2006 年 7 月 6 日 星期四 【晴】

　　　　今日返學聽無國界醫生講座，我覺得好有意義呀......D人真係好好，能夠放棄自己有既

高薪厚職，去到一D有戰亂既地方幫助人，真係冇咩幾多人可以做到，聽果個人講，佢話得

2000幾個以上醫生，護士等人加入無國界醫生組織，我覺得真係好少人WOO......希望可以有多D

人加入幫助D弱小既一群......D小朋友真係好可憐，好瘦......，好恐怖呀~我真係覺得我地好多人

都好幸福，我地好多人都身在福中不知福。之後，睇果個人口普查既VIDEO ，好悶呀...悶死人

啦，勁想訓覺zzzz，當viedo 做完之後，大家拍晒手，起初我都唔係好知咩事，我心諗:播完

video都要拍手架咩???最後Ivy話，原來係睇完可以走得放學.... = = 放學之後搵So Sir問project個

分，都唔錯既，再問問佢之前話送果本書，佢話原來本書佢有份寫架.....好勁呀~不過佢話本書

少左一句野，要貼返，叫我星期一再去搵佢，唔知本書講咩架呢???


　　　　1點約左Ivy, mekra, jessica 去食野，之後去體育館打波啦~早左好多去呀......之後Mekra

突然話「紙巾」，咁我咪拎張比佢囉~點知佢呆左，跟住大笑，原來佢係講緊今日係hall 既

野......好傻呀我.... ><唯有傻笑......之後開始打波lu~果度好凍呀.....我打左好耐先開始覺得熱，打

得都好開心，不過我都好耐冇打過囉~之後有一次同Mekra接個波 撞埋一齊，個拍打左落佢隻手

度呀~sorry sorry，剩返10幾分鐘個陣，開始覺得好累呀....坐埋左一邊休息休息~之後同佢地去

左食甜品，之後返屋企lu~同Carol狂兜商場涼完冷氣先返屋企，嘻嘻~今日真係好累呀....個肚又

好痛啦....唉，聽日個身一定勁痛，又要拖住個沉重既身體返學，真係痛苦......

>>July 6, 2006 at 9:54:18 PM GMT+8

2006 年 7 月 5 日 星期三 【綿綿細雨】

　　　　今日早會，校長又定多條新校規啦~今次係管眼鏡woo......你話唔比用粗框眼鏡就算

啦(其實都好變態，管d咁既野)，但係我唔明點解鮮色都唔比呀......好奇怪，學校真係愈來愈多

千奇百怪既校規，講出黎都笑死人啦~佢仲話唔合規格既眼鏡要影張相，感覺好似坐監咁......好

可憐，係，校風純樸係好，但係我覺得與眼鏡無關囉~點解愈管愈多野架......可能遲d 呢校長話

我地d手錶唔係超過幾多cm 直徑架啦~


　　　　今日派晒卷啦~冇咩特別感覺，我覺得今次考得好似唔多好woo......中文作文好差喔......

莊太比分比得好嚴呀~ ><超低分啦......胡Sir 真係搞笑，睇到佢特登拎支紅筆出黎寫個「Good」

落去份卷個度，真係認真......不過我得「quite good」咋......比上學期退左分，但最後個分又高過

上學期woo......!!! 可能係個test 今個學期考得好左卦~結果都有90幾，都幾開心架~不過只限某d科

係令我覺得開心......唔打住，食飯先~


　　　　放左學之後，就同daddy 落街食飯，佢隻腳終於好返好好好多啦~^^ 前幾日都開始返返

工啦~去左珊瑚堡食，埋單埋左成10min 都冇人理.....，之後去吉之島買左好多野呀~買左好多生

果......之後去左康泰問問d去泰國既行程，佢介紹果d一d都唔好既，我同家姐之前揀果d好過佢揀

果好多...佢介紹埋d 住3星級既酒店呀....下午去，朝早返hk 既團，有冇搞錯......之後介紹果d先好

少少......但係都......咁使咩佢講呀......我同我家姐自己揀咪得囉，如果唔係問下佢d 機場稅呀，燃

油附加費比幾多，我先唔問佢呀！但係daddy 又幾鍾意康泰d團woo~當然係我同我家姐之前揀

出黎果d啦~哈哈^ v ^

>>July 5, 2006 at 11:16:38 PM GMT+8

2006 年 7 月 4 日 星期二 【晴】

　　　　今日係派卷既第二日，派左成6科啦....除左BK 係覺得好之外，其他個d科都好差

呀！！！我以為CL 可以有9字頭架，點知又冇，真係好唔開心，雖然係比上學期進步左，但今

次份卷咁易，我真係忍受唔到咁樣，PTH 都預左唔好，但......好彩個總分過左我自己既要求，

MUSIC竟然比我預期好woo~但係我音程竟然可以3題錯晒，真係高難度 ......BK 可以高分d架，我

金句無啦啦錯左2個字，我真係原諒唔到自己......


