|
2005 年 5 月 17 日 星期二 【晴】
覆bb：多得你唔少喇！搞到我無得訓！
覆apple：你又唔同我講你出得黎打波！
今日係day6，又係放完三日假之後第一日返學，我入門口既時候，何sir佢已經望o左我好耐，唔知今次又咩事呢！原來佢叫我去佢簿架到拎返地理工作紙，佢叫我派，之後上堂做喎！
今日又有電腦堂上，上電腦堂不嬲都係悶嫁喇！我就同阿柱、cherry、李駿傑係到傾計，我地咩都傾下，我亂講錦講o左d野俾cherry知，係關於bb，點知cherry佢又問bb喎！搞到bb佢又話嬲我，睇黎今次都係真嫁喇！大鑊喇！
lunch我就係課室到玩，其實我係o係到玩人姐！玩邊個？梗係玩隻貓、阿ming、芷蔚、馮美群同阿dor喇！
貓貓佢今日買o左本雜誌返黎，我就係隻貓手上搶到，我就企埋一邊睇，我同阿柱睇到一半，佢地成班人就一齊黎搶，但係佢地無人搶到，阿柱佢有份睇都唔幫我手，我想俾阿柱，但係我俾人扯住件〝冷衫〞，我俾都俾唔到，要佢過黎拎！傑仔佢就係到睇戲，佢地5個同我搶都搶唔贏，跟住阿柱佢又俾o左本野俾李駿傑，李駿傑唔夠兩秒就俾班女仔搶返！傑仔話佢無用，我一個同5個搶都搶得贏！
之後最搞笑係我係佢地睇緊既時候，我又搶到，點知我俾阿柱既時候俾佢地偷o左，跟住我又繼續搶，佢地根本就唔夠我快，我玩到成身都係汗，跟住就無玩！貓貓佢就收返埋本雜誌，因為就黎俾我地玩到爛！
今日最搞野係上中史堂既時候，我地班有人發覺有隻好細隻既鸚鵡，我地小息時候，我地諗好唔好捉佢落黎，有個人佢跳高捉隻鸚鵡，點知佢一隻手壓住o左隻鸚鵡，好彩佢即刻放手，唔係隻鸚鵡一定死！但係隻鸚鵡係lunch之後就無再見過佢，希望聽日佢會返返黎！
>>May 17, 2005 at 10:12:58 PM GMT+8
2005 年 5 月 14 日 星期六 【清涼】
覆傑仔：你真係好似封到一波，錦珍貴既一球，真係想睇，不過我睇唔到！
覆梓桓：你唔著鞋周圍走，你隻腳唔痛嫁？我無眼超超啵，我望下個女咋，你又睇我地打波，我咪望你囉！
我今朝一早又出o左去打波，我七點幾去到中央，發覺唔係好多人，有空場，我就係到射波，之後見到一個之前打波見過佢既人，雖然我唔知佢見咩名，但係之前成日打波，不過好耐都無見過佢，係今日先見到佢！
我去到中央之後打電話俾傑仔佢，叫佢出黎，點知佢又鬼錦遲出黎，我係中央打o左一陣，我就見到一個著我地校服既男仔行過黎，我望清楚，原來係咸臻佢，佢係中央個場籃球架下面換衫，唉，真係好想扮唔識佢，好彩中央唔係有好多人姐！我同佢勁射波，佢射三分我射中距離，今日手風好順，我覺得自己今日鬥波都會贏！
傑仔佢同劉桁一齊黎到，臻臻佢同劉桁今日都無返英文補習班，我地之後二打二，但係之後又有其他人同鬥波，我手風勁順，我射入o左好多球，臻臻佢打打下抽筋，跟住劉桁要頂佢，好彩劉桁有黎，唔係都唔知搵邊個頂臻臻！
今日我地三個手風都好順，傑仔、我仲有臻臻佢都射入o左好多球，我地打最後一場既時候，我地連入四球，之後俾第二隊入o左幾球，我地就一次射死o左人，我今日射中距離，jump shoot同三分波，全部都有入波！
我今日好〝支力〝，所以我四點幾去訓覺，點知我o岩o岩訓著，bb佢就打電話黎，我又俾佢嘈醒o左，都唔係第一次嫁喇！都唔知點解佢成日都係我一o岩o岩訓著，佢就會打電話俾我！
>>May 15, 2005 at 9:25:53 PM GMT+8
2005 年 5 月 13 日 星期五 【清涼】
今日係黑色星期五，對我地中三黎講真係唔係幾好，今日又校服儀容檢查，又係中三，真係慘，今日又熱，仲要企係到俾人捉添，不過我無俾人捉，我髮尾無事，好好彩！
今日上PE堂打籃球，唉，陳sir佢係到教jump shoot，好無聊，不過有波打就算喇！陳sir佢話要射鎖匙圈，個波又要有拋物線，好彩我射波通常都係用jump shoot，難唔到我！
