|
2005 年 11 月 21 日 星期一 【晴】
只記得去銀行入票而唔記得拎西餅 (票是政府庫務局發的 ~ 佢會唔會咁得閒去睇下持票人去邊間銀行入票呢 ~ 如果會 今日會唔會蠢o左呢)
都仲未「得閒」寫意見俾總處 ... 寫同唔寫有沒有分別呢 ~ 寫又點唔寫又點呢 有用嗎?
盡最後努力終於睇完《地動山移》 先發覺p.247-248 俾人撕o左 應該係一張迪士尼樂園o既航空圖片來的 ...
全日起身後都冇訓過 ~ 近來難得一次
去到中心又再收到來自小學的warning ~ 但真係覺得班友仔唔可以對佢地惡 又唔可以限佢地呢樣唔得 o個樣唔得
好驚呀 .. .. .. 中心今日仲發生o左單失竊事件 ~ 但好快就被偵破 ~ 事件乃由小一小妹妹引起
這鬼靈精 大過真係唔知會點呢 ~ 此地無銀三百兩
去到小學 ~ 班友仔依舊作反 寡人亦依舊沒有請外援 (向主任求救) 但看來真要想辦法自救 ...
... 哎呀 ~ 唔記得俾番支筆黃同學呢 嘉欣
隨時候命看來很精彩 ~ 希望唔好咁多感情線啦 ... ... 會好悶的
難得陳姿穎 o係第一集都有唔少對白呢 ~ 看來就快上位了
不敢打俾Circle 怕她真的嬲了 .. .. .. 但會唔會係以小人之心度君子之腹呢
>>November 21, 2005 at 10:26:15 PM GMT+8
2005 年 11 月 20 日 星期日 【晴】
英 領 館 世 貿 期 間 正 常 服 務
持 BNO 護 照 宜 早 續 期
【 蘋 果 日 報 19/11日 訊 英 國 駐 港 總 領 事 館 昨 日 表 示 ， 若 有 英 國 國 民 （ 海 外 ） （ BNO ） 護 照 或 英 國 公 民 護 照 有 效 期 將 於 未 來 六 個 月 內 屆 滿 ， 持 有 人 應 現 在 前 往 辦 理 續 領 申 請 ， 並 避 免 在 下 月 世 貿 組 織 部 長 級 會 議 在 港 舉 行 的 一 個 星 期 ， 即 下 月 十 二 日 星 期 一 起 的 一 個 星 期 辦 理 申 請 ， 以 免 出 現 延 誤 。
處 理 申 請 需 時 或 較 長
英 國 領 事 館 解 釋 ， 大 部 份 熱 門 旅 遊 國 家 ， 都 規 定 入 境 旅 客 的 護 照 有 效 期 必 須 最 少 六 個 月 ， 他 們 在 世 貿 會 議 期 間 將 維 持 正 常 服 務 ， 但 由 於 該 段 期 間 適 逢 護 照 申 請 繁 忙 時 間 ， 處 理 申 請 個 案 可 能 需 時 較 長 。
在 一 般 情 況 下 ， 簽 發 一 本 新 的 護 照 需 時 一 星 期 ， 而 大 部 份 類 別 簽 證 和 英 國 居 留 許 可 證 ， 則 可 於 申 請 即 日 完 成 處 理 程 序 。
詳 情 可 瀏 覽 英 國 總 領 事 館 網 站 www.britishconsulate.org.hk。Sun 00:19:15 (GMT+8) Fri 20:52:55
>>November 25, 2005 at 8:54:12 PM GMT+8
2005 年 11 月 20 日 星期日 【晴】
悼 (1915.11.20 - 1989.04.15)
 
胡 耀 邦 辭 職 內 幕 遭 封 殺
由 張 黎 群 、 張 定 、 嚴 如 平 、 李 公 天 和 唐 非 合 著 的 《 胡 耀 邦 傳 》 （ 第 一 卷 ） ， 昨 日 起 在 全 國 各 地 新 華 書 店 發 行 。 該 書 由 人 民 出 版 社 出 版 ， 講 述 了 胡 耀 邦 從 一 九 一 五 年 出 生 至 一 九 七 六 年 的 生 平 ， 包 括 參 加 長 征 、 抗 日 戰 爭 、 國 共 內 戰 ， 以 至 一 九 四 九 年 後 在 共 青 團 中 央 和 地 方 工 作 的 經 歷 。
