2005 年 8 月 7 日 星期日 【晴】

大家好～係咪好掛住我呢？＾＾”
好耐無睇日記ｌｕ．．．．因為實在太忙忙忙喇～
最近公司一星期開兩次ＯＴ～唉！
我心情又唔係咁好．．．好悶．．．好唔開心．．．
我都唔知點解．．．唔開心所以成日都係咁食野．．．暴肥囉！＞＜”

好啦．．．唔講住喇！
大家得閒去我相簿睇下啦．．．．ＵＰＤＡＴＥ左Ｄ相相上去呀！＾＾”

>>August 7, 2005 at 7:55:49 PM GMT+8

2005 年 7 月 12 日 星期二 【晴】

今朝返早．．所以五點半就起左身ｏ勒！
未夠六點出門口．．．返到公司都係六點八．．
食左件三文治＋脫脂奶．．七點鍾就落去耍太極！熱死．．標汗呀．．＞＜”

太極班完左上返寫字樓．．于姑娘就叫我幫手整今日生日會既野！
今日ｏ係院舍搞夏季生日會呀．．係于她娘負責既！食客家菜～
我唔講得咁細緻喇．．今日三點半先放工．．．
總之就係一開工到收工都未停過手囉．．．
真係做到我大汗搭細汗呀．．好想沖返個靚涼！
本來今日生日會無ｍａｇｇｉｅ份食架．．記住係食喎！
但係佢有份做野架喎．．．其實佢一直都唔知自己無得食既．．
咁當佢問到我時．．我都唔知點答佢！！
咁我咪婉轉地話佢知囉．．．後尾將件事話返俾于姑娘知．．．
于姑娘就安排左個位俾佢．．．哈哈！無奈．．．
佢乜都唔識．．成ｌｏｏｋ木咁．．．剩係識企ｏ係度阻住晒！
真係難頂．．．剩係識得食．．．食完仲唔夠．．．
生日會完左．．搞掂晒ｄ野．．．佢仲要拆開左盒甘大滋黎食．．．
仲問我地食唔食．．天呀．．．救命呀！＞＜”
咪玩啦．．．岩岩先食完又食？？有無離譜ｄ呀～
需則我都無乜點食過野．．都有既！我覺得最好食都係個頭抽砵仔飯～
果個籠仔蒸豆腐真係不外如是囉．．．劣呀！今日生日會都講得７７８８喇．．
唔講喇．．總之就激鬼氣啦！條粉腸剩係識得食．．咩都幫唔到手．．
我真係唔知我幾時頂佢唔順囉．．
仲有一樣野．．尋日佈置架嘛．．今日于姑娘仲話佢ｄ　ｔａｓｔｅ怪．．呵！
都一早叫左佢唔好咁整架啦．．又唔聽我講！搞到要拆左再整過．．呵！

今日三點半放工．．．同小暉一齊返上水．．．
我地仲去左百佳掃貨呢！呵呵～～

今晚黑個頭又勁痛喇．．．其實都唔想食野！
但係嬤嬤又要我食．．．唉！攪下攪下咁呀個肚．．．好辛苦！
都惟自己貪吃啦．．．貪貪咁食西瓜．．．而家攪到自己鬼死咁辛苦．．嗚嗚！
我下次都唔敢喇．．．＞＜”

>>July 12, 2005 at 9:48:38 PM GMT+8

2005 年 7 月 11 日 星期一 【晴】

今朝六點鍾起身．．個肚又痛到就黎死咁滯．．．＞＜”
幾經辛苦終於返到公司．．．好痛．．頂唔順！
又喊左出黎．．于姑娘叫我返屋企．．我又唔想返！
因為我唔想補返．．次次我一唔舒服．．．
ｄ同事都會知．．．ｈａ！因為我個樣話晒俾人知．．．
成三十幾度．．．我仲著住件長袖外套．．塊面又青到嚇死人！

痛左成個上午呀．．．下午ｌｕｎｃｈ既時候食左碗粥．．．
其實都唔想食野．．不過大老闆叫到就．．．
哈哈．．．個個同事都好關心我呀！
好多謝佢地呢．．．又俾止痛藥我．．又問我要唔要曖水袋．．
好到無得頂呢．．．下午好好多ｌｕ．．．
可以開始佈置院舍．．．聽日生日會嘛！＾＾”
大老闆都叫我放工即刻走呀．．哈哈！

