|
2006 年 7 月 1 日 星期六 【陰】
 日報 五月廿二日訊
  
政 府 被 指 封 殺 7 ． 1 遊 行 宣 傳
【 蘋 果 日 報 6 月 6 日 訊 】 7 ． 1 遊 行 將 近 ， 主 辦 團 體 民 間 人 權 陣 線 的 宣 傳 活 動 ， 卻 遇 到 政 府 部 門 行 政 封 殺 。 民 陣 副 召 集 人 葉 寶 琳 表 示 ， 較 早 前 向 食 物 環 境 衞 生 署 申 請 於 六 月 份 的 周 末 、 周 日 ， 在 旺 角 及 銅 鑼 灣 的 行 人 專 用 區 擺 街 檔 籌 款 及 宣 傳 ， 但 所 有 申 請 不 獲 批 准 ， 又 不 提 供 解 釋 。 民 陣 質 疑 政 府 進 行 政 治 審 查 ， 借 不 批 准 籌 款 及 宣 傳 活 動 打 壓 7 ． 1 遊 行 。
食 環 署 ： 沒 有 針 對
民 陣 等 多 個 團 體 及 多 名 立 法 會 議 員 昨 天 召 開 記 者 會 宣 傳 7 ． 1 遊 行 。 前 立 法 會 議 員 劉 慧 卿 及 公 民 黨 立 法 會 議 員 湯 家 驊 均 指 出 ， 前 和 公 民 黨 也 遇 到 同 類 情 況 ， 申 請 牌 照 在 周 六 、 周 日 進 行 7 ． 1 宣 傳 及 籌 款 同 樣 不 獲 批 准 ， 政 府 只 向 他 們 批 出 人 流 較 少 的 時 段 。 劉 慧 卿 批 評 ： 「 冇 人 時 間 又 畀 ， 有 人 時 間 又 唔 畀 ， 咁 係 咪 玩 ？ 咁 做 係 好 離 譜 。 」
食 環 署 發 言 人 回 應 稱 ， 署 方 是 依 據 一 般 程 序 處 理 申 請 ， 並 曾 徵 詢 警 務 處 、 地 政 總 署 等 部 門 意 見 ， 絕 對 沒 有 針 對 任 何 機 構 。
至 於 會 否 邀 請 曾 參 與 12 ． 4 遊 行 的 政 務 司 前 司 長 陳 方 安 生 參 加 ， 民 陣 召 集 人 鍾 松 輝 表 示 ， 當 日 是 陳 太 到 達 後 他 才 知 悉 情 況 ， 除 了 陳 太 外 ， 民 陣 希 望 全 港 市 民 參 加 ， 也 歡 迎 特 首 曾 蔭 權 參 與 遊 行 ， 雖 然 經 濟 好 轉 ， 但 不 代 表 遊 行 人 數 少 ， 因 為 市 民 不 會 單 看 經 濟 情 況 決 定 是 否 參 與 遊 行 。
今 年 7 ． 1 遊 行 隊 伍 將 由 青 少 年 及 勞 工 團 體 帶 頭 。 民 陣 民 主 發 展 及 民 生 小 組 召 集 人 李 偉 儀 批 評 特 區 政 府 畏 縮 ， 不 敢 替 港 人 爭 民 主 。 湯 家 驊 則 呼 籲 市 民 當 天 「 一 拖 五 」 到 維 園 ， 壯 大 遊 行 聲 勢 。
 060522 22:00:00 060606 09:09:21
城 巴 今 起 停 辦 天 水 圍 6 線 (6月14日訊)
西 鐵 引 發 的 新 界 西 北 公 共 交 通 淘 汰 戰 ， 城 巴 率 先 出 局 ， 城 巴 六 條 行 走 天 水 圍 嘉 湖 山 莊 至 市 區 的 非 專 利 巴 士 線 ， 由 於 長 期 嚴 重 虧 蝕 ， 計 劃 由 七 月 一 日 起 全 線 停 辦 ， 共 有 50 名 司 機 受 影 響 。 嘉 湖 山 莊 正 急 尋 其 他 巴 士 公 司 接 辦 巴 士 線 ， 以 免 數 以 千 計 居 民 的 對 外 交 通 受 影 響 。
  060606 09:11:38 06月16日 Fri 18:48:31
 
 
7 ‧ 1 民 主 路 少 女 為 遊 行 甘 變 「 乾 煎 蝦 碌 」
對 於 上 任 一 年 的 曾 蔭 權 ， Doris 覺 得 他 漠 視 民 意 ， 因 此 7.1 必 須 上 街 表 達 不 滿 。
就連這位少女都看清了事實,為何普羅市民就是看不清呢? 醒醒吧!!