路 透 社 引 述 接 近 作 者 的 人 士 稱 ， 第 一 卷 中 政 治 敏 感 的 部 份 已 經 被 刪 除 ， 但 目 前 未 清 楚 餘 下 兩 卷 何 時 能 夠 出 版 。 現 年 七 十 三 歲 、 曾 任 共 青 團 中 央 書 記 處 秘 書 的 嚴 如 平 說 ： 「 第 一 卷 中 的 一 些 改 動 ， 並 不 是 百 分 百 合 乎 我 們 的 寫 作 目 的 ， 但 這 些 還 可 以 接 受 。 」
官 方 傳 記 首 卷 昨 出 版
第 二 卷 講 述 胡 耀 邦 在 「 四 人 幫 」 倒 台 後 ， 主 持 「 撥 亂 反 正 」 工 作 和 平 反 大 量 冤 假 錯 案 ， 直 至 一 九 七 八 年 底 中 共 十 一 屆 三 中 全 會 。 第 三 卷 則 由 七 八 年 底 寫 至 他 逝 世 ， 當 中 包 括 八 六 年 底 的 學 潮 ， 以 及 胡 在 翌 年 被 黨 內 元 老 批 評 為 「 反 資 產 階 級 自 由 化 不 力 」 ， 最 後 被 迫 下 台 的 經 歷 。
據 報 道 ， 三 卷 《 胡 耀 邦 傳 》 屬 於 國 家 出 資 的 著 作 項 目 ， 搜 集 資 料 和 編 寫 歷 時 近 十 年 ， 在 去 年 底 完 成 送 交 當 局 審 查 。 今 年 七 月 ， 中 共 中 央 辦 公 廳 主 任 王 剛 向 五 名 作 者 傳 達 中 央 有 關 批 示 ， 指 《 胡 耀 邦 傳 》 第 一 卷 可 經 修 改 後 出 版 ， 但 餘 下 兩 卷 暫 時 不 出 。 他 又 明 確 表 示 《 胡 耀 邦 傳 》 不 允 許 在 境 外 出 版 ， 《 趙 紫 陽 傳 》 則 不 許 搞 。
後 兩 卷 敏 感 面 世 無 期
曾 任 胡 耀 邦 秘 書 的 林 牧 對 當 局 阻 撓 《 胡 耀 邦 傳 》 第 二 、 三 卷 出 版 表 示 不 滿 。 他 說 ， 中 共 既 然 已 經 知 道 恢 復 胡 耀 邦 名 譽 、 紀 念 胡 耀 邦 貢 獻 是 不 可 阻 擋 的 趨 勢 ， 就 不 應 該 阻 擋 傳 記 的 出 版 ， 惟 有 還 原 歷 史 真 相 才 是 真 正 的 紀 念 。 ~ 蘋 果 日 報 記 者 19日 Sat 03:39:32 (GMT+8) 22日 Tue 02:38:00 (GMT+8)
>>November 24, 2005 at 3:39:01 AM GMT+8
2005 年 11 月 20 日 星期日 【晴】
今日係長者日 大部份專營巴士線亦為長者提供免費乖車 如果有長者八達通 今日搭大部份地鐵線路同九鐵 (東鐵、西鐵、馬鐵、輕鐵) 都一樣係免費
但就唔多覺長者因此而多o左o係今日坐車出街 ~ 係因為佢地唔鍾意出街嗎? 周身病唔敢出街? 定係佢地唔知? 宣傳不足?
反而 在港九不同地方都有人示威 ~ 當然唔少得為自己爭取權益的長者了 ~ 一年先得一日免費搭車 太少了 ~ 可以一個月一日嗎? 又或是再次推行長者周日/假日$1乘巴士 兩元乘鐵路呢
而在澳門 當然又是一年一度的 東望洋 格蘭披治 ... ... 賽事舉行的大日子了 幸而今日嚴重的意外不算多 ~ 但是也有不少有機會爭標的選手損手 將機會斷送
而最可惜的當然是 有「獨家播映權」的香港電視廣播有限公司 播放賽事的時間太少了 ~ 記得小時候是星期六日的上下晝 由朝播到晚的
播少了比賽過程 可以多賺廣告費嗎 可以增加收視嗎 沒有人看嗎?
