| 日記 | 日記主簡介 |
|||||||||
2005 年 7 月 8 日 星期五 【酷熱】 已經收到張支票喇~ 安樂晒!! 幾好笑---->http://www.putfile.com/media.php?n=903MMV.3 睇完好想打七佢囉~ 呵! >>July 8, 2005 at 11:36:52 PM GMT+8 2005 年 7 月 5 日 星期二 【酷熱】 好似聽人講過.....當一個人訓到矇矇矓矓果陣, 意志力都係低D, 因為仲未清醒嘛 0係呢個時候, 同呢D 人nego或者想吐料, 大多都會成功喎... 今朝有個電話打黎 (頂~ 九點幾邊差個唔知訂打黎呀? \ _ / 立即冇明火起三千丈!!) 一聽.....男人聲: "喂~ 唔該你林小姐丫, 我係xx公司打黎0既, 有關於訂攝影器材架?" "哦.....請問你搵邊位林小姐呢??" "下....咁呀....你地有幾多位林小姐呢?? 總之我搵訂攝影器材果位啦~" "咁...我諗你想搵個位林小姐依家唔係度喇, 你晏少少再打過黎啦~" 之後什麼唔該, 拜拜都冇呢位阿叔就cut左我線.... 我唔知呢條友係咪果d 白撞, 打黎呃錢果d 騙子, 定係真係有個咁0既人要搵林小姐 我掙係知我冇心玩佢囉.......其實全屋都係得我一個林小姐之嘛, 何來有其他林小姐呢?? 問返屋企人..冇人話要訂d 咁0既野啵~ 我都唔知做乜鬼要咁答佢...不過依家諗返都覺好笑^__^ 仲有禽日0既一早, 又係九點幾打黎 \ _ / 他媽的!! 幹!! 今次係電話公司打黎, 問我個屋企電話仲有冇事, 可以打出打入嗎?? 我沉住氣同佢講.... "乜唔係留左電話俾你地打返俾負責人架咩, 你打黎問我, 我都唔太清楚, 你再check下再打黎啦" 我又耍人喇......估唔到我會0係咁0既情形之下耍左人都自己都唔覺 可能我實在太憎人專hou人訓緊打黎玩野囉!!! 下意識耍左人都唔知添~ oh~ i feel so sorry~~~ >>July 5, 2005 at 11:34:22 PM GMT+8 2005 年 7 月 4 日 星期一 【酷熱】 噢~ 太陽~ 好耐冇見你喇~ 乜得你咁猛呀?! 想曬死我咩~ 咁就七月....頂~ 都唔知做過d 乜!? 淫賤恩你係時候要出力做返d 野.......... 都係等我睇埋"綱之鍊金術師"先啦~~~ >>July 4, 2005 at 1:27:36 PM GMT+8 2005 年 6 月 28 日 星期二 【溫暖】 個人有返d 精神, 不過有時仲會暈暈地...... 我睇都要去睇下醫生, 唔係真係死左都唔知因咩事0_o 有時d 野真係走唔甩.......點都要俾五草野整呢張transcript 不過冇咁死蠢再0徒車錢返去, 我0係網上apply兼e-banking俾埋錢 唔駛對住八樓d 所謂staff, 呢個就係網上做野0既最大好處!!! ps hae 下 hae 下咁又hae左一個月, 都係認真地搵下工 >>June 28, 2005 at 1:31:59 PM GMT+8 2005 年 6 月 24 日 星期五 【溫暖】 今日0係屋企暈左兩次, 好采阿媽即使幫我搽藥油先清醒返 唔係就一定要call 白車入醫 仲要返去poly整埋d 手尾, 真係好煩囉...... 我都show左網上e-banking果張reference俾你班蛋散睇啦 仲起勢係咁問, 要我俾張入數紙...... 我頂! 我係0係櫃檯入數0既話, 一早就俾左張receipt你啦 駛乜春俾e-banking 呢張reference你呀?? 你班蛋散識唔識咩係e-banking呀??? 有部電腦都唔曉上去check返, 掛住0係度講電話, 仲話我冇交錢俾你 電腦唔用都用下自己個腦先啦~ 粉腸! 我冇交錢俾你,你會咁好死再send 多封 conditional offer 0既信俾我今日返黎register 唔該啦~ 醒少少啦~ 蛋散們!! 都唔知係咪玩野, 見我病就攞我命!! >>June 25, 2005 at 12:03:16 PM GMT+8 2005 年 6 月 22 日 星期三 【溫暖】 我所謂0既放假...我真係咩都唔理....找個地方柄埋...收埋下自己 熄電話絕對有需要...一來唔駛俾人搵到, 二來我又唔想去搵人 所以0係呢段期間用自閉黎形容真係貼切過貼切!!! 好嘞~ 終於放左成績喇~ 即係要蒲頭0既時候~~ gpa比起預期冇咩大偏差, 講真....