2002 年 11 月 28 日 星期四 【雨】

今天是rebecca的生日　早上起來　寒風恰恰　一扭開了電視　發現現在是十七度　很冷
穿上三件厚厚的衣衫　袋好四盒食物(o者o厘、菜與丸)
一切準備就緒　出門口

下雨　無奈　沿路祈禱望天主賜我們一個開心的旅行
在旅遊車上　送了一張生日咭　望她喜歡啦　我花了許多心血
及有阿心蛋糕　真好吃　開開心心　影了一些相

到達目的地了　雨還是沒完沒了似的　全班人在涼亭停了數分鐘
天好像聽到我們的聲音　停了雨
一行人便到沙灘扎營

整日主菜終於上場了　生日派對終於開鑼
食物有：心的手撕雞　Ｂ的雞翼與紫米露　ＷＩＮＧ的炒雜菇
當然少不了的是我的菜丸與o者o厘
野餐就似是一個家庭式聚會　食物豐富得來又很健康
我們四人更準備了手指蠟燭　特有意思　話哂今年是最值得紀念的一天　一定要難忘才是
突然 Hippo那邊唱起生日歌　很有心啥
很開心　不過有兩個不速之客來痴飲痴食呀 hohohoh
不要緊啦　最緊要大家開心！

今天玩了許多班會遊戲　
斬手──奸婷與芒果成目標，世偉可愛地發揮無厘頭本色
閃避球──彼得兒無知出局
以部貼部──與alice頸貼膝頭
開口中──水槍大戰　全身濕哂
糖痴豆──亂點鴛鴦
數字球　壽星女慘遭下海　阿心無辜被水淹　二人無一幸免　衫都濕透了
騎馬遊戲　六匹駿馬出閘比賽等等
樣樣都很精采啥！

不過今日是Bobo受傷的一天
玩數字球的時候　與儒家相衝　勁痛　膊頭甩骹　標埋眼水(原來我是那麼感性與軟弱…啊!)　真係好痛　不過儒家都撞得好痛
騎馬遊戲是女做騎師　男做馬匹　
我與Barry一組　不知是我重　還是他不夠力
第二場賽事一出閘就墜馬　騎師一支箭般向前飛出　並右邊膊頭著地　勁痛！
而馬匹就鼻孔入沙　情況也不是好受啊！hohoho
所以經此二役　我右邊膊頭整親　要塗藥　連提起手都沒力了
不過都不單止我受傷 Keung都弄損了腳趾　Hippo更一度流血不止
但大家都咁高興　少少傷　無關係既

臨走前　由隊長帶領下　我們Cookies９人大跳舞　還拍下了ＭＴＶ　有點期待相睇
雖然有時　我們的遊戲是低Ｂ了點　不過話哂最後一年　無所謂啦

四點半回程　差不多全班人都訓覺　只剩下精力旺盛的魔女四人組繼續狂歡
到大埔後　一行人又到仙跡岩飲野
仙跡岩已變成我們的聚腳點　我們還商議於除夕夜全班人去燒烤　不知能否成事呢？

經過一日激烈的玩耍　大家都累透了　不知明日大家又有否精神上堂呢？

仲係有D失落感　點解會咁架　諗清楚先！

>>November 28, 2002 at 9:36:14 PM GMT+8

2002 年 11 月 27 日 星期三 【晴】

為了明天旅行　作了充足的準備
方形o者o厘研製成功
設計諗到頭都爆埋

同埋有D 無故失落feel
無故　又何來原因呢？
今晚要為朋友祈禱　祝福他遠洋讀書成功
又要為MonMon祈禱　希望佢俾D 信心俾自己
也要為明天旅行祈禱　希望開開心心玩埋佢！

>>November 28, 2002 at 9:34:54 PM GMT+8

2002 年 11 月 26 日 星期二 【晴】

冷冰冰的早上　在山上步行返學　寒風刺骨　真不好寒
還要看見一對男女在巴士站攬埋一舊　真核突　明知有人行埋黎　仲要咁揚眼　有傷風化　一早睇到Ｄ咁既事　嘔心(請用普通話說出)
幸好　到了學校門口見到仔仔　順道拿了一個親筆簽名　開心哂hahaha