>>June 26, 2006 at 6:28:08 PM GMT+8
2006 年 6 月 30 日 星期五 【晴】
美國昨晚加息四分一厘 但匯豐 恆生 同 渣打都唔跟
咁中銀同東亞呢 ~ 利息好重要的啊 ... ...
但就因為唔跟 加上大市認為有排都唔加息 所以今日股市係咁升 升上一萬六千二百點的水平 ~ ~ 戶口的錢都可以咁樣升法就好了
因乜解究港台網頁個版面唔同o左o既 ~ 新聞版面仲咁似商台o個個o既 ... ...
但點解 冇提到 英政府公開六十年代機密檔案 話如果當時中國政府打算武力收返香港的話 美國會以核武對付中國呢單「新」聞 o既 ......
屯門東配水庫附近發生的命案 疑兇原來是住在附近的 是同邨的
怪唔得頭先望落樓下 會見到 東方太陽架車啦
青藏鐵路聽日正式通車 ~ 但應該唔會睇直播了 ~ 做《大時代》o麻
更加唔會睇升旗儀式啦
九年前今日 彭定康落著雨 喊著走
九年來 好多香港市民就喊咁口 ~ 但最近好似多o左眼盲的香港人 ~ 睇唔清政治並不清明 ... ...
九年後的今日 點解會係高考放榜o既?! 不嬲係七月格
>>June 30, 2006 at 7:20:42 PM GMT+8
2006 年 6 月 29 日 星期四 【晴】
尋晚播o既《The West Wing》原來係第132集 言則這第六輯仲有四集 ~ 條牟利尋日話會買返呢套DVD俾人 (始終唔知信唔信佢好)
以前九點幾做就可以集中o的精神睇 ~ 而家 十二點做 ~ 尋晚Santos點樣出奇制勝贏o左加州o既選票返o黎 都變得唔清唔楚 ~ 所以有機會一定要睇碟
＊如果個病要搞好耐 ～ 好彩間唔中可以補下習 起碼可以幫補下 ~ 唔通真係要成日入院咩
但又冇理由搵返阿鄧伯伯 同佢去睇醫生 / 跌打架o麻 ~ 咁多個月冇幫佢 人地都唔要你啦 ＊
因為尋日打唔成針 咁"如無意外" 135集要睇o既話就要o係醫院睇
但問題係 究竟係咪真係得右邊o既肋骨中招呢 左邊都有少少痛喎
愈諗愈驚 (但唔諗就冇事?!)
經過差唔多一晚o既考慮 ~ 阿妹突然「開竅」 ~ 知道原來新鴻基份工其實原來係佢一直都唔想做o既「地產經紀」
但點解會傻奸奸報o左呢 ~ 原來係俾"Customer Service Representive" 個'representive'一字呃o左
知道後 就決定唔去馬 ~ 但又喊o左成晚 ~
係 係屋企想佢快o的搵到工 ~ 但都冇人迫佢 亦冇話佢一定要俾到幾多幾多家用 (其實佢肯慳就已經好好了)
本來校o左鬧鐘四點幾響的 ~ 但可能又唔記得校佢響 ~ 結果 ~ 近日來首次三點幾訓到六點幾
睇唔到陳玉佳 又睇唔到財經新聞 / 《人龍傳說》 / 接《七年級生》o既新劇《雪天使》(又係顏行書) / 《男兒本色》/ 仲有《香港 '81》呢
但就慶幸差唔多睇完本《世界盃 你知道不知道?》
又慶幸阿伯走o左去同肥姑姐飲茶 ~ 打包o左蓮蓉包 ~ 但就買唔到馬拉糕
早知叫佢地打包埋瀨粉 / 炒麵 / 瑤柱蛋白炒飯都唔錯呢
下午茶時間應該冇 炸鮮奶食 ~ 幾年冇食過喇
《法證先鋒》今晚講一個差人 平時咩都唔理就冇穿冇爛乜事都冇 但點知一做返個正經差人o既時候就招來殺身之禍了 29日 Thu 19:34:02
>>June 30, 2006 at 7:10:38 PM GMT+8
2006 年 6 月 28 日 星期三 【晴】
 
1:0
 2:0
 
 3:0 完場
估唔到 巴西贏加納可以贏得咁輕鬆 ...
法國仲反勝西班牙3:1 添
兩隊將會「重演」98年決賽?! 希望今次結果不要如上次對賽般 (巴西食蛋)就好了
據《世界盃 你知道不知道?》一書提到 被譽為世界盃史上最精采的賽事 原來是1986年的半準決賽 巴西 vs 法國 但書中就沒有提及該賽的結果 (86年墨西哥世界盃 當然唔記得啦)
但真希望這場將在德國時間7月1日晚上演的 巴西對法國半準決賽 會取代20年前的 巴西對法國 半準決賽 成為世界盃史上最精采的賽事啦 ......