為何要重播重播過N次的《逃學威龍3：龍過雞年》也不多播賽車? 體育世界已與球迷世界合儘了
車迷動感世界亦失蹤了 ~ 是觀眾口味轉了嗎? 轉到哪裡去了?
或許可以說 不是賽車賽事 不是由早播到晚 ~ 今日才有空去當義工
回到「久違」了的SKCA ~ 「同樂日」的活動 本來是要寡人負責「童真閣」的 後來卻變成了小賣部
最後還當了 RECEPTION呢 ~ 亦因而可以見到更多老友記的親屬呢
很多老友記也問起寡人的近況呢
活動完了 ~ 在院舍附近當然又是見到很多老友記了 ~ 亦被問起「仲乜番o黎?」、「仲乜咁好番o黎?」、「最近點樣?」 .... ....
晚上很悶的看了MIIB (都是MIB較好看) 又看了Taken 的大結局 和春日的「荒誕」結局
其實今日係長者日 又難得(呢世仔第一次) 做抽獎嘉賓 應該可以藉此機會向老友記講幾句多謝說話
冇佢地幾十年o黎o既辛勞 就唔有今日o既香港 亦希望佢地o既屋企人唔會係因為有長者日至會記起為他們盡獻青春的(家)人
應多些抽空來探望他們的父母 / 祖父母
(聽說 日本和美國很多小朋友都怕見到老人家, 因為他們已很少再有機會三代同堂 根本不知道老人家是怎樣的)
其實今日有親人來探望的長者真的不多呢 ~ (單看這點 是不是代表今天的活動 一點也不成功呢) 幾天下來 好像失去了妳的消息似的 妳在哪裡呀? Mon 15:11:39 Mon 22:02:22
>>November 21, 2005 at 10:03:20 PM GMT+8
2005 年 11 月 19 日 星期六 【晴】
本來以為今日會去小欖的 ~ 但尋晚ectutor打來就話家長臨時取消了
又以為咁樣 就會安坐家中 睇電視
但到最後 也是陪了媽媽到紅磡光顧那退休醫生 ~ 真係唔明點解可以唔駛望下個病人 唔駛用聽筒 / 把脈也能斷診 ... 不很相信
亦不敢再光顧在那附近的上海飽餃店 (可以在客面前將掉在地下的雲耳拿回鉆皮上的)
之後就坐火車去旺角新世紀 ~ 新世紀泰昌同擺花街泰昌的沙翁一樣係要十二點半先出爐
結果就在商場閒逛了差不多一個鐘才走去排隊
同媽媽夾份買了八件蛋撻同一打沙翁 ~ 早知就要一打蛋撻 八個沙翁好了
五月尾在中環吃的沙翁真是一試難忘的 ~ 還「仿佛」明白發哥為何喜歡沙翁(卻沒有說蛋撻)
今天吃的 ~ 蛋撻還可以 但是沙翁就 ... ... 是偷公減料 還是因為旺角舖的不是歐陽老闆的手勢呢
如果是前者 ~ 就算再次光顧擺花街泰昌也一樣冇癮呢
由於身處旺角火車站 媽媽又說想到市中心拎眼鏡 順道落新墟 就沒有行落新填地街搭巴士了
留到屯門 見到精美唱片 除了上次見到的《曖昧》(楊丞琳) 同許慧欣 '02-'05 新歌加精選外
還有附送DVD的《絲路》(梁靜茹)
在華都格價後 ~ 就在華都買了 ~ 如果唔跟阿媽番o黎 等信和o的舖頭開門 會唔會再平o的呢 ($254啊)
回到家剛好趕得切睇賽車呢 ~ 一年一次而已 ~ 有機會真想親身到澳門看看呢
一定會很刺激的
最後一集百年夢工場播完 ~ 因為睇這個就要到半夜兩點半才能看二視廿四小時新聞重播的時事追擊 ~ 說的是民間電台的生存空間和光害令香港的星空失色
今年無記卅八周年台慶也十分失色呢 ~ 始終一句 ~ 歡樂滿東華係精彩過台慶
但也不應該一年差過一年吧?
