2003 年 12 月 15 日 星期一 【晴】

是時候要復甦了﹗

>>December 15, 2003 at 10:04:25 AM GMT+8

2003 年 11 月 28 日 星期五 【晴】

而家O係公司冇野做住，因為要等貨黎。我阿HEAD去左應酬行家，其實幾慘，因為最近個飛機貨運爆得好緊要，我地有好多貨要寄，但係冇飛機位。於是我阿HEAD就要特登去應酬，怎樣應酬呢？就是同行家去夜總會(通常都係大富豪)，BOOK間房劈酒，搵幾個女人陪，玩一輪。行家玩得開心，就會幫我地諗掂飛機位的問題。其實呢個問題幾嚴重，本身物流呢一行O既前身係運輸，只不過而家個名好聽D，政府吹捧多D…以前運輸乜野人做多呢？都係讀唔成書O既人，有冇聽過「小時不讀書，大個做運輸」？以前就係讀唔成書O既人就會做運輸，咁佢地做得十年八載，擁有大量經驗，而這幾年這一行的確好勁，所以呢D人都賺唔少錢。佢地賺到錢通常就會去嫖，去飲酒，跳茶舞…如果我唔係基督徒，好可能我會跟我阿HEAD四處去這些「鬼地方」玩(連他自己也是這樣形容的)，加上佢O既職位可以CLAIM到ENTERTAINMENT，所以毫無疑問，佢會帶我去。不過，我第一日返工，佢就知我係基督徒，所以佢都唔會迫我。
其實我諗，好多人O既一生就係咁樣渡過，在我自己眼中，他們的一生當然很不精彩，只顧今世享樂，沉迷色慾…我最初這樣想：在我們基督徒看來，他們當然很虛空，也許他們真的很享受這種生活呢？但我觀察一段日子，我發覺我阿HEAD，他的行家，朋友(他們大多是這種生活)，他們並不是真的很喜歡這些生活，只是他們不能自拔(阿HEAD說的)。聖經所說的自由有個很好很好的解釋，真自由並不是你想做甚麼就做甚麼，真自由是你可以控制自己不去做甚麼，真的很精彩。不信的人被罪捆綁，沒有自由不去犯罪。羅馬書就有很好的解釋…
寫左好長，有感而發吧﹗明晚可能又去唔到團契小組O既BBQ，唉﹗真慘…惟有祈禱啦﹗

>>November 28, 2003 at 7:21:39 PM GMT+8

2003 年 11 月 25 日 星期二 【晴】

成個星期冇寫日記，主要係忙啦，寫下呢個星期發生o既野先，變做週記﹗。
上星期有四晚過左十二點先放工，不過感謝神，我星期六下午冇野做，可以去見長老，見完長老，意味著我好快就會加入友愛堂成為會友。鍾太明明話通見常十分鐘，十分鐘又分鐘，十分鐘又十分鐘，結果個個都見左成半個鐘﹗之後我地一齊返教會，我要帶詩，揀左兩首歌，謝謝鵬仔又做我的司他﹗以琳團係小組吹水，我地吹水內容都算深入，可望以後更進一步。
星期日去家豪婚禮，好攪笑﹗佢揭起esther面紗之後，望左望右，好攪野﹗仲有梁牧師講道都正，除左好多人話個阿當夏娃笑話版正之外，我覺得佢話如果個妻子係咁「鵝」個丈夫，不久就會由夫妻關係，變為母子關係..哈哈﹗真係不得了﹗當然佢講笑得黎係好有道理。
星期日通常係我補鐘o既時間，六點左右返到屋企，訓左兩個鐘…起身見到阿恩打過電話黎，本來我都係唔去行夜山，因為成個星期都唔夠訓，想訓嘛﹗但係見佢咁有誠意，又帶埋衫比我，卒之都應承左。當然，我自己都想睇日出，睇星…仲想同弟兄姊妹熟d…
結果天氣好好，好少見到香港星星靚成咁，不過最衰就係搵唔返本工星圖﹗冇乜心機用個cheap cheap星圖，其實幾難得北斗七星(大熊座)o個便咁清，應該學下睇o個便o既星。下次啦，如果冬令會天氣好，都有機會再睇…另外，天清的緣故睇到4粒流星，一流...。同大家一齊行山幾正，不過之後返工真係眼訓到極點。返工咁耐，應該係最辛苦的一日，又冇野做，又唔可以訓，好難好難先等到放工。返到屋企狂睡，幾乎不省人事﹗正﹗^o^

>>November 25, 2003 at 8:27:43 PM GMT+8

2003 年 11 月 18 日 星期二 【炎熱】

又一點先放工，有點累，不過都寫寫網上日記啦…
最近很忙，尤其工作上。其實我很討厭聽到別人說忙，常常想：有幾忙呀？因為我發覺有不少人跨自己的忙碌，好像忙就好叻咁，好像不忙碌的生活就一定是不好的，一定是懶惰的。相信大家實聽過人講，你咁得閒o既？彷彿得閒是有罪，不進取。可以的話，我寧可不忙﹗但我近來一星期總有一兩天，七點左右起身，零晨一點半左右先返到屋企，這些生活應該是忙。何時才會忙碌完呢？....我想多d時間做自己想做既野...


