寫日記       申請日記       用戶列表
 Powered By : Showhappy.net

日記

日記主簡介
<< 201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  >>

2004 年 5 月 27 日 星期四 【晴】

繼早陣子 港台、商台破天荒聯播後 今日兩台就分別在上晝八點幾至十點同晏晝o既四點半過後 撮錄了飛哥在立法會講解他不在任《風波裡的茶杯》的原因 ... 這反映出上面或迎合上面的人 真的可以無所不用其極的打壓其他人的自由,人身安全,和言論自由等等
這不是白色恐怖是甚麼 ... 還說飛哥可以番去繼續主持節目 你要人家再承受四方八面的 「不明來歷」的滋擾嗎 ...
見要番campus還本過期書就本想順道睇住有線直播飛哥「作供」的 ... 但說甚麼要借鎖匙 咁咪唔睇啦 ... 就去o左AM 終於算係搵番齊自己o既LCC003/004功課 但原來仲有可能搵得番002的測驗光的 .,. 可是 見欣賞了不少拎A的同學的大作學已經過了十點 ... 就快手快腳番屋企食d野 就趕下場 (去嘉湖睇 明日之後)
ps: 最正就係聽到o個句飛哥話同曾鈺成係唔同層次o既人 ~ 俾飛哥鏟到一棟都冇 真係咪話唔笑死
本來想打俾琪琪話佢聽 終於搵到佢O既 一個都不能少 點知打俾佢冇人聽 番到去屋企 好彩佢仲未出門口 佢話同Jenny去四日camp呢 咁正當睇完戲 o係圖書館隔離o既書攤睇o左陣書之後 經天水圍東面慢行至天逸時 電話竟震起來 ~ 原來那唔聽話的電話竟由在不知不覺間自動和人家的電話駁上了 而那人就是琪琪 ... 給她「省」到笠笠靚呢 ~ 還說Jenny就在她身邊 可以作證 ...
她問道《明日之後》怎麼樣 ~ 當然是好看了 ~ 故對她只說了一句 「一定要在戲院睇o既戲」
佢話「咁大鑊」 ... 又說想看過寡人的影評再說 ... 那就要就住就住來寫了 ...

《明日之後》觀前感 :
其實在看過上年的電影預告片就決定了一定要入場睇的了 ~ 本來想尋日就睇o既添 ~ 無啦啦早o左日上畫 ... D Planning亂晒 又要全院滿座 去不成
今天去 ~ 雖然不是公眾假期 ~ 出門口看過不過是賣了廿多張飛 但入場的卻有五十多人 ~ 住在左邊的三位男士在開場前更是雞啄唔斷 本來想坐開的 ... 但是一開場 他們就收聲 ... 可見得電影就是有這震撼力
最奇怪的就是 在網上見到屏幕前的第一行 左邊和右邊的八個位是給劃了卻沒有人坐 ...

《明日之後》觀後感:
說是十二點八開場 ~ 但夠鐘時就連其他戲的預告都未開始播
開o黎一個Greenpeace o既廣告 說用煤發電多不要得 說用風能等環保方法發電多環保等 是和電影的主題襯到絕的 ... 之後卻播了三四套電影trailer ... 有從未如此醜樣的Garfield 有好恐怖的智能I,Robot 還在寡人生日當天上畫 starring Will Smith 又是非看不可的了
到1247 正式開場就被那宏偉的雪景和扣人心弦的配樂吸引了
事實上 全套戲的電腦特技同配樂都做得好好 ~ 唔係冇咁多閒錢都一定會買番正OST番屋企
比起上一部同導演 (好像是名曰Roland Emmerich)的Deep Impact (末日救未來) 此片來得更流暢和流麗 故事本身和故事交待也更出色
上次 殞石要來襲 是我們人類控制不到的 反觀今次氣候劇變 ~ 由Global Warming 變成Global Cooling 更變成Iceage 雖然是來得太「突然」太快 同太急劇 亦似乎太誇張 但卻全是人類自作孽的後果
是濫用資源 導致氣候反常 ~ 是近二三十年 科學家 甚至普遍有識之仕,學者和某部份政府都關開始關注的問題
而電影就用了很好的手法去交代和講解 人們是怎樣種下這惡果
比《Twister》 《Volcano》等都來得震撼和"真實" 因為真的難保我們可愛的 (但不受重視和珍借的)地球 有朝一日被我們糟塌成這樣子 ...
但另一方面 電影可能用的不是甚麼有名的演員 更顯得故事的平實無華 和 在這嚴峻處境下所顯露出來的人性 ~ 不敢說這部電影會拎到甚麼甚麼長
但它所歌頌的人性 和所表達的訊息就真的不得不令愚蠢的人類 / 自私/貪婪的人類自省和反思
電影題裁雖然是很嚴肅和很可怕 但亦不乏輕鬆和諷刺 看過一定會捧腹大笑或會心微笑的
就如 如斯大國面對如此境況的對策竟可是這樣兒戲 國際關係竟然在面對這樣的環境才能真的真正做到坐下來慢慢傾 或拋下敵對態度和成見 .... 才真的體現出甚麼是「全人類」
你說這是可笑 還是可悲 ... 人類真的是太無知了 ~ 如果看罷這部戲的都不能得到甚麼的話 就真的是無話可說了!

