|
2005 年 6 月 2 日 星期四 【乍寒還暖】
今日上電腦堂既時候落雨，傑仔係上堂既時候同我好大聲錦講，話一陣猜野猜輸o個兩個出去買飯，雖然我同傑仔輸o左，但係我唔洗出，因為阿柱佢話想同傑仔佢出，我就俾o左佢出！
今日無咩特別事發生過，平平無奇又一日，今日我覺得既最大既一件事就係ken Chan佢同偉人佢打交囉！我坐係到睇，不過佢地打得唔係太勁，雖然我係呢班既班長，不過我無阻止佢地，因為有大把人阻止佢地！
本身我地d人打算俾佢地兩個打，不過佢地打到整趺晒人地d野，跟住馬騮佢先拉開佢地，之後佢地就係到執野，點知錦o岩吳sir佢就入到黎，佢見到好亂，佢問邊個打交，佢本身以為係阿柱打，跟住以為係馬騮，不過佢無以為係我，因為我坐o左係柏伽大脾！
放學之後測maths，好似唔識添！放學走既時候，我係小食部見到阿翹佢，我去完廁所之後同佢傾o左一陣，之後先追返佢地！
放學之後上o左去肥勤屋企睇波，睇返今日o個場馬刺對太陽，太陽今日輸波，我地係到嚇馬騮，話李永兒會上黎，不過最後係無，因為肥勤B班o個個妹無返！
我地睇到六點半到，之後就走，走之前話去打波，返到屋企食完飯之後，我就出o左去中央打波，我地打到夜晚十點九，我地打算走，中央球場就熄燈，仲以為十一點先熄燈！
傑仔佢又整親隻腳，又打唔到波，仲以為佢可以打我返波添，我射波既時候勁串肥勤，連入唔五球，一開始入三球，之後就四球，最後就五球！
今日淨係鬥o左一場波，仲有同阿sam佢打o左兩場1on1，不過兩場都輸，因為今日太「支力」喇！加上錦日o岩o岩跑完九分鐘，搞到跑又無力，射波都無力！
>>June 3, 2005 at 10:06:48 PM GMT+8
2005 年 6 月 1 日 星期三 【清涼】
今朝係到諗傑仔佢返唔返到，我叫o左畢仔佢打個電話去傑仔屋企，傑仔阿媽話佢出o左門口！我到差唔多夠鐘既時候，我係門口到等傑仔佢返黎，過o左一陣就打鐘，我仲未見到傑仔佢，以為佢唔返，點知過o左一陣，傑仔佢就返o左黎！
今日肥勤佢又無返，我本身打算又寫紙俾阿翹，因為肥勤佢唔係到，唔怕俾佢睇到，點知d老師個個都望住晒！今日第一堂係何sir堂，但係何sir佢無返，我地又空堂，但係第一堂就空堂，所以都唔知做咩好！
lunch無返屋企，因為傑仔佢整親，我想踩下佢，keke，講下咋！我地又去o左德興食飯，一面食一面傾計，但係lunch之後要跑九分鐘！唉，上化學堂既時候以為今日唔好太曬，跑九分鐘就o岩晒，點知講完無幾耐，個太陽又出返黎，今日跑真係熱好多，我今日淨係可以跑到十九個圈咋，少個上一次，上一次跑o左成二十一個圈！
跑完之後自由活動，我、畢仔、周公、阿柱、馬騮同T-MAC係到打籃球，估唔到阿柱佢都識打波！今日放學本身係補物理，不過我地好多人都無補，我今日放學之學同傑仔佢出元朗！
我返完屋企之後，我即刻沖涼，沖完之後打俾傑仔佢，佢話佢四點半出門口，係天耀輕鐵站等！我陪傑仔佢去買衫，仲去買其他野，我同佢去o左間飾物既舖頭，個老闆娘勁問我做咩唔買，我話佢問o左我好多次！
今日真係學到好多野，我仲不斷串個老闆娘，不過同個老闆娘傾得好開心，佢好識做生意，可惜我對佢d飾物一d興趣都無！
>>June 1, 2005 at 9:08:12 PM GMT+8
2005 年 5 月 31 日 星期二 【晴】
今日到我做中文短講，阿ming囉！我講完之後問我點解錦快走得，miss Wong問佢係唔係有問題問我，佢話係，之後佢係到串我嘴，我講完之後就到佢講，miss Wong佢叫我唔好俾佢錦快走住，叫我問佢問題，但係我諗唔到問咩好！
