| 日記 | 日記主簡介 |
|||||||||
2005 年 8 月 30 日 星期二 【晴】 re: 我閉關左咁耐, 唔代表我唔知出面發生緊咩事!! 你班友仔~ 個個都轉左頭住家搬晒"鬥"~ 呵~ 只有我依然係showhappy 0既fans...... 你地真係好心機, 仲可以慢慢將 d 日記搬黎搬去, 服!! 講返個電視先, 佢今日冇事架喎~ 幾清下~ 二佬就係見佢仲有價值, 想舉左佢俾收買佬有個好價 去補貼下買新電視0既費用 不過我反對!!! 雖然新野係好, 不過舊0既穩陣 有睇新聞0既都知, 之前電視爆炸果d 都係d 新型號, 係 新 型 號 呀!!! 以你一句話買sony咪唔驚囉~ sony 大晒呀!!! 佢咩產地呀??? ｌｏｏｋ！！ｉｎｄｏｎｅｓｉａ呀！！ >>August 30, 2005 at 12:02:58 PM GMT+8 2005 年 8 月 28 日 星期日 【晴】 二~咦~ 乜今日廿八架0拿~~ 真係唔經唔覺又荒廢左咁長時間....... 真係唔燒到埋身都唔知自己係咁唔鐘意d 野變!!! 呢兩個禮拜........屋企d 野作反呀!!! 唔係壞左就係爛左!! 由電腦0既底板開始==>大門==>門鎖==>大鎖==>電視機==>喇叭==>電腦0既拖板...... (之後仲未知仲有d 乜) 輪住黎玩野...爛0既爛, 壞0既壞....莫非呢d 叫兇兆0.0 咩野都要買過, 唔知係咪我唔鐘意接受新事物呢?? 果d 新野硬係睇唔順眼, 反而覺得舊0既係好d, 可能真係果句"舊鞋係好著d" 不過真係冇計........爛左唔通唔買過咩?! 家陣個電視0係度玩性格, 日日都有唔同0既色調俾我睇 一時紅, 一時綠, 真係點紅點綠...... 有時又唔知發咩神經正常過正常, 清到不得之了 咁搞法.....我睇唔會爆炸掛0.o 仲有幾日就開學, 我連timetable都費事執 由city俾咩我就咩啦~ 今個sem 要讀micro, account, 同management 唔鐘意0既科同唔妥0既人希望唔好聚首一堂就得架啦~ 唔該!! 唔該!! >>August 28, 2005 at 5:05:36 PM GMT+8 2005 年 8 月 22 日 星期一 【乍寒還暖】 搞完一大輪野, 原來都係得個吉!! anyway~ 都有個"知"字~ 什麼Foundation elective...其實都係要讀 一句到尾==> 60 credit點都要讀晒===>學費回都要交足 都好~ 問完清清楚楚, 個feel 都唔同d 估唔到第一次0係city遇到聽得明我同new莎講緊咩0既人 平時真係冇乜邊個聽得明我地幾個究竟講緊咩野~ 唔知係我地自己表達能力差, 定係人地理解力弱 定益或係我地不嬲都係沉醉0係自己0既世界入面 我地唔會出去, 人地亦唔會跳入黎呢?? 有時連我自己都俾自己吹脤左...=.= 啤 啤 聲 !! >>August 28, 2005 at 4:39:18 PM GMT+8 2005 年 8 月 20 日 星期六 【颱風】 頂! 我又咳到嘔咁滯... non-stopping 咳!!! 有d 野自己唔爭取真係會蝕!! 係咩!?! 咁就係 錢 囉~~ 真係send返個email 問下究竟想點先, 好像成功, 唔單止平左,exam都少幾個, 畢業都快d 究竟我再好唔好去挑戰account..... 點解我仲要咁犯賤去諗 一早say晒bye bye架啦~~ 仲有咩留戀呢?? 不過......我真係好怕 make 左decision而後悔0既感覺!!! major, minor.....難決定喔~~~~ well~ 一於用 隔岸觀火!! take左d 易handle0既科先 sit下account level 4 究竟難到去邊再作決定吧 >>August 20, 2005 at 11:32:33 AM GMT+8 2005 年 8 月 16 日 星期二 【晴】 有好多野都想記下, 不過真係懶得打字....... 都係講返最近0既事先~ 上個禮拜, 返左去註冊,仲影埋學生証 (又一張學生証) 之後又去左什麼迎新日, 聽下佢講畸add/drop科之類0既野 估唔到我都要再讀statics......仲以為A左就唔駛添 可能佢呢一科有埋"BUSINESS"呢個字, 咪就係唔同囉~~ >>August 16, 2005 at 11:25:40 AM GMT+8 2005 年 7 月 29 日 星期五 【乍寒還暖】 真係一言驚醒夢中人.....原來d 人真係咁咩咩囉~ 好聽d 叫關心, 唔好聽叫八卦 不過我覺得我之前冇咁樣諗都係好, 至少冇諗到d 人係咁, 個人會舒服d discuss之後, 點都要有返一定0既察覺性, 唔係俾人串完都唔知~ 原來冇對人一排真係會遲鈍左, 根本呢個世界就係醜惡 睇下醜惡到自己可唔可以接受得到!! 人越大, 是非越來越多, 就算自己咩都唔理, 是非總會拍上門 ========================================================== 我發覺原來我欠你好多, 死喇~ 呢d 野我諗要還....... 