2004 年 1 月 7 日 星期三 【晴】

icq傾下傾下又傾到好夜添~haha
不過令我知道大家都好關心我....特別係我既感情問題
可能大家都怕我會俾人欺負啦~
阿威真係愛屋及烏...佢太愛mil mil啦~
連我都要佢擔心埋...我知阿威怕mil mil會因為我唔開心...
又會令到mil mil唔開心啦~

我唔會做一個蠢女人.....
感情既事...勉強唔黎架！
放心喎~ 我明白肉體關係依樣野係留唔住男人既心
所以唔會去嘗試！！
但真係唔知...乜原來十個男人十個都會想要架？(依句好精景呀！)
....而且仲會貪新鮮添？
唉....男人太靠唔住啦~

原來飲得茶多個肚會仲痛既~
唔怪得啦~食飯時我飲左好多香片....
嘩~馬拉糕呀！好耐都無食過...都算過得去啦~
但始終都食唔到傳統既馬拉糕....
仲好記得細個時學校附近間嘉喜酒樓既馬拉糕！
今日同dada、eddie三個分左籠雞扎既腐皮黎食,haha~ ^ ^ ~
馬蹄糕真係咁好食咩？...我唔識欣賞呀....

今日放左學買左好多日用品....
買printer既ink, shampoo, 牙刷,牙膏......
無晒錢呀~今期仲要仲要交八千幾蚊學費添.....
有野想買都唔得
唯有迫自己唔好去咁多街啦.....

點解係巴士到一訓醒已經係天黑既？
我好似訓左好耐好耐咁~

唔知我可愛既細表弟係點樣既呢？
可唔可愛既呢？

>>January 7, 2004 at 10:02:26 PM GMT+8

2004 年 1 月 7 日 星期三 【晴】

唔.....將來間房我想可以望到海呀！
但睇情況又好似唔可以咁....

我想去旅行....但無時間吖....
過完年就要考試
但如果真係去,去邊好呢？
最好就係去泰國,未去過嘛~
跟住就係北京...去行長城、故宮
另外去.......
其實去邊都好啦！
最好就係可以同一班好妹姐(mil,katy.karin)一齊
咁去邊玩都一樣咁開心啦！！

唉....d人講大話既.....
氹你個時又話會點會點
但轉頭嘛~又話遲d補償
不如以後都唔駛補仲好啦~
大家落得輕鬆嘛！！

>>January 7, 2004 at 1:44:52 AM GMT+8

2004 年 1 月 6 日 星期二 【晴】

今日英文interview呀....
唉....雖然唔係好緊張...
但......
算啦！合格就可以架啦！

今日買左燒墨丸包~ ^ ^ ~

>>January 6, 2004 at 6:55:16 PM GMT+8

2004 年 1 月 5 日 星期一 【晴】

好眼訓呀~唔想起身.....
訓得果幾個鐘！
止痛藥已經食左半打
麥提紗一盒......我要食好甜好甜既野呀~

地鐵塞車呀！....停一個站都要成個字至開車.....
係車到訓......

遲左落堂去到街市無位坐
靚仔要幫手搵位至得架！！

好多野要set呀！不斷係到貼cable
現場睇band show既感覺係唔同d
打鼓真係好型呀！！
今日都算玩得幾開心既~
唔覺唔覺十點都唔知呀~
berri一早走左添~

今日同大隻傾左陣.....
佢俾左好多對於將來工作既意見我
period依個問題真係好重要~
好多野都好講period
就連愛情都傾左少少
大隻話愛情要長跑先至過癮喎~haha

>>January 6, 2004 at 6:56:24 PM GMT+8

2004 年 1 月 4 日 星期日 【晴】

聽完d留言...感覺就好似俾人鬧緊咁...
條氣就更加落唔到.....
連我自己都唔知自己想點....
咁又點答得出...想點喎~
我知架,只係為左係出團之前將件事擺平
所以先至有一方扮晒有錯咁講對唔住
其實咁又可必呢？點解唔可以俾我靜幾日
下下都攞d客黎威脅我咁....
都離左境啦！乜野寧願唔出團...
乜野無心機做野喎....
其實依d都講下既啫~
又點會真係做得出
但最後我都係會心軟......
扮著無野先,氹左人地上機先算
唉...d客係無辜架嘛...點可以連累到人地既呢？

飛線去留言信箱,無人聽電話...
係因為就算接通左...都只係無言以對呀！
怕自己真係會將心內面句說話講左出黎
到時就唔知用咩去彌補
我知道有d說話係唔可以隨便講出口

>>January 4, 2004 at 9:32:53 PM GMT+8

2004 年 1 月 3 日 星期六 【晴】

依排有好多功課....堆到山一樣高....
過年前一定要大掃除呀....

