| 日記 | 日記主簡介 |
|||||||||
2008 年 9 月 22 日 星期一 【清涼】 我今日...................又請左病假=.= 琴晚12.00就開始肚病, 我feel到我條腸係咁郁, 係"也母"住痛, 真係好Q痛 仲一連痾3次, 痾到冇野痾, 條腸仲係咁郁, 真係痛到死 之後仲想嘔, 又暈, 又手軟腳軟, 最慘仲發冷 我0係個廁所入面足足擾攘左兩粒鐘, 剛剛好是2.00........ 阿媽問我CALL唔CALL白車, 我都冇氣答 我淨係知我返唔到工.......我好想訓..........好想訓.....因為我真係好"支力"................. >>September 22, 2008 at 4:26:16 PM GMT+8 2008 年 9 月 20 日 星期六 【晴】 今日星期六, 返星期六都知道一定忙到死 好多客都係忍到今日將佢地忍左咁耐0既怨氣發洩出來, 開戶口亦唔例外~ 最煩就係開好多聯名戶口, 真係好煩~ d 客成日都唔帶住址證明, 又唔係同住, 咁你想我地做野呀?! 成日都要花好多口水同佢地講點點點 大佬~ 我平時好地地都仲有氣同你講下, 家陣我都死左一半咁, 仲邊有氣同你講咁多野 好在有爹地幫手, 可能佢聽到我講野果陣, 根本冇咩氣, 所以不如佢同個客講 有爹地幫下, 真係好好多架, 仲有bosco幫拖, 佢真係快手, 我同佢拍住上好快開晒d 戶口 真係要多謝佢地兩位, 唔係我都唔知點死^0^ ps 今日開到張大單~ 星期一早會應該會上榜, 唔通越病越有運0.0?? >>September 22, 2008 at 4:14:34 PM GMT+8 2008 年 9 月 19 日 星期五 【晴】 琴日放左病假一日, 身體上好似冇咩咁, 不過精神仲係麻麻地, 個人仲係軟軟地..... 返到去個個同事都問侯下我"有冇事呀?" 老實講, 就梗係有啦~ 你睇下我個樣就知啦~ 阿姐問我有冇咩要求, 我就話"我想要把風扇0係我個位附近, 因為空氣好唔流通....." 阿姐話會同上級反應, 隔左陣爹地就同我講 "我一陣去買風扇架喇, 再忍耐下" "真係既?! 咁幾時有呀??" "應該星期一到啦" 咁......實在太好了, 終於等到喇, 呵呵~ 原來我琴日冇返, chloe 做開戶口開到傻左, 又四十幾個 只有兩個part time幫手, 佢地唔係熟手當然會出現好多問題 估唔到chloe佢開戶口都做錯野, 聽佢講爹地佢地有忍唔住出左聲"做乜又做錯野呀??" 平時我做錯左. 佢地都冇咁講出聲, 睇黎我同細佬呢兩個熟手不在, 真係好似倒捨籮蟹咁 唔怕得之佢地係咁問我有冇事, 因為.......會冇人幫手開戶口囉............. 聽日星期六又要返, 我希望bosco會返, 幫下手啦~ chloe同細佬都dayoff, 得我一個0既話.....我怕我又會暈=.= ps 估唔到以我咁0既精神狀態, 都開到單, yeah~ 不過唔知點解個客簽晒名, 碌晒卡, 走埋出門口, 都返轉頭話唔到 唉~又要重申同佢搞過晒d 手續, 真無奈=.= >>September 22, 2008 at 4:04:49 PM GMT+8 2008 年 9 月 18 日 星期四 【晴】 呢暈都算大鑊咯~ 琴日接近4點左右開開下戶口忽然天旋地轉, 又暈又想嘔, 手軟腳軟..... 開埋手頭上果個戶口, 我就用我淨下0既一股力衝入去後勤坐左0係阿姐果位度歇一歇 仲0係後面拎定個大膠袋(用黎回銀果d大袋)準備嘔..... 點知又嘔唔出~ 頂住好辛苦!!!! 