2004 年 2 月 4 日 星期三 【乍雨乍晴】

點解去交份表都會緊張既？hahah~
可能怕唔識路掛....但上到去,交左錢又無晒事
係上課前之兩個星期就會收到通知啦！ ^ ^
唔知到時會唔會識到d新既朋友仔呢？
撘車返屋企係到諗....係咪應該讀埋個first aid呢？
諗得太多野...唔好俾自己亂...一步步黎
之前諗著係幼稚園做野既時候都有諗過去讀
講番起...幼兒我係排左係第四定係第五志願既呢？
真係有少少後悔無去in...睇下人地in d咩都好嘛~

haha~今日係商埸見警察先生係到訂花呢！！
但著住套制服有點礙眼呢~hahah~
搞到我望多左佢兩眼添~

以後都無52M坐啦！！變左61M....
咁好唔方便...又少左一架車去市中心

>>February 5, 2004 at 12:16:25 AM GMT+8

2004 年 2 月 3 日 星期二 【乍雨乍晴】

上完一個鐘頭既英文....
知道joesph又cancel class
真係想搵人打佢囉~
個點名簿要加多一個人既名呀！
『江天持』吖唔該~成日都缺席架佢

提早左放學...去邊到食飯好呢！！
今日我話事~我大晒....
最後去左eddie介紹既椰林閣食
今日食飯食得好開心呀~
難得咁整八個人一齊喎！
但平時真係唔可以黎食架！！
因為我地真係可以食足三個鐘至走人

企係巴士站等車返屯門
又落雨..又凍....個人又唔舒服...好辛苦囉！
所以一上車就訓

又俾人話...話我咁遲至打俾人地
咁我都係學左某個人啫...
自己一個人行下吉之島仲好...
可以去搵下自己想要既野
買晒之後...好想返屋企....但又唔得喎....
去左水族店買野...
無端端點解會鐘意起養魚既？
真係攞d魚既命仔黎玩都有....
無錯係我話要行返去人地屋企
但行行下至醒起...我其實行吉之島時已經行唔郁...隻腳好攰..
(之前正想搵地方坐既時候...人地又call黎話要去買魚)

有被受冷落既感覺呀！！
原來世界上所有男人都係一樣....
當佢地玩緊game既時間...佢係唔會理你既生死
佢專注既係佢game入面既生死
而做女朋友既亦都唔好去嘗試理會打緊機既男友
因為永遠都要會得到一句『等多我一陣...轉頭先....』
等咩等...唔等....我要自己一個人返屋企...
天氣咁凍...一個人係條街到行....
一個人等成幾個字都無車....已經凍到無既感覺
所以平時Mike睇緊球既時候都可以同我玩icq
我覺得好開心架~起碼有人理下我嘛~
唔似得某d人~

sorry呀mike...
我出街想搵人陪我...第一時間就諗起你
聽到你唔得閒既理由之後...我唔知同你講d咩好....
我怕自己會講左野...令你更加唔開心
因為我都曾經有咁既事發生過
我知道連續兩日你都會好忙.....
希望忙完依兩日你就無事啦！！

>>February 4, 2004 at 9:42:27 PM GMT+8

2004 年 2 月 2 日 星期一 【陰晴不定】

今日係胡一一既生日係到祝alex生日快樂呀！！
唔知點解當alex話我係"傻豬黎既"時候....
我有種哥哥同妹妹講說話既感覺
但明明我係大過alex架嘛！！

d人又話會打俾人
點知走左去訓....我唔係嬲d人眼訓走左去訓
而係承諾依樣野....
最討厭就係d人講過又唔做
成日都係咁....所以我唔會聽電話架！！

做乜咁多人打錯電話既？
成日都答"hello,you call the wrong number."

berri話放學帶我去買生日禮物呀！
依個真係好吸引我去返學呀~
點知我用兩個鐘既車程返到學校
Joesph竟然三點七個字至黎話cancel class！！
有無過份d呀~

放左學去荔枝角行tready land買我既生日禮物呀~
berri,dada 同埋momo,仲有我四個人
好肚餓呀...醫左個肚先...但點搵都搵唔到間車仔麵檔
就連美心都咁難搵！！最後都係問人至知咋~

