2003 年 3 月 17 日 星期一 【晴】

今天八點便和肥狗吃早餐，一點再與肥狗吃午飯，夜晚跟Rebecca吃晚飯
一天三餐都要掏自己銀包吃飯，好hurt喎！
早上由九點開始補Econ至十二點四十五分，長久戰，累透了。
下午到魔女家中作客練Oral，但成功不足，故打了兩圈麻將，有點浪費時間。
然後嚴重被玩，不知所謂！

今晚我會繼續溫Econ Macro，與好友同步彼進！
我已經讀到Classical School，快要趕上來了，你要小心！
還有，昨天發了一個誓，由現在開始至考文學卷三為止，我不再開ＩＣＱ，但可繼續上網，如有違者，則如中五會考三月抗戰般，罰洗廁所！
我的中史，經濟和文學的目標都是A**
英文跟CLC目標是C
所以，我會努力！




>>March 17, 2003 at 9:47:47 PM GMT+8

2003 年 3 月 16 日 星期日 【晴】

原來一個人的字體可以反映到那個人的性格
字體整齊的人做事一絲不茍
字體潦草的人做事率性而行
字型偏大的人做事信心十足
字型偏小的人做事自信不夠
無論你平時外表怎樣裝扮自己，你的字體亦會出賣你的本性。

那麼你到底是哪一種人呢？

>>March 16, 2003 at 10:39:51 PM GMT+8

2003 年 3 月 14 日 星期五 【晴】

呀! 有D 嬲呀! 我個神聖的中大e-mail, 竟然都會收到D 淫賤電郵,
好激氣呀!!!!!
好核突呀!!!!

今日算係有俾心機溫書, 但就時不時掂下電腦咁囉.
都係唔好開咁多ICQ, 費事見到人又忍唔住傾計就慘
雖然, 我成日都話唔開ICQ....但無一次可以忍受得過幾個鐘!

同埋有D掛住朋友仔, 想打電話俾你地, 但又驚阻住你地溫書,
即使唔阻住你地溫書, 又驚傾完電話後會胡思亂想, 不能集中精神溫書
但係真係掛住嘛...好矛盾...
一係你地打電話黎俾我啦, 咁樣我良心上會好過d...

>>March 14, 2003 at 11:33:17 PM GMT+8

2003 年 3 月 13 日 星期四 【晴】

昨晚難以入睡, 莫非我感情豐富過頭?
因為我整晚都在數, 我升上預科之後, 我總共哭了多少次.
數數下, 發現原來我是個愛哭之人.
中六學生會被飛事件, 哭一次
生日前的小風波, 又哭一次
中六結束前事件, 再哭一之
中七學期初被呃事件, 哭數十萬次
SportsDay接力事件, 哭一次
朋友生日被忽略事件, 又哭十次
自己生日見返老朋友, 又哭一次
正日生日有成半班人同我慶祝, 哭十次
中七臨別秋戈, 哭數十萬次
離別中七之後一日, 又哭一次

仲有大大小小的哭, 不下數十次
原來一個外表倔強的人, 有著一顆...柔順的心
我懷疑我係用"綠飄" 洗髮水架! hahahahahaah

>>March 13, 2003 at 1:09:28 PM GMT+8

2003 年 3 月 13 日 星期四 【晴】

成日見到自己的手電上掛著藍天使的公仔, 總會發出會心的微笑.
一定要Keep到呀!

>>March 13, 2003 at 12:50:23 PM GMT+8

2003 年 3 月 11 日 星期二 【晴】

今日是中學生涯最後一天上課，其實也沒什麼大不了，只是不想起來，好似唔使返學咁。
返到去，一切如常，派下卷、對下答案，至乎到這一刻還沒有離別在即的感覺。
午膳成班人到長城飲茶，分成三圍坐。其實一早都預左這三圍table的人物分佈圖。五美人和四魔女一張、河馬軍團又一張、男仔自成一角。最後食至一點半先走，搞到好多人都遲到，但今日中七大哂，唔使記名。
突然收到Forever Friends的琴譜，都幾易咁，為了氣氛，所以最終決定彈，Sight Reading呀，算不錯啦。

文學堂，真係好唔捨得呀，佢特意整左四社歌唱比賽的短片，播返我地比賽中的段，當中更加左個人的剪接，真厲害啥！
其實在那個時候，我已經想喊，加上Ｄ音樂都幾傷感，所以…肥狗問我係咪想喊的時候，我都強說沒有。
我又再一次愛上世偉了，這位老師在中六的時候，對我們不揪不睬，冷酷無情，我們班中不知有幾多人憎佢。到了中七，我們的關係開始易轉，佢開始變成我們的父親一樣，其實，我可以感受到佢係用心錫我地架囉，由佢開始影印Notes俾我地，以至上堂同我地睇片，到旅行時一齊玩遊戲，見佢待我地如親子女一樣，是一個和藹可親的父親。我相信，如果我們有再多的時間，我地一定會變成一家人一樣。所以，世偉呀世偉，真係好唔捨得你！

