|
2006 年 3 月 19 日 星期日 【清涼】
嘩，原來我咁大面嫁！連我老婆都黎幫我留言！你想清楚我，咪同我玩下SMS囉！
今朝出去打波，唉，無咩心情打，不過都好過馬騮，想打都打唔到！
打第一場已經火火地，今日射波勁唔準，唔知係唔係因為錦日整親隻手！
我同傑仔係到傾女，唉，睇黎佢都幾煩！
傻彬唔見野，我走既時候仲見到，點知唔夠3分鐘就唔見o左喇，睇黎佢要買過！
我呢排好唔開心呀，搵人出黎陪我鋤d呀！
唔知點解呢排成日贏，唔通因為我情場失意，唉，可能喇！
apple，你唔開心又唔同我講，我都估到你有野嫁喇，但係你又唔同我講，算喇，可能你同我講o左，我都未必幫到你，又可能，我唔知好過知！
老婆，其實我講咩你應該都明嫁喇，我唔想講到咁白喇！好傷既！
唔好俾我知係邊個咁無聊係到鬧人，我一定同佢玩！
>>March 19, 2006 at 3:06:00 PM GMT+8
2006 年 3 月 17 日 星期五 【酷熱】
今日係阿ming生日，好想快d到夜晚，因為勁想去玩！今日英文堂同A班一齊上，仲以為有機會同apple一齊坐添，點知miss Wan要分開我地兩班坐囉！
放學miss Lee係到玩野，問我地班有幾多對情侶，之後miss Lee問尤威佢地我同阿ming有冇傳緋聞，我頂佢呀！我就係佢隔離，佢都夠膽問！
放學打o左陣波，之後就返屋企沖涼，跟住約o左馬騮係天耀輕鑼站等！之後我地出到去，我地成班友勁多人囉，之後就行行行，行o左勁耐！
之後去到千色，我同馬騮又行開o左，因為我地去買野俾阿ming，之後我同馬騮都唔識路，行o左勁耐先搵得返佢地！我地叫阿ming估我地買o左咩俾佢，阿ming幾醒目下，一估就知我買既係花！
哈哈，我第一次買玫瑰送俾女仔咋，阿ming有福了！之後我同馬騮送future去搭車，之後就返去食飯！我地食o左3百幾蚊，10幾個人食，都差唔多！
未食飯之前佢地幾個女仔已經差唔多飲醉，唉，bb又喊喇，我諗我知咩事囉！馬騮佢今日咩都食，佢竟然唔記得要介口，唔知係唔係因為佢無介口，所以隻腳咁耐都未好返！
我地係到諗去邊玩，之後決定去元朗公園，我地又行行行，又行o左勁耐，搞到我都有d「支力」！我今日其實都有D唔開心，見到bb佢係到喊，搞到我都想喊埋一份囉！其實都唔知有d咩值得佢喊！
去到公園，我地分開兩班玩，一班玩UNO，一班鋤D！我地玩一蚊隻，我玩o左咁耐，贏o左3局，淨係輸o左7蚊咋，阿龍輸得最多，輸20幾蚊！
>>March 18, 2006 at 6:42:57 PM GMT+8
2006 年 3 月 16 日 星期四 【微冷】
今朝頭兩堂就係電腦堂，唉，都唔知做咩好！賴賴佢又喊喇，唉，佢做咩成日都喊嫁？佢今日嫌我矮呀，我要諗辦法增高先！
小息係到講聽日阿ming生日d野，死喇，平時咁蝦佢，我都唔知聽日點死好！佢上物理堂叫我send歌俾佢，但係唔知點解send唔到，唔通我地距離太遠！
英文堂對MC，我好勁呀！12題我中o左8題，原本我自己俾心機做d成績都唔差嫁！中文堂又做工作紙，唉，差唔多日日都做咁滯！
數學堂勁搞笑，都唔知係到做咩！阿sir成堂係咁同我地講野，佢係到講會考maths 0分d野，佢話平均十分卷就有一份係0分！
放學落o左去圖書館偷野，fish囉，叫臻臻條女幫佢落去圖書館抄少少野，點知我就話：洗咩抄呀，偷張野上黎咁得囉！
之後我就同臻臻同埋佢條女一齊落去偷野，我地幾個神偷真係勁，唔洗1分鐘就偷o左張紙！之後拎張野俾fish，佢勁開心呀！