又或者可以咁講 沒有得著也不能怪誰 因為最近才有科學研究推翻所謂人腦在12歲是已發育完成的說法~ 真想不道 原來我們的腦袋是要待四十歲 (不是十四歲) 才會發育健全 ~ 在這期間 人的智慧和潛能還是有很大的發展空間的 ...
這不正是 「三十而立」「四十而不惑」「五十而......」「六十而耳順」嗎
怪不得 做特首一定要年過四十了 ` 但既然十八歲都係係「腦筍都未生埋」 ~ 又點叫大個仔 點叫心智成熟 點可以叫做成年 點可以食煙飲酒架 ~ 係咪連投票都唔得添呢 ... 咁唔得了個bor
不過今日就終於明o左 點解四十歲也可以是「傑出青年」

成四點先看到商務 明知係唔會有都即管問下佢地職員會唔會有得賣 梁靜茹o既《我的另一半》
得到的回覆竟然是: 呢本書好搶手 試過訂都訂唔到 (冇貨)
咁大鑊?! 台灣不是也有商務印書館嗎 ... 不可以想想法子嗎
咁上次屯門職員話會同人hold住銅鑼灣或上水分店o既《我的另一半》係咪真係有hold架 ~ 明明商務網上書店話有存貨 而全線商務都叫仲有兩本淨 但萬一佢唔記得同這個尊貴客戶 (近年買了的書價值 tens of thousands of dollars呢) 落柯打 咁點算呀
早知係咁 去睇戲時搭西鐵見到商務屯門店個職員 佢就算係放假都同佢單聲 叫佢幫手hold住本書啦 ....
講番套戲 ~ D對白都幾獨到 要嚴肅有嚴肅 要深度有深度 要風趣幽默亦能達觀眾要求
不過都真係第一次聽 "tens of biliions of ...." 通常o係新聞都係聽到 hundreds and thousands of 或者係 tens of thousands of ... tens of billions of ... 可想而知真係可以幾恐怖 幾可怕
但中文字幕就略嫌遜色 ~ 如 國民警衛軍 竟可譯成 民安隊
但值得一讚是 Vivian 譯了作慧芸 ~ 我們的同學當中也有人慧雲是喚作Vivian 的呢
難怪她叫Vivian了

　去完商務本來想買番盒野飲飲下 點知o係頌富商場兩間超市都竟然係擺低告示走人 ~ 人龍太長了
但想不到的是到了翠湖 ~ 散裝的紙包飲品竟就只有 麥精 維他奶 檸檬茶
出面有部售賣機又偏冇密瓜豆奶 ~ 就算有可能都係過期都唔定
到o左天瑞 本來想o係OK求其買盒野飲o既 但都係貴就諗住買軟雪榚
真係吹漲 以為一條隊排兩個counter 點知見到三個學生妹在打尖 尖了到隔離隊 排緊那條隊那「尊貴職員」卻是個dum波鐘職員 隊前只有兩個人就可要你四分鐘
好了 排到了 又說這條隊是不能用八達通的 要排隔離那條 ~ 到排到了 ~ 又說 雪榚要到那邊 (原先o個條白痴職員o個條隊)度拎 ~ 這就是以客為先 為您服務的尊貴服務員?! 這就是香港?!
真不好受 真想不要那雪榚 反正也付了錢 就要他自己拿著 看他怎辦
番到屋企 好懶懶閒咁揭下今日o既報紙睇下 見到好多專欄都寫得唔錯 而那四百名大學教員研究員當中有很多名字都是熟悉的
而最驚奇的就應要數一個叫「林婉華」的了 她究竟是不是保記開山 當了差不多廿年校長的「譚校長」呢?
而在60minutes 除了有Andy Rooney同一位花旗國軍官 在反省美伊戰爭中的不是外,最感人的就是講到一對富有夫婦多年來為tens of thousands of 三唔識七o既 窮人和少數民族製造機會 從小開始就還他們帶來理想 不少更真的願望成真 ~ 讀完大學後前途無限呢
但現實上 全人類的未來 或是港人的未來 又是否那麼充滿希望呢
看過《明日之後》 ~ 心想應該是有的 欠的就是全人類的決心而已 (這太難了吧!)
ps: "global warming"? 反常? ~ 全美近日已出現了 近百個龍捲風 多明尼加成澤國 而本港今日亦升上了本年度最高氣溫的攝氏31.X度 00:44:15

>>May 28, 2004 at 12:57:31 AM GMT+8

2004 年 5 月 27 日 星期四 【晴】

以下 分別是 來自1.一部戲的「幻想」 和 2. 花旗國官方的「可靠情報」
1. 《明日之後》 劇情簡介
天氣測量家積，預測地球將進入另一個冰河時期，突如其來的天然災害，如海嘯、風暴、冰雹、水災將於世界不同角落同時發生。
災難臨頭，地球會否就此消失？

某一日，氣象學家傑克(丹尼斯葛特飾演)收到驚人噩聞——人類將會大禍臨頭，因為全球溫室效應所致，一場滅絕人寰、足令地球消失的自然災害已經迫在眉睫。
加上傑克親眼目睹一個如羅德島般巨大的冰塊從南極冰層上脫落後，地球的氣象開始產生重大變化：如葡萄般大的冰雹侵襲東京、有史以來破壞性最強的颶風席捲夏威夷、大風雪襲擊印度新德里、異常的龍捲風將洛杉磯毀於一旦．．．這些突如其來的天然災害，弄至死傷枕藉，損失慘重。
傑克見情勢危急，馬上通知美國白宮政府。同時間他又發現本來炙熱難耐的紐約市，一天內急速降溫，突變冰天雪地，最難過是知道自己的十七歲兒子森姆（積克格寧賀飾演）因出席學界比賽被困於當地。為了拯救兒子、拯救地球，傑克甘於冒生命危險，對付一場關乎全人類性命的災害．．．．