今日家政堂又係到整「攬枕」，今日一定要整好，好彩我今日整好o左姐！我今日落堂之後落返去二樓既時候，我見到阿翹，佢上音樂堂，我都唔知佢見唔見到我拎住個攬枕，唉，俾佢見到就瘀爆！
lunch去o左買飯，本身唔係一定要去，但係何sir佢叫傑仔幫佢買飯，佢就一定要去買飯，食完飯之後又上o左去玩！
lunch之後係化學堂，今日太好喇！個阿sir無返，我地不知幾開心，我地成班係到周圍走，阿sir叫唔好玩我地都照玩，但係一堂唔返實再太少！
放學之後返o左屋企換衫，之後出o左去中央打波，因為約o左傑仔佢去，點知一去到就見到成班人係到打波，仲要全部我都識嫁！我同傑仔同彬彬一隊，點知彬彬佢同我地打既第一場，第一個傳波已經搞到傑仔佢整親隻腳，o個場我地輸o左！
之後跟隊，但係等o左成個鐘先打第二場，打完呢場之後，好多人都走晒！得返我、傑仔、阿sam同肥勤係到打波，本身肥勤佢話走，不過最後都係同我地一齊走，我地打到八點半先走！
傑仔佢傷得幾勁，佢話佢如果聽日仲係錦痛既話，佢就唔返學，我返到屋企之後打過俾佢，佢話好痛喎！
>>June 1, 2005 at 9:06:27 PM GMT+8
2005 年 5 月 30 日 星期一 【清涼】
今日成日都唔知做緊咩！上中文堂既時候係到遊雲，俾miss Wong叫o左起身答問題又唔知佢問咩！肥勤佢今日又無返，搞到上堂又悶，平時最少都有得同佢傾下計，但係今日無！
上公民堂既時候，教d野好悶，搞到我好悶，我就一面上堂一面寫野，我寫緊張紙，張紙係俾「阿翹」，不過寫咩就唔講，佢知我知，其他人唔知，上完堂之後，我係出面等佢，等佢落黎上美術堂，但係等o左好耐都未見到，好彩佢係打鐘之前黎上堂，之後我又無親手俾佢，我叫apple幫我俾佢！
小息之後就係英文堂，今日成堂都係到對英文workbook，但係我又悶到又係到寫紙，miss鍾佢突然叫咩唔好寫紙，仲以為佢話緊我，原來佢係到話緊阿ming，好彩姐！
lunch去o左北江食野，之後返到黎打算俾埋另外一張紙俾「阿翹」，但係又見到佢同成班fd一齊，我又唔想行埋佢俾佢，但係我又想親手俾佢，之後上o左去課室之後又落返黎，俾o左張紙佢！
放學既時候要交maths簿，死郭仔等到得返十幾分鐘既時候先話要做堂課，仲要係落堂既時候交，我同肥勤係最快做完，因為我地係一齊坐，肥勤佢lunch既時候先返黎，佢話係郭仔佢打電話俾佢叫佢返黎！
今日lunch既時候，傑仔佢拎o左湯美君個髮夾黎玩，點知玩爛o左，湯美君仲話唔同傑仔講野，傑仔放學之後走o左去北江買返一個俾佢，真係慘，不過我有陪傑仔一齊去，好彩有貓貓同阿dor，仲有阿ming，唔係我同傑仔入到去o個間野，一定俾人笑死！
>>May 30, 2005 at 9:32:04 PM GMT+8
2005 年 5 月 28 日 星期六 【晴】
覆阿翹：你家姐先係呀！唔好同佢講！
今朝又出o左去打波，我七點半就出到去，之後過o左陣，阿sam佢就黎o左，之後彬彬都黎埋，傑仔都黎埋，柏伽同佢幾個fd都黎埋，不過佢都唔係黎打波，佢話黎睇女！
今日打到成十二點幾先走，不過打到勁唔開心囉！有幾場本身贏梗既！但係最後都係輸，o個刻真係好嬲好嬲，有場我同肥勤同馬騮一齊打，本身傑仔佢地好似贏梗，點知俾我地追返，追到九比八既時候，肥勤佢先開始玩野，拎o左個波死都唔肯放手，仲要亂射，籃板我又搶唔到！
之後傑仔佢地入o左波，打多三分之後我地輸o左，打完之後真係好嬲，領先緊就傳下波先喇！俾人mark住就傳喇！射唔到就唔好射喇！難得o個日手風順到爆，有空位我可以講係入梗！打完之後勁嬲，用個波一野掟落塊板到！
