|
2006 年 5 月 22 日 星期一 【晴】
上星期結局睇唔到 ~ 今日終於上now.com睇返
重頭睇起 ~ 仲睇到無線都冇o既國語原聲添 ~ 終於知道o左個故事o既來龍去脈了
原來段臣風根本就冇刻意撞傷ICE MAN個妹Angel ~ 係佢自己唔小心過馬路 與人無由呢 ~ 咁就變得有點搵戲o黎做了 ~ 但亦顯得兩兄妹由「忠」變奸的過程更痴線、更令人心寒
唔知幾時先睇得完這二十八集的《MVP情人》呢
原來上星期同陳miss睇《達文西密碼》時打o黎搵佢o既 每一次都係阿Jo
唔知係咪為o左「補償」呢 ~ 今日聽聞佢借o左本《達文西密碼》中文版畀陳miss呢
又聽聞 曾浩賢今日又轉了miss ~ 唔係跟(呢位)陳miss 而係跟另一位陳miss (Natalie) ~ 仲聽聞佢好唔開心呢 ~ 佢有排受苦了 起碼冇人同佢o岩嘴型啦 ~ 陳miss maths應該實冇李sir咁掂啦
點算! (唯有當佢已經學滿師 而家係跟陳miss學好英文啦)
PS: 點解而家冇乜心情 / 心機睇 Six Feet Under o既 ~ 咁到播第四輯時咪會唔明law ~ 點算?
>>May 25, 2006 at 8:24:29 PM GMT+8
2006 年 5 月 22 日 星期一 【晴】
世衛總幹事李鐘鬱入院
( 明報 2006-05-21 00:00:06)
世衛總幹事李鐘鬱周六突然感到不適，被送入日內瓦一間醫院，動手術清除腦部血塊，現正在康復之中。
世衛發表聲明，指61歲的李鐘鬱，周六下會出席會議時感到不適，他手術後已經在康復中，但仍需要接受觀察，相信不能出席周日開始一連五日的周年大會，大會將討論禽流感及爭取台灣成為世衛觀察員等議題。
李鐘鬱在2003年開始出任世衛總幹事，世衛的聲明指，他一向健康良好。
世衛總幹事李鐘鬱逝世
( 明報 2006-05-22 08:45:05)
世衛總幹事李鐘鬱周六在日內瓦一間醫院接受手術，清除腦部血塊，但手術後周一不治，終年六十一歲。
世衛的聲明稱，來自南韓的李鐘鬱是腦部栓塞死亡。而早前的聲明表示，李鐘鬱上周六出席會議時感到不適，其後入院接受手術。李鐘鬱在2003年開始出任世衛總幹事，世衛的聲明指，他一向健康良好。
世衛總幹事腦中風不治
( 明報 2006-05-22 21:05:07)
【明報專訊】世界衛生組織的南韓籍總幹事李鍾鬱上周六因腦部急性血栓塞入院，搶救無效，延至周一早上不治，終年61歲。聯合國秘書長安南對李鍾郁辭世表示「震驚及深切悲痛」。本港前衛生署長、現任世衛助理總幹事陳馮富珍稱讚李氏對公眾衛生建樹良多，令人懷念。
世衛周一在日內瓦召開周年大會，主持會議的西班牙衛生部長薩爾加多向與會官員宣布﹕「我很遺憾地告訴你們，世衛總幹事李鍾鬱博士今早逝世。」
李鍾鬱上周六出席一官式會議時身體不適，被送往瑞士日內瓦醫院急救。醫護人員為他施手術取出腦部一塊積血，並於深切治療部留醫，卻一直陷入昏迷，延至本港時間周一下午1時43分不治。他臨終前由太太及妹妹守候在旁，其28歲兒子正在美國康奈爾大學攻讀電機工程博士學位。
陳馮富珍﹕我們懷念他
薩爾加多宣布時難掩內心的傷感，她以顫抖的聲線讚揚李鍾鬱「不僅是優秀的人才，也是英明的領袖……在其領導下世衛變得更強大。」與會成員進行兩分鐘默哀。英國駐聯合國大使索恩說，李鍾鬱才幹過人，世衛很難另覓人選取代其位置。
陳馮富珍接受記者訪問時，強忍淚水表示﹕「這是傷痛的時刻。他是了不起的人物，對公眾衛生瞭如指掌，建樹良多。我們都很懷念他。」李鍾郁與陳馮富珍交誼深厚，陳氏在世衛的職位，亦是由他增設，專責監察傳染病的流傳。
李鍾鬱是結核病專家，2003年獲選世衛總幹事，任內最主要工作是帶領世衛對抗禽流感。04年，他獲選為《時代》周刊權力榜百大有勢力人士之一。
李鍾鬱的副手諾爾斯特倫將署理總幹事職務，直至世衛成員投票選出新總幹事。鄰選過程一般需時1年，但世衛行政委員會34個成員國可於月底舉行的會議中作出加快程鄰選程序的決議。
台申請列世衛觀察員失敗
在台灣加入世衛問題上，他表明堅持一中原則，指出有關問題屬政治議題，不屬世衛處理範圍。他上周六入院後，台灣初步評估，世衛的重大決策可能延後，但對台灣推動「有意義的參與」世衛機制不會有重大影響。另一方面，世衛大會周一否決了台灣成為觀察員的議案。