2. 港台新聞
美 國 情 報 顯 示 本 土 可 能 再 受 恐 怖 襲 擊 2004-05-26 HKT 18:46
有 美 國 官 員 表 示 收 到 情 報 顯 示 美 國 本 土 可 能 會 再 次 受 到 恐 怖 襲 擊 ， 最 快 可 能 在 今 年 夏 天 。
官 員 話 ， 襲 擊 的 時 間 好 可 能 在 今 年 十 一 月 總 統 大 選 前 ， 企 圖 影 響 選 舉 結 果 。
保 安 官 員 過 去 幾 星 期 表 示 對 即 將 舉 行 的 幾 個 大 型 活 動 的 關 注 ， 包 括 星 期 六 在 華 盛 頓 舉 行 的 二 次 大 戰 紀 念 活 動 ， 以 及 稍 後 在 佐 治 亞 洲 舉 行 的 七 大 工 業 國 及 俄 羅 斯 的 經 濟 高 峰 會 。 (註: 歐洲方面則認為 發生在歐洲的機會較,尤其是英國或雅典)

日 本 警 方 拘 捕 五 人 涉 嫌 同 阿 蓋 達 有 聯 繫 2004-05-26 HKT 18:44
日 本 警 方 根 據 國 際 刑 警 的 線 報 ， 首 次 在 國 內 打 擊 阿 蓋 達 組 織 ， 再 拘 捕 多 一 人 ， 被 捕 人 數 增 至 五 個 。
另 一 方 面 ， 美 國 有 新 情 報 顯 示 恐 怖 份 子 計 劃 今 個 夏 天 向 美 國 本 土 發 動 襲 擊 。

上述 都可以係假 亦好可能係真實 ~ 仲有傳阿蓋達組織想殺死四百萬個美國人 ~ 上次三千人已經好得人驚了 今次仲好可能會係三千o既千幾倍? ~ 咁就真係唔駛等到「明日之後」 個地球或者個美國已經玩完咯 ~ 但那組織 其寅駛乜諗咁多野去搞掂四百萬人呢
搞掂一個唔係已經好足夠喇咩
o個個係邊個 ?! 唔駛講都心照啦 ~ 約半個鐘頭前 ~ 地球的另一邊在公佈一些好可能係恐怖份子的通緝犯相片 ~ 但諗深一層 邊個先係真正o既恐怖份子呢 02:30:28

>>May 27, 2004 at 2:43:20 AM GMT+8

2004 年 5 月 26 日 星期三 【晴】

嘩! 乜Q新聞呀 ....
疑 涉 跨 國 販 毒 郵 差 續 被 扣 查 2004-05-27 HKT 01:41
懷 疑 涉 及 跨 國 販 毒 的 現 職 郵 差 ， 繼 續 被 扣 查 。
較 早 前 ， 海 關 毒 品 調 查 科 在 機 場 離 境 大 堂 及 紅 磡 ， 拘 捕 三 名 跨 國 販 毒 集 團 成 員 ， 檢 獲 二 萬 七 千 多 粒 搖 頭 丸 ， 及 零 點 八 公 斤 冰 毒 ， 黑 市 價 約 八 百 四 十 萬 港 元 。
被 捕 三 名 男 子 當 中 ， 包 括 這 名 郵 差 。

美 國 指 有 可 信 情 報 阿 蓋 達 擬 夏 天 施 襲 2004-05-27 HKT 02:21
美 國 司 法 部 長 阿 什 克 羅 夫 特 指 ， 有 可 信 情 報 顯 示 ， 阿 蓋 達 組 織 策 劃 在 夏 天 ， 向 美 國 發 動 大 規 模 恐 怖 襲 擊 。
他 在 記 者 會 上 又 展 示 ， 七 幅 通 緝 犯 的 照 片 。
阿 什 克 羅 夫 特 指 他 們 佩 備 武 裝 ， 極 度 危 險 ， 對 美 國 已 經 構 成 威 脅 。
較 早 前 ， 一 名 官 員 說 ， 美 國 沒 有 立 即 提 高 ， 國 家 恐 怖 威 脅 警 告 級 別 的 計 劃 。

一 名 男 童 懷 疑 觸 電 跌 落 地 面 喪 生 2004-05-26 HKT 18:29梁煜倫報道
一 名 小 童 懷 疑 觸 電 致 死 2004-05-26 HKT 14:41
三 名 小 童 在 港 島 東 區 南 豐 新 邨 踢 波 ， 其 中 一 人 落 天 井 執 波 ， 爬 落 一 排 鐵 梯 時 懷 疑 觸 電 ， 送 院 後 證 實 死 亡 ．
o 魚 涌 一 個 屋 苑 發 生 罕 見 意 外 ， 一 名 男 童 爬 上 停 車 場 天 井 時 ， 懷 疑 觸 電 跌 落 地 面 ， 送 院 後 證 實 不 治 。
事 後 ， 警 方 及 機 電 工 程 署 派 員 到 場 調 查 。