我係全班入面入得最多波，其實我地班唔係好多人真係jump shoot，佢地係企係到射波，陳sir佢又話下堂考體能同比賽，叫我地千祈唔好唔返！
我都係想打比賽多d，不過E班成班運動都好好，我地都幾難贏到！不過我地要有信心，我地試過贏o左E班最勁o個隊，但係之後可以輸返三場，次次輸o個班都係我地，真係慘！
今日女仔佢地自由活動，有人係到打排球，打羽毛球，我地就係到打籃球，梓桓佢係雨天操場到坐，佢無端端係到除鞋，仲好似要掟我錦！我淨係識得係到笑！
放學之後係到打波，我mark o個高佬，我剷到入去，但係我射唔入，又走唔到籃，因為佢太高喇！我怕俾佢封波，傑仔都封唔到個高佬波！
>>May 13, 2005 at 9:04:07 PM GMT+8
2005 年 5 月 9 日 星期一 【溫暖】
覆APPLE：你係我個女都唔似我就死喇！今日又要返學，勁悶！今朝一早就要係課室到熱，因為無開冷氣一堂囉，miss Wong佢今朝早會既時候問邊個開冷氣，但係又無人認，不過好多人都知係畢仔佢開，不過無人篤佢出黎，miss Wong佢話無人認就關冷氣，最後畢仔佢梗係無認到喇！
我地成班就係到熱，好辛苦錦上完英文堂，之後化學堂既時候同阿sir佢話想開冷氣，阿sir佢真係肯，之後開到lunch既時候先關，因為lunch之後兩堂都係miss Wong堂！
上郭仔堂既時候，出面開始落好大雨，係落好大好大雨，錦既天氣最好就係唔洗返學，係屋企睇波，因為今日有得睇NBA，馬刺對超音速，不過最後都係無得睇！
lunch無食到野，因為下面太多人排隊買野食，我同傑仔佢都唔想排隊，所以就無食到野，就係因為lunch無食到野，所以上中文堂無訓到，幾精神呀！唔係，我兩堂都係望住本書，完全無望過miss Wong佢！
我lunch既時候好想同梓桓佢講野，但係佢又唔理我，我同bb佢傾計既時候，佢想行過黎搵bb佢，但係見到我佢又唔想行過黎，我一行過去佢就走，佢都係想避開我姐！
我諗過好多方法，好想好想同佢講野，我就搵o左apple佢同我傳話，唔知點解，我講佢又唔聽，apple同佢又肯聽，你真係錦憎我？係你留言板留言你又唔理，我唔知你有冇睇過，不過我知你無覆我！
>>May 9, 2005 at 10:15:21 PM GMT+8
2005 年 5 月 7 日 星期六 【陰】
今朝六點鐘就起o左身，因為我想去打波，因為錦日發生過一件連我都好唔開心既野，我今日其實係出黎散心，唔係真係想打波！我去到中央打o左一個電話俾彬彬同傑仔，叫佢地兩個出黎！
傑仔佢七點幾先出到黎，彬彬佢又係最遲，佢成九點先出到黎，彬彬佢未黎之前，我同傑仔佢係到玩鎖匙圈，我地兩個一人玩o左幾次，因為射o左air-ball就要重身射過，第一次我去到三分圈到射o左一個air-ball，要射過，傑仔佢未去到已經要射過，第二次我同傑仔一齊去到三分圈，我話如果又係air-ball，我就唔會玩多次，點知真係射o左個air-ball，我就唔玩，到傑仔佢射，佢又係射o左一個air-ball，我地一齊唔玩！
彬彬佢黎到之後，我地三個又係玩鎖匙圈，我地俾傑仔佢贏o左一次，點解傑仔佢會贏呢？就係因為射air-ball淨係退後一格！玩第一次既時候，彬彬佢係「牛角」位射o左好耐都唔入，我就用o左一個好貼切既比喻黎形容「牛角」位，其實我係串佢嘴！
玩第二次，我地玩返射air-ball就要重身射過，傑仔佢射o左兩次air-ball，佢玩第三之，我仲係o係第二格，我射o左二十幾球，我先射到第二格，激死，最後我地無人贏，因為我地同人贏波！
唔知點解我每一次唔開心，我都想去剪頭髮，我今日真係去o左剪頭髮，我今次破o左傑仔記錄，今次o個個人同我洗頭髮洗o左二十五分鐘，上次傑仔都係洗o左二十分鐘咋！