三色台的logo亦重新在今日起重現在節目播放當中 (再不是白邊,中間透明)
而時間天氣卻搬上了左上角 ~ o的字細o左好多 ~ 叫老人家怎麼看得清楚呢
Monster的劇情繼續引人入勝 但大狗的行縱卻愈見撲朔迷離 ~ 是不是真的生氣了?
>>November 21, 2005 at 3:32:10 PM GMT+8
2005 年 11 月 19 日 星期六 【晴】
＞ 13500? 唔覺唔覺
>>November 19, 2005 at 12:30:43 AM GMT+8
2005 年 11 月 18 日 星期五 【微冷】
尋晚好夜都未訓 睇o左少少粵語長片 套片叫做「小偷捉賊記」 發現原來幾十年前o既粵語片的笑位已很誇張刁鑽
但個人認為還是前晚(星期三晚)那套《三喜奇緣》較好看 (雖然只看了幾秒鐘 但就是那幾秒舊機場景加上九龍城 / 啟德遊樂場等已值回票價了)
結果 今朝都係被電話叫醒的
但又不是鄧伯伯呢 ~ 不知他最近的情況怎樣呢 (晚上阿媽話佢見過佢太太推佢番屋企 ~ ~ o者係仲有睇跌打 而唔係自己o係屋企做運動 ~ 係咁就慳唔到錢了)
電話是媽叫推車仔去樓下接米
之後就著番見風褸落去睇醫生 ~ 先發現原來見褸入面有張M記E神優惠券
原來有免費薯餅食 ~ 讀W.W.課程o個陣食o個個餐原來有o野送都唔記得
多好啊 加盒到期鮮奶就可以當早餐了 還可送藥呢
醫生話有得平 原來都係平得廿蚊 ...
之後經過報紙檔 就發現異能者第六期已經出版了 ~ 就打算去"襟"錢
至發現 原來尋日入完票之後 去櫃員機check數時 好似唔記得拎番張卡 ~ 如果真係俾部機食番都還好
唔係都唔知會去落o左去咩人手度
打1083查電話 再報失張卡 (雖然唔係credit card) 效率也真快呢
但只係指廿四小時報失熱線 ~ 打去分行 都冇真係聽電話
(廿四小時)那邊叫人可以打番去分行問張卡係咪o係分行喎 (玩咩)
咁既然都已經同人cut o左限卡 亦會於一星期內補發新卡 就冇再打算(親身)去分行問
但穩陣起見 到時應該要改密碼呢
番到屋企 就即刻lun完第六期 完全睇唔明 ~ 講到好似係個主角自己幻想出o黎 而唔係第一集所講o既手術後果咁 ... 又要冇預告 好奇!
跟住又繼續睇《地換山移》
今日終於見識到賴小朋友口中同佢好friend的黎Miss
原來都是一個對小朋友惡的人來的 ` 對她說唔想對佢地咁惡 佢話佢都唔想 係迫出來的 ...
但可以看出她對那班小朋友也真有點法子 ... 可以點做呢
原來逢星期五 中心係五點閂門o既 跟住就o係社區會堂出面見到幾個中心o既老人家 阿文同o的狗仔玩 玩得好開心呢 ~ 身體同腰骨還真不錯呢 蹲o係度都唔見佢辛苦
唔知大日老o左 有冇佢咁勁呢 ~ 係因為佢地日日有落中心做運動? 如果係 係因為古姑娘 定係胡生呢?
夜晚又再次收到ectutor電話 突然又話小欖個家長決定唔補
因為寡人係男仔? 定係佢兩個女生性 決定自己努力o的呢 ... ...
其實咁仲好o既 ~ 又唔駛阿爸日哦夜哦話俾人食傭 又唔會睇唔到加旋
但一個月就搵少成千蚊喇 ~ 依家都少o左特登出去貼告示 (擴張勢力範圍) 本來可以襯機會再去三聖同黃金海岸貼告示的 ...
