2004 年 12 月 16 日 星期四 【晴】

尋晚同阿慈上小野豬屋企，
講返我地份野，
係關於我地點睇自己，
同埋我點睇佢，佢點睇我。
好開心喎，我同阿慈都覺得好有幫助，
有時我地成日都話想對對方好D，
但係唔知o係邊方面好D，
唔知邊D地方要改進，
而家會有方向﹗
尋日o既分析，小野豬同賓尼兔對我地o既鼓勵，
都好實際，真係可以應用o係我地o既關係當中。
對阿慈尤其有幫助，
因為平時比較少人能跟她這樣分享、分析、比意見，
昨晚的分享就更覺難得﹗
再者，我和阿慈從未試過在別人面前
講我們的感情的東東，有都係朋友間講下，吹吹水﹗
謝謝小野豬同賓尼兔，
相信你們能夠造就更多情侶﹗

七師妹：你地快D做份野啦，好搞野架﹗

九九八十一師妹：最後一科，加油呀﹗

六師弟：唔該哂你，幫助我一個大忙，星期六會比你架啦﹗

>>December 16, 2004 at 9:58:29 AM GMT+8

2004 年 12 月 14 日 星期二 【晴】

尋日阿慈放假，我地去玩，
其實都唔係特別玩D乜，
四圍去下咁O羅，
去左大澳，
雞蛋仔超級好味﹗

夜晚去睇俠盜偷天，
因為有三張免費飛，
o係一間好舊o既戲院—豪華戲院，
舊式到極，戲院好大，
有成三十行座位，估計坐到五百人以上，
場戲係七點半，我地七點二去買飛，
點知一張飛都未賣得出，
售票員姐姐同我講，如果冇人比錢買飛，
場戲會唔播，唔可以剩係為左幾張贈券而開一場﹗
佢叫我地o係場戲開之前黎睇下有冇人睇喎，
卒之，七點半去到，竟然有人睇，
我同阿慈同我細佬諗：究竟有幾多個恩公買飛呢？
入到戲院，發現加埋我地三個人，係七個人﹗
唔…呢間戲院：大執之期不遠﹗

講返套戲，普通o羅，冇乜特別驚喜，
最無聊係成日都無端端有D無謂o既色情鏡頭，
男主角皮利士又成日唔著衫，
唔知做乜﹗

十二月份想睇o既戲，分先後次序如下：
1) Polar Express北極快車
2) 功夫
3) Ocean Twelve
4) 鯊魚大話王 (約團弟兄姊妹係咪想睇呢套？一齊啦﹗)
其實四套都好想睇…

婷婷：上次話一齊睇機場客運站，卒之各自睇左，今次有冇邊套想睇架？

六師弟：你真係好細心，同埋好體貼﹗

九九八十一師妹：加油呀，考剩一科出聲，我有首歌送比你﹗

卡樂B：和尚個名應該紅唔起，我諗阿福同周姑娘比較有機會﹗

>>December 14, 2004 at 11:46:43 PM GMT+8

2004 年 12 月 12 日 星期日 【晴】

搞掂雞師弟禮物，
叫做搞掂受浸禮物，
就快又要諗史師妹o既禮物，
我o既腦細胞全部去哂諗禮物…
強呀﹗

打乒乓球分別輸比胡生同郭生，
唔掂喎，我一定要報仇，
一定係變身周姑娘o既問題，
下星期我變返你地必敗無疑﹗

返約團，尋晚比人左我叫小俊俊，
我用左同類方法叫左好多人，
小貴貴，小文文，小xyxy，小珊珊
雖然小俊俊個名係有人叫下，
但係好似始終都係周姑娘受歡迎…

今晚排劇，我覺得幾好笑o羅，
我以前未試過架，
我要同八公夾，
佢不斷咁忍唔到笑，
我頭先幻想緊臨場做，
我自己都九成九忍唔到笑o羅﹗
幾好玩喎，多謝六師弟安排呢個角色比我呀﹗

