！
佢已經８０幾歲．．．四代同堂了！
佢因腰骨痛而入院．．係今朝唔ｏ係度！
咁佢家人就黎院舍執埋冬菊ｄ野．．．
佢家人好好架．．．我都見到佢家人好傷心．．．
冬菊個仔問我：怕唔怕嚇親ｄ老人家．．．
我話都唔怕．．佢地都知道．．．同冬菊同房既院友都好傷心．．．
而我地同事都會盡量開解佢地．．．每個人都會經歷呢個階段．．．
加上冬菊係去得好安詳．．所以叫佢地都唔駛咁傷心！唉～
人就係咁架喇．．．我都唔知點講呀！

ｏ係２５號明海都去左咯！
不過都好既．．．我做左院舍咁耐．．．
明海都係插晒喉唔識講野．．．無咩反應既人！
去左都好ｏ既．．．我地個個同事都係咁睇法．．．．

生命真係好脆弱呀．．其實冬菊平時好精靈架．．．
但估唔到．．．今次入院就搞成咁！！唉～

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

１４號考左ｆｉｒｓｔ　ａｉｄ．．．．
今日已經知道左個結果喇．．．就係．．．哈哈．．哈哈！
唔知點講．．．又唔係唔想講．．．不過都係唔講喇！
想知就問我啦．．．ｈａｈａ！無奈～

>>June 30, 2005 at 11:21:30 PM GMT+8

2005 年 6 月 28 日 星期二 【雨】

哈哈～～收埋左自己差唔多兩個月喇！
今晚終於有飯局．．ｈａｐｐｙ！
約左欣，老鼠同阿周七點半ｏ係重慶等！
去食咖喱呢．．．今次去新德里．．．未去過架！
都唔係咁識點”送”．．．．之後果間起碼有ｊｏｈｎｎｙ幫我地點菜嘛！
不過今晚果間ｄ躍喱角真係幾好味既！嘻嘻～我地每人叫左２客！＾＾”
ｙｕｍｍｙ～ｙｕｍｍｙ～～～

另外一客炒飯．．茄子！兩客薄餅．．咖喱雞同咖喱魚各一客．．同埋鐵板燒雞！
差唔多喇．．．好多野呢！！咁多野都只係＄２５１～～抵抵抵！！

九點鍾走人．．．．老鼠同阿周就去拍拖仔．．
而我同欣就返屋企．．．返屋企之前仲遊左陣零食物語ｔｉｍ～～嘻嘻！

好耐都無咁開心呢！ｙｅａｈ～～～～～～～＾ｏ＾

>>June 30, 2005 at 11:10:12 PM GMT+8

2005 年 6 月 27 日 星期一 【雨】

今日個新文員返工喇．．叫鍶淇呀！
佢肥肥地．．不過都幾靚下ｏ既！
但係佢有樣好奇怪既人．．．就係成日都笑．．．
唔係話笑唔好．．不過係又笑一餐唔係又笑一餐．．．
真係幾．．．唔正常下！＞＜”

>>June 30, 2005 at 11:19:32 PM GMT+8

2005 年 6 月 25 日 星期六 【雨】

今日終於打左預防流感針喇．．其實都唔想打既！
不過院舍ｄ院友有幾個都患上左甲型流感．．
費事一陣我有咩冬瓜豆腐又變成千古罪人啦！
所以唯有硬著頭皮都要打．．．
我根本一ｄ都唔驚．．．＞＜”

不過伍姑娘同我打．．就ｖｅｒｙ　ＧＯＯＤ呢！哈哈～
佢真係當我小朋友咁．．．講ｄ．．．
唔知點講ｔｉｍ．．ｈａｈａ～
叫我唔好驚．．放鬆ｄ咁囉！
我一ｄ都唔驚喎．．不過呢ｄ係應該同個病人講既！呵～＾＾”

>>June 26, 2005 at 10:04:39 PM GMT+8

2005 年 6 月 24 日 星期五 【雨】

今日拎左日大假．．所以唔駛返工！
點解？咪就係因為陪嬤嬤覆診囉．．．唉！
無啦啦咁就無左日大假．．．好慘呀！＞＜”
遲平時返工少少起身咁啦．．．其實六點幾已經醒左．．．
七點九出門口．．．因為九點鐘要去到大埔那打素～～
落好大雨呢．．．．未夠九點就去到．．．
其他唔多講啦．．好快就睇完ｏ勒～
拎埋藥都係十點搭二ｏ者～

咁就搭返ｖａｎ仔出火車站啦！
去左潮江春飲茶．．．好貴呀！
都點心都唔係話太過好食．．．算啦！

＊＊＊＊＊＊＊＊＊＊＊＊＊＊＊＊＊＊＊＊＊＊＊

今晚考試．．．好緊張啊！
其實都無咩點溫過書．．．記唔到入腦啊！
今晚要考筆試同實習試．．好頭痛呀！
七點半喇．．．ｍｉｓｓ話取消唔考實習試喎！
好野．．．開心死呀～＾＾”

