2004 年 1 月 25 日 星期日 【乍雨乍晴】

過年咁耐今日至食第一塊既年糕~
好好味呀~ ^ ^ ~等聽日食埋芋頭糕！！

坐係部電腦前面...足足坐左成日...
真係好討厭做網頁！！
日日坐係電腦前面既工作,有時真係幾悶架！
有D自閉既感覺

究竟布吉依家有幾熱呀？
身處係依家咁凍既香港真係一D都感受唔到
如果唔係我話香港好凍...人地都未必會問我有無著多件衫
其實我咁怕凍又點會著唔夠衫吖~
而且我抵抗力咁好無咁易病
擔心下自己仲好啦~d人熱下都會病.....

天氣好好呀~見到好靚既月亮同埋星星
可惜天氣太凍啦....望多兩眼都唔得
依排連飛機升降都少左睇

乜Mike有個細妹既咩？
真係今日先至知喎~

>>January 25, 2004 at 9:59:53 PM GMT+8

2004 年 1 月 24 日 星期六 【乍雨乍晴】

咁凍天時...無論洗手、洗碗、洗衫...
總之係要掂水既野都好辛苦

尋晚唔知係我早訓...定係人地遲打電話返黎...
成四個電話未接....仲有兩個message
唉....我真係唔想再理,覺得自己變左隻鵝咁
成日哦人地唔好冷親、唔好熱親、曬親
但人地一句都無聽到入耳咁
每一次返到黎香港都會病病

明明係新年...但一d新年氣氛都無

不斷係photoshop、imageready、dreamswaver之中穿梭
stamp完又stamp...就黎想死

天氣真係好凍呀！仲話會跌到七度添~
每一次mike都好岩時候咁send過sms過黎
大家咁話啦！著多件衫唔好冷親呀~
連自己男友都無叫我著多件衫....
咁又係人地只係感受到熱既啫~

>>January 25, 2004 at 1:04:46 AM GMT+8

2004 年 1 月 23 日 星期五 【乍雨乍晴】

唔知點解成晚都唔眼訓
諗著等人地起身返工
順便煲晒d日劇....睇睇睇...睇到成五點
我諗五點鐘...人地應該join左同事坐的士
但唔知出到機場未呢？
年初二嘛~sms同人地恭賀一番先~
唔知係咪太忙呢？
無覆到...算啦！訓啦~
唔想再阻住人地做野

八點電話響,應該係要上機
但勁唔想聽...所以無接到
橫點人地有同事同機去同機返

訓左四個鐘...好眼訓呀！
但又要起身食開年既早飯
食完飯換衫去上水拜年
好凍呀！！去到婆婆屋企係到搵小草苺
上次攞番屋企種果d一個風球就無晒lu~
希望今次依d小草苺可以係兩個禮拜內種番生生猛猛

開始落雨啦！氣溫仲凍過落雪
好彩人地落左布吉
唔係就病上加病啦~

咁凍既天氣好彩有舅父車我地過大埔咋
唔係攞著咁多野....都吾知點算

返到屋企無得上網好悶呀！
連打機都無乜心機
早d訓仲好~
無等到電話就訓左lu~

>>January 24, 2004 at 1:12:27 PM GMT+8

2004 年 1 月 22 日 星期四 【乍雨乍晴】

今日大年初一....係到祝 大家新年快樂！身體健康！
亦都係我既大日子呀！！小妹既生日呀！~
係到多謝maly、alex、mil、nooby既祝賀

今朝仲好眼訓既時候就已經俾人叫醒起身食早飯
年年初一都會食素,但仍然都好好味~

真係估唔到新既一年會咁快俾人潑冷水架！！
本來諗著打個電話向人地祝賀一番
點知人地掛住同其他人講野....
沖沖就俾人收左線啦！！唔好話互相祝賀...連一句多謝都無聲~
真係好唔好意思打搞晒囉！！！！

為左依件事成日都好唔開心呀~
但出到街都仲要扮到好開心咁....
因為今日係我既生日嘛....
自己生日點可以咁唔開心
好影撘巴士返屯門時見到一個好靚既日落
心情突然好番好多
本來想叫醒身邊果位先生一齊睇架
但人地今朝03就起身去機埸返工
都知佢無心情睇架啦~

越來越覺得所有野都係我既錯咁既....
我應該早d認承話換電話
咁人地就可以買到佢想要既電話
唔駛成日都唔開心咁款
我應該早d比講清楚講得再清楚咁
話要去邊到買今晚既晚餐同朱古力金幣
唔駛大家行黎行去
我應該今日唔好出街
等人地唔駛忙上加忙
又要忙著攞今晚既晚餐...
又要忙著同佢既同事講電話
究竟今晚個電話有無响過十次以上呢？

今年我既生日....唔開心.....

>>January 23, 2004 at 1:09:07 AM GMT+8

2004 年 1 月 21 日 星期三 【乍雨乍晴】

太凍啦！起唔到身！！

趕住洗衫、掃地、拖地
之後又趕住去一個地方...
連早餐都唔得閒食添~
今日見到財神呀~hahah~

電話無晒貨....買唔到電話
感覺上好似係我既錯咁....
點算呀？......

今日mark sir打黎同我講生日快樂呀！！
真係多謝晒呀~

一家人 + 男朋友一齊食飯好開心呀！！
就算一個人過生日都唔覺得d咩lu~

>>January 21, 2004 at 11:44:33 PM GMT+8

2004 年 1 月 20 日 星期二 【乍雨乍晴】

就快生日既我係到多謝各位既祝賀~
暫時有(排名不分先後)爸爸、ken、淑儀、肥仔、berri、mandy

本來一直到三點都唔眼訓
直至一個電話......
突然間就好眼訓....