排完劇同約團弟兄姊妹食飯，
佢地玩變態遊戲，
玩法係：兩個人握住左手，點都唔可以放，
右手玩「猜程尋」，贏左打輸左個人，
唔可以縮…玩左一陣，打到D手紅哂，
好癲呀﹗

~~~~~~~~~~~~~~~~~~~~~~~~~~~~~~~

六師弟：幾時做好份填字遊戲呀？

史師妹：想要乜野禮物呀？

九九八十一師妹：今日個LOOK掂呀…

卡樂B：快D講點解叫我和尚…

DICK：謝謝你的咭，很感動﹗

>>December 12, 2004 at 1:41:35 AM GMT+8

2004 年 12 月 10 日 星期五 【晴】

趕呀趕，趕呀趕…
主日學份野究竟幾時整好呀，
又係好似五餅二魚o既神蹟咁，
係越做越多架，
我諗我做完本野之後，
重有十二籃子o既紙剩返﹗
其實又唔係太多o既，
不過就係趕左少少，
希望今日攪得掂啦﹗

尋晚聽張雲開先生講帖前，幾好聽喎，
我們最終的榮辱是神給我們的，
當我們留意到這點，
我們的生活行事為人，
心態都不一樣…

九九八十一師妹：尋晚食雞o既時候，我有點心神恍惚，狀態不佳，有機會再談﹗

七師妹：我考慮以後叫你「史堅」，或者史師妹

巧巧：今日食lunch點呀？有冇驚喜呀？大家和好了沒有？﹗為你們祈禱

A小姐：謝謝昨晚漏夜畫野，畫得好靚呀

>>December 11, 2004 at 10:50:37 PM GMT+8

2004 年 12 月 10 日 星期五 【晴】

頭先同卡樂B玩ICQ，
佢地好無聊o羅，
兩個人夾定send乜野msg過黎，
成晚得幾個msg唔係一樣，
應該就係話我唔fair，
話我send比邊個先，send比邊個慢d，
初時又話我剩係同佢地是同一個講，
又唔公平喎
咁我就要每個msg都打兩次(後來當然是ctrl-c, ctrl-v啦)
跟住差唔多同時間send出去。
咁樣玩icq，都係第一次﹗
卡樂B，你地好無聊呀﹗

唔該哂今日d乖乖學生，
幫我摺程序表，入禮物包，整主日學本野﹗
不過今日阿珊講錯野，
攪攪下我變左周姑娘，其實以前有人叫過我架啦﹗
雖然好無聊…但係大家咁開心，
我做陣周姑娘都唔怕啦﹗

IVY：謝謝蟹腳，不過我知我係應得o既﹗

珊叔叔：周姑娘呢個稱謂，拜你所賜啦

Dick，ada，小o十：今晚又認識你更多啦﹗放心，你們的憂慮，不安，上帝是知的，我亦知道，願與你們同走每一段路﹗

>>December 11, 2004 at 12:37:03 AM GMT+8

2004 年 12 月 9 日 星期四 【晴】

尋日終於去左朗豪坊，
我住咁近，又有拍拖，
好多人問我點解仲未去，
終於去左啦…
唔…個商場好似得個大字，
冇乜野好行，行左個幾鐘，
都唔知有冇入過十間舖頭，
好似冇乜野睇過咁，
但係應該仲有好多層未行哂咁o羅﹗

一直唔知道森先生有睇我日記，
因為他從來冇留過言，
平時傾談中又沒有提及過，
我就諗：突竟有乜野人會睇我日記，
但我又唔知呢？﹗個感覺好搞笑﹗
似乜呢…似公開比人偷窺﹗
呢個形容如何呢？