　　　　跟住小息，本來想去搵莊太，但staff room 唔見佢woo~又走返上課室，之後派中史，

原本好期待，但拎左之後又......佢比分要求真係好高，雖然都係有進步，但係我都係唔滿意

架......唉.....中史冇晒信心啦.....之後派IS ，有冇搞錯???!!!我咁低分，人地個個都80幾90幾分，

講真，今次我覺得唔係好難架......但我都只係比上學期進步左dd......，個下好唔開心架......唔知點

解，呢科考得唔好，竟然係令我最最最唔開心，之後SO　SIR 埋黎收返份卷，佢都話覺得我應

該可以考好D......下次要小心DD，佢又話我平時D TEST 都唔錯架.....唉......我聽完佢講仲唔開

心......不過我覺得SO SIR 係一個好好既老師，如果佢下年教 F.3就好啦......


　　　　放左學，就同FOX 去左食野，佢唔記得左帶$$$$...... = = "真係搞笑......食完野，行左一

陣，之後佢就去左我屋企啦~開左隻Chocolate Factory 睇，但係佢睇左少少之後竟然zzzz左.....咁

我開隻VCD出黎做咩呀......

>>July 4, 2006 at 2:41:35 PM GMT+8

2006 年 7 月 3 日 星期一 【晴】

　　　　今日派卷啦，中文，英文，maths，epa，冇一科滿意，有d唔開心呀，英文我覺得真係

好差囉....我未試過架，好down，但我唔明點解miss lee 仲會寫個「good」字...???d verb 真係錯

得好勁....我唔可以再係咁啦，今個暑假真係應該要睇多d英文書，要學多d英文呀!><

math，今日第一科派，今朝起身已經覺得個肚有d唔舒服架啦，跟住等佢派math 自己又驚

woo，搞到仲痛d....好辛苦哇... 好彩冇唔合格，之前都冇咩信心，不過below average 啦...好唔

滿意呀....之後到中文卷，比上學期有進步啦~之後比我發現莊太計少左3分~但係原來又有一題錯

左，又冇左一分......epa仲差，唔想提啦!!!
　　　


　　　　我不懂得安慰人，對不起，我作為你的朋友，應該要在你不高興的時候與你分擔，但

我做不到......本來想轉日記，但係唔知點解，有d唔捨得.....唔捨得呢個日記板之前打過既日記會

冇晒......捨不得，接近一年時間既野....話冇就冇.......我好似有d.....唔識點形容.....

>>July 3, 2006 at 9:09:29 PM GMT+8

2006 年 7 月 2 日 星期日 【晴】

　　　　琴晚難得我咁好心機睇英格蘭，點知輸左，好失望架....睇左好耐發現葡萄牙既控球次

數比英格蘭多好多呀....睇射12碼，好緊張呀，之後又好失望啦，輸1:3 ，有咩理由woo....睇到成

2點.....好眼訓.....今日好遲先起身，之後落去買野食，再同家姐睇埋「惡魔在身邊」既結局，都

唔好睇既...虎頭蛇尾，個結局好差呀....一d都唔好睇，好失望呀，初頭仲覺得好好睇架...點知，

唉...咁就用左成個下午啦~跟住落街食飯，又行吓，睇下書咁，跟住返屋企啦~


　　　　之後開電腦，玩估歌仔，好搞笑......不過好多新歌我都唔識woo.......跟住又食荔枝，好

好味好好味~^^ 聽日派3科主科呀......都唔知會點，不過結果已定，仲可以點呢???