>>July 11, 2005 at 8:15:22 PM GMT+8

2005 年 7 月 10 日 星期日 【晴】

一早八點幾就起左身．．．好肚痛啊！痛到行唔到～＞＜”
唔．．．九點幾出左門口．．．出左火車站間美心快餐！
再打電話俾媽咪．．．佢都到左喇．．．一齊食早餐．．．
火腿蛋通粉＋華田．．．．無耐嬤嬤都黎埋．．．佢食左件三文治＋橙汁！
食完咁豐富既早餐之後就出發喇．．．

今日我地係要去西貢食海鮮既！＾＾”
首先搭火車去大圍．．．再轉馬鐵去烏溪沙．．．
知唔知點解要搭馬鐵去烏溪沙呢？其實可以搭一程火車ｏ係沙田轉２９９巴士！
不過嬤嬤話未搭過馬鐵．．咁咪同佢搭下囉！哈～
咁我地去到烏溪沙就等９９號巴士啦．．．岩岩走左班車．．．
所以要等多成２５分鐘！＞＜”

咁ｏ係等車既時候．．我就去左ｏｋ掃左ｄ乾糧．．同一本雜誌黎解悶！
終於都有車喇．．．大概搭左廿十分鍾多啦．．就到左西貢碼頭喇！
我地行左陣．．．好快就到左一點鐘！
我帶左嬤嬤同媽咪去全記食海鮮．．．
唔係咁識叫喎．．．所以ｃｈｅａｐ　ｃｈｅａｐ地叫左個兩人餐．．．
有芝士龍蝦伊麵．．白灼蝦．．薑蔥蟹．．蒸魚．．炒芥蘭．．瑤柱蛋白炒飯．．咕嚕肉！
當然有幾樣係散叫架啦．．．好飽呀！埋單＄５００．．．我請．．．
都低卦．．．唔知呢！因為極少食海鮮～～＞＜”

食完又行左陣．．．同媽咪一齊買雪糕食．．ｈａｈａ～
四點幾搭２９９出返沙田新城市．．．ｏ係新城市廣場行左陣．．．
之後去左大快活飲野．．．好累呀！行到無晒力．．．
又唔係咁舒服喎．．．因為今日根本無乜狀態．．．．
媽咪同嬤嬤都叫我唔好出架喇．．．不過費事啦．．．講左咁鬼耐～
黎Ｍ既日子真係想死呀．．．．嗚嗚！
到左六點半．．．又係食．．．唉！先前ｄ海鮮都未落”格”呀！
去左沙田廣場魚米家度食．．．我都話左唔食架啦！
媽咪又係都要人食．．．又話唔食野點得喎！
所以夾硬食左碗魚腐米線．．．飽到想死．．．
之後又肚痛喇．．行都唔係咁行到架咋！

跟住媽咪返屋企．．我同嬤嬤就搭火車返上水！
ｏ係火車度竟然俾我見到老鼠同阿周．．．
哈．．兩個人丫．．咩咩咩咁訓覺！我以為咩年青人ｔｉｍ．．
後尾先知原來阿滔都ｏ係度．．．阿鼠仲打電話俾我．．．ｈａｈａ～
我一早見到佢啦．．係佢太過熟睡見我唔到咋嘛．．．＾＾”
原來佢地去左兩日一夜既ｃａｍｐ．．地點係長洲．．．哼！
好玩咩．．．＞＜”

P.S:一上車．．見到幾位年青人訓到咁既樣．．．已經有Ｄ出奇架喇．．．ｈａｈａ！

>>July 11, 2005 at 7:51:07 PM GMT+8

2005 年 7 月 9 日 星期六 【雨】

今日返工唔講咁多啦.....無咩特別野~
放工之後去大埔..o係巴士上面幾好訓呀....
原本諗住o係廣福果頭落車架嘛....點知一紮醒...
架車岩岩又開....所以就遲左個站...o係墟度落車....再行返過去吉之島...
好大雨啊.....行到過去.....點知裝修喎...激氣呀!真係唔抵..><"

行左陣...就搭返K巴去火車站.........無野行既!
又買唔到我想買既野喎...不過新達果度有間小松島...買既野我幾鍾意囉!
返到上水三點鍾...去左街市食腸粉.....返到屋企坐左陣....
坐坐下都可以訓得著...真係頂唔順.....所以都係上床訓覺...........
三點半訓...訓訓訓一路訓到六點半先起身........好累呀!