佛山贊師父結果真精彩 ~ ending仲搞笑 (原來漢人可以三妻四妾o既 ~ 格格知道o左就連京城都唔番返佛山)
但個「直」字究竟點解呢? 真係解「意猶未盡」咁「簡單」?!
>>November 21, 2005 at 9:55:02 PM GMT+8
2005 年 11 月 18 日 星期五 【晴】
真不敢相信：
剛剛check完所有emails a/c (s)
最後就是check gmail
有點事情真不敢相信：
原來gmail的容量是會不斷增加的
初時還以為它講講下 ~ 數月前剛開始用是22xx.xx Mb *二千多Megabytes
原來現在已上昇至26xx.xxxxMb了 和量還會每時每刻都在提昇當中
不要捨棄任何郵件。
超過 2665.709569 MB (還在增加中) 的免費儲存空間，讓您不需要再刪除其他郵件。 (剛打出來.這數字已經過時了)
假以時日 定必會衝破 3GB ... 10 GB
還要其他email a/c幹甚麼?
如果早o的有人send(送)來這個gmail a/c的機會就好了
係咁就唔會使到 snoopylee95, snoopycr2005 同埋 crsnoopy2005 冇o左啦 (呢三個a/c 都唔需要啦) 就連新開冇耐o既「關你鬼事」都因為唔記得密碼未必過到新年
等到頸都長 ~ 終於等到(自己的)hotmail由25Mb 變成 250Mb喇
>>November 18, 2005 at 7:53:46 PM GMT+8
2005 年 11 月 17 日 星期四 【晴】
其實未夠九點已經醒o左架 諗住恰多陣 點知就過o左九點半
由於已經做完香港早晨 (見唔到張鷺玲) 所以又恰過 ~ 呢o的都叫藉口 ... ...
之後到o左十點幾 突然收到個電話 ~ 阿妹聽
初頭仲以為係鄧伯伯 ~ 原來係阿儀打o黎
~ 有糧出呀
咁諗住睇埋快樂長門人先落去
都算有良心 俾o左三日大假人 o個三日都會計番落人工到 所以有壹仟捌佰參拾參圓參角參分正
咁之後就同黃姑娘傾o左陣 ~ 佢話以「平常心」同人傾偈 ... ... 但佢始終覺得中心o個兩個做o野好過寡人
但都認同佢話DE呢位阿「倫」做o野係好過佢兩個 ~ 都心涼o的 (順o的) 但佢就話從來未讚過阿「倫」
又話中心已經請到PA同YA (任人為親)
佢又話 覺得寡人都係(或者)做補習o岩o的
話咩「男人最怕入錯行」 ~ 我夠知啦 都做o左幾年補習啦 ~ 一對一就一定難唔到我
但成班都係作反o既 ~ 冇受過專業訓練 緊係差o的啦
要知道人家讀完gerontology 就已經矢志將之視為終身'career'了
又要知道 寡人不論是當義工 在舊公司做 抑或是在實習 也是備受賞識的 (雖然有o的o野做o左冇人知) ~ 太多你都唔知 ~ 好o既唔見你睇到 其他人(你以為佢)「不過不失」你又當係寶
就算係o的會員 (長者) 都唔知幾多人唔捨得李生 ~ 都唔知幾唔想我走呀
但佢地對那位(另一位)男的又怎樣看 「您」又知唔知到?!
佢地呢o的唔係叫維護「公司」利益 ~ 受眾唔開心會幫「您」搵到錢嗎? 我想他到現在還不到從前那位姓杜的億份之一呢
而那位女的嗎? 對老人家惡就根本已經唔識合幹這一行了吧 ... ...
說我做"自己o野"? 他們將「自己o野」(應做的事)唔做,拿「空閒時間」來煲粥呀 check電郵呀 看報紙呀 ~ 這些「您」又看到嗎? 「您」又會相信嗎? 我呸! 你識睇人 ... ...
這些就是今天想對你說的 ~ 但說過好來好去o麻 ~ 何況你睇唔掂/管唔到 關我鬼事咩 ~ 不在其位 不謀其政 好自為之吧
在此也不忘恭喜你已(從相熟的名單中)找到了新的PA和YA
正所為「你唔做 大把人做」 ...