乜原來隔離班咁激架？仲寫信去校長投訴世偉tim
咁真係唔得罪得喎hohohoho
世偉以不變應萬變　無為之道簡直去到出神入化　我很佩服！

文學Test　用四個字形容：畢生難忘
卷分甲部乙部　甲部是文學史　世偉又施展其大無畏本色　第三次出陶潛與謝靈運的詩比較　此乃一絕！
第二絕　乙部必答題　前所未有咁 ‘激’ 是一條睇片題
片中鏡頭
一舊類似食鬼遊戲入面的食鬼形石頭　他不斷碌來碌去　尋找屬於缺了的另一半　找呀找呀　找到的不是太大　便是太小　不是太尖　就是太鈍
終於　有一天　他找到了一塊大小適合的石頭　便馬上與合體　他以為自己很開心　誰知此以後他再也不能開口唱歌　於是他明白到一點道理　最終　他決定放棄剛找到的那一塊　並不斷地碌來碌去　繼續上路　繼續開口唱歌
看了此片後　題目：試以莊子或韓非子的思想　分析片中主角的做法　及為他未來的動向作出建議。
God
我諗我出去高考都唔會咁考掛
世偉　你好野！高科技玩到咁出世入化　我很喜歡你！

中史Test 出奇意表　15.5分　仲有影印留後世tim 有點飄飄然　但我真無心插柳柳成陰的　
對不起　我不是囂張哂命　而真的是很高興而已　想同大家分享而已

中午　騎嗎又與射鵰激鬥　今次仲整爛埋門後的扣tim　
玩得太激了

Econ堂　無左半堂　死啦　教唔教得哂架
再係咁落去　唔通真係想我地自修Econ咩

放學自己一個人走　好累啊！

老豆終於返黎啦　佢好厲害咁將屋企撥亂反正
真勁！

我的其中一個學生小蜜蜂竟然偷偷上黎看我的日記　huh
小蜜蜂　你好耐無學琴啦　快Ｄ練琴啦
咁耐無見　有Ｄmiss u tim~~

聽日有三位朋友present通識　我都知佢地壓力好大架啦
但我乜都做唔到　唯有祝福佢地　加油啦！

心意　話明心意埋　梗係收0係個心裡面架啦

>>November 26, 2002 at 7:30:04 PM GMT+8

2002 年 11 月 25 日 星期一 【晴】

今天老豆與朋友上中山玩　今晚都唔返架啦
所以這兩天都是我和妹妹自行搭車返學
比平時遲到回校　好冷啊！風吹到面都冰了

小息　騎馬大戰射鵰　有點危險啊　但他們又玩得很開心似的　
不過其實他們有沒有想過別人的感受？

中史Test　勁無奈
題目：試比較儒家及道家對「道」的觀念之異同
一看　不懂　很難　後來越寫越順　求其寫一些似是非是的就算了
最後寫到頭暈眼花　行步路都暈暈地　可能是當時室內空氣不流通吧了

放學　再看花　
唉　心傷　莖都彎了下來　心傷
唯有以時間消磨　唉～～

夜晚　溫文學(精研與達詁, 物色, 莊子, 韓非子, 加魏普南北朝史)
救命！虛脫似的　不想溫書了
11點上床!

>>November 26, 2002 at 5:43:10 PM GMT+8

2002 年 11 月 24 日 星期日 【晴】

星期天早上必定節目──補習Econ
今天我很勁啊　與阿Sir共商經濟事務　不過最終我還是技遜一籌

下午　由1:45教到4:30
唉　明明只係教2個鐘頭琴　兩小時四十五分鐘　
犧牲了我絕大部分的私人時間　
最慘的是　學生根本不想學琴　她們更不會說練琴　
所以　老師與學生相對只做ｄ無聊事　
唉　真可悲　但為了五斗米　好　我忍你！