本art deco要成十五分鐘先至攞到黎....
乜收得咁埋既？

第一次去果欄呀！無想像中咁多野睇....
之後去左花壚同雀仔公園
d雀仔好得意呀！特然間想養番隻添~
之後又去番廟街...d煲仔飯好好味呀~
我都係鐘意食白鱔多d
跟住我、vv、dada、chet四個人去左睇相
係四個人入面既我係最差果個....
其實無所啦~我條命生成係咁架嘛！
工作方面我又唔係太介意....
而且仲同我所諗既一樣(唔係management既人才)

但係對於愛情方面..真係有少少介懷架！
不斷咁同自己講『玩下既啫...唔準既~』
打俾男友傾下電話,諗著可以等心情好d....
點知又俾人嫌棄...阻著人地上網打機
原本差既心情...變得更加唔開心....
可能我真係一個唔識合做人地女朋友既人啦~
唔識得體貼、大方、明白事理、體量、乖巧、千依百順.......

竟然係葵芳遇到kaman呀！
仲要佢拍我一下至發覺,hahahah~

>>January 4, 2004 at 2:51:13 AM GMT+8

2004 年 1 月 2 日 星期五 【晴】

個聖誕假咁就過完啦...
真係快..好似無放過咁

魚魚彈彈彈~自己整既game...自己都玩唔到
要eddie幫我玩,試下有無bug.....呀！我明明無串錯字架...點解？

今日食lunch阿mo掛住睇金龍船個廣告
無理到eddie問佢既呀！個情情好攪笑呀~

我認為全班最靚仔既人係阿德啦！
最man既人係阿輝~
但點解會有人話阿帆靚仔過阿德既？
唔.....就如dada所講...無錯呀！我仔仔(虎虎)真係幾靚仔既~haha

唔記得夜晚要留係學校set野
著少左衫添...好彩天氣唔算係太凍
七點幾....學校canteen乜都無晒...
今次真係食西北風....
好彩都仲有個小食機買包餅食下
但都仲有少少餓....而dada又仲餓....
跟住就走左去搵terence找野食....
好彩都仲有包米果
最後包米果分晒俾成班人食

terence話我份3d功課係normal班入面算幾好
如果唔係遲交扣十分...算係高分
唔制呀！咁你一定要扣番上年d人既分啦！！！

九點半學校打左鐘...漢斯走黎趕人
之後去左裕民坊食上海野
個侍應真係有少少似新人類入面個主持呀！
但佢真係幾幫公司倒米囉！
有咩理由我叫個紅繞肉麵,佢就話好肥架喎...d肥膏成寸厚...
最後我都係叫左黎食....佢送到黎果時具然講過左句『小心肥喎！』
啊！！！點解會有d咁既侍應既？？？

>>January 3, 2004 at 2:12:12 AM GMT+8

2004 年 1 月 1 日 星期四 【晴】

新既一年我有一個新願望
就係做到我心入面想做既野....
雖然身邊個個朋友都支持我
連阿mark都話技持我
但係......................

唔知今年既願望能唔能夠實現呢？

>>January 1, 2004 at 7:26:37 PM GMT+8

2003 年 12 月 31 日 星期三 【晴】

好驚訝！阿mike竟然真係可以係七點半前打到電話叫我起身呀~
但成晚掛住打機...叫左我起身至訓...起唔起到身返學架？
唉....點知真係一訓不起架佢.......

dada又整左野食返學校....朱古力蛋糕好好味呀~
上上下堂terence係到食麥當勞....搞到我都好想食添

又真係好少全女班...六個女仔一齊食飯喎~

坐巴士返屋企時好眼訓呀.....但返到屋企又訓唔著

今日除夕夜...旺角好多人呀！.....
不段係街到行呀！行呀！
行左好多個大運
睇中左一對boot、一對耳環、兩條頸鏈.....
但身上唔夠錢買呀......

我同男友識左三年啦！hahah
由2002年12月28日開始計起
2002、2003、2004 咁都仲唔係識左三年咩
今年係我第一次過又開心又感動又難忘既除夕
望著個維港食飯,倒數,同我最愛既人一齊~

好鐘意《胡桐》依間北京菜餐廳
裝修好靚,最特別係個廁所...真係好有中國feel
而且可以靜靜地兩個人望著個維港食飯,好舒服
d野食都好好味呀！
叫左個白雲卷、鴛鴦戲水、蕃邦雞、清炒清(好似係咁...唔係好記得)
甜品有一口酥、黑風寨~
埋單時都幾貴...都成九百蚊....
一年豪一次就夠啦！

同一晚做左好多野...今晚終於都試坐左西鐡
車廂好靚...好好坐...好快,係會錢貴少少啦~

初時仲以為個的士司機兜路
係屯門站返到屋企都係$44.9
算係合理既

>>January 1, 2004 at 2:34:16 AM GMT+8

2003 年 12 月 30 日 星期二 【晴】

唔知點解個電話無端端接唔到電話
自動飛左去留言....
初時仲意為自己跌壞左部機
但我認為係發射站既問題！
好彩最終都無事...又回復正常

我真係唔鐘意睇蘋果....
但媽咪因為佢係今日既第二版所以買左....
而東方都仲係第一版,第二版仲未出,所以唔買...

我唔鐘意食潮州既豆腐
好唔鐘意果d五香粉既味道

哦...點解家姐會係公司攞蕃薯番返黎食既？
邊個買返去銀行既呢？

今晚同gigi icq傾偈呀！開心~ ^ ^ ~
我地有幾耐無傾過偈呢？

>>December 30, 2003 at 11:29:26 PM GMT+8