下晝點零中睇埋新聞就去入票 ~ 用食票機入真係好快 ~ 起碼唔駛排成個鐘頭隊
跟住就去o左精美 見到許慧欣出o左精選呢 ~ 裡面仲有o個隻好聽過許志安o個首好多o既《大風吹》啊 加埋楊丞琳 都心郁郁想買 ~ 難得加埋都唔駛二百 ~但青年中心都未出糧呢 ~ 補唔補得長又未知
楊丞琳呢期都好紅呢 兩本講日文同英文o既雜誌都係佢做「風」面呀
除o左咁仲見到好多好多同外語會話或文化o既新書
又見到本書係講貴人o既 ~ 講到貴人重要到乜咁 重要過你o既學識 你o既智慧 同工作能力 ~ 又有o的心郁
曾幾何時 Discover差唔多期期買 ~ 12月號仲講一o的「離經叛道」o既宇宙定律 ~ 話以前知道o既所有o野都係錯o既 可以唔要 ~ 試問一本雜誌(先得o個幾版) 邊講得晒呢
但都係心郁郁
(雖然給果一亳子都冇出過)
之後就o係尚書房見到十月號o既《中國國家地理》「再版」
仲係硬皮精裝添 售價係人民幣六十八 港幣一百 (就好似幾年前本中國旅遊o既 23/25個《中國文化遺產》咁 ~ 而尚書房唔再似得之前咁將個人民幣乘二點五
而係照人民幣價一比一賣$68
都算有番o的良心 ~ 又心郁郁想買番幾本送禮自奉呢
番到去樓下都三點七 睇唔到娛樂直播 只見到鄧生(司機) 打完個招呼就番上樓換衫
去到青年中心 先發覺今日得我一個對住佢地十幾個 鄧姑娘見佢地之前作晒反(唔理邊個教都好) 就同佢地約法N章
但其實都冇乜用
之後去到小學 班友仔又係好似上次咁 做(其他)功課o既做功課 ~ 玩o既玩 ~ 你話如果鄭主任突然殺入o黎o既話 ... ...
完場 拎番o的notes去青年中心 ~ 俾佢地捉住o左 ~ 仲以為那陳姑娘是寡人的「女朋友」 ~ 講笑咩
又再一次見到中心新o黎o既陳姑娘 ~ 睇佢氣定神閒 似乎應該會好稱職 希望佢話「唔辛苦」o既意思係可以搞番掂中心 令到班老人家開心o的 就自然會旺場o的
番到屋企 又差點同蘆葦琪緣慳一面 ~ 幸好今晚見唔到黃珊但會見到曾詠珊
之後就落o左去惠康買薯片同登記張八達通 ~ 九個半先得零點零四分 幾時儲得到「免費購物」丫
M記已經再冇Eason有獎遊戲卡 而係Jolin shake shake薯條 ~ 好辣的Kimchi呀
小欖的家長終於聯絡到 ~ 頭一個月o既頭兩個禮拜因為頭一個月 有兩次雙方都有變掛 ~ 所以ectutor為維護其最佳利益 決定將頭兩個禮拜改為第二同第四個禮拜 ... ...
希望之後唔會有咩變掛啦 ~ 但Maths 一個用中文教 一個用英文教 ~ 應該都搞得掂o既
得九十蚊個鐘乍 ~ 你ectutor登出o黎o既參考價錢係百一至百四架 ......
>>November 17, 2005 at 10:27:37 PM GMT+8
2005 年 11 月 16 日 星期三 【晴】
被點名要對學生「嚴厲」(惡)o的?