好期待呢
因為要覆診 今日冇睇到老靜講「巴西vs加納」場波o既精華 就出o左門口了
第一次是李嘉琪姑娘幫人家抽血的 她說抽開的位置"硬硬地"呢 所以佢抽落少少 抽第二個位
好開心啊 ~ 第一次完全唔痛呢
不過過了差不多兩個鐘 ~ 終於等到醫生叫名 ~ Sze Wing Kin醫生說今次的白血球也不是很高
所以今日唔打針 ~ 問佢為何不試試其他(比化療)較有效的方法
他說這病真的很罕有 ~ 也不能肯定其他方法的成效 ~ 而不是不知道有其他方法 / 因其他方法 (如:「聰明子彈」等) 太貴
如果有其他方法當然好啦 ~ 不過就可能要中六合彩 / 3T 先有能力了 (問題係根本都唔買六合彩 / 買馬)
不過這位Sze醫生又講o左o的o野 佢話咁做o左成廿年 佢先見過三個咁o既case 第一個就係廿年前 「初時」情況已比寡人兩年前的嚴重 但他在威爾斯只做了四年就來了屯門醫院 ~ 之後就不知道他的情況
但「慶幸」的是他起碼四年後仲健在 ~ 但不幸的是四年也醫不好 ~
咁20年後 (2006年) 他眼前的這位病人又如何了 ~
他說那位病人 「初時」個肺已經有很多"粒粒" 只能肯定是軟組織發的病
所以就用聽筒聽云全身 ~ 最後發現大脾有雜聲 ~ (不知他的大粒還是人家的大粒)
他說因為罕見 所以 很多醫生也很有興趣
他安慰人家說 有新療法 一定很快知道的 亦不會不對病人說 更說而家所有醫生都要知道有這種病的存在(發病原因除外) 唔係就畢唔到業 ~ (唔怪得未做手術前 被人當研究對象啦)
但他又說 (終於有醫生肯說) 為何出院時會覺得右邊肋骨會有點痛 原來佢話 唔單止係個肺有
右邊第七節肋骨都有 ~ 仲話如果真係再係咁痛 可能就唔可以用化療去搞佢了 可能要靠電療
但電療只能針對這第七節肋骨 針對個肺 (但禍及全身)的化療就要拍停 .. .. ..
下星期三o的白血球又點呢 ......
覆完診 ~ o係「七．十一」揭o左少少便利
原來阿叔 同阿爸係同年架 ~ 但睇無箭個廣告 齋睇佢零二年個look ~ 四年來已老o左好多呢
係多病o左 定係因為喪偶真的那麼可怕呢 ~ 就連火都冇埋
但就因為火氣少o左 阿妹同佢阿哥都開始有點唔捨得阿叔了
準決賽 兩賽 (4/7晚 5/7晚 凌晨三點) 決賽 (9/7晚 凌晨兩點) 就是阿叔 林尚義 退休前最後的三場波了 唔會再有freelance 唔會出自傳 (希望有商人同佢出碟啦 當然要佢肯 同佢有錢分 ~ 等人可以懷念下o麻)
(唔似得 伍晃榮咁 話休唔休 零八 北京奧運 佢都會出返o黎呢)
阿爸話好返 大把有得睇 幾多屆都有得睇 ~ 假o既 ......