最後我份生日禮物係虎虎毛毛拖鞋一對
維尼袋架一個
米奇餐具一套~
多謝sisi family大家呀~

攞住一大袋野撘車真係好唔方便呀！

好鐘意依種氣氛呀！！
可以大大方方咁攞封信出黎同男友去傾去討論一件事
最緊要係男友佢好細心咁分析俾我聽呀~
點做至係最好呢！？點至可以更好呢！
咁當然我會將我既睇法講番出黎啦~
大家有傾有講既氣氛好好呀~

既然係咁就陪你去燒野食啦~
雖然大家講既我好多都唔明
又唔好意思去問....
要知道以前"7"依個字....我都係問左teddy好多次...果時連mark sir都唔肯教我...
成日都話我唔知...就唔好去知.....
就係大家都太錫我啦！！搞到我乜粗言都唔識~

d楊枝金露好甜好好味呀~男友第一次買糖水送黎俾我食呢！
好開心呀~咁依次就當係十次補償既一次！
都仲有九次喎！記住啦~

>>February 3, 2004 at 2:47:13 AM GMT+8

2004 年 2 月 1 日 星期日 【陰晴不定】

天氣暖左起身都無咁辛苦呀！

好忙~屋企太多人係到啦~
連食飯都要開兩圍枱
連櫈都唔夠坐
但每年我都好鐘意見到咁既情況
因為好熱鬧好開心呀~

悠悠唔知我係邊個呀....傷心！！！
好彩仲有陶陶識得叫我一聲~婷姐~
咁乖真係要抱抱呀！！

睇住飛機降落...個心好平靜
但又諗起...好耐無同男友行沙灘啦！
好似有半年囉呵~

>>February 1, 2004 at 11:46:35 PM GMT+8

2004 年 1 月 31 日 星期六 【陰晴不定】

我係咪應該好好咁去睇下醫生呢？
點解我隻眼會腫左既？？
唔通夜晚俾人打我都唔知？

我好鐘意食臘腸呀！！
但一定要係香港出產...特瘦個隻喎~

腫著隻眼行路都無咁穩
仲要帶埋眼鏡...更加睇唔到野

今日出珊瑚島一定好正啦！！
一定大把美女睇~唔好呃我呀！！
而且電話入面咁嘈都唔似係房既！

>>January 31, 2004 at 11:28:24 PM GMT+8

2004 年 1 月 30 日 星期五 【陰晴不定】

由尋晚開始唔知點解隻眼好痛呀！
到依家都係....痛......

同小白行沙灘...好耐無行過啦！！
睇到D海水好清...可以見底架！
企係石邊望真係差少少跌左落海
但D水咁凍....都係企穩D好
本來想望下飛機...
點知D霧大到咩咁
只係隱約見到D飛機經過咋
小白真係一D耐性都無
陪下我都唔得既....望下我兩眼又走左去....
來來回回望左幾多次？

掛住？當然係掛住啦！
但聽到把聲會仲掛住囉~
咁樣真係好辛苦呀！
最好既方法就係唔好聽
咁可能仲好D......

公司唔批假都無計架....
係有少少失望架
講好左話陪我架嘛~
個假要由月中押後到月尾....
真係想講一句不如唔好放
但諗番轉頭...人地放假咋嘛~
都唔關返學既我事！

>>January 30, 2004 at 11:52:54 PM GMT+8

2004 年 1 月 29 日 星期四 【陰晴不定】

今日真係超唔開心架！
可能因為有太多既唔開心擠晒係個心到
太多太多既事啦~
就算男友飛去BBK之前打到黎問
我都仍然答唔出,唔知從邊到講起好
不過最主要都係果一件問題
但一路以黎都我唔敢再提起
久而久之.....個人就越黎越唔開心

聽左好多個留言
睇左好多個message
整理好心情...
唔開心既其實原因有二
講完哭過....平復番個心情
總算可以攞起個電話講野

我真係好愛我男友架！！
只有佢可以一次又一次咁容忍我

唔想男友因為我而放棄自己既理想
所以男友問我...我係俾唔到答案出黎
因為答案一早已經係佢心入面(學左電台DJ 麥SIR既方法----引導)
而同等我都唔會為左一個人放棄某樣野
不過最後我都好開心呀！！
因為終於都得到男友既支持
開心到又哭左出黎添呀~
以後我都會聽晒男友既話~~