~~~~~~~~~~~~~~~~~~~~~~~~~~~~~~~~

九九八十一師妹：算吧啦，尋日一科唔掂，再黎過﹗唔駛死o既

七師妹：謝謝寫感想

Ken：謝謝在巴士中的分享，獲益良多，感受上亦舒暢得多

六師弟：明天生日，生日快樂﹗(費事聽日唔記得啦﹗) 禮物嘛，你找到我就有，找不到就冇﹗

>>December 11, 2004 at 10:52:12 PM GMT+8

2004 年 12 月 8 日 星期三 【晴】

我認識他更深了，
聽了很多關於他的事，
唔…我明白那種感受的，
我想我和他是不認為由F升到E是一個甚麼樣的進步，
根本就不能說自己是成功了，或者掌握了更多，
信心亦不會增添太多，對不？
雖然這不是重點，卻是我感到深刻的，
也許我也曾經是這樣，自己知自己去到甚麼程度，
明知再花盡心力去追求也只會有少少少少進步，
那麼追求這一點點進步又是否值得押如此重注呢﹗
既然如此，倒不如押些注碼去一些把握較大的地方，
這是人之常情吧﹗
不知你是否同意，而我就是這樣去理解。

不過，他們所提到的亦是很有意思，雖是老生常談﹗
人生~~~有多少是我們可以完全100%有把握呢，
她說：100%有把握知道我地會死倒是頗好笑的﹗

弟兄，加油呀…

>>December 8, 2004 at 1:00:07 AM GMT+8

2004 年 12 月 7 日 星期二 【晴】

幾個鐘頭之前同佢傾電話，
由一點傾到三點，厲害厲害﹗
你今日會唔會上堂係咁釣魚呢？
九成九都會啦﹗
初初你問我可唔可以打比我，
我諗住你係問我功課d野，
當然傾電話亦無問題啦，
之後一路傾偈，又幾開心喎，
傾下傾下，好似唔駛訓咁，
不過你講野好細聲呀…
認識你多左，真係好﹗
之前你提醒過我，我係未請過你食野架﹗
你放心，我一定會…

>>December 7, 2004 at 7:34:47 AM GMT+8

2004 年 12 月 6 日 星期一 【晴】

每次收到你，你，你，你地o既字條仔，
無論是長短是短，
是鼓勵說話，
是無聊說話，
是叫我幫你做野(我九成九唔幫)
是叫我請你食野(我九成九唔請)
我都會心微笑…
今日收到三張，哈哈﹗

放假一天，又係頹頹地就過左，
我阿哥一家搬黎我屋企對面，
今晚佢地黎食飯，
好攪笑，我教佢一個字分顏色，
紅色，藍色，綠色，
我問親佢係咪色，佢都係答：「綠色﹗」
小朋友真係得意﹗

舒小姐：前一兩天排唔到drama，唔好意思﹗再約﹗

珮小姐：唔迫你啦，總之好好祈禱啦﹗

森先生：我會幫你看守你d野架啦﹗(其實森先生有冇睇我日記架呢？﹗)

A小姐：精神上+行動上支持我，想問要等幾耐呢？

白先生：開懷左就好了﹗

受浸者禮物，要開始攪啦﹗

>>December 6, 2004 at 11:08:11 PM GMT+8

2004 年 12 月 5 日 星期日 【晴】

跟他們談心，了解大家更多，
聽他們分享他們的感受，
他們都很有自己的特質，有性格，
自然亦有他們的困難，各自面對的問題。
很高興他們enjoy這段時間，
大家還不想走呢﹗
最開心是大家一起祈禱，
無論是有聲、無聲，有淚、冇淚，
感覺都是美
大家一起互相禱告真的很溫暖﹗

跟他談了短短的時間，
以為他一定不會跟我說，
怎料他卻如盤托出，
我知道是禱告的能力，
唔…你放心啦，我會多d關心佢，留意佢﹗


白開水：朗誦比賽過了，下年再努力﹗多謝你的麥提莎﹗搵日再談心﹗

巧巧：快d睇下自己搞乜鬼呀﹗

胡生，譚生，何生，郭小姐：我係咪好狗呢﹗重有-6 (符碌)

ADA：多謝你o既一句讚賞，其實我係聽到架﹗你話：「我覺得你好識xxx﹗」

>>December 5, 2004 at 1:07:26 AM GMT+8