>>May 7, 2005 at 11:30:55 PM GMT+8
2005 年 5 月 5 日 星期四 【晴】
今日俾人捉，捉我著黑色波鞋，之前都著過一次，不過無俾人捉到，點知今次就俾何sir佢捉o左，算喇！一次姐！豪俾佢喇！
今日上PE堂又係踢波，我地本身唔洗輸得錦慘，最後一球我一擋，個球改變o左方向，個波就入o左龍門，激死！不過如果係其他人守龍好d，o個球一定唔會入，因為我諗其他人守龍佢唔會唔企係到等人射囉！我地組個龍門俾人入o左幾球，有幾球本身唔應該入，但係都入o左！
傑仔佢俾人整趺，但係陳sir佢一次都無吹，傑仔佢趺到成隻腳紅晒，佢趺落地既時候仲整親埋手腕，我俾肥文佢撞到腳膝頭瘀o左！最後陳sir佢又話踢多一場先走，最後一定係和波喇！
雖然我無入波，但係我有助攻，我地入左四球，有兩球都係我助攻！放學之後去o左中央打波，一去到就鬥波，我最後一場同傑仔同劉桁打，劉桁佢射得太多三分波喇！佢一球都無入過，我就入o左一球，我之前打到勁「支力」，對住o個班人更加無力！
不過我係最後發揮射手本色，連入幾波，o個班人好唔like我地囉！同o個班人打既時候，我係籃底搶到籃板，o個班人其中一個打中我隻手，搞到我出界，我梗係話佢打手，我地開波喇！
點知佢地勁唔like囉！o個班人話佢地無打手，傑仔佢封波，點知佢地話傑仔犯規，係人都知傑仔佢無錯，佢地要話咪話囉！佢根本一開始就唔like我話佢，個個都知咩事喇！
>>May 5, 2005 at 10:04:31 PM GMT+8
2005 年 5 月 4 日 星期三 【晴】
今日一早就要返學，因為要拎一隻勁大既飛機返學校，如果遲d返學，遇到成班人一齊搭笠既話，我有排入唔到笠，更加有排都唔洗返學！
所以我搭半已經返到學校，一返到去，見到朱咪咪佢係到打波，之後我就去打o左一陣，其實係射下波姐，不過個場勁烏糟，搞到我隻手都烏糟晒，跟住就去洗手，之後就拎埋其他野上o左去！
我拎到隻飛機上到去，畢仔佢又係到玩，好彩無爛到姐，唔係就大鑊，之後就上D/T堂，我同肥勤整好最後既野，我地試飛，飛到勁遠，不過撞到機翼凹凸不平之後差唔多落堂，我地落o左去樓下試飛，我o個架飛機差d飛o左出馬路，我都叫湯sir佢唔好揀個錦既位，佢又唔信，問佢如果飛o左出去邊個幫我執！
我上堂既時候又勁同薯條佢係到傾計，佢話有個男仔成日係中央打波，o個個男仔話有個裘記既男仔好勁下，肥肥地，薯條話講到好似我，叫我去中央睇下個男仔，不過我最後都係無去到！
>>May 4, 2005 at 9:45:56 PM GMT+8
2005 年 5 月 3 日 星期二 【晴】
錦日去o左我阿嬸屋企食飯，唉，本身我都唔係好想去，只不過係我阿媽佢迫我去，我都係去睇下我個堂妹姐！我本身打算早走，點知又唔得喎！我同我阿媽佢成九點先走！
我返到屋企成九點半，好彩我阿嬸佢住得唔係好遠姐，唔係就慘喇！我一返到屋企就沖涼，因為太熱喇！
今日要返學，真係慘，之前放o左三日假，今日好唔想返學，錦晚又同人玩短訊，玩到12點半先訓，同我玩o個個人話佢訓唔著，我咪陪佢玩囉！
同我玩o個個人話唔同我玩錦夜，佢話唔想我聽日遲到，話我聽日遲到我會賴佢喎！
好彩今日我無遲到姐！今日放學要週會，聽個阿婆係到講歷史，佢好似可以成本歷史書背晒出黎！佢超勁，本身話四點放，本身真係好準時嫁，點知個阿婆佢又話想講多兩個字，校長又俾喎！激死，點知佢一講就講o左幾九個字！
我跟住又要整英文o個份野，整到五點幾先走得，之後同T-MAC佢去o左耀豐樓下個場睇人佢地係唔係到打波，點知又無人，之後就走o左！
>>May 3, 2005 at 9:46:51 PM GMT+8
2005 年 4 月 29 日 星期五 【晴】