此舉等於警告信 / 隨時冇得撈嗎? 但惡非吾所願喎 ~ 要惡可以好惡 ~ 但惡唔代表會聽話喎
除o左小部份講o野大大聲聲 ~ 其他都乖o左好多啦 ~ 鄧姑娘話中心班小朋友乖o的 ~ 反而覺得佢地扭計o的喎
番到o黎 見到蘆葦琪 好開心呀幾日冇見喇
以為今晚仲有機會見到佢報新聞啦 ~ 但原來而家編更時間唔同o左
七點鐘見到 唔再會半夜見得番 ~ 因為佢地係七點半放工 ... ... 唔制呀 ~ 下次上堂前唔訓 / 唔睇娛樂直播至得
之後仲o係《寶貝醫一番》到見到好可愛o既貓貓同Viann添
不過節目已經係最後一集喇 ~ 可惜阿妹睇唔到丫
節目入面 見到有被虐待至骨折的貓咪被照料得很好 也有人好心把流浪貓收養了 而主人更與寡人同名的 那貓貓很可愛的
也有人把自己的愛貓改名為「陳海瞳」 多漂亮的名字
更可以聽到Pavarotti同John Denver合唱的 Perhaps Love ~ 好耐冇聽過John Denver o既歌喇
當然係John Denver好聽過 Pavarotti啦 可惜人已不在了 ~ 今晚要搵番o的碟出o黎聽至得
中共即將為胡耀邦九十歲冥壽展開掉念活動 ~ 是代表甚麼呢 (是值得高興的事嗎? 是代表中國向民主邁進了一步了嗎?)
今晚劉銳紹用了至少一個鐘頭去分析這件事 ~ 原來想當年胡總理被批判的東西 ~ 江澤民也有做 而且更過火(但他丫沒有被批評) ~ 這是進步還是退步?
登記了N年也沒有回音的ECTUTOR竟然向寡人招手?
問寡人是否能補小欖的一份「小學」補習? 一星期一天(星期六) 每次三個鐘?
一口應承了啊 ~ 可是一句鐘過了 還是沒有進一步消息
這代表甚麼呢? 我登記的是中學 亦很有信心應付中學生的英、數作業啊
但是你說錯給我聽是小學(不是中學) ~ 邊有咁記得係中學唔係小學 又邊會估到你可以講錯呢
不是因為這樣以為我對補中學沒信心吧 ~
給了一希望卻要人失望嗎? 真的對ECTUTOR很失望呢 ( 這算啥意思啊?! ) 說呀! 19:54:34
>>November 16, 2005 at 10:08:39 PM GMT+8
|
![]()
在此先鳴謝now.com及YouTube
(寡人可是now.com的忠實fans啊)
寡人乃一愛情;事業/學業皆不得意之"凡人"
(註 ~ 不代表寡人不渴求甚麼愛情 >> 向來只取愛理不理之態度 ～隨緣)
說是'凡人'...倒不如說是'煩人'>>還是叫回"(孤家)寡人罷～
寫日記也不過是閒極無聊才寫～練練字罷了
(五年過去,雖練成了速成但仍學不會倉頡)~
各位>>有空來訪的話...請留字... ^^ 寡人於願足矣!
＊這「寡人」零四年起終日有病魔相伴 ( 從此「不在」孤單 ... ... ) ＊ 個日曆唔見o左喇
|
廣告 |
|
|
讀者留言 |
| 路人留言
|
 哨牙大粒墨癦袁佩婷
>>June 15, 2025 at 1:56:43 PM GMT+8
我系一位路人....近期才看您的
>>December 18, 2011 at 3:46:08 PM GMT+8
雖然我同你素未謀面,你又唔識我
>>May 12, 2010 at 12:27:52 AM GMT+8
一路好走...
>>May 7, 2010 at 1:34:40 AM GMT+8
missing you
>>February 20, 2010 at 4:36:52 PM GMT+8
想留言給您, 讓您知道, 大家都
>>February 17, 2010 at 3:09:13 PM GMT+8
師兄,我睇左你依個blog差吾多
>>December 15, 2009 at 4:50:14 PM GMT+8
你其實係邊個呀,我係你小學同學喎
>>October 25, 2009 at 4:19:42 PM GMT+8
看著你日記...真的愈來愈擔心了
>>August 4, 2009 at 11:52:36 PM GMT+8
我鐘意夜少水母stamps =]
>>June 16, 2008 at 8:34:11 AM GMT+8
你呢...晚晚都夜訓...似乎e
>>April 26, 2008 at 2:03:45 AM GMT+8
YAHOO用唔到AR,所以o係度
>>April 2, 2008 at 10:08:19 AM GMT+8
睇完你既野真係冇野好講. 我做
>>March 17, 2008 at 10:07:58 PM GMT+8
你又話寫日記既? 但最新upda
>>February 4, 2008 at 1:04:41 PM GMT+8
嘩.