但陳miss 說早o的訓 休息多o的 身體會好o的 可能係真o的
不過 都訓得好多啦 ...... 好開心以為今晚蘆葦琪做主播呢 ~ 但只見佢幾秒鐘 同聽到佢把聲三幾世句乍 可能因為佢而家要做《香港的驕傲》主持 所以少o左報新聞 ~ 尋晚又見唔到曾詠珊咁濟喎 28日 Wed 20:05:17
個咁醜樣o既邊個o黎架 ~ 不過唔好話人 ~ 戴著頂帽不知幾多人望 ~ 仲要個做老豆o既係要同人挽袋 ~ 俾個阿婆睥到實 ~ 不過佢上輕鐵時因為要撞開我呢個傷殘人士 而差點差錯腳
好呀 ~ 佢今晚真係七點鐘開始報新聞呀
最開心都係連續幾日 (四日有三日) 都有上戶彩o既新聞 (可惜要睇相就要落街買報紙) ~ 唔係就可以擺張相上日記啦
6月25日報導:
6月27日報導:
彩 妹 牙 力 足 靚 絕 日 本 藝 壇
日 本 成 人 矯 正 牙 齒 學 會 ， 每 年 均 會 舉 行 E-Line Beautiful 大 獎 頒 獎 典 禮 ， 以 表 揚 牙 齒 整 齊 、 側 面 線 條 最 美 麗 的 女 性 ， 今 年 大 獎 得 主 是 青 春 偶 像 上 戶 彩 。
現 年 20 歲 的 上 戶 彩 打 敗 了 1,000 名 候 選 者 奪 魁 ， 前 日 她 穿 上 吊 帶 裙 ， 並 束 起 頭 髮 到 場 捧 獎 ， 大 晒 她 潔 白 整 齊 的 牙 齒 ， 彩 妹 說 ： 「 我 是 牙 醫 狂 迷 ， 每 兩 、 三 個 星 期 便 看 一 次 牙 醫 。
取消一號戒備信號 (18:42) 2006年6月28日
由於熱帶風暴杰拉華逐漸遠離本港，天文台在傍晚六時四十分取消一號戒備信號。
>>June 30, 2006 at 7:11:44 PM GMT+8
2006 年 6 月 27 日 星期二 【酷熱】
拎先張票 等阿爸睇埋睇科 拎眼鏡 買麵包 之後就「拿拿淋」走去入票了
(唔記得拎錢出o黎添) (又唔記得睇下間「藝視」搬o左去邊)
之後就行返轉頭 阿爸就見到一個中心姑娘出差 就問佢又知唔知藝視係咪搬o左
佢就話俾一個外國財團收購o左 ~ o係返而家高登個舖位 ~ 早幾日配眼鏡時見到呀 ~ o的架好貴好貴喎 ~ 咁唔知阿妹以前o係藝視買開o既con 仲有冇得買 會唔會都係好似o的架咁 (好貴)
就o係附近 見到市廣場重播尋晚 意大利 vs 澳洲 播淨幾分鐘就睇埋佢先走
意大利好好彩呀 (係咪真係因為澳洲o個位球員隻手有動作呢) 下半場補時十二碼 托迪射中
一比零 順利進入八強
 點解入完波要食手指o既 ~ 仲細咩
烏克蘭又唔知係咪叫好彩 ~ 一百二十分鐘 同瑞士打成平手 要互射十二碼
第一輪 呼聲極高的舒夫真高射失 (被龍門救到) 之後 三輪 瑞士同第一輪一樣都係唔中 / 飛機 / 被龍門救到
烏克蘭就連入三球 ~ 結果以三比零入八強
 
 
 
但瑞士教練話比賽前 班球員個個十二碼入網的 點解 .... .... 伍家謙仲話九三年賀歲盃 瑞士都係用十二碼戲走日本的
但點解 .... ....
可能 意大利同烏克蘭尋晚都係死好彩 ......
講返配o左o個副新眼鏡 ~ 都幾靚 但個磁石似乎唔係咁好 貼多幾次 眼鏡同太陽鏡o既磁石 就會互相磨花的 ~ 一日都未夠 ~ 似乎都係舊款好玩o的 實用o的 ......
新聞透視再講隱蔽青年 ~ 家下醫生話唔好去咁多人多o既地方(阿爸就成日都哦呢樣o野) 係想去 但都冇去啦
又話愈耐冇工做 / 冇書讀 就愈會同社會脫節 ~ 咁 .... 人地想o既咩
好驚會變成「隱蔽青年」呢 ~ 唔係唔想搵人傾偈 / 出街呀 ~ o的人咁難搵 ......
唔要做隱蔽青年呀
麥記 買一送一 聽日又係魚柳飽 ... ...
o係市中心買細雞 ~ 個名牌寫住「Trainee」o既 竟然同人講「每人限買一份」
咩呀 ~ 你地今日買一送一o麻 ~ 買兩盒唔係「一份」係啥呀 ~ 真係好想鬧鬼佢
阿媽下晝返o黎 就o係樓下再買細雞 ~ 唔知點解尋日同人落order o既"Apple" 會同人地講 sorry ...
兩位麥記員工 都令人 莫名其妙 ......
ps: 一號風球 現正懸掛 ... ...
熱 帶 低 氣 壓 「 杰 拉 華 」 現 時 (下午四時) 集 結 在 香 港 以 南 500 多 公 里 ， 向 廣 東 西 部 移 動 。 預 計 今 日 稍 後 ， 改 發 三 號 強 風 訊 號 的 機 會 不 大 。
今晚 巴西贏定加納贏呢
葡 萄 牙 要 求 取 消 迪 高 紅 牌
~ 點解最近o的港台新聞好似成日出錯o既呢 ~ 報導入面寫錯「迪高」做「費高」 .....