今場輸完全唔關馬騮事，佢打得好好，要怪我一定怪肥勤，你要射我俾你射，你傳多兩下波唔得嫁！你要射我一定會俾你射，之後唔入都唔會嬲，但係你拎完個波仲要俾人mark死都要射，我一定嬲！
我今日先知我真係輸唔起，由你一開始贏梗，但係到你最後輸既時候，你個心真係好難受，平時等我打得唔好先會輸波，但係今日我覺得自己一定打得好好，但係都係輸波，真係好down！
>>May 30, 2005 at 9:30:51 PM GMT+8
2005 年 5 月 24 日 星期二 【綿綿細雨】
覆apple：你約我喇！橫掂我又無人約，你幾時叫我出黎打都得嫁！
覆亞翹：你就係大懶豬，你家姐都係，但係我一定唔係，我唔係成日訓覺嫁，我星期六好早起身打波嫁！
今朝返學既時候，我見到校長佢，我一早就見到佢行緊過黎，我仲以為有其他我地學校既人係我後面，點知無，我都估到佢會行過黎同我講野嫁喇！真係中o左，佢真係行過黎同我講野，佢問我叫咩名，又問我係邊班，又問我有冇參加課外活動，問o左我好鬼多野，我突然覺得時間過得好慢，真係好慢，好難先捱到返到學校！
返到學校又同畢仔佢吹水，佢話佢錦日同周公佢撩女，佢地話o個條女幾索，佢問翁子羚佢條女叫咩名，畢仔佢同返我講，畢仔佢同我講返既時候講到好似我好想知錦，搞到翁子羚佢問我係唔係想溝，我梗係唔係想溝喇！想睇下就多d！
lunch既時候又返o左屋企，入到黎學校之後就係樓下同apple佢傾計，我同佢係到睇女，睇邊個就唔講喇！我地係到討論〝維他奶定理〞！
今日又上PE堂，本身話跑九分鐘，點知雞香佢又話女仔跑先，我地要做體能，做到鬼錦〝支力〞，做完體能之後又教籃球，都唔係鬥波，無野玩！下堂就真係跑九分鐘，希望唔會因為病所以跑少o左幾個喇！今日成堂PE堂我條褲袋入面都有一包紙巾！
放學之後要去放飛機，唉，勁瘀皮，今日o岩o岩做完掌上壓，搞到隻手無力，所以我隻飛機飛唔到好遠，仲要入唔到圍，我錦日好細力掟已經可以去到七十分位，點知今日去到五十分位，之後係樓下掟，隻飛機飛到勁遠囉！吹漲！
玩完飛機之後又去o左打波，其實我有打過，不過無鬥波姐，我根本係射o左一陣波之後就無打，因為去o左同梓桓傾計，我去到球場已經見到佢，佢坐係張乒乓〝木台〞到同桃桃傾計，我就走去傾埋一份！
其實我都唔係傾，我係o係到玩梓桓，我今日仲知佢住咩樓幾多室添呀！因為我拎o左佢本唔知咩簿黎睇，入面有講到，同佢地傾傾下，桃桃佢話見到亞翹，梓桓佢就去捉住佢，不過我走開o左！
佢地傾o左勁耐，我今日仲知o左一樣梓桓既野！不過咩就唔好講喇，依定諗返起仲笑緊，之後我就送佢返屋企，點知行o左一陣先記得仲未拎飛機，我就即刻跑返去球場拎，之後跑返去我叫佢等我o個到，點知又唔見佢，仲以為佢走o左添！原來佢坐o左係到！
跟住陪佢返屋企既時候，梓桓佢又想將我隻飛機掟落水到，好彩我推佢走姐！之後同佢行行下，
有個男仔就叫：姐姐、姐姐，隻飛機點整嫁？
梓桓佢好似唔知人地叫佢錦，佢仲行，我就拉停佢，同我男仔傾下，我都唔知點答個男仔好，點整呢個問題真係太難！
之後個男仔又問：隻飛機飛唔飛到嫁？可唔可以飛一次俾我睇呀？
我咪飛一次俾佢睇囉！
之後佢又問：可唔可以俾我飛一次呀？
我咪話可以囉，你都錦問，唔通我話唔俾咩，一陣你係我面前喊咪死，佢飛o左一次之後，個男仔就走o左！不過我隻飛機無事，完完整整！
之後我問梓桓：你唔知人地叫你咩？
佢話：唔係叫你咩！
我話：個男仔叫姐姐啵！
梓桓話：你唔係姐姐咩？
我一直佢嘈到係佢屋企樓下先停！
>>May 24, 2005 at 10:08:29 PM GMT+8
