2004 年 12 月 20 日 星期一 【微冷】

re kwan and 崑, 你地自己約野玩啦, 最多我放工出黎搵你地...= ="

聖誕week
今朝o係canteen比我見到d好火滾ge事!
就係其中一個staff道然鬧個客!
呢個係咩世界?! 唔怪得城軒越黎越少人去!!
然後我個早餐又非常之難食...>"<

PW堂又係hea時間, 到左PSIC又係無人聽書, 結果訓左!

lunch之後就係APM堂, 開頭都滿腔熱誠,
跟住就受唔住誘惑...~"~
第二三堂又訓左陣, 究竟我今日發生咩事?!

放左學就同benny出左新城市度買野,
我買左幾張聖誕卡, 用左九十幾蚊呀...肉赤!
不過都係算啦, 值得ge!!!
跟住陪benny過埋西田買佢ge cake source,
最後四點幾五點一個人走喇...繼續好眼訓...z.z"

今晚做節, 好耐都未試過一定四口坐大檯食飯!
我估計落都有三個weeks lu!
唔知聽日有冇機會呢??

>>December 21, 2004 at 12:48:27 AM GMT+8

2004 年 12 月 19 日 星期日 【微冷】

S41(ma on shan pizza hut)
ma on shan pizza hut將於23/12隆重開張,
所以我地一班員工今日全部返十點, 玩洗場!
今日遲左到...太耐無去過ma on shan, 唔識預時間lu!
好在今日唔駛拉卡!!

一返到去就要分工合作, 我同roy就被點去洗水吧,
無手套, 所以我就好似用d潔而亮洗手咁...
又係無戴手套, 比d不銹鋼板"界"損左隻手四五次...
d潔而亮又"也母", 搞到個傷口勁痕!!
程況惡劣!

lunch後就係幫手洗walk-in, 同左其他同事一邊玩一邊做, 都幾搞笑!
洗完walk-in就係清士多房, 個個又一齊做gym喇, 上貨落貨!!
原來呢個世界有好多力神架...=o="

S41個廚房好過S21好多, 至少闊落同埋企理d!

六點鐘就放工, very tired, 所以返左屋企擺底uniform同埋休息下先.
到左九點半, 約左mango出黎dinner
今日氣氛好唔同, 我比較鍾意咁樣, 玩得好開心~!

>>December 20, 2004 at 3:18:59 AM GMT+8

2004 年 12 月 18 日 星期六 【微冷】

re kwan, 乜你終於都放棄呢份工喇~?
咁你有冇搵到第二份先?? 仲有, 就算你放假都無用, 我今年沒聖誕喇...>"<

last day, last nite
今朝一起身, 成個人好似散左咁!
個胃又好唔舒服, 感覺就好似食滯左咁,
個肚有好多野頂住, 搞到早餐都無食到...

返十點, 差d遲到!
一返到去就要上貨, 又要做gym喇!
到左十二點幾食meal, 一路都無胃口, 食唔落野...!

今日埋左三個位, 一開始埋左make位, 可以學下整pizza!
跟住比阿ken捉左去埋炒...因為唔夠人用!
臨尾又比阿bill 叫左出去幫晶姐埋aux,
同佢埋aux好大壓, 佢成日都要求好高,
講到我奉旨乜都識晒先幫到佢, 成日都比佢媽!
大佬呀...今晚先係我第一晚正式埋aux,
我咁勁一晚識晒, 你都唔駛o係度做啦!
最後由於自己真係無乜料, 唯有忍氣吞聲, 逆來順受!
但係今晚真係勁唔好受, 勁唔舒服, 成身都無力咁, 有諗過早走...
最終都係頂到十一點放工...終於都收工,
好一日返朝十晚十一!

最後一晚返S21, 好多謝有份教過我野而又係沙田舖ge人,
尤其係jerry, 係一個好好人ge senior!

>>December 20, 2004 at 3:05:13 AM GMT+8

2004 年 12 月 17 日 星期五 【微冷】

第三期發"肉"
經過一個幾禮拜ge鍛鍊,
身上好似出現番少少肌肉,
原來ge六神合体, 而家已經開始分裂緊~!
不斷食野, 減少睡眠,
再不斷工作, 鐵人般的訓練!
返工=做gym~!