冇咩失望...反而有d 開心 account.....永別喇~ 以後你有你0既深度, 我有我0既態度 大家唔會再有合作0既機會, 我會保重, 向我自己0既理想發展, 再見喇~~ 我唔駛再要追車, 0係你後面食塵, 芭啦啦蕉了, it's so goooood~~~ 之前冇交電話費都未夠大檸樂..... 大鑊! 0_o 唔記得左raiin姐大壽......呢暈真係死梗...... 今次實行俾人斬開幾廿碌.... 今日返左去拎成績單, 順便又清下個 locker 0岩既....醜婦終需見家翁....得唔得點都要有個了斷 準備好晒d 野廿四號咩都會揭中.... 不過我總相信"柳暗花明又一村" 我呢團火係唔會咁易熄既!!! 阿伯坐王座個樣真係好好笑^^ >>June 22, 2005 at 11:56:48 PM GMT+8 2005 年 6 月 19 日 星期日 【晴】 個人開始返黎.......因為今日已經十九號喇!!!!! 都知自己一投入一樣野入面, 冇返一頸半個月都唔駛旨意我返番出黎 呢d 就係叫"全情投入"!!! 就係因為咁, 我.......唔記得交卡數-_-" 打破左我一直以黎0既作風.....我最怕欠人地野, 特別係銀錢 仲要係銀行, 呢暈仲唔好似滾雪球咁越滾越大!? 一提到錢......真係唔醒唔得!! 即刻打去card center 扮下傻先~ 相信呢招一定有人用過!! "我想check下我今個月要俾幾多卡數.....同埋幾時截數........" "下~ 乜過左喇咩? 我收唔到月結單喎~ 我就係記得係呢幾日找數都仲未收到信先打上黎問....." "你check 返我一直以黎0既record, 我都係好準時過數俾你銀行架喎....." "咁我依家交返可以豁免返個payment delay 嗎????" 最後當然搞掂左啦~ 呵呵~~ >>June 19, 2005 at 11:34:04 AM GMT+8 2005 年 6 月 6 日 星期一 【陰】 荒廢左個日記板咁耐真係唔0岩, 今日點都要停一停打番篇先 冇錯! 咁多日我都係沉迷天堂世界入面, 實在係太好玩, 我覺得0係入面玩0既香港人都係癲架 都係鐘意用d 無聊野洗板, 歌詞絕對係首選!!! 哈哈~~~ 阿伯終於升到有lv 64, 有9級自體回收喇, 大喜!! 基本上....我係財富0既來源, 有我就有千千萬萬0既天幣得手 我希望我可以0係真實世界入面都可以做到!!! >>June 6, 2005 at 10:01:06 AM GMT+8 2005 年 5 月 29 日 星期日 【晴】 好在~~~~ 冇去到戲院睇"異獸戰", 真係好悶-_-" 唔知做冇野, 冇差差講埋友去左雪地, 又冇差差d 人一個個咁死 都好慳皮下囉~黑蚊蚊咁講果d 人俾異形擔左去做料生蛋 最頂就係人類同左鐵血戰士做盟友, 一齊反擊異形 佢果個豬頭造型加佢果幾條長髮真係好好笑^o^ 不過入面有一句對白好精景"敵人0既敵人係我0既朋友"<----完全係 nego 呢野~ 咁又係0既~ 係呢個商業世界, 夠冇永遠0既朋友同敵人啦~ 有時做人假, 都係一種交際手腕 ja 好聽d 咪叫"世界仔, 豆腐刀", 唔好聽咪叫"古惑, 虛偽, "囉~ >>May 29, 2005 at 6:30:10 PM GMT+8 2005 年 5 月 28 日 星期六 【晴】 放假就係展開左我0既煲碟生涯 今日堅呀~ 一口氣睇左上星期0既獎門人, "龍鳳鬥"同"新警察故事" 講下"龍鳳鬥"先....... 成齣戲好似sammi 戲份多d, 劉華依然係好劉華囉~ 帥哥一名~ 估唔到結局唔係happy ending...... 原來平時有人同你鬥氣果陣, 你會覺得佢好討厭同乞人憎 不過到左真係冇左0既時候, 又要發晒茅咁搵返 , 因為感情就係平時咁樣培養出黎!! 而最主要0既原因係.......人 係 犯 賤 架!!!! 到"新警察故事"....... 王傑佢真係唔識做戲囉~ 都交唔到戲出黎~ 冇表情去背對白!!! 同依家做緊"老婆大人"一樣, 死魚眼去演內心戲~ 唉...你都係返去唱歌把啦~ 原來吳賢祖都奸都幾乞人憎, 睇到我都想打鑊佢, 冇錯!! 靚仔都要打!! 聽日睇埋"異獸戰"同"鋼之煉金屬師"先~ >>May 29, 2005 at 5:41:42 PM GMT+8
|
人氣: 43190 Design & Scripting by ShowHappy.Net |
Hey ~~~
<br>take