上堂時發生了小插曲……
本著不願意的心情去教琴　妹妹仔本著一貫不練琴的做法　彈錯了很多音
然後我便嚴肅地告訴她彈琴時要專心etc (無論對住哪一個學生 我都會這樣以嚴謹的態度指出其錯處)
她的媽媽聽到了便走過來　附和說道：對了，她不肯練琴，好很懶惰etc
當說到：再這樣下去　我就說不會讓你學琴了
妹妹仔嘩的一聲　大哭　眼淚如滾珠般流下來(她真感性)
一時間她的母親和我都手足無措
為何一句簡單的說話　足足哭了30分鐘(non-stoppedly)
救命！
所以今天也教不了多少　也耗了不少時間去安慰她

不過想深一層　妹妹仔竟然為了不能學琴而哭　可見她對鋼琴熱忱之深
我的心內泛起一種內疚：她那麼喜歡學琴　但我卻不斷想離開她
這個強烈的對比　使我感到總是有點兒那個　好對不起她那樣(這是我使命感驅使的想法)　
我知道其他學生可能不想學琴　但這個學生卻很想學琴
呀！點算好呢？
還是見步行步

我的媽呀！她終於回來了
昨天她單人匹馬上大陸（其實每個星期六日亦然，遺下兩小兒在香港）
今天她收獲豐富買來很多東西　還給我買了一張黃凱芹(對,我喜歡他的斯文穩重）和張學友的CD　兩張CD也很好聽　但明顯地黃是比較遜　而張比較厭

要溫書　溫儒道　好眼訓　唔明白

開心點做人吧！

>>November 26, 2002 at 5:18:04 PM GMT+8

2002 年 11 月 23 日 星期六 【晴】

今天百無聊賴，整日在家中發呆．
以為我可以好好利用這一個星期六，誰不知……
明顯地　這一天的我與食和訓扯上了莫大的關係．
真陰公，年輕人，竟然如此虛渡光陰
少壯不努力　老大徒傷悲　
Bobo　希望你能從中領會

晚上　來了一個奪命追魂Call
明天下什要去教琴　真係唔係想教囉　總有呼之則來　揮之則去之感
但為了那五斗米　和１２月的高開支　
過埋１２月先　我才劈砲唔撈！

>>November 26, 2002 at 5:20:13 PM GMT+8

2002 年 11 月 22 日 星期五 【晴】

早上聽悉Ms Wai and Mr易 結婚　傳聞果然非虛　仲派埋貼　影埋婚紗相　請食西餅tim　算係咁啦　Ms WAi 都０係恩記教左七年　年紀都…..下　都應該架啦　不過我的感覺好怪　估唔到佢地收得咁密　
從此　學校又多對夫妻檔

RE堂　Plan將來的事　我好細心咁畫哂畫　畫得好靚呀　估唔到我Ｄ手工咁好
其他人就好有愛心咁做義工　我就好搏命咁搵錢養鴨仔　真係人各有志　我都好佩服佢地　不過以我的性格　我學不了她們

小息　魔女大戰Monsters　好恐怖啥　佢地唔驚玩度門會挾親手架咩？
文學堂讀《秋魂》　「黃的紅的橙的綠的淡的濃的你的我的」　Barry 讀上來七情上面　眉頭深鎖　奸婷的作品果真扣人心弦　有其獨特的色彩　難怪小墨子另眼相看　說一看篇文就知係佢作的
我想　她已成了小墨子的新寵兒　太好了
其他文章也寫得不俗　係阿皮那份真的聽不明白　沒辦法　我水準低　真係唔知其主旨是描述愛情故事　其實都怪阿大讀得唔好0者　搞到我聽唔到（坐第一個位都聽得唔清楚囉）
小墨子又說文章反映該人的性格　我都很認同　開心的人會寫開心字　感性的人會寫感性字　悲觀的人會寫悲觀字　因人而異　
小墨子今日心情大靚呀　真令我們無知的一群受寵若驚　唔好咁啦小墨子　你對我們忽冷忽熱的態度　我們受不過來

Lunch與阿心一起去做壞事　被hippo發覺　仲慌死其他人唔知咁成大堆人走埋黎　咁樣好易會搞到我地會俾人捉架 Hippo

空堂討論旅行遊戲　我相信到時一定會很好玩
不過要提大家最好當日帶多套衫去換　同埋要沖涼囉

中史堂看了一篇史家文章　雖然我認同他對改革的獨到主張　可是我不認同他的懶係勁主張說根在於「人」　
廢話！俗Ｄ講句：鬼唔知阿媽係女人　係人都知歷史係由「人」創造出來的　但我們讀歷史並不可簡單歸結到「人」便可以　我們還需要作別的分析　到底「人」做過什麼才是我們重要思索的東西
那位仁兄說得出這句　真乃廢中之廢矣！