今日返三點, 好多大粒佬o係出面開緊line meeting! 好緊張ge氣氛!!!
開頭勁灰, 比個死仔roy夾硬拍左去埋炒!
原來無炒幾日, 反而會熟手左, 有d掛住呢位tim~!
最後都係去左aux位度跟晶姐學野!
淨係睇單都睇死人, 不過都無我埋炸咁麻煩,
d伴碟煩到呢! d人又唔會食, 但係又要出得靚,
仲要一次黎幾張...勁煩wo, 又無人可以幫到手, lum檔了~!
最後一個人搞番掂, 勁呀!

埋炸無埋炒咁大壓力, 挑戰性都無咁大,
可能係一開始就去左個高難度位置度玩過掛~
要快d學晒aux位先~!
下個目標係pre野~

有冇計過我地幾時開始四目交投咁講野?

>>December 18, 2004 at 1:56:56 AM GMT+8

2004 年 12 月 16 日 星期四 【微冷】

re 路人甲, 比你咁講, 首先我條氣好唔順囉!!
下次留名啦唔該! 話唔係唔比你地話, 我都知呢個係責任問題,
你話得好arm, 今次我係好錯, 我認架喎!
不過我永遠都聽d fds講野, 話得arm我一定受,
夠贍話人又唔夠膽留名???
如果係自己人我一定唔mind, 但係唔留底高姓大名, 即係唔係自己人?
何況呢條路係我自己揀ge, 我都無怨過人...
我只係唔鍾意d敢做不敢認ge"朋友"!

re Lam, 又真係好似幾耐都contact wo,
我而家返工, 日日都一點幾先開msn...icq就黎廢!

大胃王
今朝起身, 精神爽利!
打左舖機之後就出門口, 約左mango lunch,
等左一陣, 原本諗住去"大胃王"度吃, 點知close左...
之後就去左"生蹟岩"度食, 傾左陣就等埋崑一齊走,
返到ive遲到喇, 趕住做english homework!
兩點半空堂, 勁肚餓! 食左個飯!
五點幾放左學返pizza hut, 又好肚餓!!
食左個肉醬螺絲粉, 結果我六個鐘今面食左三大餐!!

今晚終於唔駛埋炒, 但係埋炸,
可以話係優差啦! 同一個比我更新ge新仔一齊做,
佢一無野做就企o係度...但反而我一路搵野搞就比人話企o係度...!
算啦...公道自在人心!

十一點前我地食左好多野, 原來炒開d野好正架!!
返到屋企又食左碗屋企整定ge麥皮,
做乜我咁好胃口架?!
結果今朝食唔成"大胃王", 變左自己係大胃王~!!

係咪唔同左呢....?

>>December 17, 2004 at 2:21:28 AM GMT+8

2004 年 12 月 15 日 星期三 【微冷】

逃兵
今朝打左比mango,
d 語氣有d怪怪地, 又係咁喇...!

我決定左今日要做逃兵, 唔返工呀...
因為真係好tired, 無假放, 做到個人灰晒, 怨氣勁大!
最重要係放左工會無精神做功課!
聽日要交CV...>"<

為左最個理由唔返, 今日真係諗爆頭!!!
比S21 個經理問長問短, 又要扮晒死狗,
而且仲要拎埋屋企d老人家出黎講,
今日做左逃兵真係有少少內疚!
不過老實講, 我ge養生之道就係唔比自己做到死...!

今日終於有心情郁下, 個人太累, 屈得太耐is not good for health!
出左少少汗之後心情大靚呀!!

放學做左陣PW, 之後諗住約埋人一齊走,
不過呢...算啦! 我無事, edwin你地唔駛咁串咀~!

夜晚返到屋企, 成個人都好relax,
打機, 食飯, 睇電視, 食宵夜之後又打機!
wo, 好幸福ge生活!!

聽benny話, S21炒左幾條友, 全部都係擴工...
好驚自己會比人back list tim....聽日要搏殺!!
而家好有衝勁!!

>>December 16, 2004 at 12:19:31 AM GMT+8

2004 年 12 月 14 日 星期二 【颳風】

時間太少
一個禮拜前同一個拜後ge我有好大分別,
一個禮拜前ge我仲生龍活虎,
時至今日, 我雙目無神, 心情煩亂?
最重要ge係有人話我斷六親, 對所有人都有敵意...
聽到咁講都都幾無奈下, 我唔會怪人, 多謝佢提醒!
自從返工以黎, 我真係變得好少時間對住群眾,
每每佢地話玩時, 我就一個人靜坐,
因為我唔想玩到成個人散晒先去返工,
我企炒位, 最熱最煩o個個位就係我!
二黎我都無多餘神力去玩!
我都好想打下波...