初時阿姐佢地都唔知咩事, 見到我好似死左一節咁 佢地見到我個樣又白又青, 直情好似隻鬼咁青白到好似張紙咁, 好恐怖0.0 我都冇氣講我究竟咩事, 我淨係講左句"有冇白花油, 我好暈好想嘔........" 呢個時候阿姐佢地就拿拿聲搵d油出黎俾我索下先, 仲拎d 酸野俾我食下 另一位阿姐問我係咪M到, 爹地仲0係度叫"駛唔駛call 白車, 佢個樣真係好唔掂, 好青!?" 哎0也細佬見到我咁樣都俾我嚇親, 係咁問我咩事, 我只答佢"我仲未死得...." 爹地仲俾其他阿姐怪"你帶左你D 仔女去左邊度吃野, 搞到一個痾, 一個嘔呀??" (前天一大棚人去左廟街聯誼下吃飯囉) 其實我都唔知點事點解突然會咁, 坐左十分鐘左右, 個人又冇咩事, 好似回左氣咁 之後我又走返出去繼續開戶口, 做埋D手尾先放工........... 點知今朝醒左情況更惡劣, 痾左4次, 痾水, 又暈, 成身冇力, 冇氣講野, 唯有打返去請病假 下晏有返D力就落去睇醫生, 醫生話我可能食左D唔乾淨0既野+冷親........ 0下?! 我D同事都冇咩事, 同埋冇可能係冷親囉...... 我個位焗到冇人有, 根本冇風, 空氣又唔流通, 何來會冷親呢?? 不過是Q但但啦~ 有日假放下都好 呢幾日真係好多人黎開戶口, 唔係四十幾個就五十幾個, 日日都做到冇停手 同埋個個黎開親都有D 花臣野, 先銷單名戶口再開聯名, 又要加被授權人, 又要D 信唔寄去邊, 又要開股票戶口, 又要申請信用卡, 又要搞埋定期 (以上都係一個客0既要求) 一句講晒, 煩到嘔!!!! 日日咁俾人煩, 仲要焗到死, 真係唔病都難啦...... 唔知今日究竟邊個咁唔好彩坐十三號窗做開戶口 咁0岩我同哎0也細佬(連放4日)呢兩個熟手技工都不在 希望CHLOE可以撐得住啦......... 唉............. 開戶口, 忙到嘔, 日日做到冇停手! 可否俾我抖一抖, 讓我一次睡過夠!! >>September 18, 2008 at 1:52:08 PM GMT+8 2008 年 9 月 7 日 星期日 【晴】 呢排溫paper8溫到如火如荼, 快d 溫晒佢再溫paper7, 因為兩份paper一齊考 九月廿七就係喇, 衝呀)))) 殺呀)))) 我一定要合格呀))))))) 一年內加唔加到4次人工就靠呢個爛鬼牌\ . /+ 今個月我開始開口sell客, 短短一個禮拜就成功做到兩單 帶頭大哥話呢排分經想大家做多d 單, 所以凡係0係一個月入面做到6張單就有五舊水 之前果兩個月我都冇理到, 因為我志不在呢五舊水, 所以都冇開口 點解我冇啦啦會開口sell, 因為......我0係度玩鬥氣囉!! 我0既2號仇人蕉皮五都離我而去~ e+只剩下組長, 有d 失落........ 帶頭大哥一句"你把口得呀~ 幫我去開源做好盤數啦~ 以後唔駛返黎喇~" 蕉皮五咁就走左喇~ 我終於明白點解冇差差叫我去學入分, 原來佢地一早就知蕉皮五要調走 好多野都要五仔先做到, 走了一五, 只剩下我一五.......... 我頂~ 雖然我同蕉皮五, 口和心不和, 但係都識英雄重英雄, 都有欣賞大家 當日我第一日返工, 係佢同我去吃飯, 估唔到佢最後一日返呢度果日, 係我同佢食最後一餐 我同佢都認為全行上下只有我同佢會明白究竟發生緊咩事 去去留留, 我呢四個月看得好清楚, 短短4個月, 大哥就調走了3個人, 我唔知下一個會唔會係我 老實講, 如果真係我都冇所謂, 因為呢間行個toilet真係好難頂, 臭到嘔!!!!! 如果人選真係有我份, 請調我啦, 求求你!!!! 