岩岩訓果時都知道有同事打俾我架喇...但係電話唔o係隔離...懶得理!
訓醒一睇返原來係于姑娘搵我..咁就覆返電話俾佢啦...
原來佢想叫我幫佢買野...ok無問題啦!
哈...佢仲問我之前係咪訓左覺tim..真係醒目呀!^^"

>>July 9, 2005 at 11:45:38 PM GMT+8

2005 年 7 月 8 日 星期五 【雨】

今日九點落去護理部睇場......十點幫美鳳手....
佢個插花砌開始喇...今日既主題係<太陽出來了>....
有太陽花...有毋忘我...仲有一隻唔記得左叫咩.......
d婆婆都玩得幾開心丫.....萍萍今日好醒目呀!
我著左件白色Tee...佢竟然對住我話兩條魚呀!
我話係呀...哈哈!佢真係好可愛呀...
今日件白色Tee...真係有兩條金魚仔o係度....
d同事都話我件衫靚呀...haha...開心!^o^

到左十一點......alice又黎左教手語喇!今日得我自己一個孤軍作戰...
因為maggie請左上午假返學校睇成績.....今日中七放榜嘛!!
今日係手語第二堂....total有4堂....經過今堂之後..我都算係學識晒架喇....^^"
教到十一點九就落堂...因為開飯時間!咁我又要彭彭聲出去開飯...
派完晒湯之後仲差兩碗...我入廚房拎啦...呢個時候就俾cindy叫我幫手分"送"...
呢個時候我就講左句...千祈唔好俾孫姑娘見到我入廚房幫手tim呀!
隔左幾分鍾....孫姑娘竟然o係廚房出現喎!嚇得我同cindy丫....
不過我又唔驚既...又唔關我事!孫姑娘之後仲著埋戰衣入廚房幫手...
好驚險啊...院長幫手開飯啊!因為之前交更講過係我唔入廚房幫手架嘛!!
今日真係好險呢~~~^.<
咁又忙左一個上午喇....時間真係過得快!

下午就教返maggie手語.......到左三點七八.....
老闆搵我地....叫我地帶個維修人員到每間房檢查煤氣爐......
攪到成五點半先放假....五點半又俾老闆佢見到我喎!
仲問我:而家先走呀?我話係呀...個師父先岩岩睇完無耐先走左.....
跟住同我講左句...辛苦你喇!咁就走左lu....haha~
咁我就入寫字樓執返好d野....再同winky一齊走.....^^"
好累呀~~~~

****************************************************

P.S:今日真係好辛苦呀...肚痛左成日...仲要OT!
真係好慘呀...
今日老闆有d反常呢....今日發生左件事...
就係寫字樓唔見左份文件...差唔多每個坐寫字樓既同事都俾老闆問過....
我都唔例外....個個都怕老闆黑面....但係我又唔多覺佢今日黑面喎!
今日做好多野都俾佢撞到...好似我同maggie o係度練手語...
我地o係果間房度練已經好密實架啦...點知咁岩老闆搵人..咁就俾佢見到...
其實我都唔知既...因為我係背住個門口黎練...而maggie就坐左o係度對住個門口...
ha....maggie奸到死...見到老闆企o係門口出面就扮晒野..即刻練習....
仲出去問老闆係咪搵我地...仲講大話話kk練緊...我就睇佢有無錯....
到佢練果時就我睇佢有無錯...條靚妹都幾晒扮野架喎!
佢都唔係咁熟...就話睇下我有無錯...真係俾佢吹脹~><"

>>July 9, 2005 at 11:37:18 PM GMT+8

2005 年 7 月 7 日 星期四 【雨】

今日唔記得做過d咩lu....都有練過下手語咁啦...
仲好似同班女童軍練過<夢中天使>手語歌同毛巾操....

三點就睇左套短片...係關於非洲鼓既....
于姑娘話可能下個星期開始練喎!
真係唔想呀........