今日趕得切o係一點前返到公司,
日日如是都係埋炒...我真係好耐學下其他野!
例如pre野, 埋aux...可惜掃把又要我企死!!
日日炒, 你唔悶我都厭啦!
無野做o個陣跟kit學切野, 真係偷師ja...!
夜晚同benny 埋炒, 同佢傾左好多野呀,
都耐都無同男仔講過咁多野!

返到屋企好冷清, 無晒d人氣,
無同過dad and mum, 仲有同房ge崑傾計...全無人氣...
幾時開始變成咁架?
由我思想上學獨立開始?
想搵個機會放假都咁難?
好寂寞...

我發誓我唔會咁細路仔, 點解我唔可以處之泰然?
只要你開心就可以!

>>December 15, 2004 at 2:39:50 AM GMT+8

2004 年 12 月 13 日 星期一 【颳風】

re sham and benny, 其實我一路都明你地諗咩, 只不過我覺得24hrs唔夠用,
我真係可以放棄我其中一樣野去陪佢...
因為我唔想再同上次一樣, 陪得少而後悔!
um...有得有失ma!

殺場機器
朝早六點幾先訓, 決定左PW唔上,
一訓就係十點, 食完早餐同崑打左陣機 ,
原來可以令到心情好relax!

到左十二點幾就出門口返學, 成個人散晒咁, 企到腳軟!
返到去好似無乜野學到咁...?
放左學食左兩個tea頂肚, 當埋晚餐食呀...!
跟住同edwin佢地鋤下d, 好耐無玩過lu, 唔識玩丫...>"<

五點幾就走喇, 返六點.
開頭仲以為閒日會得閒少少,
點知六七點o個陣一樣會lum檔, d單一係唔黎,
一黎就成十幾張o係度!
結果我同rock就班左幾個S41(ma on shan)ge 同事門黎幫拖!
原來佢地一個二個都係殺場機器!
唔駛三四個字就消滅晒d單!! =o="

過左九點, 個場真係開始靜喇,
大戰過後, 又真係覺得有少少空虛感!
放工前終於都可以食下pizza吹下水喇...~!

返緊粉嶺途中, mango打黎, 跟住就去左搵佢,
一坐就兩個鍾到兩點...心情都唔知點去形容,
又"囉囉戀", 又煩煩地咁...

>>December 14, 2004 at 11:30:17 AM GMT+8

2004 年 12 月 13 日 星期一 【颳風】

re mango, 我而家早唔早訓你都好似唔理我咁架啦...

re 各方親朋, 我暫時都未有事, 我自己會控制到架!

麻醉
尋晚搵佢唔到, 足足忍左一日!
今日又傾唔夠兩句...

返到pizza hut就食meal,
好熱氣, 日日係咁食!
o係未炒野之前,
我跟左kit and rock 學pre野, 其實係偷學!
因為我覺得我要炒呢樣野, 起碼我都需要知道係點得黎!

今日返工返得好無衡勁, 唔係精神, 而係心情!
突然間唔想再返工, 唔知咁努力搏命為左咩!
時間又變得越黎越少...!
好唔開心...

>>December 13, 2004 at 2:42:34 AM GMT+8

2004 年 12 月 11 日 星期六 【颳風】

鐵男
基本上我個人已經進入左另一個狀態,
尋晚同mango傾到今朝六點佢要返學先收線,
我就恰左兩個鐘就要起身返工...
撘火車ge感覺就真係勁累,
好似返完一日通宵臨記咁!

今日返十點, 一開始就要上貨.
十一點半先有時間食meal, 好掛住佢,
打左去佢又唔知, 唔打去自己又唔舒服...

之後晏晝都係做下少少簡單野咁過,
到左五點幾六點先正式開始炒野.
今日有兩個大粒佬黎, 個個都勁緊張!
首先殺到ge 係怡禾飲食集團總裁,
平民服飾, 比佢fake晒!
到佢走左無半個鐘, 個分區經理又黎,
麻煩到人都癲, d野執完又執, 邊個廚房會光潔如新架?!

星期六個場勁旺, 由六點一路炒到十一點都仲有單!
點解要比我一個乜都唔識ge新仔埋爆房炒野?!
十一點幾放工, 佢竟然訓緊...唉...

好想早訓, 真係都好想有好多時間可以傾下電話...!

>>December 13, 2004 at 2:25:57 AM GMT+8