>>June 25, 2005 at 10:47:25 PM GMT+8

2005 年 6 月 22 日 星期三 【雨】

今日係星期三．．．一早大老闆致電回院話想拎多日大假．．
因為好累．．．咁我就話好啦！同當值同工講聲就可以．．．
呢個時候副院就返到黎．．．佢明明今日係放大假架．．．
佢話返黎做埋Ｄ野喎．．咁我就同佢講院長今日唔返！
佢問我有無同院長講發生咩事．．我話無呀！
因為我以為佢地會電話聯絡．．點知副院話無！

＊＊＊＊＊＊＊＊＊＊＊＊＊＊＊＊＊

琍左十點．．ｄ院友問我係咪有清洗私人衣物既服務．．．
咁我就話係啦．．．然後報ｍｉｃ．．．個文員連放三日大假．．．
留低ｄ蘇州屎俾我攪．．我又唔識喎！激死我．．．
是但啦．．．我唔做邊個做喎！唯有要硬上啦．．．
今朝成個寫字樓都無人．．．副院明明放假又返左黎．．．
文員大老闆又放假．．．社工部同事兩個放假．．一個返下午．．
返Ｄ更個ＮＵＲＳＥ又ｓｉｃｋ左．．．
得返我同ｍａｇｇｉｅ．．．佢新黎無耐又咩都唔識．．．煩煩煩！救命呀～

咁我唔知．．就打電話俾個文員問啦．．．
之後佢同我講話撞到大老闆．．話佢而家返緊黎院舍！（（唔係卦））

到左十一點接到個電話．．你奕雲個女黃小姐打黎．．
佢話今日係佢媽媽生日．．即生忌啦！
所以買左隻燒肉請Ｄ公公婆婆食．．要搵人落去幫手拎．．．
咁我又得閒．．咁我就同副院講不如等我去啦！
果時落緊大雨．．．點知我落到去．．起碼等左十五分鐘！
跟住見到有個同事出黎．．我問佢係咪搵我．．．咁佢就叫我返上去．．．
玩野．．我一上到去．．個同事同我講．．．
話你一落去．．個女人已經搭ｌｉｆｔ上左黎．．仲大大聲咁講．．．
又話搵人黎幫我拎野．．．嘩．．正一無理取鬧呀！＞＜”
攪到我ｏ係街度餵左幾粒蚊．．哼！
我返到上去．．已經見到老闆ｏ係房ｌｕ．．．

十二點九．．．整ｐｒｉｎｔｅｒ既人到左．．．
我同ｍａｇｇｉｅ係咁咀咒佢．．ｈａｈａ～
因為就到我地ｌｕｎｃｈ　ｔｉｍｅ．．．
佢竟然就唔識做．．．唉！想喊～
整呀整．．整到一點三老闆去左食飯都未整完．．．
ｏｆｆｉｃｅ無人．．我又要睇住佢整．．
平時都唔係我做既．．應該係當值做架嘛！！＞＜”
整到一點九先整完．．．咁我就同老闆講話同ｍｓｇｇｉｅ落去食飯．．．
老闆話好．．有我頂住！哈哈～不過我真係笑唔出囉．．．
餓死我了．．．．＞＜”

唉．．．呢期ｏ係公司真係好辛苦．．好多野做．．返工到放工都無停手咁！
而家院友食飯全部都ｏ係返自己房間度食呀．．同事仲辛苦呀！＞＜”
我做送餐都覺得麻煩～

>>June 25, 2005 at 10:40:52 PM GMT+8

2005 年 6 月 21 日 星期二 【雨】

其實有好多野想記低落黎架．．．不過真係好忙．．無時間！＞＜”
咁就由今日開始講起啦．．．星期二既日子．．．
我返七點．．太極班嘛！！咁太極班完左之後．．．
我就繼續做返我自己ｄ野啦！

到左九點就開始停電ｏ勒！今日年檢呀～
晨早通知左架喇．．但係文員同大老闆都無返．．大假呀！
程序同工得返我同ｗｉｎｋｙ，霞同個副院！
咁一無電我負責就關掉所有冷氣．．．熱死人喇！
同事大家都唔做野．．係咁巡房．．黑媽媽怕ｄ院友趺倒嘛！
到左一點終於有返電喇．．．果刻真係開心死．．．重見光明喎！＾＾”
即刻開返晒ｄ冷氣．．．熱左成四個鐘．．．唉！

＊＊＊＊＊＊＊＊＊＊＊＊＊＊＊＊＊＊＊＊＊

補充：今日停電既時候．．有醫生黎左呀！
個醫生勁唔掂檔喇．．．臭串到無人有！
話我地院舍停電好唔話佢知喎．．．副院話一早講左俾佢ｄ同事知架啦！
佢又．．．唉！總知又無品又麻煩啦！＞＜”

>>June 25, 2005 at 10:16:13 PM GMT+8