PS2: 原來網上重溫 《小時候 - 小小亞細亞》 唔係足本o黎o架
點解架 ... 佢海外段片原來o係網上重溫係唔播的 ~ 早知就唔睇咩「走出隱蔽」啦
睇完都係一樣「隱蔽」o既o者 ......
>>June 27, 2006 at 7:54:10 PM GMT+8
2006 年 6 月 26 日 星期一 【酷熱】
點解要走呢?
今早天水圍天恩「村」對開河邊 食環署捉小販
一名賣中藥的羅姓伯伯被四、五名食環署人員追捕 情急下跳河
誰知游不過對岸就沉了 ~ 在場人士說食環署人員只顧拉人 不理人家死活 只在「隔岸觀火」沒有報警 / 嘗試請救
但試問若不是食環署職員報警 ~ 在場人士 (好可能是其他小販) 又做了甚麼 ~ 不也就是「隔岸觀火」嗎?! 有報警嗎? 有落河救人嗎?
但最奇怪的應要數竟然要半個鐘消防車先到 (天水圍有消防局呀) 意外後幾近一小時先將羅伯伯「救起」
惜最後返魂無術 ~ 走咩呢?!
~ 原來三個月少三日 (三月廿九日) 長沙灣也有小販為逃避食環署人員追捕而被車撞倒
走咩呢?
零一年曾墮馬的著名騎師昨日再次墮馬 還被另一隻馬匹踏傷
新聞片所見 他抵達醫院時是清醒的 ~ 但昨夜情況由嚴重轉為危殆 ~ 原來他像零一年一樣
再一次昏迷了
真可謂「行船跑馬三分險」 ~ 希望快o的醒啦 (雖然不是馬迷)
今日 最開心的新聞可能是 再一次見到碧咸o既招牌罰球再次見功
還為英格蘭帶來進入八強的入場券 ~ 另一邊箱 ~ 葡萄牙對荷蘭 雙方共獲十六面黃牌 (葡萄牙九面) 並各得兩面紅牌
今屆世界盃總紅牌數字已達廿三面 (超越九八年的廿二面) 罪在球員? 罪在球證? (朗尼都應該拎o下牌啦 ~ 咁冇品 ~.~ 好似野獸咁 ...... 下場應該收起佢啦 ~ 真係冇戰頭了嗎?
世 界 盃 十 六 強 ， 英 格 蘭 憑 碧 咸 妙 射 自 由 球 破 網 ， 以 1:0 擊 敗 厄 瓜 多 爾 ， 連 續 兩 屆 晉 身 八 強 。
今 場 變 陣 出 擊 的 英 格 蘭 ， 排 出 五 人 中 場 線 ， 由 卡 域 克 負 責 中 場 掃 蕩 ， 謝 拉 特 與 林 柏 特 輪 流 支 援 任 單 箭 頭 的 朗 尼 ， 但 在 炎 熱 天 氣 下 ， 未 能 發 揮 水 準 ， 更 幾 乎 在 早 段 先 失 一 球 。
10 分 鐘 ， 中 堅 泰 利 解 圍 卻 把 球 頂 後 ， 厄 軍 前 鋒 卡 路 士 坦 奴 利 奧 單 刀 起 腳 抽 射 ， 但 被 回 防 的 艾 殊 利 高 爾 及 時 阻 截 ， 令 皮 球 改 變 方 向 ， 中 楣 彈 出 。
英 格 蘭 球 員 上 半 場 似 乎 仍 在 適 應 新 陣 ， 中 場 未 有 清 晰 分 工 ， 令 前 線 的 朗 尼 缺 乏 供 應 ， 孤 掌 難 鳴 ， 僅 靠 謝 拉 特 和 林 柏 特 的 遠 射 ， 製 造 埋 門 機 會 ， 俱 無 功 而 還 。
下 半 場 英 格 蘭 改 變 踢 法 ， 取 得 較 多 控 球 權 ， 終 在 60 分 鐘 打 開 紀 錄 。 碧 咸 在 左 邊 禁 區 角 對 出 主 射 自 由 球 ， 皮 球 越 過 人 牆 ， 急 墜 向 龍 門 左 下 角 ， 彈 內 柱 入 網 。 碧 咸 繼 98 年 後 ， 再 次 在 決 賽 周 射 入 一 記 絕 妙 的 自 由 球 。
厄 瓜 多 爾 在 落 後 下 ， 未 能 組 織 有 效 攻 勢 反 撲 ， 更 有 射 手 卡 路 士 坦 奴 利 奧 傷 出 。 75 分 鐘 ， 朗 尼 在 禁 區 邊 起 右 腳 施 射 ， 被 門 將 沒 收 ， 英 格 蘭 最 終 保 著 勝 局 至 完 場 。 ＊點解泰利 (John Terry) 會係今場o既最佳球員呢? 奇怪 佢同厄瓜多爾o既前鋒Carlos Tenorio都因為互相侵犯對方面各得一面黃牌喎 ... 奇怪!