尋日睇電腦廣場介紹o左個 IT 郵差 ... 真係好尊敬D郵差架 話晒自己都叫做過下速遞 誰不知今日出個咁o既郵差 ...
真係好怕 唔多恐怖襲擊
諗極都諗唔明點解會觸電 仲香埋 ~ 點解呢 ~ 有電線外露 / 搭住條鐵梯 --> 鐵梯變「電梯」 應該做硬聽日頭條掛
司徒華講過o麻 ... 一個人參加燭光晚會都會照舉行 ~ 買唔到保險又點

>>May 27, 2004 at 3:02:20 AM GMT+8

2004 年 5 月 26 日 星期三 【晴】

本來有好多野想寫 不過唔記得o左
好似 本來今日係想睇《明日之後》o既 可惜 尋晚已經見D飛賣得七七八八, 今日仲見到 好多院o既頭兩場都全院滿座 ... 點睇呀 ~ 咁就唯有聽日先睇啦 ~ 後日「照鏡」 照完先去可能冇癮 ....
今日佛誕 除o左灣仔會展有佛指舍利 長洲有大平清醮 香港電影資料館 仲有Dodo(魯小姐) 「開show」 ~ 不過今日都無緣去睇
除o左 難得一見o既全院滿座 (寡人較喜歡全院唔夠廿人個戲氛 ~ 可能係慣o左) 今日仲同何生嘈o左成半個鐘
z : (z+3) = 5:6 佢竟然話 因為 z+3=6 z=3 ... 之後同佢講話z=15 唔係=3 又死拗佢冇計錯 z=3會計到z=15 ~ (其實佢心入面有o左答案 ~ 即係睇到答案之後往往都會係咁) 真係俾佢沒激死
之後 入天水圍 同一個新o既學生補 .... 佢話係單親 又有兩個細 出唔到o黎做野 ... 結果 從未試過個價咁奀 .... 讀劉金龍照計唔會同唔應該咁懶丫 ...
橫掂都入到天水圍 本來想搵Jenny 俾番SKCA張相佢 點知遲o左打去 佢就話咩趕住出門口 ... 聽日就同super琪琪去camp (係去四日camp) 不過唔打去都唔知原來琪琪唔o係香港 .... 初頭仲好擔心架 以為佢乜事 ... 咁補完就買o左好多麵番屋企
本來尋日睇到地鐵話 計劃起西區同南區支線 誰不知俾政府玩謝o左 俾政府一大堆質詢同反建議嚇疾o左 唔信可以睇到

咁另外 原來入息中位數 竟然 回到九四年水平 估計仲有成廿萬家庭月入低過四千 ... 玩咩 ~

呢個同今日睇番一D舊相好唔同 ~ 睇舊相 對比番香港 真係有進步 但睇新聞就會覺得「東方之珠」係一路退步 ...
有樣野都好唔明 明明尋日同前幾日睇過n次 都係冇書係廿五號到期 點知 到o左廿六號 佢就話有本書到o左期 ..

國際頭條仲有單咁o既新聞 講到如果個小朋友唔係早兩年先出到世 而係早番廿一年 (1981年) 出世會點 ... (以下係轉錄)
早 出 生 21 年 世 界 兩 個 樣

來 自 父 親 冷 藏 精 子 的 冰 寶 寶 ， 生 於 二 ○ ○ 二 年 。 要 是 他 在 父 親 二 十 一 年 前 留 精 後 、 即 一 九 八 一 年 已 出 生 ， 他 所 經 歷 的 是 一 個 怎 樣 的 年 代 ？
肯 定 的 是 ， 嬰 孩 時 代 的 他 沒 有 兒 童 節 目 「 天 線 得 得 B 」 （ Teletubbies ） 為 伴 。 一 、 兩 歲 生 日 時 ， 他 的 親 戚 或 會 以 一 英 鎊 紙 幣 給 他 作 生 日 禮 物 （ 一 英 鎊 紙 幣 在 八 四 年 停 用 ） 。

當 年 時 興 BMX 　 今 玩 電 腦 遊 戲
到 他 長 大 一 點 ， 他 至 愛 的 玩 意 應 是 BMX 單 車 ， 而 非 現 時 孩 子 流 行 玩 的 電 動 滑 板 車 或 電 腦 遊 戲 。 讀 小 學 時 ， 他 可 從 新 聞 片 段 看 到 柏 林 圍 牆 在 八 九 年 倒 下 ， 以 及 九 ○ 年 南 非 結 束 種 族 隔 離 政 策 、 黑 人 領 袖 曼 德 拉 獲 釋 的 大 事 。 九 二 年 他 應 念 中 一 ， 那 年 是 英 國 皇 室 難 熬 的 一 年 ： 皇 儲 查 理 斯 和 儲 妃 戴 安 娜 宣 布 分 居 ， 同 年 溫 莎 堡 又 發 生 火 警 ， 部 份 建 築 焚 毀 。
踏 入 青 少 年 階 段 ， 他 聽 的 可 能 是 Blur 或 Oasis 的 搖 滾 樂 ； 睡 房 牆 上 貼 的 ， 可 能 是 女 子 組 合 「 辣 妹 」 的 海 報 。 到 戲 院 看 戲 ， 看 的 是 《 侏 羅 紀 公 園 》 、 《 危 險 人 物 》 。
一 切 順 利 的 話 ， 九 九 年 他 已 入 讀 大 學 ， 不 時 駕 可 摺 的 滑 板 車 在 校 園 內 四 逛 ； 現 在 他 已 畢 業 ， 要 逐 步 償 還 約 十 四 萬 港 元 學 生 貸 款 。
英 國 《 每 日 電 訊 報 》
唔通寡人真係中o左毒?! 諗o既野 真係同篇報導好似(除o左最尾o個段同尾二o個段o既Spice Girls 同o個兩部戲) ... 奇怪!!
臨訓前 睇到一個姓梁唱o既MV同一個姓梁做o既MV
發覺真係見到前者那啥Isabella 想嘔 見到後者Viann 真係覺得佢演技好掂 真係好想睇番佢拍過o既戲 ~ 原來寡人係一部都未睇過架 ~ 原來佢唔係淨識笑架 Viann呀 ^o^ 約凌晨二時