如果日日都係咁凍既話
我一定會捱唔住架！！
好想講一句~『痴線架！』

今日開會竟然唔齊人....
希望keith屋企無事啦

教maya live時唔知點解好眼訓
連notes都抄唔到....
一break就走左去訓
可能terence睇唔過眼
攞左d芝麻餅俾我試
又幾好味...食完野精神好多

我真係好想好想行花市架！！
但落雨~

行街買衫衫....好難睇得上眼....
點解依家既我...成日都一個人既？

>>January 21, 2004 at 12:44:33 AM GMT+8

2004 年 1 月 19 日 星期一 【乍雨乍晴】

雖然團年飯都係一餐飯...
但就同平時屋企食既飯餸好唔同
可能因為屋企要拜神,所以d飯餸會豐富少少掛
係我字典入面...過時過節一定會有
髮菜、冬菇、蠔豉、生菜、燒肉、白切雞、紅衫魚.....
開年時仲會有茄汁蝦食添呀！！

我發覺自己真係好少病....
真係人越大...就越少大病
當身邊個個都病既時候...我就會係最精神既一個

今日係我農曆年廿八既生日呀！！
爸爸一早就俾左大利是我過生日~
好開心呀！！爸爸始終都係最有心既一個
置於某人嘛....唔想提啦！！
我一年只得兩個生日....咁都可以.........唉.........
道歉都無....時間過左就係過左.....

今日真係好凍呀！仲要落雨添....
好攞命呀！點至可以暖一d呀！
又無早餐食啦！！又餓又凍....

>>January 19, 2004 at 10:05:26 PM GMT+8

2004 年 1 月 18 日 星期日 【乍雨乍晴】

尋晚等電話....等等下係書枱訓著左
聽到把聲無乜事,個人都安心好多
本來都有諗著出黎陪人地一齊食飯
但我覺得依個時候,有同事係身邊發下勞穌會好d既~

天氣好凍呀！仲落埋雨添~
最討厭就係依d天氣.....
超凍呀！！！！
係依個時候最好就係攬著身邊個男友
一個大大既暖爐呀！！ ~^ ^~

其實我真係好唔鐘意用"條"依個量詞去形容一個人
例如︰條仔...條女.....
因為咁樣實在太唔尊重人啦！！
如果再有下次！真係要三掁出局呀！！

好怕天寒地凍咁攞著把遮出街,好凍呀！！
出到旺角點都要食番個pan cake先
依個係我既習慣,好耐都無食過朱古力香蕉味啦~
下次要買番個黎食！！
但一個人企係條街到食野...好異相咁~

我喜歡接人地放工,因為我自己好恨有人黎接我放工(返暑期工果時)
因為我覺得做完一日野,有人係到等待自己
係一件好幸福既事呀！！我諗其人他都有咁既想法掛？
所以我會去接機、接放工....
但唔知點解從來都無人會接我放工既,連放學都無.....
到依家我都仲好記得某某曾經話為左見下我所以至等三個鐘
雖然唔知講真定講假啦！！但到依家我都會為左依件事而開心

>>January 19, 2004 at 2:21:36 AM GMT+8

2004 年 1 月 17 日 星期六 【陰】

出前隻米線好好味呀！
特別係酸菜肉絲味~

點解會咁多唔開心既事？
我唔識得點去開解一個人
始終唔清楚果一行既事
我唔知俾d咩意見好.....
究竟我可以做到d咩呢？
咁樣我覺得壓力好多
但我諗首先就係,我唔可以唔開心
我一定要開心...再去感染身邊既人
就算自己唔開心,都要顯得好開心
我係社會做野既時間好短...好多野都唔識
但我覺得好多野都應該睇開d,唔好咁執著
嘗試下用令一個角度去睇
唔好成日去比較
咁做人處事會唔會開心d呢？

>>January 18, 2004 at 12:41:29 AM GMT+8

2004 年 1 月 16 日 星期五 【晴】

今朝四點鐘起左一次身
唔知道返左屋企未呢？
唔理啦！再訓~

抺完窗之後...個天竟然落雨....
點解要咁玩我？？

其實特登唔聽電話架我...
因為聽完之後,都知d人係未訓夠
唔會出去食早餐架啦~
咁我靜靜地不如食生果做早餐...睇卡通...

唔知今次抽唔抽得中呢？
但我係想上次抽中多d架！

個sale竟然話我樣似做緊野...唔似係讀書...
唔通我個樣真係咁老咩？
唔制呀！！

十樣野呀！！唔會自動自覺去做...
咁我開聲...又唔去做...
咁即係點呀！！真係好想發火呀！！
但睇在今日既日子...唉...算.....

唔好唔開心~
你要知道每一次都係機會
令你更有決心去改變現時既自己
使自己變得更開心
上一次我就係因為遇到唔開心既事
所以至咁堅決...話你知我想做某樣野.......
因為我想改變...我想成長！！！
我知道我唔開心既原因
所以我想另自己既見識更廣闊....
當下一次有同樣情況
可以更懂得處理

我認為就咁過既生日....
就真係一個人自己孤獨咁過...
但有朋友、親人係身邊...
都可以話年年個生日都係咁過咩？
其實試想下,如果一班朋友無心既話
都唔會咁晚仲約出黎一齊唱k,放左工早d返屋企訓下唔係咩？
每個人表達愛既方法都唔同...
屋企人都係一樣,無理會唔記得架嘛~
係自已亂諗既啫~

>>January 17, 2004 at 1:23:08 AM GMT+8