放學去o左貓屋企，唉，勁多野做呀！
>>March 16, 2006 at 7:20:04 PM GMT+8
2006 年 3 月 15 日 星期三 【微冷】
今朝一早miss Lee就話我喇，唉，一個缺點姐，一句粗口姐，洗唔洗搞到咁大呀！佢話要打俾我阿媽，我頂，咁無聊嫁！
早會勁靜，我唔想講野，我唔想坐依家呢個位，真係好煩呀！唔知點解呢排真係勁唔開心囉，唉，勁煩呀！
生物堂悶到我七彩，我又唔玩得電話，因為個位勁易俾人見到，我諗miss Wan佢見到好多次嫁喇，不過佢無收姐！
PE堂根本就係自由活動，80幾人用一個籃球場，唉，女仔打排球，用晒一個場，咁我地男仔點呀？雞脾今日好搞笑，俾我玩AND 1，哈哈，佢自己都忍唔住笑！阮阮佢變態嫁，佢當我個頭係排球，開唔到波跟住就一野打落我個頭到！
阿ming同future好慘呀，又俾我同阿reds同埋肥堅玩，阿ming最搞笑，我同肥堅都係咁話佢！
lunch返屋企食，本身都諗返唔返到，之後都係返，算喇！我諗都唔會俾人鬧既，果然如我所願，無事呀！
之後英文堂，唉，我依家feel到壓力勁大呀，校本評核勁煩喎，得o個5分，但係要你傾足15分鐘，我寧願唔要o個5分！
放學打算睇人打排球，不過無人陪，落到去一坐低，郭仔就叫我同阿柱去搬野，我頂！之後我見到o個個女仔係到掃地，哈哈，大好機會呀！
我見佢掃o左勁耐，但係一次都無掃過過黎我到，你想點呀？之後等佢放學問佢喇，我等到佢d朋友走晒之後，打算上前問，點知佢竟然行第二條路，黑仔呀！
唔通依家仲有d咁乖既女仔，次次見親佢佢都係返屋企，無話去第二度玩，定係佢返屋企換衫出去玩呢？咁我就真係唔知喇！
>>March 15, 2006 at 10:07:51 PM GMT+8
2006 年 3 月 14 日 星期二 【乍雨乍晴】
今日係白色情人節，男仔應該送朱古力！好彩無人問我拎姐！
今朝好「支力」，唔知點解！頭兩堂就係英文堂，想悶死我咩，我一早就同貓貓佢玩sms，之後玩到第二堂已經差唔多無電喇！
miss Wan俾我既感覺，就好似我阿媽咁！唉，我諗我有一個佢咁既阿媽就好喇，我諗佢應該會幾錫佢d仔女！
小息賴野，我因為一個兩個字既動詞粗口，俾狗洪聽到，之後佢問邊個講，我好大聲咁話「我」，我好遲先知原來我我呢個「我」係咁串嫁！
小息完之前，佢帶o左我落去寫自述書，佢叫我寫好多野，我頂，麻煩！佢d問題又勁廢喎，我都廢事串佢嘴，一陣又俾人記多個缺點就麻煩喇！
lunch無人同我玩添，pinke佢唔肯同我玩喇！慘呀！仲以為佢唔會有野怕既添！我係到偷彬彬d朱古力食，唔止我，賴賴同魚旦都有嫁！
放學去搵狗洪，佢問我本手冊係唔係新，點解咩都無俾人記過，我就話「好奇咩」，就憑我呢3個字，佢即刻拎起筆記我喇！
放學返屋企訓覺！
有人搵我我好急，不過我無起身聽電話！
唉，點解我身邊有d咁賤既人嫁！我諗o個條友真係有病，邊個係第3者呀？邊個咁賤呀，搵人鬧我d女，你係唔係低能嫁！
由呢一刻開始，如果B同D一齊既話，B唔該你以後都唔好搵我，唔好俾我見到你條女添呀！
>>March 14, 2006 at 9:16:11 PM GMT+8
2006 年 3 月 13 日 星期一 【乍雨乍晴】
今日都幾凍，真係想搵個女仔攬下，暖下都好呀！最好就係「佢」喇，肥嘟嘟咁，一望就知「佢」暖喇，可惜無咁既機會攬到「佢」！