今朝一早要落去用咪宣傳，我勁驚，我同薯條佢都要講野，佢講校旗下的講話，薯條佢講得好好，我就講得好差，仲好似好細聲，我都唔知學校d人聽唔聽到我講野添！
今日lunch打波黎，打到成身濕晒，之後仲要上英文堂，今日又無著底衫，一除衫就會露點，又唔想俾miss鍾佢串喎！咪唔除住先囉！我上完兩堂英文堂，件衫都仲未乾！
今日放學我地班會有活動，係閃避球呀！我地班第一場對E班，點知我地慘敗，本身淨係打一場，點知郭仔佢又話打三局兩勝，我地班連輸兩場！
之後B班同A班打，A班輸o左，我地班再同A班打，第一場我地輸o左，跟住第二場贏o左，o個時我地班有5個人，A班有6個人，之後我連續掟中兩個人，A班就輸o左第二場，打第三場既時候，仲打算我地會贏，點知第三場我地班就輸o左，我同畢仔佢勁無奈囉！
我打到成身濕晒，仲露埋點，最搞笑人阿ming佢成日都俾人掟中，一開始比賽無幾耐，佢就俾人掟中，我又無帶衫，因為本身我都無打算打，點知又少o左一個人，畢仔佢就叫我打！我問佢打唔打，佢打我就打！
最後B班第一，E班第二，A班第三，我地班三甲不入，勁無奈囉！我打咁耐淨係俾人掟中過一次！
>>April 29, 2005 at 8:40:55 PM GMT+8
2005 年 4 月 27 日 星期三 【乍寒還暖】
覆梓桓：我企係到傻下傻下錦好好笑咩？
覆pinke：係呀，我係勁少玩你喇！所以要玩多d你！
今朝又一早返去，雖然今日唔洗做野，我一入門口，何sir佢就叫我，我仲以為佢捉我頭髮添，點知佢係叫我拎地理剪報簿俾佢，但係傑仔佢又未收好，不過佢返到黎我都叫佢拎落去，但係佢又無拎到，佢小息先拎落去！
今朝本身話上去中一中二宣傳，點知佢地又鬼錦死嘈，我地話一陣早會先上去宣傳，future同翁子羚佢上o左去中一，我同馬騮佢上去中二，我同馬騮佢勁搞野，一開始唔係去A班先，係去E班先，不過佢地勁靜，我地講野個個都有望我地！
我就負責宣傳寓言故事o個個，馬騮佢負責宣傳笑話，我地同馬騮佢入到C班，就有人勁大聲錦叫我個花名，不過聽唔清楚係邊個叫，miss鍾佢係C班班主任，我都知佢會係到串我地，佢話唔係我地宣傳就唔歡迎，佢問我地笑話o個個佢參唔參加得，我同佢講：你參加一定贏梗！
去到B班先搞野，馬騮佢唔敢入去，原來係有原因！我同佢一入到去，B班成班係到扮咳，串緊隻馬騮，我淨係入到去見到阿翹佢勁笑，好彩唔係望住佢講野姐，唔係就一面笑一面講！
我依家先知阿翹佢同個男仔坐，我地上年中二都好想男女一齊坐，點知呂sir佢又唔俾喎！想既時候佢又唔俾，唔想既時候佢又迫我地！
>>April 27, 2005 at 9:30:19 PM GMT+8
|
![]()
S & K
|
廣告 |
|
|
讀者留言 |
| 路人留言
|
 可能佢已經冇憎你呢...
<br
>>July 27, 2007 at 9:33:59 PM GMT+8
你玩誠實與大膽都唔係好快= =
>>July 2, 2007 at 1:31:39 PM GMT+8
你唔想升中6?
<br>你讀5d
>>April 8, 2007 at 12:22:58 PM GMT+8
點解你地班收風收得咁勁!!??
>>March 17, 2007 at 11:27:12 AM GMT+8
我好耐無同你留言喇!xp''
<
>>March 11, 2007 at 4:58:27 PM GMT+8
你有落X???
<br>唔見你o
>>March 3, 2007 at 2:48:24 PM GMT+8
唔回你...因為網球王子比你同我
>>February 23, 2007 at 2:04:46 AM GMT+8
係呢，你係邊度擺檔？
>>February 14, 2007 at 8:53:48 PM GMT+8
哈,估唔到你仲諗緊呢個問題 =.
