2006 年 7 月 23 日 星期日 【乍雨乍晴】

今朝同阿拔傾左好耐，好鍾意同佢傾計~3年既時間真係好長，我都唔知可以點揀......先甜後苦??先苦後甜??可以既話，我兩樣都唔想!!!不過就算幾唔想都好，始終都係要面對現實......3年之後又3年.........
lunch @ box hill (得意樓)
dinner with itami family @ doncaster (tai pan)

>>August 5, 2006 at 1:06:47 PM GMT+8

2006 年 7 月 22 日 星期六 【乍雨乍晴】

阿拔今日返itami，11am-4pm，佢放工返黎我先剛剛起身，佢帶左燒餅同雞串俾我食，真係好~一起身就有得食，哈哈!!!我地夜晚約左carmen食飯，大家都唔知食咩好，結果就返左賤人館食!!終於可以去阿拔返工既地方睇下，感受下佢平日既工作究竟係點~之後約左elsa & grace去glen waveley飲野!!!

>>August 5, 2006 at 1:04:49 PM GMT+8

2006 年 7 月 21 日 星期五 【乍雨乍晴】

Happy Birthday to MUM~~~
今朝一早陪阿拔出city搵agent搞PR，佢決定左on shore申請，即係話佢最快都要出年先可以返黎!!!雖然係有D唔開心，不過既然佢揀左o係澳洲行畢業禮，呢個會係最好既決定，我會支持佢!!!跟住我地就去<食為先>同大佬 & candy飲茶，今次好食過上次好多，拍得住香港呀!!!之後我地去左melbourne centro行街，夜晚就去camberwell既sofia (but's favourite)食飯，成日聽阿拔講，今次終於有機會試下，果然係好抵食，7個人叫3碟野都食唔晒，仲要打包添~食飽飽之後，家姐打黎話想打牌，於是我地就去左elsa屋企，一共8個人，剛剛好開兩檯，好似去左麻雀館咁~

>>August 5, 2006 at 1:04:10 PM GMT+8

2006 年 7 月 20 日 星期四 【乍雨乍晴】

阿拔今晚要返工，我黎左咁耐佢第一次陪唔到我，所以佢叫左elsa佢地陪我!!elsa and connie帶左我去box hill食<大台北>，之後去左safeway買野，夜晚去elsa屋企煮飯食!!阿拔11點放工過黎，我地又一齊打牌~~~

>>August 5, 2006 at 1:03:33 PM GMT+8

2006 年 7 月 19 日 星期三 【乍雨乍晴】

今朝又係早起，因為約左zuki, maggie, justin and his gf去騎馬!今次係我第一次騎馬，原本以為係會有個人拉住我隻馬黎行，點知原來係自己騎既，仲要係行入森林，真係比我想像中刺激好多，起初上馬果陣都有D驚，不過騎騎下就覺得好好玩，尤其係當隻馬奔跑果陣!!!我地同左兩個鐘時間上到山頂，果度望落去既風景好靚，我地影左好多相，休息一陣就起程落山喇~全程一共騎左4個鐘，坐到我個pat pat勁痛，原來騎馬真係好累架!!!之後我地出返box hill食野，食飽就join elsa, connie and grace準備夜晚打邊爐既野!!跟住又係我地既例牌節目---打牌!!!

P.S.今晚elsa同connie都好開心，因為.........哈哈~~~

>>August 5, 2006 at 1:02:59 PM GMT+8

2006 年 7 月 18 日 星期二 【乍雨乍晴】

今朝8點幾起身，因為要去great ocean road!!!我地食完早餐，等埋justin and his gf就出發喇!!!果度離melbourne都幾遠，要渣成4個鐘頭車先到，沿途經過geelong，入左去deakin個campus睇，阿拔10月將會o係果度行畢業禮，我真係好想去，好想好想.........我地又去左wool museum，睇下D羊仔點俾人剃毛!跟住我地就o係海邊野餐，一邊食三文治一邊餵白鴿，好外國既生活~~食飽就繼續我地既旅程，我地沿路好好彩咁見到鯨魚同樹熊，3個鐘之後終於到達目的地!!!去到睇twelve apostles，其實只係一D石頭，冇乜特別，再加上佢o係海邊，又凍又大風，所以我地拿拿臨睇完就衝上車喇!!!返到melbourne已經10點，超級肚餓，我地去左glen waveley既<金龍>食宵夜!!!今日阿拔好辛苦，佢渣左成日車，我地可以o係車度訓，但佢就全程都冇得訓，見到佢真係好累，我都好心痛!!!

