2006 年 7 月 24 日 星期一 【乍寒還暖】

　　　　今日又去左書展啦，不過今次同家姐去啦，真係好，佢今日放假呀~~~架307 好好好熱

呀，都唔知佢有冇開冷氣架....行左hall1 先，今日d書平左好多呀...好多都係$10 , $20本，好平

呀，買左幾本，不過好迫呀，不停比人地拎住既書「介」晒落我隻手，好痛呀....家姐仲慘，成

幾本飛落佢隻腳....揀左幾本，我同佢都頂唔順，好焗呀...透唔到氣...之後又買左其他書啦，第一

日黎行都見唔到有亦舒既新書，本來打算幫家姐買都買唔到，點知今日又見到佢出左成3本新書

woo.....點解第一日冇架.....我仲見到有其他書之前都未出架....今日買多左好多書呀....而且非常重

呀....本來仲想買本好厚好厚既書，好平架,...$130本，但係我地已經冇手可以拎啦....已經勁重

呀...好可惜呀.....> < 今次行左唔係好耐，就走啦.....行左好耐，我地都唔係好記得個bus stop係邊

度，行左好耐終於搵到啦....真係好，好彩上車上得快，因為跟住落好大雨呀，又行雷又閃電

咁，幾好睇woo.....返到大埔，又好似冇咩落雨咁...之後去左double star食野，實在太鍾意大埔中

心d商場有冷氣，仲要一個連一個，出面灣仔我真係就黎焗+ 熱死左，呢d天氣真係好討厭呀......

係double star坐左好耐，食左個甜品，有ｄ朱古力味，又有咖啡味，實在太岩我啦，但係好似太

甜.....食完之後個口有點兒.......食完係果度睇左陣係書展買左既書，好鍾意呢個環境呀，好舒

服，好靜~但係之後佢果度d燈開始暗，應該係到左傍晚既關係，而且，亦都開始愈來愈凍，所

以就埋單走啦~返到屋企，好快就睇左一本書，又幾好睇woo.....可惜我唔鍾意sad ending .....如果

唔係我會更鍾意睇架....突然發現，原來我比自己想像中更加鍾意睇書.....好奇怪......

>>July 24, 2006 at 9:16:14 PM GMT+8

2006 年 7 月 23 日 星期日 【晴】

遊戲規則:必須發表一篇文章,將所有愛的問題都答出來
寫完所有愛的問題後,請點名8位朋友繼續下去!
注意!被點名的人不能重覆
未滿7人者屬違規,會有報應!
拍拖中的人會分手!
單身的會一年內交不到男/女朋友 !!

點我的人:IVY

填寫日期: 2006-07-23
　
愛的音樂: 好好聽既歌....
愛的店鋪: 書店，CEU
愛的顏色: 藍色，粉紅色
愛的國家:法國，英國
愛的汽車: 冇WOO...
愛的休閒: 聽歌，睇書
愛的科目: ENG
愛的甜食: 所有有朱古力既甜品，特別係CHEESE CAKE FACTORY 既GODIVA CHOCOLATE CAKE
愛的個性:為人真誠，對人好，為人黑白分明，有正義感
愛的口頭嬋:冇呀
愛的小動作: 冇咩留意
愛的習慣:要好靜咁做一樣野，一粒聲都唔可以有，TURN OFF 電腦同電視
愛的季節: WINTER
愛的女仔: 我既朋友
愛的男仔: 冇呀...
愛的節日:CHRISTMAS
愛的香水: 淡淡既水果味好香
愛的運動: UM....
愛的定義: 無私，願意付出，尊重對方.....
愛我的人:屋企人，朋友
愛過我的: 唔知
愛人的感受: 又苦又甜

唔TAG 人啦.....