又話流動圖書車三/十 會有《邊荒傳說》第一期o既
點知有第五期、六、七、八 / 九 、廿四、三十 就係冇第一、二期 ~ 咁最多去大興law
結果借o左《藉著雨點說愛你》不著小說《現在，很想見你》
之後買o左六個魚柳包 (今日買一送一) 等成十分鐘
以為阿媽去o左舖頭 ~ 點知 ~ 返上樓就見佢o係lift 口 ... 結果佢冇食到
阿妹又要分晒佢 ~ 結果阿爸下晝想食藥就冇o野食送 ~ 聽日輪到「細雞」買一送一喎
都好喎 ...
黃小姐又話出o左張票喇 ~ 豪少少都唔怕啦 (但都要慳o的駛 ~ 慳到o個六百九都唔夠駛一個月 除非以後醫生都肯寫o個張紙 ~ 俾「病人」慳返六百九就話o者
唔係以後唔claim好過claim 入三日院 ~ claim得一千蚊 成本至少八百九喎 ..... )
好想發燒添 (痴線架)
阿妹聽日去嘉智見工 ~ 值得慶祝 ~ 加油啊 (你打字叻個阿哥個喎 ~ 但原來一定要望晒個keyboard? 如果keyboard冇倉頡碼就係咁?! 26日 Mon 19:24:04 Mon 21:26:06
>>June 27, 2006 at 8:00:40 PM GMT+8
2006 年 6 月 25 日 星期日 【酷熱】
德國2:0擊敗瑞典順利進入八強
阿根廷多得墨西哥的烏龍波 90分鐘打成1:1平手 加時12分鐘 2:1 進入八強
不過今朝又遲起身 睇唔到無記播德國場波o既精華
今晚阿根廷場波又會同亞視撞期 .. .. ..
《哈o羅,黑傑克》o既劇情真係好灰,好黑呢
香港o既醫院係咪都係咁呢 ... 好得人驚呀 ... ...
都話o左o個個人得個講字架啦 ~ 口口聲聲話會買《白宮群英》DVD俾人喎
搞到個妹就要人買《X and the City》俾佢
尋晚佢就miss o左明珠台o個集 ~ 劇集台上星期播完一輯今日又冇播新一輯
所以佢就嘈到拆天呢 ......
今晚英格蘭入唔入到八強呢 ~ 佢同德國 / 阿根廷會唔會o係決賽碰頭呢
到時 (球場內 / 外o既騷亂)就好睇了
頭三輯《白宮群英》唔知幾時「有時間」煲呢
日日都煲緊TVB喎 .... 尋日陳miss話煲o左十集《追魂交易》
佢就好啦 ~ 人地都好想睇呢 ~ 頭幾集都幾得意呀 ~ 不過中間miss o左幾集
last 幾集o係醫院睇的 ...
始終覺得《王子變青蛙》個結局o黎得好突然 ~ 雖然套劇好鬼長
>>June 25, 2006 at 7:04:12 PM GMT+8
2006 年 6 月 25 日 星期日 【晴】
 
 
 
 
>>June 19, 2006 at 3:26:18 PM GMT+8
2006 年 6 月 24 日 星期六 【酷熱】
好熱呀
酷熱天氣警告 好似尋晚成晚都冇除下呢
今日睇新聞仲見到「40度」呢 ...... 太恐怖了
咁熱 ~ 做咩好呢
好彩有《大時代》六至十集睇 ~ 但遲o左起身 睇唔到第六集 / 西班牙對突尼西亞
要下晝先可以睇返第六集 ...
下星期六十點 有《高智能方程式》做 會撞期添 ~ 點算
尋晚落街 見到《三國志》終於出o左廿八期喇 ~ 下個月會出埋最後o既廿九期
一見到已經心思思想買 咁今日就特登去o左盈豐買(為o左慳四蚊) ~ 行去o既時候就見到十一樓o既梁同學 ~ 原來佢走去踢波 ... ...
點解平時唔覺石排同新圍站中間o個條樓梯唔覺有人行o既 但點解今日見有人o係o個度行落山o既呢
又點解 冇講三集o既 新排球女將角色 又會出現番o既呢 ~ 但又冇提佢阿媽好返未
又點解「煲呔曾」o既呢封香港家書唔係寫俾屋企人 而係寫俾香港人呢
借問聲「我係你邊位」 / 「你係我邊位」呀?!
