2004 年 12 月 10 日 星期五 【微冷】

re 各方親朋, 有心了, 我唔想因為我ge事而影響到你地~!
re k, 我有幾幸福?? 我都一個人捱緊, 為屋企, 為自己!

虛脫
終於, 到左今日, 個人開始覺得累,
身心疲累, 為情所困, 心煩意亂...!

SAD測驗總算集中到, 不過都係唔識...!
lunch ar...唔知點呀...
之後ge DB堂都係處於一個無奈ge狀態,
放左學真係崩潰喇個人, 好似hand機咁,
然後就訓左半個鐘, 當係叉電,
請原諒我無同你地玩...因為真係玩唔到!

都可以話好在有得返工,
都無時去諗其他野, 學benny話齋, 公還公, 私還私!
今日又係同wilson 埋炒,
同佢熟左好多喇!

個廚房地下真係好滑, 之前估得多,
今日終於發生左, 就係有人仆底左!
呢個人就係我喇!
隻手補唔住我碟心血結晶,
個碟打爛左, d意粉倒晒...>"<
而且隻手仲損左少少...唉!

今日做野做唔停, 返工唔辛苦,
放工先辛苦, 空虛, 停低左...
尤其係今日, 係尋日ge複製!

>>December 11, 2004 at 4:03:46 AM GMT+8

2004 年 12 月 9 日 星期四 【颳風】

re ManGo~* 無野搽呀, 你幫我丫~!

day off
今朝普通話test, 尋日又傾到四點,
所以我都係無準備到就上戰場!
講ge題目係"自我介紹", 似乎好易講, 但係就口窒窒囉~!

放左學之後都幾開心, 因為今日放假, 又唔駛返pizza hut!
可以返屋企食飯, 同埋約左mango~!!

都好似有成四日無o係屋企食飯, 食左兩大碗飯, 正!
然後八點幾九點就出番粉嶺會合mango,
我地又去許留山食mango,
跟住又吹水吹左好耐, 而且氣氛唔差,
不過最後變得好尷尬...

走o個陣都已經係一點幾,
記憶所及, 我未試過特別為左一個人而出夜街,
史無前例地佢係第一個!
原來我真係好重視佢!

>>December 11, 2004 at 3:27:42 AM GMT+8

2004 年 12 月 8 日 星期三 【微冷】

re 歡and rachel, "jason"都只係虛名黎姐! 求其改架ja...不過我都幾無奈!
re bon邦, 你真係好耐無黎留言wo~! 我改咩名又點wo~~~! 多事啦你~!

埋炒
尋晚由收工到四點幾都係同mango傾電話,
朝早六點要morning call佢, 七點就自己起身!
wo, 勁呀! 訓得幾粒鐘, 但係又唔覺眼訓wo!!!

返學放學都係如常咁過, 不過心態就唔平常囉...v.v"
同everyday傾左好多野, 佢係我第二個可以咁傾ge人,
everyday真係好, 玩又玩得, 叫佢正經又得!

三點半放學, 四點未夠就趕到去pizza hut!
不過搵件uniform就搵左好耐, 遲左幾個字先開工!
搵到連食meal都無時間!! >"<

大約四點半開始正式做野,
今日又係埋cut, 教我做野ge係馬鞍山同事--wilson,
ma on shan(S41) ge同事們真係對我好好呀!

今日學多左炒幾樣野, 不過始終都係個龍蝦鴛鴦面最多人叫, 因為跟餐ma!
而我尋日同今日ge分別就係今日熟手左好多,
好少炒濃野, 仲擺得好靚, 做得又快左, 好似幾好味~
可惜滿足感已經無尋日第一碟咁大, 要忙於埋頭苦幹頭頂上ge十張單,
我同wilson要兩個人開三個爐黎炒面同埋飯, 就黎"lum"檔!

wilson收十點, 我收十一,
結果我一個人就要抹同埋洗乾淨爐面and 升盆!!
足足用左一個鐘囉...~"~
又係十一點幾先有得走, 不過返工都幾好玩~

唔知而家返工係咪一件好事,
只想每日放工都想搵個人tum下我, 問下我返工ge事,
o係d咁凍ge天氣有人問候下會係一件好幸福ge事!