2005 年 5 月 23 日 星期一 【綿綿細雨】
覆apple：今個星期叫你去打囉！如果我病好o左既話！
覆eva姐：因為我係傑仔老豆囉！
覆梓桓：人地個名唔係錦打嫁，你上去e-class去睇下喇！我梗係知佢叫咩名，不過唔想打錯人地個名姐！
今日好辛苦，因為我又病緊喇！唔知係唔係因為上個星期六打完波之後，我走去沖凍水涼，搞到病呢？我諗都係嫁喇！
今朝好搞野，有幾個中二既人落o左黎，佢地幾個係門口去搵人，係搵張詠汶，佢地幾個好大聲錦話肥勤個頭好搞野，佢地本身唔識肥勤，但係佢地同翁子羚講，翁子羚就好大聲錦講返出黎，我就串嘴，我話肥勤你睇下，連d中二都落黎串你嘴！
今日英文堂要讀之前寫o個四百字，我係落堂既時候先講，講埋佢就輕鬆晒，唔洗煩，早講好過遲講！
今日D/T堂上o左去新翼演講室試飛，我地o個10組入黎，得肥勤加我既一組先飛得過60分位，第一次飛得唔好，搞到隻飛機趺落黎既時候爛爛地，第二次飛好好多，但係飛完之後就爛o左，我地因為飛過入圍線，聽日放學要再去飛一次，再飛過60分位，26號又要去禮堂飛多一次！
今日返到屋企好辛苦，個頭好暈，我好辛苦，之後就去o左訓覺，好彩無人打電話黎嘈醒我姐，之後訓到七點幾先起身！
>>May 23, 2005 at 9:39:46 PM GMT+8
2005 年 5 月 21 日 星期六 【清涼】
覆apple：你眼界差姐！
今朝又一早出o左去打波，我去到打o左一陣，我就見到阿sam佢，我記得我出門既時候叫o左傑仔佢，點知我七點叫佢，佢敢成十點半成黎到，真係俾佢激死！佢仲要同我講話又訓返，講過第二個理由呃下我都得掛！
我今日打o左好耐，我記得我同T-MAC佢去完運動場之後，佢阿爸就唔知係邊到出o左黎，唉，佢今日要返學，但係佢黎o左同我地打波，我都知佢要走，一定俾人鬧添喇！佢真係慘！
今日臻臻同劉桁都有黎，佢地兩個都無返學，臻臻打到十點到就走o左，因為佢要接女仔，接完之後去唱K！臻臻走o左無幾耐，傑仔佢就黎到，我今日仲見到〝瀟洒叔〞，佢真係勁〝瀟洒〞，轉轉下個身，之後個波就已經入o左，佢仲要玩埋花式，我同阿sam都嚇傻左！
我地去新場之前，我同傑仔同阿sam佢打o左兩場，一場對馬騮、劉桁同一個個樣好似麥浚龍既男仔！我可以係佢地唔覺既時候幫傑仔佢補籃，幾正呀！好耐都無試過喇！
之後同三個阿伯打，有一球我搶到籃板，之後就射既時候，點知俾個跳起o左既阿伯一撞我，我成個人轉o左180度先射，跟住入o左，我落地之後個人仲係到轉緊，我入完呢球之後，我地仲領先緊，但係之後就俾個神射手追返，阿伯佢地都係贏兩分姐！
之後去新場，我就打到十二點到就走o左，我返到屋企食完野之後，我打算訓一緊，點知我訓到三點到，就有人打電話黎，今次係cherry，唔係bb，如果係bb佢，我一定會鬧佢！
>>May 21, 2005 at 9:48:26 PM GMT+8
2005 年 5 月 20 日 星期五 【清涼】
今日第一堂就係中史，之後係西史，真係慘！因為錦日既中史堂用o左黎測驗，所以今日俾返一堂佢！上中史堂我係到訓覺，根本就無人聽書！
上公民堂勁好玩，林sir佢淨係揀d個名好靚既同學答問題，好彩我個名唔靚姐！唔係就死黎喇！最搞笑佢當o左柏伽佢係女仔，我地成班係到笑，柏伽佢超無奈囉！
今日lunch又好想好似錦日咁，買野上去飲，點知諗起miss Wong佢用o左我地個課室整專題，我同傑仔同T-MAC就飲完先上去，一上到去就見到2c班既柳同學，佢個名我唔識打！