>>June 24, 2006 at 11:18:04 PM GMT+8
2006 年 6 月 23 日 星期五 【酷熱】
收起五名主力球員 巴西一樣贏日本 4:1
仲要有兩球係朗拿度入o既添 ...... 睇o黎朗拿度暫時都唔會再俾人話冇料喇
 
加納贏澳洲 2:1 成為第一支 (唯一一支) 進入十六強o既非洲球隊
但下場對巴西喎 ~ 都好難再入八強了
朗拿度仲平o左西德一位球員o既世界盃入球紀錄 (14球) 應該好快破紀錄
佢亦破o左比利o係世界盃o既入球數字 ... ... 180磅 原來都唔講得笑呢
克羅地亞同澳洲 2:2 平手
澳洲F組次名出線
但紅牌數字就唔係平手了 ~ 兩隊夾埋領三面 / 四面紅牌
克羅地亞有個施蒙歷仲搞笑 臨完場領多面黃牌 同球證理論 結果吹長雞之後都要俾人趕出場'
但俾唔俾紅牌都係一樣 ~ 一來完o左場 二來佢地都冇得踢下場
青藏鐵路第二期 下星期通車 原來係七月一號o黎
啟德發展藍圖似乎終於定案 ... 係咪無煙城呢 ~ (第一篇日記駛唔駛改呢)
明明話有路駁去將軍澳 點會冇路 (或支路) 入觀塘呢
新政府總部o既發展亦有定案 ~ 政府唔駛諮詢公眾 就決定第三季招標 仲話最快2010年落成?!
唔怪得今日咁火滾啦 除o左新聞 ~ 今年第一個酷熱天氣警告現正懸掛
《男子漢》睇到大結局都唔係好明點解叫「男子漢」 ~ 除非你話「差人」=「男子漢」啦
但 都唔係個個係掛 (都咪話唔火滾) 但都唔覺今日真係好熱o者
如果法國再次入唔到十六強 法國國民都應該會幾火滾
PS: 加 拿 大 總 理 用 廣 東 話 向 華 工 道 歉 2006-06-23 HKT 19:12
加 拿 大 總 理 哈 珀 特 別 用 廣 東 話 ， 就 百 多 年 前 政 府 向 華 工 徵 收 人 頭 稅 道 歉 ， 並 宣 布 賠 償 方 案 。
當 年 八 萬 多 名 納 稅 華 工 之 中 ， 只 有 大 約 20 人 仍 然 在 世 。 部 份 表 示 終 於 獲 到 尊 重 及 道 歉 ； 亦 有 人 認 為 ， 平 反 方 案 並 不 足 夠 。
幫妳修橋補路 遲o左成百年先作道歉 / 賠償 ~ 唔火滾就勢係假啦! 簡直把幾火!
>>June 23, 2006 at 8:02:00 PM GMT+8
|
![]()
在此先鳴謝now.com及YouTube
(寡人可是now.com的忠實fans啊)
寡人乃一愛情;事業/學業皆不得意之"凡人"
(註 ~ 不代表寡人不渴求甚麼愛情 >> 向來只取愛理不理之態度 ～隨緣)
說是'凡人'...倒不如說是'煩人'>>還是叫回"(孤家)寡人罷～
寫日記也不過是閒極無聊才寫～練練字罷了
(五年過去,雖練成了速成但仍學不會倉頡)~
各位>>有空來訪的話...請留字... ^^ 寡人於願足矣!
＊這「寡人」零四年起終日有病魔相伴 ( 從此「不在」孤單 ... ... ) ＊ 個日曆唔見o左喇
|
廣告 |
|
|
讀者留言 |
| 路人留言
|
 哨牙大粒墨癦袁佩婷
>>June 15, 2025 at 1:56:43 PM GMT+8
我系一位路人....近期才看您的
>>December 18, 2011 at 3:46:08 PM GMT+8
雖然我同你素未謀面,你又唔識我
>>May 12, 2010 at 12:27:52 AM GMT+8
一路好走...
