2006 年 8 月 29 日 星期二 【綿綿細雨】

　　 Every star is unique and
every day is different,
that's why on your special day,
we are sending you our
warmest wishe, that your
sparkles will outshine
the stars.
　　　　
　　　　這是從一封信上看到的，好像寫得很美呢.......
暑假呀~很快就完結，又是新的開始......

>>August 29, 2006 at 10:30:22 PM GMT+8

2006 年 8 月 22 日 星期二 【晴】

　　　　最近都冇咩特別野做，但又未做晒D暑假作業，仲要係剩中，英既LISTENING，好唔想

做啦......個暑假咁快就放完啦，去旅行前覺得暑假過得好慢，去完返黎就剩返10日多DD，差咁

遠既.....竟然有D喜歡在泰國的日子，從來都未試過喔.....真係好好好奇怪......除左去美國果次.....

次次我去旅行去左幾日後就開始掛住屋企.....但今次完成冇woo~好想去多次呀~~~突然覺得，呢

個世界咁大，好應該要去唔同既地方見識見識，總有一天我要去勻世界既五大洲呢！！！

呢2日daddy放假，2日都去左整d証件，去整智能身份証又去整回鄉証，今年d野一次過

過期，BNO，特區護照，回鄉証.........幾時到18歲，d証件可以用10年呢?

>>August 22, 2006 at 8:29:42 PM GMT+8

2006 年 8 月 21 日 星期一 【晴】

　　　　最後一篇寫去旅行既日記啦~比上年快左好多呢......上年起碼寫左成個星期~


　　　　　　　　　　　　　　　　～８月１７日～
　　　　今日係最後一日啦~所以可以遲dd起身，係7:30am morning call~但係我都係7:00醒左一

醒，冇辦法啦，前幾日都慣左，好悶......又食酒店既早餐.......之後就去左呢個帝皇古廟，逗留1

一陣，又係同前幾日去果個鄭皇廟有dd關係，因為都係關於果個人既~原來佢係一個中國人，做

過泰國既皇帝〝因為佢同緬甸打過仗，奪返泰國既土地.......去旅行除左玩之外仲可以認識當地

既歷史同文化，真係一舉三得.......之後去左海味街，有得試食，不過d野都唔好味既，所以唔係

買左好多，哇！我daddy 食左粒榴槤糖，陣味好勁，嚇到我即刻走開.......之後搭車返曼谷，要2

個幾hrs 既車程呢.....我怕悶所以一早拎定mp3....點知個領隊講左佢一dd 帶圑既經歷，好搞笑.....