　　　　

>>July 2, 2006 at 11:32:52 PM GMT+8

2006 年 7 月 1 日 星期六 【晴】

　　　　今朝學完古箏之後，同家姐出左去沙田行街同睇戲，今朝都冇食野，好肚餓呀~出到即

刻睇下食d咩，結果去左食日本野，又幾好味woo~不過唔記得左間野叫咩名......跟住去左行

Super Lover，係果度睇左成半個鐘，跟住我就係果度買左個銀包啦~都幾靚，而且好大個，有d

懷疑我到底有冇咁多野要放入去......睇完野都3:45pm 啦，我睇要睇3:55pm 呀~結果好趕咁衝左落

去UA，發現平時用信用卡拎票果部機唔見左，我地仲係到諗係唔係要排隊拎，但係好多人，於

是打算入去問人，比我地發現到部機原來係入面...... = =好彩都趕得到入去~


　　　　我地睇「鬼域」，我睇到 1/4 到冇就覺得好悶，一路諗幾時做完，好想z z z ...不過之

後果45 min 好睇好多啦~估唔到個結局係咁....好慘呀~我冇諗過睇驚嚇片會喊....我同我家姐都喊

得好勁，我相信絕大部分既女人都有喊，真係好難忍住唔喊架......特別係曾經做過呢件事既

人.....睇完戲之後就繼續行街，不過我開始有d 累了...睇黎我太耐冇行過街啦......行得咁少就已經

冇力....之後再去d旅行社拎章程睇，今年暑假打算去泰國喔~唔知好唔好玩呢???跟住再去city

super行左一陣，就搭火車返屋企啦...唔知點解無啦啦好唔舒服，我家姐話我面青口唇白，唔係

咁嚴重卦...之後去京滬小廚野野食返屋企同daddy一齊食野啦~之前係火車站買左d荔枝，食完飯

食左d，好好味呀~~~~~~~~~~今個夏天第一次食既荔枝~好甜呀~( 注意:只係今個夏天，之前都食

過架~) ，我同我mammy 一樣，都係好鐘意食荔枝，可惜荔枝好「熱氣」，我都控制住自己唔好

食咁多，食完飯之後，我又好好多，冇唔舒服啦~我家姐話可能我缺水....我都唔知係唔係......


　　　　真係開心，好耐冇出過沙田啦~等daddy 隻腳好返晒再出過去，仲要去埋又一城食野呀

~，本來打算今年父親節去食架.....


　　　　好掛住d小學同學呀，唔知幾時再約過出黎呢??? > <

原來有人tag 左我...


遊戲須知:
1)一定要答曬咁多題
2)請在開頭列明誰的之最 etc: 小明之最
3)在做完之後加多一題 ,,笞埋佢仙好發post 呀
4)打好就發比4個你的朋友 /// 大功告成!!!

問題:
最惡：睇ivy 果個日記，佢話係佢woo.....
最無奈：咩係最無奈???
最索： 呃...呢d都係各花入各眼啫....
最冇用：人人都有優點既~
最好：好多好多人
最白雪雪：carol啦~
最ｋａｉ： 唔識答
最令人噴飯:.....
最可愛:當然是Fox 了，哈哈，琴日比我玩左3次...
最串：唔知道
最粗口：唔講lu~
最矮：2b 的人都知道的...
最洋蔥：身型???頭髮???
最姣：諗起小學時有...
最淫：都係諗起d小學同學.....
最口講無憑：冇咩邊個啦......
最有用：大家都係
最憎：虛偽既人，小人......
最愛：家人，ivy ，fox......
最死纏難打：當我對住我家姐既時候~
最黑仔：我試過啦~
最唔洗訓：冇架啦冇架啦
最訓得：我~一日可以訓十幾個鐘都覺得唔夠...
最３６　２6　３６：吓.......
最老：諗諗先
最我: 什麼什麼最我?
最粉：.....
最小家：應該冇吧.....
最賤：諗起某一家人
最煩：當我對住屋企人既時候~
最勁畫功：呀ling ，柳學軒，amy~
最好笑：好多架，小學又有，中學又有~
最唐老鴨：即係咩呀?最鐘意呀?唔知woo...
最巴斯光年：唔知~
最EASON：都唔知~
最ｃｈｉｐ’ｎ　ｄａｌｅ: 我好鐘意架~
最JAY：好似係otto
最ISABELLA：好似冇woo...
最ｗINNIE THE POOH家族：.諗起polly~嘻嘻
最叻：好難形容
最青蛙：o瓜o瓜叫呀?
最熊貓：alfred
最７：...........
最９：..............
最３８：呃......
最z：即係咩呀....眼訓呀?
最lum： 睇唔明woo....
最好聽：說話?歌聲?歌?邊樣呀...
現時最愛：當然是家人
佢是最ｘ的：什麼什麼來的?
最白痴: 同最可愛一樣，你唔好話我呀...
最童真:浚浚----一個BB ...
最值得你學習的人：三人行必有我師焉


加多題:
最鐘意傾電話：我諗應該係fox~嘻嘻

>>July 1, 2006 at 11:20:42 PM GMT+8

2006 年 6 月 30 日 星期五 【晴】

　　　　好野~終於考完試啦~考完份history 好開心呀~之後返團聚，覺得好有意義，不過.....唔

聽流行曲真係幾難，不過我自問都唔係好迷流行曲，我覺得影響都唔係好多......Yan Sir 講野真

係好好笑......