>>January 29, 2004 at 7:03:22 PM GMT+8

2004 年 1 月 28 日 星期三 【乍雨乍晴】

當我唔開心既時候,唔想聽到有人嗲我
因為個一刻我已經忍哭忍得好辛苦
連一句說話都唔想再多講

個人明明係餓..但就係唔想煮,唔想食

約左mil出街買野...出去行下等自己個心情平靜d
mil mil真係言聽視從呀~
連出到街join左我都要向阿威報告一番
真係恩愛呀！！

出到去就去左citysuper食飯
好肚餓啦！因為朝早到夜晚只係食左個叮叮蛋糕
今次仍然都係兩份食一個粉絲雞肉窩飯
之後去左超市買朱古力
因為我要整俾我既sisi family食(大家期待一下啦！)
仲買到我最鐘意食既日式燒雞串(即食裝)

買完晒野去左食雪糕...
個sale不斷咁要我地試食
最後揀左個set(兩球+生果+jam+果仁)
我地就要左比利時朱古力+哈蜜瓜+香蕉生果+奇異果jam+cookie碎)
當然又係一人一啖啦！！唔知阿威知道之後
會唔會妒忌呢？hahaha

行去撘車既時候係柏麗
mil mil發現左梁有田呀！！
點解我會認唔出既？
為左要睇下梁有田身邊個女仔係咩樣
拉著mil mil行番轉頭去望呀！！
成個傻婆咁~hahah
個女仔都唔差吖
但梁有田d咁既人都識到女仔既？
諗起佢追女仔既方法嘛~
一句『我想溝你呀！』諗番起都想死
聽到都想洗耳呀！！

究竟已經係第幾團嗱？
加加埋有幾多首
連我自己都已經唔記得
就連依個約定我都開始忘記左

>>January 29, 2004 at 2:53:25 AM GMT+8

2004 年 1 月 27 日 星期二 【乍雨乍晴】

天氣凍連夜晚都訓得差d
晚晚都因為隻腳太凍訓唔著
又或者凍醒左...
要想盡辦法令著腳暖番至可以訓番

好怕塞車呀！！
單線雙程行車好煩...
等好耐架車都唔開既？

咦...好耐都無阿霞傾電話
好搞笑呀~對方父母同阿霞第一次見面
就問人地幾時結婚~
唔通繼譚凱琳之後,就到阿霞？haha

既然我自己想做既野
當然會好積極咁去實淺啦~
無人阻到我！亦唔好嘗試去阻止我~
我真係咩都會做得出架！！

把口就話無比較....
其實係不知不覺間已經將兩個人係到比較左
而你唔知啫......
原來一個人既經歷真係會將一個人改變
前一個人將你改變左......但你從來都無發覺到
而我竟然會覺得係你身上發現另一個人既影子？

好想問一句....夠竟你有無睇過我既日記...
知唔知我心入面諗緊乜架？
我越黎越覺得每一次出街
一次比一次唔開心既？

>>January 27, 2004 at 11:14:34 PM GMT+8

2004 年 1 月 26 日 星期一 【乍雨乍晴】

嘩~死啦！下個月既電話費單...唔想見到
又要俾人話啦！！點算....
搵個機會去轉番張信用咭
自己用d grant既錢交好d喇！

發左個惡夢呀！好驚呀！！
竟然夢到自己將來要嫁俾一個我最討厭既小學同學呀！！
係夢入面仲已經有所覺悟...知道自己一定係嫁俾佢添....
點解會咁架！！唔制呀~死都唔制呀！！
最憎就係肥仔、肥佬！！
但肥班長,同埋天佑果d又另計(因為佢地肥得黎係有boss feel)

我都好想去飲茶架...
但天氣咁凍！點起身呀？
我想食春卷、蝦角、黃金酥...好多好多...

嘩~發左霉既芋頭糕...
一定係媽咪攞左番黎又無放入雪櫃
唔知美心個盒有無事呢？

天氣咁凍完全唔係做功課既好日子呀！
睇埋下半節既《向左走‧向右走》
個結局都幾可笑下

我d小草苺一d生氣都無....
唔知係咪凍得滯呢？

家姐買左件雪褸
我試穿過~真係好暖呀！！！
但隻色吾襯我....著左一d都唔好睇

d人越黎越大排啦~
要我打番電話過去...
學晒terence d衰野
唔好嗲我呀！！我聽日唔出街架~

>>January 27, 2004 at 1:22:33 AM GMT+8