我見到佢，就諗佢係唔係miss Wong個組，如果係，就慘喇！我地本身以為唔入得去，點知係入得，我就入o左E班歎冷氣，佢地幾個就無入！一入到去apple佢就用個粉擦掟過黎，好彩閃就快，唔係就俾佢掟中o左！
我係課室門口望入去，真係見到柳同學，佢真係miss Wong個組，真係慘！我就第一個入去，之後坐係到望住佢，佢好似知我望住佢，見到佢有望住我，佢把聲一聽就知係扮出黎！勁唔自然！
今日最後o個兩堂係數學堂，郭仔佢最近勁惡，上堂既時候又俾佢又捉我頭髮，我前面d頭髮太長喇！佢叫我星期一要剪！
今日諗諗下先記得係day3，因為day3就有得見到亞翹，我都係第二個小息見到佢，先記得今日係day3，我企係門口o個到等佢行過，打算佢一行到黎，就會搣佢，點知佢好快咁行過o左，搞到我無得搣佢！
>>May 20, 2005 at 10:22:01 PM GMT+8
2005 年 5 月 18 日 星期三 【清涼】
覆乖女：睇錯添，仲以為你唔著鞋周圍走！
覆亞翹：係啵！你唔講都唔覺！
今日又勁開心，第一堂係英文堂，但係miss鍾佢無返，我地空堂，第一堂都唔知做咩好，我就同肥勤佢勁係到傾計，佢爆o左隻馬騮d秘密俾我聽，我聽完之後同佢討論o左好耐，一面傾一面笑，跟住又串馬騮！
係關於佢依家鍾意o個條女，我一早就估到係邊班，今日終於確定o左，我發覺我真係好叻，仲有一樣搞笑野，就係o個個名，講o左出黎就笑爆嘴！
今朝搭〝車立〞既時候，我見到一個我地學校既女同學，不過唔係同我地一級，o個個女仔中二既，我第一眼見到佢已經覺得佢幾靚女，佢中一既時候已經見過佢，不過o個個女仔中一既時候都唔係好靚，係暑假既時候唔知點解高o左，又靚o左，我同人講，如果我聽日搭〝車立〞再見到佢，我一定會問佢叫咩名！不過好淆底，希望唔好見到佢喇！不過我既願望通常都唔會成真！
今日上堂既時候，我同肥勤又係到串傑仔，我地叫陳詩詠做傑嫂，跟住又係到玩傑仔，叫佢受溝，跟住叫佢受死！
今日放學無打波，我就返o左屋企訓覺！不過我沖完涼先去訓覺，訓o左個幾鐘，好舒服，但係聽日上堂又要測中文，真係慘！
>>May 18, 2005 at 9:54:08 PM GMT+8
|
![]()
S & K
|
廣告 |
|
|
讀者留言 |
| 路人留言
|
 可能佢已經冇憎你呢...
<br
>>July 27, 2007 at 9:33:59 PM GMT+8
你玩誠實與大膽都唔係好快= =
>>July 2, 2007 at 1:31:39 PM GMT+8
你唔想升中6?
<br>你讀5d
>>April 8, 2007 at 12:22:58 PM GMT+8
點解你地班收風收得咁勁!!??
>>March 17, 2007 at 11:27:12 AM GMT+8
我好耐無同你留言喇!xp''
<
>>March 11, 2007 at 4:58:27 PM GMT+8
你有落X???
<br>唔見你o
>>March 3, 2007 at 2:48:24 PM GMT+8
唔回你...因為網球王子比你同我
>>February 23, 2007 at 2:04:46 AM GMT+8
係呢，你係邊度擺檔？
>>February 14, 2007 at 8:53:48 PM GMT+8
哈,估唔到你仲諗緊呢個問題 =.
>>February 14, 2007 at 5:54:04 PM GMT+8
你D pastpaper係借定買
>>February 7, 2007 at 10:55:15 PM GMT+8
你事實係偏幫!!!!!!!!!