有時間同大家分享~佢話佢帶過d名人呢......咁就過左2個hrs，我真係佩服佢，佢講咁耐，我只係

見佢飲過一啖水.....之後又去食buffet，都ok 既，不過d野好普通~之後上左去睇曼谷個全景，都

冇咩特別，我覺得好似馬來西亞d feel~跟住又影左d相，3點幾搭車出機場lu~呢5日過得真係好

快，之後同領隊&導遊影相，搭6點幾機......上機就zzzzzz....食左好少野，一次比一次難食，差d

想嘔....點解國泰好似差左咁??!! 10點幾返到香港啦~拎埋行李，搞埋其他野就去搭E41，成1點先

返到....好累呀~ 我覺得泰國係幾值得去玩，可以去多幾次呢~今次去旅行都好開心，我覺得跟

永安去唔錯呢，領隊&導遊都好有帶團既經驗呀~

>>August 21, 2006 at 6:29:10 PM GMT+8

2006 年 8 月 20 日 星期日 【乍寒還暖】

　　　　繼續打去旅行既野啦~

　　　　　　　　　　　　　　　　　　～８月１５日～
　　　　今日都係7:00起身，之後都係架啦，除左最後果日.......食早餐，無論我拎幾多，我都係

食唔晒...好奇怪......跟住第一站去左三頭象博物館，果度好多野睇，頂層好靚呀......有d星星，應

該係畫左d星座，之後又去d叫你買野既地方，例如買燕窩，手袋呀果d，不過好似冇人買....之後

就去龍城食飯，果度好大架....有d waiter 要踩roller 呢.....d野食都ok，唔錯既.....不過入面真係好

似一個庭園咁....之後就去芭堤雅，沿路去動物園，都冇咩野睇既....不過見到有所謂既「老虎

仔」，不過真係好大隻，搞到本來我想抱佢影相都唔敢啦.....我見到佢地想爪人呀......好彩冇

抱....我以後去旅行都唔會去動物園啦..去左3次已經好足夠.....跟住就真係去到芭堤雅啦~先去酒

店check in ，休息左一陣，間酒店好有度假feel，唔錯唔錯....之後去Bale 去食泰餐，d冬陰功湯

好好味呀~間餐廳都好靚，比人既感覺好舒服~之後去左行mike....(唔記得左係唔係咁串,,,)又掃

貨......好開心呀...買左朱古力，可惜冇黑朱古力.......行左2個幾hrs啦......跟住就同d團友，導遊&領

隊一齊食宵夜，d燕窩幾好味....d翅呢就唔多好食........跟住返酒店訓教.....zzzzzz好累呀...


　　　　　　　　　　　　　　　　　～８月１６日～
　　　　第二日起身，家姐個樣好驚訝......原來佢話件行李打開左...佢話琴晚明明關左.....但係我

都已經唔記得啦~問我都冇用.....就當我地冇啦...唔係可以點.....跟住又食自助早餐，今朝唔敢食

咁多野，因為一陣間要搭船，廢是嘔啦....食左暈浪藥，所以搭左30min 都冇事，不過好辛苦.....

好大浪，上到珊瑚島我好呆滯.....坐左好耐先恢復正常，之後落水玩，daddy 話教我游水......d水

好舒服呀~好耐冇玩過水啦~我落到水不停咁傻笑.....家姐又係咁，佢仲驚過我，哈哈，結果都係

學唔到，算啦，都冇可能咁快學到，下次先啦~之後食lunch，都係唔敢食咁多，因為之後又搭

船返去啦~今次好dd，只係有d頭暈......返到去搭旅遊巴去做spa啦.....好舒服，d薰衣草味好香.......

咁就做左1hr啦~之後去左shopping，5點幾就去左食dinner啦....因為係食法國餐，所以要早d食

woo....冇我想像中咁好......不過味道都唔錯既.......跟住去左睇人妖Show.....原來人妖係泰國既

國寶呢.....而且佢地都有老公.....呢一樣野係令大家最覺得驚訝......不過如果唔講真係以為佢地係

女人呢.....有d真係好靚架.....咁就睇左1個幾hrs啦~之後又去左行一陣〝跟住就返酒店，聽日係最

後一日啦，竟然有d唔捨得...