法新社/美聯社/路透社/中央社
林秉恩讚親民謙厚
( 明報 2006-05-22 21:05:07)
【明報專訊】對於世衛總幹事李鍾鬱病逝，正於瑞士日內瓦出席世衛大會的香港衛生署長林秉恩坦言感到非常惋惜，他形容李鍾鬱是近年來「最親民謙厚」的總幹事，其任內於愛滋病、瘧疾、肺結核和禽流感全球防控工作上，建立了很多功績。但林相信，李的逝世應不會影響世衛對抗禽流感工作。
李鍾鬱病逝的消息，給今年的世衛大會添上傷感，身在會場的林秉恩接受本報訪問時表示，他聽到消息後也感突然和可惜，非常難過，而他的「阿姐」前衛生署長、現職世衛助理總幹事陳馮富珍，亦難掩悲傷之情。
「李鍾鬱是陳太的恩師，是他要陳太協助其擔任助理總幹事，如今李逝世，陳太有多哀傷可以想像。」而在林秉恩心目中，李鍾郁是近年來最親民謙厚的世衛總幹事，給人很容易相處的感覺。「聽說他到了下午一時半，會去canteen和其他職員一起飲食，希望接近同事了解他們。」
林說，他與李鍾鬱早在90年代已相識，世衛已有人暫代李鍾鬱，他預期在陳馮富珍協助下，本港衛生署與世衛的新領導人合作會很暢順。至於陳太會否成為下任世衛總幹事候選人，據了解，因有關參選者必須先得其代表國家支持，故中國當局的意向極為關鍵。
明報記者 陳佩儀
>>May 24, 2006 at 12:04:05 AM GMT+8
2006 年 5 月 21 日 星期日 【雨】
可惡呀 ~ 明明買勁量電芯係可以多一件大口仔球衣的
上次去西鐵站買o野又係咁 今日o係良景買o野又係咁
返到o黎樓下明明見到佢張海報係有寫的 ~ 冇理由一間有第間冇的
幾可惡呀 ~ 就係咁樣 前後唔見o左三件衫呢
不過佢個蔥蒜撈麵真係好好食 ~ 五蚊都叫抵 ~ 本來想返到樓下食多次呢
點知 ~ 醒唔起 自從個阿伯冇再o係樓下間7-11打骰之後 再冇seven熟食賣了 ~ 只有叮的
下次再食過 ~ 燒賣同魚旦都係五蚊串 七蚊兩串呀 ~ 如果可以七蚊每樣一串就仲好 買o野食仲可以加三蚊換多個Indomie做o既蔥蒜撈麵呀 ~ 唔駛五蚊呀
~ 但係因為阿妹尋日買o左個La Fuma 今日出o既糧都唔夠貼呢
今日都幾好訓 ....... 但夜晚班友仔太嘈了 ~ 想睇《鏗鏘集》講通識教育都完全睇唔到
好彩 有阮德鏘 陳美詩 同 劉心悠 做o既《獅子山下》都算睇得完
>>May 21, 2006 at 8:06:50 PM GMT+8
2006 年 5 月 21 日 星期日 【晴】
 
 
 
 
>>May 16, 2006 at 4:15:53 AM GMT+8
2006 年 5 月 20 日 星期六 【晴】
尋日坐車返屋企時同尹小姐講今日會返o黎
咁今日就十一點出門口 ~ 過天橋前見住架66M走 就坐66X (57M未到) 到旺角 一落車 都未行到102個站就見佢準備埋站了 ~ 以為好快啦 (66X + 旺角上102 同 57M + 地鐵 係一樣) 點知三個字到紅磡 七個字都未過到海
本來架車仲好少人的 ~ 但可能而家o的人星期六早收工 ~ 隧道口太多人了
本來唔想畀個阿婆坐隔離的 ~ 明明仲有位o麻 ~ 不過一過o左海佢都要迫住搵位了 ~ 鬼咩 人地又作嘔作悶o麻 ......
本來尋日陳miss叫人買o的蛋撻返o黎就打算去愛蝶灣買比比利時酥皮的
但原來愛秩序灣落仲係o係筲箕灣道 咁就去返雅比斯買一打 仲同師傅(都未知佢姓乜)講有排都o黎唔到幫襯呢 ......
之後上返中心就請大家食蛋撻 ~ Natalie同張miss都唔食 (晏晝先食喎) ~ 都未食飯話食飯 ...
咁就仲有Joey同李miss啦 Bess啦 Margaret同阿Jo啦 Koey啦 仲有兩個小朋友都有食 ~ 一個係補過一次o既靚仔另一個係natalie o既阿菁 ~ 結果陳miss分唔到呢 (不過都仲有兩/三個教開o既小朋友唔肯食)
o係靚仔陳緊蛋撻o既時候 ~ 佢媽咪就o黎o左lu ~ 原來佢話 佢都經歷過大手術 ~ 仲話李sir樂觀添
唔知呢 ~ 佢話好化 ~ 個仔個老師都係咁 ~ 話者呢o的係叫「你睇我好,我睇你好」o者 ......