>>December 9, 2004 at 7:36:25 PM GMT+8

2004 年 12 月 7 日 星期二 【微冷】

re alan, 我而家唔知點做好...可能o個晚我做錯左...!

pizza hut family
今朝校左個鬧鐘八點半起身食埋d藥以為會好d,
點知唔食好過食, 返到去上堂成個人wing下wing下,
ive又無水, 搞到我成個人謝晒咁...

放左學去左pizza hut返工,
新仔報到, 要改個英文名...= ="
結果我係jason...!

五點幾食埋野就正式做野, 首先今日我要做就係埋AUX,
跟阿roy做野, 條友仔勁臭串wo, 不過都好搞笑,
由佢身上都學到好多野, 唔好睇佢人仔細細,
就連佢都識"泡"穫!!!
埋得位就要做野, 唔識都要識!
所我都學人"泡"...隻左手玩唔夠幾野就軟晒...
卒之由六點到十點幾都係企o係個爐前面"泡"下"泡"下,
學到好多野呀今晚,
仲有就係發現到o係kichen入面就好似一家咁, 有咩事都會守望相助,
pizza hut 係一個大家庭!!
我覺得我會可以o係pizza hut度做好耐~!

好亂...而家可以點做好?
點解呢d事要三番四次咁出現o係我身上?
偏偏又要悲觀重演...!

>>December 8, 2004 at 1:53:40 AM GMT+8

2004 年 12 月 6 日 星期一 【微冷】

re 崑, 忍耐下啦, 就好番!
何況我由聽日開始都好少時間o係屋企, 我都唔想傳染你地...

re edwina, 返pizza hut ar我而家, 多謝關心了!

遺憾
張e生d藥異常見效, 今日好番好多!
不過有一樣野唔明: 點解食左藥會頭暈暈, 但係又唔眼訓呢?

Bull shit ge PW堂!
tony chan無返, 但係peter chu又唔帶我地做野,
唔知點解一提親佢就會無名火起!
PSIC本來想訓下, 但係分別比chris & may E個電話嘈醒...>"<

lunch之後ge APM無乜特別,
放學先係重點所在, 因為佢地想為我打一場"臨別秋波"!
可惜我...病態暴現, 但最後都忍唔住落左場,
好似越打越精神, 不過心跳得好唔尋常...!
六點鐘先走...遺憾就係今日沒能盡力同佢地玩番穫!

之後就返左粉嶺同mango去左海皇粥店度食,
然後去左影證件相, 再去左hea time...
講左好多野, 做左好多野...
到十一點先去左may e度拎番餅帶, 唔好意思!

有樣野好想o係返工前做ge, 今日終於完成心願!
酸酸地咁...

>>December 7, 2004 at 1:01:41 AM GMT+8

2004 年 12 月 5 日 星期日 【微冷】

re mango, 今日去左睇e生啦, 詢眾要求!
我都知做咩會病... 一定係心情唔靚所致啦~!

抵抗
今日十點九起身, 精神好過尋日,
不過狀能同尋日差唔多,
大量鼻水+大乞chi!
十二點幾先lunch...~"~

原本打算今日會去打波, 可惜我咁, 浪費左一日!
所以今日用左黎休息, 功課都無做到!
四點半食第二次藥, 忠告大家唔好空肚食勁藥!
因為會令人金星亂冒, 頭暈暈!
所以我食飯前恰左陣, 真係大病先會訓晏覺!

食完飯終於比佢地"吹"左去睇e生,
今次張e生比d藥都好啃, 鼻水收得好快,
希望返工前會好番啦!

原來病榻時收到一個這樣的訊息會這樣的溫暖, 多謝!

>>December 5, 2004 at 10:38:53 PM GMT+8

2004 年 12 月 4 日 星期六 【微冷】

呆鈍
唔知做咩事...突然間發左出黎,
可能係今朝碗五香肉丁面係導火線...!
撘火車時開始黎料, 頭暈眼訓+腳軟...~"~

alan, sham and me差唔多一點出到mk會合誠大, 崑and mango,
去百老匯唱k, 可能係我最後呢幾日玩喇,
不過今日身体抱恙, 玩都無乜精神...
睇見佢地真係玩得開心...>"<

四點幾去左食野, 吹左陣水就走,
最後送埋mango返屋企我都走,
條路真係漫長...今日真係好虛弱...