之後到大聖堂做Mass，我決定了要彈Forever Friends啦。
首先Barry演講，好麻煩架，明明之前話篇稿講到厭哂，一講的時候就喊，搞到我都喊左出黎，連Tiffany都喊呀。
因為佢講到我地好naughty，成日都做埋Ｄ野令Miss Yau擔心，又唔返學，又早退，成日掛住玩，俾左好多麻煩佢。佢本來已經要照顧一班好惡搞的F.2，仲要加埋我地呢班唔生性的大細路，真係好對唔住呀！
一聽到呢度，大家都喊…喊喊喊喊…坐在我旁邊的香妙蓮仲諗住笑阿Barry添，連坐在我後面的中六同學都笑，點知一見到我同Tiffinay喊，就收左把口。
然後到理科Ｄ人講，嘩，簡直唔想聽，因為sad mood已盡走，真搞笑。所以我即刻練琴，練下ForeverFriends點彈。
跟住到祝福禮儀，真係唔得，要喊啦，大家互相擁抱，互相握手，真係好唔捨得呀，話哂呢兩年７Ａ都經歷左好多野，有開心，有唔開心，由大家因學生會磨擦鬧出不愉快事件，到今日大家不避嫌一齊玩，呢種感情…好難形容，“難得”囉。我真係情願我無搞過學生會，來換返多一段中七快樂的回憶。我真係好想，好想。但事實係唔得，一想到呢度，我就抱得越緊，因為我唔知我地有無機會再如此一聚。
雙眼通紅，然後便唱Forever Friends。開頭都OK，但無啦啦又喊，對眼濛左，好激動，跳左行線黎睇，搞到唔知彈到邊度，所以彈到斷左。後尾先知原來我地班上的人都喊到豬頭咁，唉，真係…好感觸呀！在此多謝Mango捨身在我身邊陪我彈琴，免我在此重要時刻孤軍作戰，多謝你，真係架，由衷地多謝你。
其實Mass真係有兩大對比囉，唱緊Forever Friends的時候，左面文科班個個喊到豬頭咁，相反理科班只係玩，笑，完全對Mass都唔認真既。
Mass完了，便上返去課室，繼續喊喊喊，喊到塊面都漲哂。我都唔知點解自己可以喊咁耐，原先都無諗過自己會喊，但出到黎竟是相反。

臨別秋歌，Miss Yau贈我地一番說話，要我們珍惜身邊的人和事。雖然這又是老生常談，但在此情此景，何嘗不是又另一番體會嗎？所以，我不期然望係坐0係我身邊的同學，我想捉住你地隻手講珍重。我會珍惜我現在有的東西，家人也好，朋友也好，我都係咁愛你地。
然後周圍搵朋友同老師影相。
唉，好大感觸呀！係咁喊，搞到我有Ｄ眼訓。
講真，我會珍惜Mass短數十分鐘，尤其是Barry演講同埋祝福禮那段時光，我永遠都記得。

然後返屋企，但依然都唔係咁想走，所以傻間間自己一個人走左出去沙田，藉口買紀念冊，其實係抒發下Ｄ悶氣。
行行下見到五人天使的電話Rope，分別有紫，藍，紅，綠，黃五種顏色，分別代表我地五個美女，好有意義架。難得我今日肯豪，一口氣買下五條，仲要送俾佢地添。我相信呢五個天使代表我地五個人，而五天使亦都會保祐我地，亦象徵住友誼永固，我相信，如果我們堅信這個概念，我地一定可以Keep到。

然後又傻間間接Rebecca放學喎，佢係事前唔知架，Hohoho! 但係佢話佢估到我會黎喎... 係咪真架... 我咁易呃... 好啦,! 我信你!
之後佢又傻間間咁同我繼續行街，大家又傻間間咁去食貴野，然後又傻間間咁咁行街，最後又好傻間間咁返屋企。
值得一提就是那餐晚飯, 我地0係沙田最貴的日本料理食dinner, 真係貴夾唔飽囉, 只係飲水飲水飲水, 飲左三杯水. 我地話架, 教完文學之後我地再去食餐勁既!
好在無玩如“如果火車上有位坐的話，我地就……”呢個遊戲jar，要不然就該煥囉。現在頂多都係無旦糕食。唔好咁玩啦，我受唔起。
然後同Rebecca Say Byebye，又有Ｄ想喊咁囉。唔知呢，有Ｄ驚，有Ｄ怕，又有Ｄ期待，唔知呢，有Ｄ奇怪。唔好咁啦…
醉左…唔知自己講乜, 有時間明天再寫