因為事出突然 所以公司決定唔同人供強積金 仲將本來o既供款一次過計埋入五月呢份糧度添 ~ 但佢食支票都唔寫大寫o既 ~ 都唔知幾想改o左佢個一字同三字呢 ~ 如果即時睇到 就可能會「教」返阿Jo點樣寫
因為買o既係五點二o既飛 ~ 又唔記得帶風褸 咁就要陳miss陪人去富東
但Madico冇 只有女裝 ~ 而商場入面o既一間體育用品 又覺得太貴 (去到A.P.M.)又唔記得睇下無印有冇 (但都唔平的)
就係見仲早就去o左紅石餐廳 ~ 原來陳miss都係這餐廳(秀茂坪)的常客 ~ 自己未去過
但佢真係冇介紹錯 ~ 但頭一份茶餐個蒜蓉雞扒意粉太細份 ~ 叫o左雞翼檬粉o既陳miss又話想食豬扒就叫多o左份 ~ 偏偏第二份太大份 所以冇食晒 ~ 佢三隻雞翼都冇食到添仲
之後就拎住個青蘋果綠茶去過海 ~ 本來想試下搭606呢
但都係搭返地鐵 去到「魚則」魚涌 仲唔係行樓梯轉車 ～ 但今次行那段唔鍾意行o既長路又唔燧咁咩jor喎
只係 好似由開始食o野就開始唔係狀態 .......
去到A.P.M.仲好唔掂添
萬寧O的服務態度真要值得讚 ~ 同個男仔講冇晒胃口 作嘔咁應該點樣
就介紹o左隻Cepacol思必樂喉糖 ~ 真係好似好o的呢 到返到屋企食o左八粒 ... ... 係咪會上癮架
可能真係唔係狀態 ~ 所以陳miss有陳miss自已睇o野 .... 不好意思呢
乜咁快賣六月號National Geographic架 ... 想搵個猶大福音報導搵唔到 ~ 有幾本可能尋晚賜官介始過講猶大福音o既書 ` 好貴呢 .............
差唔多五點上到去palace a.p.m. 之前就聽個豐澤sales介紹權相佑賣緊o個部Samsung ~ 都好似幾好玩咁 ,.... 又唔算太貴 ~ 比起Nokia / Sony Ericsson o的新機
去到戲院坐得冇耐 ~ 見到隔離o既陳miss好似好驚訝咁 原來佢撞到熟人 仲要就坐隔離 ~ 真係夾都冇咁準
之後仲「痴」到幾粒爆谷食添 ~ 好耐冇食爆谷啦
原來Palace A.P.M.個洗手間景超開揚 ~ 好彩同觀塘o的樓都有段距離 ~ 感覺幾特別 ~ 下次一定要再試下 ~ 不過等裕民坊重建後就唔會咁諗架喇 .....
開頭好驚會好似睇Capote / 得閒飲茶咁會訓著
但好在有apm o既靚位同思必樂支持下 ~ 可以撐到完場 但不時發出的「怪聲」也夠陳miss擔心了
要將一部四五百頁o既小說濃縮成兩個半鐘o既小說 ~ 《達文西密碼》電影已做得好好的了
但睇過書的人當然會說不及原著 ~ 但原著太厚了 ~ 不要搞我 ....
說到尾 今天真要多謝(阿)彩 (陳miss)呢 ~唔係真係可能暈o左都唔知咩事
佢仲陪人家等車呢 ~九點二已經返到屋企 (亦o係7-11 買到national geographic OK賣o既華文地理有簡體版) 多謝妳呀
可能回到家時 狀態好返好多 ~ 好到沖完涼食埋飯都唔記得打畀妳報平安 ~ 想必妳和妳的男友一定擔心死了
妳還說道男孩子應有的風度 ~ 下次再有機會出街一定會留意的了 ~ 但其實天下間有多少男子真有「風度」呢 ~ 抑或是不會對每個女孩都一樣呢 ~這可要寫論文呢
>>May 21, 2006 at 11:03:49 PM GMT+8
2006 年 5 月 19 日 星期五 【晴】
今日份AM730 同 頭條日報 都係冇玉郎漫畫送o既 不過就見到《大唐雙龍傳》真係送o個本所謂免費報紙會送o既免費漫畫
就o係兆康站間7 買o左 仲買埋一隻classic同世界盃書刊 ... 仲有排電添 應該有八件大口仔球衣匙扣 ... ...
之後 本來想睇《無主之城》 但播完片頭之後 見到郁下就出鎗 太恐怖
就播多次《墨斗先生》 ~ 趕住出門口o既阿妹 都算睇o左大半套 ~ 當然就遲到了 ...... (這可與陳小春無關 ~ 是她究由自取的)
之後又係食返尋日煲o個種粥 (一返o黎嘔奶? 唔通唔應該一早飲奶? 以前得個喎 ~ 之後食o左個麵好似好少少)
一點半出門口 ~ 出門口無耐 條牟利扮晒屯門醫院打去屋企 ~ 叫佢唔好扮o野
差唔多坐晒成程60X 原來都幾好坐的 ~ 係個Roadshow唔知仲乜 播下停下
去到吳松街 本來打算一落車就去商務的 ~ 但見到「雲吞成」好似好吸引咁
十蚊碗 ~ 茶餐加五蚊就可以配油菜 / 腐乳通菜 / 冷熱飲品 (人地兩父女一個要菜一個要凍奶茶呢 ~ 下次帶埋條牟利o黎先得)
就叫o左個雙丸麵 再加豆漿 ~ 跟住見到「鳳城水餃」 ~ 細問之下 原來有蝦的
之後就先見到冇蝦o既 「靚菜肉餃」呀 ~ 轉唔切添 ~下次一定要食呀
但其實個魚蛋都唔係十分好食 個牛丸仲 ．．． ．．．
好彩冇嘔 ~ 如果嘔 會唔會唔駛埋單呢 ...