>>August 5, 2006 at 1:02:30 PM GMT+8

2006 年 7 月 17 日 星期一 【乍雨乍晴】

又係訓到下晝，阿拔煮米粉俾我食，我地兩個煲左一陣<本草藥王>，夜晚約左connie & zuki食經濟既日本野!!!之後又去左crown，入左casino玩，我地例牌走去玩大細，結果輸左$10，之後我地見到有一檯係同個莊玩鬥大既，阿拔睇左好耐都唔捨得走，哈哈......結果我地換左$50籌碼玩!!不過贏左$30之後我就即刻拉左佢走喇，因為真係好"驚s"(要加's')囉，賺錢好辛苦架嘛~跟住我地又去左玩snooker，好好玩!!!

>>August 5, 2006 at 1:02:01 PM GMT+8

2006 年 7 月 16 日 星期日 【乍雨乍晴】

今日中午約左人去box hill既<富龍>飲茶，因為係星期日既關係，所以迫滿晒人，等左好耐先有位，不過我都係覺得香港既點心好食D~phyllis個BB真係好得意呀，佢好鬼為食架，俾D咩佢都食，但又唔肥喎，阿拔好鍾意同佢玩!!!飲完茶之後就出city行，因為今日有sunday saver，所以我地決定搭train出去!!!melbourne既train係要自己開門架，好有趣呢~之後我地就搭city cycle圍繞city一週，唔駛錢既，中途仲撞到justin & his gf，我地join埋一齊玩，本來諗住去victoria market睇下，點知closed左!!之後我地就搭tram去lygon street食italian food + ice-cream，果度周圍都係食意大利野!!!跟住我地去crown行左一陣，睇左噴火，不過就冇賭錢!!!

>>August 5, 2006 at 1:01:31 PM GMT+8

2006 年 7 月 15 日 星期六 【乍雨乍晴】

一起身已經係下午3點，我地去左springvale食越南粉，食到好飽!!!之後就即刻衝去街市買野，因為呢度D街市係收5點，好彩我地趕得切，買完野就去shereen屋企打邊爐!!!大家食飽之後就急不及待開檯喇，一直打到凌晨4點先走!!!

>>August 5, 2006 at 1:01:03 PM GMT+8

2006 年 7 月 14 日 星期五 【乍雨乍晴】

7月13日夜晚六點半o係香港上機，搭左3個幾鐘去到新加坡機場轉機，等左兩個鐘，再搭多7個幾鐘，7月14日朝早9點終於到達melbourne喇!!!我第一時間落機走去排隊過關，等左好耐呀，跟住仲要check行李，所有野加埋足足搞左一個鐘!!!無論去到邊個國家，我都覺得香港既工作效率係好高架!!!

一出閘就見到阿拔，超級開心呀!!!4個月冇見，大隻左??哈哈~~~跟住就見到佢架車車，我終於可以做到佢既乘客，開心到唔識點形容，o係香港就好難有呢個機會lu~我o係melbourne既第一餐係食意大利野，間餐廳叫COLOMBOS，果度D意大利飯好好味架!!!食完之後就返屋企訓一陣，因為實在太累喇，o係飛機上面完全訓唔到!夜晚出左city既江戶屋食日本野，原來生牛肉係好好食架，連唔食生野既我都愛上左佢，哈哈!!!食完之後車connie媽咪去機場，跟住再去elsa屋企玩，阿拔整lemon lime bitter俾我飲，好正架!!!melbourne好凍呀，平均都係10度以下，有D唔慣呢~

>>August 5, 2006 at 1:00:21 PM GMT+8