Econ堂打針　完全唔痛　只係痺囉
Lily姐佢地無得睇我地打針　佢地太遲啦

放學做Board　早上被人訓示完　真擔心另外一塊Board
話就話分開做　唔關我地事　但最終咪又要我咩飛　
唔經過今日真係唔知Ｄ人可以闊佬懶理成咁　咁無責任感！

完全可以估到別人心裡想什麼　咁做人就唔好玩架啦

返家回家　立即看花　
oh my god！我的花！聽從Dr. Chan的指示　我把她折斷的花葉和莖的剪掉　希望她能康復啦　Dr. Chan　我信哂你架啦
回家後再檢視紫蘭花之傷勢　看著光禿禿的紫羅蘭在風中搖擺
本來盛放鮮豔的花朵　現在好像風觸殘年般煎抖　我真的欲哭無淚　好想喊呀！

今晚休息一天　不溫書囉　昨晚拉得自己太緊　搞到乜都溫唔到　使我再一次明白凡事莫去到太盡　適可而止的道理　
過緊　咪鬆一鬆囉　明天又是一條好漢！

>>November 22, 2002 at 10:24:13 PM GMT+8

2002 年 11 月 21 日 星期四 【晴】

今天是通識朋友的大日子　每位通識人都剎有戒事　臉上的掛上憂慮及頹廢的神色　看在眼內　我這個嘈嘈閉的人都係唔敢前去搞佢地　
放心去幹吧　一定會有好成績！
一定程度的壓力是需要的　但過分的壓力卻使人失去原有水準　
所以壓力是要自己衝量一下

最搞笑的是文學堂　話說一名工友入來收點名紙　一進來看到Lily姐僕在抬上
即說：你訓覺呀！　
搞到Lily姐即時起身　勁尷尬咁　堂堂班長　身為我們七甲班的榜樣（她自稱）
竟然被一位外來無知的工友直斥其非　真乃一大笑話
hahaha

CLC堂的時候　我的心唔係咁舒服　MissYuen　你下次唔好再問我啦
我都唔信呢Ｄ野　亦都唔想諗咁多　聽到Ｄ人的答案勁假　
嘩！真係想嘔打佢一獲　
不過我　我性本善　是一個有良知自覺的人　我會懂得點做

食完Lunch　想擴闊自己視野　到library看書　阿心突然出現
其實不是突然了　她早在那裡　只是我不察覺　阿心　你太瘦啦　所以我見你唔到 原來佢仲未食Lunch　為了通識　竟然唔食lunch 對於一日三餐皆不可缺的她　這簡直是酷刑　
通識　簡直是一隻魔鬼！
然後再找了一些思想史資料　對　我們只需影印四份便可　無須多幹

PE堂打Golf　明顯地通識人都無打golf　只得我與心狂打　勁累！
不過我們都分別掌握了打Golf的竅門　想信下一次會更加好
Invisible hands　有一部份是我　可是真正的罪魁禍首是Wing 呀
你們太相信Wing 　被她善良的外表欺騙了

放學　屈左奸姦陪我入數和影印　只是入數便搞了幾個字　最後連累她犧牲了睡覺時間　仲無同佢一齊去影印　Sorry　最多聽日請你食野補數　以後我都要獨立一點
自己去大埔中心影印　我學小思那樣待人以禮　面帶笑容　果然　別人真的樂意為你服務
然後獨自逛了一個小時　走過精品店　經過ＣＤ店　遊過書局　才發現自己一個行街也很寫意很寧靜
大眾書局真是Cheap　都無乜書可以睇　難道我一定要到又一城買？

返到家　立即檢視我心愛的紫羅蘭　
話說她昨晚被風吹跌　從三樓天台高處墬下
因今早趕返學　無及時救援　而家立即補救
現在她身受重傷　見到佢Ｄ莖斷哂　自己的一番心血無左　好傷心
紫羅蘭　我一定要救返你！
唉　勁傷心