三點幾先去到商務 ~
揀o左本商務新詞典 ~ 折後 65.6
American Heritage Dictionary of the English 折後 51.3
加上三本百科全書 (另加一本本身冇o既比自己) 折後各 54.4
加多本 新華字典添 12.5 (呢本冇折)
另外兩本好正o既比自己 ~
Earth: A New Perspective: Astronishing and enlightening images of out planet
原價25磅 (400) 特價140 (過機時明明再折的 ~ 點解cancell佢呀)
仲有就係 借親 (仲要另畀兩個半book) 都睇唔完o既
The Complete Chronicles of Narnia (原價450 特價199 ~ 套Narnia 未上o既時候好似賣100添架 ~ 一樣係又係cancell o左折上折)
落樓見到 ~ 三國志 廿七期出o左喎 ~ 就o係信和買o左
打畀Rainbow 佢又話佢自己搞掂 ~ 但人地老世唔擔保聽日仲有冇喎 ~ 舖頭仔賣百三 (再平兩蚊) 但地庫賣百五呢
另外仲有一隻叫咩呢 (只記得好似有「一起混」三個字) 一百蚊三CD ~ 犀利呀
原來隻《天空之城》係零三年的了 ~ 唔怪得知咁難搵
彩虹小姐話佢自己買 ~ 唔係就送埋本楊丞琳同蔡依琳做封面的Play (有佢要o既阿信)
仲有個MVP情人入面o既孫協志 ~ 跟住就o係間舖度見到 ~ 佢本書 ~ 咦?! 原來佢出道已經十一年?
睇MVP情人又唔覺喎 ~ 真係覺得佢後生過顏行書的 (但當然唔及高天騏同陳喬恩後生)
聽日大結局呢 ~ 但可能都係上返now.com睇
本來想問下無印有冇日本網頁見到o既日英字典機 .. .. .. 但都好難了
個匯率都高o左呢 ~ 之前支鉛芯筆係乘0.06的 而家乘0.08呢 ~ 進口 / 訂 就算有 可能乘2都唔定
但可能真係用o黎用英文學日文呢 ......
出o左支新o既原子筆 但就唔係同銅芯筆同款的 ~支銅芯筆支彈弓仲要食o左舊擦膠呢 ... 再換過就又miss多班66X了
返到去O岩O岩趕唔切睇《最緊要健康》O既片頭
事關一直話自己最顧健康o既牟利 竟然冇開電視
27樓出lift 見到人瑞陳創發原來校o左TVB新聞台呢 ~ 係咪真係有兩個月免費呀
廣告話要$138喎 (齋新聞乍好似)
《最緊要健康》今集講水
原來話重用蒸餾水樽 / 翻煲老火湯 等都唔會點影響健康的 ~ 但廣告明明唔係sell呢o的個喎
會唔會七集完都冇講架 ....
話時話 點解今日八點路過LHAC門口 唔多覺有人排隊量血壓o既 是班老友記唔鍾意新人? 定係 ... 但佢地又好似唔多認得呢個舊人呢 ...... (如果見到「阿文」就可能會清楚答案了) ~ 幸而 返到樓下 ~ DECC鄧生架車落客 ~ 阿Lun同鄧生都有同人家打招呼 ~ 唔係就心酸死了 ... ...
最後要同彩Miss講聲sorry ~因為自己唔慣網上訂飛 ～ 唔係就唔會搞到四點三場冇位 五點二場都差o的睇唔成了
(但又真係幾想知 ~ 如果唔打畀妳 妳今日會唔會唔記得教琴呢 ~ 算啦 ~ 多謝妳!) 19日 Fri 22:41:49
>>May 25, 2006 at 11:31:31 AM GMT+8
2006 年 5 月 19 日 星期五 【晴】
BN(O) 換 新 證 加 費 315 元
【 本 報 訊 】 英 國 駐 香 港 總 領 事 館 將 在 本 月 底 開 始 ， 在 香 港 簽 發 載 有 生 物 特 徵 資 料 的 「 e- 護 照 」 ， 港 人 在 5 月 底 或 之 後 更 換 英 國 國 民 （ 海 外 ） 護 照 （ 即 BNO ） ， 新 護 照 也 會 加 入 全 新 的 生 物 保 安 特 徵 。 簽 發 e- 護 照 的 收 費 較 現 時 的 英 國 護 照 上 升 約 3 成 ， 屆 時 更 換 BNO 會 由 現 時 的 1,005 港 元 增 加 至 1,320 港 元 。
新 收 費 5 月 底 開 始
英 國 駐 香 港 總 領 事 館 昨 發 出 新 聞 稿 宣 布 ， 由 5 月 底 開 始 ， 總 領 事 館 將 簽 發 新 護 照 ， 當 中 會 載 入 從 持 有 人 照 片 所 獲 得 的 容 貌 辨 認 資 料 ， 以 及 其 簽 名 和 個 人 資 料 。 電 腦 系 統 會 量 度 護 照 持 有 人 相 片 的 眼 晴 、 鼻 子 、 嘴 巴 和 耳 朵 之 間 的 距 離 ， 從 而 得 出 一 些 數 據 資 料 ， 載 入 晶 片 ， 再 附 加 於 護 照 之 內 。 領 事 館 呼 籲 有 效 期 尚 未 屆 滿 的 持 有 人 ， 毋 須 立 即 換 新 護 照 。
e- 護 照 的 收 費 會 較 現 時 的 護 照 增 加 3 成 ， 根 據 英 國 駐 香 港 總 領 事 館 網 站 的 資 料 ， 現 時 在 英 國 本 土 以 外 簽 發 1 本 成 人 護 照 的 費 用 為 69 鎊 （ 港 幣 1,005 元 ） ， 兒 童 護 照 則 為 45 鎊 （ 港 幣 655 元 ） 。 簽 發 1 本 全 新 的 成 人 e- 護 照 ， 費 用 為 91 鎊 （ 港 幣 1,320 元 ） ， 而 兒 童 e- 護 照 則 為 59 鎊 （ 港 幣 855 元 ） 。 港 府 也 擬 在 明 年 首 季 推 出 載 有 生 物 特 徵 的 特 區 護 照 。  蘋果日報 5月4日 訊
>>May 5, 2006 at 1:18:34 AM GMT+8
2006 年 5 月 18 日 星期四 【晴】
搞錯呀! 5月12日出版的新Monday的134頁明明是寫住叫人
「5月18日(今日)留意街頭巷尾,玉郎的確真金白銀,免費送1對「黃易波畫」俾讀者:
早上7時30分,跟免費報紙部《邊荒傳說》試閱號!」云云 ....