呢排做到單, 阿姐d 面口當堂唔同晒, 對我不知幾關懷 又一次應驗左當人有利用價值時, 自自然然會有人對你好~ e+d同事d口敏對我都客氣左, 冇之前咁冷言冷語, 最大分別係組長, 佢暫時冇出招整我 前日副經又叫我幫佢手打中文, 我一口答應左, 副經不知幾like我~ 加上呢排我有單, 大哥兜口兜面當住我同佢面前串佢 " 組長, 你top sale黎架嘛, 新人都有單, 你點會冇架?" e+全行最大果兩位都睇下我, 死未?! 今個月食mentor飯, 爹地叫晒成間行d人去, 唔知搞咩~ 上次就分開左食, 我同佢食一次, 佢同哎0也細佬食一次, 今次叫咁大棚人都唔知為咩~ 我有個預感, 下一個給人調走0既係細佬.............. >>September 7, 2008 at 8:51:38 PM GMT+8 2008 年 8 月 17 日 星期日 【酷熱】 最終決定, 九月先考7, 8, 十月再考1 希望可以一take過, 快d 加人工啦~~ ========================================================= 我再一次回歸13號窗做開戶口, 真係令我"支力"得狠 重覆又重覆講同一番說話, 講到聲都沙埋 開戶口有好多手尾要跟, 又要數開左幾多個, 分類, 影印之類之類 總之就係煩到嘔果隻, 咁都算, 拿拿聲搞掂佢就算 最慘係做完仲要我入分(data entry about insurance & investment) <==完全唔係人做囉 個excel d 字又細, d人名又中又英, 完全唔知邊個打邊個 最乞人憎係hand writing果條友d 字好難睇, 都唔知佢寫乜Q 我頂!! 份野打好左仲要俾老細睇, 我又唔知點入, 又唔知佢寫咩, 入乜Q野呀!! 打呢份野足足搞左成個鐘, 成7.30左右先走到 第2日返黎仲要俾阿姐吉" 打 錯 晒!!! 你搞到我俾老細鬧呀!!" 吓!! 我想架?! 你咁叻, 你入一笨!!! (5400) 我入左154001, 個仆街CSO D 字寫成咁, 實睇到啦!! 我入好左你唔識對下架, 唔CHECK下, 信晒我咁話, 我幾$$$人工, 你幾多呀? 咁Q野都叫晒我做, 識做都做左佢就算, 唔Q識點做呀? 用下腦啦!! 一D就做死, 一D就歎死, 你咪叫D識入0既去做囉~ 成間行D人死Q晒咩? 點解咁多人死唔見你死呀?? ================================================================ 我發覺我壓力越黎越大, 唔係因為工作過多, 而係令一樣野 有好多野都不便講出口, 積積埋埋好多怨氣, 不吐不快完全可以形容我呢排心情....... 今日一早就扎醒左, 望下個鐘====>8.35 死火! 遲到喇))))) 想打返公司請假扮病之際, 先記得今日係星期日=.=+ 返咩工呀!!! 咁早醒左, 看左一陣忍者亂太郎......又訓返.......之後又扎醒........9.30....... 唉..............唔Q訓, 落街食早餐兼行下 去吉野家食左個牛肉烏冬就去大中四圍HAE 唔知痴左咩筋, 我一口氣買左四件衫同一條牛仔褲, 仲買左一大埋食0既飲0既用0既 不過買左咁多野, 我都冇食過飲過, 我只想買買買, 我諗......我開始有D病態 唉)))))))))))))))))))))))))))))))))) >>August 17, 2008 at 2:56:01 PM GMT+8 2008 年 8 月 3 日 星期日 【晴】 今個月要去報考hksi paper 1 目標要0係呢3個月考晒178, 咁就very good 嘞~ 原來間行一直都唔夠人, teller唔夠, cso又唔夠....... 