　　　　返完團聚，好趕咁又要返屋企換衫之後又落返去會合佢地啦~又話有3hrs...點知佢又話

lunch 最多得 2.5 hrs...呃人既，不過算，照玩......又唱美女既「飲歌」啦...超搞笑...最後再唱勁歌

金曲，首歌好長呀......好似唱得唔夠喉呀......得咁少時間，之後去左Mekra 屋企，除左幼稚園，

仲唱左好多歌呀~玩左個幾鐘，之後返屋企lu~返到去，行行企企唔知做咩好，岩岩考完試，所

以唔知做d咩好.... = = 好慘woo....唔使溫書唔係應該好開心架咩???真係奇怪...


　　　　星期一派3科主科呀....math 同中文都冇信心，都唔知會唔會唔合格呀....今次math 真係

勁難呀...

　　　　整體黎講，今日好好好開心呀~^^

>>June 30, 2006 at 9:16:56 PM GMT+8

2006 年 6 月 29 日 星期四 【綿綿細雨】

　　　　我有幾耐冇打過日記呢?我發現我真係好懶，開個日記出黎，又唔係日日打，仲有，我

希望自己以後打既日記都係開心d，唔好再打d唔開心既野，我發覺自己無論係打日記定係寫日

記，都會記d唔開心既野多，希望可以改改呢個唔好既習慣啦~


　　　　exam 完之後，睇黎要轉轉個日記啦~

>>June 29, 2006 at 9:06:19 PM GMT+8

2006 年 6 月 22 日 星期四 【乍寒還暖】

　　　　今日既Math ....我都未試過有一科會咁，勁多唔識，有d MC 好難呀~Long Q 更加唔使

講，都唔知合唔合格喔~有一段時間係好down，不過好快就冇野啦~因為仲有6日exam呀~冇理由

為左一科已經過左去既math令到之後果d 科受影響架，好唔值得wo~大家都要 + oil ，努力埋呢

一個星期呀~時間可唔可以過快d 呀?點解要成2個星期呀?好煩呀!!!

　　　　我daddy 隻腳終於好返好多啦~太好啦~不過仲未好得晒....希望佢快d好返啦~^ ^

　　　　可能人大左，諗野總係變得複雜左，唔可以好似以前細個咁，諗野只係一條直路，好

直接，而唔會好似大人咁....


　　　　「有咩都唔使怕，唔使驚，有屋企人同你一齊，仲有咩要你擔心呀???」這句說話真的

令人覺得很溫暖，很溫暖......

>>June 22, 2006 at 7:57:07 PM GMT+8

2006 年 6 月 16 日 星期五 【酷熱】

　　　　琴日病左，冇得exam，今日要補返啦～不過，首先多謝大家既關心，我諗我應該冇咩

野卦......哈哈，今日private study 既時候，同ivy 數黎數去都數唔到有8個說明手法，永遠都只係數

到7個~之後中文作文啦~真係好啦~今次得2parts ，唔使寫咁多野~好似好多人寫題目2~我都係

^^，我覺得我想得好似有d....怪怪地，不過唔會唔合格卦~但係exam完之後，個頭好痛呀..好彩今

日得一科，如果唔係我都唔知可以點，頂唔順，冇返團聚，跟住2:30 pm 又要返去補考，

咦....dict unseen 錯左幾個啦....好傷心....comp 都ok既~考完個頭又痛過，help~痛到爆啦~好辛苦，

到底係心理作用定係未好返呀?都未發燒啦，仲痛到咁....好討厭呀!!!!!!!!!!!!!!! > <


　　　　今日又有人上黎睇波，死囉...呢幾個星期五都一定會係咁啦.....不過今晚呢場我真係完

全冇興趣，唔關我事......

ps 希望大家可以為我daddy 祈禱，佢整親隻腳呀~ 佢好痛呀...

>>June 16, 2006 at 11:03:27 PM GMT+8