>>February 1, 2007 at 8:30:09 PM GMT+8
唔好嬲喇!!!!!!!!/~\
>>January 25, 2007 at 9:22:51 PM GMT+8
你乖?行埋一邊~
>>January 22, 2007 at 9:36:41 PM GMT+8
我2點已經返左黎TSW!!!
<
>>January 21, 2007 at 5:32:45 PM GMT+8
你唔夠我嘈ge原因係咩?
<br
>>January 21, 2007 at 3:52:33 AM GMT+8
我唔識分...你就唔會搵到我喇!
>>January 20, 2007 at 12:55:40 AM GMT+8
唔錯丫~~~好家姐^.^!
<b
>>January 15, 2007 at 8:25:46 PM GMT+8
我地反面喇!!!=-=''xd'
>>January 14, 2007 at 1:07:34 PM GMT+8
我係咁現實架喇!!!!
<br>
>>January 13, 2007 at 8:42:19 PM GMT+8
好野呀,,,估唔到你EQ咁高呀"
>>January 13, 2007 at 1:57:44 AM GMT+8
你一日唔比個主題我..
<br>
>>January 9, 2007 at 8:56:52 PM GMT+8
又關我事ge- -"
>>January 8, 2007 at 9:07:35 PM GMT+8
快d比個主題我!!!
<br>反
>>January 6, 2007 at 1:09:41 PM GMT+8
估唔到WOR...
<br>
>>November 19, 2006 at 5:19:54 PM GMT+8
唔會有下次!!
<br>我唔會再
>>October 29, 2006 at 6:57:35 PM GMT+8
我同我ma講電話..
<br>從
>>October 11, 2006 at 9:23:33 PM GMT+8
你又知果個係我媽?
<br>我都
>>October 10, 2006 at 9:14:55 PM GMT+8
我唔要同你一組!!!
<br>係
>>October 6, 2006 at 7:25:38 PM GMT+8
PINKE 點會唔唱比REDS聽
>>October 3, 2006 at 11:18:23 PM GMT+8
飽到嘔既~~~我早知唔拎蛋糕啦~
>>September 30, 2006 at 7:36:32 PM GMT+8
過 份!!!!!!!!!!!!!
>>September 30, 2006 at 5:23:13 PM GMT+8
得 LA 你~~~~~ 有 AP
>>September 29, 2006 at 10:54:13 PM GMT+8
我會檢討嫁啦'""
>>September 20, 2006 at 10:26:08 PM GMT+8
唔好抽緊多水a~~~~
<br>
>>September 5, 2006 at 9:06:41 PM GMT+8
咁 呀,, 你 唔 洗 叫 我
>>September 4, 2006 at 3:29:10 PM GMT+8
有 我 係 到 至 才 冇 咁
>>September 3, 2006 at 11:27:59 AM GMT+8
依... 做 咩 唔 叫 我 去
>>September 1, 2006 at 9:08:42 AM GMT+8
re:8月5
<br>
<br>
>>August 15, 2006 at 12:45:59 PM GMT+8
你 就 好 LA,, 有 得 玩
>>August 14, 2006 at 5:54:26 PM GMT+8
第1次黎你日記板渣....
<b
>>August 7, 2006 at 12:26:56 AM GMT+8
回返你723的日記
<br>
<
>>August 5, 2006 at 6:47:49 PM GMT+8
做 乜 事 心 情 咁 差＝＝!
>>August 4, 2006 at 5:23:23 PM GMT+8
<font size=3><fo
>>July 29, 2006 at 1:47:01 AM GMT+8
部 機 咁 得 意,, 咁 咪
>>July 27, 2006 at 4:53:33 PM GMT+8
你唔係最錫我...
<br>我地
>>July 23, 2006 at 11:55:01 AM GMT+8
老豆" miss you*
>>July 21, 2006 at 3:20:18 PM GMT+8
係 呀,, 真 係 冇 事!!
>>July 15, 2006 at 3:08:28 PM GMT+8
我 冇 野 喎 =0="
>>July 14, 2006 at 1:27:25 PM GMT+8
特首...你係咪試升?
<br>
>>July 7, 2006 at 1:48:18 PM GMT+8
傻 彬 媽 媽 做 乜 事 呀？
>>July 5, 2006 at 9:55:26 PM GMT+8
|
|