今朝第一件事梗係做功課喇，做完之後問隊波d野！我頂，隊波個名聽到之後真係想死囉！叫「SHIT」喎！
調o左位之後好唔慣呀！做咩都俾人睇到晒囉！我個位無可能玩到電話囉，慘喇，以後點過日子呀？
唉，我聽完個名之後即刻唔想打，因為有咩可能叫自己做「屎」嫁！依家愈黎愈忙添，之後都唔知仲有冇時間玩！仲有冇時間溝女！
電腦堂都唔知係到做咩，賴賴「埃」落黎我到既時候，唔知點解有d衝動想攬住佢囉，不過想完就算喇！
我地又係到睇人xange，又係到睇阿愉個xange，雞脾話佢真係勁似私鐘妹！阿愉話去今個月電話費成千幾蚊，之後雞脾話叫佢出黎做多一兩次咪夠囉！真係俾佢笑死！
小息係到講我地隊波個名，唉，都唔知邊個咁大整蠱囉！我同傑仔佢都勁無奈囉！都唔知我地d啦啦隊邊幫我地打氣好！
lunch係到同pinke玩，我同彬彬又係到踩佢對襪，我地唔洗1分鐘就踩到烏糟晒，勁好玩呀！之後我仲繼續踩，玩玩下見到黃sir佢睥住我地，跟住我走o左之後，pinke就俾人鬧喇！低死呀！
>>March 13, 2006 at 7:19:04 PM GMT+8
2006 年 3 月 12 日 星期日 【乍寒還暖】
re pinke：咁你係由火星黎，唔係火星人係咩人呀？
錦晚發o左個夢，我竟然俾個夢搞到自己好火，因為我又知我自己發緊夢，我係到搵呀搵，都搵唔到「你」，明明係夢，唔係應該由我控制既咩？點解我搵唔到「你」嫁？
今日出o左去剪頭髮，我又等o左彬彬勁耐喇！差d等到我發火鬧佢囉！
剪完之後同o左佢去元朗廣場，但係落雨，d人d「姐」咁係插我地兩個，唉，我地d頭髮又濕晒，勁麻煩囉！
我睇中o左個袋，我覺得都幾靚，唔知買唔買好！傻彬佢買o左個銀包，仲要唔夠錢，低死，點解佢會有個一個咁好既朋友嫁？我又借o左錢俾佢！
>>March 12, 2006 at 9:52:13 PM GMT+8
2006 年 3 月 11 日 星期六 【清涼】
今朝訓訓下，突然間醒o左，之後打算繼續訓，跟住就諗起今日要返去補課，之後睇下幾點鐘，點知原來係朝早8點！
之後就訓唔著，跟住就起身，整下野，開電腦，跟住就要即刻返學，搭3先出門口，拎o左本書就要走喇，因為趕時間！
miss Chan佢講咁耐，我就係到聽歌聽咁耐，傻彬佢就係到做功課，聽聽下歌差d就訓著o左！之後11點就放，正呀！
傑仔就掛住溝女，真係有異性無人性喇！我就返屋企換衫，之後出中央，出到去中央，見到勁多人囉！我都估到咩事嫁喇，原來真係Nike選拔，我估以為有人吹雞添！
舊場俾人封o左，新場ok多人囉！我見到有d參加選拔既人打波，一d就好勁，一d就勁廢！原來o個條女仔真係畢仔條女，真係估唔到囉！
我由11點幾打到3點幾先走，真係好「支力」呀！
>>March 11, 2006 at 8:17:21 PM GMT+8
2006 年 3 月 10 日 星期五 【酷熱】
今日好正呀，頭兩堂係英文堂，但係我地都唔洗上，因為miss Wan佢去o左開會，所以我地唔洗上堂！不過佢留低o左野俾我地做，我地勁快做晒，之後就係到玩！
中文堂勁正呀，李sir佢同我地玩game，勁驚輸囉！不過好彩唔係我地輸姐，成班都勁緊張，因為輸o左要背書，慘！
lunch既時候有野睇，條女真係有型，打開晒俾人睇，我係到講佢，佢地個個望晒過去，之後傻彬話人地知我講緊佢！鬼叫你地咁咸濕咩，我一講你地就望晒過去，人地梗係知我講佢喇！
之後我同傻彬係到同pinke玩，勁搞野呀，我同傻彬係到踩佢，哈哈，好好玩呀！踩火星人，真係好玩，pinke俾我地踩到對襪黑晒！