對上一次面青口唇白可能係兩個月前,
o個陣充滿幸福, 無病通,
咁今日呢? 乜都出現晒, 仲有咩好講...

>>December 4, 2004 at 11:03:40 PM GMT+8

2004 年 12 月 4 日 星期六 【晴】

一個月
十一月二日, 矇矓間收到個訊息, 原來"前度愛人"要說分手.
再嚐多次切膚之痛, 枕頭也被弄濕了半邊, 知道了這次再也無法重收舊好,
就讓一切隨緣罷了...早就說定了這樣, 既來之則安之!

十一月三日, 又一次巧合的安排吧?
真估不到安排得竟如廝巧妙!

這一個月以來, 學習了如何接受, 如何淡忘, 如何振作.
沒想到我可以痊癒得這樣健康,
我很珍惜這個十一月, 放棄了舊愛,
再重新燃起了火花!

多謝.

梨渦淺笑

曲：許冠傑 | 詞：許冠傑/黎彼得

梨渦淺笑 可知否奧妙 寂寞深鎖暗動搖
魂消魄蕩身飄渺 被困擾 怎得共渡藍橋

梨渦輕照 映出花月調 但望相看慰寂寥
時刻與共享分秒 願折腰 今生效同林鳥

梨渦淺笑 似把君邀 綺夢輕泛浪潮
春宵猶未覺曉 梨渦雖俏 悲歡竟逆料
樂極癡戀變恨苗 情絲寸斷一朝了
夢已消 花依舊玉人渺

*只要梨渦淺笑, 你有酒粒!

>>December 4, 2004 at 12:36:07 AM GMT+8

2004 年 12 月 3 日 星期五 【炎熱】

to mango, 無錯, 係一個月喇, 相識一個月~
我覺得你會唔記得ja wo~

to 米曹, 駛唔駛玩埋捉錯處~

pizza hut
今日返學係返黎以黎最準時,
準時上SAD, 下個week test, 所以今堂要尊心d...>"<

lunch之後打左陣排球, DB之後係個兩個鐘空堂,
benny又帶左我去pizza hut見工,
今次終於"守得雲開見月明"!
佢地個manager, andrew wong終於出左黎in我,
佢同上次in我ge johnny差得勁遠!
呢個嚴肅到想驚死人...!
最後我都係順利in到, benny o係四點幾打黎話我星期二有工返喇~!

放左學我地又打排球...玩到損手爛腳,
似乎放學一齊玩ge日子少之又少喇...!

足足用左一個月去康復!

>>December 4, 2004 at 12:12:40 AM GMT+8

2004 年 12 月 2 日 星期四 【微冷】

re alan, 你係時候要重新排多次個family order,
我估淨係頭五個位置無變掛?

75
今朝返普通話堂, d work sheet勁繞口,
就好似急口令咁, 阿sir 趕時間咩...?
有一件事值得好開心, 就係我對上一次普通話口試拎到75/100!
o係無充足準備下就拎左全班最高分, 令人好意外~!

lunch之後打左陣排球同埋羽毛球,
上完DB同埋英文堂之後就成個人散左...
好難先等到五點放學!
跟住同benny去左沙田間pizza hut度見工,
今次係我第三次填application form,
可能我真係同"返工"無乜緣,
今次因為manager太忙無見到我, 要等聽日!

之後返到粉嶺, 約左mango出黎dinner and 吹水,
然後上左may e度拎野, 又比佢盤左陣~
原來佢睇人都甚準, 處理人情世顧仲好過mum!
跟住十點幾又叫番mango落黎hea左陣, 去左粉中坐,
十一點幾送埋佢返屋企就散喇, 心情好輕鬆~!

忙左成日, 到呢一刻先至叫做停下~

>>December 3, 2004 at 1:37:18 AM GMT+8