>>July 23, 2006 at 9:50:57 PM GMT+8

2006 年 7 月 21 日 星期五 【晴】

　　　　今日同fox 去左海濱跑步，我選錯日子啦....今日跑步好暈呀...........太耐冇做運動.....結

果，我係行過去盡頭，fox呢，就跑過去~所以係慢佢又多架.....不過返返去既時候，我就跑啦....

一直跑跑跑，唔知點解，呢次又唔暈woo~又唔係特別累，應該係我跑得唔係好多....對住個海好

舒服呀~d浪聲好好聽，望住個海，個心好平靜，而且d風吹埋黎好涼，好似d冷氣咁舒服呀~個天

空好廣闊呀.....又冇咩雲.....到底外太空係點架呢???之後fox 話肚痛啦,....一定係佢頭先跑跑跑，

搞到支水不停咁搖啦~跟住佢又飲左......跑完之後，個天都黑晒囉~之後fox 話送我去到大埔中心

之後先再折返去富善去佢呀婆度食飯，你真係太好人啦~^^ 不過個度我真係唔係好識點行......我

覺得富善好恐怖呀.....但係唔知點解.......唔知我地幾時又跑過呢???今次比上年好好多啦~上年既

情景，我仲係歷歷在目~嘻嘻~

>>July 21, 2006 at 9:54:08 PM GMT+8

2006 年 7 月 19 日 星期三 【晴】

　　　　今日同呀朱，呀ling 去書展，唔知點解，坐佢架車既時候，有d好唔舒服既感覺，原來

呀朱都係咁，我地落車既時候，都有種好痛苦既感覺，好想嘔......不過我行左一陣就冇咩事啦，

反而呀朱就嚴重d~我地行Hall 1 都用左大約3個鐘頭啦~跟住食飯，食飽飽，又行過啦~今次唔係

買左好多書，只係4本，不過唔緊要，反正遲d再去過，呀ling 好勁呀，買左好多好多書，佢係

pageone 買左幾本好平既書，但係又好重啊.......不過我對果d書冇咩興趣，我都唔係d有藝術天分

既人~之後果幾個hall 我同呀朱都已經冇咩心機行啦.......好累呀....結果我地就坐係旁邊休息，睇

書.....坐到5:30 又搭返呀ling 個爸爸架車走，thx呀~返到大埔，坎新達飲左杯野 + 等Fox ，之後出

上水食野，點知中途比人阻住左足足30 min....我對佢地所講既野絕對絕對有保留........跟住終於

可以食野啦~d蠔餅好好味呀~~~~~~~我地食左2盒~不過呀朱要早走.......>< fox 送佢去火車站，跟

住同呀ling 傾左陣，好搞笑....星探...哈哈....之後fox 返黎啦，我地等埋佢先食第二盒蠔餅，幾好

人呀~之後，我地又不停笑笑笑，無啦啦有個「fox 老公」出現woo....到底係邊個呢???我地4個

今日又多左個花名啦~返到大埔火車站，呀ling 要飛奔去搭尾班車啦....之後我搭K巴返屋企啦~好

累呀~不過今日好開心呀~好好好期待4/8 去海洋公園呀~^^

>>July 21, 2006 at 9:42:38 PM GMT+8

2006 年 7 月 18 日 星期二 【晴】

　　　　曾經會錯自己既意思，混淆了，今天終於弄清楚了，因為我聽完後，沒有什麼什麼不

開心的感覺，而是有一種好像鬆一口氣的感覺，因此弄清楚了....可能兩種感覺的的確確很相

似...其實我也不太清楚.....==只知道，不是，絕對不是那「感覺」....很舒服呀~~~~~~



　　　　今日四個一齊傾電話，好搞笑呀....笑到我肚痛...希望1/8 真係可以約到出黎玩啦~好期

待呀~一定好好玩.....不過唔知可唔可以如期進行呢???聽日去書展啦~~~~~~~~同小學同學一齊既

感覺真係好舒服，好開心呀

>>July 18, 2006 at 11:10:24 PM GMT+8

2006 年 7 月 12 日 星期三 【晴】

　　　　今日係F.2既最後一日啦~估唔到時間過得咁快woo......上到課室，莊太派左d野，講埋

拎優異&良好既人，初頭我都有dd驚中文過唔到架....不過最後都有，可能我太過擔心啦，明明

今次中文幾份卷都過70架~上年就話上今年拎優異，今年先發現....原來都幾難拎......今年中文同

Math真係考得唔係幾好啦.....d人拎優異真係好好好勁呀.....今年唔亂咁講出年一定要拎優異啦，

都係盡力而為啦~F.3要拎優異真係好難架啦，今年得4個咋....