>>February 14, 2007 at 5:54:04 PM GMT+8
你D pastpaper係借定買
>>February 7, 2007 at 10:55:15 PM GMT+8
你事實係偏幫!!!!!!!!!
>>February 1, 2007 at 8:30:09 PM GMT+8
唔好嬲喇!!!!!!!!/~\
>>January 25, 2007 at 9:22:51 PM GMT+8
你乖?行埋一邊~
>>January 22, 2007 at 9:36:41 PM GMT+8
我2點已經返左黎TSW!!!
<
>>January 21, 2007 at 5:32:45 PM GMT+8
你唔夠我嘈ge原因係咩?
<br
>>January 21, 2007 at 3:52:33 AM GMT+8
我唔識分...你就唔會搵到我喇!
>>January 20, 2007 at 12:55:40 AM GMT+8
唔錯丫~~~好家姐^.^!
<b
>>January 15, 2007 at 8:25:46 PM GMT+8
我地反面喇!!!=-=''xd'
>>January 14, 2007 at 1:07:34 PM GMT+8
我係咁現實架喇!!!!
<br>
>>January 13, 2007 at 8:42:19 PM GMT+8
好野呀,,,估唔到你EQ咁高呀"
>>January 13, 2007 at 1:57:44 AM GMT+8
你一日唔比個主題我..
<br>
>>January 9, 2007 at 8:56:52 PM GMT+8
又關我事ge- -"
>>January 8, 2007 at 9:07:35 PM GMT+8
快d比個主題我!!!
<br>反
>>January 6, 2007 at 1:09:41 PM GMT+8
估唔到WOR...
<br>
>>November 19, 2006 at 5:19:54 PM GMT+8
唔會有下次!!
<br>我唔會再
>>October 29, 2006 at 6:57:35 PM GMT+8
我同我ma講電話..
<br>從
>>October 11, 2006 at 9:23:33 PM GMT+8
你又知果個係我媽?
<br>我都
>>October 10, 2006 at 9:14:55 PM GMT+8
我唔要同你一組!!!
<br>係
>>October 6, 2006 at 7:25:38 PM GMT+8
PINKE 點會唔唱比REDS聽
>>October 3, 2006 at 11:18:23 PM GMT+8
飽到嘔既~~~我早知唔拎蛋糕啦~
>>September 30, 2006 at 7:36:32 PM GMT+8
過 份!!!!!!!!!!!!!
>>September 30, 2006 at 5:23:13 PM GMT+8
得 LA 你~~~~~ 有 AP
>>September 29, 2006 at 10:54:13 PM GMT+8
我會檢討嫁啦'""
>>September 20, 2006 at 10:26:08 PM GMT+8
唔好抽緊多水a~~~~
<br>
>>September 5, 2006 at 9:06:41 PM GMT+8
咁 呀,, 你 唔 洗 叫 我
>>September 4, 2006 at 3:29:10 PM GMT+8
有 我 係 到 至 才 冇 咁
>>September 3, 2006 at 11:27:59 AM GMT+8
依... 做 咩 唔 叫 我 去
>>September 1, 2006 at 9:08:42 AM GMT+8
re:8月5
<br>
<br>
>>August 15, 2006 at 12:45:59 PM GMT+8
你 就 好 LA,, 有 得 玩
>>August 14, 2006 at 5:54:26 PM GMT+8
第1次黎你日記板渣....
<b
>>August 7, 2006 at 12:26:56 AM GMT+8
回返你723的日記
<br>
<
>>August 5, 2006 at 6:47:49 PM GMT+8
做 乜 事 心 情 咁 差＝＝!
>>August 4, 2006 at 5:23:23 PM GMT+8
<font size=3><fo
>>July 29, 2006 at 1:47:01 AM GMT+8
部 機 咁 得 意,, 咁 咪
>>July 27, 2006 at 4:53:33 PM GMT+8
你唔係最錫我...
<br>我地
>>July 23, 2006 at 11:55:01 AM GMT+8
老豆" miss you*
>>July 21, 2006 at 3:20:18 PM GMT+8
係 呀,, 真 係 冇 事!!
>>July 15, 2006 at 3:08:28 PM GMT+8
我 冇 野 喎 =0="
>>July 14, 2006 at 1:27:25 PM GMT+8
特首...你係咪試升?
<br>
>>July 7, 2006 at 1:48:18 PM GMT+8
傻 彬 媽 媽 做 乜 事 呀？
>>July 5, 2006 at 9:55:26 PM GMT+8
|
|