>>May 7, 2010 at 1:34:40 AM GMT+8
missing you
>>February 20, 2010 at 4:36:52 PM GMT+8
想留言給您, 讓您知道, 大家都
>>February 17, 2010 at 3:09:13 PM GMT+8
師兄,我睇左你依個blog差吾多
>>December 15, 2009 at 4:50:14 PM GMT+8
你其實係邊個呀,我係你小學同學喎
>>October 25, 2009 at 4:19:42 PM GMT+8
看著你日記...真的愈來愈擔心了
>>August 4, 2009 at 11:52:36 PM GMT+8
我鐘意夜少水母stamps =]
>>June 16, 2008 at 8:34:11 AM GMT+8
你呢...晚晚都夜訓...似乎e
>>April 26, 2008 at 2:03:45 AM GMT+8
YAHOO用唔到AR,所以o係度
>>April 2, 2008 at 10:08:19 AM GMT+8
睇完你既野真係冇野好講. 我做
>>March 17, 2008 at 10:07:58 PM GMT+8
你又話寫日記既? 但最新upda
>>February 4, 2008 at 1:04:41 PM GMT+8
嘩.
<br>又一年..
<br
>>December 30, 2007 at 2:04:47 AM GMT+8
snoopy 聖誕快樂, 希望
>>December 25, 2007 at 2:09:25 AM GMT+8
死啦, 會loan 咁做, 我咪
>>December 8, 2007 at 10:20:44 AM GMT+8
阿全叫你寫就寫啦，試下沒有問題的
>>October 30, 2007 at 10:33:09 PM GMT+8
「阿全想找Esther和Snoo
>>October 22, 2007 at 9:23:23 AM GMT+8
醫院放棄唔代表你要放棄, 老兄,
>>October 14, 2007 at 12:49:08 AM GMT+8
現在可以依賴的,不是別人，正是你
>>October 12, 2007 at 2:21:57 AM GMT+8
我頭先落街都見到個月好清, ok
>>September 25, 2007 at 10:55:02 PM GMT+8
做老師不易為, 我小一就知, 不
>>September 23, 2007 at 4:24:07 PM GMT+8
請問...你係o係雅都商場看過林
>>September 14, 2007 at 1:02:59 PM GMT+8
首先, 我都健在呀.
<br>
>>September 12, 2007 at 10:53:04 PM GMT+8
嘩~~日記in the futu
>>September 5, 2007 at 9:46:05 AM GMT+8
hey, 又再傻吓
>>August 31, 2007 at 5:41:07 PM GMT+8
Hi Snoopy( haha,
>>August 7, 2007 at 11:34:00 AM GMT+8
為什麼不update日記?
<b
>>May 14, 2007 at 9:05:05 PM GMT+8
那我有什麼可以幫你呢?都不知道有
>>March 30, 2007 at 2:19:02 AM GMT+8
我都希望你同你的家人都會有一個好
>>December 4, 2006 at 2:16:33 PM GMT+8
知道你的苦...
<br>卻幫不
>>September 27, 2006 at 2:27:41 AM GMT+8
沒有什麼特別事想說，只是想係你l
>>September 22, 2006 at 11:11:23 PM GMT+8
我個icq short左...成
>>June 29, 2006 at 1:57:08 AM GMT+8
to snoopy
<br>好對
>>June 2, 2006 at 12:11:11 AM GMT+8
好似好耐冇聽過你d野咁...
<
>>May 30, 2006 at 12:32:31 AM GMT+8
知道有很有人都在支持你的。但最後
>>May 29, 2006 at 9:58:57 PM GMT+8
見到你個msm同路人既留言，知道
>>May 25, 2006 at 1:25:40 AM GMT+8
放心啦...
<br>到時你好返
>>May 19, 2006 at 1:56:31 PM GMT+8
hihihih
<br>加油呀!
>>May 17, 2006 at 2:10:16 AM GMT+8
你的日記好好睇wow...真的.
>>July 5, 2005 at 11:00:40 PM GMT+8
我都唔想架...我都好唔好意思架
>>April 1, 2005 at 4:17:45 AM GMT+8
攞乜嘢
>>March 25, 2005 at 3:37:51 AM GMT+8
琪琪似乎無乜力量
<br>整個人
>>February 5, 2005 at 1:53:42 PM GMT+8
i am having my l
>>December 19, 2004 at 7:01:40 PM GMT+8
Dear Raymond,
<
>>October 8, 2004 at 9:03:53 AM GMT+8
你好嗎?
<br>希望你真係好l
>>October 3, 2004 at 12:06:47 AM GMT+8
你好,Raymond.恕我冒昧看
>>September 27, 2004 at 4:19:04 AM GMT+8
How are U?
<br>
>>September 7, 2004 at 11:15:02 AM GMT+8
好耐世紀無上網lu
<br>今d
>>September 5, 2004 at 6:10:12 PM GMT+8
|
|
尋晚播o既《The West Wing》原來係第132集 言則這第六輯仲有四集 ~ 條牟利尋日話會買返呢套DVD俾人 (始終唔知信唔信佢好)