>>August 20, 2006 at 10:03:38 PM GMT+8

2006 年 8 月 19 日 星期六 【晴】

　　　　去完旅行返到黎啦~原本早一日就可以用電腦架啦，可惜用唔到呀.....打返呢5日去過泰

國既事先~


～８月１３日～
　　　　9點幾起身落街食早餐，食完11點幾就去搭E41 出機場啦，我地早左dd去，因為有d野

要整，我本BNO 竟然唔夠6個月，有DD驚去唔到，不過個領隊話唔使擔心，好多人都試過，不

過都過到去......之後四周行行，3點幾上機啦~飛機餐真係好難食呀.......食左dd已經頂唔順，好彩

去泰國只係搭大約2hrs，如果唔係好痛苦架......之後落機，領隊同我一齊入境過果個櫃檯，好驚

呀....>< 好彩最後過到，不過我覺得好黑暗呀~出左機場之後首先去睇四面佛，再行左一陣商場

就去食dinner，食娥姐私房菜，d咖哩炒蟹好好味呀，不過d冬陰功湯都唔辣既，只係酸，唔夠喉

woo~食完行夜市，好多店舖喔~不過好多間賣既野都係差唔多，我就一樣野都唔岩啦...咁就行

左2hrs啦，之後返酒店啦，果間酒店都唔錯呀~幾算幾大間既~沖完涼，拾完d野都已經1點幾，

跟住就好快訓啦zzzzzz~


　　　　　　　　　　　　　　　　～８月１４日～
　　第二日7點起身，之後落去食早餐，不過岩岩起身食唔到好多野，之後搭旅遊巴去碼頭，再

上船游湄南河，初頭怕自己會暈船浪，不過好彩都冇，條河d水都幾黃.......去到某個地方見到有

好多魚，買左條麵包餵佢地，d魚好恐怖呀，扔d麵包落去，佢地好快就食晒啦.....d魚好大條

呀，好似d三文魚咁大條，估唔到食麵包都可以食到咁，之後上岸去睇鄭皇廟，果度起得好靚，

好宏偉呀....好似埃及金字塔咁起，跟住d樓梯又高又直，落返去既時候我同我家姐都腳震震.....

嗚....之後上返船返返原本既地方，哈，落船果陣我行到搖下搖下，個領隊問我係唔係暈船浪，

事實上係我企唔穩，搖下搖下........好搞笑~之後去左fogo vivo 食巴西燒自助餐，d野都ok既~不

過，唔多野choose啦........之後去左好多要叫人買野既地方，不過我地都唔係買左好多，都係買

蜜糖果d啦~之後呢就去左個大型商場Siam Paragon ，先去水族館，果度有好多海洋生物，真係

大開眼界呀.......之後再上返去shopping，我同家姐買左好多野呀.....不過都係同一類型既野，其

他野就唔係好平啦....不過boots (護理皮膚)就好平，daddy 同家姐狂掃.......行左3hrs，就去食飯，

去食火鍋，都唔好味既.....食d野又普通，係呢次旅行最唔好食既一餐，之後返酒店囉，daddy 同

某一d團友跟領隊同導遊去做古法按摩，我同家姐就唔去啦，上次去南海領教過啦，好似比人打

咁.....好痛，我地就早d返酒店休息啦~


　　　　　　　　　　　　　　
　　　　　　　　　　　唔打住啦，聽日繼續．．．．．．ｔｈｘ

>>August 21, 2006 at 6:29:35 PM GMT+8

2006 年 8 月 11 日 星期五 【晴】

　　　　今朝發埋d奇奇怪怪既夢，好似見到幾個小學同學......跟住比個電話整醒左，即刻彈左

起身，向下伸隻手拎.......點知成個飛左落地......好彩整返好......跟住快快換衫去搭k12去火車站附

近搵我表姐同佢個仔陪佢地整d野.....事實上我係帶路既~咁就整到1點囉~果個地方好似似曾相

識，好似發夢去過，但我都係第一次去，真係奇怪.......之後同佢地去新達食野~同表姐一路食一

路傾，知道好多佢以前細個既事，又聽左d好奇怪既真人真事，我知佢同我mummy好friend，但

唔知原來佢地係一齊大，一齊玩呢.......之後返左屋企，終於做完本maths啦~而家仲有中英既

listening同埋1/3 vocab就做完啦~加油加油！


　　　　怎麼又勾起我的傷心事啦！電視大多都是Happy Ending，可是現實卻事與願違......這一

件事太接近了，想不想也做不到了.......