>>May 27, 2004 at 2:46:22 AM GMT+8

2004 年 5 月 25 日 星期二 【晴】


今日大部份報章頭條都係講集體食物中毒 只有小數報紙是以賭博賠命做頭版 .... 而家父尋晚都唔知仲乜 半夜係咁咳 咳得幾犀害呀 ...
而另一樣更影響深遠o既新聞就係呢個 ~ 同西鐵比起上o黎 真係相映成趣 ...

此舉仲話會大有可為咁話 又話咩而家港島西區同南區已經有過四十萬人口 來回係八十萬人次o既交通需求 就算係四成人搭地鐵 都有卅萬 ... 嘩! ～　咁屯門、元朗、天水圍、荃灣、美孚　加埋都唔止一百萬人口喎 .... 分分鐘百五萬都有 .... 又點o者 ...
不過如果真係三個八就真係有機會做'lum'巴士o既又 ... (唔計佢話只能應付每小時二萬人次)
今日行過報紙檔 見到清兒有新書出 估唔到 佢家下唔係用明河社或者係文傳o黎出書 而係啥"創文" ~ 出o既係n年前 文傳梁偉家畫過o既 水滸傳 ~ (梁偉家 / 梁惠家 ~ 唔怪得個名咁有親切感)
但梁生畫o左好似四五o既乍 ... 但清兒今次竟然講到明係十六期? 唔會好似以前咁拖長佢 / 臨尾埋齋唔好睇? 好小可 ~ 話係咩港日合作 但個故事係由一個姓金o既寫o既 .... 心郁郁添 ~ 十六期唔係多 ~ 不過屋企都係冇掟擺
本來好想聽日睇 《明日之後》架 ~ 但無啦啦整個佛誕出o黎 個個都諗住睇戲 ~ 晏晝已經見到俾人book到淨番單丁位同最前三兩行位 ` 點算呀
如果唔係撞正 公眾假期 星期四去睇頭場幾好
雖然聽日有得同姓何補 但又冇得同姓陳補 ~ 佢過佢親戚度玩 ... 咁都係多過平時星期三八十 睇埋戲 又o者係都o係番度 ~ 睇唔睇好呢
鍾意成間院得o個十零廿人 咁先夠氣氛喎 人氣太勁冇癮喎
唉呀! 本來今晚好支力 想早d訓 不過沖完涼再睇下D報紙 就又搞到一點喇 ... D時間好唔見駛呀 點算 ~
係喎 superkiki成晚去o左邊呢 ~ 唔會係唔舒服或者有咩事丫o麻 .... 00:54:10

>>May 26, 2004 at 1:00:52 AM GMT+8

2004 年 5 月 25 日 星期二 【暴雨】


早知原來商務冇《我的另一半》就唔去啦 ... 仲要原來唔係四十幾 係七十蚊 ... 得上水同銅鑼灣有?! 下個星期可能會去維園喎 .. 咁又點丫 但原來本書係二月出架喇 家下五月尾喇
書名: 《我的另一半》 作者: 梁靜茹
出版社: 尖端出版股份有限公司 ISBN: 9571028673
分類: 流行讀物＞愛情小說 裝幀: 平裝
出版年月: 2004-02 語文版本: 中文(繁) 定價: HK$70.00 (~US$8.97)
今日仲去o左市中心 置樂 安定友愛同三聖o既惠康百佳 就係唔記得去新墟間惠康 ... 早知係冇得買 就唔特登dum波鐘到商務開門啦 ...
之但係番o黎經過西鐵屯門站o個陣 見到成廿幾卅架輪椅呀 ~ 比起上次去嶺南之風 ... 真係「小巫見大巫」 ... 佢地義工都成廿個呀 就係唔知佢地去邊同係邊個機構 ... 好犀利呀 場面好宏偉呀
今日D雨幾得意呀 行到去大興花園就落o左陣雨 仲幾大添 不過未到卓爾居就已經一滴都冇 係唔知點解今日唔見翟姑娘 唔通佢放假?
買雜誌送收音機呀 12蚊乍 ... '
好想快D有得睇 《我的另一半》呀 點解出o左咁耐都唔見有架 ... 仲以為未出添呀 ~/~
經過華都 隨o左覺得個商場D冷氣勁過屯門市廣場同加o左玻璃門之外, 仲見到佢樓下o個間影印舖印緊法輪功D單張添 門口又擺o左疊燕梳經紀o既咭片喎
得架咩?!
o係屯門站行番出o黎 經過河田站 就見到以前成日o係時代出沒o個個拾荒叔叔 ... 佢拖住架車 打機wor ... 笑死 ^.^ 12:57:24