咁話明係街頭巷尾o麻 ~ o者係唔關MTR / 都市日報事啦 (今日冇工返,拎唔到metropop添) 人地七點幾出門拎晒兩份免費報紙 (AM730 同 頭條日報) 啦 都唔見O既
搞到人地 周圍撲 ~ 又要撲M記 又撲嶺南 (八點都未到) 再撲蝶茵庭 同西鐵站 都係得個桔
雜誌明明係咁寫的
到九點 打去AM730 又冇人聽電話 .... 算點喎?! 可怒也
(可能未食o野就出門口) 返到o黎仲嘔添 ~ 唔通真係會嘔o既
全日一食完o既幾個鐘就口淡淡 ......
不過今日都幾好胃口 ~ o的蓮子薏米瘦肉粥都幾好味 ~ 阿媽第一次煲架
今日亦好好訓 ~ 冇《順風婦產科》做 又訓到點幾定兩點幾 ~ 睇埋《師奶強人》(有舊機場景呢) 同胡杏兒唱o既《幸而》 再恰下恰下聽住個痕正掌觀答問會
又再搞到成六點 再訓到七點幾 ~ 新聞同新聞透視都冇睇 ...... ~ 聽晚唔可以唔睇《最緊要健康》呢
要睇下 點解話八點後食晚飯等同自殺 同埋 便秘是死亡的開始 *香港人咁忙
如果係咁 有邊個唔係自殺緊呢 ////
彩誼miss叫人留言 ~ 原來佢寫o左篇日記呢 ~ 但有時覺得小朋友嘈下冇乜所謂o麻
係又鬧唔係又鬧會好反感的 ~ 對兩點o個班嚴o左 都真係變o左好唔鍾意李sir呢
有唔少報告 / 研究都話對佢地惡 大個會好反叛的 ~ 犯罪率都可能高o的
邊個擔當得起呀 ~ 補習社? 老闆? 導師? 家長? 老師? 學生? 社會? 政府? 定係特首呀?
尋晚打o左畀幾個小朋友家長同佢地講李sir有排都返唔到o黎 ~ 佢地都話會等呢 ~ 兩個話升o左中一都想搵返在下補呢! 客氣之言吧? 如果係真話就真係 .... 都要人地再請返「李sir」至得架 ~ 仲要真係好返喎!
PS: 尋晚朗奴 (葉sir) online呢 ~ 佢話o的小朋友都算幾乖
不過就話佢唔係日日會icq 但就會MSN
咁今日就試下開返個MSN啦 但上次o既惡夢又返來了
上次msn只可以同到Dawson傾陣偈就down呢樣 down o個樣 hang晒機
今次都係 hang完WMP 就hang IE 再連cFos 都hang埋 要restart先上到網
所以 ~ 冇啥必要都係唔再開Messenger了 頭先落樓買洗頭水見到久違了的 M記Gloria呀 ~ 咁夜放工o既 著長裙 好靚呢 ~ 唔係住景華咩 放工去邊呢 ~ 不過都係冇行!