>>November 18, 2003 at 2:14:05 AM GMT+8

2003 年 11 月 16 日 星期日 【晴】

昨晚是我第一次去北宣，梁牧師主講培靈會，題目係：信…到委身時。
初時梁牧師未到，身邊都沒有認識的人，感覺很陌生。等到梁牧師上台講道，有種說不出的親切感覺。…很高興，因為很久沒有聽道聽得這麼留心，很久也沒有聽到那麼深刻的講道。

信是....
1) 信心：是有與冇之分別，穩定與否之別。
2) 跟從：不可以留有餘地，要義會反顧，破斧沉舟。
3) 冒險：要有很大的勇氣，不要走default mode，set信仰aside。
4) 執著：擇善固執
5) 忍耐：應許 = 期票，神應許了，要等，要信，要忍耐。應許未對現時，實況與應許的差距，是很困苦的。
6) 委身：不希罕一個普普通通的信仰，信得熱誠，狂熱一點。押成副身家比神﹗

***** 若你遇到長期困難，諗諗神是否以你作賭注，跟魔鬼打賭。(約伯的故事) *****
神以我們作賭注…不得了﹗

>>November 16, 2003 at 9:23:48 PM GMT+8

2003 年 11 月 14 日 星期五 【炎熱】

加班加到零晨一點半，不得了。做到傻左，我同阿head一路做野，一路睇妙手仁心，醫生話個病人internal bleeding，我即刻話，我都internal bleeding啦。做到咁夜﹗重諗住去睇流星雨，唔駛睇啦，今晚o係屋企訓好過啦…呢兩個星期真係好強，有四晚遲過11點放工。生活真係苦悶，除了工作，好像還是工作。
聽晚去北宣聽培靈會，又係聽我敬愛既梁牧師講道呀，係比青年人既培靈會，我仍然是青年吧.....

>>November 15, 2003 at 3:17:59 PM GMT+8

2003 年 11 月 13 日 星期四 【陰】

近來為教會一個事工祈禱，這事工仍然未開始，而我又覺得這是一個很大的事工，沒有太大的信心。所以更要求神幫助我。
最近靈修尼希米記，神藉此向我講說話。大致上講到重建耶路撒冷城牆...

「我對貴冑、官長、和其餘的人說、這工程浩大、我們在城牆上相離甚遠。你們聽見角聲在那裏、就聚集到我們那裏去．我們的神必為我們爭戰。」

冇錯，雖然工程浩大，但是神必為我們爭戰﹗我的神呀，願你復興我們…


>>November 15, 2003 at 3:31:30 PM GMT+8

2003 年 11 月 10 日 星期一 【微冷】

尋晚唔夠訓，今日返工都幾辛苦，又十一點先放工。重要好多野諗，唔係幾開心。有種孤單的感覺，心事重重，心情好複雜。不喜歡這樣的感覺，希望心情盡快好返。
唔可以頹，一定要振作，少少事唔可以影響我心情太耐。還有很多重要事要想，要積極思念上面的事，唔單止要先求神的國和義，還要多想神的國和神的義。
今日睇完一本書，聽日睇另一本，yeah!!!

>>November 11, 2003 at 12:03:43 AM GMT+8

2003 年 11 月 9 日 星期日 【雷雨】

或者是我反應過大，但我最初見到一本頭十幾廿頁都係d咁既野，我真係接受唔到，重要o係公眾地方。咁橋今期HIM又咁癲，我以為呢本雜誌期期都係咁，所以就特別反感。
跟瑪花傾icq，的確有些地方我可以改善，應該不要那麼愛批評，別人會感到不好受的。應該多點愛心。真心對他好，有一天，他總會知道，明白。

不過，我有基督徒的身份，有些東西是我要堅持，要持守，不能妥協的。甚麼東西也妥協，覺得冇問題，就是沒有原則。


>>November 10, 2003 at 1:02:35 AM GMT+8

2003 年 11 月 8 日 星期六 【乍寒還暖】

神聽左我祈禱，比我星期六下午可以返團契。返到教會，約書亞，尼希米，以諾團係同時間進行。其實我一路最想都係返尼希米團，認識更多弟兄姊妹。點知去到美術室門口，好驚，好多人都唔識。見到又查經，通常查經都有比較多分享，我左組的話，d人會唔會少講野呢？覺得唔係自己o既comfort zone，唉…應該大膽d嘛。卒之去左以諾，都識左幾個人既，但係大部份人我都識。下次啦，下次，我一定會去尼希米。
夜晚返以琳團，查經，幾開心呀。好耐冇同過弟兄姊妹傾偈，有好好的傾談，正﹗

>>November 9, 2003 at 9:51:46 PM GMT+8