溫書先　老子老子……　我老子今晚一定搞掂你　仲有你　莊子！

>>November 21, 2002 at 7:17:18 PM GMT+8

2002 年 11 月 20 日 星期三 【陰】

今日可以一個字來形容：「緣」
話說自與河馬分道揚鑣　我自行入閘　>_<~~~ 獨自上路好可憐啊
正當失落的時候　前面遠處迎面來個可恭的笑容　啊！是Yukito
真好！我們站在火車站內暢談了許久　
突然間 後面又殺出一個美女　那就是carmen 了
過了許久　我們捨不得分開　捨不得還捨不得　我們還是要分開了
三個不同學校但又相識的人　在同一個地點　同一時間相遇　那就是我們的緣份了　要是其中一個早了點到　或是遲了點回來　大家也不會遇上　你說緣份這東西是多麼的神奇
Carmen 別去錯第二個地方　記住我的日記是http://diary.showhappy.net/?id=58674
唔好再去那個知識意味濃厚的網頁

再回首早上發生的事
魔術表演　金幣轉移大法 簡單到爆　對於我毫無難度 easy job
再上演一場魔術　物件轉移　變走手心物件
成功……成功欺騙了一名無辜少女－阿大
失敗……被精明的河馬破奸計 瘀!

下午　辯論比賽　但因在下嚴重耳鳴的關係　對於今日的問題我一竅不通
那個阿濼好勁呀　最佳辯論員　不過今日明顯不在狀態　本時他的表現還要比今天好　失手

今日好多人肚痛呀　乜身體咁差架？抑或肚痛係可以傳染架呢？
通識的朋友　何需大動「肝哥」　令頭圍增加呢？
有時適當的抒發感情是好的　起碼我也這麼認為
但抒發了情緒後　便要從新振作　所謂十八年後又是一名好漢！
過埋聽日　又是一條低Ｂ人！
俾Ｄ油　捱埋佢啦　老友！

>>November 20, 2002 at 6:38:22 PM GMT+8

2002 年 11 月 19 日 星期二 【晴】

今日Beef返黎同大家見面　噫！佢靚左喎　大學生　果然唔同Ｄ
再聽聞原來中大有個集靚仔與叻仔於一身的William
男拔萃＋會考8A
嘩！勁！
喂 Beef 記住介紹我識呀 hahaha
跟住點左首普通話版的生日歌佢聽　之後更因為她的光臨
令到大家唔使上Eng堂　整堂都在看sportsday video tim

阿奸婷話我上堂成日望住佢地0個邊喎
係呀 我係望你0個邊呀 咁又點呀? 悶呀嘛 轉身的角度又剛剛好
你估我好想見到你架? 唔好話你成日望住我 留意我?
你死啦 你愛上左我啦ahahahhahahaha

放學後與Praia 研習fiscal policy
誰知她「聯芒攻煲」 與「春衫薄」challenge 我Bobo姐
道出多種歪理 蔑視proportional tax的功用 陷我於兩難之地
可是大家都知道真理在煲處 最後當然是我真理贏 並且佢地內鬨
使「春衫薄」過黎我0個邊支持真理!
哈哈! 真理長存!

睇到D朋友仔呢排係咁趕lib 搞到個頭都大埋
尤其是低B教教主 個頭已經漲到4隻手掌位咁大 你要小心D啦
記住擁有磁性聲音阿Wing的說話：到了交project的日子　一切便會完結
加油啦　低Ｂ人！
仲有其他通識頭大人　你地都要加油!

今日代阿心補習　
補完習　我更學以致用　用英文講火車上無位　俾人坐哂
‘At first, there was a seat. Now there are no seats.’
跟住又有個低Ｂ人0係度諗「攝位」的英文係乜
fill with? Sit full?? What what ar???
即係D人坐哂０係個位度　連一點多餘的位置也沒有
即spaceless
都幾難　又幾低Ｂ
喂！有無人知呀？
知道就請勿吝嗇　快留言吧

>>November 19, 2002 at 8:59:19 PM GMT+8