　　　　跟住去hall ，同Ivy 估今次校長講幾耐，我估1h 15 min，十分意外地，今次只係講左大

約30min呀~Yeah，太好啦~之後頒獎，拍到隻手好累呀......好多人拎獎呀，拍拍下我都已經冇拍

囉，之後校長又講野啦，d報告又講左30min 啦....我都agree 校長講既野既，佢都係為我地好

既....不過佢係比較古板左dd......之後，上返課室派好多野呀....我張枱好亂呀......仲跌左好多野落

地....之後派成績表囉~總平比上學期高分左2分，都ok 既~不過....都唔係好滿意.....今次都係得一

科有Top 10，今次轉左Top 10 %，我都仲係只有一科，我今次考得好極有限啦......不過算啦，呢

個學年都完左啦......竟然冇咩特別感覺....睇完個board 之後同霜寧姐傾左一陣，就返屋企啦~唔

知F.3 又會同邊個一班呢......又會邊個做班主任呢......其他科又會咩人教呢.....???暑假開始啦.......~

>>July 12, 2006 at 10:33:26 PM GMT+8

2006 年 7 月 11 日 星期二 【颱風】

　　　　今日係打日記一週年啦~點慶祝好呢???一年前既野呀.....仲好似歷歷在目咁...記得好清

楚呀......時間過得真係快，咁就一年啦~呢個暑假點過好呢?家姐今年要返工，冇人日日陪住我囉

~上年係不停不停咁行街，不停不停咁買衫，其實都幾恐怖...... = = 今年有得去旅行，都可以用

到一個星期既時間既~


　　　　今日係辯論比賽，我覺得都幾好睇呀~好緊張呀，而且，人地男拔萃D男仔真係好有風

度啦，初頭仲以為佢行出去做咩.....原來係幫d女仔~真係非常gentleman呀~好耐冇見過呢類既男

仔囉~對上個次係幾時呢???唔記得左......CPU 既男仔，真係應該要好好學習學習一下吧......我覺

得其實男拔萃講得唔錯架woo......不過最後由CPU 勝出，個3個評判好嚴呢，佢地講到大家都有

好多不足之處呀~原來辯論係有咁多好問呢......d玩辯論既人好勁呀~好考d組織能力同埋臨場表現

架......自由辯論個part 好好睇呀~佢地大家講得都好有自信，好激烈啊......之後放學....班會費交比

莊太，再搵So Sir，佢之前話送本書比我，我仲以為係英文書，點知原來係中文woo~佢話佢有

份寫架....之後同Ivy 去library 借書，好多人呀.....我想借princess diaries....但係冇晒,,,,咁快比人借

晒架.......結果只係借左2本英文書咋......另外我又借左2本心理書呀~好有興趣，想知多d呀~返到

屋企睇左少少So Sir 送果本書....d野都好難明呀....特別係果d咩DNA ，咩A 同T 定唔知C 同G ，好

複雜呀....睇到我個頭有好多好多??????????