>>May 18, 2006 at 11:15:55 PM GMT+8
2006 年 5 月 17 日 星期三 【晴】
 三號強風信號
2006-05-17 HKT 07:15 天文台高級科學主任鄭楚明 :
天 文 台 在 早 上 七 時 十 五 分 改 發 三 號 強 風 信 號 。
三號強風信號，現正生效。
預料本港平均風速每小時41至62公里。
在下午5時，颱風珍珠集結在香港之東南偏東約240公里，即在北緯21.7度，東經116.4度附近，預料向東北偏北移動，時速約22公里，趨向中國東南海岸。
本港風向正逐漸轉為西北，原先受遮蔽的地方可能變為當風，市民仍要小心留意。
在過去一小時，赤~P角風速為每小時52公里，而橫瀾島風速為每小時65公里。
珍珠現正逐漸離開香港，對本港的威脅將會減少。
2006-05-17 HKT 16:22 高級科學主任潘海濤講述颱風動向
三 號 強 風 信 號 仍 然 生 效 ， 天 文 台 表 示 ， 颱 風 珍 珠 逐 漸 遠 離 本 港 ， 未 來 數 小 時 或 會 改 發 一 號 戒 備 信 號 。
天 文 台 高 級 科 學 主 任 潘 海 濤 表 示 ， 下 午 四 時 ， 颱 風 珍 珠 集 結 在 本 港 240 公 里 範 圍 外 ， 並 以 時 速 22 公 里 ， 趨 向 中 國 東 南 海 岸 。 如 果 海 岸 強 風 轉 弱 ， 天 文 台 就 會 改 發 一 號 戒 備 信 號 。
本港地區今晚及明日天氣預測
吹強風程度北至西北風，離岸海域及高地吹烈風。明日漸轉西至西南風，風勢逐漸緩和。今晚及明早有幾陣雨。明日部分時間有陽光。氣溫介乎21至26度。
印 尼 尼 亞 斯 島 附 近 6.8 級 地 震 無 傷 亡 報 告 2006-05-17 HKT 01:09
印 尼 西 部 發 生 黎 克 特 制 6.8 級 強 烈 地 震 ， 未 有 傷 亡 及 損 毀 報 告 。
地 震 在 當 地 時 間 晚 上 約 十 時 半 發 生 ， 震 央 位 於 尼 亞 斯 島 首 府 西 南 33 公 里 ， 據 報 地 面 出 現 裂 痕 。
尼 亞 斯 島 沿 岸 地 區 一 年 前 的 強 烈 地 震 ， 造 成 約 900 人 死 亡 。
聽日就上《達文西密碼》了 ~ AM730 仲有漫畫送添 ~ 夠早起身就好了
希 臘 基 督 徒 示 威 抗 議 電 影 《 達 文 西 密 碼 》
好彩香港冇禁影o者 ~ 但其實睇佢都係睇啅頭同睇Tom Hanks o者
如果有人陪就好了 ~ 但成兩個半鐘喎 ~ 邊個會得閒呢
但拎唔拎到份AM730都成問題呢 ~ 除o左西鐵站 同 私人屋苑 都唔知咩地方有得拎 ~ 唔通去荃灣咩 ~ 又唔駛返工 ~ 幾時返去搞埋o的o野好呢
聽日? 後日?
唔知呢 ~ 但想返去前可以買到o個三本百科全書先喎 (「手信」o麻)
唔知呢 ~ 已經叫o左Rainbow自己去信和舖頭仔了 ~ 仲同佢講o左o個本楊丞琳 / 蔡依林做封面/封底o既雜誌有太子(孫協志 / 阿信)的報導 / 訪問
以為打針要打好耐呢 但又唔係喎 ~ 但可能醫生冇改返其實唔係九點鍾o黎而係下晝兩點 交錢時就有o的麻煩了 ~
話啥個期取消o左 ... 講笑咩
之後拎o左張八十二號籌等 ~ 一個半個鐘就入去了 ~ 那位楊愛玲姑娘打o左好多次先打到佢需要o既黃豆 ~ 話打唔好可能會傷到其他組織呢 ......
咁唔知係咪俾人吉o左幾個窿 所以未入藥就頭暈暈 眼花花了
抖o左陣先正式打 ~ 唔計鹽水 有三幾支針呢 其中一支係好大支 紅色的 但打時又冇咩唔舒服
如果之後都冇咩副作用就好了
楊姑娘仲畀o左一罐「倍力加」(ENERCAL Plus) 同另外兩隻奶粉o既sample人呢 ~ 話等人地可以多o的選擇喎 ~ 突然間諗返起上次幫SKCA/LHAC長者睇病個醫生送o左三罐羊奶粉畀人 仲有一罐未開呢
遲o的要打埋去雅培拎番兩包Prosure (保速康)先得 ~ 但街未有得賣 如果真係要賣一定好貴呢 Ensure (加營素) 街價都一百三十幾啦 ~ 佢可能過二百
姑娘話如果冇胃口同口乾唔好食餅乾 買o的蛋糕食 ~ 就走o左去惠康買 o係門口見到翟姑娘呢
佢瘦o左好多呢 ~ 可能佢之前都真係有大病呢 (聽李嘉儀講過下 詳情不詳) 問佢唐姑娘近況點樣 佢又係唔清楚 ~ 唔知佢又駛唔駛做化療呢 ~ 好耐冇搵佢了 好在佢有老公支持呢
希望佢已經可以做返o野 / 老公可以畀佢放心休息啦 ~ 搵日都要搵下佢至得
~ 今日李嘉琪姑娘唔知見唔見到寡人呢
幾時通知Carol (靈實黃姑娘) 同麥精姑娘好呢 (定係都係唔話佢地聽好呢)
今晚又做 白宮群英了 ~ 夠精神就好 ~ 係時候抖下了 (家下先六點)
>>May 17, 2006 at 6:02:09 PM GMT+8
2006 年 5 月 16 日 星期二 【晴】
五月十二日
下晝本來係諗住一條冷去大家樂食意粉的 (已經覺得好豪了)
但又「無啦啦」被「邀請」去飲茶 就食o左四十幾蚊 「手羅」命呀
飲茶時 終於同阿陳Miss講o左點解自己係「傷殘人士」
咁原來同一時間 ~ o係屋企 就收到屯門醫院打o黎o既電話叫人地個仔 早o的去覆診
發生咩事呢 ~ 唔通真係中o左?!