班主任堂做問卷，做完之後仲有20蚊書卷收，正呀！阿ming d品味真係有少少問題，佢竟然話o個個女仔靚，但係我一d都唔覺囉！
做完問卷之後就調位，我頂，調o左四次位，竟然2次坐埋同一位，有冇搞錯呀！我聽到我個新位之後，我無坐低囉，因為勁唔想坐囉！2次坐埋同一個位唔係問題，最重要係同埋同一個人坐先係問題！
之後miss Lee調o左我上前兩個位，唉，我差少少俾人害死，差少少就同一個勁煩既人坐囉！不過坐前兩個位之後，我後面o個個人都好勁煩，希望佢唔好煩我喇，唔係我一定發脾氣呀！
miss Lee佢話佢本身打算調我同阿ming坐，唔通佢真係以為我同阿ming有野？唔會掛！超唔鍾意依家呢個位，一定要再調呀！
究竟你係唔係同我講嫁？如果你真係同我講既話，我真係想知點解你咁都要hurt我囉！我唔想離開你，更加唔想你離開我，我唔想無o左你！
希望係我自己諗多o左喇！
>>March 10, 2006 at 8:56:48 PM GMT+8
2006 年 3 月 9 日 星期四 【清涼】
今日好多測驗呀，朝早係到溫書，溫溫下發覺miss Lee佢已經黎到我面前，我就即刻收埋本書！今日我地班決定o左去邊燒烤喇，去石澳燒喎，唔知好唔好玩呢？
生物堂測驗，識d唔識d喇，唉，生物咁難嫁！之後中文堂，做工作紙，勁難做呀，首詩講咩我都唔明！
lunch打o左陣波，我頂，都唔知依家咩天氣，我都無咩跑過，但係都流晒汗，我又唔想除冷衫，搞到件恤衫濕晒！
lunch之後數學堂，我係到食野，不過都有聽書，又俾陳sir鬧喇，佢話我地掛住溫書，唔聽佢講書！呢排我地班日日都俾人鬧！
有個觀星既活動，但係因為25號我地要補課，搞到可能無得去！唔知區sir佢肯唔肯改時間呢？我都想去玩下，我諗應該都幾好玩！
放學測maths，勁易喎，但係我一個理由都唔識寫，所以最後o個15分可能一分都無，唉，慘呀！
>>March 9, 2006 at 7:18:54 PM GMT+8
|
![]()
S & K
|
廣告 |
|
|
讀者留言 |
| 路人留言
|
 可能佢已經冇憎你呢...
<br
>>July 27, 2007 at 9:33:59 PM GMT+8
你玩誠實與大膽都唔係好快= =
>>July 2, 2007 at 1:31:39 PM GMT+8
你唔想升中6?
<br>你讀5d
>>April 8, 2007 at 12:22:58 PM GMT+8
點解你地班收風收得咁勁!!??
>>March 17, 2007 at 11:27:12 AM GMT+8
我好耐無同你留言喇!xp''
<
>>March 11, 2007 at 4:58:27 PM GMT+8
你有落X???
<br>唔見你o
>>March 3, 2007 at 2:48:24 PM GMT+8
唔回你...因為網球王子比你同我
>>February 23, 2007 at 2:04:46 AM GMT+8
係呢，你係邊度擺檔？
>>February 14, 2007 at 8:53:48 PM GMT+8
哈,估唔到你仲諗緊呢個問題 =.
>>February 14, 2007 at 5:54:04 PM GMT+8
你D pastpaper係借定買
>>February 7, 2007 at 10:55:15 PM GMT+8
你事實係偏幫!!!!!!!!!