>>May 25, 2004 at 6:48:37 PM GMT+8

2004 年 5 月 25 日 星期二 【晴】

Type 2 vs. Type 7

http://www.enneagraminstitute.com/TypeTwo.asp
http://www.enneagraminstitute.com/TypeSeven.asp
嘩! 究竟邊個先係自己呢 ~ 而其他幾個types 其實都一樣咁高分喎
整鬼咯 !! 01:33:13

>>May 25, 2004 at 1:35:16 AM GMT+8

2004 年 5 月 24 日 星期一 【晴】

Today's Headlines:

唔係好明點解幅畫值四十六億 ~ 不過就應該搶唔到聽日o黎o既「佛指舍利」o既風頭喇 ... 尋日睇到有人買o左個LL1 車牌 底價係52萬呀 o個位先生個名o既縮寫係LL
又唔係好明 點解可以咁化學 ... 一年唔夠就lum o左 ... 今日仲話死o既有兩個都係中國人~ 而個設計師仲有好幾件藝術品o係大陸有待完成 ...
又更加唔明 香港演員會俾人讚係世上最佳女演員 雖則佢係張曼玉 ... 但就更加吸引「正苦」吹水 ... 劉細良講得好呀 ~ 正苦呢舖頂多又係借人家o黎做下新聞咁o者 .. 你估真係會因為咁大力支持電影業或者創意工業咩 ~ 不嬲都係有頭冇尾架啦 ... 死o左唔駛恨
好彩今日都咁o岩有個中大o既調查結果出o左o黎 反映出「正苦觀完」o既評分係全線下跌 ~ 這不正是市民o既心聲嗎
姓董o個個 個分仲咁低添 o係外國 早就落o左台啦 ... 或者應該係要集體內閣請辭 ...
死火,講野仲傾過華叔 ... 佢地話雖然買唔到保險 但都會如期舉行 五三零遊行 同 六四燭光晚會
後者一定到 雖然阿爸一定唔俾 ....
但又係唔係好明 點解 兩個電視台講o既野都有D唔同 ...
仲更加唔明o既就係Angel 對寡人小妹o既方針 其實屋企一早諗過晒 但都係行唔通 ,.... 幸好她的仔女應該仲細.... 兩兄妹仲細o個陣都仲係好聽話架
係唔知點解好似愈大就愈 .... 「ha ma」 ...
本來都真係愈來愈覺得同琪琪好似 不過佢今日send o左個九型人格o既網址o黎
http://www.enneagraminstitute.com/dis_sample_36.asp?discover
就發覺 原來佢係type 3 / type 1 而寡人則係type 2 / type 7 ... 唔知呢 ...
可憐天下父母心呀 ~ 點解冇人可憐下那來港廿多年的為人母親呢
呢幾日就淨聽見有人同佢傳教 就連由台灣打o黎o既電話都係傳教 ...
其實真係唔係好明 ... 雖然話人化學 ... 但人係咪到老都唔化o既呢 ... 唔化又有冇機會變舍利子呢
以為係唔小心先會甩胃喉 ~ 自己都插過 都甩過 ~ 隔離床o既伯伯甩喉o既原因都係一樣
但原來可以另有原因的 ... 人地的女麻女麻啊 ~ 您的孫女咁乖 咁聽話 咁爭氣 咁孝順
您也要振作啊 全世界都好錫您的 知道嗎 ... 您咁樣 您老伴知道係會好唔安樂的 ...
相比之下, 原來寡人都已經好幸福的了 ~ 但做人地個仔 (人地老豆)的 竟然連自己個老媽子 (人地阿女麻) 係照胃鏡定係照肺都唔清唔楚 ~ 點搞架