上次"爹地"先問我想唔想做cso?!!! 好明顯...又黎一個試探 cso.....就梗係想做, 但係.......以我e+咁0既情形, 好似冇咁0既能耐 冇牌點sell 客呀?? 口啞啞聽乞米咩~~~ 都係快d考晒d 牌再算, 唔想理其他野住 日日返工都返到好"支力", 日日都係我做開戶口, 要講好多野又要寫好多野, 筆都用左4支, 手指舊"怎"都出返黎.................. 日日都重覆講同一番說話同d 客解釋戶口條款, 真係...............悶到嘔!!! 不過諗深一層都好0既, 錯0既機會少d , 俾人丙0既機會少d 淨係睇見d cso冇單, 行行企企, 食飯兩味, 之後俾老細丙已經好好睇 出去企......都未必係一件好事, 都係閉關修練一身好武功都上戰場殺敵好了 又要重返自修室.......屋企真係搵唔到書架\ . /+ >>August 3, 2008 at 7:35:39 PM GMT+8 2008 年 7 月 19 日 星期六 【晴】 終於有時間再打日記............ 因為日日都要返工, 返左足足連續4個禮拜六, 真係難頂到爆 果條隊成日都好似冇短過咁, 日日都係咁長, 就算叮左幾個客, 做左幾多個客, 隊...依然係咁長-_- 次次有0的非講廣東話人士都係我叮到 有次仲玩到好大, 連續四個騎呢客(賓賓,台婦,賓賓,台佬)來開戶口 係咁英文, 普通話, 英文, 普通話.....講到脷都打結 最好笑係我轉唔切頻道, 同個賓賓講普通話, 佢當堂呆左咁望住我, 哈哈!!! ^ 0 ^ 台佬同台婦仲讚我0的普通話講得好好, 發音好準 (梗係啦! 張達明教丫嘛~ 唔好0既話, 當初又點合格畢業呢~) 阿頭佢地聽見我handle呢0的騎呢客, 放野俾客都叫我去放埋, 皆因個台佬唔識聽廣東話=.= 咁我咪傻下傻下去開咪用普通話call佢囉.....唔知0岩0岩老細行過, 仲俾佢知我識普通話 第二朝開早會就奶野...老細當面0係六十幾人面前講我普通話唔錯, 仲問我0係邊度學 我都唔知點答佢=.= 我都唔知點答佢好, 咪隨口講話"你聽錯" 佢就再問"咁琴日係咪你開咪講普通話?" 我答"er..........唔知呢~" 我都知我唔應該咁講, 但係晨早溜溜當住咁多人問, 我唔想俾人知我咁多野囉~ 我想低調0的... 有次俾副經理知我識打中文字, 就俾佢叫左去打0的內部野 我唔想知俾人知咁多野亦唔想知你地咁多野 我只是一個小小小職員, 我只想靜靜地, 係一年入面快0的考晒牌就閃, 拜託~~~ 果次老細請晒咁多同事去九龍酒店食buffet, 仲諗住"癡癡呆呆, 坐埋一枱"咪算囉~ 冇啦啦坐坐下又坐左同老細佢地一班高層同枱坐.......成餐飯就係咁聽老細吐苦水 因為0岩0岩新分經上任, 新官上任三把火, 老細俾佢追數追到死~ 唉.......點解又係俾我聽到呀???? 我唔想知呀!!!! 佢地係咪想叫我呢排醒定0的呢??=.= 上左台十日, 好好彩呢十日都冇瓜水good水, 0岩數收到工, 真係god bless me 落左行一個月多0的, 我仲有好多野要學要問要知 唔識唔會做唔肯定就開口問人點做, 雖然會俾人曉, 不過.....都要知點做架 唉......唔係俾客鬧手腳慢就係俾同事話....你估我好想問咩, 我識0既話駛鬼問你咩~ 都係果句啦~~ "醒少少就唔駛俾人吊啦!!!!" 