>>February 1, 2007 at 8:30:09 PM GMT+8
唔好嬲喇!!!!!!!!/~\
>>January 25, 2007 at 9:22:51 PM GMT+8
你乖?行埋一邊~
>>January 22, 2007 at 9:36:41 PM GMT+8
我2點已經返左黎TSW!!!
<
>>January 21, 2007 at 5:32:45 PM GMT+8
你唔夠我嘈ge原因係咩?
<br
>>January 21, 2007 at 3:52:33 AM GMT+8
我唔識分...你就唔會搵到我喇!
>>January 20, 2007 at 12:55:40 AM GMT+8
唔錯丫~~~好家姐^.^!
<b
>>January 15, 2007 at 8:25:46 PM GMT+8
我地反面喇!!!=-=''xd'
>>January 14, 2007 at 1:07:34 PM GMT+8
我係咁現實架喇!!!!
<br>
>>January 13, 2007 at 8:42:19 PM GMT+8
好野呀,,,估唔到你EQ咁高呀"
>>January 13, 2007 at 1:57:44 AM GMT+8
你一日唔比個主題我..
<br>
>>January 9, 2007 at 8:56:52 PM GMT+8
又關我事ge- -"
>>January 8, 2007 at 9:07:35 PM GMT+8
快d比個主題我!!!
<br>反
>>January 6, 2007 at 1:09:41 PM GMT+8
估唔到WOR...
<br>
>>November 19, 2006 at 5:19:54 PM GMT+8
唔會有下次!!
<br>我唔會再
>>October 29, 2006 at 6:57:35 PM GMT+8
我同我ma講電話..
<br>從
>>October 11, 2006 at 9:23:33 PM GMT+8
你又知果個係我媽?
<br>我都
>>October 10, 2006 at 9:14:55 PM GMT+8
我唔要同你一組!!!
<br>係
>>October 6, 2006 at 7:25:38 PM GMT+8
PINKE 點會唔唱比REDS聽
>>October 3, 2006 at 11:18:23 PM GMT+8
飽到嘔既~~~我早知唔拎蛋糕啦~
>>September 30, 2006 at 7:36:32 PM GMT+8
過 份!!!!!!!!!!!!!
>>September 30, 2006 at 5:23:13 PM GMT+8
得 LA 你~~~~~ 有 AP
>>September 29, 2006 at 10:54:13 PM GMT+8
我會檢討嫁啦'""
>>September 20, 2006 at 10:26:08 PM GMT+8
唔好抽緊多水a~~~~
<br>
>>September 5, 2006 at 9:06:41 PM GMT+8
咁 呀,, 你 唔 洗 叫 我
>>September 4, 2006 at 3:29:10 PM GMT+8
有 我 係 到 至 才 冇 咁
>>September 3, 2006 at 11:27:59 AM GMT+8
依... 做 咩 唔 叫 我 去
>>September 1, 2006 at 9:08:42 AM GMT+8
re:8月5
<br>
<br>
>>August 15, 2006 at 12:45:59 PM GMT+8
你 就 好 LA,, 有 得 玩
>>August 14, 2006 at 5:54:26 PM GMT+8
第1次黎你日記板渣....
<b
>>August 7, 2006 at 12:26:56 AM GMT+8
回返你723的日記
<br>
<
>>August 5, 2006 at 6:47:49 PM GMT+8
做 乜 事 心 情 咁 差＝＝!
>>August 4, 2006 at 5:23:23 PM GMT+8
<font size=3><fo
>>July 29, 2006 at 1:47:01 AM GMT+8
部 機 咁 得 意,, 咁 咪
>>July 27, 2006 at 4:53:33 PM GMT+8
你唔係最錫我...
<br>我地
>>July 23, 2006 at 11:55:01 AM GMT+8
老豆" miss you*
>>July 21, 2006 at 3:20:18 PM GMT+8
係 呀,, 真 係 冇 事!!
>>July 15, 2006 at 3:08:28 PM GMT+8
我 冇 野 喎 =0="
>>July 14, 2006 at 1:27:25 PM GMT+8
特首...你係咪試升?
<br>
>>July 7, 2006 at 1:48:18 PM GMT+8
傻 彬 媽 媽 做 乜 事 呀？
>>July 5, 2006 at 9:55:26 PM GMT+8
|
|