>>May 25, 2004 at 1:27:51 AM GMT+8

2004 年 5 月 23 日 星期日 【晴】



今日o既頭條都算似番D樣啦 ... 係唔明個人地老豆點解可以個仔盲o左成年 到家下先話要告人 而又唔係好明點解日本突然間會對北韓咁好 ~ 斷估唔係有著數丫

>>May 24, 2004 at 2:11:12 AM GMT+8

2004 年 5 月 23 日 星期日 【晴】

本來是可以看畢全集《識多一點點的》 可惜到最尾三幾分鐘 始終係烚著o左 做完幾分鐘先醒番 .... 那是因為 全世界 尋晚都冇覺好訓 ...
話說 難得番o黎食餐飯 更難得番o黎過夜o既人地個女 尋晚 成晚都好想出街 係半夜出街 ~ 到成十二點同一個有女朋友o既傾o左成半個鐘都'褸'唔掂人陪佢出街之後 到過o左一點就又同阿Carl個細佬傾
傾下傾 ~ 無端白事就o係度話阿媽同佢阿哥唔識揀西裝 ~ 仲同電話對面o個個唱雙簧話套野唔知似咩樣之餘 又話o個間野賣D貨唔靚 又話出面旺角大把平過佢 靚過佢 咁阿媽谷鬼氣就話 冇好似佢咁本事 有咁多錢去街 去fing ... 佢就終於成著個勢就落o左樓
人地阿媽想落去搵佢 人地個仔就諗住陪佢落去搵人地個女 不過當人地阿媽知道人地個女係過去碼頭 仲好可能已經上o左的士之後 就決定放棄 ~ 咁當人地阿哥想搵人地個妹o既時候 人地老豆就叫人訓覺 佢自己去搵 行到海皮都去搵 .... 結果人地老豆同人地個女成晚都唔知去o左邊 之後到差唔多五六點 人地老豆就番o黎喇
期間 人地阿媽就試圖打好多電話望人地個女肯聽 不過都係駁去留言 ~ 廿秒o既留言 人地阿媽就想留足一分鐘 ... 結果 終於到五點時 人地阿媽同人地個女總算有直接o既對話 不過對話維持唔夠廿秒
到十一二點 人地阿媽去圖書館還書 ~ 十二點幾就收到個o黎自台灣o既長途電話 ` 叫佢晏少少再打入o黎 結果係遲o左成十二個鐘先在通電 ...
早知就唔駛叫阿媽咁早番o黎等電話 ~ 而o個時人地個女就已經「乖乖地」番o左屋企 ... 咁人地阿媽開門見到 個袋番o左o黎就扮冇野 ~ 之後見到真人就再三講對唔住 `
本來人地阿媽話早知就唔駛整豆腐花的 佢話整埋呢次就以後都唔整 ...
不過而家當然有人欣賞啦 ~ 而今晚仲會整水餃 添
咁兩點幾見都仲未收到台灣個電話 就落樓買蝦喇 ~ 明明街市三點先開門 不過個看檔o既好人 肯賣蝦俾阿媽 ....
差唔多三點就去到澤豐同何生補習 ~ 不過竟然同看更講話上十樓 仲真係上o左十樓 ~ 人地其實係住十三樓的 ... 不過看更竟然又會放行 ...
本來話補grammar 仲特登帶o左本grammar書上去 點知就係同佢做grammar 練習 仲要有成個鐘頭係溫默書 ... 唔知下次又要等到幾時先補 ~ 佢話係下個禮拜 就唔知信唔信佢好 .. 難得係就快考試先增加o左佢o既可信程度 ... 而差唔多走o既時候 佢家姐番 ~ 帶o左con 瘦o左 同晒黑o左 ... 就借勢想叫何生操fit D就讚佢家姐再操fitD 過幾年可以參加港姐啦

無線成晚就係o係度播個垃圾show ... 整個假o既聖火出o黎同一大堆廢o既無聊o既遊戲 就襯埋今年o既十八位港姐候選佳麗出o黎
都係康城影展好睇D 雖然冇直播/轉播 ~ 不過 張曼玉拎女主角 十四歲o架仔就拎男主角 ~ 其他泰國同南韓o既片都拎o左唔少獎 而〈2046〉雖然食光蛋 但就帶協班高官可以發下o翕瘋 ... 話一向都支持創意工業 ~ 我呸!!
所以成個影展 最開心其實係Michael Moore憑佢套插最近踩單車發生意外 手損腳損o個位「世界警察」阿頭o既 "Fahrenheit 9/11" 拎Palme d'Or (金棕櫚)獎 ... 兩間新聞拼埋一齊就真係襯到絕!!

最緊要就係希望套戲可以o係花旗國大大小小戲院都有得上 ... 而咁樣就可以令多D花旗國o既選民知道多D野 可以在o黎緊大選做一個更明智o既抉擇
最唔開心o既新聞都係o係法國發生 ...
Paris airport roof collapse kills five
The roof of a newly-built departure lounge at Charles de Gaulle airport collapses, killing at least five people.
個新o既大堂落成都唔夠一年 .. 咁就塌o左 你話化唔化學丫 ... 但係唔知點解香港話係六個 佢BBC話係五個 不過就知道有個係中國人

講到「化學」 都又同超級Kiki同學傾o左陣 ,....
不過冇同佢講伊拉克早幾日o個個"not marriage" 度有幾十個civilians (包括細路)俾美軍炸
今日卡拉其都冇o左廿幾個
早幾日加沙又俾個沙龍炸o左幾十「件」去 ... 唔化學就假o既
所以 人咁化學 咪又係人攪出o黎個law ~ 好想睇「明日之後」同 「華氏911」 前者過幾日有得睇 後者唔知幾時先有睇 ... 兩部戲都會見到人係幾咁化學 ...
唔化學o既就可能係人與人之間o既信念希望同埋情喇 ~ 但呢D野好似都係好化學個bor... 今日就講住咁多先 ...

>>May 24, 2004 at 1:56:02 AM GMT+8

<< 201  202  203  204  205  206  207  208  209  210  211  212  213  214  215  216  217  218  219  220  221  222  223  224  225  >>

 



在此先鳴謝now.com及YouTube
(寡人可是now.com的忠實fans啊)
寡人乃一愛情;事業/學業皆不得意之"凡人"
(註 ~ 不代表寡人不渴求甚麼愛情 >> 向來只取愛理不理之態度 ～隨緣)
說是'凡人'...倒不如說是'煩人'>>還是叫回"(孤家)寡人罷～　　
寫日記也不過是閒極無聊才寫～練練字罷了
(五年過去,雖練成了速成但仍學不會倉頡)~
各位>>有空來訪的話...請留字... ^^ 寡人於願足矣!
＊這「寡人」零四年起終日有病魔相伴 ( 從此「不在」孤單 ... ... ) ＊ 個日曆唔見o左喇