點解呀 ~ 雖然都幾想《大懶堂》 ~ 但人地鍾意對住細路仔喎 .......
如果訓醫院 可以好似o係屋企咁 鍾意睇電視就睇電視 鍾意聽歌 / 上網 就聽歌 / 上網就話o者
如果係o既 就唔怕呀 ~ claim返保險 仲可以每日「賺」番三幾百 ~ 仲好過而家返工添
~ 可唔可以住東區醫院呀 ~ 做手術時住威爾斯好悶呢 ~ 但就算住東區醫院 ~ 東區o既小朋友 都未必會o黎探李sir呢!
唔制呀! 但: 「唔想咁樣, 可以點樣呀?」
以上日記原載於 05月12日 Fri 22:42:43
九點幾其實已經醒o左 但成十一點先起身 搞完一輪 十二點二睇完《天龍八部》就出發去成仔記 ~ 咦! 乜董驃o既〈再向虎山行〉做完喇 ...
去成仔記去o左碗牛河 再食多碗魚旦粗 ~ 原來魚蛋河係叫「白」的
仲原來加三蚊就可以加大呢 ~ 幾個仁濟二中o既牛米 / 牛河好吸引呢 ~ 佢地加落去o個壺係啥o黎架 .....
阿妹話三點出門口 五點返Poly 就要o左個「白」行街 ~ 十二點十走 53分上車 1點零1分返到屋企 ~ 但佢竟然唔要喎 ~ 之後又話咩喉嚨唔舒服唔出添
(結果個魚旦河等阿爸同阿仔去完屯門醫院返o黎先食 ~ 係冇晒水但又唔會散晒喎)
交完錢落到地庫 ~ Call Back Case?!
點解好似咁大陣仗o既 ~ 等佢兩點鐘開門仲要聽到兩個人o係度講一個佢地識得o既人 ~ 原來已經唔o係度 ~ 隱約聽到「翻發」兩個字 ...
未夠兩點半 (唔駛等成個幾兩個鐘喎今次) ~ 入去見Call Base Case將綠色紙上面寫住o既Dr. ASLee (李安誠醫生) ~
佢唔敢講 究竟係幾次開始有metastases ~ 唔記得叫佢好似Wong Kwok Chuen咁print張pathology出o黎
本來早幾日收到電話都想叫「麥精」姑娘同家豪check電腦 ~ 但如果真係叫佢咁做就盞佢擔心
但真係好想睇下今次張o野點寫呢
醫生話唔係病人所講o既左邊胸骨附近有異樣 ~ 而係好散的 ~ 好細粒的
所以一定要做化療 ~ 聽日就開始了 ~ 之後就send o左三個SMS出去同人講 自已可以放大假 但就可能冇得睇世界盃
醫生話咩都要食 唔好戒口喎 ~ 希望好胃口啦
希望快o的好 生日前好返就好 ~
多謝 大狗 陳Miss 同 Rainbow收到SMS後來電慰問 ~ 但這場仗要點打呢 ~ 全由醫生作主好了
所以 ~ 阿妹話見阿哥咁樣 ~ 問點解咁冷靜 自己都唔識畀反應 ... ...
好彩 ~ 肥姑姐同三叔打o黎再冇點畀說話我聽
抗癌藥與sarcoma metastases o既戰爭 明天就要展開了 ...
會唔會連入戲院都冇精神呢 ~ (大把時間喎 ~ 可以睇早場 / 兩點場 ~ 最少人睇的 ~ 唔係人多地方啦)
但已經叫畀o左「舖頭仔」電話叫Rainbow 自己去問《天空之城》DVD幾時返貨的了
其實好想送賣本有楊丞琳同蔡依琳做(雙)封面的雜誌畀佢呢 ~ 事關裡面有孫協志 (MVP情人中的「太子」) 同 阿信(@五月天) 的訪問呢 .... ~ 一定會開心到暈呢 ~ 補完習打多次搵佢 叫佢自己買至得 ......
萬里圖書的袖珍百科全書系列原來有三本的 ~ 搵日去佐敦買番套畀中心至得 ~
>>May 16, 2006 at 9:14:29 PM GMT+8
|
![]()
在此先鳴謝now.com及YouTube
(寡人可是now.com的忠實fans啊)
寡人乃一愛情;事業/學業皆不得意之"凡人"
(註 ~ 不代表寡人不渴求甚麼愛情 >> 向來只取愛理不理之態度 ～隨緣)
說是'凡人'...倒不如說是'煩人'>>還是叫回"(孤家)寡人罷～
寫日記也不過是閒極無聊才寫～練練字罷了
(五年過去,雖練成了速成但仍學不會倉頡)~
各位>>有空來訪的話...請留字... ^^ 寡人於願足矣!
＊這「寡人」零四年起終日有病魔相伴 ( 從此「不在」孤單 ... ... ) ＊ 個日曆唔見o左喇
|
廣告 |
|
|
讀者留言 |
| 路人留言
|
 哨牙大粒墨癦袁佩婷
>>June 15, 2025 at 1:56:43 PM GMT+8
我系一位路人....近期才看您的
>>December 18, 2011 at 3:46:08 PM GMT+8
雖然我同你素未謀面,你又唔識我
>>May 12, 2010 at 12:27:52 AM GMT+8
一路好走...