　　　　聽日係F.2 最後一日啦，咁放暑假咪好悶囉.....聽日派成績表啦...有d緊張呀...有d怕冇良

好，不過都大局已定，仲可以點，都係以平靜既心面對啦~唔知仲有冇top 10 拎呢....今次英文考

得唔好呀......一定冇top 10 啦.....好好好唔開心啦........><

>>July 11, 2006 at 10:52:30 PM GMT+8

2006 年 7 月 10 日 星期一 【乍寒還暖】

　　　　今日係四社話劇比賽呀~我覺得明社同善社真係做得幾好架，不過講真，群社果個我初

初睇的確覺得好難明，好混亂，不過之後好好多啦~想講既訊息幾好呀~我記得有d社好搞笑架~

例如果個「魚人馬頭」~呢兩個評判比d評語真係好啦~，起碼唔會只係講好既，又唔講要改善既

地方，而且我覺得佢地d要求好似好高咁woo~不過咁樣先至會有進步架ma~


　　　　放學之後，陪Vivian 去左大埔廣場，之後返屋企lu~睇左陣電視，又同daddy 落街食

lunch，味千d lunch都唔抵食既...d野少d，但係d價錢又會差唔多架woo...以後唔去味千食lunch 啦!

我最愛的活動還是坐在床上邊看風景邊聽音樂，但不愛聽流行曲，或者邊看書邊聽歌都不錯~唔

知點解突然打d咁既野~

>>July 10, 2006 at 10:30:20 PM GMT+8

2006 年 7 月 9 日 星期日 【晴】

　　　　今日好遲先起身呀，食左個cup noodles 之後，睇左一陣電視，就同屋企人出左沙田啦

~出到去都5點幾啦~去最高個層望望，第一件事就係去食飯......冇辦法啦，沙田星期日實在太多

人啦~唯有早d食飯....d野好好味呀~果間野叫做「燒又燒」，大家要去試一試呢~個二人餐好好味

呀~特別係個炒飯同埋海鮮鍋呀~食到好飽呀....d 綠茶雪糕既味好奇怪.....行左一陣，就打算去新

華報名，不過之後又行左去永安睇，發現有個團都唔錯woo~之後落左去starbucks 飲咖啡+ 睇睇

報邊個團，杯Mocha Frappuccino又幾好飲woo~之後決定報永安啦~個團都唔錯唔錯~不過我未試

過報團報得咁好笑，我同家姐係咁笑，果個男人又係，佢講得勁搞笑~之後去買L' OCCITANE，

CLINIQUE，又買左老婆餅食~之後搭火車返大埔，跟住搭的士返屋企，家姐又笑得好癲，搞到我

同佢不停狂笑，笑到個肚好痛呀.......之後就返到屋企啦~今日行沙田行左好少野咋....而且報永

安，屋企樓下都有啦，今次出沙田就真係只係食野......真係奇怪~


　　　　聽日FOX 出發啦~祝你一路順風~

>>July 9, 2006 at 10:52:15 PM GMT+8

2006 年 7 月 7 日 星期五 【晴】

　　　　今日返學睇果個一年大事回顧，佢地D問題的確係幾搞笑既~不過聽得果個幾鐘，返去

有D無聊，返一陣就放，點解唔講多另一樣野，又可以整多個活動架.....返到屋企好悶呢......係度

狂睇電視，睇到我自己都覺得悶，我連VCD 都開埋黎架睇啦~不過睇睇下都冇睇啦......之後又睇

左now果集小櫻，唔知點解我睇極都睇唔厭架woo....睇左好多好多好多次，我都仲係好鍾意

睇，唔知漫畫好唔好睇呢???Fox 話好好睇woo.....但係我唔鍾意去租漫畫，睇黎好大機會我都唔

會睇架啦~都係睇返TV ，仲有得做一段長時間喔.......最近好勤力地日日都有打日記，真係難竹7

啦~要keep 住呀~就黎打左一年日記啦，但係都只係有80幾篇，真係少囉.....好多人都係日日打日

記架.....不過唔係我.......今日篇日記真係無聊


　　　　突然之間，好想同人傾傾，但係又唔知傾咩woo......可能只係是是但但搵d野講下......係

冇話題的......

>>July 7, 2006 at 10:47:24 PM GMT+8