去KFC食野真係好多野送, 淨係飲佢D 免費奶茶汽水都唔少 有次去仲抽到大獎, 叮噹公仔一隻........當年一個無聊就做成今日0既結果 之前生日已經寄左COUPON黎,就話送乜送物,估唔到 KFC 會自動自覺寄左張MEMBER CARD 黎 又有一埋好笪0既COUPON.... 今日叫左個外賣食118果個餐, 因為生日月份佢同我DOUBLE左成個套餐 真係痴線.....12件雞,10雞翼, 2大薯蓉,4萄撻,2大盒飯,6栗米 咩叫食到嘔.....睇見呢D 野都知, 加埋阿哥食到嗌晒救命, 呢D 就叫折墮 我諗佢原意係想我開 P, 一大班人食, 不過好可惜, 我仲玩緊自閉 3個人去挑戰當然失敗啦....... >>July 30, 2005 at 12:11:26 AM GMT+8 2005 年 7 月 26 日 星期二 【酷熱】 今日可以話係我正正式式同ＰＯＬＹ不拖不欠！ 返黎洗牙．．．個醫生依然係同我講返果番說話 ”你左邊的智慧型齒生得唔好，會影響到前面０既大牙容易蛀 所以我建議你剝左佢，咁剝左下面，上面果隻就算生得好都冇用 因為冇左下面的，上面果隻都係幫唔到咀嚼，所以都係要剝 至於你右面果隻雖然生得好，不過有Ｄ牙肉未退得晒，所以都會易藏食物會蛀牙 都係建議你剝，同一個道理，下面果隻剝左，上面果隻都會剝埋就最好．．． 即係話我地建議你剝晒四隻智慧齒！！！” 之後仲有一大段什麼價錢．．．．手術之類０既野．．．已經聽唔入耳．．． 個醫生見我冇咩反應，就講其他野黎兇我，佢又建議我做果個－－＞牙紋咩注劑 話我Ｄ牙０既法郎質已經變質，如果再用落去，刷得唔好０既話會好易蛀 到時要補牙，甚至要杜牙根，痛之餘價錢亦唔惹少．．．．． 之後又係一大堆價錢，手術過程．．．． 我真係好想同醫生講，你可唔可以除左個ＭＡＳＫ，俾我睇你副牙呢？？ 係咪真係又白又靚又整齊？？我真係想開下眼界囉～ 你講到咁追求完美，又要咁又要咁，你自己果副牙一定好鬼死靚啦～ 原來當你訓０係張手術床上面果陣，聽佢講果番話真係會俾佢嚇姪 好似俾人落左咒咁，唔小心會俾佢昆左都唔知．．．． 真係俾佢吹脹．．．一個人得３２隻牙，一野俾你剝晒４隻都得了．．． 你講到佢地冇咩用咁，不過我又覺得佢地煩唔到我啵 大家相安冇事，冇啦啦仲咩搞佢先得格 智慧齒呀！！剝果陣唔痛架？！最大隻最多乜差神經線都有相連 你想我死都唔駛咁搞法．．．．．我主張係敵不動，我不動！ 未到果刻我都唔會做Ｄ咁０既傻事 仲有，就係你填平晒我Ｄ牙紋．．．．咁我點咬爛Ｄ食物呢？？ 係人都知牙點解有凹凸不平就係用黎磨爛Ｄ食物 你一野又同我平左佢實唔會蛀啦，個口都食唔到野，仲有Ｄ咩可以用黎做酸蛀牙？？ 收費仲要係一隻＄３２０！！ 冇錯！！ 你冇聽錯，我冇講錯！！ 大拿拿一隻係三百二十大元．．．整完就係咬唔爛Ｄ野好似阿婆咁”妹”野囉～ ＡＮＹＷＡＹ，我最後都係用左八十蚊洗牙 不過唔知個醫生係咪玩野，洗牙洗到我有Ｄ痛，洗左咁多次牙最痛都係呢次 仲有好鬼牙血標晒出黎，唔知係我問題定佢問題喇．．．． 之後仲去左啦記退埋張影印卡拎返十蚊 ＰＯＬＹ．．．我地以後 不 拖 不 欠 喇～～～～ >>July 26, 2005 at 11:51:20 AM GMT+8 2005 年 7 月 17 日 星期日 【晴】 多謝記得我生日0既人...嘿嘿 玩左自閉咁耐, 係時候出山喇))))))) 好想去買野, 不過唔知有咩想買, 好想去睇戲,不過冇咩戲想睇 我諗我呢期玩緊重過程, 唔理結果, 總之好想做呢兩個actionnnnnnn 哇........真係hae到 不 知 所 謂...我自己睇見自己都頂唔順 玩online game玩到有d 嘔0既感覺, 唔得!! 我唔可以再hae下去!!! 計計下我日子唔多, 廿二歲!! 一事無成!!! 唉.....真係十萬個抱歉...... 唔知要到幾時先可以搵到第一筒金呀???? >>July 17, 2005 at 12:52:28 AM GMT+8 2005 年 7 月 13 日 星期三 【酷熱】 今日上網睇news, 睇到hkcc俾人插 http://hk.news.yahoo.com/050713/10/1ehi2.html 抵死啦~ 而家d 衰野揚左 我睇你今次點收科!! >>July 13, 2005 at 8:39:20 PM GMT+8 2005 年 7 月 12 日 星期二 【酷熱】 本應今日諗住出旺角去整電話, 唔知做咩部手機冇啦啦冇晒晝面 買左三個月倒就搞d 咁0既野, 真係唔整唔得, nokia d 機真係.....越多function就越易腎! 0係整之前都要將d 相, 電話 blue tooth過落電腦到...... 不過我唔記得左今日屋企停水停電兼冇lift到四點o.0 咁...........唔駛開電腦啦~ 唔駛差電帶另一部手機出去啦~ 今暈真係失策@_@ >>July 12, 2005 at 4:41:46 PM GMT+8
|
人氣: 43190 Design & Scripting by ShowHappy.Net |
Hey ~~~
<br>take