>>August 11, 2006 at 10:57:18 PM GMT+8

2006 年 8 月 10 日 星期四 【驟雨】

　　　　今日出左街好耐呀......玩香港一日遊，由大埔出灣仔，再去旺角之後去何文田再返大埔

~今日先搭307出灣仔開茶會，落遲左一個站，打電話比daddy，搞左一陣先搵到佢，原來只需要

行返轉頭就搞掂啦~之後就上去聽，佢只係講左10min，我都未試過聽咁少既，佢只係講左d好基

本既野，又唔介紹下其他野既，哈，我daddy 話如果行左去toilet耐dd既話，都冇得聽囉~之後就

左出去食野，永安d野又幾多款，幾好味woo~嘻嘻，今次都食左好多野喔~好似=食lunch/ tea

咁，食完係果度買左少少去旅行要用既野，跟住就搭小巴去旺角，陪我daddy睇佢d 同事踢

波......佢話佢做領隊，今次踢友誼賽要選人下次踢正選......其實我對踢波冇咩興趣....有d悶，不過

我未試過睇現場踢波呢.....不過我睇左一陣已經開始聽mp3啦........個場好大風，好舒服呀~6點幾

走囉~跟住坎左何文田一陣就返屋企啦......7:30pm 先返到呀......呢2日都冇做功課tim~要快d做返，

去旅行前要做晒！！！

>>August 10, 2006 at 10:46:36 PM GMT+8

2006 年 8 月 9 日 星期三 【驟雨】

　　　　今日比平時早左好多起身呀~跟住就食早餐，都食左好耐，去到10:30am，打去叫醒

fox，佢問我幾多點，我話10:30am，佢聽左7:30am，以為我玩佢.....How come?!見佢唔多清醒，

同佢傾左一陣，點知一傾佢就好快醒，仲講左好耐，於是就快快講完，跟住我就換衫出門口啦~


　　　　等Fox等左好耐呀....個肚又痛.......之後同佢去新達租VCD，再返太和去百街買野~之後

去佢屋企，坐左一陣我地就整炒飯啦~哈哈，真係好玩呀~咁就整左30min 啦~又有chicken wings

食呀~好好味，自己煮既野好好味呀~我地一路食一路睇「黑夜」，Fox一驚又大叫啦~跟住佢又

撞親個頭......第1個故事係有d恐怖，但之後果2個都冇咩咁特別，我地食飯都食左1h30min囉~我

都未試過食飯食咁耐.......哈哈，我應該係第一個食飯比Fox慢啦~之後，我地玩左個online game，

係跳舞既，都幾得意，但係好難控制啦....我地一人按一邊，好搞笑，打到隻手好似就抽筋啦.....

跟住我地打完就玩拉筋遊戲，Fox個樣好似好痛苦woo......之後佢陪我去商務買野~then佢返屋

企，我就去搵我daddy啦~去銀行見佢唔到，咁我就搵我表嫂啦，佢話佢岩岩買完保險走左啦.....

又打唔到比佢....原來佢傾緊電話，之後我地行左一陣就返屋企啦......今日好累呀.....隻腳好痛呀~

今日好開心呀~聽日去開茶會，要出灣仔喔..... 仲未開始拾行李，好煩呀！！！

>>August 9, 2006 at 10:08:37 PM GMT+8

2006 年 8 月 8 日 星期二 【晴】

　　　　　今天大家約定，總有一天我們一起去旅行~這是一個朋友之間的約定！！！雖不知會

是什麼時候，但一定會實現的！！！^ ^

>>August 9, 2006 at 12:09:48 AM GMT+8

2006 年 8 月 2 日 星期三 【寒冷】

請依問題逐一回答
寫完之後記得傳比好朋友

1 -- 傳給你的人是: FOX
2 -- 你和她是甚麼時候認識的 :五年級
3 -- 覺得她是個怎樣的人 ;好鍾意講野，好開心朋友
4 -- 如果用 1種動物形容,你覺得她像甚麼 :FOX .....嘻嘻
5 --你最想對她說甚麼: 我和你永遠是好朋友~
6 -- 如果可以和她同遊,你最想去哪裡 : 度度都去~
7 -- 你和她有相同興趣嗎:應該有，不過......一時諗唔起....明明有時成日講.......

Tag-----Ivy, Fox, Mekra, Ling, 朱 .......................

>>August 2, 2006 at 7:09:11 PM GMT+8