<br>又一年..
<br
>>December 30, 2007 at 2:04:47 AM GMT+8
snoopy 聖誕快樂, 希望
>>December 25, 2007 at 2:09:25 AM GMT+8
死啦, 會loan 咁做, 我咪
>>December 8, 2007 at 10:20:44 AM GMT+8
阿全叫你寫就寫啦，試下沒有問題的
>>October 30, 2007 at 10:33:09 PM GMT+8
「阿全想找Esther和Snoo
>>October 22, 2007 at 9:23:23 AM GMT+8
醫院放棄唔代表你要放棄, 老兄,
>>October 14, 2007 at 12:49:08 AM GMT+8
現在可以依賴的,不是別人，正是你
>>October 12, 2007 at 2:21:57 AM GMT+8
我頭先落街都見到個月好清, ok
>>September 25, 2007 at 10:55:02 PM GMT+8
做老師不易為, 我小一就知, 不
>>September 23, 2007 at 4:24:07 PM GMT+8
請問...你係o係雅都商場看過林
>>September 14, 2007 at 1:02:59 PM GMT+8
首先, 我都健在呀.
<br>
>>September 12, 2007 at 10:53:04 PM GMT+8
嘩~~日記in the futu
>>September 5, 2007 at 9:46:05 AM GMT+8
hey, 又再傻吓
>>August 31, 2007 at 5:41:07 PM GMT+8
Hi Snoopy( haha,
>>August 7, 2007 at 11:34:00 AM GMT+8
為什麼不update日記?
<b
>>May 14, 2007 at 9:05:05 PM GMT+8
那我有什麼可以幫你呢?都不知道有
>>March 30, 2007 at 2:19:02 AM GMT+8
我都希望你同你的家人都會有一個好
>>December 4, 2006 at 2:16:33 PM GMT+8
知道你的苦...
<br>卻幫不
>>September 27, 2006 at 2:27:41 AM GMT+8
沒有什麼特別事想說，只是想係你l
>>September 22, 2006 at 11:11:23 PM GMT+8
我個icq short左...成
>>June 29, 2006 at 1:57:08 AM GMT+8
to snoopy
<br>好對
>>June 2, 2006 at 12:11:11 AM GMT+8
好似好耐冇聽過你d野咁...
<
>>May 30, 2006 at 12:32:31 AM GMT+8
知道有很有人都在支持你的。但最後
>>May 29, 2006 at 9:58:57 PM GMT+8
見到你個msm同路人既留言，知道
>>May 25, 2006 at 1:25:40 AM GMT+8
放心啦...
<br>到時你好返
>>May 19, 2006 at 1:56:31 PM GMT+8
hihihih
<br>加油呀!
>>May 17, 2006 at 2:10:16 AM GMT+8
你的日記好好睇wow...真的.
>>July 5, 2005 at 11:00:40 PM GMT+8
我都唔想架...我都好唔好意思架
>>April 1, 2005 at 4:17:45 AM GMT+8
攞乜嘢
>>March 25, 2005 at 3:37:51 AM GMT+8
琪琪似乎無乜力量
<br>整個人
>>February 5, 2005 at 1:53:42 PM GMT+8
i am having my l
>>December 19, 2004 at 7:01:40 PM GMT+8
Dear Raymond,
<
>>October 8, 2004 at 9:03:53 AM GMT+8
你好嗎?
<br>希望你真係好l
>>October 3, 2004 at 12:06:47 AM GMT+8
你好,Raymond.恕我冒昧看
>>September 27, 2004 at 4:19:04 AM GMT+8
How are U?
<br>
>>September 7, 2004 at 11:15:02 AM GMT+8
好耐世紀無上網lu
<br>今d
>>September 5, 2004 at 6:10:12 PM GMT+8
|
|
只記得去銀行入票而唔記得拎西餅 (票是政府庫務局發的 ~ 佢會唔會咁得閒去睇下持票人去邊間銀行入票呢 ~ 如果會 今日會唔會蠢o左呢)
英 領 館 世 貿 期 間 正 常 服 務
悼 (1915.11.20 - 1989.04.15)
＞ 13500? 唔覺唔覺