>>July 9, 2005 at 11:04:34 PM GMT+8

2005 年 7 月 6 日 星期三 【晴】

尋日趕左手語歌...+上今日無特別野要做....
趁住得閒快快趣趣練熟隻歌佢...可以教d阿婆....
今日同maggie一齊都練左好多喇...我諗上下午+埋都有三個幾鐘!
聽到首歌厭晒喇...仲有d頭痛tim!!><"
好快就到左我放工既時間o勒!

放工之後...悶悶不樂!!可能今日真係聽左隻歌幾百次...
做住同樣既動作幾百次....真係有d厭...好悶!
搭火車既時候突然之間喊左出黎...好樣衰呀!
真係覺得好辛苦...個頭爆痛...呢幾日都係咁!!
之後打左俾winky...佢今日放假...同佢傾左陣...
我都唔知幾耐無為工作而喊過喇...唔知咁樣叫唔叫為工作而喊啦!
都唔知點解自己要喊...為咩要喊?
剩係知道好辛苦...個頭勁痛...黎緊仲要打鼓同花式體操...
好忙...好累....好似無一刻可以停落黎咁!!><"

之後再打俾阿歡....睇下佢o係唔o係上水....想約佢出黎行下.散散心!
果一刻真係好唔開心....歡又好似察覺唔到我有咩異樣咁...都算啦!
最後都無同佢講到.....收線後又不禁流出眼淚來~唉!
救命呀................

>>July 9, 2005 at 11:01:32 PM GMT+8

2005 年 7 月 5 日 星期二 【晴】

今日返早呀．．又有太極班．．．一路打一路流汗．．熱死人咩？
如果呢兩個月都有我就真係死得喇．．勁勁辛苦！＞＜”

又開始忙碌起來喇．．．今日院長個朋友黎左院舍教女童軍手語．．
今次係新歌呀．．．我同ｍａｇｇｉｅ都要學．．．學識左就教阿婆～
係為廿一周年院慶表演既．．．老闆仲接左一個ｓｈｏｗ．．
ｏ係十月新城市廣場表演．．．．今日教左一半啦．．．
其實我覺得ａｌｉｃｅ都教得幾快下．．．教我系就話得ｏ者．．教阿婆就．．
唔．．我仲拍左ｖｉｄｅｏ．．．可以睇返再慢慢學．．．哈哈！

＊＊＊＊＊＊＊＊＊＊＊＊＊＊＊＊＊＊

放工之後去左ＱＥ覆診．．．成六點鐘先走得！
勁眼訓呀．．．睇完就搭地鐵轉火車返沙田．．．
約左同事食飯．．．一個二個都遲到．．．唉！
我同shirley到左..joanna同winky先岩岩o係院舍走..次次都係咁!!
我地一行四人叫左都唔記得幾多個菜式喇...起碼有六個囉....
樣樣都係小食咁....最後叫埋野飲....埋單四百八十幾蚊....好貴呀!
上次我地四個去重慶食curry都好平咋嘛!
七點去到間餐廳...坐到九點幾先走...hahaha~
係喎...唔記得講我地今晚食咩tim....我地今晚去左新城市廣場七樓既印尼餐廳1968~
個view都唔錯既....不過我地坐既位置就唔係咁好...所以d侍應都唔係咁望到我地...
服務唔係咁好...我覺得佢地應該定時行下過黎睇下我地有咩需要囉!><"
返到屋企十點幾...睇唔到一part危險人物...
睇完先洗白白...跟住訓覺lu......

>>July 9, 2005 at 10:47:50 PM GMT+8

2005 年 7 月 4 日 星期一 【晴】

今日返工勁眼訓囉...又殘喎!
放工行左沙田一陣...買左個袋...
之後就搭車去荃灣....今晚同欣食上海菜呀!

但係去到間舖頭勁失望囉...
我諗住可以叫d小炒.....點知佢間野只係得小食...唉!
咁我駛鬼去到荃灣咁死遠呀!不過算啦......><"
下次都係去返fanling或者尖尖.....
見佢咁平咋.....

食完之後又買左d零食....哈哈!
係o係公司既精神食糧黎架!^.<

返到屋企九點幾.....聽日仲要返早呢....><"
好想病啊....kekeee~今日個頭勁爆痛呀!

>>July 6, 2005 at 10:03:51 PM GMT+8