我不求有功, 但求無過就好了~ 返埋呢個星期, 廿八號就要返去training center考試, 希望都可以順順利利pass 咁就可以加人工兼升職喇 哇哈哈)))))))))))))))))) >>July 19, 2008 at 10:37:33 PM GMT+8 2008 年 5 月 26 日 星期一 【乍寒還暖】 training....真係....好難頂!!! 有好多野要記, 好多野要背, 好多野要留意 d工序一定做做足, 唔可以錯!! 好似幾時要身份證呀? 幾時要check戶名果d都要知得好清楚, 唔係做錯左又俾人鏟到痴肺!! e+唯有係咁狂催眠自己"家陣人地俾埋$$$你讀書學野呀? 有咩資格仲0係度嫌三嫌四" 除左要做好基本0既工序, 仲要做好service 公司要求要一路做一野, 都要有笑容<====呢樣野真係好攞我命 我自問真係一個比較cool 0既人, 長期keep住笑容真係好難囉 做前線最易就遇到d不正常0既客, 一埋黎就開口鬧人, 咁........仲可以叫人點笑=.= 最慘係要穿制服, 化妝+穿裙+絲襪呀!!!!!! 簡直係叫我去死冇分別...... 自從中七之後基乎冇著過裙, e+仲玩到咁大, 加埋絲絨一齊來=0= 熱屎辣辣著咩絲絨呀? 想搞出人命咩?! d 絲絨又鬼咁易整爛, 真係買絲絨都買窮呀!!! 第一次出糧....原來出糧0既感覺係咁...... 呢幾千蚊雖然好少數目, 但係能來不易 半年後就有5位數字, 我要加油 加油 加油)))))))))) >>May 26, 2008 at 10:07:32 PM GMT+8 2008 年 5 月 24 日 星期六 【微雨】 由今日起, 我會開始寫返日記!! 之前冇耐冇寫係因為....真係冇咩好寫, 來來去去都係圍繞返學0既野, 我真係懶得再去打 終於都順利畢業, 真係阿LEE吉帝, 呵呵~ 之後就係忙搵工, 一開波係HAE住去搵, HAE住去見工, 所以收穫認真麻麻 但到最後, 有CHLOE幫手, 終於入左恆生度做TELLER 既然咁難得搵到份工, 我會好好珍惜, 我同我自己講, 我一定會放最少兩年0係度 希望快D考到個牌快D升, 講真......做TELLER一年就好夠皮, 因為真係好難頂 我唔係怕俾客鬧, 而係做TELLER真係有好多野要記, 好多細微細眼0既野都要留意 尤其係錢銀0既野就更加要小心, 收工唔BALANCE係會累全世界冇得走<<<呢樣野先至係我最怕 自己死就算, 要全世界冇得走真係好大鑊 如果SHORT數果個係我就死定了!! 我唔想好似欠左人咁.....唉=.= "嬲你又唔知, 話你又唔好意思" 呢句真係好到肉!! E+仲上緊TRAINING, 希望0係呢段期間自己要變得做野小心D, 唔好咁大意, 打醒十二分精神!!! 落行果幾日, 真係好度日如年,, 冇人理你, 冇人SHOW你, 因為個個都各有各忙 估唔到落行第2日, 我就踩屎, 俾人屈!!! 雖然新人俾人屈俾人烚係我意料中事, 但係冇諗過咁快===>第2日 仲要要大大鑊果隻!! 我係第一次俾人激到咁, 終於谷到頂唔到, 喊左出黎................. 你好野! 我一定會記住你地今日所做0既事, 我忍你!!! 我今次一定要爭氣, 我唔會衰俾人睇, 威俾人睇又好, 威俾自己睇又好!! 我總唔信我大學生會俾人一世鉗制到, 我點都同你鬥到底, 呢啖氣我一定討返來!!! PS 原來已經過左3年, 發生過的事沒可能忘記, 只是一時記不起.... >>May 24, 2008 at 12:03:39 PM GMT+8
|
人氣: 43189 Design & Scripting by ShowHappy.Net |
Hey ~~~
<br>take