廣告

讀者留言

|  路人留言   |

哨牙大粒墨&#30310;袁佩婷
>>June 15, 2025 at 1:56:43 PM GMT+8

我系一位路人....近期才看您的
>>December 18, 2011 at 3:46:08 PM GMT+8

雖然我同你素未謀面,你又唔識我
>>May 12, 2010 at 12:27:52 AM GMT+8

一路好走...
>>May 7, 2010 at 1:34:40 AM GMT+8

missing you
>>February 20, 2010 at 4:36:52 PM GMT+8

想留言給您, 讓您知道, 大家都
>>February 17, 2010 at 3:09:13 PM GMT+8

師兄,我睇左你依個blog差吾多
>>December 15, 2009 at 4:50:14 PM GMT+8

你其實係邊個呀,我係你小學同學喎
>>October 25, 2009 at 4:19:42 PM GMT+8

看著你日記...真的愈來愈擔心了
>>August 4, 2009 at 11:52:36 PM GMT+8

我鐘意夜少水母stamps =]
>>June 16, 2008 at 8:34:11 AM GMT+8

你呢...晚晚都夜訓...似乎e
>>April 26, 2008 at 2:03:45 AM GMT+8

YAHOO用唔到AR,所以o係度
>>April 2, 2008 at 10:08:19 AM GMT+8

睇完你既野真係冇野好講. 我做
>>March 17, 2008 at 10:07:58 PM GMT+8

你又話寫日記既? 但最新upda
>>February 4, 2008 at 1:04:41 PM GMT+8

嘩. <br>又一年.. <br
>>December 30, 2007 at 2:04:47 AM GMT+8

snoopy 聖誕快樂, 希望
>>December 25, 2007 at 2:09:25 AM GMT+8

死啦, 會loan 咁做, 我咪
>>December 8, 2007 at 10:20:44 AM GMT+8

阿全叫你寫就寫啦，試下沒有問題的
>>October 30, 2007 at 10:33:09 PM GMT+8

「阿全想找Esther和Snoo
>>October 22, 2007 at 9:23:23 AM GMT+8

醫院放棄唔代表你要放棄, 老兄,
>>October 14, 2007 at 12:49:08 AM GMT+8

現在可以依賴的,不是別人，正是你
>>October 12, 2007 at 2:21:57 AM GMT+8

我頭先落街都見到個月好清, ok
>>September 25, 2007 at 10:55:02 PM GMT+8

做老師不易為, 我小一就知, 不
>>September 23, 2007 at 4:24:07 PM GMT+8

請問...你係o係雅都商場看過林
>>September 14, 2007 at 1:02:59 PM GMT+8

首先, 我都健在呀. <br>
>>September 12, 2007 at 10:53:04 PM GMT+8

嘩~~日記in the futu
>>September 5, 2007 at 9:46:05 AM GMT+8

hey, 又再傻&#21523;
>>August 31, 2007 at 5:41:07 PM GMT+8

Hi Snoopy( haha,
>>August 7, 2007 at 11:34:00 AM GMT+8

為什麼不update日記? <b
>>May 14, 2007 at 9:05:05 PM GMT+8

那我有什麼可以幫你呢?都不知道有
>>March 30, 2007 at 2:19:02 AM GMT+8

我都希望你同你的家人都會有一個好
>>December 4, 2006 at 2:16:33 PM GMT+8

知道你的苦... <br>卻幫不
>>September 27, 2006 at 2:27:41 AM GMT+8

沒有什麼特別事想說，只是想係你l
>>September 22, 2006 at 11:11:23 PM GMT+8

我個icq short左...成
>>June 29, 2006 at 1:57:08 AM GMT+8

to snoopy <br>好對
>>June 2, 2006 at 12:11:11 AM GMT+8

好似好耐冇聽過你d野咁... <
>>May 30, 2006 at 12:32:31 AM GMT+8

知道有很有人都在支持你的。但最後
>>May 29, 2006 at 9:58:57 PM GMT+8

見到你個msm同路人既留言，知道
>>May 25, 2006 at 1:25:40 AM GMT+8

放心啦... <br>到時你好返
>>May 19, 2006 at 1:56:31 PM GMT+8

hihihih <br>加油呀!
>>May 17, 2006 at 2:10:16 AM GMT+8

你的日記好好睇wow...真的.
>>July 5, 2005 at 11:00:40 PM GMT+8

我都唔想架...我都好唔好意思架
>>April 1, 2005 at 4:17:45 AM GMT+8

&#25886;乜&#22050
>>March 25, 2005 at 3:37:51 AM GMT+8

琪琪似乎無乜力量 <br>整個人
>>February 5, 2005 at 1:53:42 PM GMT+8

i am having my l
>>December 19, 2004 at 7:01:40 PM GMT+8

Dear Raymond, <
>>October 8, 2004 at 9:03:53 AM GMT+8

你好嗎? <br>希望你真係好l
>>October 3, 2004 at 12:06:47 AM GMT+8

你好,Raymond.恕我冒昧看
>>September 27, 2004 at 4:19:04 AM GMT+8

How are U? <br>
>>September 7, 2004 at 11:15:02 AM GMT+8

好耐世紀無上網lu <br>今d
>>September 5, 2004 at 6:10:12 PM GMT+8

人氣: 344512

Design & Scripting by ShowHappy.Net