>>March 13, 2003 at 10:14:27 PM GMT+8

2003 年 3 月 11 日 星期二 【晴】

吃午飯的時候，我們五美女跟四魔女同台吃飯。
四魔女開始的時候，便即刻在點心紙上tick了十碟點心和一碟炒飯
其實五美女不嬲都細食，見到魔女一黎就咁狼死，都為此突兀。
其中，立體HelloKitty(咁樣稱呼佢有Ｄ衰添, ha)更是一邊吃X燒包，一邊瞄著奶皇飽，其胃口簡直驚人！
然後引來魔女之首評之曰：" 吃這包，望那包，什麼也吃不到 "
還有點了兩碟魷魚酥，兩碟腸粉，還有春卷...諸如此類。
魔女們其實還未夠喉，奈何時間緊迫，加上又不想顯得自己比五美女大食，才抑制食欲。

好搞笑。。。。

>>March 13, 2003 at 10:12:55 PM GMT+8

2003 年 3 月 11 日 星期二 【晴】

今日呀, 我懷疑有個大陸佬想偷我電話.
話說我傻間間自己一個行街的時候, 有個身穿白色風褸的大陸佬走過黎普通話問我佐敦點去, 我話0係九龍啦, 又搭車架(我心諗, 你唔係呀嘛, 沙田同佐敦好遠架, 於是我就有戒心起來)
之後佢同一大PAT 普通話同我講XXXX...已經唔識聽啦, 但最主要就係佢部手電無電, 問我借電話! 不過佢話係由我打去問.
我係度諗, 你唔係呀嘛, 你當我係無知婦 , 我有睇警訊架, 容乜易我打左去之後, 那個人普通話我唔識聽, 跟住我俾部電話佢直接同那個人講, 一轉身就偷左我部電話去架.
所以醒目的我就話: 要不然我給你一塊錢, 你去打電話好了.
那條友竟然"唧" 左一聲, 我就諗你唔係呀嘛, D 戲咁屎既
之後我就話趕時間要走, 你要唔要一蚊, 唔要就罷. 佢亦都無問我拿一蚊
明顯地, 佢想偷我部電話啦
想蝦我唔識講普通話,
點知, 佢碰一個通多國語言的YumiBo, 佢的奸計亦不能得逞已!
hahahha

>>March 13, 2003 at 12:59:51 PM GMT+8

2003 年 3 月 10 日 星期一 【晴】

今日要帶個腦返學，不太習慣啥！

我發現我溫中史的速度比Econ還要快呢！

>>March 10, 2003 at 8:02:30 AM GMT+8

2003 年 3 月 9 日 星期日 【晴】

LaLa世界 Boy' z

曲：Eric Kwok/Sam Koki/Lee~io~Hoku
詞：黃偉文
編曲：Eric Kwok
歌曲監製：伍樂城, Eric Kwok

K：聽講於冰島可以逛火山
聽講於加州可以數沙灘
K&S：然後
S：租一卡火車景致逐個探
要每個角落都飽覽
K&S：渡假需要力氣別要懶
嘆世界有什麼感嘆

K&S：Lalalalalalalalalala Lalalalala
Lalalalalalalalala Lalalalala Lalala
做我喜愛事幹 怎麼會慢　怎麼會難
可給我豁出去隨便玩　都有權不玩　才是嘆

K：不必貪早機出發晚機返
只需一想起可以過海關
K&S：前面　
S：多少的風光將會被讚嘆
那怕那勝地多麼濫
K：渡假需要力氣別要懶
S：嘆世界有什麼感嘆

K&S：Lalalalalalalalalala Lalalalala
Lalalalalalalalala Lalalalala Lalala
做我喜愛事幹 怎麼會慢　怎麼會難
可給我豁出去隨便玩　都有權不玩　才是嘆

K&S：消遣太易　刻苦太難
即使我放的假到底有限
你與我其實每天出發
擔心太易　開心太難
將工作當嬉戲放心暢遊一番
不等如不嘆

K&S：Lalalalalalalalalala Lalalalala
Lalalalalalalalala Lalalalala Lalala
做我喜愛事幹 怎麼會慢　怎麼會難
可給我豁出去隨便玩　都有權不玩　不等如不嘆

如果下次有人去neway出K, 唔該幫我拿Boy'z 的八達通套, 上次我拍醜唔敢拿, 有D 後悔添.
唔該...
啦啦啦~~~~
不過我唔係咁鐘意Steven十八歲人仲讀緊中四囉
但, 佢地個MTV又影到佢地好靚仔既...哈哈....
死啦, 十九歲人先黎鐘意花靚仔, 會唔會花老姣呢?
HAHAHAHAHAHA


>>March 9, 2003 at 5:38:18 PM GMT+8