>>May 7, 2010 at 1:34:40 AM GMT+8
missing you
>>February 20, 2010 at 4:36:52 PM GMT+8
想留言給您, 讓您知道, 大家都
>>February 17, 2010 at 3:09:13 PM GMT+8
師兄,我睇左你依個blog差吾多
>>December 15, 2009 at 4:50:14 PM GMT+8
你其實係邊個呀,我係你小學同學喎
>>October 25, 2009 at 4:19:42 PM GMT+8
看著你日記...真的愈來愈擔心了
>>August 4, 2009 at 11:52:36 PM GMT+8
我鐘意夜少水母stamps =]
>>June 16, 2008 at 8:34:11 AM GMT+8
你呢...晚晚都夜訓...似乎e
>>April 26, 2008 at 2:03:45 AM GMT+8
YAHOO用唔到AR,所以o係度
>>April 2, 2008 at 10:08:19 AM GMT+8
睇完你既野真係冇野好講. 我做
>>March 17, 2008 at 10:07:58 PM GMT+8
你又話寫日記既? 但最新upda
>>February 4, 2008 at 1:04:41 PM GMT+8
嘩.
<br>又一年..
<br
>>December 30, 2007 at 2:04:47 AM GMT+8
snoopy 聖誕快樂, 希望
>>December 25, 2007 at 2:09:25 AM GMT+8
死啦, 會loan 咁做, 我咪
>>December 8, 2007 at 10:20:44 AM GMT+8
阿全叫你寫就寫啦，試下沒有問題的
>>October 30, 2007 at 10:33:09 PM GMT+8
「阿全想找Esther和Snoo
>>October 22, 2007 at 9:23:23 AM GMT+8
醫院放棄唔代表你要放棄, 老兄,
>>October 14, 2007 at 12:49:08 AM GMT+8
現在可以依賴的,不是別人，正是你
>>October 12, 2007 at 2:21:57 AM GMT+8
我頭先落街都見到個月好清, ok
>>September 25, 2007 at 10:55:02 PM GMT+8
做老師不易為, 我小一就知, 不
>>September 23, 2007 at 4:24:07 PM GMT+8
請問...你係o係雅都商場看過林
>>September 14, 2007 at 1:02:59 PM GMT+8
首先, 我都健在呀.
<br>
>>September 12, 2007 at 10:53:04 PM GMT+8
嘩~~日記in the futu
>>September 5, 2007 at 9:46:05 AM GMT+8
hey, 又再傻吓
>>August 31, 2007 at 5:41:07 PM GMT+8
Hi Snoopy( haha,
>>August 7, 2007 at 11:34:00 AM GMT+8
為什麼不update日記?
<b
>>May 14, 2007 at 9:05:05 PM GMT+8
那我有什麼可以幫你呢?都不知道有
>>March 30, 2007 at 2:19:02 AM GMT+8
我都希望你同你的家人都會有一個好
>>December 4, 2006 at 2:16:33 PM GMT+8
知道你的苦...
<br>卻幫不
>>September 27, 2006 at 2:27:41 AM GMT+8
沒有什麼特別事想說，只是想係你l
>>September 22, 2006 at 11:11:23 PM GMT+8
我個icq short左...成
>>June 29, 2006 at 1:57:08 AM GMT+8
to snoopy
<br>好對
>>June 2, 2006 at 12:11:11 AM GMT+8
好似好耐冇聽過你d野咁...
<
>>May 30, 2006 at 12:32:31 AM GMT+8
知道有很有人都在支持你的。但最後
>>May 29, 2006 at 9:58:57 PM GMT+8
見到你個msm同路人既留言，知道
>>May 25, 2006 at 1:25:40 AM GMT+8
放心啦...
<br>到時你好返
>>May 19, 2006 at 1:56:31 PM GMT+8
hihihih
<br>加油呀!
>>May 17, 2006 at 2:10:16 AM GMT+8
你的日記好好睇wow...真的.
>>July 5, 2005 at 11:00:40 PM GMT+8
我都唔想架...我都好唔好意思架
>>April 1, 2005 at 4:17:45 AM GMT+8
攞乜嘢
>>March 25, 2005 at 3:37:51 AM GMT+8
琪琪似乎無乜力量
<br>整個人
>>February 5, 2005 at 1:53:42 PM GMT+8
i am having my l
>>December 19, 2004 at 7:01:40 PM GMT+8
Dear Raymond,
<
>>October 8, 2004 at 9:03:53 AM GMT+8
你好嗎?
<br>希望你真係好l
>>October 3, 2004 at 12:06:47 AM GMT+8
你好,Raymond.恕我冒昧看
>>September 27, 2004 at 4:19:04 AM GMT+8
How are U?
<br>
>>September 7, 2004 at 11:15:02 AM GMT+8
好耐世紀無上網lu
<br>今d
>>September 5, 2004 at 6:10:12 PM GMT+8
|
|
上星期結局睇唔到 ~ 今日終於上now.com睇返
世衛總幹事李鐘鬱入院
可惡呀 ~ 明明買勁量電芯係可以多一件大口仔球衣的
